20	GEN 1:20	Go Anôtô kêsôm gebe “Bu to gwêc sêkôc gêŋ mateŋ jaliŋa palac-palacgeŋ to moc sêlôp sêmoa nom to umboŋ ŋasawa,” e ŋanô kêsa.
21	GEN 1:21	Tec Anôtô kêkêŋ gêŋsêga gwêcŋa to gêŋ mateŋ jali samob, taŋ sêmoa bu to gwêc palac-palacgeŋ ma kêkêŋ moc tomagê tokaiŋ-tokaiŋ. Ma Anôtô gêlic gebe ŋajam.
25	GEN 1:25	Tec Anôtô kêkêŋ bôc nomŋa tokaiŋ-tokaiŋ, gêŋ masiŋ tokaiŋ-tokaiŋ to gêŋ, taŋ sêgalab to sêlê naŋ, tokaiŋ-tokaiŋ. Ma Anôtô gêlic gebe ŋajam.
32	GEN 2:1	Amboac tonaŋ undambê to nom ŋagêŋ mateŋ jali totau-totau samob ŋanô kêsa.
50	GEN 2:19	Tec Apômtau Anôtô kêkôc nom ma kêmasaŋ bôc saleŋŋa samob to moc umboŋ ŋalabuŋa totau-totau ma kêkêŋ gêŋ tau gêdêŋ ŋamalac ma gebe êŋô ŋaê, taŋ ŋamalac ê êpi gêŋ totau-totau tonaŋ. Ma ŋaê, taŋ ŋamalac gê kêpi gêŋ totau-totau samob kêtômgeŋ naŋ, tec kêtu êsêacnêŋ ŋaê.
74	GEN 3:18	Gêŋ têkwa-têkwa to waôŋ êtu nêm kôm ŋanô ma ôniŋ ŋagêŋgaga.
80	GEN 3:24	Ma eŋ kêmasuc ŋamalac ma kêkêŋ kerub tosiŋ ŋaôsic-ôsic sêkô kôm Eden ŋagamêŋ oc kêpiŋa gebe sejop ka daŋgôŋ mateŋ jaliŋa ŋaintêna.
102	GEN 4:22	Ma Sila kêkôc gôlôac amboac tonaŋ, ênê ŋaê gebe Tubal-Kain. Eŋ kêtu lau-sêpac-kiwaga, taŋ sêmasaŋ gêŋ ŋa ki kokoc to jejec naŋ, nêŋ mimi. Tubal-Kain luo Nama.
142	GEN 6:4	Gêdêŋ têm, taŋ lau undambêŋa sêjam ŋamalac latuŋio e êsêac sêkôc ŋapalê naŋ, lau waso-waso kaiŋ teŋ sêmoa nom. Ma gêdêŋ têm, taŋ kêdaguc naŋ, amboac tonaŋgeŋ. Lau ŋaclai towae têm andaŋgeŋanôŋa tau tonec.
149	GEN 6:11	Mago Anôtô gêlic nom kêtu sec sugac ma biŋ alôb-alôb gêjam nom auc.
151	GEN 6:13	Ma Anôtô kêsôm gêdêŋ Noa gebe “Aê taêc gêjam kêtu tôŋ gebe janac gêŋ mateŋ jali samob nêŋ lêŋ pep tageŋ gebe ŋamalacnêŋ biŋ alôb-alôb gêjam nom samucgeŋ auc. Kêtu tonaŋŋa aê gabe janseŋ êsêac tonomgeŋ su sênaŋa.
152	GEN 6:14	Ônsô waŋ kapôêŋ teŋ ŋa ka balaŋ. Ômansaŋ tobalêm-tobalêm ma opeŋ sip aŋga dêmôêŋa to lêlômŋa.
157	GEN 6:19	Ma bôc samob to gêŋ mateŋ jali tokaiŋ-tokaiŋ naŋ, ôkêŋ luagêc-luagêc sêsô waŋ sêna gebe sêmoa mateŋ jali sêwiŋ aôm, ôkêŋ kapoac teŋ ma têna teŋ.
158	GEN 6:20	Moc tokaiŋ-tokaiŋ ma gêŋ, taŋ sêgalabgeŋ naŋ, tokaiŋ-tokaiŋ ŋaluagêc-luagêc sêsô waŋ sêna sêwiŋ aôm gebe sêmoa mateŋ jali.
159	GEN 6:21	Ma aôm ônac gêŋ taniŋŋa tokaiŋ-tokaiŋ sa, gebe êpuc aôm to êsêac samob tôŋ.”
162	GEN 7:2	Ôkôc bôc 7-7 aŋga bôc selec samob nêŋ, kapoac to têna. Mago ôkôc bôc luagêc-luagêc aŋga bôc, taŋ selec atom naŋ, kapoac teŋ ma têna teŋ.
174	GEN 7:14	Êsêac ma bôc saleŋŋa tokaiŋ-tokaiŋ to bôc malacŋa tokaiŋ-tokaiŋ ma gêŋ, taŋ sêgalabgeŋ aŋga nom samob tokaiŋ-tokaiŋ to moc tokaiŋ-tokaiŋ, moc to gêŋ tomagê samob,
178	GEN 7:18	Ma bu kêsuŋ kêpi-kêpi e gêjam sêga aŋga nom ma waŋ kêpoac bu ŋaô.
189	GEN 8:5	Bu kêtaiŋ-kêtaiŋ e gêdêŋ ajôŋ kêtu 10ŋa. Gêdêŋ ajôŋ tonaŋ ŋabêc ŋamataŋa lôc ŋagêdô ŋatêpôê mêŋkêpi.
191	GEN 8:7	ma kêkêŋ aoco teŋ gêlôb kêsa gêja. Moc tonaŋ gêlôb gêja-gêmu, gêja-gêmu e bu kêpa aŋga nom.
203	GEN 8:19	ma bôc saleŋŋa to malacŋa samob, moc samob to gêŋ, taŋ sêgalabgeŋ sêmoa nom naŋ, samob tokaiŋ-tokaiŋ sêsa aŋga waŋ sêja.
240	GEN 10:5	Lau gwêcŋa sêsa aŋga lau tonaŋ nêŋ. Lau tonec têtu Japetnê wakuc têtôm nêŋ gamêŋ to aweŋ gêdêŋ-gêdêŋgeŋ ma têtôm nêŋ gôlôac to gôlôacmôkê gêdêŋ-gêdêŋgeŋ.
246	GEN 10:11	Eŋ gêwi gamêŋ tonaŋ siŋ ma gêja Asuria ma kêkwê malac Niniwe to Rehobot-Ir ma Kala
255	GEN 10:20	Lau tonec têtu Hamnê wakuc têtôm nêŋ gamêŋ to aweŋ gêdêŋ-gêdêŋgeŋ ma têtôm nêŋ gôlôac to gôlôacmôkê gêdêŋ-gêdêŋgeŋ.
266	GEN 10:31	Lau tonec têtu Semnê wakuc têtôm nêŋ gamêŋ to aweŋ gêdêŋ-gêdêŋgeŋ ma têtôm nêŋ gôlôac to gôlôacmôkê gêdêŋ-gêdêŋgeŋ.
270	GEN 11:3	Ma êsêac sêôc tauŋ gebe “Ajôc, tamansaŋ nomku têkê-têkê ma tapac e ŋajaŋa êsa.” Ma êsêac sêkôc poc nomkuŋa gêjô poc anô ma sêkôc kolda kêtu sêsap poc tôŋŋa.
271	GEN 11:4	Go sêsôm gebe “Ajôc, takwê nêŋ malac teŋ sa to andu baliŋ teŋ e ŋatêpôê soso êpi undambê gebe tamboa nêŋ ŋaê sa, gebe têta aêac saliŋ-saliŋ tanam nom samuc auc atom.”
275	GEN 11:8	Ma Apômtau kêta êsêac saliŋ-saliŋ e jasêjam nom samucgeŋ auc ma êsêac sêpô kôm sêkwê malac saŋa siŋ.
276	GEN 11:9	Kêtu tonaŋŋa sê malac tau ŋaê gebe Babel, ŋam gebe Apômtau kêgaluŋ lau nomŋa samob aweŋ aŋga ônê ma kêta êsêac saliŋ-saliŋ e sêjam nom samucgeŋ auc.
305	GEN 12:6	Abram kêsêlêŋ-kêsêlêŋ e jagêô lasê malac Sikem to kamem, taŋ kêkô More naŋ. Gêdêŋ têm tonaŋ lau gamêŋ Kanaan ŋa sêŋgôŋ gamêŋ tau.
309	GEN 12:10	Ma tôbôm kêsa gamêŋ tonaŋ. Tec Abram kêsêp Aiguptu gêja gebe êsêlêŋ-êsêlêŋ êmoa tônê gebe tôbôm kapôêŋ gêc gamêŋ tau.
322	GEN 13:3	Ma eŋ kêsêlêŋ-kêsêlêŋ gêmoa Negeb e gêô lasê Betel e gêdêŋ gamêŋ, taŋ gêmuŋgeŋ gê becobo kêsêp, gêc Betel ma Ai ŋasawa naŋ,
332	GEN 13:13	Mago lau Sodomŋa lau secanô ma sêgôm gêŋ alôb-alôb gêdêŋ Apômtau.
342	GEN 14:5	Jala kêtu 14ŋa Kedorlaomer to kiŋ, taŋ sêwiŋ eŋ naŋ, sêmêŋ ma sêkôniŋ Repaim aŋga Asterot-Karnaim to Susim aŋga Ham ma Emim aŋga Sawe-Kiriataim
344	GEN 14:7	Go sêkac tauŋ ôkwi sêmu sêja En-Mispat (ŋaê teŋ gebe Kades) ma sêkôniŋ lau Amalek nêŋ gamêŋ samob ma lau gamêŋ Amorŋa, taŋ sêŋgôŋ Hasason-Tamar naŋ, amboac tonaŋgeŋ.
357	GEN 14:20	Aweŋ êôc Lôlôc Ŋatau Anôtô, taŋ kêkêŋ nêm ŋacjo sêsô aôm lêmam ŋalabu.” Ma Abram kêkôc gêŋ lemeŋ lu-lemeŋ lu ŋatageŋ-tageŋ sa kêkêŋ gêdêŋ eŋ.
371	GEN 15:10	Ma eŋ kêkôc gêŋ samob tonaŋ ma kêsêlê kêkôc gêja luagêc-luagêc ma kêdênaŋ makeŋ-makeŋ kêkanôŋ tau, mago moc, tec kêsêlê atom.
373	GEN 15:12	Oc jakêsêp ma Abram gêc bêc e kêliŋ tau siŋ ma nê ŋalêlôm ôluŋ-ôluŋgeŋ to ŋakesec kêkôm eŋ auc.
377	GEN 15:16	Ma nêm gôlôac ŋatoŋ têtu aclêŋa oc sêmu sêmêŋ gamêŋ tonec êtiam, gebe lau gamêŋ Amorŋa nêŋ alôb-alôb gêjac pep atom tageŋ.”
443	GEN 18:18	Kajalagac gebe Abraham êtu laum kapôêŋ to ŋajaŋa, ma lau tom-tom samob têtap mec ŋamoasiŋ sa aŋga ênê,
467	GEN 19:9	Mago êsêac sêsôm gebe “Aôm ôêc su.” Ma sêsôm gebe “Ŋac tonec gêô lasê amboac ŋac jaba ma galoc ketoc tau sa gebe êtu ŋac-êmêtôc-biŋwaga. Amboac tonaŋ, aêac aŋgôm aôm sec êlêlêc êsêagêc su.” Ma êsêac guluc-gulucgeŋ sebe sêkôc Lot tôŋ ma sebe têtuc katam popoc.
489	GEN 19:31	Ma awêsêga kêsôm gêdêŋ awê sauŋ gebe “Tameŋi kêtu ŋamalacanô sugac ma ŋac teŋ gêmoa nom tonec atom gebe êmoa êwiŋ aêagêc amboac sêgôm-sêgôm kêtôm gamêŋgeŋ.
516	GEN 21:2	Abraham kêtu ŋamalacanô su, go Sara taê ma kêkôc Abrahamnê latu-teŋ gêdêŋ noc, taŋ Anôtô kêsam gêdêŋ eŋ naŋ.
523	GEN 21:9	Ma Sara gêlic awê Aiguptuŋa Hagar, nê latu, taŋ Abraham kêka lasê naŋ, gêjam dôa-dôa gêwiŋ latu Isak.
545	GEN 21:31	Kêtu tonaŋŋa sêsam gamêŋ tonaŋ gebe Ber-Seba gebe êsêagêc lulu têtôc lemeŋ.
546	GEN 21:32	Êsêagêc sêmoatiŋ poac aŋga Ber-Seba su, go Abimelek agêc Pikol, ênê siŋwaganêŋ ŋac ŋamataŋa, dêdi ma sêmu sêja Pilistinêŋ gamêŋ kêtiam.
547	GEN 21:33	Mago Abraham kêsê ka gamêŋ sawaŋa teŋ ŋaê gebe tamarisk aŋga Ber-Seba ma awa gêjac Apômtau Anôtô teŋgeŋ nê ŋaê.
562	GEN 22:14	Abraham kêsam gamêŋ tonaŋ ŋaê gebe “Apômtau gebe ênam sa êndêŋ ŋanoc,” amboac sêsôm-sêsôm e mêŋgêdêŋ galoc gebe “Aŋga lôc Apômtau gebe ênam sa êndêŋ ŋanocŋa.”
567	GEN 22:19	Amboac tonaŋ Abraham gêmu gêdêŋ nê sakiŋwagaagêc gêja ma ac dêdi sêwiŋ tauŋ sêja Ber-Seba. Ma Abraham gêŋgôŋ Ber-Seba kêtu têlê.
574	GEN 23:2	Ma Sara gêmac êndu aŋga Kiriat-Arba (ŋaê teŋ gebe Hebron) aŋga gamêŋ Kanaan. Ma Abraham kêsô gebe êpuc taŋiboa sa ma êtaŋ êtu Saraŋa.
591	GEN 23:19	Su, go Abraham kêsuŋ nê awê Sara kêsêp pocgêsuŋ, taŋ gêc kôm Mak-Pela naŋ, gêc Mamre (ŋaê teŋ gebe Hebron) ŋagamêŋ oc kêpiŋa aŋga gamêŋ Kanaan.
602	GEN 24:10	Go sakiŋwaga kêkôc nê ŋataunê kamele 10 to nê ŋataunê gêlôŋ ma awa tokaiŋ-tokaiŋ ma gêdi gêja. Eŋ kêsêlêŋ gêja Mesopotamia e gêô lasê Nahornê malac.
612	GEN 24:20	Amboac tonaŋ eŋ kêkêc bu kêsêp bôcnêŋ suc kêtê-kêtê bu gêja gêmu mêŋkêkêŋ gêdêŋ kamele samob sênôm.
726	GEN 26:33	Eŋ kêsam bumata tau gebe “Siba,” ŋam gebe Tatôc lemeŋ. Kêtu tonaŋŋa malac ŋaê gebe Ber-Seba e mêŋgêdêŋ galoc.
751	GEN 27:23	Ma eŋ kêjala eŋ atom gebe lêma amuc-amuc kêtôm têwa Esau lêma, tec gêjam mec eŋ.
784	GEN 28:10	Jakob gêdi aŋga Ber-Seba kêsêlêŋ kepeŋ Haran gêja
786	GEN 28:12	Ma gêc mê gebe têcwale teŋ kêkô nom ma ŋatêpôê jadiŋgeŋ undambê. Ma Anôtônê aŋela sêpi-sêsêp sêmoa têc.
796	GEN 28:22	Poc tonec gajac sa kêkô kêtu ŋabelo êtu Anôtônê andu. Ma gêŋ samob, taŋ aôm ôkêŋ êndêŋ aê naŋ, aê jakêŋ gêŋ 10-10 ŋateŋ ŋanô-teŋ ŋanô êtômgeŋ êmu êndêŋ aôm êwac.”
830	GEN 29:34	Eŋ taê-kêtiam ma kêkôc ŋapalê ŋac teŋ ma kêsôm gebe “Galoc ŋoc akweŋ êsap aê tôŋ gebe aê kakôc ênê latui têlêac.” Kêtu tonaŋŋa eŋ gê ênê ŋaê gebe Lewi.
863	GEN 30:32	Galoc aê janac nêm bôc pebeŋ kêsi ma jajaliŋ bôc ôliŋ komokom to tictêla-tictêla samob sa ma domba jejec to noniŋ komokom to tictêla-tictêla amboac tonaŋgeŋ ma gêŋ tonaŋ têtu ŋoc ŋaôli.
864	GEN 30:33	Êtu ŋamu biŋ tonec êwaka aê sa gebe aê ŋac gêdêŋ gebe Aôm embe ômôêŋ gebe ônac ŋoc ŋaôli kêsi ma ôlic noniŋ, taŋ ôliŋ komokom to tictêla-tictêla atom to domba, taŋ jejec atom naŋ ŋateŋ, go ôlic aê amboac ŋac geŋgeŋ.”
866	GEN 30:35	Mago gêdêŋ bêc tecenaŋ Laban kêkôc noniŋ kapoac talô-talô to tictêla-tictêla ma noniŋ têna ôliŋ komokom to tictêla-tictêla samob su, samob, taŋ ôliŋ sêpsêp ŋagec gêc naŋ, to domba jejec samob amboac tonaŋ ma kêkêŋ gêdêŋ latui sejop.
870	GEN 30:39	Bôc sêgêli tauŋ sêmoa sêkanôŋ gamêŋ, taŋ kalatu sêkô naŋ, tec sêsu ŋalatu ôliŋ talô-talô to komokom ma tictêla-tictêla.
875	GEN 31:1	Ma Jakob gêŋô Laban latui sêsôm-sêsôm gêdêŋ tauŋ gebe “Jakob kêjaŋgo tameŋinê gêŋ samob su. Aŋga tameŋinê gêŋ eŋ kêtap waba taêsam sa e kêtu ŋac tolêlôm.”
882	GEN 31:8	Gêdêŋ taŋ eŋ kêsôm gebe ‘Bôc toôliŋ komokom têtu nêm ŋaôli’ naŋ, bôc samob sêsu ŋalatu toôliŋ komokom. Ma gêdêŋ taŋ eŋ kêsôm gebe ‘Bôc toôliŋ tictêla-tictêla têtu nêm ŋaôli’ naŋ, bôc samob sêsu ŋalatu toôliŋ tictêla-tictêlageŋ.
884	GEN 31:10	“Gêdêŋ têm taŋ bôc sêgêli tauŋŋa naŋ, aê gaôc matocanô sa ma gaêc mê teŋ ma galic noniŋ kapoac, taŋ sêgêli noniŋ têna naŋ, ôliŋ komokom to tictêla-tictêla ma talô-talô.
886	GEN 31:12	Ma eŋ kêsôm gebe ‘Ôc matamanô sa ma ôlic. Noniŋ kapoac samob, taŋ sêgêli noniŋ têna naŋ, ôliŋ komokom to tictêla-tictêla ma talô-talô gebe aê galic gêŋ samob, taŋ Laban gêgôm gêdêŋ aôm naŋ.
927	GEN 31:53	Abrahamnê Anôtô to Nahornê Anôtô ma agêc tameŋinê Anôtô êtu ŋac-mêtôcwaga êkô aêagêc ŋasawa.” Ma Jakob kêtôc lêma gêdêŋ tama Isak nê kêtêc tau ŋamôkê.
945	GEN 32:17	Bôc totoŋ-totoŋ tonaŋ eŋ kakêŋ sêsêp sakiŋwaga lemeŋ gêdêŋ-gêdêŋgeŋ ma kêsôm gêdêŋ nê sakiŋwaga gebe “Amac amuŋ aê ma akêŋ ŋasawa êsi tau êniŋ toŋ êndêŋ-êndêŋ-geŋŋa êŋgic êtômgeŋ.”
948	GEN 32:20	Eŋ kêjatu biŋ tonaŋgeŋ gêdêŋ ŋac kêtu luagêcŋa to têlêacŋa ma êsêac samob, taŋ têdaguc bôc ŋatoŋ gêdêŋ-gêdêŋgeŋ naŋ. “Amac embe andac Esau, go asôm biŋ tageŋ tonaŋgeŋ êndêŋ eŋ
964	GEN 33:3	Eŋ tau gêwê êsêac ac têtu oloŋ-oloŋ sêja. Eŋ gewec e jakêtap labôc kêtu dim 7 e jagêjac têwa sa.
975	GEN 33:14	Amboac tonaŋ, ŋoc ŋatau, ôsêlêŋ ômuŋ aêac. Aê jawê bulimakao malô-malôgeŋ jandaŋguc êtôm bôc to gôlôac ŋasec-ŋasec sêkêŋ aê e wacjaô lasê ŋoc ŋataunê gamêŋ Seir.”
1005	GEN 34:24	Ma êsêac samob, taŋ sêsô-sêsa ênê malac ŋasacgêdô sêmoa naŋ, sêkêŋ taŋeŋ Hamor agêc latu Sikem nêŋ biŋ. Ma sêsa ŋacwaga samob, taŋ sêsô-sêsa ênê malac ŋasacgêdô sêmoa naŋ.
1010	GEN 34:29	Êsêac sêkôc waba samob ma nêŋ gôlôac ŋasec-ŋasec samob to nêŋ lauo ma sêwê êsêac sêc sêja ma sêjam geŋgeŋ gêŋ samob, taŋ gêc nêŋ andu naŋ.
1017	GEN 35:5	Go êsêac dêdi. Ma Anôtô gêgôm lau malac ŋamagê-magêŋa samob têtêc tauŋ e sêjanda Jakob latui atom.
1023	GEN 35:11	Ma Anôtô kêsôm gêdêŋ eŋ gebe “Ŋajaŋa ŋatau Anôtô aê. Ôka gôlôac lasê e têtu lau taêsam. Laum kapôêŋ teŋ ma lau toê-toê sêsa aŋga aômnêm. Ma kiŋ sêsa aŋga aômnêm amboac tonaŋgeŋ.
1045	GEN 36:4	Ma Ada kêkôc Esau latu Elipas ma-Basemat kêkôc Reuel.
1079	GEN 36:38	Saul gêmac êndu ma Akbor latu Bal-Hanan gêjam gôliŋ gêjô eŋ su.
1080	GEN 36:39	Akbor latu Bal-Hanan gêmac êndu ma Hadar gêjam gôliŋ gêjô eŋ su. Ênê malac ŋaê Pau. Ênê awênê ŋaê Mehetabel. Eŋ Mesahab latuo Matred nê latuo.
1112	GEN 37:28	Ma têtulu-gêŋwaga aŋga Midian sêsêlêŋ sêôc lêlêc êsêac. Go Josep têwai sê eŋ sa aŋga sêlêlôm ma sêkêŋ eŋ gêdêŋ lau Ismael sêjam ôli eŋ ŋa silber ŋadôŋ 20. Ma êsêac sêkôc Josep sêja Aiguptu.
1119	GEN 37:35	Latuio to ŋac samob dêdi sebe sênam malô-malô eŋ, mago eŋ gedec gebe sênam malô eŋ ma kêsôm gebe “Masi, aê totaŋiboageŋ jasêp lamboam jawiŋ latuc jana.” Tama kêtaŋ-kêtaŋ eŋ amboac tonaŋ.
1121	GEN 38:1	Gêdêŋ ŋasawa tonaŋ Juda gêwi nê lasitêwai siŋ-ma jakêsap ŋac gamêŋ Adulamŋa teŋ tôŋ, nê ŋaê gebe Hira.
1159	GEN 39:9	Eŋ ŋac kapôêŋ kêlêlêc aê aŋga andu tonec atom ma kêgamiŋ gêŋ teŋ gêdêŋ aê atom, aôm taômgeŋ gebe aôm kôtu ênê awê. Tec aê jaŋgôm gêŋ alôb-alôb kapôêŋ tonec ma jaŋgôm sec êndêŋ Anôtô êtu asageŋŋa.”
1178	GEN 40:5	Ma gêdêŋ gêbêc tageŋ êsêagêc lulugeŋ sêc ma teŋ-kiŋ Aiguptuŋa nê ŋac kêpip wain ŋanôŋa agêc ŋac kêpac polomŋa, taŋ sêŋgôŋ kapoacwalô naŋ — agêc sêc nêŋ mê keso tau ma agêc lulugeŋ nêŋ ma ŋam keso tau amboac tonaŋgeŋ.
1180	GEN 40:7	Ma eŋ kêtu kênac Paraonê laumata, taŋ sêŋgôŋ ênê ŋataunê andu sêwiŋ eŋ gebe sejop êsêacŋa naŋ, gebe “Agêc laŋômanô bêlê-bêlê kêtu asageŋŋa.”
1208	GEN 41:12	Ŋacseŋom Ebolaiŋa teŋ gêŋgôŋ gêwiŋ aêagêc. Eŋ kêtu siŋwaganêŋ kapitainê sakiŋwaga teŋ. Aêagêc ajac miŋ ma ma gêdêŋ eŋ ma eŋ gêwa mê ŋam sa gêdêŋ aêagêc. Eŋ gêwa sa gêdêŋ aêagêc gêdêŋ-gêdêŋgeŋ katôm ma ma tau.
1230	GEN 41:34	Aôm ôkêŋ gejobwaga êtôm gamêŋ samobgeŋ. Êndêŋ jala tomoasu 7 tonaŋ lau embe têtap polom talu lemeŋ teŋ-lemeŋ teŋ sa, go sêkôc talu tageŋ-tageŋ su aŋga êsêacnêŋ atôm gamêŋ Aiguptuŋa samob.
1238	GEN 41:42	Ma Parao kêkôc nê riŋ toŋatalô êwa eŋ saŋa mêŋkêkêŋ gêdêŋ Josep kêka. Eŋ kakêŋ ŋakwê ŋajam-ŋajam gêdêŋ eŋ kêsô ma kêkêŋ kapoacwalô gold eŋ gênôŋ.
1254	GEN 42:1	Gêdêŋ taŋ Jakob gêŋô polom gêc Aiguptu ŋawae naŋ, eŋ kêsôm gêdêŋ latui gebe “Matemanô gêdêŋ-gêdêŋ taôm kêtu asageŋŋa.”
1274	GEN 42:21	Go êsêac sêsôm gêdêŋ tauŋ gebe “Biŋŋanôgoc, gêŋ taŋ dagôm gêdêŋ lasiŋi naŋ ŋagêjô tonec. Aêac talic eŋ gêmoa toŋalêlôm ôluŋ-ôluŋgeŋ ma keteŋ aêac, mago takêŋ taŋeŋ eŋ atom. Kêtu tonaŋŋa gêŋwapac tonec kêtap aêac sa jagêdêŋgeŋ.”
1288	GEN 42:35	Gêdêŋ taŋ êsêac sêjac nêŋ talu lêtêŋ naŋ, samob sêlic nêŋ bôlêŋ tosabaŋ-tosabaŋ kêsêp nêŋ talu gêdêŋ-gêdêŋgeŋ. Êsêac to tameŋi sêlic nêŋ bôlêŋ tosabaŋ-tosabaŋ ma têtêc tauŋ.
1299	GEN 43:8	Ma Juda kêsôm gêdêŋ tama Israel gebe “Ôsakiŋ ŋapalê tau êwiŋ aê, go andi ma asêlêŋ gebe tamoa mateŋ jali ma aôm to aêac ma nêŋ gôlôac ŋasec-ŋasec amboac tonaŋgeŋ, tamac êndu atom.
1378	GEN 45:19	Ôjatu êsêac amboac tonec êwiŋ gebe Aŋgôm tonec gebe Akôc kareta aŋga gamêŋ Aiguptuŋa êtu nêm ŋasec-ŋasec to nêm lauoŋa ma akôc tamemi amêŋmaŋ.
1381	GEN 45:22	Eŋ kêkêŋ ŋakwê omŋa tageŋ-tageŋ gêdêŋ êsêac samob kêtômgeŋ, Benjamin taugeŋ tec kêkêŋ silber ŋadôŋ 300 to ŋakwê omŋa lemeŋ teŋ gêdêŋ eŋ.
1388	GEN 46:1	Amboac tonaŋ Israel gêdi ma kêkôc nê gêŋ samob gêwiŋ gêja. Eŋ gêô lasê Ber-Seba ma kêkêŋ da gêdêŋ tama Isak nê Anôtô.
1392	GEN 46:5	Go Jakob gêdi aŋga Ber-Seba. Ma Israel latui sêkêŋ tameŋi Jakob to nê ŋasec-ŋasec ma nêŋ lauo sêpi kareta, taŋ Parao kêsakiŋ kêtu êkôc eŋŋa.
1445	GEN 47:24	Mago kôm ŋanô tau awa êkôc êna toŋ lemeŋ teŋ ma akêŋ toŋ teŋ êndêŋ Parao. Toŋ aclê êtu amacnêm gebe asê êsêp kôm wakuc ma aniŋ êtu amac to nêm gôlôac ma nêm ŋasec-ŋasec nêm mo.”
1468	GEN 48:16	aŋela, taŋ gêjam aê kêsi gêdêŋ gêŋwapac samob naŋ, ênam mec ŋapalêagêc gebe ŋoc ŋaê to tamocagêc Abraham agêc Isak nêŋ ŋaê elom-elom aŋga êsêagêcnêŋ e têtu taêsam ma seola nom ŋagamêŋ auc.”
1481	GEN 49:7	Aê japuc boa nêŋ têntac ŋandaŋ, gebe têntac ŋandaŋ ŋawaôboa to nêŋ ŋalêlôm kêmoatiŋ ŋajaŋa. Aê gabe jawa êsêac êkôc aŋga Jakobnê gamêŋ ma jata êsêac saliŋ-saliŋ aŋga Israel.
1500	GEN 49:26	Tamamnê mec ŋamoasiŋ tolêlôm-tolêlôm kêlêlêc lôc teŋgeŋŋa ŋamec ŋamoasiŋ su, kêlêlêc gamêŋ ŋabau laŋgwa sec ŋamoasiŋ. Gêŋ tonaŋ ŋai ênsac Josep môkêapac ŋaô, ênsac ŋac, taŋ gêmoa jaêc lasitêwai naŋ ŋaô.