23264	MAT 3:3	Jọni bụ nye wam Azaya nye ọwhnurninya kwuru ọka gbasịri a, naakaa, “Akpịri otu badnụ nọokpo okwo n'ẹli-ịkpa, naakaa, ‘Anụ mekwata apna Nyenwe aị, anụ mee apna a snị asnị.’ ”
23282	MAT 4:4	Jizọsi sarụ a, “Be gbarụ a n'ọkwukwo nsọ, kaa, ‘Ọ bụ́o brẹdi bụ nhne badnụ jeeri kpọi zịri bụdnu, kọvu nụ ọ bụ kpakara ikwu-ọnu ke hiri n'ọnu Chiokike whụya.’ ”
23284	MAT 4:6	ọ kanụ a, “Ọ bụru nụ ị bụ Nnwọ Chiokike, gbụdna ẹhni ị n'ẹli hna, kwnornu nụ be gbarụ a n'ọkwukwo nsọ, kaa, ‘O jeenye ele enine izi a iwu gbasịri ị, be jeegheru ị n'aka be, ma ị gharụ ọ kpọbi ọchi ị nụ rugwu.’ ”
23285	MAT 4:7	Jizọsi sarụ a, “Berere kwno, be gbarụ a n'ọkwukwo nsọ, kaa, ‘Ị rnákọ Nyenwe i Chiokike i ọrnurna.’ ”
23288	MAT 4:10	Jizọsi sarụ a, “Whọga m nụ ruwhnu m, Setani, kwnornu nụ be gbarụ a n'ọkwukwo nsọ, kaa, ‘Ị jọokponu Nyenwe i, Chiokike i risi ẹli. Ọ bụ ya kpọi bụ nye i jeekpenu.’ ”
23324	MAT 5:21	“Anụ nụrnu nụ be kannụ ele gbaka, ‘I gbúkọ badnụ, nye ọbula ke gburu badnụ jaabna n'aka ikpe.’
23330	MAT 5:27	“Anụ nụna m nụ be kannụ ele gbaka, ‘Ị mékọ ọyi.’
23334	MAT 5:31	“Be kakwnornu nụ, ‘Nye ọbula ke jaagba nnwerne a nnam, o nyega a ọkwukwo nnam.’
23336	MAT 5:33	“Berere, anụ nụna m nụ be kannụ ele gbaka, kaa, ‘Bịta mkwna i kweru, i láhna aznụ nụ o mee mkwna i kweru, kọvu mee nhne i kweru mkwna nụ ruwhnu Nyenwe aị.’
23340	MAT 5:37	Kọvu ikwu-ọnu anụ bụru ‘Owe, m jeeme mee a,’ mọbu, ‘Ọ́za, m jéeme mee a.’ Kwnornu nụ nhne ọbula karịri ka hi nụ nye ọjo wam.
23341	MAT 5:38	“Anụ nụrnu nụ be karụ, ‘Anya lanụ anya, ize lanụ ize.’
23346	MAT 5:43	“Anụ nụna m nụ be karụ, ‘Whnụ nye agbatibi i n'anya, sno nye irno i irno.’
23364	MAT 6:13	I yísi aị nụ rime nhne ọrnurna, kọvu dọhia aị n'aka nye ọjo.’
23461	MAT 9:13	Kọvu anụ zne mụhia nhne ka bụ, ‘M noopio obirizi, ọ bụ́o arịohna.’ Kwnornu nụ m váge m o sukwu ele ọma, kọvu ele mmehie.”
23493	MAT 10:7	Nga anụ neezne anụ kanụ be, ‘Ẹli-eze Chiokike zị ndụndu.’
23498	MAT 10:12	Nga anụ bnarnụ n'ọro wam, anụ kaa, ‘Udno zịnu anụ.’
23522	MAT 10:36	Nye irno badnụ jọobu ele ezi-nụ-ọro a.’
23538	MAT 11:10	Nye ka bụ nye be gbarụ nhne gbasịri a n'ọkwukwo nsọ, kaa, ‘Le, m neezizne nye izi m nụ ruwhnu i, nye jeemekwata apna ị nụ ruwhnu i.’
23545	MAT 11:17	be naakaa, ‘A kwannụ anụ eri, anụ tnéne eri, a gwnụ eri mkpe, anụ kwnána ẹkwna.’
23546	MAT 11:18	Kwnornu nụ Jọni varụ ríle wiri, ọ nwọ́ge manya, be kaa, ‘O nwernu rẹnwu ọjo.’
23547	MAT 11:19	Nnwọ ke Badnụ varụ, neeri wiri, nọonwo manya, be kaa, ‘Le, nye okne wiri, nụ nye nwọ okne manya, enyi ele ọna ntụ nụ ele mmehie.’ Ẹrnu ọma ke neehi nụ akọniche Chiokike whụya neegesi nụ akọniche bụru ọma.”
23602	MAT 12:44	ọ kaa, ‘M jaalahna n'ọro m hne me hiri whụya.’ Nga ọ vaduru, ọ whnụ nụ ọ zá nye wu nụ rime ọro wam, nụ be zasnarnụ a, bịkwata nhne nkarị.
23623	MAT 13:15	Kwnornu nụ mkpọma ele ka gbasninem n'ọto, nsnị kpọsninem be masị. Be kpusninem anya be, ma be gharụ o ji anya be whnụ ọsno, gharụ o jiri nsnị be nụrnu nhne, gweru mkpọma be ghọhia, ma be tụhnasna, ma m gwọ m be.’
23636	MAT 13:28	“Ọ kanụ be, ‘Ka bụ aka ẹrnu nye irno.’ “Ele izi a sịkwa a, ‘Ị pioru a zne whome be?’
23638	MAT 13:30	Anụ gharụ be lawụru sokọta dụ ige o gwe nhne n'ẹkwu, nga wam, m jaakanụ ele neegwe nhne n'ẹkwu be beru ọsno whome atna wam, kpụkota be n'ọkwukwu, kpọ be bẹkwnu. Kọvu anụ chịbna ịkpa wam n'ọbna m.’ ”
23643	MAT 13:35	“Ka bụ ma nhne be kwuru hite n'ọnu nye ọwhnurninya mezu, ke karụ, ‘M jookpume ọnu m tnụ elulu, m jaakahịa nhne be bịgwaru abịgwa ke nga ọwa panịzoru.’ ”
23706	MAT 15:4	Chiokike karụ, ‘Sọbisinu nda ị nụ nne i,’ nụ ‘Nye ọbula ke jọovu nda a mọbu nne a ọnu, be gbu a.’
23711	MAT 15:9	Be nọokponu m risi ẹli n'etekne, be neezni nhne badnụ nyernu n'iwu lele nụ ọ bụ iwu Chiokike.’ ”
23743	MAT 16:2	Ọ sarụ be, “N'ogbednachi, anụ naakaa, ‘Ruwhnu oligwe bụru ọma, kwnornu nụ oligwe naachna ihie ihie.’
23744	MAT 16:3	N'ọsisi, anụ naakaa, ‘Ruwhnu oligwe bụ́o ọma tna, kwnornu nụ oligwe dugwu ruwhnu naachna ihie ihie.’ Anụ magwụ kpa be le ọwa nụ ruwhnu oligwe anya gwnụ nhne ọ jọobu. Kọvu ndaa kpa anụ máa ige ka?
23822	MAT 18:26	“Ọhi wam dnarnụ n'ẹli kpọnu a risi ẹli, kaa, ‘Nyenwe m, knatanụ m mkpọma, m jọokwuhnata ị kpakara nhne me ji i.’
23824	MAT 18:28	“Kọvu nụ ọhi wam whọgaru, whnụ otu nụ rime ọhi ibne a, ke ji a otu riwhu mkpụru ịwai, ọ nwụgwusi a rikne, whatasị a n'akpịri, naakaa, ‘Kwụhnata m nhne ọbula i ji m.’
23825	MAT 18:29	“Ọhi ibne a dna n'ẹli rịasno a, kaa, ‘Knatanụ m mkpọma, m jọokwuhnata i.’
23865	MAT 20:4	Ọ kanụ be, ‘Anụ zne nụ rime ẹkwu vaịni m, nhne dụnnu anụ bụ nhne me jeenye anụ.’
23868	MAT 20:7	“Be kaa, ‘Kwnornu nụ ọ zá nye gnornu aị ẹrnu.’ “Ọ kanụ be, ‘Anụ zne n'ẹkwu vaịni m.’
23873	MAT 20:12	Be kaa, ‘Ele ipne-aznụ ka rnụrnu ẹrnu otu ọtnu-ige, ị kwụru aị nụ be otu ọnu ịwai, aị bụ ele vuru ivu rịnya ke ọbochi tna neerne bẹkwnu.’
23900	MAT 21:5	“Kanụ ele Zayọni, ‘Le, eze i naavakwnusi i, ọ bụ enwerne badnụ, ọ dazịgwu n'olu ịyinya, n'olu nnwọ ịyinya.’ ”
23911	MAT 21:16	Be sịkwa a, “Ị nụrnu nhne rụmu takịri ka nookwu?” Jizọsi kanụ be, “Owe! Anụ gwnụ́na nhne ọkwukwo nsọ kwuru, ‘Hite n'ọnu rụmu takịri nụ rụmu nọonwo rẹma, i mernu ọznarni dna ọdna.’ ”
23923	MAT 21:28	Jizọsi kanụ be, “Kịni bụ nhne anụ naarị? Otu nyerukna nwernu rụmu rukna lawụru, ọ znekwnusi ke mbọm, kanụ a, ‘Nnwọ m, zne ẹrnu tna n'ẹkwu vaịni m.’
23932	MAT 21:37	N'ipne-aznụ o ziznernu nnwọ a, kaa, ‘Be jọosobisinu nnwọ m.’
23933	MAT 21:38	“Kọvu nga ele ẹrnu ẹkwu wam whnụrnu nnwọ wam, be gba iznuznu, kaa, ‘Ka bụ nye jeeri mkpe nye nwe ẹkwu ka, anụ va ma a gbu a, ri mkpe a.’
23937	MAT 21:42	Jizọsi kanụ be, “Anụ gwnụ́na nhne be gbarụ n'ọkwukwo nsọ, ‘Akaworugwu ke ele noowu ọro jụru, kịyam ghọlam risi nsụkala ọro. Ka bụ ẹrnu Nyenwe aị, ọ bụ nhne ndu-ẹhni n'anya aị.’
23945	MAT 22:4	“O zihala ele izi a berere, kaa, ‘Kanụ be nụ m mekwatalam nhne iriri, be gbulem kpakara okne ehni m nụ rụmu nnwọ ehni m be znụrnu ọznu, be mekwakwolem kpakara nhne, anụ vanụ m iriri ọlu nnwerne.’
23950	MAT 22:9	Anụ zne nụ kpakara ngeri apna, sukwu kpakara badnụ anụ whnụrnu, be va ri wiri ọlu nnwerne ke m.’
23965	MAT 22:24	“Nye-zni-nhne, Mozizi karụ, ‘Ọ bụru nụ nyerukna nwụ, nwée rụmu, nwene a rukna jọoluru nnwerne a mụhianu nwene a rukna rụmu.’
23980	MAT 22:39	Iwu ke ẹbo nụ lele ya, ‘Ị jọowhnu nye agbatibi i n'anya lele ẹhni ị.’
23985	MAT 22:44	‘Nyenwe aị kannụ Nyenwe m, Dazịri ẹli n'akarikwnunga m, tem dụ nga me jaabịta ele irno i nụ mkpururu ọchi ị lawụru.’ ”
24003	MAT 23:16	“Awhnụwhnu zịnu anụ ele ndu isni, ele karụ, ‘Nye ọbula ke jeegweru Ọro Nsọ Chiokike dụ risi, ọ zá nhne ọ bụ, kọvu nye ọbula ke jeeji golu zị n'Ọro Nsọ dụ risi jigwu ọgwo.’
24005	MAT 23:18	“Anụ karụ, ‘Nye ọbula ke jeeji ojo arịohna dụ risi, ọ zá nhne ọ bụ, kọvu nye ọbula ke jeeji nkesi zị n'olu a dụ risi jigwu ọgwo.’
24017	MAT 23:30	Anụ naakaa, ‘Ọ bụru nụ a zị n'ọbochi ele nda aị, a bo snóne be wụsi ọvnarna ele ọwhnurninya.’
24026	MAT 23:39	Kwnornu nụ ka, me kanụ, hite kịtna, anụ jọ́owhnu m berere dụ nga anụ jaakaa, ‘Chiokike gọzi nye wam ke naava nụ rẹwhna Nyenwe aị.’ ”
24083	MAT 25:6	“N'esilawụru abalị, be siri lụlo, ‘Le nye nọolu nnwerne ikne, anụ whụya, zne kwnusi a.’
24085	MAT 25:8	Ele iwhnirniwhno kanụ ele nwernu echiche, ‘Anụ nyebọsi aị agwna mọno anụ, tọnji aị neechni echni.’
24086	MAT 25:9	“Rụmu oknornokno wam nwernu echiche sarụ be, ‘Ọ́za, mọno a nwernu jóozunu aị nụ anụ, anụ zne n'aka ele neere mọno zụru mọno ke anụ.’
24088	MAT 25:11	“Omekwo rụmu oknornokno iwhnirniwhno wam varụ, nooznu aka n'ọnu-mgbo, naakaa, ‘Nyenwe aị, Nyenwe aị, gbamanụ aị ọro.’
24089	MAT 25:12	“Kọvu ọ sarụ be, ‘Me kanụ anụ ezi ọka, m máam ele anụ bụ.’
24097	MAT 25:20	Nye wam ke nahịaru talẹnti isne gweru talẹnti isne berere va, kaa, ‘Nyenwe m, i nyernu m talẹnti isne, kọvu le, m nwehịaru m mbnarna talẹnti isne berere.’
24098	MAT 25:21	“Nyenwe a kanụ a, ‘I mekwarụ nkarị, ọhi ọma, ke be kwesiri ọ kwnata mkpọma, i kwesiri be kwnata ị mkpọma nụ nhne ele nụ ele, m jeeme i nye risi agịda nhne. Vaa, snornu Nyenwe i n'ovu ọso n'ọnu a.’
24099	MAT 25:22	Nye ke nahịaru talẹnti lawụru varụ masị, kaa, ‘Nyenwe m, i nyernu m talẹnti lawụru, le m nwehịaru m mbnarna talẹnti lawụru berere.’
24100	MAT 25:23	“Nyenwe a kanụ a, ‘I mekwarụ nkarị, ọhi ọma ke be kwesiri ọ kwnata mkpọma, i kwesiri be kwnata ị mkpọma nụ nhne ele nụ ele, m jeeme i nye risi agịda nhne. Vaa, snornu Nyenwe i n'ovu ọso n'ọnu a.’
24102	MAT 25:25	Kam kpayarụ, ogwnu tụru m, m gweruru m talẹnti ị lite n'ẹli, le, gwehnarnụ ke bụ ke i.’
24113	MAT 25:36	M gbarụ m ẹto, anụ chịta m ikpe, m rịaru m nrịria, anụ leru nrịria, m zị m n'ọro ikelu anụ varụ lekwa m.’
24117	MAT 25:40	“Eze wam jaasa be, ‘Me kanụ anụ ezi ọka, kpakara nhne anụ mennu nye ka kakwo matị n'esilawụru rụmu nda m, anụ mennu me.’
24120	MAT 25:43	M bụ m nye izne, anụ kwúbnanyage m, m gbarụ m ẹto, anụ chị́tage m ikpe, m rịaru m nrịria, m zị m n'ọro ikelu, anụ lékwala m.’
24122	MAT 25:45	“Ọ jaasa be, ‘Me kanụ anụ ezi ọka, kwnornu nụ anụ ménnu a otu nye ke kakwo matị n'esilawụru ele ka, anụ ménnu m.’
24141	MAT 26:18	Ọ kanụ be, “Anụ zne ẹli-ọhna ka, znekwnusi nye nụ kpa, kanụ a, ‘Nye-zni-nhne karụ kpa, Ige m zị ndụndu, me nụ ele sno apna m jeeri Iriri Ọgawhe n'ọro ị.’ ”
24154	MAT 26:31	Nga wam, Jizọsi kanụ be, “Kpakara anụ jaagbakwo ẹso n'abalị tna, kwnornu nụ be gbarụ a n'ọkwukwo nsọ, kaa, ‘M joogbu nye nọoznu atnụrnu, atnụrnu a jaagbakemekwo.’
24241	MAT 27:43	Ọ tụkwasiri Chiokike mkpọma, ọ znọhia a kịtna, ọ bụru nụ ọ masịri a, kwnornu nụ ọ karụ, ‘M bụ m Nnwọ Chiokike.’ ”
24261	MAT 27:63	kaa, “Nda-aị-kwu, a chenwanyarnụ nụ nye nduwhu wam karụ nga ọ zị bụdnu, ‘Nga ọbochi ẹto whemernu, m jeehi n'ẹnwu lizọ.’
24277	MAT 28:13	Be kaa, “Anụ kaa, ‘Ele sno apna a varụ n'abalị nga a neezni anyarna znurnu iznu a.’
24287	MRK 1:3	Akpịri otu badnụ nọokpo okwo n'ẹli-ịkpa, naakaa, ‘Anụ mekwata apna Nyenwe aị, anụ mee ma apna a snịrni asnị.’ ”
24338	MRK 2:9	Ndaa ke zị ewheke, ọ kanụ nye ngeri ẹhni a dọnwurnu ọdonwu, ‘Be gbarụnam jị kpakara mmehie i,’ mọbu ọ kaa, ‘Lizọ, chịri etere i, zne izne.’
24404	MRK 4:12	ma ‘Be neele anya kpọi, gharụ ọ whnụ, nọonu nụ nsnị, gharụ ọ ghọhia, ọ zị be tụhnasna mkpọma hne Chiokike zị, nwehịa ọgbaru.’ ”
24539	MRK 7:7	Be nọokponu m risi ẹli n'etekne, neezni nhne badnụ nyernu n'iwu lele nụ ọ bụ iwu ke Chiokike.’
24542	MRK 7:10	Kwnornu nụ Mozizi karụ, ‘Sọbisinu nda ị nụ nne i,’ nụ ‘Nye ọbula ke jọovu nda a mọbu nne a ọnu, be gbu a.’
24726	MRK 11:17	O neezni nhne, naakaa, “Be gbarụ a n'ọkwukwo nsọ, kaa, ‘Be jookwu ọro m ọro okpukpe ke kpakara mba.’ Kọvu anụ mernu a ọ bụru ọbna ele buznu.”
24748	MRK 12:6	“Nyerukna wam nwernu otu badnụ ke gwnarnụ, bụ nnwọ ọ whnụrnu n'anya, o zizne a n'ipne-aznụ, kaa, ‘Be jọosobisinu nnwọ m.’
24749	MRK 12:7	“Kọvu nụ ele ẹrnu ẹkwu wam kwuritaru n'esilawụru be, ‘Ka bụ nye jeeri mkpe nye nwe ẹkwu ka, anụ va ma a gbu a, nhne mkpe a jọobu ke aị.’
24761	MRK 12:19	“Nye-zni-nhne, Mozizi gbarụ n'ọkwukwo nyee aị, kaa, ‘Ọ bụru nụ nwene rukna nyerukna nwụ, ghasa nnwerne a, kọvu nụ o nwée rụmu, nwene a rukna jọoluru nnwerne a mụhianu nwene a rukna rụmu.’
24772	MRK 12:30	I jọowhnu Nyenwe aị bụ Chiokike i n'anya, hite nụ kpakara mkpọma i, hite nụ kpakara enine i, hite nụ kpakara ọriri ị, hite nụ kpakara iknernema ị.’
24773	MRK 12:31	Ke ẹbo bụ ka, ‘I jọowhnu nye agbatibi i n'anya lele ẹhni ị.’ Ọ zá nhne berere be nyernu n'iwu ke kakwo ka.”
24778	MRK 12:36	Enine Nsọ hiri n'ọnu Devidi kwu ọka, kaa, ‘Nyenwe aị kannụ Nyenwe m, Dazịri ẹli n'akarikwnunga m, tem dụ nga me jaabịta ele irno i nụ mkpururu ọchi ị lawụru.’
24811	MRK 13:25	mbọ ke oligwe jaadna, kpakara iknernema ke zị oligwe joohnio ohnio.’
24850	MRK 14:27	Jizọsi kanụ be, “Kpakara anụ jaagbakwo ẹso, kwnornu nụ be gbarụ a n'ọkwukwo nsọ, kaa, ‘M joogbu nye nọoznu atnụrnu, atnụrnu a jaagbakeme.’
24881	MRK 14:58	“A nụrnu hne ọ karụ, ‘M jaakwnadna Ọro Nsọ Chiokike ka be jiri aka wu, n'ọbochi ẹto m joowu Ọro Nsọ berere ke be jíle aka wu.’ ”
24949	MRK 16:7	Kọvu anụ la, kanụ ele sno apna a nụ Pita, ‘O belem anụ ọsno neezne Galili, anụ jọowhnu a pịi, lele kpa ọ kannụ anụ.’ ”
25136	LUK 4:4	Jizọsi sarụ a, “Be gbarụ a n'ọkwukwo nsọ, kaa, ‘Ọ bụ́o brẹdi bụ nhne badnụ kpọi jeeri zịri bụdnu.’ ”
25140	LUK 4:8	Jizọsi sarụ a, “Be gbarụ a n'ọkwukwo nsọ, kaa, ‘Ị jọokponu Nyenwe i, Chiokike i risi ẹli, ọ bụ ya kpọi bụ nye i jeekpenu.’ ”
25143	LUK 4:11	Be jeegheru i n'aka be, ma ị gharụ ọ kpọbi ị ọchi nụ rugwu.’ ”
25144	LUK 4:12	Jizọsi sarụ a, “Be gbakwnornu a n'ọkwukwo nsọ, kaa, ‘Ị rná Nyenwe i, Chiokike i ọrnurna.’ ”
25155	LUK 4:23	Jizọsi kanụ be, “N'ezi anụ jọotnunu m elulu ka, ‘Wọdibia digba ẹhni ị, kpakara nhne a nụrnu i mernu nụ n'ẹli Kapanọm, mee be hna n'ẹli ị.’ ”
25291	LUK 7:27	Ka bụ nye wam be gbarụ nhne n'ọkwukwo nsọ gbasịri a, ‘M jeezizne nye izi m nụ ruwhnu i, nye jeemekwata apna nụ ruwhnu i.’
25296	LUK 7:32	Be nụ lele rụmu takịri dazịgwu n'ahịa noosukwu ibne be ikwu, kaa, ‘A kwannụ anụ eri, anụ tnége eri, A gwnụ eri mkpe anụ kwnáge ẹkwna.’
25297	LUK 7:33	Jọni Nye Wụ Mini varụ, o ríle wiri, nwọ́ge manya, anụ kaa, ‘O nwernu rẹnwu ọjo.’
25298	LUK 7:34	Nnwọ ke Badnụ varụ, neeri wiri, nọonwo manya, anụ kaa, ‘Nye ka bụ nye okne wiri nụ nye nwọ okne manya, enyi ele ọna ntụ nụ ele mmehie.’
25324	LUK 8:10	Jizọsi kanụ be, “Be mernu ma anụ mahịa nhne tugwaru otugwa ke ẹli-eze Chiokike, kọvu be jookwunu ele berere ọka n'elulu, ma, ‘Be neele anya, kọvu be jọ́owhnu ọsno, be noobno nsnị, kọvu be jọ́oghohia.’
25437	LUK 10:5	“Nga anụ bnarnụ ọro ọbula, anụ beru ọsno kaa, ‘Udno zịnu ọro ka.’
25441	LUK 10:9	Anụ gwọ ele nrịria zị pịi, anụ kanụ be, ‘Ẹli-eze Chiokike zị anụ ndụndu.’
25443	LUK 10:11	‘Ọ bụbedi rịzna ẹli anụ ke takwnụsiri n'ọchi aị, a lịsnarnu a megidne anụ. Kọvu anụ mahịa nụ ẹli-eze Chiokike zị ndụndu.’
25467	LUK 10:35	N'ekile a, o nyee nyenwe ọro ele izne wam ịwai, kanụ a, ‘Legidne a anya nkarị, me hiehna, m jọokwu ị nhne ọbula i mewhuru nụ risi.’