65	GEN 3:9	Mo AMA LAMTUA Allah haman biklobeng nga noan, “Hoe! Adam, ku ne ola ka?”
67	GEN 3:11	Hidi kon Ama Lamtua tek noan, “Asii man tek noan ku lulit ta? Taon elola ko ku kaa kai isin man auk in kaing son na, ta lo?”
69	GEN 3:13	Hidi kon AMA LAMTUA Allah ketan bihatang nga noan, “Amo tasao le ku tao ela lia?” Kon bihatang nga siut noan, “Le ula la man nole au lam! Tiata auk kaa kai isin na son.”
89	GEN 4:9	Hidi kon AMA LAMTUA ketan Kain noan, “Hoe Kain! Ku palim ma ne ola ka?” Kain siut noan, “Eh, un ne ola kam, auk tanan lo! Bali le auk niam kil un iin na le!”
369	GEN 15:8	Mo Abram ketan noan, “Taon elola na la LAMTUA? Taon elola le halin auk taan noan, mam dale ni daid auk pusaka ka?”
390	GEN 16:8	Ima-ii na tekan noan, “Hoe Hagar, Sarai ata! Tasao le ku mo ni lia? Ku deng ol maa, nol ku le lako bus el ola ka?” Kon un siut noan, “Auk laling nang soleng auk bi-lahing nga.”
415	GEN 17:17	Abraham hai buku ka le bubu sila ka lako pes se dale nabale. Mo se un dalen na lam un mali. Un nangan noan, “Bikloeb blalan isi son man umur taun ngatus el au lia ki, taon elol le haup aan pait tia? Nol Sara blalan isi son kon, umur taun buk sipa, lam taon elol le un hua nabale lia?”
434	GEN 18:9	Kon oen ketan un noan, “Abraham! Ku sapam Sara ne ola ka?” Un siut noan, “Ne hlepe lu dale.”
437	GEN 18:12	Ming oen in aa ela ka kon, Sara mail se un dalen na. Nol un nangan noan, “Inah! Auk blalan son, nol auk sapang nga kon blalan isi son elia lam, taon elola le kaim tao el atuil in saap babalu ka, halin nuting aan pait tia?”
453	GEN 18:28	Eta noan atuil banan lius at buk lim lo, le suma at buk aat beas lima siis sam, elola? Dabun at lim siis kon, Ama le tao didaan kota na nabale le?” Ama Lamtua siut noan, “Eta Auk haup atuil banan at buk aat beas lima se kota na lam, Auk tao didaan kota na lo.”
454	GEN 18:29	Hidim Abraham hanet pait noan, “Eta suma at buk aat siis sam, elola la Ama?” Kon Un siut noan, “Eta Auk haup at buk aat tam, Auk hukung oen lo.”
455	GEN 18:30	Abraham hanet napiut pait noan, “Ama komali deken, mo eta noan atuil banan suma at buk tiul siis sam, elola la?” Ama Lamtua siut noan, “Eta Auk haup at buk tilu lam, Auk hukung oen lo.”
456	GEN 18:31	Hidim Abraham niung pait noan, “Ama komali deken, eta auk ketan bubuit pait. Eta haup atuli at buk dua siis sam, elola la?” Un siut pait noan, “Eta noan Auk haup at buk dua siis sam, Auk tao didaan kota na lo.”
457	GEN 18:32	Kon in puis sa, Abraham ketan noan, “Ama, Auk keket bubuit oe mes pait, mo komali nol auk deken. Elola etan noan haup atuil banan at hngul siis sa?” Kon Un siut noan, “Eta Auk haup atuil banan at hngul se na lam, Auk tao didaan kota na lo.”
506	GEN 20:10	Ku nangan elol le didiin ku tao eli lia?”
543	GEN 21:29	Kon lahing nga ketan un noan, “Tasao le ku tao ela lia?”
555	GEN 22:7	Isak haman un ama ka noan, “Papa!” Abraham situn noan, “Tasao ka Isak?” Kon nam Isak keket noan, “Papa. Kit le tuun in tunu-dadung son nia. Muik kai nol ai son. Mo lae-blai ana man kit pake le daid in todan-lahing ngi ne ola ka?”
597	GEN 24:5	Kon atuling man Abraham in parsai na keket noan, “Banan ama! Mo eta tana-bihatang na dai maa muid se ia lo kam, taon elola la? Eta ela lam, auk musti kil nol ama ana ki laok saap se ua tukun tia tam?”
613	GEN 24:21	Abraham ata ka dil ete tuun, le ngat nakekeon tana-bihatang na in dake ka. Un nanga-nangan noan, “Tana-bihatang man Ama Lamtua in huli ki nia te?”
649	GEN 24:57	Kon oen siut noan, “Elia! Maa le kit ketan se Ribka esa tuun. Le un in koma ka elola la?”
650	GEN 24:58	Kon oen haman Ribka le ketan noan, “Ribka! Ni hii ne ku in koma. Ku tade le muid nol atuil nias meman, tamlom elola la?” Un siut noan, “Auk tade le lakong meman.”
657	GEN 24:65	Hidim un ketan Abraham ata ka noan, “Baki! Biklobeng in laok maa mo nua ku asii la?” Ata na situn noan, “Na auk tuang muda ka na!” Kon Ribka kat un hlimut ta le bua kele sila ka.
681	GEN 25:22	Molota, un in behe na aan hduan. Mo tana-anang dua nas taan in sapan apa tutungus se oen inan na tain dalen. Kon Ribka ketan se un dalen na noan, “Tasao le tana-anang dua nias elia lia?” Hidim un ketan AMA LAMTUA.
702	GEN 26:9	Kon un lok atuli haman Isak le un kaing, tekan noan, “Isak! Auk tanan son, noan bihatang na ku sapam! Mo tasao le ku tek noan, un na mo ku palim mia?” Kon Isak siut noan, “Elia ama! Eta auk tek noan un na mo auk sapang ngam, auk lii! Ta tamlom mo mam atuli las keo tele au la.”
703	GEN 26:10	Kon nam lahing nga siut noan, “Eta muik atuli se ni niin nol ku sapam ma lam, taon elola ko ku bel kula kami! Tasao le ku tao ela nol kami lia?”
720	GEN 26:27	Kon Isak ketan noan, “Ama lahi! Hmunan nu mi nulut puting kaim son, tiata mi le maa tao saa pait nia?”
729	GEN 27:1	Dedeng Isak blalan son kon, un mata ka net babanan isi lo. Un haman un ana hmunan man un in namnau isi ka noan, “Esau! Ku maa se ni le!” Esau siut noan, “Tasao ka papa?”
746	GEN 27:18	Kon nam, Yakob kil nol in kaa na laok bel un ama ka. Un tekan noan, “Papa! Auk maang son nian!” Kon Isak siut noan, “Hoe, ku niam asii la?”
749	GEN 27:21	Kon nam Isak haman Yakob noan, “Ku maa dadani, le auk kapas naan ku le! Ku nia mo baktebes Esau tam lo ka?”
752	GEN 27:24	un ketan oe mes pait noan, “Ku niam baktetebes Esau le?” Kon Yakob siut noan, “Baktebes papa!”
760	GEN 27:32	Isak herang, kon un ketan noan, “Hee! Mo ku niam asii pait ta?” Esau siut noan, “Auk niam Esau! Paap ana hmunan na.”
764	GEN 27:36	Kon Esau tek noan, “Un nole auk oe dua son nia. Laih hmunan na, un nole nal auk hak hmunan na. Neot nia lam, un nole nal auk hangun na lolen. Dadin un ngala ‘Yakob’ pa. Mo paap muik hangun didang pait le bel au, tam lo ka papa?” (Ngaal Yakob pa nahin na noan ‘kil se iin baih ngungun’. Mo un nahin didang nga ‘atuil in nole daat’.)
765	GEN 27:37	Kon Isak siut noan, “Auk nikit hidi un son le daid atuil ku in todan. Nol un pail-kakan nas totoang kon daid un ata. Auk belen ale liis-lasa nol anggor isin mamo-mamo. Tiata auk anang nge! Hangun asa pait man auk bel ku lia?”
800	GEN 29:4	Kon Yakob lako ketan atuil in lolo-poa ngas noan, “Mi deng ola?” Oen siut noan, “Kaim deng iung Haran.”
802	GEN 29:6	Kon nam Yakob ketan napiut noan, “Un bana-banan te?” Oen siut noan, “Blalan na babanan tuun. Olan ngat. Un ana bihaat in ngaal Rahel la poa oen laen nol lae-blai las, le maa ninung se ni kon nuan. Ku natang tukun.”
811	GEN 29:15	Laban aa nolan noan, “Elia Yakob! Ku daek bel auk mosa tuun nam auk tao lo, undeng kit duat balu lo. Tiata ku nodan le baen ku bakun na?”
819	GEN 29:23	Duman na, Laban bel Rahel lo, molam un bel Lea le tama lako se Yakob hleep in nini ka. Tiata Yakob niin nolan. Ola ka halas-sam Yakob tana noan, un in niin nola ka Lea. Kon nam Yakob lako tek Laban noan, “Tasao le baki nole auk eli lia? Auk daek hiti-late taun iut son, le haup Rahel! Mo taon elola le baki seda nini Lea lia?” Kon Laban situn noan, “Ku komali ela deken! Muid kaim hadat in se ni kia lam, pali la boel saap muna deng kaka la lo. Tiata banan dui ka eli tuun! Ku natang le fesat in sapa ni dedeng itu las kuhit le, halas-sam ku haup Rahel. Sadi ku daek bel auk taun iut pait.” Hidi kon Laban bel un ata bihata mes ngala Silpa, le daid ata taung Lea.
846	GEN 30:15	Mo Lea situn noan, “Wee! Ku nia mo lai-lisin son! Ku nuhu-dau nal auk sapang nga son. Nam ku le nuhu-dau kai na pait deng auk anang ngi lia! Ku mae taan lo ke?” Mo Rahel siut noan, “Elia kaka! Eta auk haup kai na lam, duman ni ku niin nol Yakob.” Kon Lea tade.
862	GEN 30:31	Hidi kon Laban ketan noan, “Tiata auk musti baen ku elola la?” Yakob siut noan, “Paap bel auk saa deken tia. Mam auk doha-tinang napiut paap hmukit tias, sadi auk boel tao elia.
904	GEN 31:30	Meman auk tana noan, ku boka undeng ku kom naseke son le pait. Mo tasao le ku naok lai-niin auk baut angin in hui-langus sas kon nia?”
905	GEN 31:31	Hidi kon Yakob siut noan, “Baki komali nol auk deken! Auk bokang ete-ete, undeng auk lii ta tamlom baki tahang nal tana-anang ngias sam, elola la?”
956	GEN 32:28	Kon biklobeng na ketan noan, “Ku ngalam sii la?” Un siut noan, “Yakob.”
958	GEN 32:30	Kon Yakob ketan noan, “Ku ngalam asii la?” Mo biklobeng nga tek noan, “Ku ketan auk ngalang ngi le tao saa la?” Hidi nam un aa le bel Yakob hangun se na.
966	GEN 33:5	Esau net bihaat nas nol oen anan nas kon, un ketan noan, “Nias totoang asiis nias sa?” Kon Yakob siut noan, “Oen totoang niam atuil man Ama Lamtua Allah in bel au ngas.”
969	GEN 33:8	Kon Esau ketan noan, “Hmukit buan il man apin ku in tunang ngas, nahin na elola la?” Kon Yakob siut noan, “Elia kaka! Auk bel kaka nas totoang nol mosa, le halin nam kaka sium auk nol dael kolo.”
1004	GEN 34:23	Eta kit nuil nakbuan apa son nam, mam oen hmukit tas nol oen hmukin nas totoang kon daid kit pusaka, ta lo? Tiata banan dui ka, kit sium oen in koma ka. Maa, le kit sunat leo-leo! Tade tam lo ka?”
1092	GEN 37:8	Hidi kon oen kaing Yusuf noan, “Hoe! Ku bali noan ku le daid tuang le leka-tadu kami le?” Oen seke isi nol una, undeng un tekas un in natloa ka.
1099	GEN 37:15	Lius se nua kon, un nuting oen pukiu epe ka. Kon un tutnaal atuling mesa. Atuling na ketan noan, “Ku nuting asii la?”
1100	GEN 37:16	Yusuf situn noan, “Baki, auk nuting auk kakang ngias. Oen poa laen nol lae-blai le nuting bluan dadani ne nia. Baki net one le?”
1114	GEN 37:30	Un pait lako se un palin nas, le tekas noan, “Idaah! Tana-ana ka ne bolo ku lo son! Auk taon elol lolen no?”
1137	GEN 38:17	Yahuda nukin noan, “Eta auk bel ku laen mesa lam, elola la?” Kon Tamar siut noan, “Banan! Sadi ku bel auk sa-saa mes le auk kil tahang. Didiin ku tunang bel auk laen na.”
1138	GEN 38:18	Kon Yahuda ketan pait noan, “Auk bel ku asa le ku kil tahang nga?” Tamar siut noan, “Ku pesang hmarat in loen nol talin mo ku leom ma ka. Nol pesang ku hnikan na kon.” Ming ela kon, Yahuda kat sa-saa nas le belen. Hidi kon oen duas laok ninis nol apa. Hidi nam, Tamar pait le kolong un kai-baut leko las nol un hlendang nga, le pake pait un kai-baut bebalu kas. Taan lo molota, Tamar behe son.
1141	GEN 38:21	Kon un ketan atuli-atuil in se la ngas noan, “Hoe! Mi net bihaat hmama man tao lam daad se hnita tene ni kia, tam lo ka? Un ne ola ke?” Mo oen siut noan, “Se ia lam muik bihaat hmama lo.”
1180	GEN 40:7	Kon un ketan oen noan, “Tasao le leol neot ni mi silan nas saek lo ela lia?”
1260	GEN 42:7	Nikit un tutnaal oen kon, un tanas meman. Mo Yusuf tao apa ka banansila el atuil Mesir ra, tiata oen taan un lo. Hidim un ketan oen nol in komali noan, “Mi niam deng ola?” Oen siut noan, “Kaim deng Kanaꞌan. Kaim maa nodan le sos in kaa.”
1281	GEN 42:28	Un nahkiut isi! Hidim un haman un pail-kakan nas le tekas noan, “Idaah! Mi maa ngat ni le! Ta kit daat son nia! Oen bel pait auk duit ti ne auk karong ngia.” Net ela kon, oen lii isi. Hidim oen tek apa noan, “Ama Lamtua Allah tao saa pait nol kit son nia?”
1298	GEN 43:7	Kon oen hanet un noan, “Papa! Atuling na ketan tutungus, le nuting halin taan kaim pail-kakan nias totoang ngam. Un ketan noan, ‘Elola, mi aman na nuli nabale le? Mi muik palin bikloeb didang pait tam lo ka?’ Lam kaim le tek elol pait ta! Tiata kaim aa nahlolool tukun son na. Le asii taan noan un tadu kaim le kil nol kaim palin ni laok se nua la?”
1318	GEN 43:27	Kon Yusuf ketan oen noan, “Elola, mi totoang bana-banan ne? Elol nol mi aman man in blalan son na, un kon bana-banan tam lo ka?”
1320	GEN 43:29	Hidi na kon, Yusuf ngat papmesas, ti un ngat net un palin Benyamin. Oen duas nam ina-aman mesa. Kon un tek noan “Eee! Mi palin man hmunan nu mi in dehet son na, nia ke?” Hidim un aa nol Benyamin noan, “Pail ana! Auk nodan-nodan le Ama Lamtua Allah bel hangun mamamo se ku.”
1362	GEN 45:3	Hidi kon, Yusuf aa langa-langa nol un pali-kakan nas noan, “Kaka-paling me! Auk niam Yusuf, mi pail-kakan na! Paap meman nuli baktebes nabale, ta lo?” Ming ela kon, un kaak-palin nas lii isi, didiin oen aa nal saa pait lo.
1389	GEN 46:2	Duman mesan na kon un natloa. Se in natloa na dalen, un ming Ama Lamtua Allah haman un noan, “Hoe Yakob! Ku haung le hii napat se Auk le!” Kon un siut noan, “Iya Lamtua, elola?”
1424	GEN 47:3	Kon lahing nga keket noan, “Lelo-lelo lam mi daek asa la?” Kon oen siut lahing nga noan, “Kaim niam atuil in lolo-poa hmukit, banansila el kaim upu-aman nas kon, ama lahi.
1429	GEN 47:8	Kon lahing nga keket Yakob noan, “Ama umur taun bakun son na?”
1460	GEN 48:8	Yakob aa hidi le un nikit sila ka lam, un net Yusuf anan nas se na. Kon un ketan Yusuf noan, “Hoe! Ni asii anan nias sa?”
1522	GEN 50:15	Lius se Mesir kon, Yusuf kakan nas mulai lii. Undeng oen aman na ase son, kon oen aa nol apa noan, “Hoe mi nangan le! Eta noan Yusuf pesang dael nabael nol kita, le un balas kit in daek dadaat saol una ka lam, elola la?”
23242	MAT 2:4	Hidi kon, lahing Herodes sa haman nakbua tene-tene agama Yahudi las nol guru-guru agama las totoang, le keket oen noan, “Olan mi tek napat auk le! Kristus, man Ama Lamtua Allah in hid meman son na, mam huan se ola ka?”
23440	MAT 8:26	Kon Yesus situs noan, “Hoe, tasao le mi lii isi kia!? Mi parsai Auk lo ke?” Hidim Un hangu dili, le kaing angin na, nol len na noan, “Tenem tia!” Kon nam, len na nol angin na, ete meman.
23441	MAT 8:27	Ti Yesus ima-ii las herang. Oen tek apa noan, “Huih, Un niam asii le? Taon elol le Un kaing angin ni nol len nia lam, daid muid Un in koma ka lia?”
23459	MAT 9:11	Mo muik atuli at ila lo deng partei Farisi, maas le ahan Yesus ima-ii las noan, “Tasao le mi gurun na, daad kaa leo-leo nol atuil in tom lo, banansila el atuil in sium bea ngas, nol oen tapan atuil daat tas sia?”
23462	MAT 9:14	Hidi na, Yuhanis in Sarain Atuli ka ima-ii las maas tutnaal nol Yesus. Oen ketan noan, “Kaim in muid Yuhanis sias, taom telang. Atuil Farisi las kon telang. Mo tasao le Paap ima-ii las taan in kaa-ninu tutungus sia? Oen taan in telang ngi, tam lo ka?”
23476	MAT 9:28	Yesus tama lako uma mes dalen, kon atuil tedo at dua nas muid Una. Ta Un keket oen noan, “Mi parsai baktetebes noan, Auk muik kuasa halin tao mi duam le neta le?” Kon oen duas siut noan, “Ee Papa ketan deen tia, ta kaim parsai Paap baktetebes.”
23531	MAT 11:3	“Ama Lamtua Allah hid meman son deng hmunan nu noan, Un le tunang Kristus maa halin bel boa-blingin kit atuil Yahudi lia. Paap niam, Kristus se? Tamlom kaim musti natang atuil didang pait ta?” Tiata oen lakos ketan Yesus ela.
23568	MAT 12:10	Se na, muik biklobe mesa, man ima halin na mate. Atuil Farisi las nuting-nuting lalan le bel kula Yesus, eta Un tao banan atuling na tom nol leol teen in dake ka. Kon oen keket Un noan, “Muid kit atorang agama lia lam, boel tao banan atuil tom nol leol teen in dake tam lo ka?”
23606	MAT 12:48	Yesus siut noan, “Auk inang baktetebes sa asii la? Nol Auk pail-kakang baktetebes sas mo asiis sa?”
23618	MAT 13:10	Hidi kon Yesus ima-ii las maas le keket Un noan, “Tasao le Paap tui atuil hut mamo nas nini kleta kia?”
23659	MAT 13:51	Dehet hidi ela kon, Yesus keket oen elia, “Mi nangan taan totoang asa man Auk in dehet apin na son ne?” Oen siut noan, “Nangan tanan son Tuang!”
23664	MAT 13:56	Kit kon taan Un palin bihata las, ta le kit daad buan ne ingu mesa lam! Tiata Un haup Un in tana ka deng ola ke? Nol Un haup kuasa in muun isi na, deng asii le?”
23697	MAT 14:31	Nol na kon, Yesus doong Un ima ka lalaba le kil Petrus. Un tekan noan, “Petrus! Tasao le ku dalem ma hduan nia? Ku parsai Auk baktetebes lo kia?”
23736	MAT 15:34	Mo Yesus ketan oen noan, “Mi ruti liis bakun na?” Oen siut noan, “Liis itu! Kaim kon muik ikan bubuit!”
23748	MAT 16:7	Ming ela kon, Un ima-ii las nangan tanan lo. Mo oen tek apa noan, “Blalan na aa saa na le? Bet Un aa ela, lole kit kil ruti lo kam?”
23754	MAT 16:13	Hidi na kon, Yesus nol Un ima-ii las lakos bus el ingu-iung man in dadani nol kota Kaisarea Filipi. Se lalan hlala kam, Un ketan oen noan, “Muid atuli las in dehet tam, oen tek noan, Au, Atuling Baktetebes si niam mo, asii la?”
23756	MAT 16:15	Yesus ketan oen pait noan, “Eta muid mia lam, Auk niam asii la?”
23779	MAT 17:10	Kon oen ketan Un noan, “Paap niam meman Kristus, mo upung Elia ne ola ka? Ta guru agama las tui noan, upung Elia musti maa muna le, halas-sam Kristus maa. Mo muid Papa lam, elola la?”
23788	MAT 17:19	Hidi deng na, le Yesus nol Un ima-ii las siis kon, oen ketan Un noan, “Papa! Tasao le kaim nulut puting nal uikjale na lo kia?”
23793	MAT 17:24	Dedeng Yesus nol Un ima-ii las lakos se kota Kapernaum kon, atuil in sium bea ngas maa ketan Petrus noan, “Mi gurun na baen Um in Kohe-kanas Tene ka bea la, tam lo ka?”
23794	MAT 17:25	Kon Petrus siut noan, “Aeh, baen!” Mo Petrus pait maa lius uma, le un tek Yesus lo bii kam, Yesus aa muna son noan, “Simun, olan ku nangan ne. Lahi-laih in ne apan-kloma ki ngias, sium bea deng asii la? Deng oen anan nas esan, tamlom deng atuil didang nga?”
23797	MAT 18:1	Dedeng na, Yesus ima-ii las maas le keket Un noan, “Papa! Asii man tene dui deng Ama Lamtua Allah atulin nas totoang nga?”
23817	MAT 18:21	Hidi na kon, Petrus maa ketan Yesus noan, “Tuang, auk le keket bubuit. Eta auk pail-kakang in parsai mes tao kula auk oe-oe kam, auk musti bel ampong un oe ila la? Oe itu le?”
23834	MAT 19:3	Muik atuil Farisi at ila lo, kon maas aa le noan kiu nahu Una. Oen keket Un noan, “Muid kit atorang agama lia lam, eta biklobe li saap son kon, un bisa dai sapa ka nini lalan saa tuun, tam elola la?”
23838	MAT 19:7	Ming Yesus tek ela kon, atuil Farisi las keket pait noan, “Eta ela lam, tasao le upung Musa tek noan, biklobe li boel dai un sapa ka, sadi un belen surat in dai muna le lia?”
23849	MAT 19:18	Atuling na ketan pait noan, “Prenta man ola la?” Kon Yesus situn noan, “Keo tele atuil deken; laok kula nol atuli-bihaat deken; naok deken; daid saksi in nole-lilung deken;
23851	MAT 19:20	Atuling na siut noan, “Prenta nas totoang, auk daek mudis son. Asa man dabun pait ta?”
23856	MAT 19:25	Ming ela kon, Un ima-ii las herang-herang. Kon oen siut noan, “Eta ela lam, asii man haup in tama sorga ka?”
23858	MAT 19:27	Kon Petrus ketan noan, “Papa! Kaim nang soleng kaim hmuki-nalan nas totoang son, le muid Papa. Mo kaim haup asa la?”
23882	MAT 20:21	Kon Yesus keket un noan, “Maam le nodan asa la?” Blalan bihatang na situn noan, “Elia Papa! Eta Paap daad le kil prenta son nam, Auk nodan le Paap nikit auk anang ngias duas, le oen kon kil prenta leo-leo nol Papa. Auk nodan le Paap bel mesan na daad se Paap halin kanan na, mo mesan na pait se Paap halin kliu ka.”
23883	MAT 20:22	Ming un in nodan ela ka kon, Yesus tek Yakobus nol Yuhanis noan, “Mi duam taan asa man mi in nodan ni lo. Ta mam Auk haup susa-daat mamo. Tiata elola? Mi nangan noan mi lepa-haal nal in susa-daat nas leo-leo nol Au le?” Oen duas siut nol lalaba tuun noan, “Bisa isi Papa!”
23893	MAT 20:32	Kon Yesus laok napiut lo, mo Un dil le ketan duas noan, “Mi duam kom le Auk tao asa bel mia la?”
23905	MAT 21:10	Dedeng Yesus tama lako kota Yerusalem nol in lupu-nakaa ela la, kota la isin na putis totoang, le keket apa noan, “Inaa! Asii in maa nia le?”
23915	MAT 21:20	Un ima-ii las net ela kon, oen nahkitu. Oen keket noan, “Tasao le nahkiut tuun nam, kai ina ni tuu meman nia?”
23918	MAT 21:23	Hidi na kon, Yesus nol ima-ii las laok napiut. Lius se Yerusalem kon, oen taam lakos pait se Um in Kohe-kanas Tene ka kintal la. Dedeng Yesus tui atuli las deng Ama Lamtua Allah lalan in nuli ka mamasu lam, tulu agama Yahudi las tene-tenen nas, nol blalan-blalan hadat tas maas le keket-ketan nol Yesus noan, “Asii tadu Ku maa tao lobo-lau se ni lahin nia? Asii man bel ku hak ka?”