566	GEN 22:18	Deng ku in hua-koet tias, mam bangsa-bangsa in se apan-kloma ki ngias totoang, haup hangun, undeng ku muid Auk in leka ka son.’”
887	GEN 31:13	Auk niam Lamtua Allah, man tulu-balang Auk apang ngi bel ku son se Betel la. Se nua ka, ku pii batu mesa, hidim ku doan mina laok se dapa, le todan-lahing Au. Hidim ku butu-kil in hida nol Auk se na. Tiata halas ni ku musti nang dale nia, le pait lako ku ina-amam muas ingu-dale ku tia.’”
934	GEN 32:6	Halas nia lam, tuang ata ki muik aus-sapi, keledai, laen, lae-blai, nol ata bihata nol biklobe. Auk tunang atuil nias muna, le tek nuting tuang deng auk in maa kia. Auk nodan le tuang sium kaim nol im dua.’” Kon atuil nas lakos.
947	GEN 32:19	Lam mi musti siut noan, ‘Hmukit nias tuang ata Yakob pa nena. Un tunang bel un kaka, tuang Esau. Mo un esa muid ne klupu lua.’”
1287	GEN 42:34	Mi musti kil nol mi palin na maa le, halas-sam auk tana noan, mi niam mata-maat lo, mo meman baktebes mi atuil lolo. Eta ela lam, auk sao bel mi kaak-palin man auk in tahang ngia. Nol auk bel dola, le mi laok se ol tuun, se dale nia.’”
1370	GEN 45:11	Eta paap se Gosen nam, un bisa papa-paiduil paap se lua. Ta oras lubu ki nate taun lim pait bii. Tiata mam un ator, le paap nol paap nenan nias, nol hmukit tas totoang muik tahan in dabun saa lo.’”
1472	GEN 48:20	Hidi kon, un tek tana at dua nas noan, “Manase nol Efraim! Mam eta atuil Israel las nodan hangun bel atuil didang ngam, oen kon aa nuting mi duam ngalan nas. Mam oen nodan noan, ‘Sadi bole lam Ama Lamtua Allah bel hangun se ku, banansila el Un in bel hangun se Efraim nol Manase ka.’” Nini ela lam, Yakob kon aa Efraim ngala ka muna, deng un kaka Manase ngala ka.
1512	GEN 50:5	‘Oras auk amang nga le mate ka, un nodan auk le hida, noan auk musti laok puan un aap-sisin na se dale Kanaꞌan. Tiata auk nodan ama lahi le bel auk dola, halin auk laok puan auk amang ngia. Hidi halas-sam, auk pait maang.’”
23244	MAT 2:6	‘Hoe! Mi atuil Betlehem man in ne propinsi Yudea me. Mi boel nangan noan, mi ingu la, suma iung ana mesa, man muik nahin lo ka deken. Ta mam muik atuil tene at mes daid deng iung na. Mam Un daid atuil in lolo-poa taung Auk atulin Israel las.’”
23282	MAT 4:4	Mo Yesus situn noan, “Dulan son ne Ama Lamtua Allah Buk Niu ka noan: ‘Atuli li nuli deng kakaat sii lo. Molam oen musti hii-ming se Ama Lamtua Allah in Teka-teka ngas kon, nol daek muid Un in koma ka.’”
23284	MAT 4:6	Uikjale ka tekan elia, “Eta baktetebes Ku niam Ama Lamtua Allah Ana kam, olan Ku pul niu lako dale ku tia. Ta muik dulan ne Ama Lamtua Allah Buk Niu ka noan, ‘Mam Ama Lamtua Allah lek Un ima-ii in deng sorga nguas, le doh Ku.’ Ne Ama Lamtua Allah Buk Niu ka kon muik in dula noan, ‘Mam oen tod iman nas le tahang Ku, le halin Ku apam ma iil deken, nol Ku iim ma tom se baut deken.’”
23288	MAT 4:10	Mo Yesus baet un noan, “Hoe uikjale! Ku lako nodat deng maan ni tia! Ta Ama Lamtua Allah Buk Niu ka tek noan, ‘Ku musti todan-lahing se Ama Lamtua Allah, nol ku musti daek taung Un sii.’”
23519	MAT 10:33	Mo atuil in kaen Auk se atuil hut mamo silan noan, un taan Auk lo ka, mam Auk kon tek Auk Amang in ne sorga ku noan, ‘Auk taan atuling ni lo.’”
23711	MAT 15:9	Oen tao ela kon no, parsum tuun. Oen dai muid Auk lo, ta oen suma muid atuli li atorang ngas tukun.’”
23900	MAT 21:5	‘Hoe mi atuil Yerusalem me! Ngat laok bus elu le! Ta mi Lahin na maa nuan! Un maa nol in tao dalen deng dadale. Un saek keledai ana le maa.’”
23911	MAT 21:16	Kon oen tek Yesus noan, “Hoeh! Ku ming tana-anang nas in nakaa ka tam? Na tom lo tetetas!” Mo Yesus siut oen noan, “Hao, Auk ming. Mo tasao ka? Mi les net se Buk Niu ka deng tana-ana ngas in naka Ama Lamtua Allah ka lo bii ke? Ta muik dulan ne na noan, ‘Ama Lamtua Allah tui tana-ana mea, nol tana-ana blutu kas meman son, le oen naka-naka Una.’”
24141	MAT 26:18	Kon Un siut noan, “Mi taam lakom kota lua, tiam mi tutnaal blalan biklobeng mesa. Lam mi tekan elia, ‘Ama! Paap Guru nataka kam, Un oras in mate ka maa dani son. Ta Un nodan mana mes se ama uma lia, le Un pake taung in tao fesat Paska nol Un ima-ii las.’”
24184	MAT 26:61	Saksi at dua nas tek noan, “Kaim ming Atuling ni aa net noan, ‘Mam Auk tao lean Um in Kohe-kanas Tene ka. Mo se lelo tiul dalen nam, Auk bangun-pii pait.’”
24241	MAT 27:43	Eta baktetebes Un nam Ama Lamtua Allah Ana kam, nang le ‘Un nahlae se Ama Lamtua Allah. Ta eta Ama Lamtua kom Una lam, taon elola ko Ama Lamtua man bel slamat Una.’”
24287	MRK 1:3	Mam atuling na lako se epe man in muik atuil loꞌ, le haman tek mumuun noan: ‘Totoang atuli li mana-mana le daek babanan lalan na, halin sium Ama Lamtua in maa kia! Daek titu lalan na, le sodo-sium Una.’”
24404	MRK 4:12	Ta atuil didang ngas banansila el asa man Ama Lamtua Allah mee-baha la in dul meman son noan, ‘Oen net son, mo dai nangan tanan lo. Oen ming son, mo dai muid lo. Nang le oen parsai se Ama Lamtua deken tia, le halin Ama Lamtua bel ampong oen bakun na.’”
24676	MRK 10:19	Ku taan Ama Lamtua Allah atorang deng lolo hmunan nua ka son, man tek noan, ‘Keo atuil deken; Nong deken; Naok deken; Daid saksi in nole-lilung deken; Liun-leo nal atuil le kat lai-niin oen sa-saa las deken; Nol todan ku ina ma nol ku ama ma.’”
24712	MRK 11:3	Mo etan muik atuli keket mi noan, ‘Tasao le mi loat keledai na lia?’ Lam mi siut noan, ‘Kaim Lamtuan nu le pake una. Eta Un pake hidi son nam, Un tunang pait meman.’”
24881	MRK 14:58	“Kaim ming atuling ni aa noan, ‘Mam Auk tao lean Um in Kohe-kanas Tene, man atuli li bangun-pii nini ima ka. Mo hidi lelo tilum Auk bangun-pii ulang Um na pait, mo pake atuli li ima lo.’”
25100	LUK 3:6	Nang le totoang atuil in deng bangsa-bangsa li ngias, taan haup noan, Ama Lamtua le bel boa-blingin atuli li deng oen in kula-sala ngas.’”
25140	LUK 4:8	Mo Yesus siut bali noan, “Hapun se ola na la? Ta ne Ama Lamtua Allah Buk Niu ka dul elia, ‘Ku musti todan-lahing se Ama Lamtua Allah sii. Nol ku musti lii-lau Una.’”
25143	LUK 4:11	Mam oen maas le tod Ku, halin nam Ku iim ma, binung tom baut ana mes lo kon.’”
25287	LUK 7:23	Pait lakom le tek kaka Yuhanis noan, ‘Atuil in mae lo le sium Au ngas, taon elola ko mam oen ulat baktetebes.’”
25324	LUK 8:10	Un situs noan, “Undeng mi muid Ama Lamtua Allah in koma ka baktetebes son, tiata Auk sai bel mi langa-langa, le halin nam mi taan Ama Lamtua lalan in prenta Un atulin nas elola ka. Mo atuil tenga las dai muid Ama Lamtua in koma ka lo. Tiata Auk tui oen nini kleta tuun. Ta Ama Lamtua mee-baha las dul meman son deng atuil nias elia, ‘Oen netan son, mo dai tanan lo. Oen ming son, mo dai muid lo.’”
25459	LUK 10:27	Atuling na situn noan, “Un dul elia: ‘Ku musti namnau Ama Lamtua Allah, ku Tuang nga, dui deng totoang. Undeng na, ku musti nangan net Un tutungus, daek mumuun le muid Un in koma ka, nol nangan taan se Una.’ Muik in dula kon noan, ‘Ku musti namnau ku pali-kakam mas, el ku in namnau ku apam ma esa ka.’”
25467	LUK 10:35	Ola ka kon, atuling Samaria nga laok bel dopat duit muti dua se um in hani ka lamtua ka, hidim un tekan noan, ‘Pake duit nias le urus bana-banan atuling papa na, didiin un banan. Eta nol lo kam, pake tahang ama duit. Ta eta auk pait maang ngam, auk bel seda ama duit tas totoang.’”
25596	LUK 13:9	Eta taun in maa ku le kai ina ni isin nam, banan. Mo etan lo kam, dait soleng tuun lako.’”
25689	LUK 15:32	Mo kit musti tao fesat le kuit-lii nol dael kolo tia, undeng ku palim mia. Hmunan nu, tuladang el un mate son, mo halas nia lam un nuli pait son. Un ilang, mo halas ni haup pait son.’”
25720	LUK 16:31	Mo Abraham siut noan, ‘Eta oen dai ming upung Musa nol Ama Lamtua mee-baha las in teka-teka ngas lo kam, atuil in mate puti deng utu ka, le laok aa nolas kon, oen dai ming lo.’”
25730	LUK 17:10	Mi kon ela. Eta mi daek hidi totoang man Ama Lamtua in prenta ngas sam, mi musti aa noan, ‘Kaim niam suma atuil in loka-loka tuun. Kaim nuting in naka-naka lo. Kaim suma lako-daek osa la tuun.’”
25831	LUK 19:31	Mo etan atuli keket mi noan, ‘Tasao le mi loat keledai na talin na lia?’ Lam mi tekas noan, ‘Kaim Tuang nga le pake.’”
26136	JHN 1:23	Kon nam un aa muid asa man upung Yesaya in dul son noan, “Auk niam atuling man in aa niin mumuun se epe in ete tuun nuas, le tek noan, ‘Totoang atuli li mana-koet lalan na babanan, le sodo-sium Ama Lamtua in maa kia! Tao titu lalan na le sium Una.’”
26290	JHN 5:11	Un siut noan, “Idah! Papas totoang komali deken. Ta Atuling in tao auk le banan na, man lok auk noan, ‘Lul ku nehe ka, le lako tia.’”
26357	JHN 6:31	Tuladang el kit upu kia-kaon nas in kaa ruti manna se epe kua ngas. Ta ne Ama Lamtua Buk Niu ka, muik in dula noan, ‘Un bel oen ruti in niu deng apan nua, le oen kaa.’”
26472	JHN 8:22	Kon nam tene-tene deng atuil Yahudi las keket apa noan, “Un aa asa nia le? Un le keo apa kia te? Lole Un tek noan, ‘Mi laok nal se maan na lo.’”
26915	JHN 19:21	Mo tulu agama Yahudi la tene-tenen nas kom in dula na lo. Kon oen laok tek gubernur ra noan, “Tuang! Dulan noan ‘Laih atuil Yahudi deken’! In banan dui ka dulan elia, ‘Atuling ni tek noan, un niam atuil Yahudi las Lahin.’”
26953	JHN 20:17	Yesus tek un noan, “Huud Auk deken le, ta Auk saek lakong Auk Amang in ne sorga ku lo bii. Ku lako napat le tek Auk kaka-paling ngas noan, ‘Auk saek lakong Auk Amang ngu muna le. Un nam mo, mi Aman kon. Hidim Un nam mo, Auk Lamtua Allahn. Tiata Un nam, Lamtua Allah taung mi kon.’”
27228	ACT 7:43	Mi naka-nahalit Auk lo! Mo lelo-lelom, mi hui-langus se mi bangat tas. Mi kom naseke in puti-taam laok el uikjale Molok ka uma la. Mi kon kom in hui-langus se uikjale man ngaal Refan na duun na. Mi taan in hui-langus se sa-saa man mi in daek son, nini mi iman esan nas! Undeng na le, mam Auk kat soleng mi kakatang lakom pes se Babel halin nua.’”
27478	ACT 13:47	Ta Ama Lamtua Allah nutus hidi kaim son, banansila el Yesaya in dul noan, ‘Auk nikit mi son le daid banansila el obor ra, le kil langa ka bel bangsa-bangsa didang, man bangsa Yahudi lo ngas, le halin nam mi laang beles lalan in maa bus el Au lia ka, nini ela lam, Auk sas-sao oen deng oen in kula-sala ngas. Nol mi kon musti tulu bel lalan na se papmes apan-kloma kia.’”
27573	ACT 16:21	Oen kon tui atuli las noan, ‘toe muid pamarenta Roma la atorang ngas deken, le muid se kaim atorang ngia.’”
27743	ACT 21:11	Un maa le tutnaal nol kami. Hidim un kat Paulus bota la, le but un ima-iin nas esa nini bot na. Halas-sam un aa noan, “Ama Lamtua Koo Niu ka tek elia: ‘Mam atuil Yahudi las but lait bot ni lamtua ka eli se Yerusalem. Hidim oen sao un lako se atuil Yahudi lo ngas iman.’”
27788	ACT 22:16	Boel tahang nesang bakun tia. Laok nodan oen le sarain kaka tia! Halin daid tada noan, kaka nodan Lamtua Yesus son le kose soleng kaka in kula-sala ngas.’”
27793	ACT 22:21	Auk siut ela kon no, Yesus prenta ulang auk pait noan, ‘Tao nesa-nesang bakun tia! Bok lako deng Yerusalem nol ni tia! Ta Auk le tadu ku laok se mana-maan katang nguas, le tui atuli-atuil man Yahudi lo ngas.’”
27807	ACT 23:5	Kon Paulus siut noan, “Hao lia? Eta elam, auk nodan ampong, ta auk taan lo noan un niam kit tulu agama las tuang tene ka. Meman Ama Lamtua Allah pake atuil son le dul noan, ‘Mi boel aa dadaat saol mi tulu agama las deken.’”
27909	ACT 26:18	Ku laok sai oen matan nas, le halin oen nangan tana, nol nulis se langa ka dalen. Hidim oen nang soleng oen lalan in nuli man tom lo ngas. Nol ku kon musti tulu beles lalan in nuli man toma ka. Ku sas-loat oen deng uikjale kas tulu tene ka in kuasa ka, hidim nolas lakos se Ama Lamtua Allah. Nini ela lam, Ama Lamtua Allah kose soleng oen in kula-sala ngas totoang. Oen kon daid Ama Lamtua atulin, leo-leo nol atuil didang man Ama Lamtua in huil nal son nas, undeng oen parsai se Au. Auk in le tek ku ka, ela tuun Saul.’”
28248	ROM 9:25	Hmunan nu Ama Lamtua pake mee-baah Hosea, le dul deng atuil Yahudi lo kas noan, “Muik atuli dehe, hmunan nu Auk atulin lo, mo Auk le haman oen noan, ‘Mi niam, Auk atulin.’ Nol muik bangsa dehe, man hmunan nu Auk namnaus lo, mo Auk le haman oen noan, ‘Mi niam, bangsa man Auk in namnau.’”
28359	ROM 14:11	Ta dulan son ne Ama Lamtua Buk Niu ka noan, “Kit Lamtuan na esa man tek noan, ‘Mam totoang atuli li hai bukun le suda se Au, nol tulu in todan bel Au. Mam atuli li mesa-mesam nini oen bahan nas le hao noan, Auk daid oen Lamtuan, undeng Auk niam, Lamtua Allah.’”
28450	1CO 1:19	Na banansila el upung Yesaya in dul son noan, “Ama Lamtua Allah tek noan, ‘Totoang dais man atuil in tana ngas, tanan, mam Auk sukun didaan toang, le daid dais man in muik nahin lo. Oen in tana ka muun elol kon no, mam Auk kat soleng totoang, le daid dais man in muik ambak lo.’”
28767	1CO 14:21	Ne Ama Lamtua Buk Niu ka muik dulan noan, “Kit Lamtuan na tek noan, ‘Auk le aa nol atuil in deng bangsa Israel lias, pake atuil man in aa nini dais didang ngas. Mo Auk tao ela kon no, oen dai hii-ming se Auk lo nabale.’”
30073	HEB 3:11	Auk keeh nal nol in ngat mi in daat ela ka pait lo son. Undeng na le Auk bahang mi noan, ‘Mi boel in taam le teen in kae leo-leo nol Auk pait lo son.’”
30084	HEB 4:3	Mo eta kit parsai lam, kit haup le teen in kae leo-leo nol Ama Lamtua Allah. Ta hmunan nu, Un hid ela son nol kit upu kia-kaon nas, mo hidim Un komali le tekas noan, “Auk keeh nal nol ngat mi in daek daat ela ka pait lo son. Tiata Auk bahang mia, noan, ‘Mi boel in taam le teen in kae leo-leo nol Auk pait lo son.’” Molota kit tana noan, dedeng Ama Lamtua koet apan-dapa ku nol apan-kloma kia ka, Un mana hidi meman son le Un atulin nas haup in tene, le nulis leo-leo nol Una.
30216	HEB 10:16	“Mi Lamtuan na tek elia: ‘Auk but in hida balu nol Auk atulin nas, Auk tao Auk atorang ngas se oen in nangan na, nol dul Auk prenta las se oen dalen nas.’”
30792	REV 2:7	Hii babanan asa man Ama Lamtua Koo la in tek Un jemaat ta ngas. Asii man tahang le muid Auk didiin un mate kam, mam Auk belen dola le un kaa kai isin man in ne Ama Lamtua Allah klapa la ka. Ta atuil man in kaa kai isin na ka, haup in nuil toma man hidi nutus taan lo ka.’”
30796	REV 2:11	Hii babanan asa man Ama Lamtua Koo la in tek Un jemaat ta ngas. Asii tahang le muid Auk didiin mate kam, mam un haup susa-daat se tasi ai man kaloe tutungus sa lo. Nini ela lam, un mate pait oe dua lo ka.’”
30802	REV 2:17	Ta hii babanan asa man Ama Lamtua Koo la in tek Un jemaat ta ngas. Atuil man in tahang le muid Auk tutungus didiin mate ka, mam Auk belen kaa ruti manna deng sorga, man pesang babanan ne mana mesa. Mam Auk kon belen baut muti mesa, man dul un ngala balu ka. Suma un sii man taan ngaal na, mo atuil didang ngam tanan lo.’”
30814	REV 2:29	Tiata hii babanan asa man Ama Lamtua Koo la in tek Un jemaat ta ngas.’”
30820	REV 3:6	Hii babanan asa man Ama Lamtua Koo la in tek Un jemaat ta ngas.’”
30827	REV 3:13	Hii babanan asa man Ama Lamtua Koo la in tek Un jemaat ta ngas.’”
30836	REV 3:22	Hii babanan asa man Ama Lamtua Koo la in tek Un jemaat ta ngas.’”
31082	REV 18:20	Hidi nam, faal tene na aa taplaeng noan, ‘Hoe, mi in nuil ne sorga! Mi dalen nas lukit bakun tia. Hoe, Ama Lamtua atulin nas! Mi dalen nas boel sus bakun tia. Hoe, Ama Lamtua atulin in nutus son nas! Nang le mi dalen nas koloꞌ. Hoe, Ama Lamtua mee-baha las! Nang le mi dalen nas koloꞌ. Hmunan nu, Babel atulin nas tao sus mia. Hmunan nu, kota na tudan-kida mia. Mo halas ni, Ama Lamtua balas mi in susa-daat ta son. Nol Un kon balas kota na atulin nas in daek dadaat ta son.’”
31130	REV 21:8	Mo mam kon muik atuli teng tom in pasang soleng, lako tasi ai blirang man kaloe tutungus sa. Tuladang el atuil in lii daat, atuil man bali kudi Yesus, atuil in nuil hmomos, atuil in nong dadahut daat, atuil in keo atuil tutungus, atuil in hui-langus tutungus, atuil in nodo-kit daat, nol atuil in nole-lilung daat tas. Mam oen totoang tom in pasang tamang lakos tasi ai dalen, man atuli noken noan, ‘man in mate oe dua la.’”