23214	MAT 1:1	Nonei teka u tubur e Iesu Kristo. E Iesu e tubunen e Devit, na e Devit a hatutubunei tere Abraham.
23215	MAT 1:2	E Abraham e hatuhanei e Aisak. Ne Aisak e hatuhanei e Jekop. E Jekop e hatuhaner ere Juda mera u toulanen.
23216	MAT 1:3	Ne Juda e hatuhaner ere Peres mere Sira. E tsinaren e Tamar. Ne Peres e hatuhanei e Hesron. Ne Hesron e hatuhanei e Ram.
23218	MAT 1:5	Ne Salmon e hatuhanei e Boas. E tsinana e Boas e Rehap. Ne Boas e hatuhanei e Obet. E tsinana e Obet e Rut. Ne Obet e hatuhanei e Jesi.
23219	MAT 1:6	Ne Jesi e hatuhanei e Devit a king. Ne Devit e hatuhanei e Solomon. E tsinana e Solomon a tahol tere Uraia.
23226	MAT 1:13	Be Serubabel e hatuhanena e Abiut. Be Abiut e hatuhanena e Eliakim. Be Eliakim e hatuhanena e Asor.
23227	MAT 1:14	Be Asor e hatuhanena e Sedok. Be Sedok e hatuhanena e Akim. Be Akim e hatuhanena e Eliut.
23228	MAT 1:15	Be Eliut e hatuhanena e Eliasa. Be Eliasa e hatuhanena e Matan. Be Matan e hatuhanena e Jekop.
23229	MAT 1:16	Be Jekop e hatuhanena e Josep a tson tere Maria. E Maria te posei e Iesu, te ngö haseri e Kristo e Mesaia.
23230	MAT 1:17	E markato uana teka, a man mun tamana hoboto ti taniama tere Abraham batemi noa ria tere Devit, nori i antunaia turu töa u maloto na tohats tara man mun tamana. Ba man mun tamana te taniama tere Devit batemi noana tara pöata ti lu mera leien i Babilon, u töa u maloto na tohats u mun tamana noahas. Na man mun tamana te taniama tara pöata ti lu mera leien i Babilon batemi noana tara pöata te butuia e Mesaia, nori u töa u maloto na tohats noahas u mun tamana.
23231	MAT 1:18	E Iesu Kristo i mar posa menai teka. E Maria i hopö kap bei tego tölo menaien e Josep. Kaba nori ima soho gono noai, be Maria e pikana turu Namnamei u Göagono.
23232	MAT 1:19	E Josep a tson tere Maria e poei, e Maria e pikaia tara tana tson. Na nonei a katuun a matskö koru na nonei e raman hamatsingolein e Maria i matar u katuun tego markato uen teka, ba nonei e katsin la momous ba tuun nena e Maria.
23233	MAT 1:20	E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.
23235	MAT 1:22	A mamanaka hoboto teka e butu sil korueiena tega kato hamana menaien u raranga te ranga naia a Tsunono tara töa propet i manasa. A propet e mar ranga uu teka: “Hengoiam! A tahol a kukubei tema soho gono noa menei ta tson e pika nou. Ba nonei te pose nou a pien tson, ba nori te ngöe roi a solonen e Emanuel.” A solo e Emanuel e mar mouna uana teka, “E Sunahan e ka gono mera noura.”
23239	MAT 2:1	E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”
23256	MAT 2:18	Nonei e mar ranga uu teka, “A nitaatagi pan e butuna tara han i Rama. U katuun e ku hapan koru mer te tabe hataatagi uaren. E Retsel e tabe hataatagi sil koru reiena a galapien i tanen. Na nonei ema ngilenei tegi hasokolei menaien. Taraha, a galapien i tanen i mate hakapa nitöa.”
23264	MAT 3:3	E Jon nonei a katuun te rangein e Aisaia a propet i manasa. Ba nonei e poeiena, “A töa katuun ena ku hapan noa romana tara makum a palaka bate poeiena, ‘Kato hamatsköeiam a maroro, a Tsunono e ngilin sila nama romana tara maroro a matskö.’”
23265	MAT 3:4	E Jon e roron hasogi u hasobö ti katoei a huluna a kemol, bate pouseiena a lete. Na nonei e roron noui a köno na möröana.
23270	MAT 3:9	Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.
23276	MAT 3:15	Be Iesu e ranga palisenen me poeiena, “E noahasina alö go markato uu temar ranga uagu lia. Tara markato teka bara te kato hantunera a mamanaka a matskö te ngilena e Sunahan.” Be Jon e töa kukutiena temar ranga uu e Iesu.
23280	MAT 4:2	E Iesu ema nouei ta kannou e antunaia turu tohats u maloto u lan na u tohats u maloto a bong. Ba i murinen ba nonei e bes koruna.
23282	MAT 4:4	Kaba e Iesu e ranga palis uu i tanen me poeiena, “Turu Buku u Göagono tere Sunahan i koloto hasiin, ‘A beret peisa ema antunan hala nanei a nitöatöa tara katuun. E möa. A katuun te kukutiena a man raranga tere Sunahan nonei e luenou a nitöatöa.’”
23284	MAT 4:6	Ba nonei e poeiena tere Iesu, “Tego Pien uu lö tere Sunahan, ba lö te kurapa uam i puta. Taraha, turu Buku u Göagono i koloto hasiin, ‘E Sunahan e ranga mera nou u angelo i tanen tegi tara kap menaien lö. Na nori e pile sei nariou lö, ba u hatu tema tatei toke roi a mou mölö.’”
23296	MAT 4:18	Pöata te tataalaia e Iesu i kotolana tara Ramun a Perperere i Galili, ba nonei e tareiena e Saimon ti ngö hase ii e Pita na e toulanen e Endru, bate hagala ria i ramun, taraha nori u katunun hagala. Nori i holei a kannou i taren a iena.
23301	MAT 4:23	E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.
23302	MAT 4:24	Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.
23306	MAT 5:3	Ba nonei e poeiena, “U katuun te kato hateteneier a peisaren egi sasaala. E Sunahan e ngö raneien u katunun sasaala, taraha a Nipepeito tere Sunahan e ka uana i taren.
23307	MAT 5:4	Na u katuun te taatagir egi sasaala. E Sunahan e ngö raneien u katunun sasaala, taraha nonei e kato hagigaha poutse nou a nitaatagi i taren.
23308	MAT 5:5	Na u katuun te kakamotor batema tatei raharahari egi sasaala. E Sunahan e ngö raneien u katunun sasaala, taraha nori e lue riou a han i puta.
23309	MAT 5:6	Na u katuun te ngil korueier a markato te matsköna i matana e Sunahan egi sasaala. Nori e here rari u katuun te besir na te maka siler a ka a niga. E Sunahan e ngö ranoien u katunun sasaala, taraha nori e masul riou.
23310	MAT 5:7	Na u katuun te taatagi rer a palair u katuun egi sasaala. E Sunahan e ngö ranoien u katunun sasaala, taraha nonei e taatagi has ranoien.
23311	MAT 5:8	Na u katuun a toriren te gogosona egi sasaala. E Sunahan e ngö ranoien u katunun sasaala, taraha nori ena tare roien.
23312	MAT 5:9	Na u katuun te nolo pouts rer a pala te hiaraharahar egi sasaala. E Sunahan e ngö ranoien u katunun sasaala, taraha nonei e ngö has ranoien romana a galapien i tanen.
23313	MAT 5:10	Na u katuun te kato hamatskö ria i matana e Sunahan ba palair u katuun te kato homi raren egi sasaala. E Sunahan e ngö ranoien u katunun sasaala, taraha a Nipepeito tere Sunahan e ka uana i taren.
23316	MAT 5:13	E Iesu e ranga lel me poeiena, “Alimiou e here rami u soluna i puta. Kaba te tia banena u sol a nimal i tanen, e möa len ta maroro tegi markato menaien bate mal poutsina. E gi ba lasiin ba u katuun te tötö ria i oulunen.
23318	MAT 5:15	Na u katuun ema ron hakuluperi u lam bate kopo kap narien a sosopene. E möa. Nori e haka seie rien tara makumun gumgum turu lam bate alesala uana turu katuun hoboto te ka ria iahana luma.
23320	MAT 5:17	E Iesu e ranga me poeiena, “Alimiou goma poeiemi alia u la silema tegomi luba menai a man Lo tere Mosis na u raranga turu propet. E möa. Alia u la silema tegomi kato hamouna koru menaien.
23340	MAT 5:37	Alimiou go poe tuun laseiam, ‘Aa’ tsi ‘E möa.’ Ta saha ta ka te ranga lel namou limiou e la hamanasa tala nama tere Satan.”
23342	MAT 5:39	Kaba alia e hatei ragou limiou, alimiou goma palisemi a katuun te kato homina i tamilimiou. E möa. Te tapalena a katuun a abuabu mölö tara pal matou, habirits balö te hatapala nem a hapala.
23355	MAT 6:4	E markato uana teka, alö go hala hamousin a monin hitaguhu i tamölö. Be Tamamölö te tarena a mamanaka, bate hala hasenoi lö u hamatana.”
23377	MAT 6:26	Alimiou go taraiam turu apenar iasa. Nori ema leberi ta kannou na nori ema hagala haseri ta kannou batemi hakeria tara luman haputu. E möa. Kaba e Tamamilimiou i Kolö e hanou noa las ranen. Na limiou e niga bala ramiou u apena.
23379	MAT 6:28	“Na saha ka te hakats sil me milimiou u hasobö? Alimiou go rötoiam turu palaua u hie temar pusuku uaren. Nori ema katoeri a peisaren bate tara hanigar. E möa.
23381	MAT 6:30	Na temar hasogo menanei e Sunahan u garas, te ka nou i romana bate haatse ria turu tula i mahö. E hana, e Sunahan ema antunan hasogo ranoui limiou tu hasobö, alimiou te ka memiou u nihamana u tetenei?
23383	MAT 6:32	A mamanaka teka te kato siler u tematan egi lueien. E Tamamilimiou i Kolö e atei silena te ngil mena milimiou a manka teka.
23394	MAT 7:9	Esi i tamilimiou te tatei hale nei a pien tson i tanen a hatu te singoe nen ta tsi beret?
23401	MAT 7:16	Alimiou e tatei tara marei sila ramoien tara man hua i taren. E hana, u katuun e antunan patsiki hase ria a huana u grep tara latu a hihitoka? Na a huana u fik tara latu a kits?
23406	MAT 7:21	Be Iesu e rangana me poeiena, “Ema katuun hoboto nei te ranga ria i tar bate poeier ‘O Tsunono, O Tsunono,’ tena tasu roa tara Nipepeito tere Sunahan. Kaba u katuun puku lasi te kukuteier u ngilngil tere Tamar te kana i Kolö tena tasu riou.
23417	MAT 8:3	Be Iesu e hasoa nena a limanen ba nonei e sebele nen. Me poeiena, “Alia e ngilegu. Alö go gogoso!” Ema mala pinatöai ba toba i tanen te taiana.
23459	MAT 9:11	Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?”
23460	MAT 9:12	Kaba e Iesu e hengoe a ka teka me poeiena i taren, “U katuun te moar ta siki ema tatei la uari tere dokta. E möa. U katuun lasi te ka mer a siki te tatei la uar tere dokta.
23470	MAT 9:22	Be Iesu e habiritsina me tara uana i tanen me poeiena, “E nigana, u nihamana i tamölö e kato haniga poutse lalou lö.” Ba nonei tara tsi pöata puku has teka ba tahol e niga poutsuna.
23477	MAT 9:29	Ba nonei e sebeleiena a mataren me poeiena, “E tatei mar butu uana turu nihamana i tamilimiou.”
23478	MAT 9:30	Ba man mata i taren e takalatana! Be Iesu e ranga hatagala mera nen me poeiena, “E möa tegona hatei mena milimiou ta katuun a ka teka!”
23481	MAT 9:33	Be Iesu e tsuga ba nena a liliahanei a omi ba katuun e töan ranga poutsuna. Ba u katuun e asingoto korur me poeier, “E möa koru ta töa ta marka teka tego butu noa buia i Israel!”
23483	MAT 9:35	E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki.
23488	MAT 10:2	Nonei teka a man solo tara maloto na huol a aposol tere Iesu: E Saimon ti ngö hasei e Pita. Ne Endru e toulana e Saimon. Ne Jemis a pien tson tere Sebedi. Ne Jon e toulana e Jemis.
23506	MAT 10:20	Ema limiou peisanei te ranga mou. Kaba u Namnamei tere Tamamilimiou e Sunahan te haranga ranou limiou.
23511	MAT 10:25	E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”
23512	MAT 10:26	E Iesu e ranga lel me poeiena, “Alimiou goma matout rami u katuun. Taraha, a manka hoboto te hamouser ena butu noua turu ualesala i murimuri.
23518	MAT 10:32	Be Iesu e poeiena, “Esi te hatei ranei u katuun nonei e pala uana i tar, ba lia te hatei hase gou e Tamar i Kolö nonei a katuun i tar.
23520	MAT 10:34	Be Iesu e ranga lenina me poeiena, “Emoa tego pei mena milimiou alia u la silema tegomi hala menai a masalohana turu katunura i puta. Alia uma la memei a masalohana. Alia u la mema a hiatatung.
23525	MAT 10:39	Esi te poeiena e ka peisa mena a nitöatöa i tanen e hatia pouts hase nouen. Kaba esi te hakats nanoulia ba nitöatöa i tanen te taiana, nonei ena sabie nou a nitöatöa hamana i tanen.”
23526	MAT 10:40	E Iesu e ranga lel me poeiena, “A katuun te nigana i tamilimiou e niga hasna i tar. Na katuun te nigana i tar, nonei e niga hasna tere Tamar te hale moulia.
23538	MAT 11:10	E Jon nonei a katuun te hatei nena u Buku u Göagono, ‘Alia e Sunahan e halana gou a tson sösöata ranga te mam nanoulö, tena hamatsköenou a maroro i tamölö.’
23542	MAT 11:14	Na te hamane mia limiou u raranga i taren, alimiou e atei silemiou e Jon nonei e Elaitsa tego lama.
23543	MAT 11:15	Esi te kamena u talinga ega hengo!
23546	MAT 11:18	E Jon a Tsonun Baptais e lama kaba nonei ema nou ii nema ua hase ii ta uain. Ba nori e poeier nonei a katuun a momolö.
23555	MAT 11:27	“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.
23583	MAT 12:25	E Iesu e atei sil u hakhakats i taren be poeiena, “Tegi hiatatungia u katuun tara töa han pan, ba han teka te omi nou. Na tegi lukataia a töa han tsi a töa hun haposa, bate hiatatungur bate möa nou ta hun haposa tega ka haniga.
23588	MAT 12:30	Esi tema ka gono menei lia, nonei ema ngile nei lia. Na katuun tema gono bera nei lia u katuun, nonei e tsuga ba raneien lia.
23598	MAT 12:40	E Jona e kaia i torina a iena pan u topisa u lan na topisa a bong, na Alia tu butun Katunuma e ka hasegou u topisa u lan na u topisa a bong iahana u tsiktsiki.
23605	MAT 12:47	Ba töa katuun e hatei nen, “E tsinamölö na u toulamölö te tuolur ielesala e ngilin ranga ria i tamölö.”
23606	MAT 12:48	Be Iesu e ranga palise nen me poeiena, “Esi nonei e tsinar na eresi u toular?”
23608	MAT 12:50	Eresi te kukutieier u ngilngil tere Tamar i Kolö nori u toular na u hahinar nu tsinar.”
23617	MAT 13:9	Be Iesu e poeiena, “Esi te kamena u talinga ega hengo.”
23618	MAT 13:10	Ba u katunun tsitsilo e la uarima tere Iesu me rangate ren, “E hana ba lö te ranga meramen turu haharuei?”
23627	MAT 13:19	U katuun te hengoer u raranga tara nipepeito kap ba tema atei silerien, e Satan ena la nama romana bate lubanena a tsi niatei te kana i tori milimiou. E herenei a man ngal ti tsihasa naia i maroro.
23637	MAT 13:29	“Ba nonei e poeiena, ‘E möa. Alimiou ena mots pate ba has namiou u wit te sohalana turu pulung tegona pate ba mena milimiou u pulung u omi.
23655	MAT 13:47	E Iesu e ranga lel me poeiena, “Na Nipepeito tere Sunahan e here nei a abe te lapo naria i tasi bate soohena a mamana mar iena.
23661	MAT 13:53	E Iesu e ranga hakapein a man haharuei teka, me la ba nena nonei a han.
23670	MAT 14:4	Taraha e Jon e ranga mei e Herot me poeiena, “E ma niga koru nei tego tölo menai lö e Herodias!”
23675	MAT 14:9	E Herot e tori tiama koru, kaba nonei e kato hakapa talei u ranga u mana i matar u katuun ti nou gono meien, ba nonei e hatangana tala nena u raranga tara tahol.
23706	MAT 15:4	E Sunahan e ranga me poeiena, ‘Hapaneiam u tamamilimiou na u tsinamilimiou. A katuun te ranga homi nena e tamanen tsi e tsinanen egi atung hamate korui.’
23708	MAT 15:6	Ba u raranga te poeiena, ‘Hapaneiam e tamamilimiou’ ema la uanei tara katuun teka. Temar ranga uami limiou. E markato uana teka, alimiou e roron hala putemiou u raranga tere Sunahan te kukute mena milimiou u hihatuts turu tubumilimiou.
23709	MAT 15:7	Alimiou u katuun u gamogamo! E propet Aisaia e ranga hamana koruia tara markato i tamilimiou, me poeiena, ‘U katuun teka e hatsunono tune ria lia turu ranga tuun i taren, kaba i toriren na turu hakhakats i taren e ka halehana ba koru nariou lia.
23725	MAT 15:23	E Iesu ema ranga töa nai tatsi töa tatsi ranga i tanen. Ba u katunun tsitsilo e la uarima tere Iesu me ranga hatagala meren, “Hala ban! Taraha, nonei e kukute mera neira u tabe.”
23726	MAT 15:24	Be Iesu e ranga palisina me poeiena, “E Sunahan e hala sil puku me melia u katunura i Israel te taiar. Na lö ema Jiu mi.”
23728	MAT 15:26	Be Iesu e ranga palisenen, me poeiena, “E ma matskö nei tegi lu menai a kannou tara galapien bate ba naria turu muki.”
23730	MAT 15:28	E Iesu e atei sil temar hakats uu a tahol teka. Ba Nonei e ranga palisenen me poeiena, “U nihamana i tamölö e tagala koruna. Na ka te ngile mölö e butu hamanasana.” Ba pien tahol i tanen e niga pouts hamanasa hasina.
23749	MAT 16:8	Ba pöata te atei sileia e Iesu a saha ka ti hiararanga naien, ba nonei e poeiena i taren, “A tsi nihamana i tamilimiou e tetenei koruna. E hana ba limiou te hiaraharaha pouts silemiou tema lu mena mumei limiou ta beret?
23752	MAT 16:11	E ha koruna ba limiou tema atei sile mulei, alia ema ranga silegulei a beret? Kaba hanei sileiam u is turu Parasi na u Sadiusi!”
23763	MAT 16:22	Be Pita e lu mena neien i harerehi mena ranga hapiou menen me poeiena, “O Tsunono, e Sunahan ega hapioun a ka teka! Ego ma tatei butu koruia i tamölö!”
23765	MAT 16:24	Be Iesu e poeiena turu katunun tsitsilo i tanen, “Esi te ngilin kukute nanou lia ega solopali a mamanaka te ka uana i peisanen, bate töan söatena a kuruse i tanen bate kukutie nou lia.
23766	MAT 16:25	Esi te pile kap haröto nena a nitöatöa i tanen e tia ba nanouen. Kaba a katuun te mate silena te ngil mena neien lia, nonei ena sabie nou a nitöatöa te ka nitöana.
23772	MAT 17:3	Be Mosis mere Elaitsa e songotei butu hasingoto ria i rehinen be ranga gono meren.
23779	MAT 17:10	Ba u katunun tsitsilo e rangateier e Iesu, “Taraha tsiponi ba u tson hihatuts tara Lo te poeier e Elaitsa ega mam nema e Mesaia?”
23780	MAT 17:11	Be Iesu e ranga palis ranen me poeiena, “E Elaitsa ena la mam pouts hamana nama ba nonei temi kato hamatsköena a mamanaka.