22	GEN 1:22	Bona Dirava ia hanamodia, ia gwau, “Emui bese umui havaraia, do umui momo herea, davara ibounai do idia honu momokani, manu danu do idia vara rohoroho tanobada ena latanai.”
28	GEN 1:28	Bona Dirava ese ia hanamodia, idia dekenai ia gwau, “Emui bese do umui havaraia, do umui momo herea. Tanobada ena gabu ibounai dekenai do umui noho, bona unai tano do umui biagua. Davara ena gwarume bona ataiai manudia, bona mauri gaudia, tanobada dekenai idia marere gaudia ibounai do umui biagua.”
39	GEN 2:8	Lohiabada Dirava ese uma ta dina ia daekau kahana dekenai ia karaia, ladana Eden, bona unai gabu dekenai, ia karaia vadaeni tauna ia atoa, unuseni ia noho.
41	GEN 2:10	Eden dekena amo sinavai ta ia heau lao, uma ia hapariparia totona. Unai uma dekena amo sinavai ia parara, sinavai hani idia lao.
45	GEN 2:14	Sinavai ihatoina ena ladana be Taigarisi, ia be Asuria tano ena dina ia daekau kahana dekenai ia heau lao. Sinavai namba 4 be Euperate.
46	GEN 2:15	Lohiabada Dirava ese unai tau ia abia, Eden ena uma gabu lalonai ia atoa, do ia geia bona naria totona.
79	GEN 3:23	Unai dainai Lohiabada Dirava ese Eden uma gabu dekena amo tau ia lulua, bona ia vara dekena amo tano dekenai ia siaia, unai tano do ia geia noho totona.
80	GEN 3:24	Dirava ese tau bona hahine ia lulua lao, bona Eden uma gabu ena dina ia daekau kahana dekenai kerubi aneru ia haginidia, uma gabu gimaia totona. Bona lahi kaia danu ia atoa. Unai kaia be ia giroagiroa kahana ibounai dekenai. Inai aneru bona kaia ese mauri auna dekenai lao dalana ia koua momokani.
96	GEN 4:16	Bona Kaino ese Lohiabada dekena amo ia raka siri, bona tano ta ladana Loa Kava, Eden ena dina ia daekau kahana dekenai ia noho.
97	GEN 4:17	Kaino bona iena adavana idia mahuta hebou, bona hahine ia rogorogo. Ia mara, mero ia abia, ena ladana be Enoka. Kaino ese hanua ta ia haginia, inai hanua ena ladana ia atoa Enoka, iena natuna ena ladana hegeregere.
98	GEN 4:18	Enoka ese natuna ta ia abia, iena ladana be Irada. Irada be Mehuiaela ena tamana, bona Mehuiaela be Metusaela ena tamana, bona Metusaela be Lameka ena tamana.
106	GEN 4:26	Seta ese natuna ta ia havaraia, iena ladana ia atoa Enosi. Unai nega dekenai taunimanima ese Lohiabada ena ladana helagana dekenai guriguri idia hamatamaia.
112	GEN 5:6	Seta ena mauri lagani be 105 neganai, ia ese Enosi ia havaraia.
113	GEN 5:7	Vadaeni Enosi ia vara murinai, Seta be lagani 807 ma ia mauri noho, iena natuna tatau bona hahine ia havaraia.
115	GEN 5:9	Enosi ena mauri lagani be 90 neganai, ia ese Kenana ia havaraia.
116	GEN 5:10	Vadaeni Kenana ia vara murinai, Enosi be lagani 815 ma ia mauri noho, iena natuna tatau bona hahine ia havaraia.
117	GEN 5:11	Enosi ena mauri lagani ibounai be 905, vadaeni ia mase.
124	GEN 5:18	Iareda ena mauri lagani be 162 neganai, ia ese Enoka ia havaraia.
125	GEN 5:19	Vadaeni Enoka ia vara murinai, Iareda be lagani 800 ma ia mauri noho, iena natuna tatau bona hahine ia havaraia.
127	GEN 5:21	Enoka ena mauri lagani be 65 neganai, ia ese Metusela ia havaraia.
128	GEN 5:22	Metusela ia vara murinai, Enoka be Dirava danu idia turana karaia noho, ia lao bona lagani 300 ia ore. Iena natuna tatau bona hahine ia havaraia.
129	GEN 5:23	Enoka ena mauri lagani be 365,
141	GEN 6:3	Bona Lohiabada ia gwau, “Egu lauma be nega ibounai taunimanima edia lalonai do ia noho lasi, badina idia be hidio sibona. Hari ia lao, edia mauri lagani be dohore lagani 120 sibona.”
188	GEN 8:4	Ela bona hua 7 ena dina 17 dekenai lagatoi ia kamokau Ararata Ororo dekenai.
229	GEN 9:23	Vadaeni Sema bona Iapeta ese dabua badana ta idia abia, edia pagana dekenai idia huaia. Palai ruma dekenai idia raka vareai, to edia murina kahana dekena amo idia raka lao. Edia tamana idia koua dabua dekenai, to edia vairana idia giroa lasi, edia tamana ena kopina kavakava idia itaia garina.
239	GEN 10:4	Iavana ena natuna be inai: Elisa bona Tarasisi, bona Kitima ena bese bona Dodana ena bese danu ia ese ia havaraia.
245	GEN 10:10	Nimiroda ena basileia ginigunana ena hanua badadia be Babela, bona Ereke, bona Akada, bona Kalena, idia ibounai be Sinara tano dekenai.
256	GEN 10:21	Sema danu, Iapeta ena kakana, ese iena natuna tatau haida ma ia havaraia. Sema be Ebere ena natuna ibounai edia tubuna.
257	GEN 10:22	Sema ena natuna be inai: Elama bona Asuru bona Apakasada bona Luda bona Arama.
259	GEN 10:24	Apakasada ese Sela ia havaraia, bona Sela ese Ebere ia havaraia.
260	GEN 10:25	Ebere ena natuna tatau be rua. Ta ena ladana be Pelega, ena anina be “Parara”, badina be iena nega dekenai, tanobada ena bese idia makohia parara. Iena tadina ena ladana be Iokatana.
265	GEN 10:30	Edia tano be Mesa dekena amo ia lao bona dina ia daekau kahana ena ororo ladana Separa ena kahana dekenai.
281	GEN 11:14	Sela ena mauri lagani be 30 neganai, ia ese Ebere ia havaraia.
282	GEN 11:15	Ebere ia vara murinai, Sela be lagani 403 ia mauri noho, bona ia ese iena natuna tatau bona hahine ma haida ia havaraia.
283	GEN 11:16	Ebere ena mauri lagani be 34 neganai, ia ese Pelega ia havaraia.
284	GEN 11:17	Pelega ia vara murinai, Ebere be lagani 430 ia mauri noho, bona ia ese iena natuna tatau bona hahine ma haida ia havaraia.
338	GEN 14:1	Amarapela, Sinara tano ena king, Arioka, Elasara tano ena king, Kedoralaomere, Elama tano ena king, bona Tidala, Goimi tano ena king,
342	GEN 14:5	Lagani namba 14 dekenai Kedoralaomere, mai ena durua taudia danu, ese ia toreisi, Repaima taudia, Asataroto Karanaimi dekenai ia halusidia, bona Susima taudia, Hamo dekenai ia halusidia, bona Emima taudia, Save Kiriataimi dekenai ia halusidia.
343	GEN 14:6	Hori taudia danu, edia ororo, ladana Seiri dekenai ia halusidia, bona ia luludia ia lao bona El Parana, taunimanima noho lasi tano ena hetoa badinai.
346	GEN 14:9	Inai king 5 ese king 4, Kedoralaomere, Elama ena king, bona Tidala, Goimi ena king, bona Amarapela, Sinara ena king, bona Arioka, Elasara ena king dekenai idia tuari henia.
350	GEN 14:13	To heau mauri tauna ta ia lao, Aberamo, Heberu tauna dekenai ia hamaoroa. Aberamo be Mamare, Amoro tauna, Esakolo bona Anere edia kakana ena au helagadia kahirakahira ia noho. Inai tau toi be Aberamo danu idia turana karaia vadaeni.
361	GEN 14:24	Lau sibona be gau ta do lau abia lasi. Lauegu taudia idia ania vadaeni aniani sibona lau dekenai oi henia. Bona lauegu turana Anere bona Esakolo bona Mamare edia kohu kahana do idia abia, inai sibona.”
363	GEN 15:2	To Aberamo ia gwau, “Egu Lohiabada Dirava e, lau be natuna lasi. Edena bamona lau dekenai hanamoa do oi habadaia? Lauegu kohu do ia abia tauna be tamona, Eliesere, Damaseko tauna.
379	GEN 15:18	Unai dina dekenai Lohiabada ese Aberamo dekenai ia gwauhamata, bona gwauhamata taravatuna ia karaia, ia gwau, “Lau ese oiemu tubuna taudia dekenai inai tano ibounai do lau henia: Aigupito ena sinavai dekena amo ia lao bona sinavai badana ladana Euperate.
408	GEN 17:10	Inai gwauhamata taravatuna ena toana, be oi bona oiemu tubuna taudia ese do umui karaia momokani: Emui tatau ibounai be kopina utua kara do idia abia.
409	GEN 17:11	Emui kopina do umui utua, inai be gwauhamata taravatuna oi bona lau iseda huanai ena toana.
410	GEN 17:12	Emui memero ibounai ta ta dina 8 idia abia neganai, edia kopina do umui utua. Emui ruma dekenai vara hesiai taudia danu edia kopina do umui utua. Bona idau taudia dekena amo umui hoia hesiai taudia danu edia kopina do umui utua.
460	GEN 19:2	Ia gwau, “Lauegu biagudia e, lau be emui hesiai tauna, mani emui kara egu ruma dekenai umui daekau mai. Emui aena umui huria, bona hari hanuaboi iniseni umui mahuta. Dabai do umui toreisi bona emui dala dekenai do umui raka lou.” To idia gwau, “Lasi, hanua ena huana dekenai do ai noho ia lao bona dabai.”
505	GEN 20:9	Vadaeni Abimeleka ese Aberahamo dekenai ia boiboi, ia gwau, “Edena bamona oi karaia vadaeni ai dekenai? Edena kerere oi dekenai lau karaia dainai lau bona lauegu basileia dekenai inai bamona oi karaia do ai kerere totona? Mai taravatu ena kara ta oi karaia vadaeni lau dekenai?”
580	GEN 23:8	ia hamaoroa idia dekenai, ia gwau, “Bema umui emui lalona ia hegeregere, lauegu hahine iniseni bema lau guria, Eparona Sohara dekenai mani umui noia lau totona,
582	GEN 23:10	Inai Eparona be Hiti taudia edia huanai ia helai noho. Vadaeni Eparona, Hiti tauna, ese Aberahamo dekenai ia haere, Hiti taudia edia vairana dekenai, bona iena hanua taudia ibounai edia vairana dekenai, ia gwau,
585	GEN 23:13	Vadaeni Aberahamo ese Eparona dekenai ia hereva, unai gabu taudia edia vairana dekenai, ia gwau, “Mani oi kamonai henia lau dekenai, unai tano ena davana mani lau henia oi dekenai, oi abia, vadaeni lauegu hahine unuseni do lau guria.”
586	GEN 23:14	Vadaeni Eparona ese Aberahamo dekenai ia haere, ia gwau,
588	GEN 23:16	Aberahamo ese Eparona ena hereva ia kamonai, Hiti taudia edia vairana dekenai tano ena davana unai bamona ia gwauraia, vadaeni siliva moni 400 ia duahia, bona ia henia. Inai siliva moni ena metau be hoihoi taudia idia gaukaralaia noho moni ena metau hegeregerena.
589	GEN 23:17	Unai dainai Eparona ena tano Makapela dekenai, Mamare ena badibadinai, mai ena kohua bona au danu ibounai be,
629	GEN 24:37	Bona lauegu biaguna ese ia hamaoroa lau dekenai do lau gwauhamata, ia gwau, ‘Lauegu natuna ena adavana oi abia hidi lasi inai hari lau noho gabuna Kanana taudia edia tano dekena amo. Edia kekeni ta do oi abia hidi lasi,
661	GEN 25:2	Edia natudia iena bogana dekena amo idia vara edia ladana be inai: Simurana bona Iokosana bona Medana bona Midiana bona Isabaka bona Sua.
663	GEN 25:4	Midiana ese Epa bona Epere bona Hanoka bona Abida bona Eledaha ia havaraia. Inai ibounai be Ketura ena bese.
668	GEN 25:9	Iena natuna ruaosi Isako bona Isamaela ese ia idia abia, Makapela ena nadi matuna dekenai idia guria, unai nadi matuna be Mamare ena dina daekau kahana dekenai, Eparona Sohara, Hiti tauna ena tano dekenai.
684	GEN 25:25	Guna ia vara mero be kakakaka. Iena ladana idia atoa Esau, badina be iena tauanina ibounai be dabua mai huihui bamona.
685	GEN 25:26	Gabeai iena tadina ia vara, bona iena imana dekena amo Esau ena aena ia dogoatao. Iena ladana idia atoa Iakobo, ena anina be “gabu abia tauna.” Idia ruaosi idia vara neganai, Isako ena mauri lagani be 60.
686	GEN 25:27	Memero ruaosi idia tubu ia lao bona idia bada. Esau be labana ia diba momo tauna, bona uda dekenai loaloa tauna, to Iakobo ena kara be manada, bona ia be ruma dekenai noho tauna.
687	GEN 25:28	Isako ese Esau ia lalokau henia, badina be labana dekenai ia alaia vamu ia ura ania, to Rebeka ese Iakobo ia lalokau henia.
688	GEN 25:29	Dina ta Iakobo ese aniani ia nadua noho, vadaeni Esau be gunika dekena amo ia mai.
689	GEN 25:30	Ia be hitolo bada herea dainai, Esau ese Iakobo dekenai ia noinoi, ia gwau, “Unai aniani kakakaka oi henia, lau ania, badina lau be hitolo mase.” (Unai dainai iena ladana ta idia atoa Edoma, ena anina be, kakakaka.)
691	GEN 25:32	Esau ia gwau, “Be, lau kahirakahira lau mase, lauegu vara guna ena hanamoa be edena bamona do ia hanamoa lau?”
692	GEN 25:33	Iakobo ia gwau, “Oi gwauhamata guna, oiemu vara guna ena hanamoa do oi henia lau dekenai.” Vadaeni Esau ese ia gwauhamata, iena vara guna ena hanamoa be Iakobo dekenai do ia henia, aniani ena davana.
693	GEN 25:34	Bona Iakobo ese paraoa bona vasiahu ia henia. Vadaeni ia aniani, ia inuinu, gabeai ia toreisi, ia rakatania. Esau ese iena vara guna ena hanamoa, be unai bamona dala dekenai ia negea.
713	GEN 26:20	Gerara bese taudia edia mamoe bona boromakau naria taudia be Isako ena mamoe bona boromakau naria taudia danu idia heatu, idia gwau, “Inai be aiemai ranu.” Unai dainai Isako ese unai ranu guri ena ladana ia atoa Eseka, ena anina be, Heai, badina be idia heai inai ranu totona.
727	GEN 26:34	Esau ena mauri lagani be 40, vadaeni ia headava, hahine rua ia abia. Iuditi, Beri, Hiti tauna ena natuna, bona Basemata, Elona, Hiti tauna ena natuna.
729	GEN 27:1	Isako be ia buruka vadaeni, iena matana danu ia diburadibura, gau ta ia itaia namonamo lasi. Vadaeni iena vara guna natuna Esau ia boiria, ia gwau, “Natugu e.” Esau ia gwau, “Lau inai.”
733	GEN 27:5	Inai hereva Isako ese iena natuna Esau dekenai ia hamaoroa, be Rebeka danu ia kamonai. Vadaeni Esau be ia lao labana, dia ta do ia alaia, ia mailaia gwauraia.
734	GEN 27:6	Vadaeni Rebeka ese iena natuna Iakobo dekenai ia hereva henia, ia gwau, “Oiemu tamana ese oiemu kakana Esau dekenai ia hamaoroa herevana lau kamonai,
739	GEN 27:11	Vadaeni Iakobo ese iena sinana Rebeka dekenai ia haere, ia gwau, “Lauegu kakana Esau ena kopina be mai huihui danu, to lauegu kopina be manadamanada.
743	GEN 27:15	Vadaeni Rebeka ese iena vara guna natuna Esau ena dabua namona ta ruma dekenai ia abia, iena natuna Iakobo dekenai ia atoa.
747	GEN 27:19	Iakobo ese iena tamana dekenai ia haere henia, ia gwau, “Lau inai, Esau, oiemu vara guna natuna, oiemu hereva lau badinaia vadaeni, oi toreisi, dia ta lau alaia vadaeni do oi ania, vadaeni oi hanamoa lau dekenai.”
749	GEN 27:21	Vadaeni Isako ese Iakobo dekenai ia hamaoroa, ia gwau, “Natugu e, mani oi mai kahirakahira, oiemu kopina do lau dogoatao, oi be momokani lauegu natuna Esau o lasi.”
750	GEN 27:22	Vadaeni Iakobo be iena tamana Isako dekenai ia lao kahirakahira, iena kopina ia dogoatao, vadaeni ia gwau, “Gadona be Iakobo ena gadona, to imana be Esau ena imana.”
751	GEN 27:23	Ia diba lasi unai be Iakobo, badina iena imana be mai huihui danu, iena kakana Esau ena imana bamona, unai dainai Isako ese ia hanamoa hamatamaia.
752	GEN 27:24	Vadaeni Isako ia gwau, “Momokani, oi be lauegu natuna korikori Esau, ani?” Ia gwau, “Oibe.”
758	GEN 27:30	Isako ese Iakobo dekenai hanamoa ia haorea, bona Iakobo danu Isako ena vairana dekena amo ia raka siri. Vadaeni nega sisina sibona murinai, iena kakana Esau be labana dekena amo ia ginidae.
760	GEN 27:32	Iena tamana Isako ese ia nanadaia, ia gwau, “Oi be daika?” Esau ia haere, ia gwau, “Lau inai, oiemu vara guna natuna Esau.”
762	GEN 27:34	Esau ese iena tamana ena hereva ia kamonai neganai ia tai, ia tai mai boiboi danu, iena tamana dekenai ia taitai, ia gwau, “Lau danu, tamagu e, oi hanamoa lau dekenai.”
764	GEN 27:36	Esau ia gwau, “Iena ladana be Iakobo, mai ena anina, ani? Badina be nega rua ia ese lau dekenai ia koikoi vadaeni. Lauegu vara guna ena hanamoa ia abia guna, harihari danu, lau dekenai hanamoa gauna ia abia vadaeni. Lau dekenai hanamoa ta ia noho lasi, a?”
765	GEN 27:37	Isako ese Esau dekenai ia haere henia, ia gwau, “Inai, Iakobo be oiemu biaguna lau halaoa vadaeni, bona iena varavara taudia ibounai lau henia vadaeni, iena hesiai taudia do idia lao, uiti bona uaina danu lau gwauraia vadaeni iena. Natugu e, dahaka do lau karaia oi dekenai?”
766	GEN 27:38	Vadaeni Esau ese iena tamana dekenai ia hamaoroa, ia gwau, “Tamagu e, oiemu hanamoa be tamona sibona, a? Tamagu e, lau danu oi hanamoa.” Vadaeni Esau ia tai dikadika.
769	GEN 27:41	Esau ese Iakobo ia badu henia, iena tamana ena hanamoa dainai, vadaeni iena lalona dekenai ia gwau, “Lauegu tamana ena mase dinana ia kahirakahira, unai murinai lauegu tadina Iakobo do lau alaia mase.”
770	GEN 27:42	Haida ese Esau ena hereva Rebeka dekenai idia hamaoroa, vadaeni Rebeka ese iena natuna Iakobo ia boiria, ia hamaoroa, ia gwau, “Oi kamonai, oiemu kakana Esau ena laloa be, oi do ia alaia mase gwauraia.
779	GEN 28:5	Vadaeni Isako ese Iakobo ia siaia lao. Ia be Mesopotamia dekenai ia lao, Labana Betuela, Aramea tauna, dekenai. Unai Labana be Rebeka ena taihuna, Rebeka be Iakobo bona Esau edia sinana.
780	GEN 28:6	Esau ia diba vadaeni, Isako ese Iakobo ia hanamoa vadaeni bona ia siaia lao vadaeni, Mesopotamia dekenai do ia headava. Esau danu ia diba vadaeni, ia hanamoa neganai, Isako ese Iakobo ia hamaoroa, ia gwau, “Kanana taudia edia natuna ta do oi adavaia lasi.”
782	GEN 28:8	Vadaeni Esau ena lalona ia kehoa, iena tamana Isako ese Kanana hahine taudia dekenai ia ura henia lasi.
783	GEN 28:9	Unai dainai, Esau be Isamaela dekenai ia lao, Isamaela, Aberahamo ena natuna ena kekeni Mahalata, Nebaioto ena taihuna, ia adavaia, to iena adavana gunadia ruaosi be idia do noho.