700	GEN 26:7	Unai gabu taudia ese iena adavana totona idia nanadaia ia dekenai, vadaeni ia gwau, “Ia be lauegu taihuna.” “Ia be lauegu adavana,” dohore ia gwau be ia gari, badina be ia gwau: “Inai gabu taudia ese do idia alaia mase lau, Rebeka totona, badina ia be hahine namo herea.”
1577	EXO 2:22	Inai hahine ese iena natuna ta ia havaraia, vadaeni Mose ese mero ena ladana ia atoa Geresome, ena anina be “idau tano dekenai noho,” badina be Mose ia gwau, “Lau be tano idau dekenai, bona taunimanima idau danu lau noho.”
1628	EXO 4:26	Vadaeni unai dainai Lohiabada ese Mose ia alaia lasi. Unai neganai hahine ia gwau, “Rara tauna lau adavaia,” kopina utua kara dainai.
4059	NUM 11:34	Unai dainai unai gabu ena ladana idia atoa “Mataganigani ena Guria Gabuna,” badina be unuseni vamu idia ura dikadika taudia idia guridia.
6688	JDG 6:32	Unai dina ia lao, Gideona ena ladana idia atoa Ierubu Bala, anina be, “Bala ese do ia tuari henia,” badina be ia ese Bala ena boubou patana ia hamakohia.
7200	RUT 4:8	Vadaeni unai Elimeleka varavara tauna ese Boasi ia hamaoroa, ia gwau, “Unai be tano oi ese oi hoia,” bona iena tamaka ia kokia.
7258	1SA 2:16	Bona unai tau bema ia gwau, “Mani emu kara, boubou ena taravatu be digara do ia gabua ore guna, vadaeni oiemu ura hegeregerena do oi abia,” vadaeni hesiai tauna do ia haere, ia gwau, “Lasi, harihari lau dekenai oi henia, bema lasi, lau ese dagedage dala dekenai do lau abia momokani.”
7943	1SA 27:10	To Akisi ese nega ta ta Davida ia nanadaia, ia gwau, “Hari dina dekenai daika umui tuari henia?” Unai neganai Davida be inai bamona ia haere, ia gwau, “Iuda Negebe kahana taudia,” o “Ierahamele Negebe kahana taudia,” o “Keni Negebe kahana taudia.”
10403	1CH 4:14	Meonotai be Opera ena tamana. Seraia be Ioaba ena tamana. Ioaba be Geharasimi taudia edia sene tauna. Geharasimi ena anina be “gaukara taudia,” badina idia be imana gaukara diba momo taudia.
10776	1CH 13:11	Unai dainai unai gabu ena ladana idia gwauraia Perese Usa, anina be “Usa Ena Kerere Davana,” ia mai bona hari dina. Davida be ia badu momokani, badina Lohiabada ese mai badu danu Usa ia alaia mase.
14379	PSA 32:5	Unai neganai lauegu kara dika, be oi dekenai lau gwauraia hedinarai. Lauegu kerere lau hunia lasi. Lau gwau, “Lauegu kerere, be Lohiabada ena vairanai do lau gwauraia hedinarai,” vadaeni oi ese lauegu kara dika oi gwauatao.
15029	PSA 70:4	Lau idia hereva dika henia noho taudia idia gwau, “Aha, aha,” Unai taudia be do oi halusidia, mai hemarai bada danu.
17161	PRO 24:12	Bema oi koikoi, oi gwau, “Lau be inai gau lau diba lasi,” laloa ibounai Dirava ese, inai koikoi ia itaia lasi, a? Oiemu lauma ia naria noho Dirava ia diba lasi, a? Ia ese taunimanima edia davana, be edia kara hegeregerena do ia henia.
17190	PRO 25:7	badina be oi do ia hamaoroa, do ia gwau, “Iniseni do oi daekau mai,” be namo, to king ena vairana dekenai, henunai gabuna dekenai oi do idia siaia lao be dika.
17522	ECC 7:23	Egu aonega dekena amo, inai gaudia ibounai lau tohoa. Lau gwau, “Lau ese aonega korikori do lau abia momokani,” to lau dekena amo aonega be ia daudau.
17905	ISA 9:5	Badina be ita totona natuna ta ia vara! Dirava ese ita dekenai, natuna mero do ia henia! Bona ia be iseda gunalaia tauna do ia lao, bona iena ladana do idia gwauraia, “Sisiba Henia Tauna Namo Herea,” “Siahu Bada Dirava,” “Hanaihanai Noho Tamana,” “Maino ena Lohia.”
18279	ISA 29:16	Inai bamona taudia ese, gau ibounai idia giroa bubua noho! Edena be bada, uro karaia tauna, o raro? Ia karaia gauna ese, karaia tauna do ia hereva henia, do ia gwau, “Oi ese lau oi karaia lasi,” a? Uro ta ese uro karaia tauna do ia hereva henia, do ia gwau, “Oi be gau ta oi diba lasi,” a?
18373	ISA 33:24	Siona dekenai idia noho taudia ta ese do ia gwau lasi, “Lau be gorere,” bona Lohiabada ese edia kara dika ibounai do ia gwauatao.
18936	ISA 62:12	Umui emui ladana be do idia atoa, “Dirava Ena Bese Helagana, Lohiabada Ese Ia Hamauria Vadaeni Besena.” Bona Ierusalema hanua ena ladana do idia atoa, “Dirava Ese Ia Lalokau Henia Noho Hanua,” bona, “Dirava Ese Ia Rakatania Lasi Hanua.”
19674	JER 27:9	Unai dainai, emui peroveta taudia, o emui laki gwauraia taudia, o emui nihi taudia, o mase taudia edia lauma dekenai idia nanadaia taudia, o emui meamea taudia ese, bema umui idia hamaoroa, idia gwau, “Babulonia ena king ena hesiai gaukara do umui karaia lasi,” neganai, umui ese idia dekenai do umui kamonai henia lasi.
22173	HOS 2:1	To gabeai Israela taudia be do idia momo herea, kone dekenai ia noho miri bamona, duahia diba lasi. Harihari Dirava ese ia gwau, “Umui be lauegu bese lasi,” to dina ta gabeai, Dirava ese Israela do ia herevalaia, “Umui be mauri ena Dirava ena natuna taudia!”
22175	HOS 2:3	Unai dainai emui varavara Israela taudia do umui herevalaia inai bamona, umui gwau: “Dirava ena bese taudia,” bona “Lohiabada ese ia ura henia taudia.”
23162	MAL 1:4	Sedira Esau ena tubuna taudia, Edoma taudia, be do idia hereva, do idia gwau, “Aiemai hanua ibounai be idia hadikaia ore, to ai ese idia do ai haginidia lou.” To Siahu Ibounai Lohiabada be do ia haere, do ia gwau, “Umui haginia lou diba, to lau ese emui hanua do lau veridia diho lou.” Bona taunimanima ese Edoma tanona ena ladana do idia gwauraia, “Kara dika ena tano,” bona “Lohiabada ese hanaihanai ia badu henia noho besena.”
24374	MRK 3:17	Iamesi, Sebedeo ena natuna, bona iena tadina Ioane dekenai ladana matamata ia henia, ladana be Boanere, anina be, “Guba boiboi natudia,”
24379	MRK 3:22	Taravatu hadibaia taudia idia mai Ierusalema dekena amo, idia gwau, “Belesebulo ia noho ia lalonai,” bona, “Lauma dikadia edia biaguna ena siahu dekenai ia ese lauma dikadia taunimanima dekena amo ia lulua.”
24474	MRK 5:41	Iesu ese kekeni ena imana ia abia, ia hereva henia, ia gwau, “Talita kumi,” (anina be, “Kekeni e, oi toreisi”).
24491	MRK 6:15	To haida idia gwau, “Inai be Elia,” Haida idia gwau, “Inai be peroveta tauna ta, peroveta gunadia bamona.”
26990	JHN 21:23	Inai hereva be Iesu ena orea taudia edia huanai idia gwauraia loaloa, unai diba tahua tauna be do ia mase lasi, idia gwau. To Iesu be ia hereva lasi, “Ia be do ia mase lasi,” to ia gwau, “Bema lau ura ia be do ia noho ela bona do lau giroa mai, unai be edena bamona oi dekenai?”
27179	ACT 6:9	To dubu orea ta ena ladana be “Ruhaia Taudia,” ena taudia haida, bona Kurene bona Alesandria bona Kilikia bona Asia taudia haida, ese Stefano danu idia hepapahuahu.
28045	ROM 2:15	Idia edia kara ese ia hedinaraia, Dirava ena Taravatu be edia kudouna dekenai ia noho vadaeni. Idia edia kudouna ena laloa ese ia hamomokania Dirava ena Taravatu be edia kudouna lalonai ia noho. Unai dainai nega haida edia lalona dekenai idia gwau, “Egu kara ia kerere,” bona nega haida edia lalona dekenai idia gwau, “Egu kara be ia maoro.”
28051	ROM 2:21	Oibe, taunimanima haida umui hadibaia, to dahaka dainai umui sibona umui hadibaia lasi? Umui haroro, umui gwau, “Henaoa lasi,” to umui be umui henaoa, a?
28052	ROM 2:22	Umui gwau, “Heudahanai lasi,” to umui be umui heudahanai, a? Kaivakuku be umui kirikirilaia, to umui ese Dirava diba lasi taudia edia dubu gaudia umui henaoa, a?
28113	ROM 4:23	Inai Buka Helaga ena hereva, “Dirava ese Aberahamo ia gwauraia maoromaoro,” be ia sibona totona lasi.
28166	ROM 7:7	Unai dainai, dahaka do ita hereva? Taravatu be ia dika, a? Lasi momokani! Bema Taravatu ese lau ia hadibaia lasi, be edena bamona kara dika ena toana do lau diba? Bona Taravatu ese bema ia hereva lasi lau dekenai inai bamona, “Oi ura dika lasi,” lau be ura dika ena anina edena bamona do lau diba?
28443	1CO 1:12	Lau laloa umui ta ta inai bamona umui hereva noho, umui gwau, “Lau be Paulo ena,” “Lau be Apolo ena,” “Lau be Petero ena,” “Lau be Keriso ena.”
28482	1CO 3:4	Badina be umui ta ia gwau, “Lau be Paulo ena,” bona ma ta ia gwau, “Lau be Apolo ena.” Inai anina be, umui be tanobada taudia bamona umui karaia noho, ani?
28547	1CO 6:12	Sedira umui ta ia gwau, “Kara ibounai be taravatu lasi lau dekenai.” Io, to inai kara haida ese sedira oi idia hadikaia diba. “Kara ibounai be taravatu lasi lau dekenai,” oi gwau, a? To namo lasi inai kara ta ese oi do ia biagua.
28663	1CO 10:28	To bema tau ta ese umui ia hamaoroa, ia gwau, “Inai be boubou vamuna,” vadaeni unai vamu do umui ania lasi, unai ia hereva tauna ena lalona do umui hadikaia garina.
28705	1CO 12:3	Lau ura umui diba Dirava ena Lauma ese ia hakaua tauna be inai bamona ia hereva diba lasi, “Iesu do ia dika momokani.” Bona tau ta be inai bamona ia hereva diba lasi, “Iesu be Lohiabada,” to Lauma Helaga ese ia hakaua noho tauna sibona mo.
28769	1CO 14:23	To momokani, bema ekalesia Keristani taudia ibounai gabu ta idia hebou, bona idau momokani gadodia idia hereva noho neganai, murimuri taudia be dahaka idia laloa? Oibe, bema ekalesia dalana diba lasi, o Iesu abidadama henia lasi taudia be hebou dekenai idia raka vareai neganai, do idia gwau, “Umui be kavakava,” ani?
29258	GAL 6:3	Bema tau ta sibona inai bamona ia laloa, “Lau be namo,” to momokani ia be namo lasi neganai, ia be sibona ia koia.
29582	COL 2:21	“Umui dogoatao lasi,” bona “Unai aniani umui ania lasi,” bona “Imana umui atoa lasi?”
29691	1TH 5:3	Inai bamona hereva, “Maino bona gari lasi ita noho inai,” taunimanima idia gwauraia noho neganai, karaharaga hisihisi dika momokani bona mase do ia ginidae! Rogorogo hahine ese mara ena hisihisi ia davaria haraga bamona unai hisihisi be do ia ginidae. Bona unai taunimanima do idia roho mauri diba lasi.
30133	HEB 7:2	Unai neganai Aberahamo ese iena kohu ia haria, kahana 10, vadaeni kahana ta Melekisedeka dekenai ia henia. Melekisedeka ena ladana ena anina gunana be “Kara Maoromaoro ena King,” ma iena ladana ta be “Maino Lohiana,” badina ia be Salema ena king. Salema ena anina be “Maino.”
30371	JAS 2:11	Badina be Dirava ese inai Taravatu ia gwauraia, “Do umui heudahanai lasi,” bona inai Taravatu danu ia gwauraia, “Taunimanima do umui alaia lasi.” Vadaeni, bema oi heudahanai lasi, to tau ta oi alaia, oi be Taravatu oi utua vadaeni.
30379	JAS 2:19	Oi ese inai oi abidadama henia: “Dirava korikori be tamona,” a? Namo, to lauma dikadia danu unai bamona idia abidadama, bona mai gari danu idia heudeheude noho.
30589	2PE 2:22	Inai kara idia karaia, ena anina be aonega hereva momokani rua bamona, idia gwau, “Sisia be iena mumuta dekenai ma ia giroa lao noho,” bona “Boroma be idia huria, to kopukopu dekenai ma ia giroa lou.”
30621	1JN 2:4	Bema tau ta ia gwau, “Dirava lau diba,” to Dirava ena hereva ia kamonai henia lasi, vadaeni ia be koikoi tauna, bona hereva momokani ia lalona dekenai ia noho lasi.
30622	1JN 2:5	To Dirava ena hereva ia badinaia tauna ese Dirava ia lalokau henia noho, mai maoromaoro bona momokani danu. Bema tau ta ia hereva, ia gwau, “Lau be Dirava ena lalona dekenai lau noho,” vadaeni unai tau ese Keriso ena mauri dalana hegeregerena do ia noho be namo. Unai dala dekena amo do ita diba namonamo ita be Keriso ena lalona dekenai ita noho.
30626	1JN 2:9	Bema tau ta ia gwau, “Lau be diari lalonai lau noho,” to ia ese iena tadikakana ia badu henia noho, unai tau be do dibura lalonai ia noho.
30671	1JN 4:1	Lauegu lalokau taudia e, peroveta koikoi taudia momo be tanobada kahana ibounai dekenai idia lao noho. Unai dainai, bema taunimanima idia gwau, “Lau be Lauma Helaga lau abia vadaeni,” do umui naria namonamo. Idia ibounai do umui hamomokania lasi. To unai tau do umui tohoa guna, do umui davaria, Dirava ena Lauma ia abia momokani, o lasi.
30672	1JN 4:2	Inai toana dekena amo Dirava ena Lauma do umui diba: Tau ta bema inai bamona ia hereva, ia gwau, “Iesu Keriso be taunimanima ena tauanina dekena amo ia mai,” vadaeni unai tau ese Dirava ena Lauma ia abia vadaeni.
30690	1JN 4:20	Tau ta bema ia gwau, “Lau ese Dirava lau lalokau henia,” to ia ese iena tadikakana ia badu henia, unai tau be koikoi tauna. Badina be iena tadikakana, ia itaia diba tauna, bema ia ura henia lasi, edena bamona ia itaia diba lasi Diravana do ia ura henia diba?