233	GEN 9:27	Nang le mam Ama Lamtua Allah tao bluang taplaeng Yafet dale ka; Nol un in hua-koet tas nuil daem nol Sem in hua-koet tas. Mo nang le Kanaꞌan daid ata taung Yafet kon.”
293	GEN 11:26	Dedeng Tera umur taun buk iut lisi, kon un haup ana biklobe at tilu; Abram, Nahor nol Haran.
315	GEN 12:16	Tiata lahing nga tao Abram nol babanan, undeng Sarai. Hidim lahing nga bel Abram hmukit el; lae-blai, laen, aus-sapi, keledai, nol unta mosa-mosa tuun ela. Un kon belen ata biklobe nol bihata.
361	GEN 14:24	Auk parlu saa lo. Suma ol man auk atulin nas katan son nam, nangan tuun noan hidi. Nol nang le auk tapang at tilu lias; Aner, Eskol, nol Mamre, kat nal oen nena las.”
853	GEN 30:22	Kon nam Ama Lamtua Allah nangan net Rahel; Un ming Rahel in kohe-kanas sa. Tiata Un sai Rahel maan in hua ana ka.
1483	GEN 49:9	Ku niam banansila el singa muda man in muun, man nuting taan in kaa esa. Ku kon tuladang el singa ta-hngulu man lui apa ka, le laok nini; muik tahan in brain tia sepo ku lo. Ku kon tuladang el singa ina man doh un ana ka; muik tahan atuli in brain laok kusun lo. Atuli las lii-tiud ku, nol muik in brain le tao lobo-lau nol ku lo.
23230	MAT 1:17	Tiata kilan deng Abraham lako pes Daud tam, bataꞌ hngul aat; hidim kilan deng Daud lako pes oen tom in soleng lakos se Babilon na, bataꞌ hngul aat; nol kilan deng Babilon lako pes in hua Kristus sa lam, bataꞌ hngul aat kon.
23392	MAT 7:7	“Eta mi kohe-kanas, le nodan tutungus se Ama Lamtua lam; mam Un bel mia. Eta nuting tutungus sam; mam Un tulu bel mi lalan. Eta mi biu tutungus sam; mam Un sai bel mi hnita ka.
23523	MAT 10:37	Tiata atuil in tade baktetebes le muid Au ka, musti namnau Auk dui deng totoang; dui deng un ina-aman nas, nol dui deng un anan nas. Ta lo kam, atuling na tatai in daid Auk atulin lo.
23663	MAT 13:55	Molota Un niam suma tukang kai mes, ana. Kit taan Un ina Maria; nol Un palin nas, Yakobus, Yusuf, Yudas nol Simun.
23849	MAT 19:18	Atuling na ketan pait noan, “Prenta man ola la?” Kon Yesus situn noan, “Keo tele atuil deken; laok kula nol atuli-bihaat deken; naok deken; daid saksi in nole-lilung deken;
23850	MAT 19:19	todan ku ina-amam mas; nol namnau ku pail-kakam mas banansila el ku in namnau ku apam ma esa ka.”
24162	MAT 26:39	Kon Un keko lako katang dui bubuit, hidim Un hai buku ka le kohe-kanas noan, “Papa boa-ili! Eta Paap tade kam, Auk lepa-haal in susa-daat ni deken tia. Mo muid Auk in koma ki deken; nang le muid se Paap in koma ka tuun.”
24479	MRK 6:3	Molota, Un niam tukang kai tukun. Kit taan Un ina ka, Maria; nol Un palin nas: Yakobus, Yoses, Yudas, nol Simun. Un kon muik palin bihata dehe. Kit taan apa, lole kit totoang niam daad ingu mesa lam!” Tiata oen idus, didiin oen dai hii-ming se Un pait lo.
24550	MRK 7:18	Yesus situs noan, “Mi kon tanan lo ke? Un nahin na elia: Asa man atuli li kaan, na banan. Mo asa man in puit deng atuli lia ka, man banan lo. Asa man kit kaan na, tama lako kit tain, hidim puti pait. (Yesus in teka na nahin na elia; atuli boel kaa saa tuun. Muik in kaing lo).
24676	MRK 10:19	Ku taan Ama Lamtua Allah atorang deng lolo hmunan nua ka son, man tek noan, ‘Keo atuil deken; Nong deken; Naok deken; Daid saksi in nole-lilung deken; Liun-leo nal atuil le kat lai-niin oen sa-saa las deken; Nol todan ku ina ma nol ku ama ma.’”
24763	MRK 12:21	Kon un palin in muid una ka, saap nol bebalu na lolen. Nesang lo kon, un kon mate mo haup ana lo. Ela kon nol palin nomer tilu la; un saap nol bebalu na. Mo un mate kon nol muik ana lo.
24858	MRK 14:35	Kon Un keko lako katang dui bubuit, le hai buku ka laok se dale ka, hidim kohe-kanas noan, “Papa boa-ili! Eta Paap tade kam, Auk lepa-haal in susa-daat ni didiin mateng eli deken tia. Auk tanan meman son noan, Paap daek nal asa tukun. Tiata eta bole lam, Paap kat soleng in susa ni katang deng Auk tia. Mo muid Auk in koma ka deken; muid se Paap in koma ka tukun.”
24922	MRK 15:27	Se na, oen kon pauk tele atuil in naok daat at dua. Mes se Yesus halin kanan na; mo mesan na pait se Yesus halin kliu ka.
25150	LUK 4:18	“Ama Lamtua Allah Koo la in kuasa ka muik ne Au. Undeng na le, Un tulu Au, le tek Ama Lamtua Dehet-dasin Banan na bel atuil kasiang ngas. Un nutus Auk son, le tekas noan, in ne bui daleng ngas, mam putis; atuil tedo kas, mam ngat net pait; man tom in tudan-kida ngas, mam haup in sas-sao.
25305	LUK 7:41	Kon Yesus soleng dais nol una noan, “Muik atuli mesa, man taom bel atuli li duit le natu. Oe mesan na, un bel duit se atuil in natu at dua. Mesan na, un belen naut duit muti ngatus lima; mo mesan na pait suma buk lim sii.
25355	LUK 8:41	Se na kon, muik atuli mes ngala Yairus. Un nam mo tulu deng um in kohe-kanas se kota na. Un ana ka suma beas mes sii; aan bihata, umur taun hngul dua, mo un heda ngele, naha-bubuit tam mate. Nikit Yairus ngat net Yesus laok maa kon, un lail lako hai buku ka se Yesus sila ka. Un nodan Yesus le bole lam Yesus laok un uma lua, le tulung un ana bihata la. Tiata Yesus tade tukun nam oen lakos Yairus uma lu meman. Mo atuil hut mamo kas nodat lo, le lakos muid kon. Tiata oen laok nol in dising-dising apa.
25483	LUK 11:9	Ela kon nol in kohe-kanas. Nodan tutungus se Ama Lamtua; tiam Un bele. Nuting tutungus; tiam Un tulu bel lalan. Haman tutungus; tiam Un sai hnita ka.
25581	LUK 12:53	Ama labang ana; ana labang Ama. Ina labang ana; ana labang ina. Been labang nalen; nalen labang been.”
25767	LUK 18:10	“Blalan biklobe at dua lakos kohe-kanas se Um in Kohe-kanas Tene ka. Mesan na atuil deng partei agama Farisi; mo mesan na pait atuil in sium bea. [Atuil Yahudi las noken atuil Farisi las le, oen atuil niu. Mo oen noken atuil in sium bea ngas noan atuil daat].
25777	LUK 18:20	Ku taan Ama Lamtua Allah atorang lo-lolo hmunan nua ka son ta lo, man noan: Nong deken; keo atuil deken; naok deken; daid saksi in nole-lilung deken; nol todan ku inam ma nol ku amam ma.”
25975	LUK 22:42	“Papa! Eta Paap tade kam, kat soleng in susa-daat ni kakatang deng Auk tia. Mo muid Auk in koma ka deken; nang le muid se Paap in koma ka tuun.”
26037	LUK 23:33	Oen lakos lius se mana mesa, ngala Golgota, un nahin na noan, ‘maan tulu seen’. Kon oen pauk Yesus nol atuil daat at dua nas, se oen kai sangsuli las mesa-mesa. Hidim oen bangun-pii kai sangsuil nas. Oen tai atuil daat tas; mesan na se Yesus halin kanan na, mo mesan na pait se Un halin kliu ka.
26118	JHN 1:5	Langa na kaloe lako luis se mitang nga; nol mitang nga tahang nal Langa na lo. Undeng Langa na kaloe tutungus.
26713	JHN 13:14	Mo eta mi Gurun na, nol mi Lamtuan na boe bel mi iin nas banansila el ata in loka-loka mesa lam, muid mia lam elola la? Mi kon musti lii-lau apa mes nol mesa; tuladang el: mi musti boe apa iin mes nol mesa.
26757	JHN 14:20	Nol mam eta Auk nuling pait son nam, mi taan baktetebes noan, Auk niam butu-kil nol Auk Amang ngua; mi butu-kil nol Au; hidim Auk butu-kil nol mi kon.
27012	ACT 1:20	Petrus aa napiut noan, “Hmunan hesa kua, laih Daud dul meman son ne Buk in Naka-nahalit ta. Un dul noan, ‘Nang le un maan in dada ka, daid maan in ete tuun; boel muik atuli daad pait se maan na deken.’ Hidim un dul pait noan, ‘Nang le un osa la belen lako se atuil didang tukun.’
27028	ACT 2:10	Frigia, Pamfilia, Mesir, deng Libia man dani nol kota Kirene; ela kon kit tenga lias maang deng kota Roma;
27037	ACT 2:19	Mam Ama Lamtua Lelon na maa. Mo Lelon na maa lius lo bii kam, Auk tulu tada-taad herang se apan-dapa ku muna. Taad herang nas tuladang el, lelo la dadi mitang; nol bulan na kon daid mea, banansila el dala ka. Auk kon le daek dasi-dais in muun isi se apan-kloma kia. Dasi-dais nas banansila el, dala, ai, nol nus mitang buan-buan sakes lakos bus el apan-dapa kua. Mo mam lius oras na, asii man haman le nodan tulung se Ama Lamtua Allah lam, un man haup boa-blingin.” ’ Yoel in teka ka ela.
27044	ACT 2:26	Tiata auk daleng ngi kolo; hidim auk naka-nahalit Un tutungus, nol auk kon hii-natang Una.
27102	ACT 4:11	Yesus ni, man oen dulan meman son ne Ama Lamtua Allah Buk Niu ka noan, ‘Muik batu mesa, man tukang ngas nikit soleng son; mo halas ni baut na daid baut netes.’
27117	ACT 4:26	Lahi-laih man in se apan-kloma ki ngias nakbua, le hote-dait labang nol Ama Lamtua; nol tulu-tulu ngas koo mesa, le lakos labang Ama Lamtua Allah nol Kristus, Atuling man Ama Lamtua tulu meman son deng hmunan nua ka.’
27278	ACT 8:33	Hidim oen bilu-aa Una; Oen nutus Un dasi la nol in toma lo, molota, Un muik in kula-sala mes lo kon. Mo ela kon no, oen keo tele Una, undeng na le, kit bisa nahdeh deng Un in hua-koet tas pait lo.”
27564	ACT 16:12	Deng na, kaim laok muid tuum tukun, le lakom se kota tene mesa, ngala Filipi. (Filipi na mo, kota tene mes deng propinsi Makedonia; pamarenta Roma la kon kil bandu se la.) Kaim daad lelo ila lo se lang.
27664	ACT 19:10	Lelo-lelo lam Paulus tui oen se hkol na, didiin taun dua; tiata atuil Yahudi, nol atuil Yahudi lo in se propinsi Asia ngas totoang, ming haup deng Lamtua Yesus Dehet Dais Banan na.
27698	ACT 20:4	Muik atuli buan ana mes kom le muid Paulus. Atuil nas, Timutius; ama Pirus ana Sopater, man deng kota Berea; Aristarkus nol Sekundus deng kota Tesalonika; Gayus deng kota Derbe; nol Tikikus duas Trofimus deng propinsi Asia.
27825	ACT 23:23	Hidi na kon, komendan na haman tentara at dua. Un beles prenta noan, “Tao nakbuan tentara at ngatus dua; nol tentara in saek ahlote at buk itu, nol tentara in kil hnuat at ngatus dua. Mi bok lakom meman se kota Kaisaream duman ni diuk sipa.
27895	ACT 26:4	Deng auk anang bii kua, oen tui auk son le nuil muid kit atuil Yahudi li hadat ta. Laih hmunan na, auk haup in tui se auk ingu-ui lua; hidim auk maang le hkol tapnaeng se Yerusalem. Atuil Yahudi in ne Yerusalem muas, taan auk lalan in nuli ka, nol oen kon taan auk nol babanan.
27982	ACT 28:15	Dedeng Lamtua Yesus atulin in se Roma ngas ming noan, kaim le lakom eluam kon, oen maas sod kaim se lalan hlala. Tenga las tutnaal kaim se pasar Apius; tenga las pait tutnaal kaim se mana mesa, ngala Um in Hani Tilu. Nikit Paulus ngat net oen kon, un nodan mamo-mamo se Ama Lamtua Allah, nol un dalen na kuat-tes pait.
27994	ACT 28:27	Undeng bangsa ni dalen na didi isi. Ta oen hngilan nas dai ming pait lo son! Nol oen matan nas kon hut didi son! Nang le halin oen ming bakun tia; Nol nang le halin oen matan nas net deken tia. Hidim nang le halin oen dalen nas tema napiut. Didiin oen taan lalan in pait maa bus el Au ka lo. Tiata, taon elola le Auk tao banan oen pait ta?’”
28021	ROM 1:23	Hidim, oen todan-lahing se Ama Lamtua Allah man muun dudui ka lo, lole oen tek noan, “Kaim parlu Lamtua in tuladang ela lo!” Mo oen hui-langus se patung in tuladang el; atuli, tilu-kee, tamlom hmukit didang, lako pes in tuladang nga el ula ngas. Nini ela lam, oen hutun soleng Ama Lamtua in nuli, didiin hidi nutus taan lo ka, le seda nini sa-saa man mam mate nala ngas.
28274	ROM 10:18	Auk keket naan elia: tamlom mi nangan noan, atuil Israel las ming net deng Kristus lo bii ka? Taon elola ko oen ming son! Banansila el dulan son ne Ama Lamtua Buk Niu ka deng lolo hmunan nu noan, “Ama Lamtua mee-baha las in hid deng Ama Lamtua ka, holhising lako papmes apan-kloma ki son; Un in Teka-teka ngas lako lius ne apan-kloma ki suut-suut tas son.”
28322	ROM 12:9	Eta mi tulu mi in namnau ka bel atuli lam, tulu in namnau man baktetebes sa; boel sila-klup tuun deken. Bali kudi deng totoang man in daat tas, le kil dididi se totoang man in banan nas.
28343	ROM 13:9	Ta Atorang nas tek noan, “Boel nong deken; keo atuil deken; naok deken; kom in haup atuil didang sa-saa deken,” nol in teka deeh pait. Eta le daek muid Atorang ngas sam, musti daek muid Atorang mes nia, man tek noan, “Ku musti namnau atuil didang, banansila el ku in namnau ku apam ma esa ka.”
28746	1CO 13:13	Tiata halas ni, kit musti daek dasi tilu man tahang napiut. Dais nas elia: kit musti parsai napiut se Ama Lamtua; kit musti nahlae napiut noan, mam Un ator totoang nas le daid banan; nol kit musti namnau apa tutungus. Deng dasi tiul nias, in muun dudui ka mo, in namnau. Ta in namnau ka, man banan dui deng totoang.
28827	1CO 15:41	Etan se apan nua lam, lelo la uhu ka kisa; bulan na uhu ka kisa; nol duun nas kon uhun nas bakisa-bakisan. Mesa-mesam nol un hnika-tuladang. Hidim mesa-mesam kon nol un uhu. Tiata totoang muik uhu, ta lo?
28911	2CO 3:2	Ta kaim muik surat in teka son. Surat na ka, mo mi son nam. Kaim taan dasi mamo deng mi in nuli ka. Dais nas pesang ne kaim dalen nias son. Totoang atuli li les taan mi in nuli ka; deng na lam, oen taan isin deng kaim in dake kia.
28984	2CO 6:18	Auk tade le daid mi Aman; mi kon daid Auk anang. Kit Lamtuan na man teka ela. Un man Kuaas Dudui.”
29007	2CO 8:7	Mi in daek taung Lamtua ka meman banan isi. Tuladang el: mi in parsai ka, muun; mi in aa ngas, leko; mi taan dasi mamo deng Ama Lamtua; mi in makoe ka, muun isi; nol mi namnau kaim isi. Tiata auk in koma ka le, mi kon hulung Ama Lamtua atulin in haup susa ngas, nini in beles duit mamo-mamo.
29582	COL 2:21	“Hudu-kapas ni deken; kaa nu deken; boel binung tom na deken.”
29589	COL 3:5	Tiata mi musti soleng mi in kom le tao dadaat tas. Banansila el: kom in laok kula nol atuil didang, man ku sapa lo ka; kom in tao dasi-dais hmomos; kom le tao muid ku dalem ma in kom isi ka; kom le tao dadaat bili-ngala; nol kom naseke le totoang daid ku nena sii (molota nas banansila el ku hui-langus, lole ku nikit sakeng dais didang ngas lapa-lapa le dising soleng Ama Lamtua).
29592	COL 3:8	Mo halas ni, mi musti soleng mi in kom le tao dadaat tas totoang. Tuladang el: komali daat; dael otot; hatu-pukun; dehet le tao didaan atuli ngaal banan; nol lote aa dadahut.
29595	COL 3:11	Se in nuil balu nia, lam kit boel aa tapa bel atuli deng aap-ina likun na deken noan, oen nam atuil Yahudi tam, atuil Yahudi lo; atuil in muid sunat tam, atuil in sunat lo; atuil in laok-maa tam, atuil in taan hadat lo; ata tam, ata lo. Nas man muun na lo! Mo in muun na ka, eta oen butu-kil nol Kristus, nol eta Un nuli ne oen dalen nas.
29780	1TI 1:17	Naka Ama Lamtua! Ta suma Un sii, man Allah; muik didang pait lo! Un nam Lahing man in kil prenta hidi nutus taan lo ka. Un man nuli didiin son na. Un man mate lo ka. Un man atuli li ngat netan nini matan lo. Totoang in todan, nol in naka ki taung Una, ela son na! Amin.
29826	1TI 4:12	Nang atuli las le ngat kabaul ku undeng ku in muda bii ka deken. Nang le atuil in parsai ngas not muid se ku; deng ku in aa ngas, ku in mana-koet ta, ku in namnau atuli ka, ku in parsai se Yesus Kristus sa, nol ku in nuil niu ka.
29839	1TI 5:9	Eta le nikit bebalu mes halin daek hulung tulu in kil jemaat tas sam, un atoran na elia: bebalu na umur ra dale dui deng taun buk eneng lo; hmunan nu un nuil nol biklobe mes sii;
29840	1TI 5:10	atuli taan noan un nam atuil in daek banan saol atuil didang; un nam papa-paiduil anan nas nol babanan; un ima kahan in lii-lau, nol hulung atuil didang; un hulung atuil in parsai ngas nol in daek os ana-ana ngas; taom un kom in hulung atuil in se susa dale, nol un mana son le hulung saa tuun se dais banan nas dalen.
29966	TIT 1:7	Undeng tulu in kil jemaat tas atuil in lako-daek Ama Lamtua osa la, tiata oen musti nuil lolo nol ngalan nas banan. Nikit atuil in naka bali apan nas deken; in komali daat hlapat tas deken; in niun mahus tutungus sas deken; in keng daat tas deken; nol in kom naseke duit tas deken.
29967	TIT 1:8	Atuil in kil jemaat tas musti kom in sium atuli li nol babanan. Oen musti kom banan na; nangan blatas; nutus dasim lolo; dalen niu; nol in tahang nal apan nas.
30006	PHM 1:1	Surat ni deng au, Paulus. Auk tapang Timutius kon tunang boa-blingin. Sadi kaka tana, oen tahang auk ne bui nia, undeng auk tek atuli li deng Yesus Kristus. Auk dul surat ni bel ku, Filemon, man kaim in namnau, nol daid tapans in dake mes nol kami;
30007	PHM 1:2	bel susi Apfia, man kaim nangan el kaim batan na; bel Arkipus, man daek hiti-late leo-leo nol kaim se in dake ni dalen; nol bel jemaat man taom nakbua le kohe-kanas se ku uma la ka.
30112	HEB 6:1	Tiata mi musti tui in tui man muun dudui ngas, undeng mi in tui deng Kristus sa nesang buit son. Tiata halas ni mi tui ulang in tui hmunan nas deken tia, man tek noan: atuli li musti nang soleng oen in kula-sala ngas; tui deng atuli li in parsai se Ama Lamtua Allah;
30113	HEB 6:2	tui deng in sarani; tui deng in totong iman le sium Ama Lamtua Koo Niu ka; tui deng mam Ama Lamtua Allah tao atuil in mate ngas le nulis pait; nol tui deng mam atuli li laok situ-tal se Ama Lamtua, le sium Un in nutus sa noan, asii man haup in nuli napiut nol Una, mo asii man lo ka.
30508	1PE 3:17	Eta muid Ama Lamtua in koma ka lam, nadidingun deken, ta in banan dui ka, eta mi haup susa, undeng mi in daek toma ka; molam undeng mi in daek kula-sala ngas lo.
30633	1JN 2:16	Totoang sa-saa man atuli li dakes se apan-kloma kia ka, tuladang el atuil in nuil dael kolo taung un apa ka sii; atuil in kom naseke; nol atuil in koaok daat undeng un hmukin nas sa, maas deng apan-kloma ki tuun, mo deng Ama Lamtua Allah lo.
30829	REV 3:15	Auk net asa man mi in daek son se kota Laodikia ka. Mo mi tao elol na la?! Otot lo; blingin kon lo, ta eta noan otot tam, otot baktetebes! Nol eta noan blingin nam, blingin baktetebes!
30867	REV 6:6	Hidi kon auk hii kam hnika el fala mes puti deng hmukit 4 in muun ising nas hlala ka. Faal na tek noan, “Mam muik oras lubu muun isi se apan-kloma kia. Atuli li gaji lelo mesa lam sos nal ael beas mok anang ngas tilu; eta ael beas banan nam mok mes sii. Mo eta mam oras lubu ka maa lius son nam, atuli li boel tao didaa saitun ina nol anggor ina in se klapa la daleng ngas deken.”
31151	REV 22:2	Le baa lako el lalan tuan deng kota na ka. Se palun na halin-halin nas sam, muik kai ina mes man kil in nuli. Kai ina na taun mesa lam isin lalis hngul dua; bulan mesa lam, isin oe mesa. Un klehen na daid kai in tahi, le tao banan totoang bangsa-bangsa in se apan-kloma ki ngias.