23214	MAT 1:1	Nonei teka u tubur e Iesu Kristo. E Iesu e tubunen e Devit, na e Devit a hatutubunei tere Abraham.
23219	MAT 1:6	Ne Jesi e hatuhanei e Devit a king. Ne Devit e hatuhanei e Solomon. E tsinana e Solomon a tahol tere Uraia.
23230	MAT 1:17	E markato uana teka, a man mun tamana hoboto ti taniama tere Abraham batemi noa ria tere Devit, nori i antunaia turu töa u maloto na tohats tara man mun tamana. Ba man mun tamana te taniama tere Devit batemi noana tara pöata ti lu mera leien i Babilon, u töa u maloto na tohats u mun tamana noahas. Na man mun tamana te taniama tara pöata ti lu mera leien i Babilon batemi noana tara pöata te butuia e Mesaia, nori u töa u maloto na tohats noahas u mun tamana.
23233	MAT 1:20	E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.
23303	MAT 4:25	Bu katuun u parpara koru e kukutier e Iesu: u katunura i Galili na i Dikapolis na i Jerusalem na i Judia na turu tsiktsiki i hapalana a ramun i Jodan.
23475	MAT 9:27	A pöata te la ba naia e Iesu a han teka, ba huol a katuun a matakiou e kukutie ren me ku hapanir me poeier, “A Hatutubunei tere Devit alö go taatagi ramou lam!”
23561	MAT 12:3	Be Iesu e poeiena i taren, “Alimiou go mala rit hanigeiam a ka te katoe e Devit na man hahikapien i tanen tara pöata ti bes ien.
23581	MAT 12:23	Ba u katuun hoboto e asingoto korur me poeier, “Nonei toum a pien tson tere Devit?”
23724	MAT 15:22	Ba töa taholuna tara provins i Kenan te kaia tara han teka e la uana i tanen bena ranga hataatagina i tanen me poeiena, “O Tsunono, a Hatutubunei tere Devit! Alö go taatagi namou lia! U liliahanei u omi e karia tara pien tahol i tar!”
23891	MAT 20:30	Ba huol a katuun a matakiou te gum talaria i rehina kalana me hengoer te la karasa uu e Iesu ba nori e kur me poeier, “O Tsunono a Hatutubunei tere Devit! Alö go taatagi ramou lam!”
23892	MAT 20:31	Ba u katuun e ranga merarien egi kakamoto. Kaba nori i ku hapan noalasi, “O Tsunono a Hatutubunei tere Devit! Alö go taatagi ramou lam!”
23904	MAT 21:9	U katuun u parpara koru ti mamin e Iesu na u katuun has ti murimurima i tanen i ku bate poeier, “Hosana! Soloseiam a Hatutubunei tere Devit! E Sunahan ega kalali esi te la nama tara solona a Tsunono. Hosana! Solosei korueiam a solona e Sunahan iasa koru!”
23910	MAT 21:15	Ba u pris pan na u tson hihatutsur tara Lo e raharaha mer ti tara menaien u mamana u mirakol te katoeien, na ti ku uu a galapien iahana a Luman Lotu Pan bate poeier, “Hosana! Soloseiam u Hatutubunei tere Devit!”
23982	MAT 22:41	Pöata ti gonogono hobotoia u Parasi, be Iesu e rangata ranen, “Ime temar hakats uami limiou tere Mesaia? Nonei a pien tson teresi?” Ba nori e poeier, “Nonei a pien tere Davit.”
23984	MAT 22:43	Be Iesu e poeiena i taren, “Ga taraha tsiponi ba u Namnamei u Göagono te harangena e Devit ba e Devit e ngöenei e Mesaia ‘A Tsunono’?
23985	MAT 22:44	E Devit e poei, ‘A Tsunono e poei tara tsunono i tar, Gum ia tara pal matou i tar, antunana te hake goalia u katuun te pakö rioulö i pitapitana a moumölö.’
23986	MAT 22:45	“E Devit e ngöei a katuun teka, ‘A Tsunono.’ Ga ime te markato uanen ba nonei te pien uana tere Devit?”
24041	MAT 24:15	Be Iesu e poeiena, “Alimiou e tare miou romana a ka a omi koru te rangein e Daniel a propetina i manasa, te tuol ien tara makum a göagono.” (A katuun te ritena u raranga teka ega atei.)
24354	MRK 2:25	Be Iesu e ranga palis ranen me poeiena, “Alimiou go mala rit hanigeiam a ka te katoe e Devit e tuburara a kingina i manasa. Nori na pal katuun i tanen i möa ta kannou ba nori e besir.
24355	MRK 2:26	Ba nori ena tasu ria tara luma tere Sunahan mena noueier a beret a göagono te kaia i matana e Sunahan. A ka teka e butuia tara pöata te tsunono pania e Abiatar turu pris. Tara Lo i tarara u pris puku te tatei noueier a beret teka. Kaba e Devit e noueien me hala has rena a pal katuun i tanen.”
24453	MRK 5:20	Ba katuun teka e lauana tara man han iahana provins i Dikapolis (a solo teka e poeiena a Maloto a Taun). Ba nonei ena habulungana nena a ka te kato beien e Iesu. Ba u katuun hoboto e asingoto korur.
24563	MRK 7:31	Be Iesu e laba nena a taun i Taia mena silana tara taun i Saidon te la uu tara ramun a perperere i Galili, tara makum i Dikapolis.
24579	MRK 8:10	Be Iesu e hala ba ranen ba nonei e osa gono meraiena u katunun tsitsilo i tanen tara tolaala ba nori e la uaier tara provins i Dalmanuta.
24704	MRK 10:47	Ba pöata te hengoeien te la uama e Iesu na i Nasaret ba nonei e tanian ku hapanina me poeiena, “O Iesu a Hatutubunei tere Devit a King, alö go taatagi namoulia.”
24705	MRK 10:48	Ba u katuun u parpara e ranga hapiou meren me poeier, “Kakamoto.” Kaba nonei e ku hapan hasoala bate poeiena, “Hatutubunei tere Devit, alö go taatagi namoulia.”
24719	MRK 11:10	E Sunahan e kalalena romana a katuun temar pepeito kap uana romana temar pepeito kap uu e tuburara e Devit i manasa. Solosei korue iam e Sunahan!”
24777	MRK 12:35	Pöata te hihatutsia e Iesu tara Luman Lotu Pan ba nonei e poeiena, “E hana ba u tson hihatuts tara Lo te poeier e Mesaia a hatutubunei tere Devit?
24778	MRK 12:36	U Namnamei u Göagono te hale ii e Davit u hakhakats ba nonei e poeiena, ‘A Tsunono e mar ranga uu teka tara Tsunono i tar, Gum ia tara pal matou i tar, e antunana tara pöata te hale goi lia lö u katuun te paköe rioulö ba lö tena pita puta ramouen.’
24779	MRK 12:37	“E Devit noahas te ngöei a katuun teka, A Tsunono. Gime temar hatubuna uana e Mesaia tere Devit?” Kaba e möa ta katuun tega ranga palis. U katuun u parpara koru teka i sasaala mei ti hengo uaien tere Iesu.
24989	LUK 1:27	Nonei e la uu tara tahol a kukubei a solonen e Maria. Nonei a tahol ti hopö kap bei a töa tson a solonen e Josep, a hatutubunei tere Devit a King.
24994	LUK 1:32	Pöata te pan noien romana ba nori te ngöe roien a Pien tere Sunahan iasa Koru. E Sunahan a Tsunono te hale noien a nitsunono tere tubunen e Devit.
25031	LUK 1:69	Nonei e habuti a tsonun mammam a tagala koru tego taguhu raioura, a hatutubunei tere Devit, a katunun kui tara Tsunono.
25046	LUK 2:4	E Josep e laba has nela i Nasaret, a taun i Galili, ba nonei e kete ualala tara taun tere Devit a solonen i Betlehem tara provins i Judia. Taraha? E Josep a hatutubunei tere Devit.
25053	LUK 2:11	A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!
25125	LUK 3:31	E Eliakim a pien tson tere Melia. Na e Melia a pien tson tere Mena. E Mena a pien tson tere Matata. Na e Matata a pien tson tere Netan. E Netan a pien tson tere Devit.
25126	LUK 3:32	Na e Devit a pien tson tere Jesi. E Jesi a pien tson tere Obet. Na e Obet a pien tson tere Boas. E Boas a pien tson tere Salmon Na e Salmon a pien tson tere Nason.
25218	LUK 6:3	Be Iesu e ranga palis ranen, “Alimiou ego mala rit hanigeiam a ka te katoe e Devit. Tara töa pöata nonei na u katuun i tanen i möa ta kannou ba nori e besir.
25219	LUK 6:4	Ba nonei e tasuna i luma tere Sunahan me luena u beret u göagono ti hakeia i matana e Sunahan. E Devit e noueien me hala has rena u katuun i tanen. A Lo turu lotu i tarara e hapiou nena tegima nou menai a beret teka. U pris peisa te tatei noue ren.”
25795	LUK 18:38	Ba nonei e kuna, “O Iesu! A hatutubunei tere Devit! Alö go taatagi namoulia!”
25796	LUK 18:39	Ba u katuun ti mam e raharahe ren me poeier, “Alö go kakamoto!” Kaba nonei e ku hapan koru lel, “A hatutubunei tere Devit! Alö go taatagi namoulia!”
25889	LUK 20:41	Be Iesu e poeiena i taren, “Gaha te poei sila naria e Mesaia a hatutubunei tere Devit?
25890	LUK 20:42	E Devit noa has te poei turu buku turu Sam: ‘A Tsunono e poei tara Tsunono i tar, Gum ia tara pal matou i tar, e antunana te katoe goii lia u katuun te paköe riou lö u kaan tötö i tamölö.’
25892	LUK 20:44	“E Devit e ngöe ii e Mesaia ‘A Tsunono.’ Gime temar hatubuna uana e Mesaia tere Devit?” Kaba e möa ta katuun tega ranga palis.
26439	JHN 7:42	U Buku u Göagono e poeiena e Mesaia ega tuhanaia tara pala tere Devit. Nonei gi poseia i Betlehem, a taun te kaia e Devit.”
26608	JHN 11:16	Be Tomas ti ngö hasei e Didimus e poeiena tara palair u katunun tsitsilo, “La mou aragi la, bara tena mate gono merouen.”
26960	JHN 20:24	E Tomas, nonei a töa i tamulam a maloto na huol ti ngö hasei “e Didimus,” ema ka gono merai lam tara pöata te lama e Iesu.
26969	JHN 21:2	Alam mere Saimon Pita, ne Tomas ti ngö hasei “e Didimus,” ne Natanielina i Kena i Galili, na lam a galapien tson tere Sebedi, na huol lel has a aposol i ka gonogono hoboto.
27007	ACT 1:15	Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.
27043	ACT 2:25	E tuburara e Devit e rangein e Iesu i manasa me poeiena tere Sunahan: ‘Alia u tara nitöani a Tsunono i matar. Nonei e kana tara pal matou i tar ba lia tema tatei matout gi.
27046	ACT 2:28	Alö u haröte ii lia a maroro te la uana tara nitöatöa. Na lö e kato hasasaala korue mou lia, taraha alö e ka gono memou lia.’ E Devit temar ranga uu teka.”
27047	ACT 2:29	E Pita e ranga lel me poeiena, “A matsi hahatoulana i tar, alia e ranga halesala negu e Devit a King i tarara na i manasa e mate hakapa ba nori e honge ren tara kiou, na kioun mate i tanen e ka noa hasina i romana.
27048	ACT 2:30	Nonei a propet, na nonei e atei sil e Sunahan e haleien u raranga te mana uu iasa. E Sunahan e ranga hatagala hamana mam noani tega hatuol menaien ta töa tara hun katuun tere Devit turu gumgum u kapan.
27049	ACT 2:31	E Devit e atei sil a ka teka ba nonei e ranga mam nena e Mesaia a katuun te hopö kapiin e Sunahan. Ba nonei e poeiena, e Mesaia ega takei poutsia tara tou mate i tanen. E markato uana teka, ‘E Sunahan ema laba naien ba nonei te kakana tara makum turu katuun ti mate. E möa. A tuenrei nen ema koreme ii.’
27052	ACT 2:34	E Devit ema la sei uai i Kolö, kaba nonei e pei, ‘A Tsunono e pei tara Tsunono i tar: Gum ia tara pal matou i tar, e antunana tara pöata te kato ragoua lia u pakö i tamölö u kaan tötö i tamölö.’
27116	ACT 4:25	I manasa u Namnamei u Göagono i tamölö e ranga silaia tere Devit e tubumulam a katunun kui i tamölö me poeiena: ‘U palair u katuun i raharaha koru. Nori i mastein korupaköni a Tsunono.
27230	ACT 7:45	Ba i murinen bu tuburara e la gono merima e Josua tegimi lu menaien u tsiktsiki turu palair u katuun te tsuga baraia e Sunahan i matar u tuburara. Tara pöata teka nori emi pioun nonei a luma labalaba me hakei rien turu tsiktsiki teka e antunaia tara pöata tere Devit a King.
27231	ACT 7:46	“E Sunahan e haniga korui e Devit, be Devit e singo uana i tanen tega tatei kui menaien a töa luma a niga tere Sunahan tere Jekop.
27232	ACT 7:47	Kaba e Solomon a pien tson tere Devit te kui bei e Sunahan a luma.
27286	ACT 9:1	Tara pöata teka a töa katuun a solonen e Sol e ranga hatagala noahasin tega pile kap meraien u katunun tsitsilo tara Tsunono bate atung hamate ranen. Ba nonei e lana tara tsunono pan turu pris turu Jiu mena rangata nena tu pas tega söateien bate la gono menen turu luman lotu turu Jiu tara taun i Damaskus. Ba u ranga u tagala turu pas teka e poeiena, “Tegona sabeia e Sol ta katuun turu katuun te kukutier a maroro tere Iesu, a tson na tahol has, ba nonei tena pile kap ranen bate las mera neien i Jerusalem.”
27288	ACT 9:3	Be Sol e la uana i Damaskus. Ba pöata te sukusuku ien tara taun teka ba u töa u ualesalana te hereia u kanaha e koul nama i Kolö me piraha hahisenen.
27293	ACT 9:8	Be Sol e takeina, a matanen e kalata kaba nonei ema antunan tarei ta ka. Ba nori e pile ner a limanen me las mena rien i Damaskus.
27295	ACT 9:10	A töa katunun tsitsilo tere Iesu e kaia i Damaskus, a solonen e Ananias. Nonei e tareia a Tsunono turu hiharöto i tanen ba Tsunono e poeiena, “O Ananias.” Be Ananias e poeiena, “O Tsunono, alia teka.”
27304	ACT 9:19	Ba nonei e nouna me lu poutsena a nitagala. Be Sol e gamon ka gono meraiena u katunun tsitsilo tere Iesu i Damaskus.
27307	ACT 9:22	E Sol e tagala susul ba nonei e haröto nena e Iesu nonei e Mesaia hamana, a katuun te hopö kapiin e Sunahan. Na nonei tara pöata u Jiu ti kaia i Damaskus i hengoe u ranga teka kaba nori ima antunan ranga palise ii e Sol.
27309	ACT 9:24	Kaba e Sol e hengoin u korupakö teka. A lan na bong, nori i pepeito kapiin u tamana tara taun i Damaskus tegi atung hamate menaien e Sol.
27312	ACT 9:27	Ba e Banabas ena piou nanen turu aposol me hatei raneien e Sol e tareia a Tsunono i maroro ba Tsunono e ranga gono menen. Ba e Banabas e hatei has raneien e Sol e ranga hatagala koru te hatei la menameien e Iesu i Damaskus.
27321	ACT 9:36	Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.
27324	ACT 9:39	Be Pita e takeina me la gono mera nen. Pöata tina butuien ba u katuun e las menarien tara rum iasa te kaia e Dokas. U amoaba i tuol hobotoia i rehina e Pita bate taber. Nori i haröto haseien a man hasobö te katoe e Dokas me hala raneien tara pöata te ka gono noa meraien e Dokas.
27326	ACT 9:41	Be Pita e pile nena a limanen me las hatakeie nen, be Tabita e tuoluna. Nonei e töatöa pouts tala. Be Pita e ngö gögono rena u amoaba na palair u kristen, ba nonei e hala pouts raneien e Dokas.
27453	ACT 13:22	Be Sunahan e tsugena e Sol me hakeiena e Devit a king i taren. Nonei e mar ranga menai e Devit teka: ‘Alia e tara sabiegu e Devit a pien tere Jesi nonei a mar katuun te ngile gulia. A torir e ngil korue nen. Nonei te kukute hanige nou u mamana u ngil hoboto i tar.’ E Sunahan temar ranga uu teka.
27454	ACT 13:23	I murimuri e Sunahan ena habute nou e Iesu tara pala tere Devit, a katuun tena lu pouts ranoura temar ranga hamana uu e Sunahan i manasa.
27465	ACT 13:34	“E Sunahan e hatakei poutseien tara tou mate, na nonei ema antunan mate lel nei bate koremena. E möa. E markato uana temar ranga uu e Sunahan tere King Devit: ‘Alia e kato hamana bera gilimiou romana a ka a niga tu ranga hamana naia lia tere Devit i manasa.’
27467	ACT 13:36	“U ranga teka ema hatei nanei e Devit. Taraha, i murina te katoeia e Devit u ngil tere Sunahan tara pöata i tanen, ba nonei e töan matena ba nori e kaho narien ti kaho raia u tubunen, ba nonei e koremena.
27489	ACT 14:6	Ere Pol mere Banabas i hengo sabeni a ka teka, ba nori e bus uaier tara provins i Likonia, na tara taun i Listra na i Debi, na tara man han te sukusukuia tara makum ti kaien, ti hatei la naien u Bulungana u Niga.
27503	ACT 14:20	Kaba u kristen emi gono hahiseien, ba nonei e takeina be tasu pouts uana iahana taun. Turu hamahö be Pol mere Banabas e lauaier tara taun i Debi.
27504	ACT 14:21	I murina ti hatei hakapa naien u Bulungana u Niga tara taun i Debi ti lu has raien u katunun tsitsilo u para tere Iesu. Ba nori e la sila pouts uaier tara man taun i Listra na i Aikoniam, na i Antiok te kana tara provins i Pisidia.
27527	ACT 15:16	‘I murimuri alia ena la pouts guma romana, ba lia temi kato haniga pouts ragou a pala tere Devit, e here nei a luma te omi ba katuun temi kui hatsimus poutse nen.
27553	ACT 16:1	Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.
27626	ACT 17:34	Kaba a palair u katuun ti ka gono meien i hamana me ka gono mer e Iesu. E Daionisias, te kaia turu hagum i Ariopagas, e kaia i gusuna a tsi hun katuun teka, na töa tahol has a solonen e Damaris, na palai has ti ka gono meraien.
27678	ACT 19:24	E Demitrias e kukuiei a manka a silva. Nonei e roron kui tatateie a matsi makumun silva a mankan lotu ti hakeia tara luman lotu pan tere Atemis, a got gamogamo a tetahol ti roron hatsunono uu katunura i Epesis. E Demitrias e roron habuti a toukuin hahol a para turu katunun kui i tanen.
27681	ACT 19:27	U raranga tara katuun teka e namots kato homiena a solo tara toukui i tarara. Na tana ka lel, u raranga i tanen e namots kato homi hasena a solo tara luman lotu pan tara got a tetahol e Atemis, bate here nei a ka pinopino turu hakats turu katuun. U katunura i Eisia hoboto na u katuun tara han hoboto e roron hatsunoner a got a tetahol teka. Kaba u raranga tara katuun teka e Pol, e katsin kato hataia tsiponena a nikapan i tanen.” E Demitrias e mar ranga uu teka.
27692	ACT 19:38	Te ngilin kout mena e Demitrias na u katunun kui i tanen a töa katuun, e ka mena a pöatan kout. Na gamman e ka hasina. Nori egi hamatsköeia u ranga i taren turu kout.
27698	ACT 20:4	E Pol e la gono mei e Sopata, a katununa tara taun i Beria a pien tere Pairus. A palair u katuun i la gono has meien: ere Aristakus mere Sekundus ri Tesalonaika, na e Gaius tara taun i Debi, ne Timoti, na ere Tikikus mere Tropimas tara provins i Eisia.
27777	ACT 22:5	A tsunono pan turu pris na pal kapan hoboto turu Kout Pan turu Jiu e atei siler te ranga hamana uagu lia. Alia u lu u pas ti koloto menai a pal tson teka turu Jiu i Damaskus. Ba lia e la uagu i Damaskus tegona pile kap merai lia u katuun tere Iesu, bate kits ragien u tsien bate la pouts mera gumeien i Jerusalem bate hahuna ragen.”
27778	ACT 22:6	Be Pol e ranga lenina me poeiena, “Pöata tu la noaia lia tara kalana me sukusukun butu gia i Damaskus, ba u töa u ualesala pan e songots butu nama i Kolö tara pal söasa me piraha hahise noulia.
27782	ACT 22:10	Ba lia e poeiegu, ‘O tsunono, aha te katoe goulia?’ Ba Tsunono e poeiena i tar, ‘Alö go takei balö te lam i Damaskus, balö tena hengo namou a mamanaka hoboto te hopö kap mei lö e Sunahan tegona kati lö.’
27783	ACT 22:11	U ualesala teka e pan koru me kato hakiouena a matar, ba pal tson ti la gono meiou lia e pile ria i limar me las mena rilia i Damaskus.
27784	ACT 22:12	“A töa tson a solonen e Ananias e la uama i tar. Nonei a katuun te hatsunonei e Sunahan bate kukutiena a Lo i tarara, na u Jiu hoboto ti kaia i Damaskus i haniga korueien.
27861	ACT 24:24	U lahisa u lan e kapa, be Piliks e la gono menama a tahol i tanen e Drusila a toun Jiu. Be Piliks e ngöena e Pol me hengoeiena u raranga i tanen te hatei naien a mouna a ka te hamana siler u kristen tere Iesu Kristo.
27903	ACT 26:12	Be Pol e ranga lenina me poeiena, “Alia u la mei u raranga u mal turu tson mammam turu pris na u katuun u kapan tego la uu lia i Damaskus tegona lu has merailia u kristen.
27911	ACT 26:20	Alia u la mam uu i Damaskus mena hatei ragi u katuun tegi hakapa menaien a man markato a man omi na man hakats a man omi i taren bate habirits uaier tere Sunahan, na tegi kato menaien a manka te haröto nena ti hakapa koru menaien a markato a omi na u hakats u omi i taren. Na lia u kato has uu iesana i Jerusalem na tara man han hoboto i Judia na turu katuun has tema Jiu ri.
28000	ROM 1:2	E Sunahan e ranga hamana noa has i manasa tego hala meraien ra u Bulungana u Niga teka. Nonei e hatei naien turu raranga turu propet i tanen turu Buku u Göagono. E Iesu i poseia tara pala tere King Devit.
28096	ROM 4:6	E Devit a King e mar ranga has uu teka, a katuun e tatei sasaalana te ngö mena neien e Sunahan a katuun a matskö i matanen batema hakats nanei a markato a niga i tanen:
28286	ROM 11:9	Na e Devit a King e pei hasi i manasa: “Pöata te katoe roien a kannou te ngil korue ren, ba lö te kato homi mera mien a kannou, te kato uana a tanga na a kiou te hatongo kap nena a poum a hie. Alö go hahuna raien.
29089	2CO 11:32	Tara taun i Damaskus, u katunun pepeito tere Aretas a king i taratara kapiin a man tamana tara ololo tara taun tegi pile kap menaien lia.
29141	GAL 1:17	Na lia uma la hasi i Jerusalem tegona tara merai u katuun ti aposol mam naiou lia. E möa. Alia ina kaia tara han i Arebia me hakopis pouts uagu tara taun i Damaskus.
29623	COL 4:14	Na e Luk a dokta te ngil korue mulam na e Dimas e hala has ner u hanhaniga i taren.
29902	2TI 2:8	Hakats kapiin e Iesu Kristo te takei poutsia tara tou mate, a hatutubunei tere Devit a King. U Bulungana u Niga te habulungana naiegulia te hatei nanen.
29947	2TI 4:10	Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.