23242	MAT 2:4	Be Herot e ngö gögono hoboto rena u pris pan, na u tson hihatutsura tara Lo me rangata ranen, “Ime tegi poseia e Mesaia, a katuun te hopö kapiin e Sunahan?”
23283	MAT 4:5	Nonei e mar ranga uu teka, be Satan e lu mena neien tara taun i Jerusalem, mena hatuole nen iasa koru i pungana tara Luman Lotu Pan.
23297	MAT 4:19	Be Iesu e poeiena i taren, “La gono memu moulia, ba lia te hatuts ragoui limiou temar sooho merari u katuun.”
23320	MAT 5:17	E Iesu e ranga me poeiena, “Alimiou goma poeiemi alia u la silema tegomi luba menai a man Lo tere Mosis na u raranga turu propet. E möa. Alia u la silema tegomi kato hamouna koru menaien.
23321	MAT 5:18	Na lia e hatei hamana ragou limiou, u kolö na u puta e tatei kapa nou, kaba e möa ta tsi töa ta tsi makumun raranga tega tia iou tara man Lo, e antunana tara pöata te butu hakapa noa a mamanaka.
23322	MAT 5:19	Ba katuun te hipus nena a tsi tabubun makumun raranga tara man Lo bate las rena a palai egi markato has uu te markato uanen, nonei e katuun papala koru noa tara Nipepeito tere Sunahan. Kaba a katuun te hengoena a man raranga tere Sunahan, bate hatuts rena a palai egi markato has uu te markato uanen, nonei ena katuun pan noa tara Nipepeito tere Sunahan.
23323	MAT 5:20	Alia e hatei ragou limiou, te ngilin tasu mia limiou tara Nipepeito tere Sunahan, alimiou ego kukute hanigeiam u raranga i tanen, kaba te kukute mia limiou a markato turu tson hihatuts tara Lo na turu Parasi, alimiou ema antunan tasu moi tara Nipepeito tere Sunahan.”
23389	MAT 7:4	Ime te markato uanen balö te poeiem tere toulamölö ‘Lama, ba lia te luba negu a tsi bita i matamölö’ tara pöata te kana a makumun palang i matamölö pouts?
23407	MAT 7:22	Nonei turu Lan teka, a parpara a katuun e poeiena romana i tar, ‘O Tsunono, o Tsunono. Alam u hihatuts silaia tara solomölö na lam u tsuga ba has raia u liliahanei u omi tara solomölö, na lam u kato sila has naia a man hiharöto tara solomölö.’
23408	MAT 7:23	Ba lia te ranga meragouen bate poeiegu, ‘Alia ema atei sil ragi limiou. La ba namou lia! Alimiou u katuun u omi.’”
23414	MAT 7:29	Taraha, nonei ema here rai u tson hihatutsura tara Lo, kaba nonei e hihatuts here ii a katuun te kamena a nitsunono.
23427	MAT 8:13	Be Iesu e poeiena tara tsunono turu soldia, “La tala. A ka ena mar butu has benoi lö turu mar nihamana i tamölö.” Ba nonei tara tsi pöata puku has teka ba katunun kui i tanen e niga poutsuna.
23433	MAT 8:19	Ba töa tson hihatutsuna tara Lo e la uanama i tanen me poeiena, “Tson Hihatuts, alia e la gono megou lö tara mamana han te la uamou lö.”
23451	MAT 9:3	Ba palair u tson hihatuts tara Lo e hakats tunur me poeier, “A katuun teka e katsin gulena a nitsunono tere Sunahan.”
23472	MAT 9:24	Ba nonei e poeiena, “Laiam. A pien tahol ema mate nei. Nonei e soho tununa.” Pöata ti hengoeien temar ranga uu e Iesu teka, ba nori e golgol sileren.
23532	MAT 11:4	Be Iesu e ranga palis ranen me poeiena, “La mula batena hateimi e Jon a ka te tare mula limiou na ka te hengoe mula limiou.
23556	MAT 11:28	“La uamuma i tar, alimiou hoboto te kui hatagala koru miou, bate söate miou a nitiama a kapan koru. Alia e hahusa ragou limiou.
23557	MAT 11:29	Lueiam a toukui i tar balia te hatuts ragou limiou, taraha alia e ron hala puteiegu a peisar na e tori tami has gia turu katuun hoboto. Ba limiou tena tatei husa mou batena sabe hase mou a nigumgum a niga te ka nitöana.
23559	MAT 12:1	Nonei tara pöata e Iesu e tataala silaia i gusuna man kuin wit turu Lan u Göagono turu Jiu. Ba u katunun tsitsilo i tanen e besir ba nori e tanian patsikeier a man hua turu wit be noue ren.
23560	MAT 12:2	Pöata ti tareia u Parasi a ka teka ba nori e poeier tere Iesu, “Tara, u katunun tsitsilo i tamölö e katoeier a ka tema antunan kato nari turu Lan u Göagono.”
23563	MAT 12:5	Na limiou go mala rit hanigeiam a Lo tere Mosis te hatei nena u pris puku lasi te tatei kui ria iahana Luman Lotu Pan turu Lan u Göagono.
23564	MAT 12:6	Na lia e hatei ragou limiou, a ka te kana teka e pan bala koru nena a Luman Lotu.
23566	MAT 12:8	Taraha, Alia tu butun Katunuma te pan bala has negu u Lan u Göagono.”
23568	MAT 12:10	Na e kamei a katuun a lima mate e ka. Ba nori e rangate ren me poeier, “A Lo i tarara e haniga has nena tegi kato haniga pouts mei a katuun turu Lan u Göagono?” Taraha, nori i sake ta maroro tegi kout meien e Iesu.
23569	MAT 12:11	Be Iesu e poeiena i taren, “Tega ka meia ta töa i tamilimiou a töa sipsip, ba sipsip te rus hongo uana iahana kiou turu Lan u Göagono, e hana, alö ma antunan lusei poutse meien iahana a kiou?
23570	MAT 12:12	Na a katuun e pan bala koru nena a sipsip. Na Lo i tarara e tatei haniga has nena tegi taguhu mei a katuun turu Lan u Göagono.”
23594	MAT 12:36	“Na lia e hatei ragou limiou, turu Lanin Hahuna alimiou e hala raroui a nihahuna tara man ranga pinopino a man omi tu ranga naiam limiou.
23596	MAT 12:38	Ba palair u tson hihatuts tara Lo na u Parasi e poeier tere Iesu, “Tson Hihatuts, alam e ngilin tara nem tu mirakol i tamölö.”
23660	MAT 13:52	Ba nonei e poeiena i taren, “U tson hihatuts hoboto tara Lo, na limiou u katunun tsitsilo has i tar tara Nipepeito tere Sunahan, alimiou e heremi a katuun terena luma te lue nama a manka a man tsimus na manka man toutounei tara makumun haputu i tanen.”
23684	MAT 14:18	Be Iesu e poeiena, “Lu mena mumei i tar.”
23695	MAT 14:29	Be Iesu e poeiena, “Lama!” Be Pita e koulna tara tolaala me tataala lala ioluna u ramun me lauana tere Iesu.
23703	MAT 15:1	Ba palair u Parasi na u tson hihatuts tara Lo i la uama i Jerusalem me la uarima tere Iesu memi rangate ren, “Taraha tsiponi ba u katunun tsitsilo i tamölö te hipus ner u hihatuts ti halan u katuun pan i tarara i manasa? Nori ema galus mameri a limaren bate töan nour!”
23762	MAT 16:21	Tara pöata teka e Iesu e tanian hatei ri u katunun tsitsilo i tanen tega mate uen ba nonei e poeiena, “Alia e la uagou i Jerusalem balia tena sagoho kamits goa i limar u tsunono, na u pris pan, na u tson hihatuts tara Lo. Ba nori tena atung hamate riou lia, ba lia te takei pouts gou turu hatopisana u lan.”
23764	MAT 16:23	Be Iesu e habiritsina me poeiena tere Pita, “Lau i murir o Satan! Alö e hatu kap namou lia. Taraha alö ema hakei mia u hakhakats i tamölö tere Sunahan. Alö e ka lasmem u hakatsin a katuun tuun!”
23779	MAT 17:10	Ba u katunun tsitsilo e rangateier e Iesu, “Taraha tsiponi ba u tson hihatuts tara Lo te poeier e Elaitsa ega mam nema e Mesaia?”
23786	MAT 17:17	Be Iesu e ranga palis ranen me poeiena, “Alimiou u katuun u hahamana koru na limiou ema matskömi! A lahisa pöata ti ka gono meraia lia limiou? Na lahisa pöata ti söateia lia u nikamits i tamilimiou? La mena mumei a pien i tar!”
23793	MAT 17:24	Ba tara pöata te la uu e Iesu na u katunun tsitsilo i tanen i Kapenium, ba u katunun lulu monina tara Luman Lotu Pan e la rima memi rangateier e Pita, “A tson hihatuts i tamilimiou e hol hasena a takis tara Luman Lotu Pan, tsime?”
23796	MAT 17:27	Kaba, ara ena mots kato haraharaha raiera u katuun teka. Lala i ramun balö tena lase muma ta iena. A iena tutuun tena lase mölö alö na hoso hapange mou a rungunen bate sabie mou a töa a moni, balö tena lue mumen batemi hole mien a takis i tarara.”
23834	MAT 19:3	Ba palair u Parasi e la uarima i tanen memi torohane ren me poeier, “A Lo i tarara e haniganena tega laba menai a tson a tahol i tanen?”
23859	MAT 19:28	Be Iesu e poeiena i taren, “Alia e ranga hamana koru meragou limiou, tara han a tsimus i murimuri, tena gum goa Lia tu butun Katunuma turu Gumgum u Göagono i tar, ba limiou u katuun te lala gono memou lia tena gum has moa turu maloto na u huol u gumgum u göagono turu king, bate taratarakap ramou u maloto na huol tara pal katunura i Israel.
23867	MAT 20:6	“Ba tara pal 5 kilok ba nonei e la lenina bena tarena a palair u katuun bate tutuol puku ponir. Ba nonei e poeiena i taren, ‘Aha te hakapa pinopino sile milimiou u lan u ohots teka batema kuimi?’ Ba nori e ranga palise ren me poeier, ‘E möa ta katuun tega hala railam ta toukui.’ Ba nonei e poeiena, ‘La tala iam batena kui mia tara kuin grep i tar.’
23878	MAT 20:17	Pöata te laia e Iesu i Jerusalem, ba nonei e lu halhal rena a maloto na huol a katunun tsitsilo i tanen, ba nonei e rangana i taren tara pöata ti tataalaien i maroro. “Ara e la talara i Jerusalem, ba Alia tu butun Katunuma tena hala neroa turu pris pan na turu tson atei tara Lo. Ba nori tena kout nariou lia bate kitser u raranga tegi atung hamate menai lia.
23888	MAT 20:27	Na te ngilin mamna ta töa i tamilimiou, nonei go kato herenai a peisanen a katunun kukui puku, te markato has uagu Lia tu butun Katunuma. Alia uma la sile mei u katuun egimi kui beiou lia. E möa. Alia u la silema emi kui ber u katuun, bate sakahis ragen tara tou mate i tar.”
23896	MAT 21:1	Ba tara pöata ti butuien i Jerusalem, me la uar i Betpats turu Pokus i Olip. Be Iesu e hala mam rena a huol a katunun tsitsilo i tanen me poeiena i taren, “La uamula tara han te kanama ili, ba limiou tena tare mou a töa rongki e kamena a tuna i kits kapiin. Ba limiou tena purese ramoien bate la mera mumeien i tar.
23907	MAT 21:12	Be Iesu e lauana tara Luman Lotu Pan mena tsuga rena u katuun ti hahol ia tara makumun lotu. Ba nonei e tula halakoponena u tebol turu katuun ti palpalisiin u moni na man gumgum turu katuun ti haholin a man kulu.
23909	MAT 21:14	Ba u katuun u matakiou na u mou omi e la uarima i tanen iahana a Luman Lotu Pan ba nonei e kato haniga pouts ranen.
23910	MAT 21:15	Ba u pris pan na u tson hihatutsur tara Lo e raharaha mer ti tara menaien u mamana u mirakol te katoeien, na ti ku uu a galapien iahana a Luman Lotu Pan bate poeier, “Hosana! Soloseiam u Hatutubunei tere Devit!”
23918	MAT 21:23	Be Iesu e kopis pouts uana tara Luman Lotu Pan, ba pöata te hihatuts ien, ba u pris pan na u tsunono turu Jiu e la uarima i tanen memi rangateren, “A saha nitsunono te ka memölö te kato memi lö a manka teka? Esi te halei lö a nitsunono?”
23976	MAT 22:35	Ba töa tson ateina turu tson hihatutsura tara Lo, e katsin rangata torohane neien u töa u harangata.
23979	MAT 22:38	Nonei u raranga tutuun teka na te pan bala koru hasna turu raranga hoboto tara Lo.
23988	MAT 23:1	Be Iesu e poeiena turu katuun u parpara koru na turu katunun tsitsilo i tanen, “U tson ateira tara Lo na u Parasi e ka mer a nitsunono tegi hatarare menaien a man Lo tere Mosis.
24000	MAT 23:13	E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.
24003	MAT 23:16	“A nomi pan e butu noa i tamilimiou, alimiou u matakiou te haröto tsipon nemiou a maroro turu katuun bate poeiemiou, ‘Tega hamanaia ta katuun tara Luman Lotu Pan bate poeiena e manana iasa, a ka pinopino. Kaba tega hamanaia ta katuun tara goul tara Luman Lotu Pan bate poeiena e manana iasa, aa, nonei e tatei markato koru has uana temar ranga uanen.’
24004	MAT 23:17	Alimiou u katuun u matakiou u tutu! Saha ka te panina, a goul, tsi a Luman Lotu Pan te hagöagonena a goul?
24008	MAT 23:21	Na katuun te hamanana tara Luman Lotu Pan e hamana hasna tere Sunahan te kana i tanen.
24010	MAT 23:23	“Alimiou u tson ateira tara Lo na limiou u Parasi, a niomi pan e butuna romana i tamilimiou! Alimiou u gamogamo! A mamana matsi kaan hasoksoka a matsi tetenei te kana tara kui, alimiou e roron patsike men ba limiou te halemi e Sunahan a man hamalotona a man makum. Na markato te hala menari a hamalotona makum tere Sunahan e nigana. Kaba limiou e totone miou a mar hihatuts a kapan tara Lo te markato uana teka: a markato te hamou hamatskö menari u raranga turu katuun, na markato te taatagi mera nei e Sunahan u katuun, na markato a mana.
24012	MAT 23:25	“Alimiou u tson ateira tara Lo na u Parasi, a niomi pan e butunoa i tamilimiou, u katuun u gamogamo! Alimiou e roron kato hagogosemiou a murina a kap na pelete, kaba iahanen e korkorianana, te kato has uana a torimilimiou te habutena a markato tara kop na te hagua be menami limiou u ngilngilina turu tuenrei.
24016	MAT 23:29	Be Iesu e ranga lenina me poeiena, “A niomi pan e butunoa i tamilimiou u tson ateira tara Lo na u Parasi, alimiou u katuun u gamogamo! Alimiou e roron kuiemiou u kahokaho u niga turu propet ti mate bate hake miou a manka a man tara hanigan töa turu kahokaho turu katuun u matskö.
24022	MAT 23:35	Ba limiou te alate miou romana u katuun u matskö ti atung hamatir i manasa, e taniaia tere Ebol bate lana tere Sakaria a pien tere Berekaia ti atung hamateia u tubumilimiou i gusuna Luman Lotu Pan na makumun haats.
24027	MAT 24:1	Pöata te laba naia e Iesu a Luman Lotu Pan me katsin lana, ba u katunun tsitsilo i tanen e la uarima i tanen memi hatare rien a man luma pan.
24046	MAT 24:20	Alimiou go singo uaiam tere Sunahan ba pöatan bus teka tema tatei butu neia tara pöatan hamuri na turu Lan u Göagono.
24105	MAT 25:28	“Ba nonei e poeiena tara palair u katunun kui i tanen, ‘Luba nami a moni bate halemi a katuun te ka mena a maloto a talen moni.
24124	MAT 26:1	A pöata te ranga hakapa naia e Iesu a manka teka, ba nonei e poeiena turu katunun tsitsilo i tanen, “Alimiou e atei miou, u huol u lan patu ba kannouna turu Paska turu Jiu te katoeier. Ba Lia tu butun Katunuma tena hala naroa turu katuun tena nila naria lia romana tara kuruse.”
24149	MAT 26:26	Tara pöata ti nouien be Iesu e luena a beret me haniga uana tere Sunahan ba nonei e posepose nen me hala raneien u katunun tsitsilo i tanen. Ba nonei e poeiena, “Lueiam ba limiou te nou miou. Nonei teka u tuenrei i tar.”
24178	MAT 26:55	Be Iesu e poeiena turu katuun u parpara koru, “Alimiou e la memuma a man lahoton hiatatung na man baru tegomi pile kap here memilia a katuun a hihiatung na kopkop. Ga taraha, ba limiou tema pile kap nami lia turu mamana u lan ti ron hihatuts ialia iahana a Luman Lotu Pan.
24180	MAT 26:57	Ba u katuun ti pile kapiin e Iesu e la meren mena piou narien tere Kaiapas a tsunono pan turu pris ti gono hobotoia u tson ateira tara Lo na pal kapan.
24187	MAT 26:64	Be Iesu e poeiena i tanen, “Alö peisa has te ranga namen. Na lia e hatei ragou limiou, i murina a pöata teka ba limiou te tare mou Lia tu butun Katunuma e gum goa tara pal matou tere Sunahan te tagala koruna, ba lia te la sila guma romana turu köasi i kolö.”
24203	MAT 27:5	Be Judas e lapo ba nena a moni tara Luman Lotu Pan me lana, ba nonei ena hakutena.
24204	MAT 27:6	Ba u pris pan e luer a moni me poeier, “A moni teka a hihol te kato hamate meri a katuun. A Lo i tarara e hapiou nena a mar moni teka egima hakeia tara kolo tara Luman Lotu Pan.”
24231	MAT 27:33	Ba nori e la uer tara makum te ngöeri i Golgota, te poeiena “A Makum turu Lakö.”
24237	MAT 27:39	Bu katuun ti hula laia i matanen e ranga hangisei ria tere Iesu me tsibtsibil ner a bakuren me poeier, “Alö a katuun te tatei rureiem a Luman Lotu Pan bate kui poutse men turu topisa u lan, taguhi a peisa mölö! Tego Pien Tson uu lö tere Sunahan, bara, koul talama tara kuruse!”
24239	MAT 27:41	Ba u pris pan na u tson ateira tara Lo na pal kapan e markato has uar iesana ti ranga hangisei uen bate poeier, “Nonei e taguhu hanigeir a palair u katuun, gehana ba nonei tema antunan taguhu poutsenei a peisanen? Nonei a Kingina i Israel, Ga nonei ega koul ba tala nema a kuruse bara te hamane ren!
24249	MAT 27:51	Ba u labalaba pan te kuteia i Luman Lotu Pan e takiis katana iasa me la nitöana i puta. Bu tsiktsiki e tagasina, bu hatu e tapose kaakatana.
24260	MAT 27:62	Ba turu hamahö, turu Lan u Göagono, ba u pris pan nu Parasi e lar mena gono ria tere Pailat.
24263	MAT 27:65	Be Pailat e poeiena i taren, “Lu raiam u soldia batena taratara kap haniga nitöa ner a kiou.”
24265	MAT 28:1	I murina te kapaia u Lan u Göagono, tara bongbong koru turu Sanrei, be Maria Matalina na taina Maria e lar tegina tara menaien a kioun mate.