23377	MAT 6:26	Ilwecꞌanab noꞌ chꞌic chiecꞌ satcan̈, machi yawal noꞌ chacoj, mach chihatxꞌwi noꞌ, machipaxo iscꞌun̈a noꞌ, yajaꞌ xin chiakꞌlax tzet chislo noꞌ yu Comam ay yul satcan̈. ¡Hajxamex to caw ecꞌbal heyelapno sata noꞌ!
23439	MAT 8:25	Hayet yilni ebnaj iscuywom Comam huneꞌ tuꞌ, yoc ebnaj yinolo iswayan̈ Comam, yalni ebnaj: —¡Mamin colon̈an̈, yuto lan̈an coto yich haꞌ! ẍi ebnaj tet Comam.
23440	MAT 8:26	Istakꞌwi Comam tet ebnaj: —¿Tzet yin̈ xin caw chexxiwi? ¡Caw mach cheyaco heyanma yin̈ Comam Dios! ẍi Comam tet ebnaj. Lahwi tuꞌ xin yahwano Comam, iscachni Comam jakꞌekꞌ yeb ha haꞌ. Hac tuꞌ yu islin̈ban isbili ha haꞌ tuꞌ yeb jakꞌekꞌ, ispaxtzꞌin̈nahi.
23534	MAT 11:6	¡Sakꞌal yet mac mach chicabcon yanma win̈an! quexchi, ẍi Comam tet ebnaj.
23692	MAT 14:26	Hayet yilni ebnaj isbelwi Comam yiban̈ haꞌ isxiwcan̈ ebnaj, yah yaw ebnaj yu xiwquilal, yalni ebnaj: —¡Huneꞌ tiꞌ ispixan camom! ẍi ebnaj.
23699	MAT 14:33	Wal sunil ebnaj ayicto yul teꞌ barco tuꞌ xin ay jahno ebnaj sata Comam, yalni ebnaj hacaꞌ tiꞌ: —¡Yin̈ caw yeli hach tiꞌ Iscꞌahol Comam Dios hawehi! ẍi ebnaj tet Comam.
23763	MAT 16:22	Hayet yaben naj Pedro huneꞌ tuꞌ, yawtenilo naj Comam Jesús, iscachwa naj yin̈ Comam hacaꞌ tiꞌ: —Mamin, ¡haꞌojab Comam Dios chachcolni yin̈ huneꞌ isyaꞌtajil tuꞌ! Machojab chachyaco yul iskꞌab, ẍi naj.
23904	MAT 21:9	Sunil anma babelico sata Comam yeb tzujanico yintaj, ichico yawi yin̈ caw ip, chalni hacaꞌ tiꞌ: —¡Caw niman yelapno naj tiꞌ, haꞌ naj tiꞌ titna yin̈ yuninal jichmam rey David! ¡Jalaꞌwe tzotiꞌ cꞌul yin̈ mac chihul coxol yu Comam Dios! ¡Jakꞌaꞌwe yuchꞌandiosal tet Comam Dios ay satcan̈! ẍi anma.
23914	MAT 21:19	Yilnito Comam huneꞌ teꞌ higuera istiꞌ beh, isto Comam yich teꞌ, yilni Comam ta machi sat teꞌ, xajn̈e teꞌ aycoj. Yalni Comam yin̈ teꞌ hacaꞌ tiꞌ: —¡Matxa bakꞌinal chachsatni! ẍi Comam. Yin̈n̈ena tuꞌ xin istajilo teꞌ.
24000	MAT 23:13	Hex cuywawom yin̈ isley naj Moisés yeb hex fariseo hex tiꞌ, cheyal heba cꞌulal, ¡caw cꞌanchꞌanex! yuto checach yoc anma yul iskꞌab Comam Dios. Mach cheyaco heba, machi xin chejépaxo chioc mac choche yakꞌaco isba yul iskꞌab Comam Dios.
24001	MAT 23:14	Hex cuywawom hex tiꞌ yeb hex fariseo hex tiꞌ, cheyal heba cꞌulal, ¡caw cꞌanchꞌanex! yuto cheyilo yatut ebix hun ix, chilahwi tuꞌ caw nimej cheyute yoj hetxah, hacaꞌtan̈e mach istxꞌojal chewatxꞌe. Wal xin caw ecꞌbalto isyaꞌtajil chiay teyiban̈.
24002	MAT 23:15	Hex cuywawom yin̈ ley yeb xin hex fariseo hex tiꞌ cheyal heba cꞌulal. ¡Caw cꞌanchꞌanex! yuto sunil yul sat yiban̈kꞌinal tiꞌ yeb yiban̈ haꞌ mar chelahwilo heyeqꞌui yun̈e hemontenico anma teyintaj. Haꞌ mac chimoncha heyu tuꞌ xin chisomchacanto yul iswiꞌ heyu, cayel ecꞌbalto chischah isyaꞌtajil xol kꞌa kꞌaꞌ tesataj.
24003	MAT 23:16	Hex tiꞌ lahanex hacaꞌ hunu mac mach chu yilni, yajaꞌ cheyaco heba ijbalomal. ¡Caw cꞌanchꞌanex! Cheyalnipax hacaꞌ tiꞌ: “Ta ay mac chiakꞌni binaho yatut Comam Dios yet chistakꞌwenico hunu tzet ye tuꞌ yin̈, mach yilalo chisyije. Yaj ta isbi chꞌen oro ayicto yul yatut Comam chakꞌ binaho yin̈ hunu tzet ye tuꞌ, caw yilal isyijeni,” quexchi.
24004	MAT 23:17	¡Caw suc hex! Lahanex hacaꞌ anma mach chu yilni. ¿Baytet ecꞌbal yelapno yehi? ¿Tom chꞌen oro mato yatut Comam Dios? Wal xin, yu yatut Comam Dios yuxin ay yelapno ye chꞌen oro ayicto yul yatut tuꞌ.
24006	MAT 23:19	¡Caw lahanex yeb anma mutzꞌan sat! ¿Baytet caw ecꞌbal yelapno yehi? ¿Tom haꞌ xahanbal ayahto yiban̈ altar tuꞌ, mato haꞌ altar huneꞌ chianico ismay xahanbal tuꞌ?
24011	MAT 23:24	¡Hex tiꞌ lahanex yeb anma mutzꞌan sat, yajaꞌ cheyaco heba ijbalomal yin̈ hunuxa maca. Hex tiꞌ caw cheyila tato machi hunu noꞌ nichꞌan us chito xol heyitah, yajaꞌ mach cheyabe hebikꞌnito noꞌ camello!
24012	MAT 23:25	Hex cuywawom yin̈ isley naj Moisés yeb hex fariseo hex tiꞌ, cheyal heba cꞌulal, ¡caw cꞌanchꞌanex! yuto caw cꞌul cheyute hetxꞌahni yinta hevaso yeb hesecꞌ, yajaꞌ wal yul xin, nohnayto yu istzꞌilal heyelekꞌ yeb yu heyecꞌnajil.
24014	MAT 23:27	Hex cuywawom hex yin̈ isley naj Moisés, yeb hex fariseo hex tiꞌ, cheyal heba cꞌulal. ¡Caw cꞌanchꞌanex! yuto lahanex hacaꞌ hunu panteón caw cꞌul yehico istxohal; caw cꞌulchꞌan jilni, yajaꞌ wal yul xin, nohna yu isbajil camom yeb tzꞌil.
24016	MAT 23:29	Hex cuywawom yin̈ isley naj Moisés yeb hex fariseo hex tiꞌ, cheyal heba cꞌulal. ¡Caw cꞌanchꞌanex! yuto checayen̈e hetzantencan̈ bay mujan ebnaj ischejab Comam Dios. Chetzantenpaxo bay mujan ebnaj cꞌul iswatxꞌe,
24019	MAT 23:32	¡Wal xin haꞌ tzet ichebilxa yu ebnaj heyichmam tuꞌ, lahwecanoj!
24024	MAT 23:37	Yalnipaxo Comam Jesús: —¡Hex ah Jerusalén tiꞌ chepotxꞌ camo ebnaj ischejab Comam Dios, cat hekꞌojni camo ebnaj ischejti Comam texol! ¡Txꞌiꞌal el quexwawtecojan yul inkꞌaban, hacaꞌ chu yawtenico noꞌ miꞌe chiyo niẍte yunin yalan̈ isxicꞌ, yajaꞌ machi heje!
24045	MAT 24:19	¡Cꞌanchꞌan ebix ix ayxa tzet yehi, yeb ebix chi-to-txutxwi niẍte yunin yet chiyuni huneꞌ tuꞌ!
24083	MAT 25:6	Haxa yin̈ chuman akꞌbal, yaben ebix yallax hacaꞌ tiꞌ: “¡Ahan̈wewanoj! ¡Lan̈an yul naj chimohyi lah! Elan̈weti hechaba naj,” ẍi.
24147	MAT 26:24	Hanin Akꞌbilintijan texol yu Comam Dios, yilal wecꞌan yin̈ camical, hacaꞌ yalni yul Yum Comam Dios. Yajaꞌ, ¡cꞌanchꞌan naj chinanicojan yul iskꞌab camical! Ayxicꞌa mach pitzcꞌa naj yul sat yiban̈kꞌinal tiꞌ, ẍi Comam.
24161	MAT 26:38	Yalni Comam tet ebnaj: —Caw chiwabehan isyaꞌil isbiscꞌulal camical yin̈ wanmahan. Canan̈wecano bey tiꞌ; ¡iwelo hewayan̈ wintajan! ẍi Comam.
24195	MAT 26:72	Yajaꞌ yeba naj hunelxa, yalni naj: —Caw chabe Comam Dios, ¡mach wohtajojan huneꞌ naj tuꞌ! ẍi naj.
24202	MAT 27:4	yalni naj tet ebnaj: —Caw mawaco inmulan, yuto mawacojan huneꞌ naj machi ismul yul iskꞌab camical, ẍi naj. Istakꞌwi ebnaj tet naj: —¡Tzet jocan̈ tawin̈, ila tzet chawute haba! ẍi ebnaj.
24219	MAT 27:21	Iskꞌambenpaxo naj gobernador tuꞌ tet anma: —Yin̈ ebnaj cawan̈ tiꞌ, ¿mac cheyoche chinbejtzohan? ẍi naj. Istakꞌwi anma tuꞌ sunil: —¡Naj Barrabás chabejtzo! ẍi anma.
24221	MAT 27:23	Iskꞌamben naj Pilato tuꞌ: —¿Tzet xin istxꞌojal iswatxꞌe naj? ẍi naj. Yajaꞌ wal anma tuꞌ caw ecꞌbalto ah yaw, yalni hacaꞌ tiꞌ: —¡Camojab naj yin̈ culus! ẍixan̈e anma.
24227	MAT 27:29	Isbakꞌonayo ebnaj huntekꞌan teꞌ txꞌix coronahil, yahnato ebnaj yin̈ iswiꞌ Comam. Yanipaxico ebnaj huneꞌ te teꞌ yul iskꞌab Comam, yichico ebnaj istzebi yin̈ Comam, chila xin ay jahno ebnaj sata Comam, yalni ebnaj: —¡Tzalajon̈we yin̈ naj yahawil anma Israel tiꞌ! ẍi ebnaj.
24238	MAT 27:40	chalni hacaꞌ tiꞌ: —¡Hach tiꞌ, hawala tato chawuchacꞌayo yatut Comam Dios, cat hawanican̈ isselel yin̈ oxeb tzꞌayic hawalni! ¡Yuxin colayti haba tato yel chawala Iscꞌahol Comam Dios hawehi! ¡Ayan̈ti yin̈ teꞌ culus tuꞌ! ẍi ebnaj.
24309	MRK 1:25	Iscachwa Comam yin̈ ischejab naj matzwalil tuꞌ, yalni Comam: —¡Cach hatiꞌ, elan̈ yin̈ naj! ẍi Comam.
24440	MRK 5:7	Yalni Comam: —¡Hach matzwalil, elan̈ yin̈ naj tiꞌ! ẍi Comam. Yah yaw naj yin̈ caw ip: —¿Tzet hawoc win̈an Jesús, Iscꞌahol Dios caw aycano yip? Caw chinkꞌanan tawet, mach chawakꞌ ecꞌoyaꞌ wanmahan, ẍi naj.
24526	MRK 6:50	Caw sunil ebnaj ilni, isxiwcan̈ ebnaj, yajaꞌ yal Comam tet ebnaj: —¡Ayojab yip heyanma, mach chexxiwi yuto haninan! ẍi Comam.
24602	MRK 8:33	Ismeltzo Comam, yoc tꞌan̈no yin̈ ebnaj iscuywom, yoc Comam iscachno naj Pedro, yalni Comam: —¡Hach matzwalil, elan̈ yin̈ insatan! Yuto hach tiꞌ maẍtaj tzet nabil yu Comam Dios chꞌecꞌ yin̈ hanabal, walxinto hatzet chisna anma, haꞌ chiecꞌ yin̈ hanabal, ẍi Comam tet naj Pedro tuꞌ.
24718	MRK 11:9	Yah yaw anma babelico sata Comam yeb anma tzujanico yinta Comam, yalni anma hacaꞌ tiꞌ: —¡Jalaꞌwe tzotiꞌ cꞌul yin̈ mac chul coxol tiꞌ, yuto chejbilti naj yu Comam Dios!
24719	MRK 11:10	¡Jakꞌawe tzalaho cocꞌul yin̈ Jahawil chioc reyal coxol selelo jichmam David! ¡Yuchꞌandios tet Comam Dios! ẍixan̈e anma tuꞌ.
24769	MRK 12:27	¡Yuto Comam Dios mach isDiosalo camom yehi to isDiosal anma itzitz ye Comam! Yuxin hex tiꞌ caw maẍtaj haꞌ heyecoj, caw mach chitxumcha huneꞌ tiꞌ heyu, ẍi Comam tet ebnaj.
24787	MRK 13:1	Yet lan̈an yelti Comam Jesús yul yatut Comam Dios, yalni huneꞌ naj iscuywom Comam: —Mamin, ¡ilcꞌanab huntekꞌan chꞌen chꞌen yeb huntekꞌan nimeta n̈a tiꞌ lah! ẍi naj.
24803	MRK 13:17	¡Caw cꞌanchꞌan ebix ix ayxa tzet yehi, yeb ebix chito txutxwi niẍte yunin yin̈ huneꞌ tiempohal tuꞌ!
24809	MRK 13:23	¡Caw cheyil heba xin! Yalan̈to chiwalnicanojan huntekꞌan tiꞌ teyet, ẍi Comam.
24823	MRK 13:37	Huntekꞌan tiꞌ, maẍn̈etaj teyet chiwalan, to chiwalpaxojan tet sunil anma. ¡Caw majwahan̈wej! ẍi Comam.
24908	MRK 15:13	Istakꞌwi anma tuꞌ: —¡Camojab naj yin̈ culus! ẍixan̈e anma.
24909	MRK 15:14	Iskꞌamben naj Pilato: —¿Tzet xin istxꞌojal iswatxꞌe naj? ẍi naj. Yajaꞌ ah wejna anma tuꞌ, yalni hunelxa: —¡Camojab naj yin̈ culus! ẍixan̈e anma.
24913	MRK 15:18	Yichico ebnaj yahwi yalni yin̈ caw ip hacaꞌ tiꞌ: —¡Tzalajon̈we yin̈ naj yahawil anma Israel tiꞌ! ẍi ebnaj.
25154	LUK 4:22	Wal xin sunil anma caw cꞌul istzotel yin̈ Comam Jesús. Caw cꞌayilo iscꞌul yuto cꞌulchꞌan istzoteli. Yichico anma yalni tet hunun: —¡Yaj iscꞌahol naj José ye naj tiꞌ! ¿Tzet xin chu yalni naj hacaꞌ ti? ẍi ebnaj yin̈ Comam.
25167	LUK 4:35	Iscachwa Comam yin̈ ischejab naj matzwalil tuꞌ: —¡Cach hatiꞌ, elan̈ yin̈ naj! ẍi Comam. Lahwi tuꞌ xin, iskꞌojlaxayo naj sat txꞌotxꞌ yu ischejab naj matzwalil sata sunil anma. Yel ischejab naj matzwalil yin̈ naj, yaj machi islahwilal naj oqui yet iskꞌojlaxayo naj.
25168	LUK 4:36	Caw cꞌayilo iscꞌul sunil anma yilni, yalob tan̈en anma tet hunun: —¿Tzet tzotiꞌal mayal naj tiꞌ? ¡Caw aycano yip istzotiꞌ naj! ¡Caw chiyijelax tzet chal naj, yet chalni naj ta chꞌel ischejab naj matzwalil yin̈ anma, yin̈ an̈e chꞌel ebnaj! ẍi anma yin̈ Comam.
25239	LUK 6:24	Walex kꞌalomex tiꞌ, ¡caw cꞌanchꞌanex! yuto xaquextzalahi.
25240	LUK 6:25	Walex nohna hecꞌul tinan̈, ¡caw cꞌanchꞌanex! yuto chul huneꞌ tiempohal bay cheyakꞌle wahil. Haxa hex chextzebi tinan̈, ¡caw cꞌanchꞌanex! yuto chexokꞌo yu biscꞌulal.
25257	LUK 6:42	Yaj ta mach chawilti teꞌ patzab ayicto yul isbakꞌ hasat, chimyu hawalni tet hawuẍtaj: “Wikꞌacaniltijan iskꞌal teꞌ chꞌim ayicto yul isbakꞌ hasat,” ta cachi. Ta hac tuꞌ chawute ¡lekꞌtiꞌ hach! Wal xin, icanilti teꞌ patzab yul hasat babel, haxinwal chu hawinilti iskꞌalemal teꞌ chꞌim ayicto yul isbakꞌsat hawuẍta tuꞌ, ẍi Comam.
25411	LUK 9:41	Yalni Comam Jesús tet anma: —Haꞌ ta hex tiꞌ chijala, caw mach cheyaco heyanma yin̈ Comam Dios. Caw hipexcano sicꞌlebil. ¡Caw nimanxa tiempo yichi wecꞌan yeb hex! ¿Bakꞌincꞌanab chexcuychahi? Caw chiwabehan isyaꞌil yul wanmahan, ẍi Comam. Yalni Comam tet naj ay iscꞌahol tuꞌ: —Iti naj hacꞌahol tuꞌ, ẍi Comam tet naj.
25443	LUK 10:11	“¡Wal ispojojal hecon̈ob maꞌoc yin̈ jojan̈ chicomakꞌilojan̈ yin̈ hesat! Haꞌ xin chalniloj tato matxa jocan̈ teyin̈ tan̈e xin chijalcanojan̈ teyet, ta ayxaco yip Comam Dios hecawilal,” quexchi.
25445	LUK 10:13	Yalnipaxo Comam Jesús: —Hex ay bey con̈ob Corazín, ¡cꞌanchꞌanex! ¡Cꞌanchꞌanexpaxo ay bey con̈ob Betsaida! Ta haꞌ yul con̈ob Tiro yeb con̈ob Sidón yelax huntekꞌan cꞌaybalcꞌule hacaꞌ chu texol tiꞌ, caw yin̈ an̈emi isbejcano anma istxꞌojal, yamahto anma tan̈ yin̈ iswiꞌ, yamipaxico xil iskꞌap chiyenilo biscꞌulal tet Comam Dios.
25514	LUK 11:40	¡Caw wiꞌe excanoj! ¿Tom mach heyohtajoj tato haꞌ Comam watxꞌen̈e sunil tzettaj chijilico yin̈, yebpaxo sunil mach chijilico yin̈?
25516	LUK 11:42	¡Cꞌanchꞌanex fariseo hex tiꞌ! cheyakꞌ isdiezmohal teꞌ alawena yeb teꞌ ruda yeb sunil teꞌ niẍte itah tet Comam Dios, yajaꞌ mach chewatxꞌe istoholal yin̈ heyet anmahil, yebpaxo xin machi iscꞌulchꞌanil iscꞌul Comam Dios yul heyanma. Haꞌ huntekꞌan tuꞌ caw yilal heyijeni, machi xin chebej heyakꞌni hediezmo tet Comam Dios.
25517	LUK 11:43	¡Cꞌanchꞌanex hex fariseo, hex tiꞌ! Hexn̈e cheyoche hemajalo huntekꞌan chꞌem caw ay yelapno yul capilla. Ay heyalaꞌ ta nanxa yoc chute istioẍli anma teyet yet chexecꞌ yulaj beh.
25518	LUK 11:44	¡Cꞌanchꞌanex hex fariseo, hex tiꞌ! Caw txꞌoj heyanma, lahanex hacaꞌ bay mujan camom matxa ixtan̈o jilni yecꞌlenal; chꞌecꞌ xan̈xon anma yiban̈, mach xin yohtajo tzet ayayto yalan̈ txꞌotxꞌ, ẍi Comam.
25520	LUK 11:46	Istakꞌwi Comam tet naj: —¡Cꞌanchꞌanexpaxo, hex cuywawom yin̈ isley naj Moisés! Yuto caw ay huntekꞌan chejbanile caw yaꞌta cheyakꞌ tet anma hacaꞌ hunu ijatz caw al, machi mac chikꞌoji yinican̈. Walexpaxo xin, maẍticꞌa nichꞌano yiximal hekꞌab chehitzico yin̈.
25526	LUK 11:52	Yalnipaxo Comam Jesús: —¡Cꞌanchꞌanex hex checuy isley naj Moisés! Caw yahaw hex heyakꞌni isnabal anma yin̈ Istzotiꞌ Comam Dios, yajaꞌ mach cheyaco henabal yin̈, yebpaxo ta ay mac choche chaco isnabal yin̈, mach chechacto anma yul ispultahil, ẍi Comam tet ebnaj.
25548	LUK 12:20	Tzujan tuꞌ xin, yalni Comam Dios tet naj: “¡Caw machi hawiꞌ! Yin̈ huneꞌ akꞌbal tiꞌ chaẍcamoj. ¿Mac tet xin chicanocano huntekꞌan cꞌubabil hawu tiꞌ hawalni?” ẍi Comam Dios tet naj.
25637	LUK 14:15	Hayet yabelax huneꞌ tuꞌ yu anma ayco sat meẍa tuꞌ, yalni huneꞌ naj tet Comam: —¡Sakꞌal yet anma chiwaꞌ iscꞌatan̈ Comam Dios yet huneꞌ tzꞌayical tuꞌ! ẍi naj.
25721	LUK 17:1	Yalni Comam Jesús tet ebnaj iscuywom: —Ayn̈eticꞌa istxꞌojal bay chꞌaycꞌay anma yul sat yiban̈kꞌinal tiꞌ, ¡yajaꞌ cꞌanchꞌan mac chꞌakꞌni aycꞌayo hunu maca!
25723	LUK 17:3	Yalnipaxo Comam: —¡Nann̈eojab heyu hex tiꞌ! Ta ay hunu heyuẍta maca hunu heyanab chaco ismul teyet, cachwan̈we yin̈. Yaj ta chishel isbeybal, akꞌwe nimancꞌulal yin̈,
26022	LUK 23:18	Yaj sunil anma cutxanico bey tuꞌ, ah yaw yin̈ caw ip: —¡Ilo huneꞌ naj tiꞌ yin̈ cosatan̈, cat hebejtzon naj Barrabás! ẍixan̈e anma.
26025	LUK 23:21	Yajaꞌ anma tuꞌ, caw ecꞌbalto ah yaw, yalni hacaꞌ tiꞌ: —¡Camojab naj yin̈ culus! ¡Camojab naj yin̈ culus! ẍixan̈e anma tuꞌ.
26092	LUK 24:32	Yalni ebnaj tet hunun: —¡Toꞌan yuxin caw matzalacan̈ janma yet macon̈iscuyni Comam yin̈ Istzotiꞌ Comam Dios yul beh! ẍi ebnaj.
26099	LUK 24:39	Ilwecꞌanab inkꞌaban yeb wojan bay to chꞌen lawuẍ. ¡Caw hanintonan! Tzabinwecꞌanaban cat heyohtan̈eniloj ta haninan. Wal hacaꞌ hunu ispixan camom, machi ischibehal, machipaxo isbajil hacaꞌ chu quinheyilnitiꞌan.
26113	LUK 24:53	Hunun tzꞌayic xin iscutxban isba ebnaj yul yatut Comam Dios, chalni ebnaj cꞌulla tzotiꞌ yin̈ Comam Dios. ¡Hacojab tuꞌ!
26260	JHN 4:35	Hex tiꞌ cheyala ta can̈ebto ixahaw bay chicꞌuplaxcan̈ ixim trigo. Caw hacticꞌam tuꞌ, yaj chiwalan teyet: ¡Tꞌan̈xan̈wetoj lah, naweloj! Caw maayilo istiempohal iscutxbalaxico anma wetan, hacaꞌ chiyu iscutxbalax ixim trigo yet chikꞌanbilo ixim.
26530	JHN 9:21	Yaj caw mach johtajojan̈ tzet yu ishajlo sat naj, yeb xin mach johtapaxojan̈ mac akꞌni hajloho sat naj. ¡Kꞌambewe tet naj yuto ichamxa naj, chiyu yalni naj teyet! ẍi ismam naj yeb ismiꞌ naj tet ebnaj tuꞌ.
26656	JHN 12:7	Yalni Comam Jesús tet naj: —¡Mach chacach ix! Wal xin caw yan̈ebil huneꞌ an̈ tiꞌ yu ix, yun̈e yanico ix yin̈ innimanilan yet yalan̈to maẍto chinmujlaxan.
26662	JHN 12:13	Yuxin yilo anma xaj teꞌ chꞌib, yinito anma teꞌ yun̈e isto anma ischahno Comam. Chi-la-el yaw anma yin̈ caw ip, chalni: —¡Caw niman yelapno Comam Dios! ¡Jalaꞌwe tzotiꞌ caw cꞌul yin̈ Mac akꞌbilti coxol yu Comam Dios Jahawil. Jakꞌaꞌwe tzalaho cocꞌul yin̈ Jahawil, han̈on̈ Israel hon̈ tiꞌ! ẍi anma tuꞌ.
26707	JHN 13:8	Yalni naj tet Comam: —¡Machoj Mamin! Caw maẍticꞌa chu hatxꞌahnilo wojtiꞌan, ẍi naj. Yalni Comam: —Wal xin tato mach chisje hacꞌul chintxꞌahan hawoj tiꞌ, caw mach ayachoco yetbiho ebnaj ayxaco yul inkꞌaban, ẍi Comam tet naj.
26906	JHN 19:12	Yet yaben naj yalni Comam huneꞌ tuꞌ, issayni naj tzet caw chiyu iscolcha Comam, yaj caw ip yahcan̈ yel yaw ebnaj Israel tuꞌ, chalni ebnaj: —¡Tato chabejtzo naj, caw chacaj naj jahaw ay bey Roma chal tuꞌ, yuto macn̈eticꞌa chal isba jahawil, caw chiscaj naj jahaw ay bey Roma! ẍi ebnaj.
26909	JHN 19:15	Yahpaxo wejna ebnaj yalni yin̈ caw ip: —¡Camojab naj, camojab naj, acan̈ naj yin̈ culus! ẍi ebnaj yin̈ Comam. Istakꞌwipaxo naj: —¿Tom chiwacan̈an naj heyahawil tiꞌ yin̈ culus, chal tuꞌ? ẍi naj tet ebnaj. Istakꞌwi ebnaj yahawil yin̈ ebnaj sacerdote: —Wal han̈on̈tiꞌan̈, mach hunuxa jahawilan̈ cachann̈e naj jahawil ay bey Roma, ẍi ebnaj tet naj.
26964	JHN 20:28	Lahwi tuꞌ xin, yalni naj Tomás tuꞌ tet Comam: —¡Hach Wahawil, hach inDiosalan! ẍi naj tet Comam.
26972	JHN 21:5	Yalni Comam tet ebnaj: —¡We ach! ¿Tom caw maẍto noꞌ chiahti heyu? ẍi Comam. Istakꞌwi ebnaj: —Caw machi noꞌ, ẍi ebnaj.
26974	JHN 21:7	Haꞌ xin naj iscuywom Comam caw xahan ay yu, yal naj tet naj Pedro: —¡Haꞌ Comam huneꞌ tiꞌ! ẍi naj. Yaben̈e naj Pedro tato haꞌ Comam huneꞌ tuꞌ, yanico naj xil iskꞌap, yuto yuln̈e kꞌap ayco yin̈ naj. Caw xin yin̈ an̈e isbejtzoto isba naj xol haꞌ, isto naj yilno Comam.
26992	JHN 21:25	Caw hantan̈eto tzet iswatxꞌe Comam Jesús tuꞌ. Kꞌinalo tato caw hununtajil le-yu istzꞌibn̈elaxcanoj, caw machim chiyabe huneꞌ yul sat yiban̈kꞌinal tiꞌ yu teꞌ hum tato tzꞌibn̈elaxi. ¡Hacojab tuꞌ!
27456	ACT 13:25	Yaj hayet toxa chitan̈ ismunil naj Juan, yalni naj hacaꞌ tiꞌ: —¿Hex tiꞌ ham hetxumni ta hanintiꞌan chiwijan Cristo, Hecolomal? ¡Wal xin machoj! Comam Cristo Cocolomal, tzujanto chul wintajan, yajaꞌ caw ay yelapno Comam. Walinan, matzet welapnojan nitam wocan inpuhnolojan istxꞌan̈al isxan̈ab Comam yin̈ yoj, ẍi naj Juan, ẍi naj Pablo tet anma yul iscapilla ebnaj Israel tuꞌ.
27589	ACT 16:37	Yajaꞌ xin yal naj Pablo tet ebnaj: —Wal han̈on̈tiꞌan̈, romano on̈an̈, yaj jijan̈ yu ebnaj yin̈ sat sunil anma, machi nino iskꞌambe ebnaj tato ay comulan̈. ¿Tom xin haxa tinan̈ ewantajil chon̈bejtzolaxan̈, yalni ebnaj? ¡Wal xin, machoj! Hulojab ebnaj yahaw tuꞌ, haꞌ caw ebnaj chul con̈inoltojan̈, ẍi naj Pablo.
27760	ACT 21:28	Yah yaw ebnaj yin̈ caw ip hacaꞌ tiꞌ: —¡Hex wet con̈ob Israel, colwahan̈we jin̈an̈! Haꞌ huneꞌ naj tiꞌ chꞌecꞌ cuywal yin̈ anma yulajla con̈ob. Chalni naj ta matzet chꞌocnico cocon̈ob Israel tiꞌ, yeb xin chal naj ta matzet chꞌocnico isley naj Moisés, yeb xin caw txꞌoj istzotelpaxo naj yin̈ yatut Comam Dios tiꞌ. Wal tinan̈ xin, mayicto naj huntekꞌan ebnaj griego yul yatut Comam tiꞌ, yuxin lan̈an yetaxto yatut Comam caw sajcano tiꞌ, ẍi ebnaj.
27794	ACT 22:22	Haꞌ yin̈ tuꞌ xin, cachna yaben ebnaj tzet yal naj Pablo, istzabnico ebnaj yalni yin̈ caw ip hacaꞌ tiꞌ: —¡Camojab naj! ¡Matxa yeto ay ischahni iskꞌinal naj tiꞌ tinan̈! ẍi ebnaj.
27805	ACT 23:3	Yaj xin takꞌwican̈ naj Pablo tuꞌ hacaꞌ tiꞌ: —¡Haꞌ Comam Dios chaẍmakꞌnoj, yuto caw lekꞌtiꞌ hach! Lahanach hacaꞌ hunu bitzꞌab ayco istxohal, tzꞌon̈anach bey tuꞌ yu hawilni tzet chinelicojan hacaꞌ yalni ley hawalni, yajaꞌ xin mach chayije tzet chal coley yuto chachejti ebnaj tiꞌ quinismakꞌaꞌan, ẍi naj.
27915	ACT 26:24	Yet yalni naj Pablo huntekꞌan tzotiꞌ tuꞌ iscolbaniloj, yah yaw naj Festo hacaꞌ tiꞌ: —¡Caw loco hachxa ach Pablo! Yu tzetcꞌaxa chacuycanoj yuxin chaẍpaqꞌui locohal, ẍi naj.
28023	ROM 1:25	Maẍtaj isyelal Comam Dios yayto anma yul yanma, walxinto haꞌ lekꞌtiꞌal yayto anma yul yanma. Haꞌ xin tet huntekꞌan tzet watxꞌebil yu Comam Dios haꞌ bay chiyo isba anma yeb haꞌ chaco anma ismay; maẍtaj tet Comam watxꞌen̈e sunil tzet ye tuꞌ, Comam yet ay yanico anma ismay yin̈ sunilbal tiempo, ¡hacojab tuꞌ!
28151	ROM 6:15	¿Tzet xin cheyute heyalni? ¿Tom chon̈oc jakꞌaꞌpaxico comul yu matxataj yalan̈ ley ayon̈icoj, to yalan̈xa iscꞌulchꞌanil iscꞌul Comam Dios? ¡Wal xin machoj!
28274	ROM 10:18	Yajaꞌ, ¿tzet cheyute heyalni? ¿Tom mach yabe anma Israel huneꞌ Tzotiꞌ yet colbanile tiꞌ? ¡Wal xin caw yabe! Hacaꞌ yalni yul Yum Comam Dios bay chala: Sunil yul sat yiban̈kꞌinal tiꞌ bay chꞌabelaxi masanta bay chicachnacan apno yul sat yiban̈kꞌinal tiꞌ, ẍiayoj.
28310	ROM 11:33	¡Caw mach isbi hanta iscꞌulal Comam Dios, yeb xin ishelanil, yebpaxo isnabal! Caw machi hunu mac chikꞌoji istxumni yin̈ tzet chiecꞌ yin̈ isnabal Comam yeb xin yin̈ tzet chiswatxꞌe Comam.
28313	ROM 11:36	Wal xin sunil tzettaj ye tuꞌ, tet Comam chitita; yu Comam yuxin aya, ismaypaxo Comam ye sunil. ¡Yuxin alaxojabico ismay Comam yin̈ sunilbal tiempo! ¡Hacojab tuꞌ!
28363	ROM 14:15	Yuxin ta yu tzet chelo cheyakꞌ taco iscꞌul hunu ebnaj juẍtaj, haꞌ chal yelapno tuꞌ mach xahano cheyil heba. ¡Machojab taj yu tzet chelo cheyakꞌ aycꞌayo hunu maca, yuto haꞌ huneꞌ mac tuꞌ bay yakꞌ camo isba Comam Jesús!
28370	ROM 14:22	Haꞌ tzet cheyayto yul heyanma, tꞌin̈anojab heye yin̈ yul sat Comam Dios. ¡Sakꞌal yet mac mach chicabcon iscꞌul yin̈ tzet chiswatxeꞌ!
28404	ROM 15:33	Haꞌojab Comam yahaw akꞌancꞌulal chioc heyetbihoj. ¡Hacojab tuꞌ!
28428	ROM 16:24	Yakꞌabayo Comam Jesucristo iscꞌulchꞌanil iscꞌul teyiban̈. ¡Hacojab tuꞌ!
28431	ROM 16:27	Yu tzet iswatxꞌe Comam Jesucristo yuxin alaxojabico ismay Comam Dios yin̈ sunilbal tiempo, Comam huneꞌn̈echꞌan yeb caw ay ishelanil. ¡Hacojab tuꞌ!
28843	1CO 15:57	¡Yajaꞌ yuchꞌandios tet Comam Dios, yuto xacon̈kꞌoji yin̈ naj camical, yaj yu Comam Jesucristo!
28866	1CO 16:22	Ta ay hunu mac mach chiochen Comam Jesucristo, tijab isyaꞌtajil yiban̈. Yin̈ sunil wanmahan chiwalnihan tet Comam: ¡Mam Jesucristo Jahawilan̈, hulan̈! quinchiyan.
28868	1CO 16:24	Caw chitzala wanmahan teyin̈ hesunil, hex ayexxaco yul iskꞌab Comam Jesucristo. ¡Hacojab tuꞌ!
28917	2CO 3:8	¡hajxampaxo xin huneꞌ iscab trato chij isba yu Comam Espíritu Santo, ecꞌbalto iscꞌulchꞌanil chu yakꞌlax istzotiꞌal!