23217	MAT 1:4	Aramka, Aminadab suti wawata; Aminadabka, Naasón suti wawata; Naasonka, Salmón suti wawata;
23232	MAT 1:19	Paipa kusa tukunga Joseka kawarka, paipa warmi ña wam­bra­wa ungug kagta. Pai, alli runa kaspa, mana munarka, sug­kunapa ñawipi pinga­ia­chin­gapa. Nispa iuia­rirka, pai­manda pakalla sitaspa anchu­rin­gapa.
23254	MAT 2:16	Herodeska iuia­rig­samurka: “Nuka imasa nis­ka­sina, magu­kuna mana willa­wag­samur­ka­kuna”. Chi­wanka, iapa rabia­wa tukug­samurka. Nispaka, sul­da­du­kunata Belén pui­bluma chi suiu kaugsa­nakuska­pagma kacharka, tukui manara iskai wata­iug kari wam­bra­kunata wañu­chin­gapa. Istri­lla ima­ura kawa­ris­kata magu­kunata alli­lla tapu­chis­ka­wa iuia­rispasi chasa kacharka.
23260	MAT 2:22	Chaiag­samuspaka, iachar­ka­kuna, Arkelao suti Herodespa wam­bra, Judea alpa­lla­pita mandag kagta. Chasa iachaspaka, mancha­rirka chi alpapi kaug­sag­rin­gapa. Nispa, muskui ukupi paita willai tukuspa, Galilea suti alpama rir­ka­kuna.
23261	MAT 2:23	Chima chaiag­rispaka, Nazaret suti pui­blupi kaug­sai kalla­rir­ka­kuna. Chasami Santu Ispi­ri­tu­wa ñug­pata willa­raias­ka­sina tukug­samurka. Kasa­mi willa­raiarka: “Paika, naza­reno sutimi kan­gapa ka”.
23270	MAT 3:9	Mana iuia­rispa kai­chi: “Ñug­pa­manda taita Abra­hampa iawarmi kan­chi”. Niiki­chitami: Taita Dius munag­pika, kai rumi­kuna­pas pudin­kunami, Abra­hampa wam­bra­kuna tukug­samun­ga­kuna.
23275	MAT 3:14	Juanka, piña­rispa nirka: —¿Imapatak chasa maña­waspa samu­kungi? Nuka­ta­mi iukarkangi, kam baug­ti­sa­wanga.
23280	MAT 4:2	Chusku chunga puncha tuta­kuna­wan­ta­mi Jesús mana ñi imapas mikuspa­lla chisia­kurka. Nispaka, iapa iarkai­manda iuia­chig­samurka.
23283	MAT 4:5	Nispaka chi iaia kuku, Jeru­sa­lén suti Taita Diuspa­lla kaska pui­bluma pusaspa, Diuspa atun wasi awa puntapi saia­chig­rirka.
23284	MAT 4:6	Nis­paka, nirka: —Kam Diuspa wam­bra kagpika, alpama sita­rii. Ñug­pa­manda librupi, kasa­mi willa­raiá: Taita Dius, paipa anjil­kuna­ta­mi ninga, kamta kawag­samun­gapa. Pai­kunapa makipimi urman­kangi. Chasaka, mana rumipi u ima­pipas chaki taka­rin­kan­gi­chu.
23287	MAT 4:9	Nis­paka, nirka: —Kam kungu­ri­wagpika, tukui kawarkangi: chi­kuna­ta­mi karasaki.
23288	MAT 4:10	Chi­ura Jesuska, chi iaia kukuta nirka: —Nuka­pa ñawi­manda anchu­rii. Ñug­pa­manda librupi, kasa­mi willa­raiá: Kamba atun Taita Dius­lla­ta kungu­rispa kangi. Pai ima niska­lla­ta­mi iukangi ruraspa kanga.
23291	MAT 4:13	Manima Naza­ret pui­blupi kida­rirka. Kafar­naum suti pui­blu­pi­mi kaug­sai kalla­rirka. Chi Kafarnaumka, Galilea atun kucha ladu­pi­mi ka, Zabulón i Nef­talí suti ñug­pa­manda taita­kuna kaug­saska alpapi.
23293	MAT 4:15	Zabulón i Neftalipa alpa­kuna­pi, atun kuchama ri­diru ñambi ladu suiu, Jordán iaku sug ladu chimba, Galilea alpapimi Taita Diusta mana rigsig­kuna kaug­san­kuna.
23312	MAT 5:9	—Rabia­wa kag­kunata pasin­sia­chig­kuna­pas, Taita Diuspa iapa kuiaskami kan­gi­chi. Chasa rurag­kunata, pai nin­ga­pa­mi ka: “Nuka­pa wam­bra­kuna­mi kan­gi­chi”.
23314	MAT 5:11	—Nuka­manda iuia­rispa, mai­kan­pas kam­kunata kamispa, mana suma ruraspa, kam­kuna­manda llullaspa jucha­chispa rimagpi­kunaka, Taita Diuspa iapa kuias­kami kan­gi­chi.
23360	MAT 6:9	Chi­manda kam­kuna, Taita Diusta maña­na­ku­ura, kasa nin­gi­chi: Nukan­chipa Atun Taita, suma luar­pi­mi kangi. Kam tukuipi mas alli kagta tukui­kuna ni­sun­chi.
23361	MAT 6:10	Nukan­chi­wa samui, iaia kan­gapa. Imasami suma luarpi kam munas­kata ruran­kuna: chasa­lla­ta kai alpa­pipas rura­sun­chi.
23363	MAT 6:12	Nukan­chi ima panda­ris­ka­kunata pasin­siai. Chasa­lla­ta nukan­chipas, sug­kuna ima llaki­chis­ka­kunata pasin­sian­chimi.
23388	MAT 7:3	—Nigpika, ¿imapatak sugpa ñawipi juitu­riska ugsata kawa­kungi; ikuti kam kikinpa ñawipi sug atun ugsa juitu­riska iukas­ka­taka mana kawa­ringi?
23396	MAT 7:11	Kam­kuna, mana alli kaspa­pas, kam­kunapa wam­bra­kunata suma imapas karan­gi­chi. Nigpika kam­kunapa Taita suma luarpi kagka, ¿ima­wantak mana sumag­lla kara­munga, mai­kan suma mañagpika?
23400	MAT 7:15	—Iuiaipilla uian­gi­chi. Llulla­kuna­mi tia, kasa nispa: “Santu Ispi­ri­tu­wa rimagmi kani”. Chi­kuna, ubija­sina alli kawa­rispa­mi kam­kuna­pagma samun­ga­kuna. Nigpika pai­kunapa iuiai­pika, sug sacha alku ima­ta­pas mikun­gapa iuiai­wa kag­sina­mi kan­kuna.
23406	MAT 7:21	—Achkakunami nukata: “Iaia Jesús, Iaia Jesús” ni­wan­kuna. Chasa ni­wag­kuna, tukui­kunaka suma luarma mana iaikug­rin­gapa kan­kunachu. Nuka­pa Taita suma luarpi kag imasa pai munas­ka­sina alli rurag­kuna­lla­mi iaikug­rin­gapa kan­kuna.
23408	MAT 7:23	—Nukaka, chi­ura ainin­ga­pa­mi kani: “Kam­kunata mana ima­ura­pas rigsii­ki­chitachu. Kam­kuna mana alli­lla rurag­kuna, nuka­pa ñawi­manda anchu­rii­chi”.
23421	MAT 8:7	Chi­ura, Jesús nirka: —Nuka, kam­bagma rispa, alia­chig­ri­sami.
23423	MAT 8:9	Nuka­pas, sug­kuna manda­was­ka­pi­mi kani. Chasa­lla­ta nuka­pas, sug sul­da­du­kunata mandagmi kani. Mai­kan sulda­duta nuka “Rii” nisa; chi­ura rin­llami. Ikuti mai­kanta: “Samui” nisa; chi­ura samun­llami. Nuka­pa lu­trin­ta: “Kasa rurai” nisa; chi­ura ruran­llami.
23424	MAT 8:10	Chi­ura Jesús, chi runata ujna­rispa uiarka. Nispaka, kati­raiag­kunata nirka: —Kasami nuka nii­ki­chita: ñi mai­kan Israel­manda runa, kai mandag­sina suma alli­lla iuia­wag mana tarirka­nichu.
23431	MAT 8:17	Chasami tukug­samurka, Isaías suti Santu Ispi­ri­tu­wa rimag ñug­pata willas­ka­sina. Kasa­mi willa­raiarka: “Nukan­chipa llakii i ungui­kuna­ta­pas­mi pai aparka”.
23436	MAT 8:22	Jesuska ainirka: —Kati­wailla. Nukata mana iuia­ri­wag­kuna pamba­chu­kuna.
23445	MAT 8:31	Nigpika chi runa­kunapi kag kuku waira­kunaka, Jesusta mañar­ka­kuna, kasa nispa: —Kai­manda nukan­chita llugsi­chispaka, kachai, chi kuchi­kunapa ukuma iaikug­rin­gapa.
23448	MAT 8:34	Chi uiag­kunaka, chi pui­blu­manda tukui­kuna llugsi­rir­ka­kuna, Jesus­wa tupa­na­kun­gapa. Paita kawag­rispaka, mañar­ka­kuna: —Nukan­chipa alpa­manda llugsi­puai.
23466	MAT 9:18	Jesús chara rima­kug­lla­pi, sug mandag runa, kailla­iaspa, kungu­rispa, paita nirka: —Nuka­pa warmi wam­bra, kuna­ura­lla­mi wañupuá. Kamba maki chura­puag­rii. Chasaka, kaug­sa­ri­puan­ga­pa­mi ka.
23470	MAT 9:22	Jesuska, tigra­rispa, chi warmita kawaspa, nirka: —Kam warmisita, mana llaki­kui. Nuka­manda suma iuia­riska­mandami ambi­rig­samurkangi. Chasa nig­lla­pi, chi ungui anchu­rirka.
23478	MAT 9:30	Chasa ni­ura, alli­lla kawai pudir­ka­kuna. Nispaka, Jesús nir­ka­kunata: —¡Ujala­llapas sug­kunata willa­na­kun­gi­chi!
23485	MAT 9:37	Nispaka, paita kati­raiag­kunata chi runa­kuna­manda kasa nirka: —Pallan­gapaka, achkami tia. Nigpika pallag­kunaka, mai­lla­mi tian­kuna.
23487	MAT 10:1	Chi­ura­manda Jesuska, pai­pa chunga iskai kati­ra­iag­kunata kaiarka. Nispaka kuarka, pai­kuna kuku waira­kunata llugsi­chii, ima ungui­wa i nanai­wa kas­ka­kuna­ta­pas ambii pudin­gapa.
23511	MAT 10:25	Iachai­kug­kunata iacha­chigta­sina suma kawagpi­kuna, alli­lla­mi kantra. Chasa­lla­ta, lutrin­kunata kikinpata­sina suma kawagpi­kuna, alli­lla­mi kantra. Nuka­taka wasi duiñu­sina­ta­mi kami­wan­kuna, kasa nispa: “Beel­zebú suti iaia kuku­wa­mi kangi”. Chasa nukata kami­wagpika, mas­char nuka ima nis­kata rurag­kunata kami­puan­ga­kuna.
23513	MAT 10:27	Nuka tutapi kam­kunata ima nis­kata punchapi willan­gi­chi. Chasa­lla­ta, ima pakalla uias­ka­ta­pas wasi awa­manda sin­chi kapa­rispa willan­gi­chi.
23520	MAT 10:34	—Mana iuia­na­kui­chi nuka kai alpama samugta, tukui sumag­lla kaug­sa­na­kun­gapa. Mana chasa­manda samurka­nichu. Nuka samug­manda, maka­na­kug­sina­mi tian­gapa ka.
23521	MAT 10:35	Nuka samug­mandami taitan­di­wa wam­brandi­wa mana alli­lla kaug­sa­na­kun­gapa ka. Chasa­lla­ta, mamandi­wa warmi wam­bran­di­wa, suigran­di­wa nuiran­di­wa mana alli­lla­mi kaug­sa­na­kun­gapa kan­kuna.
23538	MAT 11:10	Pai­mandami kasa ni­raiá: Kawai. Nuka ima nis­kata willagta kamba ñug­pa­mi kacha­kuni, kam­manda ñambi­kunata alli­chipun­gapa.
23545	MAT 11:17	Chipika, pai­pura kapa­ri­nakú: “Nukan­chi flaugta uia­chigpi­pas, mana bailangi­chi­chu. Lla­kispa kantagpi­pas, mana wakangi­chi­chu”.
23555	MAT 11:27	Kasapasmi Jesús nirka: —Nuka­pa Taita, tukuimi nuka­ta kara­waska ka. Paipa wam­bra nuka kagta, ñi mai­kan runa­pas mana iachan­kunachu. Nuka­pa Taita­lla­mi rigsi­wá. Chasa­lla­ta, nuka­pa Taitata mana pipas rigsin­kunachu. Nuka­lla­mi rigsi­ni, paipa wam­bra kaspa. Mai­kan nuka munas­ka­kuna­lla­mi nuka­pa Taitata rigsin­gapa kan­kuna.
23556	MAT 11:28	—Tukui­kuna saikui­wa i llakii­wa kag­kuna, nuka­wa samui­chi. Nukami tukuipi sama­chi­sa­ki­chita.
23557	MAT 11:29	Wagra­kunapa iugu churas­ka­sina nuka ima iacha­chis­kata chaskii­chi. Nukata iachai­ku­wai­chi, nuka imasa uchulla­kuna­sina sumag­lla iuiag, mana subirbi ima­pipas kas­kata.
23558	MAT 11:30	Nuka ima iacha­chiska, mana llasa iugu churas­ka­sina­mi ka. Chi­wanka, nukata iachai­ku­waspaka, kam kikin­kunapa almapi alli iuia­chi­riimi tarispa iukan­kan­gi­chi.
23574	MAT 12:16	Chasa ambis­paka, nir­ka­kunata: —Nuka­manda mana willa­na­kun­gi­chi, nuka pi kagta.
23576	MAT 12:18	Kaimi ka nuka­pa lutrin­sina, nuka imasa nis­kata rurag. Paimi nuka agllaska i kuiaska kapuá. Paita kawaspa, iapa­mi alli iuia­chii­wa kawani. Nuka­pa Santu Ispi­ri­tu­ta­mi paita karan­gapa kani. Chi­wanka, tukui alpa­manda runa­kuna­ta­mi pai willan­gapa ka, nuka imasa alli­lla justi­sian­gapa kagta.
23599	MAT 12:41	—Taita Dius justi­siai ruran­ga­pa puncha chaia­ura, Níneve pui­blu­manda kag­kuna saia­rispa­mi kuna­ura­manda runa­kunata nin­ga­pa kan­kuna: “Mana alli­lla rurag­kuna­mi kan­gi­chi”. Chi Nineve­manda runa­kuna, Jonás ima willas­kata uiaspaka, alli rurai­kuna­ma­mi tigrar­ka­kuna. Kai rima­kug­ka, Jonas­manda­pas mas iachami ka.
23608	MAT 12:50	Nuka­pa Taita suma luarpi kag, pai imasa munas­ka­sina mai­kan­pas ruragmi nuka­pa waugki, nuka­pa pani, nuka­pa mama ni­raiá.
23614	MAT 13:6	Nigpika, indi piaspa, rupa­chirka. Mana achka angu­iug kas­paka, utkalla chaki­rir­ka­kuna.
23615	MAT 13:7	—Sug similla­kunaka, ispina sacha­kuna tias­kapisi urmar­ka­kuna. Nigpika, ispina sacha wiñarka, similla­kunata kilpagta.
23629	MAT 13:21	Nispaka, imasa­mi chi mana achka angu­iug similla­kuna tukú: chasa­lla­ta sug ratu­lla­mi Taita Diuswa iuia­rispa kan­kuna. Ima Diuspa Rimai­manda unz̈agpi­kunaka, llakiimi apig­samú. Chi­ura­manda, mana mas Taita Diuswa iuia­rin­gapa munan­kunachu.
23633	MAT 13:25	Nigpika, tukui­kuna puñu­na­kun­kama, pai­wa mana munag runa cha­gra­pi iaikurka. Chi runaka, mana alli ugsa, trigu chaugpipi susu­chispasi rirka.
23644	MAT 13:36	Chi­ura­manda Jesús, chi runa­kunata: “Kaia­kama” nispaka, wasi­ma rirka. Chi­ura paita kati­raiag­kunaka, kailla­iaspa, nir­ka­kuna: —Nukan­chita willai: mana alli ugsa chagrapi susu­chig­samuska­manda parlu, ¿imatak ni­raiá?
23650	MAT 13:42	Nispaka, iapa atun nina rupa­kuska­ma­mi sitan­gapa kan­kuna. Chipi, iapa llakispa, wakaspa, kiru mukuspa­mi kan­gapa kan­kuna.
23652	MAT 13:44	Kasapasmi Jesús nir­ka­kunata: —Suma luar­manda mandai, achka kuri kulki alpa ukuma pam­baska tias­ka­sina­mi ni­raiá. Chi kuri kulkita, sug runa tarispaka, chi­lla­pita pakaspasi sakirka. Nispaka, iapa kun­tin­ta­rispa rirka. Tukui ima iukas­kata katuspa, chi alpa­tasi randirka.
23658	MAT 13:50	Nispaka, iapa atun nina rupa­kus­ka­pi­mi sitan­gapa kan­kuna. Chipi, iapa llakispa, wakaspa, kiru mukuspa­mi kan­gapa kan­kuna.
23659	MAT 13:51	Chasa nispaka, Jesús tapur­ka­kunata: —Nuka kam­kunata tukui ima rimaska, ¿ñachu iuia­rin­gi­chi ima ni­raiagta? —Ari— ainir­ka­kuna.
23671	MAT 14:5	Chasa piña­kug­manda Hero­des, Juanta wañu­chin­gapasi muna­kurka. Nigpika, chi alpapi kaug­sa­na­kuska runa­kunata manchai iukarka. Chi runa­kuna, Juan­manda ni­na­kurka: “Santu Ispi­ri­tu­wa rimagmi ka”.
23678	MAT 14:12	Juanwa purig­kuna, chasa pasa­rigta iachaspaka, kuir­puta apag­rispa, pambag­rir­ka­kuna. Nis­paka, Jesusta willag­rir­ka­kuna.
23685	MAT 14:19	Nispaka, chipi kag­kunata nirka: —Ugsapi tia­rii­chi. Tia­ri­ura, chi pichka tandata i iskai chalwata chari­rispa, awa­sina­ma kawaspa, “Pai Siñur” Taita Diusta nirka. Tanda­kunata piti­chispaka, kati­raiag­kunata kuaspa richirka. Chi­ura, tukui­kunata karaspa apar­ka­kuna.
23686	MAT 14:20	Tukuikunami sagsagta mikur­ka­kuna. Nispaka, chunga iskai saparu junda piti piti­kuna tanda­chir­ka­kuna.
23688	MAT 14:22	Chi­ura­lla Jesuska, paita kati­raiag­kunata nirka: —Kanuama iaikui­chi. Sug ladu chimba ialii­chi. Nukaka, kai tukui runa­kunata: “Kaia­kama” nispa, kacha­sa­kunata—.
23693	MAT 14:27	Kapa­rig­lla­pi, Jesuska nir­ka­kunata: —Sin­chi iuiai­chi. Nukami kani. Mana mancha­na­kui­chi.
23696	MAT 14:30	Chasa ri­ku­ura, sin­chi waira pia­kug­manda, iapa mancha­rirka. Nispaka, ri­kuska iaku ukuma junda­rii kalla­rispa, kapa­rirka: —Taita waugki, kispi­chi­wai.
23703	MAT 15:1	Chi­ura­manda sug fari­seo­kuna i Moisés ima nis­kata iacha­chig taita­kuna, Jeru­salen­manda chaiag­rir­ka­kuna. Nispaka, Jesus­pagma kailla­iaspa, kasa tapur­ka­kuna:
23707	MAT 15:5	Ikuti kam­kunaka, kasa­mi iacha­chin­gi­chi, mai­kanpa taitata u mamata nin­gapa: “Nuka mana pudii­ki­chitachu aidan­gapa. Tukui nuka ima iukaska, Taita Dius­ta karaskami ni­raiá”.
23711	MAT 15:9	Iangami nukata kungu­ri­wag­sina ruran­kuna. Nuka nis­kata iacha­chinga­taka, runa­pura imasa ruran­gapa niska­lla­ta­mi iacha­chin­kuna.
23724	MAT 15:22	Chi­uraka sug warmi, chi Kanaán suti alpa­manda pai­pagma kailla­iaspa, kasa nispa kapa­rirka: —Davidpa wam­bra Iaia Jesús, nuka­manda llaki­ri­puai. Nuka­pa warmi wam­brata kuku waira iai­kus­pa­mi iapa nana­chi­pua­ku.
23725	MAT 15:23	Jesuska, mana imapas ai­nirka. Nigpika kati­raiag­kuna, pai­pag­ma kailla­iaspa, nir­ka­kuna: —Chi warmita, ¿imapatak mana pai­pagma kachangi? Iapa­mi kapa­rispa kapa­rispa kati­chi­mu­ku.
23738	MAT 15:36	Nispaka, chi kan­chis tandata i chalwa­kunata chari­rispa, “Pai Siñur” Taita Dius­ta nirka. Chi­ura­lla piti­chispa, kati­raiag­kunata kuaspa richirka. Pai­kunaka, tukui­kunata karaspa apar­ka­kuna.
23739	MAT 15:37	Tukuikunami sagsagta mikur­ka­kuna. Nispaka, kan­chis saparu junda piti piti­kuna tanda­chir­ka­kuna.
23749	MAT 16:8	Chi rima­na­kus­kata uiaspa, Jesuska nirka: —¿Imapatak ni­na­kun­gi­chi: “Tan­da mana apa­muska­mandami chasa nukan­chita ni­ku”? Nuka­mandaka, ¿imapatak mana mas suma alli­lla iuia­rin­gi­chi?
23750	MAT 16:9	¿Ima­wantak, uia­waspa­pas, kam­kuna­pa umapika manara iaikú? Nuka pichka tandata piti­chi­uraka, pichka waranga runa­kuna mikur­ka­kuna; chi puchus­ka­kunataka, ¿mana­chu iuia­rin­gi­chi, mai­tuku saparu junda tanda­chigta­kuna?
23758	MAT 16:17	Chi­ura, Jesuska nirka: —Kam Jonaspa wam­bra Simón, Taita Diuspa iapa kuiaskami kangi. Ñi mai­kan runapas, kamta mana iuia­chirkachu, chasa ainin­gapa. Nuka­pa Taita suma luarpi kagmi kamta chasa iuia­chirka.
23759	MAT 16:18	Nuka kam­ta­mi niiki: kam, Pedro u rumi­mi ni­raiangi. Kai atun rumipi wasi­chig­sina­mi iglisia tukus­ka­kunata mira­chin­gapa kani. Chitaka, mai­tuku infirnu­manda puchukan­gapa muna­na­kugpi­pas, mana puchu­kai pudin­gapa kan­kunachu.
23762	MAT 16:21	Chi­ura­manda Jesuska, paita kati­raiag­kunata iacha­chii kalla­rirka, kasa nispa: —Nukata, Jeru­salenma rin­ga­pa­mi chaia­wa­ku. Chipika, iaia sasir­duti­kuna, Moisés ima nis­kata iacha­chig taita­kuna i sug taita­kuna­pas iapa llakii i nanaimi pasa­chi­wan­gapa kan­kuna. Nukata wañu­chi­wan­ga­pa­mi kan­kuna. Chasa wañuska kaspa­pas, kimsa puncha­pika ikutimi kaug­sa­rin­gapa kani.
23764	MAT 16:23	Chi­ura Jesuska, tigra­rispa, Pedrota nirka: —Nuka­pa ladu­manda, iaia kuku, anchu­rii. Kam chasa ni­was­paka, panda­chi­wan­ga­pa­mi muna­kungi. Kam mana iuia­kungi­chu Taita Dius imasa iuia­kus­ka­sina. Runa­kunapa iuiai­lla­wa­mi chasa iuia­kungi.
23779	MAT 17:10	Chi­ura kati­raiag­kuna, paita tapur­ka­kuna: —Nigpi, ¿imapatak Moisés ima nis­kata iacha­chig taita­kuna nin­kuna: “Elias­ta­mi chaia­ku, Taita Dius agllaska Cristopa ñug­pa samun­gapa”?
23784	MAT 17:15	—Taita waugki, nuka­pa wam­bra­manda llaki­ri­puai. Wañui ungui­wa iapa llakinga­sina­mi kapuá. Nina­pi i iakupi achka biajimi urma­puá.
23785	MAT 17:16	Chi­mandami kamta kati­raiag­kuna­pagma apa­muspa kawa­chirkani. Nigpika, pai­kuna manima ambi­puan­gapa pudir­ka­kunachu.
23795	MAT 17:26	—Sug­kunata— Pedro ainirka. Chi­ura, Jesuska nirka: —Nigpi, wam­bra­kunataka mana pagan­gapa chaianchu.
23818	MAT 18:22	Jesuska ainirka: —Mana niikichu, kan­chis biaji­kamalla pasin­sian­gapa. Niikimi, kan­chis chungata kan­chis biaji ialig­ta­pas pasin­sian­gapa.
23821	MAT 18:25	Nigpika, mana kuti­chin­ga­pa pudi­kug­manda, chi mandag, jus­ti­sia­kunata nirkasi: “Paita, warmin­dita, wam­bra­kunata i tukui ima tia­pus­ka­kuna­ta­pas katug­rii­chi, imasa maña­chis­ka­sina kuti­chi­wan­ga­pa”.
23823	MAT 18:27	—Chasa maña­ura mandagka, suma llaki­rispa, piunta uiaspa, tukui maña­chis­kata pasin­siarka. Nispaka, sakirkasi rin­gapa.
23824	MAT 18:28	—Ri­ku­ura, pai piun­pura kawa­na­kurka. Chi sug piuntaka patsa billitisi pai maña­chiska karka. Chita kawaspaka, kungapi apispa, sipi­kug­sina chari­rispa, nirka: “Nuka­pa kulkita kuti­chi­wai”.
23825	MAT 18:29	—Chi­ura chi sug piun, kungu­rispa, mañai kalla­rirka, kasa nispa: “Nuka­manda llaki­rii. Suia­wai. Tukuimi kuti­chi­saki”.
23827	MAT 18:31	—Pai piun­pura, chasa kawas­paka, iapasi llaki­rir­ka­kuna. Nis­paka, chi mandagta tukui imasa kawaska willag­rir­ka­kuna.
23829	MAT 18:33	Nuka kamta suma­mi llaki­rirkaiki. Nigpika kam­ta­pas, ¿manachu chaia­kurka, chasa­lla­ta kam piun­pura llaki­rin­gapa?”.
23838	MAT 19:7	Pai­kunaka tapur­ka­kuna: —Nigpika, ¿imapatak Moisés sakirka, kusa, sug iskribiska war­mi­ta kuaspaka, ña paitaka sitaska ni­raian­gapa?
23846	MAT 19:15	Chasa nispaka, wawa­kunata maki churarka. Nispaka, chi­manda llugsispa rirka.
23851	MAT 19:20	Chasa uiaspa, chi musu nirka: —Tukui chi nis­kata chasa ruras­pa­mi kaug­sani. Ni­wai: ¿imatak pisi­wa­ku?
23852	MAT 19:21	Chi­ura, Jesuska ainirka: —Kam tukuipi alli kan­gapa munas­paka, kuna­ura­lla rii. Tukui ima iukas­kata katug­rii. Katuska kulki­taka mana iukas­ka­kunata tukui­ta karag­rii. Chasa ruraspaka, suma luarpi iapa iukagmi tukun­ga­pa kangi. Nispaka samungi, nuka­ta kati­wan­gapa.