23214	MAT 1:1	Utuba abanga Yeso, vana Udauda, bi Sana bi Ibrahim Bini.
23215	MAT 1:2	Ibrahim maa yoo Ishaku, Ishaku ma yoo yakubu, Yakubu mayoo Yahuda, nan anu henu umeme.
23216	MAT 1:3	Yahuda me mani maa yoo Larisa nan Zaraha nan Farisa, usuro u Tamar, Farisa ma yoo Hasruna, Hasruna mayoo Aram.
23217	MAT 1:4	Aram ma yoo Aminadab, Aminadab ma yoo Nashon, Nashon ma yoo Salman.
23218	MAT 1:5	Salman mayoo Bo'aza usuro u Rahab. Bo'aza ma yoo Obida usuro u Rut, Obida ma yoo Yesse.
23219	MAT 1:6	Yesse ma yoo Dauda ugomo, Dauda ma yoo Sulemanu desa a ino me mani unee u Uriya.
23220	MAT 1:7	Sulemanu ma yoo Rehoboulam, Rehoboulam ma yoo Abiya, Abiya ma yoo Asa.
23221	MAT 1:8	Asa ma yoo Yehoshafat, Yehoshafat ma yoo yoram, Yoram ma yoo Azariya.
23222	MAT 1:9	A zariya ma yoo Yotam, Yotam ma yoo Ahas ma yoo Hezekiya.
23223	MAT 1:10	Hezekiya ma yoo Manassa, Manassa ma yoo Amon, Amon ma yooYosiya.
23224	MAT 1:11	Yosiya mayoo Yakoniya nan anu henu ume.
23225	MAT 1:12	Uganya sa a ziki we u hana Ubabila, ba Yakoniya ma yoo Sheyaltiyel, sheyeltiyel ma yoo Zarubabel.
23226	MAT 1:13	Zarubabel ma yoo Abihudu, Abihudu ma yoo Eliyakim, Eliyakim ma yoo Azuro.
23227	MAT 1:14	Azuro ma yoo Suduku, Suduku ma yoo Akimu, Akimu ma yoo Aliyidu.
23228	MAT 1:15	Aliyudu ma yoo Ele'azara, Ele'azara ma yoo Matana, Matana mayoo Yakubu.
23229	MAT 1:16	Yakubu ma yoo Isubu uruma' u maryamu desa ma yoo Yeso, sa atisa me unu bura.
23230	MAT 1:17	Vat bisana bi Ibrahim uhana u Dauda bisana kanu kirau in ka nazi. Usuro Udauda u'inta uwe uhani uwe ubabila me, bisana ukirau inkani ka nazi kani, u inta uwe ubabila uhana unu bura bisana ukirau in kani ka nazi.
23231	MAT 1:18	Uyoo u Yeso uzi gusi ana sa Isubu maa zin inti nyari ti Maryamu a i'no a Yeso, adaza sarki uzika ume, a iri me ma tonno u suro ubibe bilau.
23232	MAT 1:19	Uruma ume Isubu unu mani shew si, mada nyara me ma nya mu'i aje anu, ma ziki iriba ime madi harzina nan me in nihunzi.
23234	MAT 1:21	Madi yoo vana udi nyame niza Yesu barki me mani madi buri a nu ame amadini.
23235	MAT 1:22	Vat uwuzi ani me, barki a myinca imumbe sa Ugomo Asere ma buka unu kur zoutize.
23236	MAT 1:23	“I ye kubura kudi we puru, ku yoo vana, adi wume ni za Emmanuel” (bi nyo bini zame Asere azi nan haru).
23237	MAT 1:24	Sa Yusufu ma zuma amoro, matar si ti ze ti bibe bi kadura kasere ma ziki une ume.
23238	MAT 1:25	Dama rusi nipum nume mayo ma in kime ni za Yesu.
23239	MAT 2:1	U ganiya sa, aa yoo Yesu u Baitalami a ma nyanga mu yahudiya, Hirudus mani ma Ugomo, a kem ara anu tusa wirau ana za we e a Urushalima wa gu.
23241	MAT 2:3	Sa Ugomo Hiridus mankunna anime, ma kem ma ayee anyimo iruba imeme nan nanu urushalima.
23242	MAT 2:4	Ma ori ana katuma kasere vat nan nanu dungara ma iki nani adi yo me abani Almasihu.
23243	MAT 2:5	Ba we gun me U Baitalami uni ama nyau ga mu Yahudiya, barki ane yetike in nu guna.
23245	MAT 2:7	Hiridus ma titi ma rusa ugino me ni hunzi, ma rusi ati nyo tuwe uganiya sa iwiran iginome adi iri ini.
23247	MAT 2:9	We sa wa kunna tize tugomo, wadusa we. I ye biwiran me sa wa iran ana za bi haka aje awe, bi'e bitonno ahirame sa vaname maram.
23248	MAT 2:10	Sa wa ira biwiran me wawu afuru aram.
23249	MAT 2:11	Sa wa ribe akurame, wai iri vana me nan ka ino me maryamu, wa rizi aje ame wa nonzome. Wa sopi turunga tuwe, wa nya ni isi nan na dodu ani za.
23250	MAT 2:12	Sa abuka we ati ro kati wa kuri a hira a Hiridus me wadusa wa tarsi uruna sas wa kuri ani pin nuweme.
23251	MAT 2:13	Sa wa hira, wakem bibe bikadura ku goma sere bibuki Yusufu atiro, magunwe, “hira uziki vana me nan ka inomeni ha a manyangamu masar, icikuno abirkome ma buka we Hiridus ma zunu igizo abanga vana me ma hume.
23252	MAT 2:14	Yusufu mahira maziki vaname nan ka inome in niye wa dusa umasar.
23254	MAT 2:16	Sa Hiridus ma ira unurusa ugino me wakini me bibabana. makuna iriba kan, matumi a huzi ahana acin cin aruma sa wara anyimo babila nan mataraa vat. uzika uti we tire utino, uzika uganiya sa anu rusa wabuki me.
23255	MAT 2:17	Uganiya ugino amying cikkinanubukan Irimiya unu kurzo tize agi.
23256	MAT 2:18	A kun na ni nyiran urama, na sonko inna puru abit kan. Rahila mani ma zinna so barki wa zoni.
23257	MAT 2:19	Sa Hirudus ma wono, bibebi kadura ka sere bi é Yesuf a nyimoti ro, Umasar, bigu.
23258	MAT 2:20	“Hira u ziki vanaa nan ka inome, idusa a ma nyango mu Isaraila.
23259	MAT 2:21	barko anu nyara uhuna uvanaa wa wono” Mahiri, mazi vanaa nan ka inome, maze ama nyanga mu Isaraila.
23260	MAT 2:22	Sa ma kunna Arkilayus ma kaba acome mamani ukwanku udang u Yahudawa, ma kunna biyau bu biki abirko me.
23261	MAT 2:23	Sa anyame tize atiro, mawata u hana u Galili. Maha maka cukuno anire nipin agi u Nazarat barki amyinca ubuka anu kurzuzo utize agi adi titime banazaret.
23262	MAT 3:1	U ganiya uginome Yahaya unu zorsa anu zorsa anu ma'e, mazintize ani ja nu Yahudiya.
23263	MAT 3:2	Innu gusa, “Hemni, barki uvenke a sesere wa aye mamu.
23264	MAT 3:3	Unu age mani Ishaya unu kurzo utize ma buni “Nimyiran nu tisa anyimo ani ja nigusa, barkana tume.
23265	MAT 3:4	Yahaya maturi inturunga innu subu uronkomi, matiri uzu uwa, immumare imme makene nan matu.
23266	MAT 3:5	Anu Urshalima nan nu Yahudiya vat, nan ana ma nyanga murabi uraba udang u'urdu wa ezi ahira ame.
23267	MAT 3:6	Mennu zorso uwe uraba u'urdu me, wen nubo imum izonzen iwe.
23268	MAT 3:7	Sa Yahaya ma ira ma Farisiyawa wan ma Sadukiyawa gwardan, wa'e zi barki a zorso we, ma gunwe “she” iwa! a verri mubuka shi isumi iruba iburu uwui ugino su eze.
23269	MAT 3:8	Wu zani katuma sa kadi bezi u him ukaba tize tasere.
23270	MAT 3:9	Kati iziki amuruba mushi agi Ibrahim mani a co ushi. barki anime inboshi. Asere abari abari Ibrahim a hana in na po ageme.
23271	MAT 3:10	A' atara anyo abitem anitini nu titti. barki anime vat ulitti me sa daki wa nya ahana ariri ba, akoriko uni areki ura.
23272	MAT 3:11	Mi, inmei mani inzinu zorsuzo ushi, ubuka uhim ushi, a' aname unu aye adumo am matakum innu gwardang, desa bi nyimo bukwatak umeme indake invon kiba. memani madi zorso in bibe lau won ura.
23273	MAT 3:12	Utanika ura atar tume, madi visi ahira abi suya-suya lau, ma humuko bi home mawu ukere ume. ma mindin me, ma uni ura uzatu biso ma punsi.
23274	MAT 3:13	Uganiya ugino uni Yesu ma e usuro manyanga mu Galili, maha uraba urdu ahira Yahaya, barki azorome.
23276	MAT 3:15	Ba Yesu makabirka me magu, “aca icuku anime a name, barki anime animya wuna to mincikina kadure” a' anime Yahaya ma hemme.
23277	MAT 3:16	Sa' azoro Yesu, ahirame ma suri a nyimo me I, Asesere awata, ma iri bibe bilau ba were both kasi bi hurbe. butu ani ce nume.
23278	MAT 3:17	Akin na no miram azesere nigusa, “unite Mani vana um sa mahem inme. dewan in zin Inna puru arum taking.”
23279	MAT 4:1	Anime bibe bilau bihan in Yesu ani ja, barki unu guru maman same.
23280	MAT 4:2	Sama wuza no we no me I tiye a kurra Nazi niye man nu Wei ikomo imukurkame.
23281	MAT 4:3	Unu mansa ugino ma'e, “inki hu vana sere mani, kurzo a po ageme acukuno immare”.
23282	MAT 4:4	Yesu makabirka magu, a citike uguna, dakin in bisana bini cas unu madi vengizo ba, senke inti zo sati suso ahira sere.
23283	MAT 4:5	Anime unu uburu mahan me ani pin ni lau, matarime asesere me.
23284	MAT 4:6	Magun me, inki hu vana sere mani, hinna adizi. Barki a nyirtike agi, 'Madi gu ibe ikadura ka me ikurso we', Barki kati upilliko anipo.
23285	MAT 4:7	Yesu magunme, anyetike, udaman sawa Ugomo Asere aweba.
23286	MAT 4:8	Unu buri makuri mahanme anire ni po nijongoron adodu une ariri.
23287	MAT 4:9	Magun me “vat in we rizomadizi wa non zom indi nyawe”.
23288	MAT 4:10	Yeso magunme, dusa abame, unu uburi! Abuka idi nonzo Ugomo Asere mani, barki memqni cas udi rizi adizii unonzome.
23289	MAT 4:11	A' animo unu buru maduku ceki me igab.
23290	MAT 4:12	Sa Yeso ma kunna akorso Yahaya, mahiri uhana u Galili.
23291	MAT 4:13	Ma ceki unazarat, makuri unahun inti cukum, abirko upuru uruba udang, ubinani umanga mu zabalina wan nu naf tali.
23292	MAT 4:14	Barki amin cikina uba u Ishaya.
23293	MAT 4:15	Manyanga mumzabaluna nan nu Naftali, nan nu bahar, nan nuhuru uraba u'urdu, amanyanga mu Galili anu zatu urusa utize tasere.
23294	MAT 4:16	Anu ciki uma reu wa ira masa anu ciki anyimo livono nan ma aye, masa ma ulata we.
23295	MAT 4:17	Usuro uganiya uginome, Yeso matubi tize, innu gusa, kabanitize tasere barki Asere a' aye mamu.
23296	MAT 4:18	Mahaki urabi uraba udang Ugalilu, ma iri anu henu ware, saminusa atissa me Bitrus, nan nu henume Andrawus wa zinnu vingizi itaru uraba udang barki we anu minsi icere ini.
23297	MAT 4:19	Ma gun we tarsan mi, indi kurzo shi anu mensuzanu.
23298	MAT 4:20	Wa ha wa aki watarsime.
23299	MAT 4:21	Sa ma reje, ma iri aye ana were wema ani henu, yakubu vanu Zabadi, nan nu henume Yahaya, anyimo jirgi nan ka co uwe Zabadi innubara itaw iwe, mati tuwe.
23300	MAT 4:22	A hira me wa ceki u jirgi nan ka come, watar sime.
23301	MAT 4:23	Bamakase manyanga mu Galili, in nu dungara anu ati denge titarsa sere we, inkur uhumza inna num zatu ni huma a tikoni tuwe. Anime memani amanyanga mu Suriya.
23302	MAT 4:24	A ezzinme innanu zatu nu huma, ani jas inti koni sassas. nan nanu zito, nan nana gwargene nan ana ma tiri zi, nan nanu wijo utikira tini pum ma hum mumzan we.
23303	MAT 4:25	Ni ori nanungwen watarsime umGalili nan nu dikafolis, nan nu Urshalima nan ma nyanga mu Yahudiya, wannu kafa urabà udang u'urdu me.
23304	MAT 5:1	Sa Yeso ma ira ni gura nanu gbardang, ma hiri maka nyene ani hoho ma cukunun, anu tarsa umeme wa ka kemme.
23305	MAT 5:2	Ma poki anyo ma gunwe.
23306	MAT 5:3	“Anu ringirka wani an de sa wa zika a che awe anu usizikime abi bee, ti gomo ta sesere tuwe tini.
23307	MAT 5:4	Anu ringirka wani anu apuru abid, adi natti we muruba.
23308	MAT 5:5	Anu ringirka wani anu utuzo ace, we wani wadi kem unee.
23309	MAT 5:6	Anu ringirka wani ana mukumo nan ana mu ruba mu benki, wadi ti a sereri.
23310	MAT 5:7	Anu ringirka wani anu gogoni, adi kunna ugogoni uwee.
23311	MAT 5:8	Anu ringirka wani ana mu ruba mu rum, wewani wadi iri Asere.
23312	MAT 5:9	Anu ringirka wani anu nyara iti cukum ti hama, we wani adi titiwe a hanq Asere.
23313	MAT 5:10	Anu ringirka wani an de sa wazin unu zito barki mu ruba mu benki, ti gomo ta sesere tuwee tini.
23314	MAT 5:11	Shi, unu ringirka wani an de sa ana bu wa zogizo shi, wa patti shi wa wuza shi imum iburki me.
23315	MAT 5:12	Zunzukani nan tipuru tirum kang idi kem ulada udandang asesere. Anu me ani, anu wa patti anu kurzo utize ta sere, sa wa eh aje ashi.
23316	MAT 5:13	Shee, wani muhu mu nee, ingi mu ma harzina nan urunta umuni adi wu aneni a kurzo mu neen? barki sa macurnome ma dee a kponko munin anu wa pattali.
23317	MAT 5:14	Shee, wani ma saa mu nee, ni piri me sa anuka nin abi koworo ni zome ni hunziba.
23318	MAT 5:15	Aka da wuna uraa upitila, a impi ini isso ba, ani me aka tari a hira me sa udi nya masaa akurame vat.
23319	MAT 5:16	Barki ani me ca masaa mashi me ma bizi bati anu wa iri katuma. ka ririn ka shi me wa nonzuko ugomo Asere.