Wildebeest analysis examples for:   hvn-hvn   u    February 25, 2023 at 00:24    Script wb_pprint_html.py   by Ulf Hermjakob

24285  MRK 1:1  Na dꞌee ke, lii hagꞌa dꞌara. Lii pedꞌèii jꞌara lua Ana Deo. Ne ngara Noo, Yesus Kristus, do pejꞌèuꞌe rai uru ri Deo. Mi nahee ne kepue lii pedꞌèii ène:
24286  MRK 1:2  Uru ngadꞌo jꞌèga dae Yesus, pepue uru ri Deo heu, ne ngara noo Johani. Johani peꞌure ta la pemoko rujꞌara tuu lua dèka Yesus. Rai uru rai telora, do pake ke ri Deo, heu, ne ngara noo Yesaya, ta mone ubꞌa unu Noo. Do bꞌuke ke ri noo, mihe ane: “Dꞌèno nga woie! Pejue ri Yaa neu Yaa, la pemoke rujꞌara natuu Èu.
24287  MRK 1:3  Noo hine do ta kako la era do kehii-kejidꞌo, jꞌe lango ri noo: ‘Hari-hariu pemoke nga woie rujꞌara, mijꞌe ta hapo lua dèka Muri. Pemira rujꞌara tuu ta hème Noo.’ ”
24288  MRK 1:4  Johani do tima ta pale riu he, mone peheraniu. Ne era pee noo, pa era do kehii-kejidꞌo. Ne bꞌara pake noo ngatiu bꞌada unta. Dari wake noo ngati kuri bꞌada. Ne ngaꞌa-nginu noo, kebꞌara nga donahu oni. (Muri mada Johani, helaꞌu nga Elia uru he). Pa awe na ène,u ti kota Yerusalem, nga ti propensi Yudea harièle, dèka la peꞌabu nga Johani la era pee noo. Ne dèka roo dꞌèi ta la ngède Johani, nga dꞌèi ta dꞌèno ne lii ajꞌa noo. Ta lii ke Johani, mihe ane, “Kelolo mola we ne hala-luumuu, jꞌe hani ri muu ne muri mada muu dodꞌo mèdꞌèipa Deo, mijꞌe lonye pemèu ri Deo ne lubꞌu-hèro nga menyilu muu harièle. Jꞌe herani muu, ta he èhi rutada ta do èla ke muu pe peꞌie nga Deo.” Nadèu do kelolo ne hala-luuroo, peherani ri Johani pa loko Yarden.
24291  MRK 1:7  Pedae lema ri noo, “Bꞌole pengee yaa ri muu ta do nga kuaha. Do ta dèka leto ngati yaa heu do rihi mone ae kuaha ngati yaa. Jꞌèma ledꞌo yaa tau pejuu Noo.
24292  MRK 1:8  Peherani muu ri yaa, ri èi we, tapulara nengaa ne do ta tao ri Noo hine, rihi ri ko ngaa do tao ri yaa. Noo ke do ta wie ne Hengaa Megala Deo la dꞌara ade muu.”
24293  MRK 1:9  Pa dꞌara awe do na ène, ta dèka ke Yesus ti rae Nasare pa propensi Galilea la peꞌabu nga Johani. Ta peherani ke Noo ri Johani pa loko Yarden.
24294  MRK 1:10  Mi nahère Yesus ne mèhu èni ti dꞌara èi nee, ta ngède ke ne liru-bèla ta boka èni. Ta puru ke ne Hengaa Deo la Yesus, mi koro jꞌawa.
24295  MRK 1:11  Jꞌe rènge ne lii pedai Deo ti liru-bèla, mihe ane, “Èu ke dꞌee, Ana dꞌèi Yaa. Èu ke ne do pemengèlu dꞌara Yaa.”
24296  MRK 1:12  Ta èla pe mi nahère, ta pereda ke pa Yesus ri Hengaa Deo, ta kako la era do kehii-kejidꞌo.
24297  MRK 1:13  Pee Noo pa nii èpa nguru lodꞌo ne tui, helaꞌu nga bꞌada èdèuhe. Pa era na ène, dèka ne Kètu wango la hèko Noo mijꞌe ta pedèue noo, tapulara nara dꞌo. Dèka neu pejuu Deo ti liru-bèla la pemoke Noo.
24298  MRK 1:14  Ta èla Johani, mone peheraniu, pe pemaho la èmu bꞌèdo, ta kako ke Yesus la propensi Galilea, la pedae pe peke ne Lii Hagꞌa Dꞌara ngati Deo pa nii.
24299  MRK 1:15  Ta pedai ke Noo, mihe ane, “Dꞌèno ri muu! Dꞌai ke ne awe pa Deo! Na dꞌee, toi ke ri harièleu ta Deo ne do pereda! Ri mi nahère ke, hani ko ne hala-luumuu! Jꞌe pedèue ne Lii Hagꞌa Dꞌara ngati Deo.”
24300  MRK 1:16  Pa dꞌara he lodꞌo, ta nèru ke Yesus oro ngidi èi lobo Galilea. Ta ngède ke ri Noo heu, ne ngara noo Himo, nga ari noo Anderia. Hari do dꞌue roo, pa dꞌara jꞌala nadèuu. Na nee ke, ne jꞌèga roo helodꞌo-helodꞌo.
24301  MRK 1:17  Moko ke Yesus ta pedoa roo, mihe ane, “Ama ee! Mai we ma pedèue Yaa. Do tima ke muu ta kale nadèuu. Na dꞌee ta pejadꞌèi muu ri Yaa ta la kaleu ta pedèue Yaa.”
24302  MRK 1:18  Ta rèngi mi nahère, ta hani dꞌènge ke ne jꞌala roo, jꞌe la pedèue Noo.
24303  MRK 1:19  Nèru hudi ngati ène, ta ngèdi ke ri Noo, ana ri Sabadeu. Mone aꞌa, ne Jꞌako. Johani, mone ari. Hari do dꞌue roo pa dꞌara pemoko ne pèku pa dꞌara kowa roo.
24304  MRK 1:20  Ta pedoa ke roo dꞌue ri Yesus, mihe ane, “Ama ee! Mai we muu ma pedèue Yaa.” Ta kèdꞌèidꞌènge ke roo, hani ama roo nga harièleu do jꞌèga helaꞌu nga roo pa dꞌara kowa nee. Roo dꞌue la pedèue Yesus.