60	GEN 3:4	Mo ula la siut noan, “Hoe, na tom lo! Mi matem lo!
89	GEN 4:9	Hidi kon AMA LAMTUA ketan Kain noan, “Hoe Kain! Ku palim ma ne ola ka?” Kain siut noan, “Eh, un ne ola kam, auk tanan lo! Bali le auk niam kil un iin na le!”
317	GEN 12:18	Hidi kon lahing nga haman Abram le tekan noan, “Abram, ku tao saa in tao nia la? Amo tasao le ku tek tuun lo noan, bihatang ni ku sapam mia?
363	GEN 15:2	Mo Abram siut noan, “Eee, Ama Lamtua Allah. Ama Lamtua bel auk mamo nas ela kon no, muik nahin saa lo. Ta auk muik aan le halin pesang bel auk in hua-koet tas lo. Tiata kom le haup pusaak mamo taung in tao saa ka? Bole-bole lam, auk ata in dake Eliasar deng Damsik man haup totoang.”
416	GEN 17:18	Kon un tek Ama Lamtua noan, “Lamtua, nang le Ismael man haup auk pusakan nias tuun tia kon, sa-saa lo.”
457	GEN 18:32	Kon in puis sa, Abraham ketan noan, “Ama, Auk keket bubuit oe mes pait, mo komali nol auk deken. Elola etan noan haup atuil banan at hngul siis sa?” Kon Un siut noan, “Eta Auk haup atuil banan at hngul se na lam, Auk tao didaan kota na lo.”
479	GEN 19:21	Kon un siut noan, “Elam, laok tia! Ta mam auk tao didaan iung na lo.
648	GEN 24:56	Mo ata na siut noan, “Eee, tahang auk deken! Ta AMA LAMTUA tulung auk son, didiin auk tutnaal auk tuang muda ka sapa ka son. Tiata mamas sao kaim tuun tia, le halin kaim pait lakom le lapur kaim tuang ngu napat le.”
746	GEN 27:18	Kon nam, Yakob kil nol in kaa na laok bel un ama ka. Un tekan noan, “Papa! Auk maang son nian!” Kon Isak siut noan, “Hoe, ku niam asii la?”
804	GEN 29:8	Mo oen kaen noan, “Inah, boel ela lo! Kaim musti natang atuil in lolo-poa ngas maas totoang nol oen hmukit tas nakbua se nia, halas-sam kaim pekot nodat batu lia, le ninung hmukit tias.”
810	GEN 29:14	Kon Laban siut noan, “Baktebes, meman kit duat niam balu lo!” Dedeng Yakob daad nol un bakin Laban lius bulan mes son kon,
938	GEN 32:10	Hidi nam Yakob kohe-kanas noan, “Eee, Ama Lamtua Allah! Lamtua man auk upung Abraham nol auk amang Isak in todan-lahing. Ming auk le! Lelon na, Ama Lamtua man tadu auk le pait maang se auk nenan nias, se dale nia. Ama Lamtua man hid noan mam Lamtua tao titu bel aus totoang.
976	GEN 33:15	Kon nam Esau aa pait noan, “Eta ela lam, auk nang auk ima-ii lias deeh le nol ku, halin oen tulu bel mi lalan.” Mo Yakob tekan noan, “Kaka, kukaum deken! Sadi auk taan son noan kaka sium au.”
1100	GEN 37:16	Yusuf situn noan, “Baki, auk nuting auk kakang ngias. Oen poa laen nol lae-blai le nuting bluan dadani ne nia. Baki net one le?”
1110	GEN 37:26	Kon nam Yahuda tek un pail-kakan nas noan, “Hoe, kit keo tele una lam ambak ki saa la? Taon elola kon, kit buni nal in un mate ki lo.
1318	GEN 43:27	Kon Yusuf ketan oen noan, “Elola, mi totoang bana-banan ne? Elol nol mi aman man in blalan son na, un kon bana-banan tam lo ka?”
23260	MAT 2:22	Mo nikit un ming haup noan laih Herodes ana Arkalaus daid laih lolen son ne propinsi Yudea kon, un lii in pait lako Yudea. Hidim Ama Lamtua Allah lekan se in natloa oe mes pait noan, “Yusuf, lako daad se Yudea deken.” Undeng na le, un lako daad se propinsi Galilea,
23297	MAT 4:19	Kon Yesus haman oen noan, “Maa, le muid Au! Taom mi nuting ikan, mo Auk le tui mi halin daid atuil in nuting hmangi.”
23440	MAT 8:26	Kon Yesus situs noan, “Hoe, tasao le mi lii isi kia!? Mi parsai Auk lo ke?” Hidim Un hangu dili, le kaing angin na, nol len na noan, “Tenem tia!” Kon nam, len na nol angin na, ete meman.
23441	MAT 8:27	Ti Yesus ima-ii las herang. Oen tek apa noan, “Huih, Un niam asii le? Taon elol le Un kaing angin ni nol len nia lam, daid muid Un in koma ka lia?”
23607	MAT 12:49	Hidim Un tulu laok se atuli-atuil in muid Una ngas, le tekas elia, “Ngat, ta oen niam man Auk inang nga nol Auk pail-kakang ngas.
23684	MAT 14:18	Mo Yesus tekas noan, “Hao, banan son na. Nolas maa se nia!”
23725	MAT 15:23	Mo Yesus ete tuun, siut saa lo. Kon Un ima-ii las maa tekan noan, “Papa, blalan bihatang ni taan in koor-taen sii. Banan dui ka Paap tadu un lako deng maan ni tuun tia!”
23758	MAT 16:17	Kon Yesus tekan noan, “Simun, Yunus ana! Ku niam ulat! Ta atuli li man tek ku dais na lo. Molam Auk Amang in ne sorga ku, man tek ku dais na.
23763	MAT 16:22	Yesus tek ela kon, Petrus pel bian Un deng na le kaing noan, “Papa, aa ela deken! Taon elola ko Ama Lamtua Allah nang ela tuun lo!”
23794	MAT 17:25	Kon Petrus siut noan, “Aeh, baen!” Mo Petrus pait maa lius uma, le un tek Yesus lo bii kam, Yesus aa muna son noan, “Simun, olan ku nangan ne. Lahi-laih in ne apan-kloma ki ngias, sium bea deng asii la? Deng oen anan nas esan, tamlom deng atuil didang nga?”
23817	MAT 18:21	Hidi na kon, Petrus maa ketan Yesus noan, “Tuang, auk le keket bubuit. Eta auk pail-kakang in parsai mes tao kula auk oe-oe kam, auk musti bel ampong un oe ila la? Oe itu le?”
23852	MAT 19:21	Ming ela kon Yesus tek noan, “Elam, eta ku le muid Ama Lamtua in koma ngas totoang ngam, pait le laok hee nuli ku hmuki-nalan nas totoang. Hidim laok bating un duit ta, bel atuil kasiang ngas. Halas-sam ku pait maa le muid Au. Ta mam Ama Lamtua Allah bel seda ku hmuki-nala mamo-mamo se sorga.”
23911	MAT 21:16	Kon oen tek Yesus noan, “Hoeh! Ku ming tana-anang nas in nakaa ka tam? Na tom lo tetetas!” Mo Yesus siut oen noan, “Hao, Auk ming. Mo tasao ka? Mi les net se Buk Niu ka deng tana-ana ngas in naka Ama Lamtua Allah ka lo bii ke? Ta muik dulan ne na noan, ‘Ama Lamtua Allah tui tana-ana mea, nol tana-ana blutu kas meman son, le oen naka-naka Una.’”
23974	MAT 22:33	Ming Yesus tui ela kon, atuil Saduki las siut nal saa pait lo. Mo atuil hut mamo kas herang-herang, hidim oen tek apa noan, “Wuih, Atuling ni in tui ki muun isi!”
23985	MAT 22:44	‘Ama Lamtua Allah tek auk Tuang nga noan, “Maa, le daad se maan in todan-lahing dui kia, se Auk halin kanan nia. Ta mam Auk tao ku musu las, didiin oen suda le todan se Ku sii.” ’
24000	MAT 23:13	Hidi na kon, Yesus aa napiut noan, “Hoe, guru-guru agama nol atuil Farisi me! Meman mi niam atuil in hlak daat! Mam mi haup in susa-daat, undeng mi dai parsai Au, Atuling man Ama Lamtua Allah hid son le tunang maa ka lo. In daat dudui pait ta, mi palan kele atuil in le maa parsai se Au ngas.
24024	MAT 23:37	“Hoe, atuil Yerusalem me! Mi keo tele Ama Lamtua Allah mee-baha las tutungus, nol pasang tele atuil in nutus, man noan, maa le tulung mia ngas. Auk hanet mi oe-oe son le maa bus Au, banansila el manu ina man le kabut un anan nas se un dila ka dalen na. Mo mi dai tao lo.
24108	MAT 25:31	Hidi kon Yesus dehet napiut noan, “Au, Atuling Baktetebes nia, mam niu maang pait, nini Auk Amang ngu in kuasa man loe-liliman na, leo-leo nol Un ima-ii las deng sorga. Hidim Auk daad se Auk del in prenta man muun dudui ka, le pres totoang atuli li dasi las, muding asa man oen in lako-daek son nas.
24194	MAT 26:71	Hidi kon, Petrus puti le lako dil se hnita in taam maa ka. Kon bihata mes didang pait, net un dil se na. Tiata un tek atuil in se la ngas noan, “Hoe, apin auk net atuling ni leo-leo nol Yesus, atuling Nasaret ta.”
24223	MAT 27:25	Kon atuil hut mamo kas siut kleba-kleba noan, “Hao, nang lako! Nang le kaim nol kaim ana-upun nias man lepa-haal Un dala ka!”
24247	MAT 27:49	Mo atuil tenga las pait tam aa noan, “Tahang, le kit ngat soba-nanan, upung Elia maa bel slamat Una tam lo ka?”
24301	MRK 1:17	Yesus haman oen noan, “Maa, le muid Au! Lelon-lelon nam mi nuting ikan, mo deng leol neot nia, Auk le tao mi daid atuil in nuting atuli.”
24304	MRK 1:20	Yesus haman oen duas noan, “Maa, le muid Au!” Tukun nam oen duas nang soleng oen aman na, nol oen atulin in dake ngas se lui dapas. Le lakos muid Una.
24343	MRK 2:14	Se na, muik atuli mes ngala Lewi, Alfius ana. Un daek se maan in baen bea bel pamarenta Roma la ka. Yesus maa lako deng na kon, Un ngat net Lewi. Ta Un tekan noan, “Maa, le muid Au!” Ming Yesus aa ela kon, Lewi hangu le muid Un meman.
24468	MRK 5:35	Yesus aa mamaus ela lam, atuli mes maa deng Yairus uma, le tek noan, “Kasiang, tana-bihata nga mate son. Tiata tao sus Paap Guru deken tia. Un laok deken tia.”
24574	MRK 8:5	Mo Yesus keket oen noan, “Mi muik ruti ila la?” Oen situn noan, “Papa, kaim pesang ruti suma bua iut siis.”
25341	LUK 8:27	Se na, muik atuli mes tom uikjale blaan son. Un muik um lo, un suma daad se niut utu ngas tukun. Lelo-lelon nam un lako-pait nol luli-lulit tuun. Lole uikjale kas taan in prenta una tutungus. Atuli las but un oe-oe son nini ranteng nol laeng bisi, mo un tao nutus soleng. Hidim uikjale kas dising un le lail lako se maan in muik atuil lo. Nikit Yesus nol Un ima-ii las nius deng lui la kon, atuling nuin na laok maa saol Una. Atuling na ahan, hidim late apa se Yesus sila ka. Kon Yesus prenta noan, “Hoe, uikjale! Puti deng atuling na tia!” Kon atuling nuin na ahan noan, “Hoe! Poe-pet auk deken! Ta auk tana noan Ku nia mo Yesus, Ama Lamtua Allah in lapa dudui ka Ana! Tao sus auk deken!”
25344	LUK 8:30	Yesus keket un noan, “Ku ngalam sii la?” Kon uikjale na siut noan, “Legion, ta kaim niam mamo isi, tuladang el tentara lihu-lihu.” Un tek ela, lole uikjale mamo taam ne un apa ka.
25473	LUK 10:41	Mo Lamtua Yesus siut noan, “Marta, Marta. Ku kukamu nol lii-tiud isi le nangan bili-ngala.
25794	LUK 18:37	Kon atuli las tekan noan, “Yesus, atuling Nasaret ta maa lako deng nia.”
25796	LUK 18:39	Atuil in laok muna deng Yesus sas kaing una le ete. Mo un haman mumuun dui pait noan, “Hooe, laih Daud in hua-koet te! Namnau auk tia!”
25807	LUK 19:7	Mo muik atuli mamo komali noan, “Wuih, Sakeos na mo atuil banan lo! Totoang atulis tanan son! Mo taon elol le Yesus tama lako tahang se un uma la lia?!”
25842	LUK 19:42	le tek noan, “Idaa, atuil Yerusalem me! Auk in koma ki le leol neot ni mi sium in mole-dame man Auk in kila kia. Mo undeng mi tiu-hii Ama Lamtua lo, tiata halas ni mi hapun lo son. In dame na katang deng mi son.
25890	LUK 20:42	Undeng hmunan nu laih Daud esa man dul ne buk in Naka-Nahalit ta dalen noan, ‘Ama Lamtua Allah tek auk Tuang nga son noan, “Maa, le daad se maan in todan dudui kia, se Auk halin kanan nia.
25964	LUK 22:31	Hidim Yesus tek Petrus noan, “Petrus, Petrus! Uikjale kas laih tuan na soba-naan le tao bakisan mi totoang deng Au, tuladang el atuli in tahing soleng ael hku ka deng beas sa ka.
26007	LUK 23:3	Ming ela kon gubernur ra keket Un noan, “Baktebes se? Ku niam atuil Yahudi las lahin ne?” Kon Yesus siut noan, “Baktebes, banansila el ama in aa ka!”
26008	LUK 23:4	Presa-ketan hidi kon, gubernur ra lako dil saol tulu agama las tene-tenen nas, nol atuil hut mamo kas, le tekas noan, “Elia, auk haup atuling ni in kula-sala ana bubuit lo kon.”
26156	JHN 1:43	Se la kon muik atuli mes didang pait, ngala Filipus. Un ingu la ngala Betsaida. Petrus nol Anderias kon deng iung na. Ola ka kon, Yesus nutus le lako Galilea. Kon nam Un tutnaal Filipus, ta Un nusi noan, “Maa, le muid Au, halin daid Auk atulin!”
26236	JHN 4:11	Bihatang na tek noan, “Papa, sapat in kait ase. Hidim ui in kali ni bolo ki blatas isi. Paap haup ui in nuli na deng ola la?
26242	JHN 4:17	Un siut Yesus noan, “Auk muik sapang lo.” Kon Yesus tek noan, “Baktebes, ku nole lo na. Lole ku saap net biklobe at lima. Mo ku in nola halas ni kon, ku sapam lo.”
26547	JHN 9:38	Kon atuling nga tekan noan, “Tuang, auk parsai!” Hidim un hai buku ka le todan-lahing Yesus.
26604	JHN 11:12	Hidi kon Un ima-ii las tek noan, “Papa, etan Un nini tuun nam, nahin na noan, mam un banan pait, ta lo?”
26631	JHN 11:39	Yesus lok atuil in se la ngas noan, “Pekot bian batu li le sai liang ngi hnitan nia!” Mo Marta, atuling in mate ki kaka ka kaing Yesus noan, “Idah, deen tia Tuang! Un mate lelo aat son ta, taon elola ko buin isi.”
26824	JHN 16:29	Ming ela kon, Yesus ima-ii las tek noan, “Inaa, halas ni Paap aa langa-langa mo tui nini kleta pait lo son!
26861	JHN 18:7	Ti Yesus keket oen pait noan, “Mi nuting asii la?” Kon oen siut noan, “Yesus, Atuling Nasaret ta.”
26982	JHN 21:15	Nikit oen kaa hidi kon, Yesus ketan Simun Petrus noan, “Simun, Yuhanis ana, elola la? Ku namnau Auk dui deng ku tapam mias, in namnau Au kia le?” Kon un siut noan, “Baktebes Papa! Paap taan auk in namnau Papa ka son.” Ti Yesus hid un noan, “Etan ela lam, lolo-poa Auk lae-blai las babanan le halin nam oen haup in kaa-ninu.”
26983	JHN 21:16	Kon Yesus keket un pait noan, “Simun, Yuhanis ana. Elola? Ku namnau Au, tam lo ka?” Un siut noan, “Auk namnau Paap baktebes! Paap taan auk in namnau ka son.” Kon Yesus hid un noan, “Etan ela lam, papa-paiduil Auk lae-blai las nol babanan.”
26984	JHN 21:17	Hidi kon Yesus keket un pait noan, “Simun, Yuhanis ana. Elola? Ku namnau Auk el ku tapam tam lo ka?” Kon nam, Petrus dalen na ili, undeng Yesus keket un oe tiul noan, “Ku namnau Au tam lo ka?” Hidim un siut noan, “Paap man taan totoang dasi lias. Tiata Paap taan son noan, auk niam Paap tapa, tamlom lo ka.” Kon Yesus hid un pait noan, “Etan ela lam, lolo-poa Auk lae-blai las babanan, le halin oen haup in kaa-ninu.
26986	JHN 21:19	(Yesus aa ela, le tek Petrus deng asa man, mam daid se un apa ka ka. Ta mam Petrus in mate ka, tulu-balang Ama Lamtua Allah in muun-tes sa.) Hidi na kon, Yesus tek Petrus noan, “Maa, le daid Auk atulin tia!”
27016	ACT 1:24	Kon nam oen kohe-kanas noan, “Ee, Ama Lamtua man in ne maan lalapa kua! Ama taan parsis totoang atuli li dalen. Yudas nahi le mate nang soleng un osa la son. Tiata Ama Lamtua tulu bel kaim deng atuil at dua nias, asii man Ama hulin le seda Yudas. Le halin nam kaim nikit un daid Lamtua Yesus atulin in nutus.”
27075	ACT 3:10	Nikit oen tadas taan un kon, oen hera-herang le tek apa noan, “Awii, un nia mo atuling hlukut-kait man daad le noda-nodan se Hnita Leko lua ka, ta lo? Taon elola le daid ela lia le?”
27245	ACT 7:60	Hidi kon un lea holimit hai buku ka, nol un haman mumuun pait le tek noan, “Ama, beles lepa-haal kula-sala ni deken!” Aa hidi ela kon, un hngasa ka nutus, le mate.
27281	ACT 8:36	Dedeng oen biis se lalan hlala kam, blalan na ngat net ui mes se lalan suut ta. Ta un naisiin Filipus in dehet ta, le nodan noan, “Ama, olan ku ngat le, ta muik ui mo nu nuan. Eta noan muik dola kam, maa le kit niu lako, halin ama sarain auk se ni tia.”
27441	ACT 13:10	“Hoe, Elimas! Ku niam mo, uikjale ana! Ku nole-lilung daat! Ku tipu-dai atuli li didiin bling pait ta! Ku labang totoang in banan nas. Undeng ela, kaim taan noan ku muid uikjale kas laih tuan na. Ku tao pait ela bakun na. Ku soba-naan le palan kele Ama Lamtua lalan lolo ka deken!
27494	ACT 14:11	Nikit atuli las net Paulus in tao ela ka kon, oen totoang ngaa-bahan. Hidim oen aa nini oen dais Likonian noan, “Hoe, mi hii napat le! Oen duas niam, dewa in niu maa se apan-kloma kia.”
27635	ACT 18:9	Duman mesan na, banansila el in natloa ka, Paulus ming Ama Lamtua Allah tekan noan, “Paulus, lii deken! Nol ku in makoe ka senet nol os ni deken, ta ku osa la hidi lo bii. Ku musti tui atuli li deng Auk Dehet Dais Banan na napiut.
27686	ACT 19:32	Hidim se epe tene na, muik atuli in nuting le taan dais na tula-peke ka. Muik atuli deeh kidu-ahan le tek noan, “Elia!” Mo tenga las pait tek noan, “Lo, elia!” Molota muik atuli mamo taan dais na tula-peke ka lo. Oen nam suma mudi-muid atuil hut mamo kas tukun.
27766	ACT 21:34	Mo oen in situ ka mes lo. Tenga las siut noan, “Un tao eli son.” Mo muik teng pait siut noan, “Loo, un tao elia.” Tiata komendan na bon iil nol oen in aa lako-pait na. Un taan dais na tula-peke ka lo, undeng atuil hut mamo nas kidu-ahan leo-leo. Tiata un tadu le oen kil nol Paulus lako se tentara las benteng nga.
27862	ACT 24:25	Un kon tekas lalan elola, le atuli li bisa haup in nuil lolo, nol taon elola, le atuli li doh nal apa ka halin tao kula-sala lo. Un kon tekas noan, mam Ama Lamtua Allah le hukung atuli li totoang. Nikit gubernur Feliks ming ela kon, un lii ana lo. Hidim un tek Paulus noan, “Paulus, nol tia, pes se ni tukun tia! Eta muik dola le lam auk haman ku pait.”
27910	ACT 26:19	Paulus dehet napiut noan, “Tiata, ama lahi. Os man auk in sium esang deng sorgang nga, man Auk lako-daken. Maa lius halas ni kon, auk daek napiut os na nabale, nol hoen bubuit lo kon.
30786	REV 2:1	Hidi nam Atuling Baktetebes sa lok auk noan, “Yuhanis, ku musti dul surat mesa. Un isin na elia: ‘Taung jemaat se kota Efesus: Surat ni deng Au, Yesus. Auk man kil duun iut ne Auk imang kanan nia. Auk kon man laok pukiu le tinang hadut lil-mea nas mesa-mesa. Ta hii Auk in teka nia.
30797	REV 2:12	Kon nam Atuling Baktetebes sa tupang Un in aa ka pait noan, “Yuhanis, ku musti dul surat mes didang pait, isin na elia: ‘Taung jemaat in se kota Pergamus: Surat ni deng Au, Yesus. Auk man kil suli in nakan halin-halin na. Hii Auk in teka nia.
30803	REV 2:18	Hidi kon Atuling Baktetebes sa tupang Un in aa ka napiut noan, “Yuhanis, ku musti dul surat mes didang pait, isin na elia: ‘Taung jemaat in se kota Tiatira: Surat ni deng Au, Yesus, Ama Lamtua Allah Ana ka! Auk matang ngi kaloe banansila el ai ka, nol Auk iing ngi kon mea kaloe el bis-muti man atuli hopong se ai dalen na. Hii Auk in teka nia.
30821	REV 3:7	Hidim Atuling Baktetebes sa aa napiut noan, “Yuhanis, ku musti dul surat didang mes pait, isin na elia: ‘Taung jemaat se kota Filadelfia: Surat ni deng Au, Yesus. Auk niam, Niu nol Toma. Auk man kil laih Daud kunci la. Eta Auk sai hnita ka lam, muik in hep nalan pait lo. Nol eta Auk hepan nam, muik in sai nalan lo.
30828	REV 3:14	Kon nam Atuling Baktetebes sa tupang Un dasi la noan, “Yuhanis, ku musti dul surat puis si tia. Un isin na elia: ‘Taung jemaat se kota Laodikia: Surat ni deng Au, Yesus, man atuli li noken noan ‘in Toma’. Auk man nahdeh deng Ama Lamtua Allah in Teka-teka ngas tutungus nol baktetebes. Totoang man Ama Lamtua in daek son nas, daid deng Au.
30937	REV 10:8	Hidim faal man auk in ming deng apan nua ka, tek ulang auk pait noan, “Yuhanis, ku laok se ima-ii deng sorga man dil iin halin ne tasi, nol iin halin ne tuu ka. Le kat in dula ana man holulun mo holboka son ne un ima ka ka.”
30941	REV 11:1	Hidi kon oen doong bel auk kai hnukat mesa, man blatas sa el hnikan na. Kon Ama Lamtua Allah prenta auk noan, “Yuhanis, ku haung tia, le laok sukat Auk Um in Kohe-kanas Tene ka, nol un mija in tunu-dadung man ne kota Yerusalem ma. Nol kaih totoang atuil man in kohe-kanas ne aa ngas.