67	GEN 3:11	Dirava ia gwau, “Daika ese oi ia hadibaia oi be kopina kavakava? Lau taravatua au huahua oi ania vadaeni, a?”
86	GEN 4:6	Lohiabada ese Kaino dekenai ia gwau, “Badina be dahaka oi badu noho? Badina dahaka oiemu vairana ia metau noho?
90	GEN 4:10	Vadaeni Lohiabada ia gwau, “Dahaka kara dika oi karaia vadaeni? Oiemu tadina ena rarana be tano dekena amo ia boiboi noho lau dekenai, iena mase davana do lau karaia totona.
273	GEN 11:6	Bona ia gwau. “Hari inai taudia be bese tamona, bona gado tamona idia veria noho. Idia karaia hamatamaia gauna be inai. Gabeai, bema gau ta idia ura karaia, daika ese edia dala do ia koua?
317	GEN 12:18	Vadaeni Farao ese Aberamo ia boiria mai, ia gwau henia, ia gwau, “Dahaka oi karaia lau dekenai? Badina dahaka lau oi hamaoroa lasi ia be oiemu adavana?
318	GEN 12:19	Badina dahaka oi gwau ia be oiemu taihuna, vadaeni lau adavaia? Oiemu adavana be inai, oi abia, umui lao.”
363	GEN 15:2	To Aberamo ia gwau, “Egu Lohiabada Dirava e, lau be natuna lasi. Edena bamona lau dekenai hanamoa do oi habadaia? Lauegu kohu do ia abia tauna be tamona, Eliesere, Damaseko tauna.
366	GEN 15:5	Lohiabada ese ia hakaua murimuri dekenai, ia gwau, “Guba oi itaia, hisiu oi duahia diba o lasi? Oiemu tubuna edia momo be dohore unai bamona.”
415	GEN 17:17	Aberahamo ia tui diho, iena vairana ia atoa diho tano dekenai, to inai bamona ia laloa neganai, ia kiri, ia gwau, “Iena mauri lagani be 100 tauna, natuna ta do ia havaraia diba? Sara danu ena mauri lagani be 90, be dohore ia mara, a?”
437	GEN 18:12	Unai dainai Sara be sibona lalona dekenai ia kiri, ia gwau, “Lau be buruka vadaeni, bona natuna abia nega be ia ore vadaeni, headava ena moale do lau abia noho? Bona lauegu adavana be ia buruka danu.”
439	GEN 18:14	Be, hoa kara ia noho, Lohiabada ia karaia diba lasi, a? Hua 9 lalonai, nega korikori dekenai, do lau giroa mai, bona Sara be natuna mero do ia abia.”
448	GEN 18:23	Aberahamo ese Lohiabada kahirakahira dekenai ia lao, ia henanadaia, ia gwau, “Momokani, oi ese kara maoromaoro bona kara dika taudia danu nega tamona do oi alaia ore?
449	GEN 18:24	Bema kara maoromaoro taudia 50 hanua dekenai idia noho, be hanua ibounai do oi hadikaia ore, a? Hanua dekenai do oi bogahisihisi diba, unai 50 hamauria totona?
450	GEN 18:25	Kara maoromaoro taudia bona kara dika taudia nega tamona do oi alaia lasi, a? Kara maoromaoro taudia bona kara dika taudia, bema edia davana be tamona, be hegeregere lasi. Unai bamona be oiemu kara lasi. Tanobada ibounai ena kota biaguna be kara maoromaoro do ia karaia lasi, a?”
463	GEN 19:5	Lota dekenai idia boiboi, idia henanadaia, “Hari hanuaboi oiemu ruma dekenai noho tatau be edeseni? Murimuri dekenai oi hakaudia, bona do ai sihari henidia.”
467	GEN 19:9	To idia gwau, “Oi gini siri, oi be idau tauna! Oi be daika oi hadibaia ai dekenai? Oi gini siri, ai ese idia do ai hadikaia maragi, to oi do ai hadikaia bada garina.” Vadaeni, idia ese Lota idia doria siri, iduara hamakohia gwauraia.
470	GEN 19:12	Vadaeni, inai tatau ruaosi ese Lota dekenai idia henanadaia, idia gwau, “Oiemu varavara haida ma idia noho iniseni, o lasi? Bema oiemu ravana, o oiemu natudia memero o oiemu varavara ta ia noho inai hanua dekenai, oi abidia, bona inai gabu umui rakatania.
478	GEN 19:20	Unai hanua maragina oi itaia, a? Ia be kahirakahira, bona ia dekenai lau heau diba. Mani emui kara unuseni do lau lao. Ia be gabu maragina sibona, bona unuseni mauri do lau davaria.”
500	GEN 20:4	To Abimeleka be inai hahine dekenai be ia do sihari henia lasi. Vadaeni ia gwau “Lohiabada e, kara maoromaoro tauna do oi alaia mase, a?
505	GEN 20:9	Vadaeni Abimeleka ese Aberahamo dekenai ia boiboi, ia gwau, “Edena bamona oi karaia vadaeni ai dekenai? Edena kerere oi dekenai lau karaia dainai lau bona lauegu basileia dekenai inai bamona oi karaia do ai kerere totona? Mai taravatu ena kara ta oi karaia vadaeni lau dekenai?”
521	GEN 21:7	Ma ia gwau, “Daika ese Aberahamo dekenai ia hamaoroa diba, Sara ese iena natuna dekenai rata do ia henia? To momokani, lau buruka neganai, natuna mero lau havaraia vadaeni ia dekenai.”
531	GEN 21:17	Dirava ese mero ena tai ia kamonai, bona Dirava ena aneru guba dekena amo Hagara dekenai ia hereva, ia gwau, “Hagara e, dahaka dekenai oi laloa momo? Oi gari lasi. Dirava ese mero ena tai ia kamonai vadaeni.
587	GEN 23:15	“Tau badana e, oi kamonai, unai tano ena davana be siliva moni 400, ita ruaosi iseda huanai unai be gau ta, a? Oiemu hahine be unuseni do oi guria.”
597	GEN 24:5	To hesiai tauna ese ia nanadaia, ia gwau, “To edena bamona do lau karaia, bema inai kekeni ia ura lasi lau danu ia mai inai tano dekenai? Oiemu natuna do lau hakaua lao oiemu mai gabuna dekenai, be ia namo?”
615	GEN 24:23	Ia nanadaia, ia gwau, “Oiemu tamana be daika, mani lau do oi hamaoroa? Oiemu tamana ena ruma lalonai be mai ena gabu, hari hanuaboi lau bona egu tatau do ai noho diba o lasi?”
623	GEN 24:31	Bona ia gwau, “Oi be Lohiabada ese ia hanamoa tauna ta, mani egu ruma dekenai oi raka vareai. Badina dahaka murimuri dekenai oi naria noho? Badina be lauegu ruma lalonai gabu ta lau karaia vadaeni oi dekenai, bona oiemu kamelo edia gabu ia noho danu.”
703	GEN 26:10	Vadaeni Abimeleka ia gwau, “Oi be edena bamona oi karaia vadaeni ai dekenai? Bema tau ta oiemu adavana danu idia mahuta gabu tamona dekenai, ai ibounai be do ai kerere oi totona.”
761	GEN 27:33	Vadaeni Isako be iena kudouna dekenai ia hoa mai gari danu, ia gwau, “Inai tau be daika, vamu ia alaia, ia mailaia lau dekenai, oi do mai lasi neganai lau ania ore, vadaeni lau hanamoa ia dekenai? Momokani, ia ese hanamoa ena anina dohore ia abia.”
764	GEN 27:36	Esau ia gwau, “Iena ladana be Iakobo, mai ena anina, ani? Badina be nega rua ia ese lau dekenai ia koikoi vadaeni. Lauegu vara guna ena hanamoa ia abia guna, harihari danu, lau dekenai hanamoa gauna ia abia vadaeni. Lau dekenai hanamoa ta ia noho lasi, a?”
766	GEN 27:38	Vadaeni Esau ese iena tamana dekenai ia hamaoroa, ia gwau, “Tamagu e, oiemu hanamoa be tamona sibona, a? Tamagu e, lau danu oi hanamoa.” Vadaeni Esau ia tai dikadika.
811	GEN 29:15	Vadaeni Labana ese Iakobo dekenai ia hereva henia, ia gwau, “Oi be lauegu varavara dainai, lauegu hesiai gaukara do oi karaia, mai emu davana lasi, a? Oi hamaoroa lau dekenai, oiemu davana be dahaka?”
821	GEN 29:25	Daba ia rere, vadaeni Iakobo ese hahine ia itaia be, Lea sibona. Vadaeni ia ese Labana dekenai ia gwau henia, ia gwau, “Edena bamona oi karaia vadaeni lau dekenai? Oiemu hesiai gaukara lau karaia lasi Rahela abia totona, a? Dahaka totona oi koia lau dekenai?”
833	GEN 30:2	Vadaeni Iakobo ese Rahela dekenai ia badu henia, ia gwau, “Lau be Dirava, a? Ia ese mero oi dekenai ia henia lasi.”
846	GEN 30:15	To Lea ese ia gwau henia, ia gwau, “Lauegu adavana oi henaoa be oi laloa lasi, a? To edena bamona lauegu natuna ena dudai oi dadia gwauraia.” Vadaeni Rahela ia gwau, “Oiemu natuna ena dudai oi henia lau dekenai, vadaeni hari hanuaboi iseda adavana danu umui mahuta gabu tamona dekenai.”
888	GEN 31:14	Rahela bona Lea be Iakobo dekenai idia haere, idia gwau, “Dahaka do ai abia aiemai tamana dekena amo? Gau ta ia noho lasi ai dekenai.
889	GEN 31:15	Ai be idau taudia bamona ia dekenai, ani? Badina be aiemai davana ia abia vadaeni, bona ia negea haorea vadaeni.
900	GEN 31:26	Vadaeni Labana ese Iakobo dekenai ia gwau henia, ia gwau, “Badina be dahaka oi heau hunia dala dekenai, lauegu natuna hahine danu henaoa dala bamona oi danu idia heau?
901	GEN 31:27	Dahaka totona oi heau hunia dala dekenai, oi hadibaia lasi lau dekenai? Bema oi hadibaia lau dekenai, vadaeni lauegu imana dekena amo oi do lau siaia, mai moale karaia, bona mai moale ane danu, io, mai gaba ena regena bona mai gita ena regena danu.
910	GEN 31:36	Vadaeni Iakobo ese Labana dekenai ia badu henia, ia gwau henia, ia gwau, “Lauegu kerere be dahaka, lauegu dika be dahaka, vadaeni oi ese unai dainai lauegu murina dekenai oi lulua, mai badu danu?
911	GEN 31:37	Lauegu kohu ibounai oi tahua haorea vadaeni, oiemu ruma ena gau ta oi davaria be edeseni? Lauegu orea taudia bona oiemu orea taudia edia vairana dekenai unai kohu do oi atoa hedinarai, vadaeni ita ruaosi dekenai kota do idia karaia.
917	GEN 31:43	Vadaeni Labana ese ia haere henia, ia gwau, “Inai hahine be lauegu natuna, inai memero be lauegu tubuna, inai mamoe be lauegu mamoe, oi itaia gaudia ibounai be lauegu. Ma hari dina dahaka do lau karaia, inai lauegu natuna bona tubuna dekenai hanamoa totona?
946	GEN 32:18	Do ia raka guna tauna dekenai ia hamaoroa, ia gwau, “Lauegu kakana Esau danu do umui hedavari neganai, do ia nanadaia oi dekenai, do ia gwau, ‘Oiemu biaguna be daika? Edeseni do umui lao? Inai ubua gaudia umui emui vairanai be daika ena?’
1004	GEN 34:23	Idia edia boromakau, edia kohu, bona edia ubua gaudia be do ita abia, ani? Unai dainai ita huanai idia noho ena laloa do ita abia dae.”
1092	GEN 37:8	Vadaeni iena kakana taudia ese idia gwau henia ia dekenai, idia gwau, “Oi be aiemai king do oi lao, a? Oi ese do oi lohia ai dekenai, a?” Vadaeni iena nihi bona iena hereva dekenai idia edia badu idia habadaia noho ia dekenai.
1094	GEN 37:10	Iosepa ese unai nihi be iena tamana bona iena tadikakana taudia dekenai danu ia hamaoroa. Vadaeni iena tamana ese Iosepa dekenai ia hereva mai badu danu, ia gwau, “Oiemu nihi ena anina be dahaka? Lau bona oiemu sinana bona oiemu tadikakana do ai tomadiho henia oi dekenai, a?”
1097	GEN 37:13	Vadaeni iena tamana Israela ia hereva Iosepa dekenai, ia gwau, “Oiemu kakana taudia be Sekema dekenai mamoe idia naria, ani? Oi mai, oi do lau siaia idia dekenai.” Iosepa ia haere, ia gwau, “Lau hegaegae inai.”
1110	GEN 37:26	Vadaeni Iuda ese iena tadikakana taudia ia hamaorodia, ia gwau, “Iseda tadina do ita alaia, bona iena mase do ita hunia, ena anina be dahaka?
1187	GEN 40:14	Oiemu dala do ia namo neganai do oi laloa lau dekenai, ani? Oi bogahisihisi lau dekenai. Mani emu kara Farao dekenai do oi hereva lau totona, bona inai dibura ruma dekena amo lau do oi hakaua murimuri dekenai.
1267	GEN 42:14	Iosepa ia gwau, “Lau hereva vadaeni, ani? Umui be tuari taudia ese idia siaia, tano itaia totona.
1275	GEN 42:22	Rubena ia gwau, “Umui lau hamaoroa vadaeni, ani? Lau gwau, mero be do umui hadikaia lasi, to umui kamonai lasi. Vadaeni harihari iena mase ena davana be, iseda latanai ia noho.”
1297	GEN 43:6	Vadaeni Israela ia gwau, “Badina dahaka unai tau dekenai umui emui tadina ena sivarai umui hedinaraia? Unai dekena amo lau umui hadikaia.”
1298	GEN 43:7	Idia gwau, “Unai tau ese ai dekenai ia henanadaia goadagoada, iseda iduhu dekenai ia henanadaia, ia gwau, ‘Umui emui tamana do ia mauri noho? Bona umui emui tadina ta ia noho?’ Unai dainai ai haere henia ia dekenai. Edena bamona do ai diba dohore ia gwau, ‘Umui emui tadina umui hakaua mai, a?’ ”
1318	GEN 43:27	Vadaeni Iosepa ese ia nanadaia idia dekenai, ia gwau, “Umui be edena bamona? Umui emui tamana danu ia namo? Inai tau buruka, vanegai ena sivarai umui gwauraia, do ia mauri noho, a?”
1329	GEN 44:4	Hanua idia rakatania, to idia raka daudau lasi neganai, Iosepa ese iena hesiai tauna badana dekenai ia hamaoroa, ia gwau, “Oi toreisi, idia edia murina dekenai oi lao, idia oi davaria neganai, do oi gwau henia idia dekenai, oi gwau, ‘Badina dahaka namo be dika dekena amo davana umui karaia?
1330	GEN 44:5	Lauegu kapusi, siliva gauna, badina dahaka umui henaoa? Lauegu biaguna be inai dekena amo ia inua, bona inai dekena amo dahaka dahaka do idia vara ena dala ibounai ia diba. Umui kerere dikadika.’ ”
1332	GEN 44:7	Idia haere henia ia dekenai, idia gwau, “Lohia e, dahaka dainai inai bamona oi hereva? Ai be unai bamona ai karaia lasi, lasi momokani.
1333	GEN 44:8	Oi itaia, oiemu puse dekenai ai davaria monina be ai henia lou vadaeni oi dekenai, Kanana dekena amo ai giroa mai neganai. Unai dainai dahaka totona oiemu biaguna ena ruma dekenai siliva o golo do ai henaoa?
1340	GEN 44:15	Vadaeni Iosepa ese ia gwau henia idia dekenai, ia gwau, “Edena bamona umui karaia vadaeni? Umui diba lasi lau be dahaka dahaka do idia vara ena dala ibounai lau diba tauna, a?”
1341	GEN 44:16	Iuda ia gwau, “Lauegu lohia e! Edena bamona do ai hereva, dahaka do ai gwau oi dekenai, edena bamona do ai maoro oiemu vairana dekenai? Lohia e, Dirava ese aiemai kerere ia hedinaraia vadaeni. Harihari ai ibounai be oiemu hesiai taudia davana lasi, iena puse lalonai oiemu kapusi ia davaria tauna sibona lasi.”
1359	GEN 44:34	Badina be edena bamona lauegu tamana dekenai do lau giroa lou, bema mero lau danu be lasi? Lau ura lasi inai dika badana lauegu tamana dekenai ia vara be lau itaia.”
1436	GEN 47:15	Aigupito dekenai bona Kanana dekenai moni ia ore momokani murinai, Aigupito taudia idia lao Iosepa dekenai, idia gwau, “Aniani ai dekenai oi henia. Oi ura ai be oiemu vairana dekenai ai mase, a? Ai be moni lasi.”
1440	GEN 47:19	Ai be oiemu vairana dekenai do ai mase, a? Aiemai uma tano be do ia dika momokani, a? Ai bona aiemai tano do oi abia, bona aniani do oi henia ai dekenai, vadaeni ai be Farao ena hesiai taudia davana lasi do ai lao, bona aiemai tano do ia abia, do ia biagua. Ma uhe do oi henia ai dekenai, vadaeni do ai mase lasi, bona aiemai tano do ia dika lasi.”
1526	GEN 50:19	To Iosepa ia gwau, “Umui gari lasi. Lau be Dirava, emui kerere davana do lau henia, a?
1551	EXO 1:18	Unai dainai Aigupito ena king ese ia boiboi unai durua henia hahine taudia dekenai, ia henanadaia, ia gwau, “Dahaka totona inai bamona umui karaia? Dahaka totona edia natuna memero umui hamauria vadaeni?”
1562	EXO 2:7	Vadaeni inai natuna ena taihuna ese Farao ena natuna hahine dekenai ia raka, ia hereva, ia gwau, “Lau lao, ani? Heberu hahine ta dohore lau davaria, ia ese mero do ia ubua.”
1569	EXO 2:14	Ia ese ia haere, ia gwau, “Daika ese aiemai lohia, bona aiemai kota karaia tauna dekenai ia halaoa oi? Oiemu ura be, oi alaia mase lau, Aigupito tauna oi alaia mase bamona a?” Vadaeni Mose ia gari, ia gwau, “Lau karaia gauna be taunimanima idia diba vadaeni.”
1575	EXO 2:20	Ietero ese iena natuna hahine taudia dekenai ia gwau henia, ia gwau, “Inai tau be edeseni? Dahaka totona umui rakatania? Umui lao, umui boiria, ia mai aniani ita danu.”
1613	EXO 4:11	Vadaeni Lohiabada ese ia haere Mose dekenai, ia gwau, “Taunimanima edia uduna daika ese ia karaia? Daika ese tau ta ena uduna ia hakapua, o iena taiana ia koua? Daika ese matana ia kehoa? Daika ese iena matana ia hakepulua? Lau inai Lohiabada, ani?
1616	EXO 4:14	Vadaeni Lohiabada ia badu Mose dekenai, ia gwau, “Oiemu kakana Arona, Levi iduhu tauna ia noho lasi, a? Lau diba ia be haroro ia diba. Inai harihari ia raka mai inai oi dekenai, oi danu hedavari totona. Ia ese oi ia itaia neganai, do ia moale.
1635	EXO 5:2	To Farao ia gwau, “Lohiabada be daika? Badina be dahaka iena hereva dohore lau kamonai? Israela taudia lauegu imana dekena amo dohore lau negea, badina be dahaka? Lohiabada be lau diba lasi, Israela taudia danu lauegu imana dekena amo dohore lau negea lasi momokani.”
1637	EXO 5:4	Vadaeni Aigupito ena king ese ia haere idia dekenai, ia gwau, “Mose, bona Arona, badina dahaka umui ese emui orea edia gaukara dekena amo umui abia siri gwauraia? Umui lao, emui gaukara dekenai do umui giroa lou.”
1648	EXO 5:15	Vadaeni Israela gaukara naria taudia idia lao Farao dekenai, idia tai ia dekenai, idia gwau, “Dahaka totona ai dekenai inai bamona oi karaia?
1655	EXO 5:22	Vadaeni Mose ia noinoi lou Lohiabada dekenai, ia gwau, “Lohiabada e, dahaka dainai oiemu bese taudia oi hadikaia noho inai bamona? Dahaka totona oi siaia lau?
1781	EXO 10:3	Vadaeni Mose bona Arona be Farao dekenai idia raka vareai, idia hereva ia dekenai, idia gwau, “Lohiabada, ai Heberu taudia aiemai Dirava, be inai bamona ia hereva, ‘Lauegu vairana dekenai do oi hekokoroku noho ia lao bona edena negai? Lauegu orea taudia oiemu imana dekena amo oi negea, dohore idia tomadiho lau dekenai.
1785	EXO 10:7	Vadaeni Farao dekenai, iena hesiai taudia ese idia hereva, idia gwau, “Inai tau ese dika momo ita dekenai do ia henia noho ia lao bona edena negai? Inai taudia oiemu imana dekena amo oi negea, do idia lao, Lohiabada, idia edia Dirava dekenai do idia tomadiho lao, ia namo. Aigupito ia dika momokani vadaeni, oi diba lasi, a?”
1901	EXO 14:11	Vadaeni idia gwau henia Mose dekenai, idia gwau, “Aigupito dekenai guria gabuna idia noho lasi, a? Unai dainai oi ese oi hakaua siri ai, taunimanima idia noho lasi tano dekenai, ai mase totona, a? Badina be dahaka Aigupito dekena amo ai oi hakaua siri?
1902	EXO 14:12	Ai be Aigupito dekenai ai hereva lasi oi dekenai, a, ai gwau, ‘Lasi, ai dekena amo oi raka siri, ai be Aigupito taudia edia hesiai do ai lao henia noho,’ a? Badina be Aigupito taudia edia hesiai ai lao henia noho be ia namo, to taunimanima idia noho lasi tano dekenai ai mase be ia dika.”
1905	EXO 14:15	Lohiabada ese Mose dekenai ma ia hamaoroa, ia gwau, “Dahaka totona umui taitai lau dekenai? Israela taudia dekenai oi hereva henia, do idia raka lao.
1932	EXO 15:11	Lohiabada e, dirava ibounai edia huanai, oi bamona ta be daika? Oi hegeregere be daika? Helaga dekenai oi be herea momokani. Daika be oi bamona? Hoa karadia oi karaia, bona kara badadia mai gari danu oi karaia noho.
1956	EXO 16:8	Mose ma ia gwau, “Lohiabada ese vamu do ia henia adorahi, bona aniani do ia henia dabai, umui emui boga ia kunu totona, badina be umui emui maumau, Lohiabada dekenai umui maumau, herevana ibounai ia kamonai vadaeni. To ai be daika? Umui emui maumau be ai dekenai umui maumau lasi, to Lohiabada dekenai.”
1976	EXO 16:28	Vadaeni Lohiabada ese Mose dekenai ia hamaoroa, ia gwau, “Lauegu oda bona lauegu taravatu be umui negea, ia lao bona edena negai?
1986	EXO 17:2	Mose dekenai idia maumau, idia gwau, “Inuinu ranu ai dekenai oi henia.” Mose ia haere, ia gwau, “Badina be dahaka lau dekenai umui maumau? Badina dahaka Lohiabada dekenai umui dibagania?”
1987	EXO 17:3	To taunimanima be idia ranu mase, bona Mose dekenai idia maumau noho. Idia gwau, “Badina dahaka Aigupito dekena amo oi hakaua ai? Aiemai natuna alaia, bona aiemai ubua gaudia alaia totona oi karaia sedira, ranu mase dekena amo.”
1988	EXO 17:4	Mose ese Lohiabada dekenai ia noinoi goada, ia gwau, “Inai taunimanima dekenai dahaka do lau karaia? Idia be lau do idia hodoa mase gwauraia.”
2014	EXO 18:14	Ietero, Mose ena ravana ese inai kara ibounai ia itaia neganai ia nanadaia, ia gwau, “Inai oi karaia taunimanima dekenai ena anina be dahaka? Badina dahaka oi sibona oi helai, bona taunimanima ibounai oiemu vairana dekenai idia gini noho daba ia lao bona hanuaboi?”
2141	EXO 22:26	Badina unai dabua sibona dekenai siahu do ia abia, hanuaboi mahuta neganai. Edena bamona do ia mahuta? Lau dekenai do ia tai neganai do lau kamonai, badina lau be bogahisihisi bada Diravana.
2450	EXO 32:11	To Mose ese Lohiabada, iena Dirava, ia noia, ia gwau, “Lohiabada e, dahaka dainai oiemu badu ia siahu dikadika oiemu bese taudia dekenai? Aigupito dekena amo unai taudia oi hakaudia, mai oiemu siahu badana, bona mai oiemu goada badana, ani?
2490	EXO 33:16	Bema oi ese ai do oi bamoa lasi neganai, edena bamona idau bese taudia do idia diba oi ese lau bona oiemu orea taudia oi ura henia? To bema oi be ai danu ita lao neganai, idau bese taudia do idia diba namonamo, ai be bese idauna momokani, tanobada besedia ibounai edia huanai.”
2981	LEV 10:3	Unai neganai Mose ese Arona ia hamaoroa, ia gwau, “Lohiabada be inai bamona ia hereva vadaeni, ani? Ia gwau, ‘Egu orea taudia dekenai lau be helaga, bona lauegu gaukara idia karaia taudia ese egu helaga do idia matauraia. Taunimanima ibounai ese lauegu hairaina do idia itaia, bona lau do idia hanamoa.’ ” To Arona be hereva ta ia gwauraia lasi.
2995	LEV 10:17	“Badina dahaka gabu helagana ta dekenai inai kara dika totona boubouna umui ania lasi? Ia be boubou helaga herea, bona Lohiabada ese umui dekenai ia henia vadaeni, Israela taudia edia kara dika do ia gwauatao totona.
2996	LEV 10:18	Umui itaia, boubou ena rarana be Helaga Gabuna dekenai idia abia vareai lasi. Unai dainai badina dahaka unai boubou nanigosi be gabu helagana ta dekenai umui ania lasi? Lauegu oda hereva inai boubou totona be umui kamonai henia lasi.”
4029	NUM 11:4	Bona idau taudia, idau bese taudia haida, be Israela taudia danu idia laolao hebou. Inai taudia be vamu idia ura henia dikadika dainai idia maumau. Unai dainai Israela taudia danu idia taitai hamatamaia lou, idia gwau, “Vamu be edeseni do ita abia?
4030	NUM 11:5	Aigupito ita noho neganai, gwarume ita ania be davana lasi, ani? Bona kiukamba, bona meloni bona liki bona oniani bona galiki be momo herea, ani?
4036	NUM 11:11	Mose ese Lohiabada dekenai ia hereva, ia gwau, “Badina dahaka inai bamona lau oi hadikaia? Badina dahaka oiemu lalona ia namo lasi lau dekenai? Edena bamona inai bese ibounai naria gaukara be lau dekenai oi henia?
4037	NUM 11:12	Inai bese badana be lauegu natuna, a? Lau ese lau havaradia, a? Badina dahaka oi be oi gwau, ‘Oiemu imana dekenai do oi rosidia, rata ia inua memero bamona, ela bona edia sene taudia edia tano, lau gwauhamata do lau henidia tanona dekenai, a?’
4038	NUM 11:13	Vamu be edeseni do lau abia, inai taunimanima momo herea ubua totona? Badina idia be egu vairana dekenai idia taitai noho, idia gwau, ‘Vamu ai dekenai henia, do ai ania.’
4047	NUM 11:22	Mamoe momo herea bona nani momo herea do idia alaia ore, edia aniani totona, a? O davara gwarume ibounai do idia abia ore, edia bogana do idia hakunua totona, a?”
4048	NUM 11:23	Lohiabada ese Mose dekenai ia haere, ia gwau, “Lohiabada ena siahu be mai ena dokona, a? Iena imana ia kwadogi, a? Nega sisina do oi itaia, lauegu hereva do ia momokani o lasi.”
4054	NUM 11:29	Mose ia haere, ia gwau, “Lau dainai oi mama, a? Lohiabada ena orea taudia ibounai do idia peroveta, bona Lohiabada ese iena Lauma be ibounai edia latanai bema ia atoa be namo, ani?”
4062	NUM 12:2	Idia gwau, “Lohiabada be Mose sibona mo ena uduna dekena amo ia hereva, a? Sedira ai danu aiemai hereva dekena amo Lohiabada ia hereva vadaeni.” Lohiabada ese edia hereva ia kamonai.