23218	MAT 1:5	Iemo Salmón Booz moo. Afe Booz ei Rahab. Iemo Booz Obed moo. Afe Obed ei Rut. Iemo Obed Isaí moo.
23220	MAT 1:7	Iemo Salomón Roboam moo. Iemo Roboam Abías moo. Iemo Abías Asa moo.
23256	MAT 2:18	Rama jófuemo zúurede uai cácacaite; cáillɨcaillɨ eia uai cácacaite. Naɨraɨ uzuma Jacob aɨ Raquel báɨfene jɨca ia cómuitaga úruiaɨri éhena. Aféngomona jɨca ia úruiaɨ cómuitatɨno eia jaca buna fɨ́ranide, mei afengo úruiaɨ fazɨ́lliaɨoɨza, daɨí Jeremías daɨde.
23325	MAT 5:22	Mei íadɨ afe emódomo nane dáɨitɨcue. Nɨnó dáamɨe ie aɨno come dɨga icɨ́ria, afémɨe áferi jɨcánuano duere fɨnolle. Daje izói ie ámana ɨaɨre daɨdɨ́mɨe Jamánomo Rɨ́illaɨnɨ afémɨemo jɨcánuano duere fɨnolle. Iemo jɨáɨ ie ámana “O abɨna onóñedɨmɨedɨo,” daɨíadɨ afémɨe áferi jaca nɨnomo dúiñede iraimo orérede.
23379	MAT 6:28	Iemo jɨáɨ ¿nɨbái mei ɨnícuiromo ɨere comecɨ fáɨfɨredɨomoɨ? Jazícɨmo ite záfiamo omoɨ comécɨiri. Raamo táɨjɨñediaɨoɨ, daje izói ɨníroina niñédiaɨoɨ. Mei íadɨ ɨere ebire cɨ́oidiaɨoɨ.
23410	MAT 7:25	Rɨire nocɨ bɨide, íemo ille rɨire renaide, íemo rɨírede jairifo afécomo jaiñode; mei íadɨ afeco jaɨnóñede, mei maɨride énɨemo nígaza.
23419	MAT 8:5	Capernaum jófuemo Jesús jailla llezica, Romano illaɨma Jesumo billano izire jɨcade:
23463	MAT 9:15	Jira Jesús uai ote: —¿Aɨrena rafue llezica áfemo uáidogano, meita zúurenari güínidiaɨoɨ? Daɨí iñédeza; rɨngo otɨ́mɨe íaɨoɨ cɨ́gɨmo illa llezica caɨmare güitíaɨoɨ. Mei íadɨ rɨngo otɨ́mɨe íaɨoɨmona báɨruaɨbillɨrui dúcɨite. Aféruido comecɨ zúurenari güíñeitiaɨoɨ. Rɨngo otɨ́mɨe izói birui cuedo jáicadɨno cɨ́gɨri itɨ́cueza, —daɨde.
23612	MAT 13:4	Ricana ie uilla llezica, afe júdaɨca íjɨaɨmona dáarie iomo baɨide. Baɨilla mei ófocuiñuaɨ güizáɨbitiaɨoɨ.
23626	MAT 13:18	Jira bíemo omoɨ cacáreiri. Rífɨredɨmɨe rafue bie izói jino daɨde.
23633	MAT 13:25	Mei íadɨ naama ɨ́nɨa mei ie dɨga icɨ́ritɨmɨe trigo cɨ́gɨmo fɨénide rarócɨaɨ rizáɨbite. Rillano oni jaide.
23652	MAT 13:44	Monamo ite Juzíñamui illáɨmaitagamacɨna íacadɨno bie izói fɨ́noitiaɨoɨ. Enɨe anamo ónonino retáidoga ráifide raa jénua izói fɨ́noitiaɨoɨ. Nɨɨe monado daa come afe retáidoga ráifide raa baite. Bailla mei, abɨdo dáanomo áfena retáidote. Afe mei jofomo ióbicana jaillano nana íemo ite raa fécajide. Raa fécajano oga úcubedo afe retáidua énɨe ɨ́bajide.
23685	MAT 14:19	Afe mei nana comɨ́nɨna daɨde: “Ráitɨaɨ emódomo ana omoɨ ráɨi,” daɨde. Afe llezica Jesús cinco dɨga páanɨaɨ mena chamu dɨga llɨ́ɨnota, monamo érocaillano Juzíñamuina “Fɨgora” daɨde. Daɨí daɨna méifodo Jesús afe pan dɨtada ie llófuegamacɨmo ite, afémacɨ nana comɨ́nɨmo fecállena.
23741	MAT 15:39	Afe mei Jesús afe gaɨride comɨnɨ raɨnode. Ráɨnua mei ana nocaemo jaillano oni Magdala énɨemo jaide.
23787	MAT 17:18	Atɨa mei, Jesús afémɨemo ite fɨénide jóriaɨ izire rairuide. Rairuíllano jino orede. Afe daɨí daɨna llezica, afe jitócome jíllobicaide.
23830	MAT 18:34	Afe jira afe ocuídɨmɨe ɨere rɨ́icaide. Rɨ́icaillano ie nabaimo dúecaiñedɨmɨena rɨire duere fɨnótate, nana ie ɨbárega ɨ́bañelle dɨno.
23948	MAT 22:7	Jira afe illaɨma ɨere rɨ́icaide. Rɨ́icaillano ie úiñote fuiríraɨnɨ orede, ie orécano fatɨno tɨtállena; afe llezica afémacɨ jofue jobáillena.
23958	MAT 22:17	Ie jira o comecɨ daɨnafue jino caɨmo lloiri: ¿Romano jamánomoidɨllaɨma ɨbátaga úcube ɨbádɨcaɨnia ñuera? ¿Nɨbaɨ fɨénide? —daɨdíaɨoɨ.
23962	MAT 22:21	Ie uai otíaɨoɨ: —Romano jamánomoidɨllaɨma mámecɨ illa, —daɨdíaɨoɨ. Jira Jesús íaɨoɨna daɨde: —Jamánomoidɨllaɨmamo dúide dɨga mai íemo fecari. Daje izói Juzíñamuimo dúide dɨga Juzíñamuimo fecari, —daɨde.
24011	MAT 23:24	Táɨno omoɨ llúamona uina cɨ́oiñedɨno io ɨfódɨno izóidɨomoɨ. Ráañede uáillaɨmo ɨere izire nɨ́cɨdofɨredɨomoɨ, mei íadɨ jamánomoide ñuera uaimo náfueñedɨomoɨ.
24078	MAT 25:1	Jesús nane jɨáɨfue llote: —Monamo ite Juzíñamui illáɨmana illɨrui diez dɨ́gade jitaɨngo izoide. Aféngotɨaɨ ɨníreille ráfuemo jáidiaɨoɨ. Jailla llezica íaɨoɨ mechéraɨaɨ uitíaɨoɨ. Rɨngo otɨ́mɨe íaɨoɨ uáidollena afénomo jáidiaɨoɨ.
24083	MAT 25:6	Afe mei dáaferui llezica rɨire uáidua uai cácacaide: “Rɨngo otɨ́mɨe ja bíteza. Raɨre afémɨe omoɨ uáiduairi,” daɨde.
24190	MAT 26:67	Afe mei ie uiécona tuádiaɨoɨ. Rázɨdo íena fatíaɨoɨ. Jɨáɨmacɨ ie uiéco púcoɨdiaɨoɨ.
24195	MAT 26:72	Afengo daɨí daɨna llezica, Pedro nane íena jáanote. Rɨírede uaido daɨde: —Afe ɨímana jaca onóñedɨcue, —daɨde.
24258	MAT 27:60	Juníllano dama ie comue raɨafomo jóonete. Afe raɨafo nofɨ́cɨmo fɨnoca. Raɨa mei áillue nofɨ́cɨna naze ɨbáillano jaide.
24275	MAT 28:11	Rɨngónɨaɨ jailla llezica, raɨafo jóonete fuiríraɨnɨmona dáarie jófuemo jáidiaɨoɨ. Afénomo dúcɨillano lletáriraɨnɨ illáɨnɨmo nana íaɨoɨ cɨónana llotíaɨoɨ.
24302	MRK 1:18	Raɨre íemona íaillɨnoɨ llóiji fɨ́ianona, afémɨedo jáidiaillɨnoɨ.
24348	MRK 2:19	Jesús uai uano ráfuemo mámiano íaɨoɨ llófuete, afémɨedo jáidɨno fɨnócana jɨáɨmacɨ féinino onótallena. Daɨde: —Aɨrenafuemo uáidogamacɨ rɨngo otɨ́mɨe íaɨoɨmo illa llezica ¿meita fɨ́mairirediaɨoɨ? ¿Nɨbaɨ fɨ́mairinidiaɨoɨ? Rɨngo otɨ́mɨe íaɨoɨmo illa llezica jaca fɨ́mainidiaɨoɨ.
24395	MRK 4:3	—Bíemo cácarei: Ríjiraɨma ríjizaide.
24396	MRK 4:4	Ricana jailla llezica dáarie rillájɨaɨ iodo cocɨde. Iemo ófocuizaɨ áfena güizáɨbitiaɨoɨ.
24419	MRK 4:27	Rillano afémɨe abɨna ɨ́nɨaide. Ie mei cazide. Naɨo mona dɨga jaide. Afe llezica rigájɨaɨ zocade; zócano ñue zairide, mei íadɨ nɨe izói comuídeza afémɨe onóñede.
24499	MRK 6:23	Rɨírede uaido nana afengo jɨcalle raa ie fecállena íaɨoɨ uiécomo llote: “Nana cuemo jaɨnaide énɨemona júbene o jitailla dɨeze omo llóitɨcue,” daɨde.
24501	MRK 6:25	Afe rɨngoza jarire illaɨma illánomo jofo jaide; íena daɨde: —Raɨre plato eromo Juan Bautista ɨfocɨ jóoneta cuemo ine, —daɨde.
24521	MRK 6:45	Raɨre méifodo Jesús ie llófuegamacɨ nocaedo jorai ruícafenemo orede. Afe llezica íaɨoɨna ie uícomo Betsáidamo orede. Dɨnomo íaɨoɨ jailla. Daɨí ñeta llezica mei Jesús nana comɨnɨ dɨga raɨnode.
24579	MRK 8:10	Ráɨnua mei afémɨe raɨre ie llófuegamacɨ dɨga nocaemo jofo jaide. Iemo Dalmanuta énɨemo jaide.
24646	MRK 9:39	Mei Jesús daɨde: —Rairuíñeno iri. Mei daɨí cue mámecɨdo cɨóraɨnina raa fɨnódɨmɨe ñúemɨe. Daɨí fɨnódɨmɨe afe fɨ́nua méifomo raɨre cuedo fɨeni úrinide.
24671	MRK 10:14	Jesús áfena cɨóillano rɨ́icaide; jira íaɨoɨna daɨde: —Rairuíñeno iri. Fáɨnocai úruiaɨ cuemo bílleza. Iaɨoɨna llótaidoñeno iri. Juzíñamuimo jaɨnáidɨno ua afe bie úruiaɨ izói itíaɨoɨza.
24758	MRK 12:16	Afétuni atɨ́diaɨoɨ. Afe eróillano Jesús íaɨoɨmo jɨcánote: —Bie uiéco jana, ¿bu ie? Benomo cuega mámecɨ ¿bu ie? —daɨde. Afémacɨ faɨríotiaɨoɨ: —Rɨíredɨllaɨma ie, —daɨdíaɨoɨ.
24759	MRK 12:17	Iemo Jesús íaɨoɨna daɨde: —Rɨ́illaɨma ie raa íemo abɨdo ine. Daje izói Juzíñamui ie raa íemo abɨdo ine, —daɨde. Afémacɨna ie dáɨnari ɨere comecɨ jɨáɨfoficaidiaɨoɨ.
24797	MRK 13:11	Rɨ́iredɨllaɨnɨmo omoɨ oreille llezica, omoɨ úrillɨfuemo raɨre uícomo comécɨdo facáñeno omoɨ iri. Daje izói omoɨ comécɨillɨfuemo raɨre uícomo uibíñoñeno iri. Aféruimo Juzíñamui omoɨ ɨfomo úrilla izói, mai omoɨ daɨíri, mei danɨ omoɨ úriñeitɨomoɨ; omoɨ comécɨmona Juzíñamui ie Ñuera Joreño úrite.
24916	MRK 15:21	Jesuna coráɨaidiaɨoɨmo Cirene ímɨe Simón jinona jófuemo bite. Afémɨe Alejandro Rufo íaillɨnoɨ moo. Bítemo Jesús coráɨllɨbɨcɨna rocátatiaɨoɨ.
25014	LUK 1:52	Rɨ́illaɨnɨna jamáimacɨna Juzíñamui fɨnode. Mei jɨáɨfodo comécɨna mánaɨdɨno illáɨnɨna orede.
25095	LUK 3:1	Romano jamánomoidɨllaɨma Tiberio illáɨmana illa llezica, Poncio Pilato Judea énɨe illaɨma. Iemo Herodes Galilea énɨe illaɨma. Iemo ie ama Felipe mena énɨe illáɨmana ite. Be nɨɨe: Iturea, íemo Traconite. Afe llezica Lisánias Abilinia énɨe illaɨma.
25121	LUK 3:27	Iemo afe Judá Joanán jitó. Iemo afe Joanán Resa jitó. Iemo afe Resa Zorobabel jitó. Iemo afe Zorobabel Salatiel jitó. Iemo afe Salatiel Neri jitó.
25129	LUK 3:35	Iemo afe Nacor Serug jitó. Iemo afe Serug Ragau jitó. Iemo afe Ragau Peleg jitó. Iemo afe Peleg Heber jitó. Iemo afe Heber Sala jitó.
25164	LUK 4:32	Rɨire ocuilla uaido ie íaɨoɨ llófuiari caɨmare fáɨgacaidiaɨoɨ.
25211	LUK 5:35	Mei íadɨ rɨngo otɨ́mɨe íaɨoɨmona báɨruaɨbillɨruimo dúcɨite. Aféruido comecɨ zúurenari güíñeitiaɨoɨ. Rɨngo otɨ́mɨe izói birui cuedo jáicaidɨno cɨ́gɨri itɨ́cueza.
25319	LUK 8:5	—Ríjifɨredɨmɨe ie rillɨjɨ rizájide. Rizájilla llezica, ie rigájɨaɨmona dáarie iomo baɨide. Afe iomo baɨídɨjɨaɨ zaizɨ́bide; jɨáɨjɨaɨ ófocuizaɨ güiga.
25325	LUK 8:11	Ríjifɨredɨmɨedo lloga rafue bie izói daɨíacade: Afe rigájɨaɨ daɨna Juzíñamui lloga ñuera uai.
25337	LUK 8:23	Ruica íaɨoɨ jáitaja llezica, Jesús ɨnɨde. Afe llezica rɨírede jairifo jóraimo ónonino raɨre bite. Rɨire jáiñuamona afe nocáe buíacade. Afécaena jacɨre anábaitaacade.
25555	LUK 12:27	Rarocɨ záfia zeríllamo omoɨ comécɨiri. Afémacɨ táɨjɨñediaɨoɨ; daje izói raana niñédiaɨoɨ. Mei íadɨ jɨáɨfodo ómoɨna dáɨitɨcue, jaiai illaɨma Salomón ñue cɨ́oide raana jamánomo ráarede íadɨ, bie záfia ebírena izói, ebíredɨroina jɨtáñede.
25565	LUK 12:37	Afe izoide ocuífɨregano jaca ɨnɨ́ñeno íaɨoɨ naama bíllemo ñue ocuíridiaɨoɨ. Daɨí íaɨoɨ illa afémɨe cɨ́oizaɨbilla llezica, afémacɨ ja ñue íaɨoɨ fɨnóbillari ióbicaidiaɨoɨ. Uáfuena ómoɨna dáɨitɨcue: Afe íaɨoɨ naama afémacɨna güiránomo ráɨnaite. Raɨna mei dama afémɨe íaɨoɨ güíllena baɨ ráɨzɨite.
25599	LUK 13:12	Jesús aféngona cɨ́oillano ie jɨ́ɨrite. Daɨde: —Rɨngo, o ɨrárenamona ja jílloitɨo, —daɨde.
25685	LUK 15:28	Mei áfena fɨdɨ́illano ie ama nánoramɨe ɨere rɨ́icaide. Rɨ́icaillano jofo afénomo jáiacañede. Afe jira ie moo afémɨe dɨné lluájide. Jofo bíllena caɨmare íena bífuiaide.
25709	LUK 16:20	Daje llezica afénomo dúeredɨmɨe Lázarona mámecɨredɨmɨe ite. Afémɨe abɨ mallízaɨna oruide. Ráaredɨmɨe naze fuemo ráɨizaifɨrede.
25712	LUK 16:23	Ráaredɨmɨe comɨnɨ duere fɨnóllɨraimo duere zefuilla llezica, caifo érocaide. Erocaide íadɨ Lázaro Abraham dɨga ráɨinana jɨcana cɨode.
25764	LUK 18:7	¿Meita Juzíñamui ie nɨzécanona, afe ie mona naɨo dɨga íemo izire jɨcádɨnona rɨ́idoñeite? ¡Raɨre íaɨoɨna rɨ́idoiteza! ¿Meita “Fui ómoɨmo llóitɨcue” íaɨoɨna dáɨite? Dáɨiñeite.
25870	LUK 20:22	Caɨmo llone: ¿Romano jamánomoidɨllaɨma ɨbátaga úcube ɨbádɨcaɨnia ñuera? ¿Nɨbaɨ fɨénide? —daɨdíaɨoɨ.
25872	LUK 20:24	Daa úcubetuni cuemo ácataɨbi. Afétunimo ite uiéco jana ¿bu ie? Iemo afétunimo ¿nɨe come mámecɨ cúeina? —daɨde. Jira ie uai otíaɨoɨ: —Romano jamánomoidɨllaɨma uiéco illa, naa ie mámecɨ dɨga, —daɨdíaɨoɨ.
26006	LUK 23:2	Afénomo dɨga fɨénidɨfuiaɨ íemo jóonetiaɨoɨ. Daɨdíaɨoɨ: —Bímɨe caɨ comɨ́nɨmo icɨ́rafue comuítajana cɨódɨcaɨ. Iemona comɨnɨ áferi faɨllíñaicaidiaɨoɨ. Afémɨe “Romano jamánomoidɨllaɨma ɨbátaga úcube ɨbánidɨcaɨ,” daɨde. Afe llezica afémɨe “Illaɨma Crístodɨcue” daɨífɨrede, —daɨdíaɨoɨ.
26051	LUK 23:47	Romano illaɨma afe íficaidɨfue cɨóillanona Juzíñamuimo caɨmátaide. Daɨde: —Uáfueza. Bímɨe jaca nɨ́ɨfuenidɨmɨe, —daɨde.
26173	JHN 2:9	Iemo afe rafue naama jaɨnoi facádemo, jáɨnoiñede. Jae vino. Rafue naama onóñedemo ɨcɨ́ruaɨ jáɨnoina oruízɨte. Danɨ atɨ́dɨno áfena onona. Afe vino nimánuanona, rafue naama rɨngo óiacadɨmɨe uáidote.
26242	JHN 4:17	Rɨngo uai ote: —Ɨnínidɨcue, —daɨde. Ie jira Jesús aféngona daɨde: —Uáfuena daɨdɨo. Ɨnínidɨo.
26246	JHN 4:21	Jesús uai ote: —Rɨngo, cuena ɨɨno. Jɨáɨruimo ja dúcɨizaide. Aféruimo bídumo biñeno, Juzíñamuina ióbitaitɨomoɨ. Daje izói Jerusalemo jáiñeno, Juzíñamuina ióbitaitɨomoɨ.
26262	JHN 4:37	Omoɨ jaiai daɨna uáfuena llote: “Ríjiraɨmɨe dáamɨe íadɨ otɨ́mɨe jɨáɨmɨe.”
26434	JHN 7:37	Rafue íiraɨruimo jamánomoidɨrui. Aféruido Jesús naidáillanona como aillo uaido úrite: —Nana jiróacadɨmɨe cuemo bi; jíruaɨbi.
26457	JHN 8:7	Mei íadɨ dɨga icaiño jɨcánotiaɨoɨmo Jesús meine jaɨ́cɨna raɨnade. Ráɨnaillanona daɨde: —Omoɨmona dáamɨe fɨénidɨfuena iñédɨmɨe, mai nanoide nofɨcɨ aféngomo nitari, —daɨde.
26460	JHN 8:10	Iemo Jesús jaɨ́cɨna meine raɨnade. Afe rɨngo baɨmo buna cɨóñenano aféngona daɨde: —Rɨngo, ¿nɨnomo omo fɨénidɨfue jɨtádɨno ite? ¿Buna omo nofɨ́cɨna nitáñena? —daɨde.
26630	JHN 11:38	Jesús comecɨ meine ɨere docaide. Raɨáfomo áɨnozide. Raɨafo idu ana ifo. Ie jofo jáirano daa nofɨ́cɨna ɨbaica.
26631	JHN 11:39	Jira Jesús daɨde: —Nofɨcɨ oni ono, —daɨde. Tɨ́idɨmɨe mirɨngo, Marta daɨde: —Ocuíraɨma, jae ɨáɨre jallede. Ráɨamona cuatro dɨ́garui íteza, —daɨde.
26656	JHN 12:7	Ie jira Jesús íena daɨde: —Aféngona fáɨcanocai. Raɨáfomo cue raɨllɨ́ruimo aféjina afengo éenote.
26669	JHN 12:20	Rafue illa dɨno acádoillena Jerusalemo bitɨ́macɨ cɨ́gɨmo dáarie griego ímɨiaɨ ite.
26816	JHN 16:21	Rɨngo úrue jocóacania izínaillari zúucaite, afengo izínaillaruimo dúcɨdeza. Mei íadɨ úrue jócua méifodo afe izírenamo uíbicaiñede, úrue énɨemo jocóinari ie ióbilla jira.
26899	JHN 19:5	Jesús eegɨ icuifoɨ ɨfomo jɨ́inari jino bite. Ráifide illaɨma ɨníroina jɨtaca naari jino bite. Jira Pilato daɨde: —¡Benó afe ɨima ite! —daɨde.
26949	JHN 20:13	Iemo Juzíñamui abɨ ímɨe íaillɨnoɨ jɨcánote: —Rɨngo, ¿nɨbái éedɨo? —daɨde. Jira afengo daɨde: —Cue Ocuíraɨma oni nɨnomo íaɨoɨ uilla jira. Iaɨoɨ jóonianona onóñedɨcueza, —daɨde.
26951	JHN 20:15	Jira Jesús jɨcánote: —Rɨngo, ¿nɨbái éacadɨo? ¿Bu jenódɨo? —daɨde. Afengo comecɨ facade, afémɨe afébɨrɨ úiñoraɨma; jira íena daɨde: —Ɨima, afémɨe oni jɨáɨnomo jae o úiadɨ cuemo llone, meine cue uájilleza, —daɨde.
26952	JHN 20:16	Jira Jesús aféngona daɨde: —¡María! —daɨde. Afengo ñue gɨ́recaillano hebreo uaido daɨde: —¡Raboni! —daɨde. Afe uai dobáicana daɨde, Llófueraɨma.
27179	ACT 6:9	Ie jira Rairuíñegamacɨ llófueriraco ímɨiaɨmona dáarie Estébamo como fueñe ie fɨnócafue júfiduaidiaɨoɨ. Afe llezica Cirénemona dáamɨerie, daje izói Alejandríamona, daje izói Asia énɨemo ite Cilíciamona: nana afémacɨ Estébamo afefue júfiduaidiaɨoɨ.
27228	ACT 7:43	Ieñede. Jɨáɨfodo fɨnódɨomoɨ. Taɨno juzíñamui Moloc ráɨicaillacojɨ abɨmo máiñuano úioicaidɨomoɨ. Afe llezica jɨáɨe taɨno juzíñamui Renfán ucúduna eroide jánaraɨmo jeire otɨ́omoɨ. Afe jánaraɨ danɨ omoɨ fɨnoca ióbitalle jánaraɨ. Ie jira omoɨ énɨemona omoɨ otá Babilonia batɨ́fenemo ómoɨna óreitɨcue, daɨde.
27242	ACT 7:57	Mei íadɨ afémacɨ jefo ɨbáidiaɨoɨ. Rɨ́irerie caillɨ́oicana illíñana íemo caízaidiaɨoɨ.
27419	ACT 12:13	Pedro afeco abɨ ibɨrɨ llaveca nazemo náidazaide. Náidaillano jofo ero imacɨ jɨ́ɨrite. Iemona Ródena mámecɨrede rɨngoza bu billa daɨíllena eróizaide.
27527	ACT 15:16	Bifue mei, meine bíitɨcue. Ua David jaiai naɨraɨ, júdaɨzitaga íadɨ, meine dáaziena jofo gaɨrítaitɨcue. Aféziemona due fɨébidɨno jaiai íaɨoɨ ízaɨna izói meine jebuítaitɨcue. Rɨínidɨmacɨ jofo dáanomo otátaitɨcue, ñue rɨíredɨziena íaɨoɨ íllena.
27564	ACT 16:12	Dɨnómona Filipos jófuemo jáidɨcaɨ. Afe Macedonia fueda Filipos jamánomo jalléidɨgobe. Romano comɨnɨ afe jofue naui nitátatɨno. Dɨnomo nano nɨ́garui itɨcaɨ.
27572	ACT 16:20	Rɨire jɨcánoraɨnɨmo íaillɨnoɨna izájidiaɨoɨ. Daɨdíaɨoɨ: —Bíaillɨnoɨ, judío ímɨiaɨ caɨ jófuemo comɨ́nɨna rɨ́icaitaɨbite.
27574	ACT 16:22	Iemona afeno comɨnɨ íaillɨnoɨmo rɨ́icaidiaɨoɨ. Rɨire jɨcánoraɨnɨ íaillɨnoɨ ɨnícuirona duiñoda rázɨdo íaillɨnoɨna fatátate.
27588	ACT 16:36	Iemona llavéraco úiñoraɨma Páblona daɨde: —Rɨire jɨcánoraɨnɨ ómɨcoɨna cuena zuitátate. Mei ja birui ómɨcoɨ nɨ́fuenino uái íllena jino jáiredɨomɨcoɨ, —daɨde.
27589	ACT 16:37	Mei íadɨ Pablo llavériraɨnɨna daɨde: —Romano ímɨedɨcoco, mei íadɨ cócomo jɨcánoñeno razɨdo cócona fatɨ́omoɨ. Faano cócona llavétatɨomoɨ. ¿Mei íadɨ ja birui báinino cócona zuitátatɨomoɨ? Mei íeñedeza. Coco llavétatɨno mai coco zúitaɨbiri, —daɨdíaillɨnoɨ.
27628	ACT 18:2	Dɨnomo dúcɨa meífomo Aquila mámecɨrede judío ímɨe baizájide. Afémɨe Ponto énɨe ímɨe. Afe Aquila aɨ Priscila. Afe íaillɨnoɨ cómoicana Itáliamona botádiaillɨnoɨ; romano caifóidɨllaɨma Claudio nana judíuaɨ Roma jófuemona oni íaɨoɨ oréina jira. Dɨnomo Pablo Aquila uáiduaide.
27645	ACT 18:19	Ruica jáillano jae Efeso jófuemo dúcɨdiaɨoɨ. Dɨnomo Pablo, Aquila Priscila dɨga fɨénocaillano, llófueriracomo jaide. Afénomo gaɨride judíuaɨmo Pablo úrizaide.
27675	ACT 19:21	Afe meífodo Macedonia énɨemo Acaya énɨe dɨga dɨno comɨnɨ uáiduaillena Pablo mamérite. Afeno comɨnɨ uáidua meífomo, abɨdo Jerusalemo jáizaillena Pablo comécɨdo daɨde. Afe emódomo daɨde: —Jerusalemo cue jaille mei, dɨnómona Rómamo jáiacadɨcue, —daɨde.
27733	ACT 21:1	Amatɨaɨ fuénocaillano, Cos jófuemo nocaedo jaɨ́cɨna jáidɨcaɨ. Afe jítɨramo Rodas jófuemo jáidɨcaɨ. Dɨnómona Pátara jófuemo jáidɨcaɨ.
27803	ACT 23:1	Dɨnomo Pablo Nahí Rɨ́illaɨnɨmo éroicaillano daɨde: —Cue ámatɨaɨ, cácarei. Jaca birui comecɨ mánaɨnafuedo Juzíñamui uícori caɨmare itɨcue, —daɨde.
27808	ACT 23:6	Iemona Pablo Nahí Rɨ́illaɨnɨ cɨ́gɨmo itɨ́nona fɨdɨde. Afémacɨmona dárie fariséuaɨmo jaɨnáidiaɨoɨ. Jɨáɨmacɨ saducéuaɨmo jaɨnáidiaɨoɨ. Ie jira íaɨoɨna rɨire daɨde: —Amatɨaɨ, cue fariséodɨcue. Afe emódomo fariseo ímɨe jitódɨcue. Ja birui cuemo jɨcánotiaɨoɨ, mei tɨ́idɨmacɨ meine abɨdo cáaillɨruimo cue úiñua jira, —daɨde.
27813	ACT 23:11	Afe jɨáɨe naɨo Ocuíraɨma Jesús Páblomo cɨ́ocaillano daɨde: —Pablo, jacɨ́ruiñeno, abɨ mame. Benó Jerusalemo cuedo o úrilla izói, daje izói Rómamo úrizaitɨo, —daɨde.