210	GEN 9:4	Mbiraore hangu nanolene ngago ogo. Nogo egaru bowa darama bedaore nanalimu. Darama ogonime dére holene ngiaga tene nga.
221	GEN 9:15	Ani íbu kago hondowa i̱na wali agalibi dére ale ema bialu piagarubi iba lime halu mende nai nahelole lalu habo nalolene bi hongohe lo wirugo lone mitangi bu dai bulebero.
1987	EXO 17:3	Mosesehanda ani layago lelowa dege wali agali biaru ti iba noa howa hége lebola hayagola Mosesehondo keba howa gomogomo dege lalu hene. Tigua Mosesehondo lalu, Í̠na ina Iyibi dindi hemaria haru tagira ibirigoni irane aginaga haru tagira ibiribe. Inanebi ina waneiginirubi inanaga nogorubi iba noa ha dege bialu tongolo muluma̱yanaga hawa haru tagira ibiru nalarego, lene.
3165	LEV 14:53	Ani bialu ega mende ba nabi dére minu yu hayago ibu tano yu wahalu amura ibuni biraga dangi te ngagoha yagalalu pelo yupe holebira. Ogonidagua biyagome anda ko hayadago domo wahalu i̱naga deni bayale helonaga bulene mana ogoni.
3212	LEV 16:10	Nogo meme wangabe mende Asasalenaga lowa dabene biago dére kaore Anduane Homogo kagoria haru ibulene nga. Ani buwa ogoni haru halu pialu dindi ko wali agali nahaga mbira ngagohayagi puwa wara pelolene nga. Ani biragola wali agalinaga ko biyaru nogo meme wangabe biagome mo yalu puabo helo ani bulene nga.
3222	LEV 16:20	Aronohanda Anduane Homogonaga Hobane Loma Bia Heneore biagonagabi Balai Anda biagonagabi lomabu delaga dabunagabi ko domai helonaga mana wiyadagua biai howa ibugua nogo meme mbira dére Asaselenaga dabo helayago Anduane Homogo deni haru ibulene nga.
3223	LEV 16:21	Ani buwa Arono ibugua meme dére biagonaga haguaneni ibunaga gi kirabali wialu Isaraele wali agalime mana ko biyarubi bi mana mo wahayarubi lapani halu uruni bibahende meme biagonaga haguaneni lo ngelai helo. Ani buwa ibugua meme biago dindi ko wali agali nahaga ngagoha agali biabe ogoni bule dabo helenedagome haru halu puwa wara pelolene nga.
4225	NUM 16:30	Anigo Anduane Homogohanda nahendene ale mbira bialu dindi mo gai buki halu ha edene bilowa gundu uli timbuni ngagoha agali uruni tinibi tinaga mbirale ngarubi bibahende uli ogoniha haealape halu tini homa nabi dére kaore homenerunaga dindiha pu helayagua nde agali uruni tigua Anduane Homogo erembira mialu hayadalo manda buleberami, lene.
4228	NUM 16:33	Anidagua bialu ti bibahende homa nabi dére heaore tinaga mbirale wiaru heba homene dindiha piai hene. Peagola dindi ala wiyadagua lone wia karulalu wali agali biarunibi mogobu dambi hai hene. Anidagua biyagola wali agali maru hearume tinaga dengui lone nahondoleore wahene.
4243	NUM 17:13	Ani bu delayagola warago koore timbuni bayago ba nabi ereba hai hene. Ani biyagola Arono ibugua wali agali homo tongolo mini wiarubi dére hene hearubi dombeni hengene wiagoria howa inisenesi lomabu delene.
4441	NUM 23:24	Isaraele wali agali gabua laiono ale hongo gibihe ka. Laiono ibu abale ha̱lo nabiraga ka. Ibugua dére ale mbira balu lerelabaga buwa bayagonaga mbirini darama heba nai haluore ha̱lo biraga ka, lalu Balamahanda mbiwia hene.
7248	1SA 2:6	Anduane Homogohanda mbira bo homelowa mo dére hodai biaga ka. Ibugua wali agali homene karu dindi humbirini andaga pelowa ibuni lone haru dai biaga ka.
7898	1SA 25:34	Í̠hondobi nde i̱na mo ko naholiya Anduane Homogohanda mo waharagoni. Anigo Anduane Homogo haluhe kagonaga minini howa i̱na heneneore bidolego laro. Í̠na i̱ ibalu hewaria abaleore ibiridago naibinidale egerebagi Nabala ibunaga biabe biahaga agali biaruni aria mbiraore hangubi dére mbira kane nahendedamile, lene.
13198	JOB 14:13	Wali agali homayaruni lone dére holene henge nawi bada. Anigo ai Ngode Datagaliwabe-o mani kebaho keruni embeda helonaga áyu í̠ wali agali abale homenerunaga dindiha mo do howa horo mbiru nde i̱ mitangi bulene horo mo ngelabe. I̱na dindi ogoni holiya henge ngiridago piai helo hondo holebero.
13893	JOB 40:25	Anduane Homogohanda Yobohondo laabo howa lalu, Ai Yobo-o í̠na wena baga hugime Lebiadana minabehebe be ogoninaga hége minu palu dariba habehebe.
14081	PSA 12:4	Anduane Homogo-o wali agali bi ladebodebo biaga karunaga ne harigabi mine haga karunaga hégebi bibahende bo ndibu lai habe.
14082	PSA 12:5	Wali agali ko biaga uruni tigua lalu, Inanaga hégeme wayali holeberama. Inanaga ne hambu anduane aibe. Ina handayaho haruago aibe, laga biaga ka.
14228	PSA 22:8	I̱ handaya haga biraru bibahendeme i̱ mege bialu tinaga ngui yogo bialu i̱hondo hége doma bigi biaga ka.
14236	PSA 22:16	I̱naga kembobe yobi abalu ale halu i̱naga hégene dugu tagi halu ne hambuni dugu bandalape ka. Anduane-o ani bidago i̱ durumbu o ngagoha homo tongolo muliya ngeledegoni.
14306	PSA 27:4	I̱ Anduane Homogohondo bi lalu mbirale mbira hangu bulene hamelo ko lalu lamiru. Ogonigo i̱ dére emabu kongi Anduane Homogo ibu andagani haabo holene hame ledo lalu lamiru. Ani lowa Anduane Homogonaga biamogo bulenebi baya turubini bulenebi mana bayale uruni alego bayuwaore handa tiga bialu i̱ hama polenego ogodagua hama pobe lalu bi langigi bilo hame laru.
14501	PSA 37:30	Mbirali mini tigabiwi kagonaga ne harigaha howa bi latagi hararu mini gigabiwi howa bi laga. Ibunaga hégeme mana tigabi bulene dege bi latagi haga.
14582	PSA 42:2	Nogo meme ale mini dia gabuame iba noa howa hége lebola ho yalu iba libule porago hendehende gerai piaganedagua Ngode Datagaliwabe-o i̱ í̠ kegoria haparaho hole ibulene hameore lo ko.
14626	PSA 45:2	Bi bayale maru i̱naga miniha yu ko. I̱na iba gana ogoni podo yuwa kini kagohondo mulene manda bido. Beba bayale gili biaganaga peni ale howa i̱naga hégeme bi bayale lalu ko.
14689	PSA 49:10	Ibu homa nabi dére haaboore holego lalu Ngode Datagaliwabe munime yolo nabibeheore holebira.
14748	PSA 52:4	Í̠na horo bibahendengi mendeali kago mo ko holene hangu manda bialu haga kegoni. Í̠naga hége leda ne gadele ale howa wali agali mende kago podaga kegoni ndobe. Ke̱ howa lolene hangu wai hanalu haabo harili.
14814	PSA 57:5	Laiono gabuame wali agali bo nole nendebu hagadagua i̱ koria waitigirume ho mabu bu kagoni. Tinaga ne timu yandareru ale taraore ho ka. Tinaga hége wai biaga ayu tibu ne gadele ale ho ka.
14889	PSA 63:2	Ngode Datagaliwabe-o í̠ i̱naga Ngode Datagaliwabe kegoni. I̱na í̠ handa walia hole lowa miniha hongo howaore hai bialu kogoni. I̱naga minimebi tinginimebi í̠ hebaore hole hame timbuniore lo kogoni. Wali agalime dindi koore yobi iba nabereni howa iba noa timbuni halu hége lebolaho hagadagua i̱ni í̠ hebaore hoa howa hame timbuniore lo kogoni.
14903	PSA 64:4	Tinaga hége ayu tibu ne gadelehe ale howa tigua bi ko lararume i̱ timume bogole edaho hagadagua kagoni.
15649	PSA 104:11	Ani biledegoria nogo gabua tara tara karume iba uruni naga naga bialu kagoni. Nogo dongi gabua karumebi iba noa howa hége lebolaho henedagobi karulapeore nalu kagoni.
15771	PSA 107:5	Pu taluaho howa hina gari gibiore bialu iba noa howa hége lebolaho daga hayagola ai tongoore lole ogonida lo manda bini.
15775	PSA 107:9	Wali agali iba noa howa hége yobu karu iba nelo ibugua miragola ti iba karulapeore nowa dungulo helo miaga ka. Wali agali tomo noaho karu nelo tomo dewaore miragola ti haruore nowa tombe to̱lo haga kagoni.
15916	PSA 115:18	Ai ina wali agali dindini dére emabu kamaru iname Anduane Homogonaga mini mo yaraga halu ibuhondo ka̱i̱ lami̱ya. Áyu kamangibi manibi ka̱i̱ laaboore hami̱ya. Anduane Homogonaga mini mo yaragaore haabo holene nga.
15918	PSA 116:2	I̱na ibu olarongi ta nabi haleore halu biaga ka. Ibu ani biagagodago i̱ dére emabu kongi ibu olaho wiaabo holebero.
15925	PSA 116:9	Ibugua ani binigome ai áyu i̱ Anduane Homogonaga deni howa wali agali maru dére karu kadagua mandagi kamagoni.
15954	PSA 118:17	I̱ ala awane nahomolebero. Nahome howa dére emabu kongi Anduane Homogohanda bigi biyaru ogodagua biya lalu te laga bulebero.
16335	PSA 140:4	Tinaga hége ne gadele puyanaga ne ale howa tigua bi lararume nogombi ko tomia pale ngagonaga tomia ale tinaga ne hambuni ngagoni.
16757	PRO 10:31	Wali agali mini tigabiwi karume bi larago mini bayale gigabi holenenaga laga ka. Anigo wali agalinaga hégeme bi ko laga kago ogoninaga ne hambu ndibulo waholebira.
17196	PRO 25:13	Mbirali bi yalu pu lenegome bi lamibe lenedaguaore tigatiga lamiyagua ogoni gaeangi biabe bialu howa hége lebolaho keria iba libule naragola tingini dungu lagadagua bi tigatigaore lamiyiyagua miniha dungulo holebira.
17208	PRO 25:25	Mbirali ibu iba noa howa hége lebola haragola iba libule turu howa nagadagua dindi kaundia mbirahayagi howa bi bayale maru yalu ibiragola hale hayagua ogoni turu taraore holene nga.
17549	ECC 9:4	Wali agali dindini kangi tigua mini dunubia holene henge nga. Biango dére kagome laiono homene ngago bolanguahe kagoni. Ogonidagua dege wali agali karume homayaru bolanguahe ka.
17822	ISA 5:13	Anidagua bialu kamigonaga Anduane Homogohanda ogodagua leda. Heneneore i̱naga wali agali kamirume i̱ni manda bua nahe kamigoni. Ani bialu kamigonaga dindi tarali tínaga waitigi karume ibuwa tí bo garabayabu yalu polebira. Agali haguane kamiru tomo noa halu homoleberemi. Wali agali bibahendebi tí iba nolene nawidagola hége lebola halu iba noa halu tongololebira.
18839	ISA 57:4	Wali agali mine haga aria kamiru tígua ke̱ halubi mege bialubi bi laramigo aihondo laramibe. Tígua mo guya howa yo handalu hambu gembo lalu hége domia bialu haramigo aihondo birimibe.
20597	EZK 3:26	Ani bedegola wali agali i̱naga bi mana mo wahaga karuhondo bi mana nalamibelonaga i̱na í̠naga hége ema nabibehelo helolebero.
20598	EZK 3:27	Anigo ai horo marungi wali agaliruhondo i̱naga bi mana lamibelo hamelo kongi bi baya hangu lamibelonaga i̱na í̠naga hége mo bayale halu bi lelolebero. Bi lalu howa bi ogoni Anduane Homogo Bibahende Haru Haame Ho Haga i̱ kogome laro lolebere. Í̠na ani laregola marume hale holebira. Marume í̠na bi larego hale howa donge halu erembira ngialu polebira. Ani bulebirago irane ti wali agali bi galone mo wahaga kagome ani bulebira, lalu lene.
21371	EZK 33:22	Ege pinigonaga horo mane layagola alendo Anduane Homogonaga hongo holene i̱ha karula hayuane handaru. Ani hondo hewaria horo mendengi egerebagiore agali ogoni i̱ hewaria anda ibiyagola Anduane Homogohanda i̱naga hége mo tiga biyagola bi bayale labehe haru.
21471	EZK 37:5	Anduane Homogo Bibahende Haru Haame Ho Haga kogo i̱na bi ogo larogoni. I̱nime tíha buhe̱ pulaanda harogola tí lone wali agali déreore holeberemi.
21472	EZK 37:6	Heneneore i̱na tínaga gungubunirubi tingininaga mbirinirubi helai howa dongoneme hadambi helolebero. Ani buwa tíha buhe̱ pulaanda halu tí dére ibagabu hai helolebero. Ani bidogola nde tígua i̱ Anduane Homogoore henedane manda buleberemi, lalu ani labe laya.
21475	EZK 37:9	Ani handalu hewaria Anduane Homogohanda i̱hondo ogodagua laya. Dindiali-o í̠na i̱ninaga bi ogo puyabuhondo ogodagua lamia. I̱ Anduane Homogo Bibahendenaga Haru Haame Haga kogo i̱nime lalu, Puyabu í̠na bibahendeha howa pulame halu ibuwa agali bo wahene o ngaru lone heyu helonaga buhe̱ pulaanda ha, labe. Ani biragola ti lone dére halu ibagabu helo, laya.
21476	EZK 37:10	Ani layagola i̱na Anduane Homogohanda bi labe layago latagi harugola puyabu bibahendeha howa agali biaruha buhe̱ pulaanda hayagome agali biaru mo dére halu heyuwa naina heyu hama piya. Ai uruni ti dewali mandagi howa wai biaga ami agali haradagua biane handarugoni.
21480	EZK 37:14	Ani bialu i̱naga Dinini tíha helarogola tínaga holene hadai bialu dére holeberemi. Ani kamigola i̱na tíninaga dindiha haru dai berogola bayaleore holeberemi. I̱na tí ani haru dai bu helarogola tígua i̱nime bulebero lalu lo wirugo heneneore biyada lalu manda buleberemi. I̱ Anduane Homogohanda bi ogonidagua larogoni, lene.
22561	AMO 8:11	Anduane Homogo Bibahende Haru Haabo Ho Haga kagome laabo halu lalu, Mani howa tí dalu ogoha hina gari timbuni pelolebero. Tígua gari timbuni lalu holebirago hinanaga ndo hége lebolaho holebirago iba noa howa ndobi bulebira. Gari timbuni ogoni iba hina henene ndo i̱naga bi manaore hale hoa howa garibi timbuni lo holebira. I̱ Anduane Homogo Bibahende Haru Haame Ho Haga kogo i̱nime bi o ledogoniore.
22678	MIC 3:1	Maigahanda lalu, Isaraele wali agali haru haga kamiru tí hale hadaba. Tígua mana tigabi ngago gubalini howa bulene wiago wahowa mana ko nabulene wiago gubalini howa bialu harimida. Tígua i̱naga wali agali dére helowa tingini minu laga lo miradagua bialu mbirini tinaga kunini hearu minu didu miradagua mirimida.
22889	ZEP 2:15	Ninibali tigua mitangi bialu ina mo ko holene nawi hongohe wayali kamagonida manda bialu turuho haga ka. Ani bialu dindi maruha tano ngaru bame dege lowa tinaga tano ogoni timbuni duniniore ngabe toba haga ka. Ani manda bu ha kagonigo ai mo ko holene tara tara Ninibaha anda ibulebira. Ani bialu dindi mo ko halu mo labu hene mbira ngagola mbirale ema bialu piaga damene dére biru karu ti hangu dindi dege ho wulebira. Ani ngagola dindi ogoniha bolangua halu pole maru porarume dindi ogoni hondowa tini mogo lalu duru timbuniore lolebira.
23079	ZEC 9:11	Anduane Homogohanda lalu, Yuda tí baba habo nalolene bi mbira i̱na lo wirugo tínaga mamalirume bulumagaru bo loma biyarunaga darama pugulalu piyarume habo nalolene bi ogoni lowirugo mo hongo haya. Ani biyagome i̱na tí dindi mendeha tagira pialu pobe nahe garabayaore kamiria gololebero. Gundu uliha biruwa tagira pobe naheore wiagoha iba noa halu hége lebola howa tongolalu kamiria golope haga bulebero.
23149	ZEC 14:12	Dindi bibahendeni hameigini tara tara karu Yarusaleme wali agali baba wai biaga bu karuha Anduane Homogohanda warago ko taraore ibilolebira. Warago ko ogonime ogodagua bulebira. Wali agali tini heyu kaore tinaga de hégeru tingini bibahende togo biai holebira.
23191	MAL 3:2	Ibu ibulebirago ibiragola horo ogoningi heyu haabo habehe ibu ai holebirabe. Ibu hapani haragola dére haabo habehe mbirali holebirabe. Ibiragola ibu dodo domaga sobo hongohe ale holebira. Ege to̱le̱ aeaneru hiru tiga biaga ira hongohe daganegobi holebira.
24565	MRK 7:33	Ani lamiyagola Yasu ibu wali agali bu hearu helalu agali biagola libu haru emene pu hangu howa ibunaga gi hondoneme agali biagonaga hale ela hene. Ani buwa ibugua hamiaga tolowa agali biagonaga hégeni ela halu
24567	MRK 7:35	Ani layagola agali biagonaga hale dugua halu ibunaga hége mo bayale hayagola bi bayale lene.
25681	LUK 15:24	I̱ igini ogoni homayago ai dére ho kagoni. Pu ereba hayago ai handa walia kogoni, lene. Ani layagola howa ti tomo biagoni dawalu hene.
25689	LUK 15:32	Anigo áyu nogo balu uru halu kamago nde í̠ hamene biago homayago dére halu pu ereba hayago handa walia halu birimagonaga beramagoni, lene, lalu Yasuhanda lamini.
25713	LUK 16:24	Ani bu bereago hondowa ola daga howa lalu, Aba Abarahama-o i̱hondo dara ha. Í̠na Lasarasi ibu gi hondoneni iba mbira wai ho yalu i̱naga hége dege mo gomba hole ibilo ibilabe. I̱ ira dedagoria howa tandaga timbuniore nalu kogoni, lene.
27704	ACT 20:10	Yamuwa homo tongolo miyada layago hale howa Polo ibu Yudigasa wiaria dalialu ibu tinginini palia dambi howa ibugua gime yania halu lalu, Ibu dére ngago gi nahadababe, lene.
28072	ROM 3:13	Tigua wali agali homelonaga bi lahondo hagabi tinaga hégeme ke̱ gibi hagabi homelo bolene bi puya tomia palego ale tinaga ne hambuha howa tagira ibagabi
28168	ROM 7:9	Mana lo wiagome bulene ogo nga nabulene ogo nga lalu nalo wiaha howa i̱ dére hagadagua haabo haru. Ai bulene ogo nga nabulene ogo nga lalu lowini wiago lo manda birugola ko buleneme i̱ha hongo halu heyaya.
30359	JAS 1:26	Mbiralime, I̱ Keriso hameigini ko, lowa ibunaga hége haru nahaga kayagua ibuni mo hondo hara. Mana yu kogo bamedago lowa ani laga ka.
30391	JAS 3:5	Hége emene koore howa bi biabe dege timbuniore biaga ka. Ira dene emeneme irabu timbuni ngago bo dai haga.
30392	JAS 3:6	Hége ira dene ale ka. Ko bulene dewa ngaru hége ibuha howa tagira ibaga. Hégeme tingini bibahende tomia biai haga ka. Hégenaga hungu biagane tene heli dindiha nga.
30394	JAS 3:8	hége mo dambola habe nahe ka. Hége koorene ko ka. Hégeme bibahende tomia biai haga.
30395	JAS 3:9	Inanaga hégeme Anduane Homogo ina Abahondo ka̱i̱ laramali. Ani buwa hége ogoni degeme agali Ngode Datagaliwabehanda ibuni ale helo wabini karubi ha haramali.
30490	1PE 2:24	Iname ko bulenehayagi homene ale howa mana tigabi bulenehayagi dére holoma̱yabi ogoninaga Keriso ibugua ira bangani iname ko birimaru ibunaga tinginiha mo yai hene. Ibunaga tinginini motudu ngarume tí mo bayale henego kami.
30815	REV 3:1	Í̠na Sadisi tanoni Keriso hameigini karunaga dahuliyali kagohondo bi ogo gilibu wia habe. I̱ Ngode Datagaliwabe Dinini karia haru kogobi yakundi karia yu kogobi i̱na bi ogo lo wia haro. Tígua ogodagua bialu kamigo manda bu ko. Tígua lalu, Ina dére mini lene kama, la laganegoyu i̱na tí homene kamigo manda bido.
31033	REV 16:10	Dahuliyali daunigo ibugua ibunaga ndisi beha yayago nogo ko tara biagonaga haru howa biragane dagiani odope haya. Ani biyagola nogo tara biagonaga haru holene wiagoria aruma haame hayagola wali agalime tandaga nalu tininaga hége neme pugu naya.
31106	REV 19:20	Ani bule biyagola nogo gabua gibi biagobi ibunaga wanakuini howa mana henene ngadagua ndo latagi haga agalime nabiagane ale biyago ibubi minaya. Mana henene ngadagua ndo latagi haga biago ibugua agalime nabiagane ale biyarume nogo gabua gibi biagonaga magihe hayarubi wali agali nogo gabua gibi ogoni ibuni kagobi wabu wiyagohondo bi pupu wiaga hayarubi ti mo hondo haya. Nogo tara ogonibi mana henene ngadagua ndo latagi haga biagobi minayadagoni minuwa ira hungu bialu ege to̱le̱ ale mini salobame da ho wiagoria ti dére minu bape haya.
32242	WIS 10:21	Ai mini gigabi bayale wulene ibugua wali agali bi nalaga bu hearunaga hége mo tiga bialu lone bi lelaya. Ani bialu waneigini galirume bi layaru mo beregedalu galone lene helaya.
34010	LJE 1:8	Agali anda biaga manda bayalebi hearu tigua ngolorume mbirale bi pupu wule gime wabini uruni ira baya hangu bogo mbara lowa mbirale uruninaga hége wabu helaga. Anigo mbirale uruni ti Ngode Datagaliwabe ale dege ndo wuwa tigua bi nalaga nga.
35391	2MA 7:4	Tigua ira delo manda manda biai heagola kini ibugua agali biabe biaga hearuhondo lalu, Igiri kane bi laga biagonaga hége gandulalu embonenaga dongone bibahende lagalo wahai halu gi gebi minu gandulo wahai halu bidaba, lalu bini. Anidagua biyagola ibu hamene hearubi ibu ai̱yabi handaya ho hene.
35397	2MA 7:10	Ani bialu ti hamene tebonego bene. Bole howa tigua igiri ogoni nogo mbirini wiago nelo mini. Ani miyagola ibugua nogo ogoni mo wahalu ibunaga hége dolatagi halu gi geru gandulo wahelo dogo ba amu hene. Ibugua gi nahe elahe howa ani bini.
35720	2MA 15:33	Ai Yudasa ibugua lalu Niganonaga hége minu duguwa ega bedarume nelo mialu gi biagola haguanela wai pabe neneni amu Anduane Homogonaga anda kagoha handa daibu wilo mo paga hadaba layagola tigua anidagua ngelene. Niganohanda mine howa mana lehe bialu hayagonaga pani nenego te ogoni hangu.