23244	MAT 2:6	‘Alimiou u katunura i Betlehem, turu tsiktsikina i Judia, alimiou e ka tala memou a solo a kapan i gusuna a pal tsunono i Judia. Taraha, a töa tsunono pan e butuna romana i Betlehem, ba nonei te tarakap ranou u katuun i tar a tei Israel.’”
23264	MAT 3:3	E Jon nonei a katuun te rangein e Aisaia a propet i manasa. Ba nonei e poeiena, “A töa katuun ena ku hapan noa romana tara makum a palaka bate poeiena, ‘Kato hamatsköeiam a maroro, a Tsunono e ngilin sila nama romana tara maroro a matskö.’”
23270	MAT 3:9	Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.
23282	MAT 4:4	Kaba e Iesu e ranga palis uu i tanen me poeiena, “Turu Buku u Göagono tere Sunahan i koloto hasiin, ‘A beret peisa ema antunan hala nanei a nitöatöa tara katuun. E möa. A katuun te kukutiena a man raranga tere Sunahan nonei e luenou a nitöatöa.’”
23284	MAT 4:6	Ba nonei e poeiena tere Iesu, “Tego Pien uu lö tere Sunahan, ba lö te kurapa uam i puta. Taraha, turu Buku u Göagono i koloto hasiin, ‘E Sunahan e ranga mera nou u angelo i tanen tegi tara kap menaien lö. Na nori e pile sei nariou lö, ba u hatu tema tatei toke roi a mou mölö.’”
23285	MAT 4:7	Be Iesu e ranga menen me poeiena, “Turu Buku u Göagono i koloto hasiin, ‘Alö goma torohanei a Tsunono. Nonei e Sunahan i tamölö.’”
23288	MAT 4:10	Be Iesu e ranga menen me poeiena, “Satan, alö go laba naiou lia! Turu Buku u Göagono i koloto hasiin, ‘Alö go hatsunono uu tere Sunahan. Nonei puku a töa a Tsunono i tamölö tego kukuti lö.’”
23324	MAT 5:21	Be Iesu e ranga lenina me poeiena, “Alimiou u hengo hakapa naiam u raranga ti hengoen u tuburara i manasa te poeiena, ‘Alö goma hihipuli ii. A katuun te hihipulina e la uanou turu kout.’
23330	MAT 5:27	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘Alimiou goma tsikolomi.’
23334	MAT 5:31	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘A tson te laba nena a tahol i tanen ego haleien u pepa te hatei nena a hitöl e kapana.’
23336	MAT 5:33	Be Iesu e ranga lenina me poeiena, “Alimiou u hengo has naiam u raranga ti hengoen u tuburara i manasa te poeiena, ‘Alö goma gamo ii te hamana uamölö iasa, kaba lö go kato hamani a ka te hamana sile mölö i matana a Tsunono.’
23340	MAT 5:37	Alimiou go poe tuun laseiam, ‘Aa’ tsi ‘E möa.’ Ta saha ta ka te ranga lel namou limiou e la hamanasa tala nama tere Satan.”
23341	MAT 5:38	“Alimiou u hengo naiam u raranga te poeiena, ‘Tego kato homiea a katuun a matamölö, balö te kato homi hasem a matanen, na tego kato homi haseien a lihomölö balö te kato homi hasem a lihonen.’
23346	MAT 5:43	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘Alö go ngilir a man hahikapien i tamölö balö te pakö rem u katuun te paköe riou lö.’
23360	MAT 6:9	“Alimiou go mar singo uaiam teka: ‘O Tamamulam alö e kamia i Kolö, alam e hagöagonem a solomölö.
23376	MAT 6:25	“Nonei te hatei sila ragia lia limiou: alimiou goma hakats silemi a nitöatöa i tamilimiou bate poe miou, ‘A saha ka te noue riou? Na saha ka te ue riou?’ Na limiou goma hakats silemi u tuenrei i tamilimiou, na tu hasobö tegi hasogi. A nitöatöa e pan bala nena a kannou, na u tuenrei e pan bala nena u hasobu.
23382	MAT 6:31	Alimiou goma hakats balami bate peimiou, ‘Aha te noue rou ra? Na ha te ue rou ra na te hasoge rou ra?’
23406	MAT 7:21	Be Iesu e rangana me poeiena, “Ema katuun hoboto nei te ranga ria i tar bate poeier ‘O Tsunono, O Tsunono,’ tena tasu roa tara Nipepeito tere Sunahan. Kaba u katuun puku lasi te kukuteier u ngilngil tere Tamar te kana i Kolö tena tasu riou.
23407	MAT 7:22	Nonei turu Lan teka, a parpara a katuun e poeiena romana i tar, ‘O Tsunono, o Tsunono. Alam u hihatuts silaia tara solomölö na lam u tsuga ba has raia u liliahanei u omi tara solomölö, na lam u kato sila has naia a man hiharöto tara solomölö.’
23408	MAT 7:23	Ba lia te ranga meragouen bate poeiegu, ‘Alia ema atei sil ragi limiou. La ba namou lia! Alimiou u katuun u omi.’”
23423	MAT 8:9	Taraha, i tar peisa alia e atei silegu alia e ka puta gia tara töa pal tsunono, na töa pal soldia e ka puta has ria i tar. Na tego ranga meia lia ta töa balia te poeiegu, ‘Alö go la,’ ba nonei te la hasina. Na tego ranga meia lia ta tabi balia te poeiegu, ‘Alö go lama,’ ba nonei te la has nama. Na lia go ranga mei a katunun kui i tar, ‘Alö go kato a toukui teka,’ ba nonei te kato hase nen. Na u raranga tuun has i tamölö e ka mena a nitagala.”
23453	MAT 9:5	Alimiou ema hanigami te poei mena gulei lia, ‘A markato a omi i tamölö e luba nalila?’ Tsi alia go pei aha? ‘Alö go takei bate lam?’
23461	MAT 9:13	Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”
23493	MAT 10:7	Ba limiou tena habulungana namiou u raranga teka: ‘A Nipepeito tere Sunahan e sukusukuna!’
23505	MAT 10:19	Na pöata te kout rarouen limiou, e möa tu hakats haparpara balö te poeiem, ‘Ime tala temar ranga uagou lia? Na, aha tala te pei gou lia?’ Nonei koru has tara tsi pöata teka alimiou e hala raroui a ka tego ranga naiam limiou.
23521	MAT 10:35	Alia u la silema tegomi hahiapalpal merai u katuun ‘a tson e pal nanou e tamanen, na tahol e pal nanou e tsinanen, na taholun tölo e pal nanou u halöanabei i tanen.
23538	MAT 11:10	E Jon nonei a katuun te hatei nena u Buku u Göagono, ‘Alia e Sunahan e halana gou a tson sösöata ranga te mam nanoulö, tena hamatsköenou a maroro i tamölö.’
23545	MAT 11:17	‘Alam e kohi bera mulo limiou kaba limiou ema sani mulei! Na lam e köma hase mula u hahuri, kaba limiou ema tabe mulei!’
23602	MAT 12:44	Ba nonei e poeiena, ‘Alia e la pouts uagou tara luma tu la ma lia.’ Ba pöata te la pouts men batemi sabiena a luma e ka haniga, na e kaka pukuna, na i salo hagogosi na e ka haniga.
23622	MAT 13:14	Na u raranga tere propet Aisaia e butu hamana koru talana te poeiena, ‘Alimiou e hahengo mou kaba ema atei sile moi a ka te hengoe milimiou. Na limiou e tara mou, kaba limiou ema tara marei moi aha te tare milimiou.
23635	MAT 13:27	“Ba u katunun kui tere tamana kui e la rima memi poeier, ‘O tsunono, alö u tsihasein a man ngalin wit a man niga tara kui i tamölö, kaba ime temar butu uu parpara u pulung u omi?’
23636	MAT 13:28	Ba nonei e poeiena, ‘A katuun a omi te kati a ka teka.’ Ba nori e rangate ren, ‘Galö e ngilem alam gona pate ban u pulung?’
23637	MAT 13:29	“Ba nonei e poeiena, ‘E möa. Alimiou ena mots pate ba has namiou u wit te sohalana turu pulung tegona pate ba mena milimiou u pulung u omi.
23674	MAT 14:8	Be Herodias e ranga meiena a pien tahol i tanen, “Alö ena mar ranga uamou teka tere Herot, ‘Hakema a bakuna e Jon a Tsonun Baptais tara pelete ba lö temi hala mien lia.’” Ba pien tahol ena mar ranga has uana teka.
23706	MAT 15:4	E Sunahan e ranga me poeiena, ‘Hapaneiam u tamamilimiou na u tsinamilimiou. A katuun te ranga homi nena e tamanen tsi e tsinanen egi atung hamate korui.’
23707	MAT 15:5	Kaba u hihatuts i tamilimiou e poeiena, ‘A katuun te ka mena a ka te tatei taguhena e tamanen tsi e tsinanen, nonei e tatei poeiena, A ka teka a ka tere Sunahan.’
23708	MAT 15:6	Ba u raranga te poeiena, ‘Hapaneiam e tamamilimiou’ ema la uanei tara katuun teka. Temar ranga uami limiou. E markato uana teka, alimiou e roron hala putemiou u raranga tere Sunahan te kukute mena milimiou u hihatuts turu tubumilimiou.
23709	MAT 15:7	Alimiou u katuun u gamogamo! E propet Aisaia e ranga hamana koruia tara markato i tamilimiou, me poeiena, ‘U katuun teka e hatsunono tune ria lia turu ranga tuun i taren, kaba i toriren na turu hakhakats i taren e ka halehana ba koru nariou lia.
23743	MAT 16:2	Be Iesu e ranga palis ranen me poeiena, “Pöata te tsirukuna a pitala ba limiou te pemiou, ‘Ara e ka merou a pöata a niga, taraha u kolö e röröna.’
23744	MAT 16:3	Ba tara bongbong, ba limiou te pemiou, ‘A langits e polo nou i romana, taraha u kolö e röröna na e ruruhanana bate tara here nei a langits.’ Alimiou e atei silemiou te mouna uana a mar nitaratara i kolö. Kaba limiou ema atei silemi te mouna uana a man hiharöto tara kapakapana pöata.
23789	MAT 17:20	Be Iesu e poeiena i taren, “Taraha, a tsi nihamana i tamilimiou e tetenei koruna. Na lia e hatei hamana koru ragou limiou, Sanena u nihamana i tamilimiou ega popoia tara ngalin mastet, alimiou e tatei peimiou turu pokus teka, ‘Takei ban a makum teka bate la uamula ili,’ ba nonei te takei hasina bate lana. Ba limiou te tatei katoe mou a mamanaka.”
23821	MAT 18:25	Kaba nonei ema antunan palis poutse ii a haroho teka. Ba king e poeiena turu katunun pepeitokap i tanen, ‘Alimiou go hahol neiam a tson teka na tahol, na galapien, na mamanaka hoboto i tanen. Ba moni te hol rarouien te palis poutse roi a haroho i tar.’
23822	MAT 18:26	Ba katunun pepeitokap e tuhatukun nena i puta be ranga hataatagi tori koruna i tanen me poeiena, ‘Alö go hahaloso noa bum ba lia te palis poutse gou a man haroho hoboto i tamölö.’
23824	MAT 18:28	“Ba nonei a katunun pepeitokap teka e lana me hitupali mena a hahuol i tanen, te ka hasmei a haroho i tanen e antunaia tara 100 kina puku. Ba nonei e pile nanen i totongolonen me poeiena, ‘Alö go palis poutsema a haroho i tar!’
23825	MAT 18:29	Ba hahuol i tanen e tuhopö nena i matanen ba e ranga hataatagi tori koruna i tanen me poeiena, ‘Alö go hahaloso noa bum balia te palis poutse gou a haroho i tamölö.’
23828	MAT 18:32	Ba king e ngöeiena a katunun pepeitokap teka me poeiena i tanen, ‘Alö a katuun a omi koru! Alia u palis bei lö a haroho pan tu katoia lö i tar, taraha alö u ranga hataatagi tori koruia i tar.
23835	MAT 19:4	Be Iesu e ranga palis ranen me poeiena, “Alimiou u rit haniga haseiam u raranga te kana turu Buku u Göagono te poeiena, ‘tara tantania e Sunahan e kato raien a tson na tahol, Nonei te laba silanena a tson e tamanen na e tsinanen batena ka gono mena a tahol i tanen ba nori a huol te katoeier u töa puku u tuenrei.’
23865	MAT 20:4	Ba nonei e ranga mera nen, ‘Alimiou egona kui mia tara kuin grep i tar balia te hol ragoui limiou a hihol a matskö.’ Ba nori e lar.
23867	MAT 20:6	“Ba tara pal 5 kilok ba nonei e la lenina bena tarena a palair u katuun bate tutuol puku ponir. Ba nonei e poeiena i taren, ‘Aha te hakapa pinopino sile milimiou u lan u ohots teka batema kuimi?’ Ba nori e ranga palise ren me poeier, ‘E möa ta katuun tega hala railam ta toukui.’ Ba nonei e poeiena, ‘La tala iam batena kui mia tara kuin grep i tar.’
23869	MAT 20:8	“Ba pöata te lahima ka, ba katuun terena kuin grep e ranga mena a tson mammam i tanen. ‘Ngö rema u katunun kui bate hala ramien a man hihol i taren, taniama tara pala te hagoun kui tuun lila, balö te töan hol ramou a pala te kui mam lila.’
23872	MAT 20:11	A pöata lahas ti lu hakapeien a moni i taren, ba nori te raharaha hamanaseier a katuun terena kuin grep, ‘U katuun te hagou kui lila e kui pukue lila a töa aua, ba hihol i taren te hihinatue tsipon mena a hihol i tamulam. Kaba lam e kui noa mula i bongbong me lana i gusuna pitala a hiski mena antunan töa nena a lahi, balö te hol tsipon ramule lam a mar hol te hol ramuleien lö!’
23874	MAT 20:13	“Ba katuun terena kuin grep e ranga palisena a töa katuun i gusuren, ‘A tsi hahikapien, Alia ema kato homi gia i tamölö. Alö e hatangana namula tego kui sil mei lö a 1 kina turu töa u lan.
23898	MAT 21:3	Na tena ranga nanoa ta töa ta katuun ta ka i tamilimiou ba limiou te ranga memen, ‘A Tsunono te ngil rena men.’ Ba nonei te hala tuun las nena men romana.”
23900	MAT 21:5	“Hatei raiam u katunur i Saion, ‘Taraiam a King i tamilimiou e la hamanasa uanama i tamilimiou. Nonei e kato here nanei a peisanen a katuun papala koru bate osana tara tunan rongki a hitots.’”
23908	MAT 21:13	Ba nonei e poeiena i taren, “I koloto has naia turu Buku u Göagono, ‘A luma i tar e ngöeri romana a luman singo.’ Kaba limiou e kato here tsipon namien a kioun mous turu kopkop!”
23911	MAT 21:16	Ba nori e poeier tere Iesu, “Alö e hengoeiem a ka te ranga naren?” Be Iesu e poeiena i taren, “Alia e hengogu. Alimiou toum ima rit hanigemi u ranga teka, ‘A galapien u tetenei egi solosei a solo mölö.’”
23916	MAT 21:21	Be Iesu e poeiena i taren, “Alia e hatei hamana ragou limiou, Te hamana koru mia limiou batema hula torimi, alimiou e tatei markato uamiou te markato uagu la lia turu ruein fik teka, na limiou e tatei mar ranga has uamiou teka turu pokus, ‘Alö go takei balö te lapo ba namia a peisamölö i tasi,’ ba nonei temar kato has uanou te ranga uami limiou.
23920	MAT 21:25	Ime te lueia e Jon a nitsunono tega baptais meraien u katuun? Tere Sunahan tsi tara katuun tuun?” Ba nori e hiarangrangata poutsur me poeier, “Te pei roara, ‘E Jon e kamei a nitsunono tere Sunahan,’ be Iesu te pei nou i tarara, ‘Ga taraha tsiponi ba limiou tema hamanemi e Jon?’
23921	MAT 21:26	Na ra ena mots poe hasera, ‘E Jon e kamei a nitsunono tara katuun.’ Taraha, u katuun hoboto e poeier e Jon a propet tere Sunahan. Na ra e matoutera tena raharaha uaren.”
23923	MAT 21:28	Be Iesu e poeiena i taren, “Ime temar hakats uami limiou tara katuun te kamena a huol a pien tson? Nonei e la uana tara pien a hamua me poeiena, ‘A pien i tar, alö gona kui ia tara kuin grep i romana.’
23924	MAT 21:29	Ba pien tson e ranga palisinen, ‘Alia ema ngilin kui gi.’ Kaba i murinen ba nonei e habiritsena u hakhakats i tanen ba nonei ena kuina tara kui.
23932	MAT 21:37	“Ba kapakapanen ba nonei e hala nena a pien tson i tanen, ba nonei e poeiena, ‘Nori ena tara marei riou a pien tson i tar.’
23933	MAT 21:38	Ba pöata ti tareien a pien tson teka ba nori e poeier, ‘A pien tson tara katuun terena kui teka te lue nou a kuin grep. Aragi atung hamateien, bara te lue rou a kui i tanen!’
23937	MAT 21:42	Be Iesu e ranga meranen, “Alimiou i rit haseiam u raranga turu Buku u Göagono, ‘A hatu ti raman u katunun kukui luma bate hapiraka naren, nonei a hatu te niga balana tara toukuina tara luma. A ka teka a Tsunono te katoeien, ba nonei te niga koruna i matarara!’”
23945	MAT 22:4	“Ba nonei e hala lel ralala a palair u katunun kui me poeiena i taren, ‘Na ranga mera muma u katuun ti tahul mam rela lia, A kannou i kato hakapi e hahalosona. Alam u atung hakapi a man kau a man tson na man tunan kau a man bokoko hanigan töa. Na mamanaka e kana e hahalosona. Alimiou go la uamuma tara kannoun hitöl.’
23949	MAT 22:8	Ba nonei e ngö rena a palair u katunun kui i tanen me poeiena, ‘A kannoun hitöl i kato hakapi na e hahalosona, kaba u katuun ti ngö rela lia ema haniga nari tegi la uamen. Nori ema antunan la tala rimei.
23953	MAT 22:12	Ba nonei poeiena i tanen, ‘A tsi hahikapien, ime temar laua muma lö teka te möa uemölö tu hasoböna tara hitöl?’ Ba katuun e kakamoto nitöa bananen.
23954	MAT 22:13	Ba e king e ranga merena u katunun kui i tanen, ‘Kits kap naiam a limanen na mounen ba limiou te lapo ba namien ielesala turu kuhil, tara makum te tabe hohomi nouen bate kutu hakarkarangakena a liho nen.’”
23964	MAT 22:23	Nonei noahas turu lan ba u Sadiusi e la uarima tere Iesu. A pal katuun teka nori i pei e möa ta tou takei pouts tara tou mate. Ba nori i poeier tere Iesu, “Tson Hihatuts, i manasa e Mosis te poei, ‘Tega mateia ta tson bate möana ta pien, e toulanen e tatei tölena a amoaba, ba nori te hatuhaner romana ta pien tena luenou a solo tara tson te mate.’
23973	MAT 22:32	Nonei e mar ranga uu teka: ‘Alia a Sunahan tere Abraham na lia a Sunahan tere Aisak na lia a Sunahan tere Jekop.’ U raranga teka e poeiena nonei ema Sunahan uanei turu katuun u mate. E möa. Nonei a Sunahan turu katuun te töatöar.”
23980	MAT 22:39	Na u hahuoluna u raranga u kapan e kato uana teka, ‘Alö go ngil korui a tana katuun temar ngil has mena milö a peisamölö.’
23984	MAT 22:43	Be Iesu e poeiena i taren, “Ga taraha tsiponi ba u Namnamei u Göagono te harangena e Devit ba e Devit e ngöenei e Mesaia ‘A Tsunono’?
23985	MAT 22:44	E Devit e poei, ‘A Tsunono e poei tara tsunono i tar, Gum ia tara pal matou i tar, antunana te hake goalia u katuun te pakö rioulö i pitapitana a moumölö.’
23986	MAT 22:45	“E Devit e ngöei a katuun teka, ‘A Tsunono.’ Ga ime te markato uanen ba nonei te pien uana tere Devit?”
24003	MAT 23:16	“A nomi pan e butu noa i tamilimiou, alimiou u matakiou te haröto tsipon nemiou a maroro turu katuun bate poeiemiou, ‘Tega hamanaia ta katuun tara Luman Lotu Pan bate poeiena e manana iasa, a ka pinopino. Kaba tega hamanaia ta katuun tara goul tara Luman Lotu Pan bate poeiena e manana iasa, aa, nonei e tatei markato koru has uana temar ranga uanen.’
24005	MAT 23:18	Na limiou e poe hasemiou, ‘Tega hamanaia ta katuun tara makumun haats, a ka pinopino. Kaba tega hamanaia ta katuun tara manka te kana tara makumun haats, aa, nonei ega markato koru has uu temar ranga uanen.’
24017	MAT 23:30	Ba limiou te poeiemiou, ‘Sanena ara ti kaia tara pöata turu tuburara i manasa, ara sane ma taguhu rari ien tegi atung hamate meraien u propet.’
24026	MAT 23:39	Alia e ranga mera goulimiou, alimiou ema tatei tara lele moi lia e antunana te pei moa limiou, ‘E Sunahan ega kalali a katuun te la nama tara solona a Tsunono.’”
24031	MAT 24:5	Taraha, u katuun u parpara e la rima romana bate ngöeri a peisaren a solor bate poeier, ‘Alia e Mesaia’ ba nori te gamo rer romana u katuun u parpara.
24049	MAT 24:23	“Kaba te poeiena ta katuun i tamilimiou, ‘Röto iam, e Mesaia teka,’ tsi ‘Nonei ili,’ möa tu hamaneiam.
24052	MAT 24:26	“Bora e markato uana teka, te hatei raia limiou u katuun, ‘E Mesaia e kana tara makum a palaka,’ möa tu la uaiam nonei tara makum. Tsi tegi poeien, ‘Nonei e mousuna iahana luma,’ möa tu hamana raiam.
24074	MAT 24:48	Kaba tega omia a katunun kui teka, ba nonei te rangana i torinen bate poeiena, ‘A katuun pan i tar ema sesein la pouts namei romana.’
24083	MAT 25:6	“Ba tara gusuna bong ba töa katuun e kuna me poeiena, ‘A tson tega hitöl e la hamanasa nama. Alimiou go la muma batemi tare men.’
24085	MAT 25:8	Ba tolima tahol a tutu e poeier tara tolima tahol a atei, ‘Alimiou go hala ramumei lam ta tsi karasin i tamilimiou, taraha a man lam i tamulam e katsin osor.’
24086	MAT 25:9	Kaba a tolima tahol a atei i ranga palis raien me poeier, ‘E möa. U karasin ema antunanei i tamilimiou na i tamulam has. Alimiou go la mula i stoa batena hol peise miou ta karasin i tamilimiou.’
24088	MAT 25:11	Ba i murinen ba palair u touhaliou u kukubei e la pouts rima memi poeier, ‘O Tsunono, o Tsunono, kalatema a tamana ba lam te tasu mou.’
24089	MAT 25:12	Kaba a tson ti hahitölin e ranga palis raien me poeiena, ‘Alia e hatei hamana koru ragou limiou, alia ema atei sil ragi limiou.’”
24097	MAT 25:20	Ba tson pepeito kap te lui a tolima a talen moni, e la nama memi hala nena a moni i tanen me hala gono meneien a tana a tolima a talen moni i tanen me poeiena, ‘O tsunono, alö u hale lei lia a tolima a talen moni i tamölö. Tara! A tana a tolima a talen moni has teka tu lui lia.’
24098	MAT 25:21	Ba katuun pan i tanen e poeiena, ‘E niga nitöana, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e ha taratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö!’
24099	MAT 25:22	“Ba tana tson pepeito kap ti halei a huol a talen moni e la nama memi poeiena, ‘O tsunono, alö u halei lia a huol a talen moni i tamölö. Tara! Alia i kui habutu leli a tana huol a talen moni len.’
24100	MAT 25:23	Ba katuun pan i tanen e poeiena, ‘E niga koruna, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e hataratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö.’
24101	MAT 25:24	“Ba tson pepeito kap te lui a töa a talen moni e la nama memi poeiena, ‘O tsunono, alia i atei sil alö a katunun hakhakui hatagala koru, kaba lö e roron lu noa hasem a hihol tara toukui tara tana katuun.
24103	MAT 25:26	Ba katuun pan i tanen e poeiena, ‘Alö a tson pepeito kap a omi na karous! Alö e poeiem alia ema kui gi kaba lia e roron luegou a hihol tara toukui tara tana katuun?
24105	MAT 25:28	“Ba nonei e poeiena tara palair u katunun kui i tanen, ‘Luba nami a moni bate halemi a katuun te ka mena a maloto a talen moni.
24111	MAT 25:34	“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.
24114	MAT 25:37	“Ba u katuun u matskö te poeier romana i tar, ‘O Tsunono, i hangisa ti tareia lam ti bes uu lö ba lam e hale mi lö a kannou? Na i hangisa ti tareia lam ti maka u lö ba lam e haue mölö?
24117	MAT 25:40	“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’
24118	MAT 25:41	“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.
24121	MAT 25:44	“Ba nori te ranga palis meriou lia bate poeier i tar, ‘O Tsunono, i hangisa tu tareia lam tu bes uu lö na tu maka uu lö na tu katuun uu lö tara tana han ba lam ema taguhe mi lö? Tara saha pöata tu tareia lam ti möa ialö tu hasobö na ti siki ialö na ti kaia lö tara karabus ba lam ema taguhe mi lö?’
24122	MAT 25:45	Ba lia te ranga palis meragouen bate peigou i taren, ‘Alia e hatei hamana koru ragou limiou, a pöata tu raman katoe mia limiou a markato teka ta töa tara man hahatoulana i tar, alimiou u raman kato be hase mien lia.’