23229	MAT 1:16	Jacob tacualüw a José minoj María. Aaga María quiaj tacual Teat Jesús nasoic a Cristo.
23234	MAT 1:21	Nej apmawiquiach nop nine nench apmeaach manüt Jesús, cos nej apmawün asoet minipilan nej ―aj nej.
23239	MAT 2:1	Teat Jesús wijquiat tiül cambaj Belén tiül iüt Judea wüx Herodes tarang minatang nenajiüt tiül aaga iüt quiaj. Tajlüy acas monxey mondüy wüx ocas tambüw andüyiw Jerusalén imiünüw nonüt iüt.
23261	MAT 2:23	Wüx tatüchiw tiül miiütüw nejiw, quiaj tambüw macüliw tiül noic cambaj nenüt Nazaret. Atquiaj tajlüy cos lamapiüngüw tanomb mondeac andeac Teat Dios. Tapiüngüw Jesús apmasoic Nazareno cos naw quiaj.
23274	MAT 3:13	Teat Jesús imiün Galilea tamb majaw a Juan mbeay lam Jordán, müüch nej yow.
23276	MAT 3:15	Quiaj Teat Jesús tasaj nej: ―Nganüy netam merang, cos netam marangar leaw lamapiüng Teat Dios ―aw. Quiaj lango mapiüng nicuajind a Juan.
23277	MAT 3:16	Wüx landoj ayar yow Teat Jesús, almaw tiül yow, quiaj tajaw lejquiat a cielo, tiün Nangaj Espíritu ocueaj Teat Dios imiün tiül cielo atnej noic palom andüy wüx ombas nej.
23279	MAT 4:1	Condom Nangaj Espíritu ocueaj Teat Dios taquiiüb mamb Teat Jesús andüy tiül wajchiüc müüch mayac nej wüx naél minatang nimeech.
23280	MAT 4:2	Teat Jesús taíünd ngo met ic miow (40) nüt, ic miow ongwiiüts, condom xeyay tind üet.
23282	MAT 4:4	Quiaj Teat Jesús tasaj nej: ―Tiül Mipoch Teat Dios apiüng: “Ngome áagan nüeteran ipacüy nipilan, leaw nembeat aag ayaj meáwan poch andeac Teat Dios” ―aj.
23285	MAT 4:7	Quiaj Teat Jesús tasaj nej: ―Aton ajlüy tiül Mipoch Teat Dios, apiüng: “Nde mendiüm mitsoj leaw apiüng Teat Naxey Midios” ―aj nej.
23287	MAT 4:9	Quiaj tasaj Teat Jesús: ―Meáwan aag ayaj sanüüch ic meneay sitiül ique apmequieel micos tiximbas meyar sandeac ―aj nej.
23288	MAT 4:10	Quiaj tasaj nej Teat Jesús: ―Iriow ningüy niüng sajlüy, Satanás, cos tiül Mipoch Teat Dios apiüng: “Áagan Teat Dios netam mequieel micos teombas nej meyar andeac” ―aj nej.
23289	MAT 4:11	Quiaj taw minatang nimeech. Condom tapeayiw miángeles Teat Dios mambeolüw Teat Jesús.
23290	MAT 4:12	Wüx Teat Jesús tanguiay Juan lajmel tiül manchiüc, quiaj tandilil andüy tiül iüt Galilea.
23295	MAT 4:17	Ajan quiaj tapots maquiaach nejiw Teat Jesús, tapiüng: ―Icueatiün aaga ngo majneaj irangan, cos Teat Dios laliüc miün majlüy wüx micambaj nej ―aw.
23296	MAT 4:18	Noic nüt wüx Teat Jesús tamong amb mbeay aaga nadam yow nenüt Galilea, quiaj tajaw ijpüw monxey nop necual nejiw, nop Simón nasoic Pedro, alinop Andrés michiig nej. Nejiw tenguial andocoj cos mondoc nejiw.
23297	MAT 4:19	Quiaj tasaj nejiw Teat Jesús: ―Macaron tabaats, sanaquiaach icon nguineay alndom meyamban nipilan mesajan mayariw sandeac. Langome apmeyamban cüet mendocon, apmeyamban nipilan ―aj nejiw.
23298	MAT 4:20	Tacueatíwan quiaj mindocoj nejiw, tandüjpiw mamb Teat Jesús.
23299	MAT 4:21	Condom quiríwan iün majüyiw, quiaj Teat Jesús taxom alijpüw, nop necual nejiw, nop Jacobo, alinop Juan, micual nejiw Zebedeo. Aliw tiül müx maquiüjpüw miteatiw nejiw, tenguial axequiw ndoc. Quiaj tasaj nejiw Teat Jesús mambüw maquiüjpüw.
23300	MAT 4:22	Nejiw tacueatíwan tiül müx miteatiw nejiw, tambüw mandüjpiw Teat Jesús.
23301	MAT 4:23	Teat Jesús tajüy meáwan tiül iüt Galilea. Taquiaach tiül meáwan sinagoga ocueajiw a nipilan quiaj. Tandeac nguineay apmajlüy wüx Teat Dios apmajlüy wüx micambaj nej. Aton tamongoch iün andeowüw cuajantanej monandeow leaw axom nejiw nipilan tiül ajcüwa cambaj quiaj.
23302	MAT 4:24	Wüx tanguiayaran tiül iüt Siria meáwan leawa nej arang, quiaj taquiüjpüw niüng ajlüy nej xeyay moniün andeow. Altiül xeyay teamamongochiw, lamix omeajtsüw; altiül nechach, üüch nejiw michachiw nimeech; altiül ndron ombas, nawaag owix oleaj. Teat Jesús tüüch majneaj meáwan.
23304	MAT 5:1	Wüx Teat Jesús tajaw xeyay nipilan lapeayiw niüng ajlüy, quiaj tajtep andüy wüx noic tiüc chetet. Tapeayiw niüng ajlüy nej minipilan nej.
23305	MAT 5:2	Quiaj tapots maquiaach nejiw Teat Jesús, tapiüng:
23413	MAT 7:28	Wüx landoj mandeac meáwan aaga poch quiaj Teat Jesús, mbayajow nipilan manguiayiw leaw landoj mandeac.
23415	MAT 8:1	Wüx taw tiüt Teat Jesús imiün wüx tiüc, tandüjpiw nej xeyay nipilan.
23416	MAT 8:2	Condom quiaj ajngot majaw nej nop naxey axom nej napat monandeow nasoic lepra atextexíichan ombas nej. Quiaj taquieel micos nej tiüt teombas Teat Jesús, tasaj: ―Teat Naxey, sitiül ique indiüm, sajaw alndom memongoch iün sandeow ―aj.
23417	MAT 8:3	Quiaj Teat Jesús taxaing owix marreeg, tasaj: ―Xecual sandiüm, sanamongoch iün indeow ―aj. Wǘxan ndoj masoic aag ayaj, andǘüban ndej minecoy nej aaga niün andeow quiaj.
23418	MAT 8:4	Condom quiaj tasaj nej Teat Jesús: ―Nde mesaj nejinguind, quiür, iich majaw ic miteaats, iyac erchech atnej tapiüng Moisés marangüch. Quiaj apmajawüw ique lerneaj ―aj nej.
23419	MAT 8:5	Almajmel tiül cambaj Capernaum Teat Jesús, quiaj tiün majaw nej nop minatang soldado matün nej ocueaj.
23421	MAT 8:7	Quiaj tapiüng Teat Jesús: ―Saleamb quiaj namongoch iün andeow ―aw.
23424	MAT 8:10	Wüx tanguiay aag ayaj Teat Jesús mbayaw manguiay, quiaj tasaj leaw almaquiiüb, tapiüng: ―Naleaing sasaj icon ngo naxom masey anop tiül nipilan judío leaw ayar sandeac matnej aaga naxey cam.
23427	MAT 8:13	Condom quiaj Teat Jesús tasaj aaga natang soldado: ―Quiür ijtsor, cos teyar sandeac atquiaj apmajlüy ―aw. Aaga nerang minajiüt nej a soldado tíülan aaga ores quiaj tajneaj.
23428	MAT 8:14	Condom quiaj tamb Teat Jesús andüy aniüng Pedro. Quiaj tajaw niün andeow najtaj miocuats Pedro, alwüx mats, tenguial müüch nej nerraar.
23429	MAT 8:15	Quiaj Teat Jesús tamb marreeg owix aaga najtaj, ajneaj wüx üüch nej nerraar. Quiaj witiüt tarang nej üetiw.
23430	MAT 8:16	Wüx langwiiüts taquiüjpüw mamb niüng ajlüy Teat Jesús xeyay nipilan leaw alwüx ombasüw nejiw nimeech. Quiaj tawün nimeech wüx ombasüw nipilan wüx mipoch nej, at aton tataag majneaj meáwan moniün andeow.
23432	MAT 8:18	Wüx tajaw Teat Jesús laxeyay nipilan alniüng ajlüy nej, quiaj tasaj minipilan nej: ―Tabaats amongoots andüy necamb a nadam yow quiaj ―aw.
23433	MAT 8:19	Quiaj ajngot nop naxey nendüy wüx aaga poch tüünd Moisés. Tasaj Teat Jesús: ―Teat Naxey, xique sanandüüb ic mamb leaw niüng apmeamb ―aj.
23434	MAT 8:20	Quiaj tasaj nej Teat Jesús: ―Wiül ajiür ombiüm nej, at a quiec aton; nganüy a Teat Naxey ngo majiür nguiane mapiib omal ―aj nej.
23436	MAT 8:22	Quiaj tasaj nej Teat Jesús: ―Tabar nganüy indüüb xic, icueat, ich majlüy mondeow memiütayej nejeyéjan quiaj ―aj nej.
23437	MAT 8:23	Condom quiaj tajtep tiül müx Teat Jesús, tambüw maquiüjpüw nej minipilan nej.
23438	MAT 8:24	Aleambüw tiül ndec, quiaj taw noic nadam iünd, anmachaachaach tiül müx omal yow, pero Teat Jesús almameay.
23443	MAT 8:29	Wüx tajngotoj, tendeacüw napac, tapiüngüw: ―¿Cuane indiüm merang wüx ximbasan a ique Jesús micual Teat Dios? ¿Neol tewiün meaach xicon namongochiün ngo majneaja, sitiül nganaw matüch a nüte? ―ajüw nej.
23446	MAT 8:32	Quiaj tasaj nejiw Teat Jesús: ―Quiüran ―aw. Quiaj tambüw tandüyiw tiül a sow. Almajmeliw tiül, quiaj tecuiürrüw a sow, ambüw wüx tiüc tajmiücüw tiül yow, tümb mandeowüw.
23448	MAT 8:34	Quiaj tambüw majawüw Teat Jesús meáwan nipilan imiünüw tiül a cambaj quiaj. Wüx tapeayiw quiaj, tatüniw ocueaj maw quiaj tiül miiütüw nejiw.
23449	MAT 9:1	Condom quiaj tandilil alinomb Teat Jesús majtep tiül müx, tamongoj andüyiw necamb, tandüyiw tiül micambaj nej Capernaum.
23450	MAT 9:2	Almapeayiw quiaj, quiaj taquiüraab niüng ajlüy nej nop naxey ndron ombas, amb wüx mats. Teat Jesús tajaw nguineay ayacüw omeajtsüw wüx nej, quiaj tasaj a niün andeow: ―Ich mapac imeaats, xecual, cos lanawün isoet ―aw.
23452	MAT 9:4	Teat Jesús tajaw cuane tenguial mapiüngüw tiül omeajtsüw, quiaj tasaj nejiw: ―¿Neol tendeacan atquiaj tiül imeajtsana?
23457	MAT 9:9	Almaw quiaj Teat Jesús, quiaj tajaw nop naxey nenüt Mateo, alchetem wüx bang niüng angüyeran mitomiün cambaj. Quiaj tasaj: ―Mac tabar ―aj. Quiaj witiüt a naxey quiaj, tamb maquiiüb nej.
23458	MAT 9:10	Alinoic nüt Teat Jesús alchetem tiül nden, tenguial üetiw maquiiüb minipilan nej. Aliw quiaj xeyay monsap mitomiün cambaj; at aliw quiaj aton xeyay nipilan monrang ngo majneaj. Nóiquian tenguial üetiw maquiüjpüw.
23459	MAT 9:11	Wüx tajawüw aag ayaj a fariseos, quiaj tasajüw minipilan nej Teat Jesús: ―¿Neol minatangan nequiaach icon tapots üet aweaag monsap mitomiün cambaj, at aldemás nipilan leaw ngo mayambüw Teat Dios? ―ajüw.
23460	MAT 9:12	Wüx tanguiay aag ayaj Teat Jesús, quiaj tasaj nejiw: ―Leaw ayaag najneaj ajlüy ngo metam mayamb nejaw nej, áagan nipilan leaw ayaag niün andeow mbich netam mayamb nejaw nej.
23461	MAT 9:13	Quiüran iyamban imeajtsan cuane amb apiüng aaga poch cam: “Xique sandiüm merjiürayon lasta, ngome áagan iyacan erchechiün”, aw. Xique ngo niün nayamb leaw ayaag najneaj arang, xique xiün nayamb leaw monrang ngo majneaj, nüüch leaam omeajtsüw nguineay tenguial marangüw, para marangüw leaw andiüm Teat Dios ―aj nejiw Teat Jesús.
23463	MAT 9:15	Teat Jesús quiaj tasaj nejiw. Tapiüng: ―¿Alndom nop nengoch owixe mamix omeajtsüw miamigo neje sitiül nej alquiaj almaquiüjpüwa? Alinoic nüt wüx lango majlüy a nench, aaga nüt quiaj mbich apmaiündüw.
23466	MAT 9:18	Teat Jesús tenguialeámban mandeac aag ayaj masaj nejiw, quiaj ajngot nop naxey, natang nenajiüt tiül nipilan judío, maquieel micos nej tiüt teombas nej, tapiüng: ―Teat, xecual les tandeow. Tabar teat, meyac iwix wüx ombas nej mepacüüch ―aw.
23467	MAT 9:19	Quiaj witiüt Teat Jesús, tandüüb mamb a naxey quiaj, at minipilan nej tandüjpiw nej mamb aton.
23468	MAT 9:20	Quiaj ajngot nop najtaj niün andeow, lamajiür gajpic (12) neat tatow majiür, xeyay atsambiich nej miquiej nej. Quiaj tatüch niüng ajlüy Teat Jesús amb wanopech marreeg apix.
23470	MAT 9:22	Teat Jesús ndiliteay majaw, tasaj nej: ―Xecual, ich mapac imeaats, nganüy lerneaj cos teyac imeaats wüx xic ―aw. Quiájan tajneaj a najtaj nómban.
23471	MAT 9:23	Wüx Teat Jesús tapeay aniüng aaga natang nenajiüt quiaj, tajaw aliw quiaj monind at xeyay nipilan ancayajyaj.
23473	MAT 9:25	Wüx laawüw meáwan nipilan, quiaj Teat Jesús tajmel tiül iüm. Condom tasap owix a nüx mawitich. Quiaj witiüt a nüx.
23474	MAT 9:26	Meáwan cambaj najlüy quiaj tanguiayiw nguineay lamarang Teat Jesús.
23475	MAT 9:27	Teat Jesús almaw quiaj, tandüjpiw nej mamb ijpüw monxey nesombüw. Tenguial apajüw masajüw nej: ―¡Teat naxey micual David, ijiür xicon lasta! ―awüw.
23476	MAT 9:28	Wüx tapeay tiül nden, tapeayiw niüng ajlüy nej ajcüwa monxey nesombüw quiaj. Quiaj Teat Jesús tasaj nejiw: ―¿Ipiüngana naleaing xique alndom narang aag ayaja? ―aj nejiw. Quiaj tapiüngüw: ―Ajaj teat, sapiüngan alndom ―awüw.
23477	MAT 9:29	Quiaj Teat Jesús tayac owix wüx oniüjcüw nejiw, tasaj: ―Sitiül atquiaj iyajcan tiül imeajtsan, atquiaj apmajlüy ―aj nejiw.
23478	MAT 9:30	Quiaj rat oniüjcüw. Condom Teat Jesús tasaj nejiw, tapiüng: ―Ijawan, nde mesajan nejinguind ―aj nejiw.
23479	MAT 9:31	Pero nejiw almawüw quiaj, tapots mandeacndeacüw wüx aag ayaj meáwan tiül aaga iüt quiaj, manguiayeran nguineay tarang Teat Jesús.
23481	MAT 9:33	Quiaj Teat Jesús tawün nimeech wüx ombas a naxey quiaj, tajneaj mendeac. Meáwan nipilan mbayatoj majawüw, tapiüngüw: ―Ngomeaag ajlüy tiül micambajaats Israel atquiay quiaj ―awüw.
23483	MAT 9:35	Teat Jesús tajüy tiül meáwan cambaj, tiül rünch aton, maquiaach nipilan tiül palpálwüx sinagoga. Tandeac xeyay najneaj poch manguiayeran nguineay alndom majlüyeran tiül micambaj Teat Dios. Aton tamongoch palpálwüx monandeow, at meáwan necoy tandendiich.
23487	MAT 10:1	Condom quiaj Teat Jesús tawün gajpiüp (12) naw tiül minipilan nej, tüüch nejiw ndoj ombasüw mawüniw nimeech wüx ombas nipilan, at aton mamongochiw cuajantanej monandeow at necoy.
23490	MAT 10:4	aton Simón naw tiül noic ajlüy nipilan nasoiquiw Cananista; at a Judas Iscariote aton, aaga ndoj tayac Teat Jesús teowixaw monajiüt.
23491	MAT 10:5	Ndoj quiaj Teat Jesús tüüch mambüw ajcüwa gajpiüp (12) minipilan nej, tasaj nejiw: ―Nde meamban tiül miiütüw nipilan ngome Israel, aton nde mejmeliün tiül nicuajind cambaj tiül iüt Samaria.
23511	MAT 10:25	Nop nequiajchay ich mapac omeaats sitiül lamatüch ajaw nequiaach nej, nde matün wüx alquiriw; at nop nerang najiüt aton netam mapac omeaats sitiül lamüünd marang leawa netam, atnej neneay najiüt, nde mandiüm mamong wüx. Sitiül nateateran tasoic nimeech nej, nenüt Beelzebú, ¿jowa nganüy a micual neje, cuane ngome apmasoiquiwe?
23528	MAT 10:42	Aton jangantanej leaw apmüüch masey tegüy yow manganeowüw ajcüwa namix nine quiaj, cos ajaw xenipilan nejiw; naleaing sasaj icon, nej ngome apmajnot ocueaj leaw apmüünd ―aj nejiw Teat Jesús.
23529	MAT 11:1	Wüx Teat Jesús landoj masaj nejiw cuane netam marangüw ajcüwa gajpiüp (12) minipilan nej, quiaj taw quiaj, tamb maquiaach nipilan tiül meáwan cambaj tiül aaga iüt quiaj.
23530	MAT 11:2	Juan, aaga neech yow nipilan, altiül manchiüc. Wüx tanguiay nguineay tenguial marang Teat Cristo, quiaj tüüch mambüw ijpüw minipilan nej majawüw Teat Jesús.
23532	MAT 11:4	Quiaj Teat Jesús tasaj nejiw: ―Quiüran isajan teat Juan meáwan leawa temejawan at leawa temenguiayiün.
23534	MAT 11:6	Najneajay ajlüy leaw ngo machiw omeaats wüx xique ―aj nejiw Teat Jesús.
23535	MAT 11:7	Wüx laambüw minipilan Juan, quiaj Teat Jesús tapots mandeac masaj nipilan wüx Juan, tapiüng: ―¿Cuane teamban mejawan tiül wajchiüca? ¿Ngwüy tejawan nots najchowa tenguial majowjow nej iünda?
23548	MAT 11:20	Condom quiaj Teat Jesús tapots mandeac wüx ajcüwa cambaj niüng lamarang xeyay ateócan, cos ajcüwa nipilan quiaj ngo macueatiw marangüw ngo majneaj, ngo mayariw andeac nej. Tapiüng:
23553	MAT 11:25	Tiül aaga nüt quiaj Teat Jesús tasaj Teat Dios, tapiüng: ―Xeyay najneajay irang Teat, ique natang nenajiüt tiül cielo at wüx iüt. Cos meáwan leawa lajlüy quiaj, texot ngo meaach majawüw leaw mondüy, leaw monxomxom omeaats. Nganüy lameaach majawüw ajcüwa atnej nine monguich quiaj.
23559	MAT 12:1	Tiül aaga nüt quiaj wüx noic nüt axoodaran, Teat Jesús tamong amb tiül noic corrül. Minipilan nej tind üetiw, quiaj tapots majeliw natang aól trigo matajtüw müetiw.
23560	MAT 12:2	Ajcüwa fariseos wüx tajawüw aag ayaj, quiaj tasajüw Teat Jesús, tapiüngüw: ―Ijaw minipilan nguineay tenguial marangüw wüx nüt axoodaran, aag ayaj ngondom marangüw ―ajüw.
23566	MAT 12:8	Aaga Teat Naxey alwüx atam, ngo matnej aaga nüt axoodaran quiaj ―aw Teat Jesús.
23567	MAT 12:9	Condom Teat Jesús taw quiaj, tamb andüy tiül sinagoga ocueaj nipilan judío.
23568	MAT 12:10	Alquiaj nop naxey ndron ombas, nechey nots owix. Quiaj tatüniw manguiayiw Teat Jesús, tasajüw: ―¿Alndom mamongocharan iün andeow nipilan wüx nüt axoodarana? ―ajüw nej. Tapiüngüw aag ayaj cos andiümüw maxomüw cuane wüx alndom mayacüw asoet.
23569	MAT 12:11	Teat Jesús tasaj nejiw: ―Jondot nop tiül icona almajiür nop sap, ndot majmiüc ocueaj nej tiül noic lol wüx nüt axoodaran, ¿quia ngondom majmele maxaingue?
23572	MAT 12:14	Quiaj tawüw quiaj ajcüwa fariseos. Tapots mayambüw nguineay alndom mambiyaw Teat Jesús.
23573	MAT 12:15	Teat Jesús tajaw nguineay tenguial mandiümüw marangüw. Quiaj taw quiaj, tandüjpiw nej mamb xeyay nipilan. Tamongoch iün andeow meáwan moniün andeow.
23580	MAT 12:22	Condom quiaj taquiüraab niüng ajlüy nej nop naxey nesomb, aton nejew, ngondom mendeac, alwüx ombas nej nimeech. Quiaj Teat Jesús tüüch majneaj a naxey quiaj, rat oniiüg at tendeac.
23582	MAT 12:24	Wüx tanguiayiw aag ayaj ajcüwa fariseos, quiaj tapiüngüw: ―Aaga naxey quiaj awün nimeech cos ambeol nej Beelzebú, aaga minatang nimeech ―awüw.
23583	MAT 12:25	Teat Jesús tajaw nguineay tenguial mapiüngüw tiül omeajtsüw, quiaj tasaj nejiw: ―Meáwan montangtang monajiüt tiül noic iüt, sitiül apmbajcamoj majcüyiw nejeyéjan quiaj, apmendroochayej ombasüw. At meáwan cambaj, tengwüy tiül noic nden, sitiül mbajcamoj ngo majlüyiw nóiquian, ngome apmaiücüw, apndajrriümoj.
23585	MAT 12:27	Sitiül naleaing Beelzebú nembeol xic nawün nimeech, isajan xic, jow minipilanan, ¿jane nembeol nejiw mawüniw nimeeche? Nejiw minipilanan apmajüiquichaw ngo maleaing ipiüngan.
23595	MAT 12:37	Cos wüx mipoch apmajaraw sitiül apmajmel isoet tengwüy apmaw ―aj nejiw Teat Jesús.
23596	MAT 12:38	Altiül fariseos, at mondüy wüx aaga poch tayac Moisés tasajüw Teat Jesús, tapiüngüw: ―Teat, sandiüman najawan merang noic nadam ateócan ―awüw.
23597	MAT 12:39	Quiaj tasaj nejiw Teat Jesús: ―Ajcüwa nipilan monlüy nganüy monrang xeyay ngo majneaj, ngo mandüjpiw Mipoch Teat Dios, andiümüw majawüw ateócan. Naleaing nicuajind ngome apmüjndiw majawüw, áagan ateócan tajlüy wüx Jonás aaga nendeac andeac Teat Dios tajlüy nomb.
23604	MAT 12:46	Teat Jesús tealeámban andeac masaj nipilan, quiaj ajngot mimüm nej y michiig nej, pero ngo majmeliw. Tapiüngüw andiümüw mandeacüw maquiüjpüw.
23609	MAT 13:1	Tiül aaga nüt quiaj taw tiül iüm Teat Jesús, tamb andüy mbeay nadam yow nenüt Galilea, chetem quiaj.
23619	MAT 13:11	Quiaj Teat Jesús tasaj nejiw: ―Icona tenguial meajndiün mejawan leaw nomb ngo majüiquicharan, nguineay alndom majmeleran tiül micambaj Teat Dios najlüy tiül cielo. Pero nejiw ngome apmasoiquiw aleaing miün.
23631	MAT 13:23	Pero aaga osaab soex leaw napiürüch tiül najneaj iüt, aag ayaj apiüng wüx nipilan leaw anguiay Mipoch Teat Dios, ayac wüx omeaats, condom aaga poch ambeol nej marang leaw andiüm Teat Dios. Aag ayaj atnej mayac xeyay aóng. Altiül taóng napateay, altigüy tayac wüx quiriw, altigüy tayac wüx xeyay aóng ―aj nejiw Teat Jesús.