45	GEN 2:14	Un fanga tilu la, ngala Tigris. Fanga ni daid toon, deng dale Asyur halin leol-saken. Un fanga aat ta, ngala Efrat.
98	GEN 4:18	Hidim Henok ana ka ngala Irad. Irad ana ka, Mehuyael. Mehuyael ana ka, Metusael. Nol Metusael ana ka, Lamek.
242	GEN 10:7	Kus in hua-koet tas, Seba, Hawila, Sabta, Raema nol Sabteka. Raema in hua-koet tas, Syeba nol Dedan.
246	GEN 10:11	Deng na, un kuasa taplaeng Asyur. Hidi kon un bangun-pii kota Niniwe, Rehobot-Ir, Kala,
257	GEN 10:22	Sem in hua-koet tas, mo Elam, Asyur, Arpaksad, Lud nol Aram.
263	GEN 10:28	Obal, Abimael, Syeba,
338	GEN 14:1	Dedeng na, lahi at aat nakbua. Nas: Amrafel, laih dale Sinear. Ariok, laih dale Elasar. Kedarlaomer, laih dale Elam. Nol Tideal, laih dale Goyim.
342	GEN 14:5	Oras le taam laok el taun hngul aat ta ka, laih Kedarlaomer nol un tapans laih tilu las maas nol oen soldadu las. Oen hote-dati le tao tehen ingu-dale tenga. Nas: atuil Refaim se dale Asterot-Karnaim, atuil Susim se dale Ham, atuil Emim se dale Sawe-Kiryataim,
497	GEN 20:1	Hidi nam, Abraham lako seda se Mamre, ne dale Negeb halin loet-ahen na le daad se iung Kades nol iung Syur hlala ka. Mo nesang lo kon, un lako seda pait se iung Gerar.
528	GEN 21:14	Ola oskaong mitang bii kon, Abraham mana bel Hagar ngae in kaa se lalan, nol tai bel un ana ka ui botor mes se un adu ka. Hidim un sao bihatang na nol ana Ismael le oen duas bok lakos deng maan na. Kon nam oen duas laok papmes epe in dani nol Beer Syeba ka.
545	GEN 21:31	Undeng oen duas nikit in hida se na son, tiata oen ngali maan na Beer Syeba. Un nahin na noan, ‘Ui in hida’.
547	GEN 21:33	Hidi nam, Abraham mul kai tamareska mes se Beer Syeba. Kilan deng dedeng na, kai ina na daid taad bel Abraham, le se maan na un todan-lahing AMA LAMTUA man in Nuli Hidi Nutus Taan lo ka.
549	GEN 22:1	Nesang isi lo kon, Ama Lamtua sukat naan Abraham, le un hii-ming se Ama Lamtua tam lo ka. Ama Lamtua haman un noan, “Abraham!” Kon un siut noan, “Iya Lamtua.”
567	GEN 22:19	Hidi nam, Abraham nol un ana Isak nius pait lakos se un ata kas duas, le oen leo-leo pait lakos Beer Syeba. Kon Abraham daad se ua.
573	GEN 23:1	Sara mate kam un umur ra taun ngatus buk dua beas itu. Dedeng un le mate ka, Abraham daad se iung Kiryat-Arba (Hebron), se dale Kanaꞌan. Abraham lilu muun isi nol melang, le kamusang un sapa ka in mate ka.
662	GEN 25:3	Yoksan anan nas, Seba nol Dedan. Dedan in hitu-hoen nas mo atuil Asyur, atuil Letus, nol atuil Leum mas.
672	GEN 25:13	Ismael anan nas biklobe at hngul dua. Oen ngalan nas mudi-muid apa deng aan hmunan lako pes aan hmudin, elia: Nebayot, Kedar, Adbeel, Mibsam, Misma, Duma, Masa, Hadad, Tema, Yetur, Nafis nol Kedma. Aan nas daid upu kia-kaons deng bangsa hngul dua, mesa-mesam nonool un nusa. Oen ngali nusang nas ngalan nas, mesa-mesam muid oen upu kia-kaon nas ngalan nas.
677	GEN 25:18	Mo un in hua-koet tas mus nol apa, mes nol mesa. Hidim oen daad holhising, ninin deng Hawila lako pes Syur, man toon nol Mesir napiut lako pes se Asyur ra.
716	GEN 26:23	Deng na, kon Isak noan le bok pait lakos daad se Beer Syeba.
726	GEN 26:33	Kon nam, Isak ngali ui in kali na Syeba, man nahin na noan ‘sumpa’. Tiata oen ngali kota na ngala Beer Syeba, maa pes leol neot nia.
783	GEN 28:9	Tiata Esau lako se ama tuan Ismael lua, hidim un saap pait Ismael ana ka, ngala Mahalat. Mahalat na mo, Nebayot palin bihata.
784	GEN 28:10	Hidi kon Yakob nang soleng Beer Syeba, le lako el Haran.
1030	GEN 35:18	Nikit Rahel hngasa ka mana le nutus kon, un ngali tana-ana na, Ben-Oni man nahin na noan, ‘aan deng auk in susa ka’. Hidi na kon un mate. Mo Yakob ngali tana-ana naBenyamin, (man nahin na noan ‘aan ima kanan’).
1036	GEN 35:24	Rahel anan nas: Yusuf nol Benyamin.
1044	GEN 36:3	Esau kon saap nol Ismael ana bihata la, ngala Basmat. Basmat blanen hmunan na ngala Nebayot.
1051	GEN 36:10	Esau sapa Ada ana bikloeb in ngaal Elifas sa haup ana biklobe at lima, oen ngalan nas elia: Teman, Omar, Sefo, Gatam nol Kenas. Elifas bee hmudin na, ngala Timna. Un hua ana biklobe mesa, ngala Amalek. Esau sapa Basmat hua ana biklobe mesa, ngala Rehuel. Rehuel haup ana biklobe at aat. Oen ngalan nas elia: Nahat, Sera, Syama nol Misa.
1058	GEN 36:17	Esau ana Rehuel anan nas, daid kaka-aam deng ngaal Nahat, ngaal Sera, ngaal Syama, nol deng ngaal Misa. Oen totoang nam, Esau nol un sapa Basmat in hua-koet.
1065	GEN 36:24	Sibeon anan nas, Aya nol Anah. Anah man laok net ui mata in otot ta se epe hlaen mesa, se dedeng un in lolo-poa un ama ka keledai las sa.
1257	GEN 42:4	Mo Yakob dai bel Yusuf palin hmudin Benyamin, le laok baab lo. Lole un nangan noan, “Tamlom mo tana-ana na laok kon un tutnaal in daat pait ta.”
1289	GEN 42:36	Hidi nam, Yakob aa nolas noan, “Mi niam tao ilang auk anang ngias tukun. Yusuf ase son. Hidim Simeon kon ela. Halas ni mi kon le kil nol Benyamin lako lolen? Mi le tao sus auk baktetebes!”
1290	GEN 42:37	Kon Ruben aa nol un ama ka noan, “Papa! Sao Benyamin bel au. Ta auk man lepa-halan nia. Auk hida, le auk nolan pait maa bel papa. Mo etan lo kam, nang le paap keo tele auk anang bikloeb at dua las.”
1291	GEN 42:38	Mo Yakob aa pait noan, “Boel ela deken! Mi boel kil nol Benyamin laok lo. Ta un kaka Yusuf mate son. Halas ni liis un sii son. Eta un kon tom in daat se lalan hlala kam, mi tao sus taplaeng au, le auk bong ngi iil didiin auk mateng, le tamang bolo dalen.”
1294	GEN 43:3	Mo Yahuda siut noan, “Papa! Lelon na, lahing Mesir ra ima kanan na hid muun nol kaim son noan, kaim boel laok tulu silan se un lo, eta kaim nol paap ana hmudin Benyamin lo.
1295	GEN 43:4	Tiata paap musti sao adi Benyamin, le lako leo-leo nol kami. Halas-sam kaim tade, le laok sos in kaa bel papa.
1296	GEN 43:5	Mo eta paap sao adi Benyamin le laok baab lo kam, kaim kon laok lo. Ta atuling Mesir ra tek ela son nam.”
1299	GEN 43:8	Kon Yahuda aa taplaeng pait noan, “Papa! Sao adi Benyamin le nol kaim lako. Auk hida, le eta daid saa nol una lam, nang le auk man lepa-halan nia. Eta auk nol pait un maa kukuli se papa li lo kam, nang le paap sakeng bel auk kula-sala ka, didiin auk mateng. Tiata paap sao un bel kaim tuun tia, ta kaim le laok son nia. Banan dui ka kaim laok nol lalaba tia, le halin muik in mate undeng hmatu deken.
1305	GEN 43:14	Auk nodan-nodan le Ama Lamtua Allah man Kuasa Muun Dudui ka, tao lahing Mesir ra ima kanan na, le un namnau mia. Halin nam un tade le bel pait Benyamin nol Simeon, le mi pait maam leo-leo. Mo eta noan auk anang ngias musti ilang ngam, nang le auk man lepa-haal in susa-daat ni napiut tuun tia.”
1306	GEN 43:15	Hidi nam, oen lakos mana nakbua sa-saa in kil beleng nas nol duit tas, le bok lakos Mesir. Oen kon kil nol Benyamin. Lako lius se luas kon, oen lakos ngada se Yusuf fua.
1307	GEN 43:16	Nikit Yusuf ngat net Benyamin nol un kakan nas kon, un lok tulu in mana-koet ta noan, “Hoe! Nol atuil nias lakos auk uma lua! Hidi kam ku laok keo aus-sapi mesa, le hosan fala babanan. Ta hidim auk kaa leol-ditun ni leo-leo nol one.”
1320	GEN 43:29	Hidi na kon, Yusuf ngat papmesas, ti un ngat net un palin Benyamin. Oen duas nam ina-aman mesa. Kon un tek noan “Eee! Mi palin man hmunan nu mi in dehet son na, nia ke?” Hidim un aa nol Benyamin noan, “Pail ana! Auk nodan-nodan le Ama Lamtua Allah bel hangun mamamo se ku.”
1321	GEN 43:30	Yusuf namnau Benyamin naseke, ta nikit un ngat net Benyamin kon, un tahang nal un dalen lo son. Kon un lalaba haung boka nang soleng one, le taam lako se un kamar ra. Hidim un lilu le nang-hkidun se kamar na.
1325	GEN 43:34	Hidim Yusuf lok un ima-ii las, le oen kat bel un pali-kakan nas in kaa deng un mija la. Oen totoang in simu ka, mamon na tatai. Mo oen tao bel Benyamin nenang nga mamo dui oe lima, deng un kakan nas nena las. Hidi nam oen totoang kaa-niun didiin silis.
1337	GEN 44:12	Hidi kon, tulu in mana-koet ta, presa-tinang oen karong ngas totoang, kilan deng kaak hmunan na karong nga, maa lako lius se pail hmudin na nenang nga. Kon nam un haup klas lil-muti ka se Benyamin karong nga.
1338	GEN 44:13	Ngat net ela kon, Benyamin kakan nas dalen dudus. Hidi nam oen nikit sakeng oen karong ngas laok se oen keledai las dapa, le hobalin pait lakos kota la.
1355	GEN 44:30	Tiata tuang! Eta auk pait lakong se kaim aman nua, mo nol pait kaim palin hmudin ni lo kam, taon elola ko kaim aman na mate son na. Lole un namnau ana ki muun isi, un dalen na napin nol adi Benyamin. Nol un kon blalan isi son, tiata eta kaim tao sus taplaeng una lam, taon elola ko un mate son na.
1371	GEN 45:12	Yusuf tekas hidi ela kon, un aa pait noan, “Halas-sam mi net nol matan esan son, ta lo? Adi Benyamin, auk niam baktebes Yusuf.
1373	GEN 45:14	Hidim un neok un palin Benyamin, le oen duas lilu.
1381	GEN 45:22	Yusuf kon bel oen at mesam kaod balu apa mesa. Mo un bel Benyamin duit muti ngatus tilu, nol kaod balu apa lima.
1389	GEN 46:2	Duman mesan na kon un natloa. Se in natloa na dalen, un ming Ama Lamtua Allah haman un noan, “Hoe Yakob! Ku haung le hii napat se Auk le!” Kon un siut noan, “Iya Lamtua, elola?”
1400	GEN 46:13	Isaskar nol un anan nas: Tola, Pua, Ayub nol Simron.
1406	GEN 46:19	Hidi nam muik pait deng Yakob sapa Rahel. Un hua ana at dua: Yusuf nol Benyamin.
1408	GEN 46:21	Benyamin kon muid le lako Mesir leo-leo nol un anan nas: Bela, Beker, Asibel, Gera, Naaman, Ehi, Ros, Mupim, Hupim nol Ared.
1501	GEN 49:27	Benyamin! Ku in brani ka, banansila el ngot huin in lubu ka. Ohkaong bii kon, un nulut le daek hmukit taung un in kaa son. Eta duman nam, un laok bating in kaa lisin nas bel un anan nas. Ku in hua-koet tas kon muun banansila ela!”
23219	MAT 1:6	Isai hua Daud, Ninin deng laih Daud lako pes bangsa Israel las tom in soleng lakos se Babilon na ka, bataꞌ hngul aat pait, elia: Daud hua Salomo (Salomo ina ka, hmunan nu Uria sapa) Salomo hua Rehabeam, Rehabeam hua Abia, Abia hua Asaf, Asaf hua Yosafat, Yosafat hua Yoram, Yoram hua Usia, Usia hua Yotam, Yotam hua Ahas, Ahas hua Heskia, Heskia hua Manase, Manase hua Amos, Amos hua Yosias, Yosias hua Yekonya nol un palin nas se dedeng oen tom in soleng lakos se Babel la.
23225	MAT 1:12	Dedeng oen tom in soleng lakos se Babel maa pes Yesus sa, muik bataꞌ hngul aat pait, elia: Yekonya hua Selatiel, Selatiel hua Serubabel, Serubabel hua Abihut, Abihut hua Elyakim, Elyakim hua Asor, Asor hua Sadok, Sadok hua Akim, Akim hua Eliut, Eliut hua Eliasar, Eliasar hua Matan, Matan hua Yakob, hidim Yakob hua Yusuf. Yusuf saap nol Maria. Maria man hua Yesus Kristus.
23235	MAT 1:22	Dais ni mam daid ela, undeng Ama Lamtua Allah tek meman son deng lolo hmunan nua. Un pake mee-baah Yesaya la, le dul noan,
23249	MAT 2:11	Kon oen taam lakos se maan na. Se na, oen net Tana-ana ka nol Un ina, Maria. Ta oen hai bukun nas le todan-lahing se Una. Hidim oen bok oen sa-saa in kila man osa isi nas, le bel Tana-ana ka. Oen belen lil-mea, kemenyan, nol kai bui bingis uin.
23264	MAT 3:3	Hmunan nu Ama Lamtua Allah mee-baha mesa, ngala Yesaya dul meman son deng Yuhanis elia, “Mam muik atuli mes haman-haman se maan atuli in aseꞌ le tek noan, ‘Totoang atuli li mana-mana le daek babanan lalan na, halin sium Ama Lamtua Allah in maa kia! Tao titu lalan na taung Una!’”
23292	MAT 4:14	Nini ela, Un tao muid Ama Lamtua Allah mee-baah Yesaya la in dul meman son noan,
23340	MAT 5:37	Tiata eta mi nikit in hida noan, iya lam, tek tuun noan ‘Iya’. Mo eta lo kam, tek tuun noan ‘Loo’. Ta eta mi tek dui deng na nini in sumpa bili-ngala kam, na maa deng uikjale kas son na.”
23431	MAT 8:17	Un tao nias totoang, le daid muid asa man hmunan nu Ama Lamtua Allah mee-baah Yesaya la in dul meman son noan, “Un tao banan kit ili las. Nol Un lepa-haal bel kit in susa-daat tas.”
23532	MAT 11:4	Ming ela kon, Yesus siut noan, “Mi ming nol net esan son. Tiata mi pait le laok tek kaka Yuhanis noan, totoang daid muid asa man Ama Lamtua Allah mee-baah Yesaya la in dul meman son noan:
23575	MAT 12:17	Un in tao ela ka, muid asa man Ama Lamtua Allah in tek, Un mee-baah Yesaya la meman son noan,
23622	MAT 13:14	Oen nam banansila el Ama Lamtua Allah mee-baah Yesaya la in dul son noan, ‘Mam mi ming, mo mi dai nangan tanan lo. Mam mi neta, mo mi dai taan asa man in daid son na lo.
23709	MAT 15:7	Undeng na le, apin Auk tek mi son noan, mi tao apan nas banansila el atuil banan na, molota mi daat isi! Na tom nol asa man Ama Lamtua mee-baah Yesaya la in dul meman son deng mi lolo hmunan nua ka! Ta Ama Lamtua pake un le dul noan,
24126	MAT 26:3	Leol na, tulu agama Yahudi las tene-tenen nas, nol blala-blalan hadat tas nakbua se Kayafas uma. Kayafas na mo, tuang tene deng tulu agama Yahudi las.
24180	MAT 26:57	Hidi na kon, atuil in daek Yesus sas kil nol Un lako se tulu agama Yahudi las tuang tene Kayafas uma, undeng atuil tene-tene kas nakbua se las son. Nas tene-tene agama Yahudi las, guru-guru agama las, nol blalan-blalan hadat tas.
24286	MRK 1:2	Yesus daek Un osa la lo bii kam, Ama Lamtua Allah nutus atuli mesa, ngala Yuhanis. Yuhanis musti lako le sai lalan bel Yesus in maa ka. Hmunan nua, Ama Lamtua Allah pake Un mee-baha mesa, ngala Yesaya, le dul meman son elia: “Hii ke! Auk tadu Auk atulin mesa, le lako sai lalan bel Ku.
24538	MRK 7:6	Mo Yesus situs noan, “Mi niam meman atuil man aa kam kisa, mo dake lam kisa! Lolo hmunan nu upung Yesaya dul meman son deng Ama Lamtua Allah in teka ka, noan, ‘Muik atuli in naka Au, suma baha ka sii, mo dalen na lo. Oen tao ela kon parsum tukun. Oen hosek nol Auk in koma ka lo, mo oen suma muid atuli in koma tuun.’ Mi banansila ela kon.
25095	LUK 3:1	Dedeng na Tiberius daid kaiser le kil bandu se Roma taun hngul lima son. Pontius Pilatus daid gubernur se propinsi Yudea. Herodes daid gubernur se propinsi Galilea. Herodes kaka Filipus, daid gubernur se propinsi Iturea nol propinsi Trakonitis. Nol Lisanias daid gubernur se propinsi Abilene. Hanas nol Kayafas kon daid tuang tene deng tulu agama Yahudi las se kota Yerusalem. Lam oras na, Yuhanis, Sakarias ana ka, daad se maan in ete tuun katang nol ingu las. Se na, Ama Lamtua Allah bel Un in hida ngas se Yuhanis.
25098	LUK 3:4	Hmunan nu, Ama Lamtua mee-baah Yesaya ka dul son deng Yuhanis noan, “Muik atuli mes ne maan in muik atuil lo haman tek mumuun noan, ‘Totoang atuli li mana-mana le daek babanan lalan na, halin sium Ama Lamtua in maa kia! Tao titu lalan na le sodo-sium Una.
25124	LUK 3:30	Lewi ama ka ngala, Simeon. Simeon ama ka ngala, Yahuda. Yahuda ama ka ngala, Yusuf. Yusuf ama ka ngala, Yonam. Yonam ama ka ngala, Elyakim.
25125	LUK 3:31	Elyakim ama ka ngala, Melea. Melea ama ka ngala, Mena. Mena ama ka ngala, Matata. Matata ama ka ngala, Natan. Natan ama ka ngala, Daud.
25149	LUK 4:17	Kon oen doong belen upung Yesaya in dula ka. Ta Un bokan le nuting bango, hidim les elia,
25286	LUK 7:22	Hidim Yesus tek Yuhanis ima-ii las noan, “Mi pait lakom le tek kaka Yuhanis deng totoang asa man mi in ming son, nol net esan son nas, banansila el Ama Lamtua Allah mee-baah Yesaya la in dul noan, ‘Atuil tedo kas, haup in neta pait. Atuil in hlukut-kait tas, laok nala. Atuil in iil baih-bluku ngas, daid banan. Atuil kiu kas, ming pait. Atuil in mate ngas, nulis pait. Atuil kasiang ngas, ming haup Dehet Banan na.’
25970	LUK 22:37	Ta atuil Yahudi las bali Auk el atuil daat ta. Hidim nesang lo ka kam, oen maas daek Au. Na tom nol asa man upung Yesaya in dul meman son noan: ‘Oen tao Un tuladang el atuil daat ta!’”
26136	JHN 1:23	Kon nam un aa muid asa man upung Yesaya in dul son noan, “Auk niam atuling man in aa niin mumuun se epe in ete tuun nuas, le tek noan, ‘Totoang atuli li mana-koet lalan na babanan, le sodo-sium Ama Lamtua in maa kia! Tao titu lalan na le sium Una.’”
26619	JHN 11:27	Marta siut noan, “Iya Tuang! Auk parsai noan, Tuang niam mo Kristus, na Atuling man Ama Lamtua Allah tulu meman son deng lolo hmunan nua ka. Nol Tuang niam mo, Ama Lamtua Ana, man Un hid son le belen maa se apan-kloma kia ka.”
26641	JHN 11:49	Taun na Kayafas man daid tulu agama, man lapa dui deng tulu agama tenga las. Un aa noan, “Ngengom me! Mi taan saa lo!
26643	JHN 11:51	Kayafas in aa na muid un in koma ka esa tuun lo. Ta Ama Lamtua nini un baha ka, lole un man daid tulu agama in lapa dudui se taun na. Undeng na, Kayafas tek meman noan, mam Yesus mate le temang totoang atuil Yahudi lia.
26645	JHN 11:53	Undeng Kayafas in aa ela ka, tiata kilan deng oras na, tene-tene deng atuil Yahudi las nuting lalan baktetebes halin nam keo tele Yesus.
26687	JHN 12:38	Na banansila el Ama Lamtua mee-baah Yesaya la in tek son noan, “Tuang nge! Muik atuli parsai kaim in aa ngias lo! Ta Tuang tulu Tuang in kuasa ka son kon no, atuli las ngat no-nole lo kon!”
26688	JHN 12:39	Undeng na, le halas ni atuil Yahudi tenga las parsai nal se Ama Lamtua lo, banansila el Yesaya in dula mes didang pait, man noan,
26690	JHN 12:41	Yesaya aa ela, undeng un net Yesus in uhu ka son, tiata un kon dehet meman deng Yesus.
26867	JHN 18:13	Hidim oen kil nol Un lako se Hanas su muna. Hanas nam mo at mes deng tulu agama Yahudi las. Un ana bihata la saap nol Kayafas. Taun na Kayafas daid tulu agama Yahudi man lapa dudui.
26868	JHN 18:14	Kayafas nia, man tui-tek atuil Yahudi las tene-tenen nas noan, “In banan dui bel mia ka, etan suma muik atuli mes sii, man mate taung atuli li totoang.”
26878	JHN 18:24	Hidi na kon, Hanas tadu oen le kil nol Un lako se Kayafas sua, man daid tuang tene in lapa dui deng tulu agama Yahudi las. Oras oen nol Un lako ka, oen butun nabale.
26882	JHN 18:28	Ola ka, oskaong bii kon, oen kil nol Yesus deng Kayafas sa lako se gubernur ra um in dada ka, ne tentara Roma las benteng nga. Muid atuil Yahudi las sam, oen boel taam laok se atuil Roma las mana la lo, ta lo kam oen daid hmomos, le kaa baab se fesat Paska la lo.
27097	ACT 4:6	Nol tulu tene deng agama Yahudi la kon, baab se na. Un ngala ka Hanas. Atuil tene tenga las, el Kayafas, Yuhanis, Aleksander, nol Hanas pail-kakan tenga las kon, baab se na.
27272	ACT 8:27	Ming in loka na kon, Filipus haung boka meman. Se un lalan in lako ka, un net atuli mesa. Atuling na, atuil tene deng negara Etiopia. Un man urus totoang ina laih Kandake hmuki-nalan nas. Un halas-sam muid in kohe-kanas se Yerusalem, ta un pait lako nini kereta. Filipus ngat netan nam un daad le les se kereta la dalen. Un les deng Ama Lamtua Allah mee-baah Yesaya buku la.
27275	ACT 8:30	Nikit un lako dadani kon, un ming haup atuling na les deng upung Yesaya buku la. Kon un keket noan, “Ama! Ama taan asa man ama in les na, tam lo ka?”
27279	ACT 8:34	Les hidi ela kon atuling tene na keket Filipus noan, “Elola la? Upung Yesaya dehet ta tom nol un apa ka, tamlom tom nol atuil didang nga?”
27280	ACT 8:35	Kon Filipus mulai dehet deng Yesaya in dula apin na, le tui blalan na deng Lamtua Yesus Dehet Dais Banan na.
27295	ACT 9:10	Se kota na, muik Lamtua Yesus atulin mesa, ngala Ananias. Ama Lamtua maa tulu-balang apa ka bel una, banansila el in natloa, hidim haman un noan, “Ananias!” Kon Ananias siut noan, “Iya Lamtua!”
27452	ACT 13:21	Dedeng Samuel daid Ama Lamtua mee-baha ka, kit upu kia-kaon nas in koma ka le muik lahi mesa. Ta Ama Lamtua nikit Kis ana ka, ngala Saul, deng ngaal Benyamin. Saul kil prenta lako pes taun buk aat,
27478	ACT 13:47	Ta Ama Lamtua Allah nutus hidi kaim son, banansila el Yesaya in dul noan, ‘Auk nikit mi son le daid banansila el obor ra, le kil langa ka bel bangsa-bangsa didang, man bangsa Yahudi lo ngas, le halin nam mi laang beles lalan in maa bus el Au lia ka, nini ela lam, Auk sas-sao oen deng oen in kula-sala ngas. Nol mi kon musti tulu bel lalan na se papmes apan-kloma kia.’”
27638	ACT 18:12	Dedeng na, oen nikit atuling mes le daid gubernur se propinsi Akaya, ngala Galio. Kon nam muik atuil Yahudi at ila lo, koo mes le pel nol Paulus lako se gubernur na.