42	GEN 2:11	Ume kubä wäpi Pison, unitä Havila kome kudupken kuŋat moreŋkuk. Kome uken gol mobä kome gänaŋ itkuk.
76	GEN 3:20	Eruk, Adam webeni unitä ämawebe kuduptagän täŋo miŋi intäjukun yäput peŋkuk. Unita Adamtä webeni wäpi Iv yäŋ iwetkuk.
81	GEN 4:1	Täŋpäkaŋ Adamtä webeni Ivkät yanäpi täŋpäŋ kuŋarirän nanak kok itpäŋ nanak wäpi Kein bäyaŋkuk. Bäyaŋpäŋ yäŋkuk; Yawetä täŋkentäŋ namiŋirän nanak kubä bäyatat yäk.
237	GEN 10:2	Jafet täŋo nanakiye wäpi ŋode; Gome, Magok, Madai, Javan, Tubal, Mesek ba Tiras.
239	GEN 10:4	Javan täŋo nanakiye wäpi Elisa, Tasis. Täŋkaŋ ämawebe Saipras kenta Dodan komeken nanik u imaka, Javantä äbotken nanik.
242	GEN 10:7	Kus täŋo nanakiye wäpi ŋode; Seba, Havila, Sapta, Rama, Sapteka. Rama uwä nanakiyat wäpi Seba kenta Dedan.
246	GEN 10:11	Eruk, Babilonia kome peŋpeŋ Asiria komeken kuŋkuk. Kome uken yotpärare wäpi Ninive, Rehobot, Kala, Resen täŋkuk.
247	GEN 10:12	Resen yotpärare uwä Ninive Kala yotpärare bämopiken itak. U yotpärare pähap.
250	GEN 10:15	Kenan nanaki wäpi Saidon intäjukun ahäŋkuk. Saidon ahäŋkuko u punin terak Kenan täŋo yeri äbot ätu wäpi ŋode ahäŋkuŋ; Hit, Jebus, Amo, Gilgas, Hivi, Alka, Sini, Alvat, Semar, Hamat. Äbot ude ahäŋ yäpmäŋ kuŋkuŋ. Kadäni u punin terak Kenan nanakiye täŋo äbori äbori uken-uken kuŋtäŋpä kuŋkuŋ.
261	GEN 10:26	Joktan unitäŋo nanakiye wäpi ŋode; Almodat, Selep, Hasamawet, Jera, Hadoram, Usal, Dikla, Obal, Abimael, Seba, Ofi, Havila ba Jobap. Äma u kudup Joktan nanakiye.
308	GEN 12:9	Täŋpäŋ äneŋi akumaŋ Negev komeken kuŋkuk.
320	GEN 13:1	Täŋpäŋ Abramtä webeni, Lot ba tuŋumi kudup yäŋ-butuwänkaŋ Isip kome peŋpeŋ Negev komeken äneŋi äroŋkuŋ.
322	GEN 13:3	Eruk, Negev kome u peŋpeŋ kuŋtäŋgän Betel kome bian itkukken u ahäŋpäŋ itkuk. Betel kome, Ai kome bämopiken bian yottaba täŋpäŋ mobä bukä täŋkukken u kuŋpäŋä Yawe iniŋ oretkuk.
338	GEN 14:1	Kadäni uken äma Sodom, Gomora, Atma, Seboim ba Soa komeken naniktä Elam kome täŋo intäjukun äma wäpi Kedolaomi unitäŋo gämoriken obaŋ 12 ude it yäpmäŋ äbäŋkä eruk obaŋ 13 uken gaŋani pähap nadäŋpäŋ intäjukun ämaniye wäpi Bela, Bisa, Sinap ba Semebetä bänep kubägän täŋpäŋ Kedolaomi, komi piä täŋ yämiŋkuko ukät ämik pewä ahäkta yäŋpäŋ-nadäŋkuŋ. Ude täŋirä obaŋ 14 uken Kedolaomi, Elam kome täŋo intäjukun äma unitä kome ätu täŋo intäjukun ämakät äboriyeta gera yäŋpewä ämikken täŋkentäŋ imikta äbuŋ. Täŋkentäŋ imikta äbuŋo u Babilonia, Elasa ba Goim kome unitäŋo intäjukun äma wäpi Amrafel, Ariok, Tidal. Eruk intäjukun äma ukät äboriye äbäkaŋ pengän kome ätukät ämik täŋpäŋ kehäromini yäpmäŋ äpuŋ. Äma äbot-äbot kehäromini yäpmäŋ äpuŋo u wäpi Refa, Sus, Em, Hol. Täŋkaŋ kome ŋodeken ämik täŋkuŋ; Asterot-Kanaim, Ham, Save-Kiriataim, ba Sei kome täŋo pomkentä päŋku Elparan, kome jopi dubiniken itak u. Täŋpäkaŋ äbot ätu u kehäromini yäpmäŋ äpäŋkaŋ eruk äyäŋut päŋku Enmispat kome, wäpi kubä Kades u kuŋkuŋ. Kuŋpäŋ uken Amalek äbot kuduptagän däpmäŋpäŋ yäwat kireŋkuŋ. Ude täŋkaŋ Amo äbotken nanik Hasason-Tama komeken irani u däpuŋ.
354	GEN 14:17	Täŋkaŋ Abram Elam täŋo intäjukun äma Kedolaomi ukät intäjukun äma noriye däpmäŋpäŋ yäwat kirewä kuŋirä eruk äyäŋutpäŋ komeniken kuŋkuk. Kuŋirän Sodom täŋo intäjukun äma Abram käwayäŋ Save Awaŋ komeken ahäŋ imiŋkuk. (Save Awaŋ kome u wäpi kubä Intäjukun Äma Täŋo Awaŋ.)
497	GEN 20:1	Abrahamtä Mamre kome peŋpeŋ kome taŋi kubä wäpi Negev uken kuŋkuk. Negev kome u Kades Su kome bämopiken uken. Täŋpäŋ Abrahamtä yotpärare kubä wäpi Gera uken itkuk.
654	GEN 24:62	Täŋpäkaŋ kadäni uken Aisak ume kubä wäpi Irit Mähemitä Nabäk Täyak u peŋpeŋ Negev kome päŋku it täŋkukonik.
677	GEN 25:18	Ismael oraniye täŋo irit kome uwä Havila kenta Su kome u bämopiken, u Isip kome täŋo edaptä äbani kädatä päŋku Asiria baganiken it yäpmäŋ kuŋkuŋonik. Täŋkaŋ Ismael oraniye täŋo äbot unitä Abraham täŋo nanakiye ätukät not nämo täŋpäŋ inigän inigän it täŋkuŋonik.
830	GEN 29:34	Ude täŋkaŋ it yäpmäŋ äroŋpäŋä äneŋi nanak kok itpäŋ kubä bäyaŋpäŋ yäŋkuk; Eruk, näk nanak yaräkubä bäyaŋ imitat unita äpnatä näka gäripi bureni api nadäwek yäk. Mebäri unita wäpi Livai yäŋ iwetkuk.
983	GEN 34:2	Kuŋirän äma kubä wäpi Sekem unitä Daina u kaŋgärip täŋpäŋ iwarän täŋpäŋ iŋitpäŋ waki täŋ imiŋkuk. Sekem nani wäpi Hamo uwä Hivitä äbotken nanik, kome unitäŋo intäjukun äma itkuk.
1006	GEN 34:25	Eruk, gupi moräk madäŋkuŋo kepma yaräkubä ude täreŋirän unitäŋo komi nämo paorirä Daina wanoriyat, Simeon kenta Livai, yarä unitä ämik täkta päip yäpmäŋpäŋ käbop peŋkaŋ äma täga dapun jop täŋyäkŋatkaŋ yotpärare u kuŋatkumäno u naniktä yabäŋpäŋ-nadäk nämo täŋkuŋ. Yabäŋpäŋ-nadäk nämo täŋirä Simeon kenta Livai ämik pewän ahäŋkuŋ. Ämik täŋpäŋ Sekem yanani ba ämaniye kudup kumäŋ-kumäŋ däpumän. Däpmäŋpäŋ Daina Sekemtä yäpukopäŋ imagut yäpmäŋ kuŋkumän.
1011	GEN 34:30	Ude täŋirän nani Jekoptä biŋam nadäŋpäŋ kikŋutpäŋ Simeon kenta Livai yäwetkuk; Wa! Ek ämawebe ŋo nanik iŋamiken näk wäpna täŋpän wakaŋ yäk. Ektä ude täŋirän Kenantä äbotken nanik ba Perestä äbotken nanik ba äbot kuduptagän näka gaŋani pähap api nadäŋ namineŋ. Näkä äbotken äma mäyap nämo ŋo unita äma äbori äbori unitä yäŋ-akuŋpäŋä nin nädamiŋi-nani kumän api nidäpneŋ yäk.
1035	GEN 35:23	Jekop täŋo nanakiye 12. Webeni Leatä bäyaŋkuko uwä ŋode; Ruben u intäjukun nanik. Mädenä Simeon, Livai, Juda, Isaka, Sebulun unitä ahäŋkuŋ.
1043	GEN 36:2	Webeniye Kenan komeken nanik ŋode yäpuk; Kubäwä Elon täŋo äperi Ada. Elon uwä Hit äbotken nanik. Kubäwä Ana täŋo äperi Oholibama. Ana uwä Sibeon nanaki, Hivi äbotken nanik.
1064	GEN 36:23	Täŋkaŋ Sobal nanakiye ŋode; Alvan, Manahat, Ebal, Sefo, Onam.
1068	GEN 36:27	Täŋ Ese nanakiye ŋode; Bilhan, Savan, Akan.
1076	GEN 36:35	Eruk Husamtä it yäpmäŋ äroŋpäŋ kumäŋirän Bedat nanaki wäpi Hadattä intäjukun ämata itkuk. Hadat uwä Moap komeken ämik täŋpäŋ Midian kome täŋo komi äma kehäromini yäpmäŋ äpuk. Hadat uwä yotpärareni Avit.
1081	GEN 36:40	Iso äboriye täŋo äma ekäni ekäni wäpi ŋode; Timna, Alva, Jetet, Oholibama, Ela, Pinon, Kenas, Teman, Mipsa, Makdiel, Iram. U uwä Idom nanik ämawebe äbori äbori unitäŋo äma ekäni. Täŋpäkaŋ wäpi Idom uwä Iso täŋo wäpi kubä. Isotä orani pähap itkuko unita kome u ba ämawebe äbot u wäpi Idom yäpuŋ. Äbot kubägän nämo itkuŋ. Äbori äbori itkuŋo u kome ini-ini yäpuŋ. Kome u ini-ini yäpmäŋpäŋ äma ekäni wäpi tawaŋ it yäpmäŋ äpäkaŋ ŋo äbori äbori unitäŋo äma ekänita itkuŋ.
1398	GEN 46:11	Täŋ nanaki kubäwä wäpi Livai. Unitäŋo nanakiye ŋode; Geson, Kohat, Merari.
1400	GEN 46:13	Täŋ nanaki kubäwä wäpi Isaka. Isaka täŋo nanakiye ŋode; Tola, Puva, Iop, Simron.
1404	GEN 46:17	Täŋ nanaki kubä Ase. Unitäŋo nanakiye ŋode; Imna, Isva, Isvi, Beria. Äperi kubägän wäpi Sera. Beriawä nanakiyat Hebe kenta Malkiel.
1479	GEN 49:5	Jekoptä Ruben man ude iwet moreŋpäŋ eruk nanakiyat Simeon kenta Livai ŋode yäwetkuk; Ek mebärijek kubägän. Ek ämik täŋo tuŋum yäpmäŋ kuŋatpäŋ ämik täk täkamän.
1588	EXO 3:8	Unita Isip äma keriken nanik yämagut yäpmäŋ päŋku kome säkgämäninik, gakŋi taŋi nikekken yepmakta äpätat ŋo yäk. Kome uken yepmaŋpayäŋ täyat uwä Kenan, Hit, Amo, Peres, Hivi ba Jebus äbot unitäŋo kome yäk.
5579	DEU 26:11	Ude täŋpäŋ in ba Livaitä äbotken nanik ukät äma ban nanik inkät bok it täkaŋ, imaka tägatäga Yawe Anutujintä tamik täyak unita yäŋpäŋ oretoret täŋpäŋ itneŋ.
5844	DEU 34:3	Ukät Negev kome jopi ba Jodan awaŋ, Soa yotpäraretä päŋku Jeriko täretak u kudup kaŋ moreŋkuk. Jeriko uwä bihä päya komeni yäŋ iwerani.
7209	RUT 4:17	Täŋpäkaŋ webe kome u naniktä nanak u wäpi Obet yäŋ iwetkuŋ. Ude yäŋpäŋ yäŋkuŋ; Wisiknin! Naomitä nanak kubä yäpmäŋtak! Täŋpäkaŋ Obet uwä Jesi täŋo nani. Täŋ Jesi uwä Devit täŋo nani.
7210	RUT 4:18	Eruk ŋowä Perestä äbotken nanik täŋo wäp tawaŋ; Peres uwä Hesron täŋo nani. Hesron uwä Ram täŋo nani. Ram uwä Aminadap täŋo nani. Aminadap uwä Nason täŋo nani. Nason uwä Salmon täŋo nani. Salmon uwä Boas täŋo nani. Boas uwä Obet täŋo nani. Obet uwä Jesi täŋo nani. Täŋpäkaŋ Jesi uwä Devit täŋo nani. Ugän.
8289	2SA 11:27	Täŋpäŋ kupämta it yäpmäŋ kuŋtäyon täreŋirän Devittä epän ämaniye yäwet-pewän yäŋikŋat yäpmäŋ eŋini gänaŋ pewä Devittä webenita yäpuk. Yäpänkaŋ nanak ämani kubä bäyaŋ imiŋkuk. Devittä kudän ude täŋirän Yawetä kawän nämo tägaŋkuk.
8290	2SA 12:1	Täŋpäkaŋ Yawetä Natan Devitken iwerän kuŋkuk. Päŋku ŋode iwetkuk; Yotpärare kubäken äma yarä itkumän. Kubäwä tuŋum äma, kubäwä äma jäwäri.
8294	2SA 12:5	Devit man ude nadäŋpäŋ tuŋum äma unita koki wawäpäŋ Natan iwetkuk; Yawe irit mähemi täŋo wäpi terak ŋode yäŋkehärom täyat; Äma kudän ŋo täŋkuko u kumäkta biŋam!
8296	2SA 12:7	Ude iweränä Natantä Devit ŋode iwetkuk; Äma uwä gäk ubayäŋ! Yawe, Isrel ämawebe täŋo Anutu unitä ŋode yäyak; Näk Isrel äbot täŋo intäjukun äma ude gepmaŋpäŋ ume gakŋi piŋ gäbatkut. Ba Soltä iwan täŋ gamiŋirän u keriken nanik yomägatkut yäk.
8302	2SA 12:13	Ude yäwänä Devittä Natan ŋode iwetkuk; Näk waki täŋkuro uwä Yaweken momi täŋkut. Ude yäwänä Natantä iwetkuk; Yawetä momika peyak. Gäk nämo api kumben.
8304	2SA 12:15	Täŋpäkaŋ Natantä man ude iwet moreŋpeŋ eŋiniken kuŋirän eruk Yawetä nadäŋirän nanak Uria täŋo webenitä Devitta bäyaŋ imiŋkuko u käyäm waki kubä täŋkuk.
8820	1KI 3:1	Eruk Solomon uwä Isip nanik täŋo intäjukun äma ukät bänep kubägän itta nadäŋpäŋ unitäŋo äperi webenita yäpuk. Yäpmäŋpäŋ imagut yäpmäŋ Devit Täŋo Yotpärareken kuŋkuk. Webeni u irirän Solomontä iniken yori, kudupi yot ba Jerusalem täŋo yewa pähap täŋkuk.
8822	1KI 3:3	Täŋpäkaŋ Solomon uwä Yaweta gäripiinik nadäŋ imiŋpäŋ unitäŋo kädet tägatäga nani Devittä iwatpäŋ täŋkaŋ iwet täŋkuko udegän täŋkuk. Ude täŋkukopäŋkaŋ Yaweta ärawa täŋ imayäŋ nadäŋpäŋä tom däpmäŋpäŋ mobä bukä uken-uken täŋtäŋ kwani uken ijiŋ imiŋpäŋ iniŋ orettäŋ kuk täŋkukonik.
8825	1KI 3:6	Ude iweränä Solomontä kowata ŋode iwetkuk; Epän ämaka Devit, nana u gäk bureni-inik gäwarän täŋkaŋ kudän siwoŋi täŋpäŋ bänep paki terak kuŋatkuko unita gäk nadäŋ imikinik täŋ imiŋkun. Täŋpäŋ apiŋo udegän kumbukopäŋ ironka terak nadäŋ imikinik täŋpäŋ unita komeni ämawebeniye yabäŋ yäwatta nanaki näk iwoyäŋkun.
8826	1KI 3:7	O Yawe Anutuna, gäk nana Devit täŋo kome yäpmäkta epän ämaka näkpäŋ iwoyäŋkun. Upäŋkaŋ näk gubaŋigän unita yabäŋ yäwat piä täkta mebäri nämo nadäwa tärekaŋ.
8833	1KI 3:14	Täŋkaŋ gäk näkŋo gärip iwatpäŋ näkŋo jukuman ba baga man kudup buramiŋpäŋ, nanka Devittä täŋkuko ude täŋpayäŋ täno uwä nadäŋ gamiŋira kome terak kadäni käroŋi api iren.
9012	1KI 8:24	Gäk nana Devit, watä ämaka u täkta yäŋkehärom taŋpäŋ iwetkuno u bureni täyan ŋo. Bian mekatä yäŋkunopäŋ apiŋo ketkatä bureni pewi ahätak.
9013	1KI 8:25	Eruk Yawe, Isrel ämawebe täŋo Anutu, gäkŋo watä ämaka nana Devitta yäŋkehäromtak man ŋo iwetkuno u bureni kaŋ pewi ahäwän. Gäk ŋode iwetkun; Devit gäkä näk iŋamnaken irit kuŋat-kuŋatkata watä itpäŋ siwoŋi kuŋatkuno nanakayetä udegän kuŋatnayäŋ täkaŋ uwä nadäŋ gamiŋira gäkä äbotken nanik äma kubätä Isrel täŋo intäjukun äma ude itta nämo api wäyäkŋek täneŋ.
9014	1KI 8:26	Unita Isrel täŋo Anutu, gäk nana Devit, watä ämaka u man iwetkuno udegän yäŋiri kaŋ kehärom tawän.
11179	1CH 29:10	Devittä käbeyä iŋamiken Yawe ŋode iwetpäŋ iniŋ oretkuk; O Yawe, oranin Isrel täŋo Anutu, gäkken ganiŋ oretoret tärek-täreki nämo it täyon.
14181	PSA 18:51	U imata, Anututä Devit näk, intäjukun ämani itta iwoyäŋkuk. U kehäromi namiŋirän iwanaye kudup yärepmit morek täyat. U kadäni kadäni nadäŋ namikinik täk täyak. Ba kämiwä yerinayeta udegän tärek-täreki nämo api nadäŋ yämik täŋpek.
15075	PSA 72:20	Devit, Jesi täŋo nanaki, unitäŋo yäŋapik kap teŋirän kudän täk täŋkuŋo u kudup äbä tärekaŋ ŋo. Ugän.
15116	PSA 74:13	Kehäromika terak gwägu däpmäŋ täkŋeŋpäŋ gwägu gämok pähap wäpi Levitan unitäŋo gwäki däpmäŋ kokoyäŋpäŋ gupi madäŋ jukutpäŋ kome kawukiken nanik tomta yepmäŋ towiŋkun.
15241	PSA 78:70	Täŋpäkaŋ Juda äbot uken nanik epän watä ämani Devit epäni täkta iwoyäŋkuk. U sipsip watä epän äma ude iraniken nanik imagutpäŋ Isrel ämawebe ekäni ba täpurita watä irekta iwoyäŋkuk.
15243	PSA 78:72	Ude iwoyäŋpäŋ teŋirän Devit iniken epän unitagän nadäŋpäŋ ämawebeniyeta watä säkgämän it yämik täŋkuk. Eruk unita Devit uwä Isrel äbot täŋo watä äma tägagämän-inik ude itkuk.
15394	PSA 89:4	Ekäni, gäk man ŋode yäŋkun; Äma iwoyäŋkuro Devit ukät topmäk-topmäk kubägän täŋpäŋ ŋode yäŋkehärom taŋkut; Äma kubätä äbotken naniktä intäjukun äma nämo api irek.
15411	PSA 89:21	Äma uwä epän ämana Devit. U intäjukun it tamikta olip umeni piŋ ibatpäŋ iwoyäŋpäŋ teŋkut.
15424	PSA 89:34	Upäŋkaŋ Devit ba nanakiye oraniye nämoinik api yabäŋ kätäwet. Yäŋ-kehäromtak man iwetkuro u nämo api irepmiret. Nämo! Pen nadäŋ imikinik api täk täŋpet.
15426	PSA 89:36	Wäpna kudupi u terak bureni-inik ŋode yäyat; Devit jopman kubä nämo iwetkut ba nämoinik api iweret.
15440	PSA 89:50	O Ekäni, bian nadäŋ nimikinik täŋkuno u de pewi kukaŋ? Täŋpäŋ yäŋkehäromtak man Devit iwetkuno unita jide nadätan?
15664	PSA 104:26	U terak ämatä gäpe yäpmäŋ kuŋat täkaŋ. Ba tom pähap kubä wäpi Levitan täŋpäŋ yepmaŋkuno u gänaŋ täŋoret täk täkaŋ.
16220	PSA 132:1	Ekäni, Devittä gäka yäŋpäŋ komi epän gänaŋ itkuko unita nämo guŋ täwen.
16222	PSA 132:3	Devit uwä yäŋkehärom taŋpäŋ ŋode yäŋkuk; Näk eŋiken ba däpmon patpatken bäräŋeŋ nämo api kwet. Nämo, Ekäni, Isrel täŋo Anutu kehäromi unitä itta kome täŋ-kerutpäŋ peŋkaŋ uyaku eŋiken päŋku orek itpäŋ däpmon täga api päret.
16229	PSA 132:10	Ekäni, gäk intäjukun äma itta iwoyäwani Devit u imaka kubä täŋ imikta yäŋkehäromtak man yäŋkun. Unita epän ämaka u mäde nämo ut imen.
16236	PSA 132:17	Täŋpäkaŋ kome ŋoken Devit täŋo orani kubä intäjukun äma ärowani-inik ude api pewa ahäwek. Äma uwä näkŋa iwoyäwani. Kaŋiwat epän täŋpayäŋ täyak u täŋpewa tärek-täreki nämo pen inide api täŋ yäpmäŋ ärowek.
16385	PSA 144:10	U imata, gäk intäjukun ämakaye ämikken täŋmeham taŋ yämiŋiri iwaniye yärepmit täkaŋ. Täŋkaŋ epän watä ämaka Devit näk iwan keriken nanik nämagut täyan.
17865	ISA 7:13	Ahastä ude yäwänä Aisaiatä kowata ŋode iwetkuk; Wa! Devit täŋo orani, gäk juku peŋpäŋ nadäsi. Bitnätan uwä Anutu täŋo man utan ubayäŋ. Utan unitä gaŋani namitak uwä imaka täpuri bumik. Upäŋkaŋ Anututä gaŋani udegän nadäkta nadäwätäk täpuri nämo täyan ba jide?
17906	ISA 9:6	Täŋpäkaŋ intäjukun ämanin u Devit täŋo komeni yäpmäŋpäŋ itkaŋ ämawebeniye api yabäŋ yäwarek. Täŋkaŋ intäjukun itpäŋ kehäromini taŋi ahäŋirän yabäŋ yäwat yewani gänaŋ ämawebeniye oretoret täŋpäŋ bätaki terakgän api itneŋ. Täŋkaŋ nadäwä äpani täktäk ba täŋyäkŋarani kädet terak nämo, kudän siwoŋi terakgän yeŋgämän pewäpäŋ kaŋiwat piäni paot-paori nämo, pen api täŋ yäpmäŋ ärowek. Bureni-inik, Yawe Kehäromi mähemitä ämawebeniyeta nadäŋ yämikinik täk täyak unita nadäk kehäromi peyak uwä burenigän api ahäwek.
18813	ISA 55:3	Unita ämawebenaye, nadäwut. Näkken ämnayäŋ täkaŋ u säkgämän api itneŋ. Äbäŋirä inkät topmäk-topmäk, tärek-täreki nämo api täŋpet. Täŋkaŋ Devitta nadäŋ imikinik täŋkuro udegän inta nadäŋ tamikinik api täŋpet.
18814	ISA 55:4	Täŋpäkaŋ Devit uwä äma komeni komeni u yabäŋ yäwatta kehäromi ba wäpi imiŋkut. Ude täŋpäŋ uterak ämawebe u kehäromina kwawak yäwoŋäreŋkut.
19012	ISA 66:21	Ude täŋirä uken nanik ätu bämop äma ude itta api yepmaŋpet, ba ätutä Livai täŋo äbot yäpurärätpäŋ kudupi yotken piä täkta iwoyäŋpäŋ api yepmaŋpet yäk.
19558	JER 23:5	Täŋpäkaŋ Yawe näkä äneŋi ŋode yäkgän täŋpa; Äma siwoŋi kubä Devittä äbotken nanik iwoyäŋpäŋ tewa kwawak ahäwekta kadäni kubä iwoyäŋkuro itak. Äma unitä intäjukun äma ude itkaŋ nadäk kädet siwoŋi täga terak ämawebe api yämagurek.
19859	JER 33:15	Kadäni uken näkä Devittä äbotken nanik äma siwoŋi kubä api pewa ahäwek, käruk kodaki imätpäŋ abäk täkaŋ ude. Täŋkaŋ äma unitä ämawebe kudän siwoŋi terak api yämagurek.
21405	EZK 34:23	Täŋkaŋ yawaknaye u watäni itta intäjukun äma kubä piä ämana Devit udewani iwoyäŋpäŋ teŋira yawak unita watäni säkgämän api irek.
21406	EZK 34:24	Täŋirän Yawe näkŋa unitäŋo Anutuni api it yämet. Ude irira intäjukun äma piä ämana Devit udewanitä api yabäŋ yäwarek. Näkŋa ude yäŋkehärom täyat.
22524	AMO 6:5	In orek patpat täŋpäŋ kap mebäri mebäri tekta gäripi nadäŋpäŋ Devittä teŋkuko udegän tena yäŋpäŋ gita utpäŋ kap teŋ ubik täk täkaŋ.
22602	JON 1:2	Eruk gäk yotpärare pähap wäpi Ninive uken ku yäk. Kuŋat-kuŋari gwäjiwani wakiinik yabäŋpäŋ-nadäk täŋkuro unita päŋku kome mähem man kehäromi, komigämän kaŋ yäwet yäk.
22629	JON 3:2	Eruk, gäk Ninive yotpärareken ku yäk. Kuŋkaŋ manbiŋam gäwerayäŋ täyat u kaŋ yäwet.
22630	JON 3:3	Ude yäŋirän Jonatä mani buramiŋpäŋ Ninive yotpärareken kuŋkuk. Ninive uwä yotpärare taŋiinik, kukŋi ŋonitä kukŋi udude kweno uwä edap yaräkubä tärewek.
22631	JON 3:4	Eruk, Jona yotpärare gägäniken yäput peŋpäŋ kepma kubä kuŋpäŋ yotpärare bämopiken itkaŋ gera terak ŋode yäŋahäŋkuk; Edap 40 ude täreŋirän Ninive yotpärare api peŋ awähurek! yäk.
22632	JON 3:5	Jonatä ude yäŋirän eruk, Ninive mähemitä Anutu täŋo man nadäwä bureni täŋkuk. Nadäwä bureni täŋpäpäŋ mominita nadäwätäk täŋpäŋ, nak jop irit kadäni peŋpäŋ tek waki-wakipäŋ täŋkuŋ. Ekäni iroŋi kudup udegän täŋkuŋ.
22633	JON 3:6	Täŋirä Ninive nanik täŋo intäjukun ämatä biŋam u nadäŋkaŋ akuŋpäŋ tek täga yäŋopmäŋpäŋ peŋpäŋ tek waki-wakipäŋ täŋpäŋ päŋku kädäkut gänaŋ maŋit itkuk.
22634	JON 3:7	Täŋkaŋ Ninive ämawebe kuduptagäntä nadäkta manbiŋam ŋode pewän kuŋkuk; Intäjukun ämakät epän ämaniyetä ŋode peŋ täwetkaŋ, Kubätä ketem kubä nämoinik näŋpek. Äma ba yawak, ketem ume nämoinik näneŋ yäk.
22648	JON 4:11	Täŋ nähä Ninive yotpärare pähap unita butewaki täga nämo nadäwet? Yotpärare uken ämawebe 120 tausen ude bumik it täkaŋ. U kädet täga iwatta guŋtak täkaŋ. Ba yawak imaka bumta itkaŋ. Unita imata butewaki täga nämo nadäŋ yämet?
23121	ZEC 12:7	Yawetä ŋode yäyak; Yawe näkä Juda nanikta kehäromi yäpmäkta intäjukun api täŋkentäŋ yämet. Täŋira Devit täŋo äboriye wäp biŋam ba Jerusalem nanik täŋo wäp biŋamtä Juda nanik täŋo nämo api yärepmirek.
23122	ZEC 12:8	Täŋpäkaŋ kadäni uken Yawe näkä Jerusalem nanik api täŋkentäŋ yämet. Täŋira ämawebe kehäromini nämotä Devit kehäromi nikek itkuko ude api itneŋ. Täŋpäŋ Devit täŋo äboriyetä Jerusalem nanikta intäjukun api täŋ yämineŋ, Yawe täŋo aŋero ba Anututä ini täŋ yämeko ude.
23124	ZEC 12:10	Täŋpäkaŋ Devit täŋo äboriye ba Jerusalem ämawebe näkä orakorak kädet ba yäŋapik man yäkyäk kädet iwatta kehäromi api piŋ yäbaret. Ude täŋira äma yäput pewä kumbuko u kaŋpäŋ konäm butewaki jägämi pähap api täŋ imineŋ, miŋiye naniyetä nanakiye tepi ba intäjukun naniktä kumbänkaŋ täneŋo ude.
23176	MAL 2:4	Ude täŋ tamiŋira ŋode api nadäneŋ; Man kehäromi niwetkuko u Yawe kehäromi mähemitä ini bämop äma wäpi Livaikät topmäk-topmäk bian täŋkuko u nämo wärämutpäŋ irepmitneta niwetkuk yäŋ nadäneŋ.
23177	MAL 2:5	Topmäk-topmäk Livaikät täŋkuro uterak irit käroŋi säkgämän itta yäŋtäreŋ imiŋkut. Ude yäŋtäreŋ imiŋkuro unita gämotnakengän itpäŋ naniŋ oretta yäwani. U bureni, gämotnakengän itpäŋ oraŋ namiŋpäŋ kuŋatkuk.
23180	MAL 2:8	Upäŋkaŋ bämop äma apiŋo nanik in uwä näkŋo kädet siwoŋi u irepmit morekaŋ. Täŋkaŋ nadäk mebäri mebäri terak yäwetpäŋ yäwoŋärek täŋirä ämawebe mäyaptä kädet siwoŋi nämo iwatkaŋ. Bureni-inik, orajin Livaikät topmäk-topmäk täŋkuro u wärämutpäŋ irepmit morekaŋ. Yawe kehäromi mähemi näkä ude yäyat.
23214	MAT 1:1	Man pätkaŋ ŋowä Jesu Kristo oraniye täŋo wäpi tawaŋ. Täŋpäŋ Jesu täŋo orani pähap u wäpi Abraham, bian-inik itkuko u. Täŋpäŋ Abraham täŋo yeri ahäŋ yäpmäŋ abäŋkä uterak orani kubä wäpi Devit ahäŋkuk. Täŋpäŋ Devit täŋo yeri ahäŋ yäpmäŋ abäŋkä u punin terak Jesu ahäŋkuk.
23219	MAT 1:6	Jesitä Devit bäyaŋkuk. Devit u Juda täŋo intäjukun äma itkuk. Täŋpäŋ Devit täŋo nanaki Solomon. Solomon u miŋi Devittä Uria webeni yomägatkuko unitä bäyaŋkuk.
23230	MAT 1:17	Ŋode ahäŋ yäpmäŋ äbuŋ; Abrahamtä nanaki bäyawänä nanaki unitä nan täŋpäŋ nanak bäyaŋkuk. Pen udegän udegän täŋ yäpmäŋ abäŋtäko Devit ahäŋirän kadäni 14 ude täŋkuk. Täŋpäkaŋ Devittä nanaki bäyawänä nanaki unitä nan täŋpäŋ nanak bäyaŋkuk. Pen udetä udegän täŋ yäpmäŋ abäŋtäko kadäni Babilon komeken komi epän yämikta yämagut yäpmäŋ kuŋirä kadäni äneŋi 14 ude täŋkuk. Kadäni uken yäput peŋpäŋ nantä nanak bäyawänä nanaki unitä nan täŋkuk. Pen udetä udegän täŋ yäpmäŋ abäŋtäko kadäni äneŋi 14 ude täreŋirän Kristo, Anutu täŋo iwoyäwani ahäŋkuk.