23240	MAT 2:2	Eisir imbielk Jerusalem be iutani amolmol be inei, “Wali nunus amol ebe atob nemb amolmol dabin nangge Juda ok giengk inend? Amei ali ei ane viteukawe vaku meng-gihlang givin ebe ambweg as gireu ok, be amei atpweng are anei amol bamo ti (King) ebe ve nemb amolmol dabin ok, ande meng-gihlang, beti amei anme ve anro vangg-amei dubi supwe be anei uye be anes miengk nitangi ei.”
23242	MAT 2:4	Herodes geb yaun ve bambamo ebe emb lum yamar bamo dabin ok be tis didung subu ebe emb Mose ane yaun dabin ok, be ile ipil dongke be giutani eisir be ginei, “Wali Mesia amol ebe Pomate geb ve nemb amolmol ru nangge Judia ok, atob tine nikuv nangge inend?”
23315	MAT 5:12	Yem tanggaim vevie-ngge ve asonge yem un-gas gen vevies ebe giengk Pomate ane taku ok. Warik amolmol tiate ane ilgum gen dang etenik gitangi Pomate ane amolmol ebe inei ei avo ok givin.
23380	MAT 6:29	Bemem ayeu nanei nitangi yem; Warik amol ti are Solomon, ei amol bamo ti ebe tis wambal walang ok bemem ei ane gen ti bwalbwale vie molge weik ete monok ok ite ma.
23401	MAT 7:16	Yem atob unatwpeng eisir are niengk as luev ete ivang ok ge. Wal duduli gitangi ebe nes ano weik weiwei ok ite,
23535	MAT 11:7	Jon ane singamolomb-gen ile ikwai kob Yisu ginei yaun gipil Jon gitangi amolmol be gine, “Warik yem ule taku sawa ve undi amolmol me gen sin-ge ti?
23598	MAT 12:40	Warik Jona giengk wenk (bagola) bamo ti aplo gitangi tambok aitol be asmate aitol. Dang-etok be atob Pomate Natu Ayeu ebe meng-gahlang weik amolmol ok atob namat vunu be nayengk nalk aplo nitangi tambok aitol be asmate aitol weik etok ge.
23625	MAT 13:17	Ayeu nanei bingano-ngge nitangi yem. Warik Pomate ane amolmol kulkul ane ebe inei ei avo ok be tis amolmol vevies ane subu, ilgum ve indi gen ete ayeu galgum nik, bemem ili ite. Be eisir ilgum ve inaute yaun ete ayeu ganei nik, bemem iute ite.”
23639	MAT 13:31	Yisu ginei bingai ti vukuri gitangi eisir be ginei, “Pomate geb amolmol dabin weik ete wer sivsiev ano ane vatu ok. Wer sivsiev ano ane vatu etok gen natu molge gitlek gen subu. Be amol ti givwat gile be gispun gisov ane um,
23735	MAT 15:33	Eisir singamolomb inei gitangi Yisu be inei, “Wali atob eitit tanvwat ben nangge inend be tanemb nitangi amolmol dubi bamo etenik be inen, ve etenik taku sawa?”
23745	MAT 16:4	Yem amolmol nangge taku etenik aplongg-aim givin ayeu ite molge. Yem amolmol tiate ane roro, yem unei ve undi gen bwalbwale, bemem atob undi gen bwalbwale ebe Pomate gilgum gitangi Jona ok ge. Warik Jona giengk wenk bamo ti (bagola) aplo gitangi asmate aitol be tambok aitol bekob meng-gihlang vukuri.” Be Yisu gikwai eisir be gile.
23835	MAT 19:4	Yisu giwel eisir avos be ginei, “Yem usam yaun ebe giengk Pomate ane kapia ok gikwai me ma? Warik mate ane Pomate gipasang amol ti be avie ti,
23920	MAT 21:25	Wali Jon gigas gwang-ne nangge inend, beti ges bui-sanggu gipil amolmol? Nangge Pomate ane, me nangge amolmol as?” Beti eisir nok inei ve is-ate be inei, “Atob eitit tanei ret? Ginei eitit tanei dang-etok tanei ‘Nangge Pomate ane.’ Be atob ei ninei, ‘Be nam-nambed be yem aplongg-aim givin Jon ane yaun ite?’
24286	MRK 1:2	Warik Pomate ane amol yaun ane ti are Aisaia, ei giro yaun ebe Pomate ginei gipil Jon ok dang-eteik ginei; Pomate ginei: ‘Atob ayeu namb angg amol ti nimungg ve mie be ninei binge nitangi amolmol. Ei atob nimungg ve nipasang miam luev yapin.
24423	MRK 4:31	Pomate geb amolmol dabin weik wer sivsiev ano ane vatu. Wer sivsiev ano ane vatu nok, ei gen natu molge gitangi gen subu vatu ite.
24538	MRK 7:6	Yisu giwel eisir avos be ginei, “Warik Pomate ane amol ti ebe ginei Pomate avo ukwas vusa ok are Aisaia, ei giro yaun eteik gipil yem bingano molge ve, yem amolmol bingkasop ane roro. Ve Aisaia ginei dang eteik. ‘Eisir etenik avos givwat Pomate are ve giblus den ge be aplos giengk aikawe molge.
24617	MRK 9:10	Sotol iute Yisu ane yaun be isov ane lu ge. Bekob inei ve is ate be inei; “Wali yaun ete galkik ei ginei “Nimdil vukuri” ok ane dabe nam-nambed?”
24739	MRK 11:30	Unei kob, Wali Jon ebe ges bui sanggu gipil amolmol ok gigas gwangne nangge inend? Nangge Pomate me nangge amolmol?”
24740	MRK 11:31	Be eisir tepwengge inei yaun ve isate be inei; “Wali atob eitit tanei etok avond nam-nambed? Ginei eitit tanei Jon gigas gwangne nangge Pomate ane, okob atob ei ninei nitangi eitit ninei; ‘Be nam-nambed be yem aplongg-aim givin Jon ite?’
24825	MRK 14:2	Beti eisir bambamo nok inei ve is ate be inei; “Wali atob eitit tanalgum nam-nambed veik tanemb amol etenik ta be tanes ei vunu nikwai? Bekob inei, eitit tanes Yisu vunu nivin ete ve tanalgum ben Pasova ane ok bwaya, ve atob amolmol inamdil be ines eitit.”
24847	MRK 14:24	Bekob ginei gitangi ane singamolomb-gen be ginei; “Wain etenik weik awangg twerk. Awangg twerk atob nimsuli ve nisin amolmol tepwengge as tiate nikwai. Be awangg twerk nok atob nilgum Pomate ane yaun ebe warik gibiti ok ano nile.
24998	LUK 1:36	Be ute, Wamavie Elisabet nolge babamos avie gikwai bemem ei ande tis ta be ete givang ok. Warik amolmol inei ei gitangi ebe ve nikuv nunus ok ite bemem ande ei tis ta be ande aiweng 6 gile gikwai.
25108	LUK 3:14	Be amolmol valir ane subu ok iutani Jon be inei, “Wali atob amei analgum amei ate namnambed?” Be Jon ginei gitangi eisir, “Yem unyo-unyo amolmol be unalgum yaun bingkas-kasop nipil eisir veik un-gas eisir as mone menivin yem ate aim mone aim kulkul ane ite. Be tangg-aim vavis ve ebe unggas mone tiate ok bwaya, ve mone ete yem unggas ok etok yem aim mone aim kulkul ane roro.”
25238	LUK 6:23	Warik eisir tumbus-gen ilgum gen weik etok ge gitangi Pomate ane amolmol kulkul ane. Be unaute kob: Asonge nindeb mul ane atob yem un-gas aim gen vevies tepwe.
25241	LUK 6:26	Be yem ebe amolmol subu avos givwat yem arengg aim ok, yem undi aim ate ge, ve gen vevies ete amolmol ilgum gitangi yem ok ete atob nilgum yem ate weik ebe gen sin-ge ti ok. Be unaute, Warik yem aim bambamo-nggen ilgum gen weik etok ge gitangi amolmol ebe iyo inei eisir Pomate ane amolmol kulkul ane ebe inei Pomate avo ok.”
25288	LUK 7:24	Jon ane amol ailu ebok ile ikwai kob Yisu ginei Jon nok ane yaun gitangi amolmol bambamo ebe imbweg ok be ginei, “Warik yem ule taku sawa ve undi amolmol me, ve undi gen sin-ge ti?
25456	LUK 10:24	Be ayeu nanei nitangi yem, “Warik Pomate ane amolmol subu ebe inei Pomate avo ok (Propet) be tis eisir bambamo ebe emb amolmol dabin ok, eisir ilgum ve indi gen bwalbwale ete Ayeu galgum be yem uli nik, bemem eisir ili ite. Be eisir lolos ve inaute yaun ete ande yem ute nik, bemem iute ite.”
25521	LUK 11:47	Warik gimungg ane yem aim bambamo-nggen es Pomate ane amolmol kulkul ane ebe inei Pomate avo ok (propet) vunkunu, beti galkik yem uli gen ete eisir ilgum ok weik ebe aim gen vie molge ti ok beti upasang eisir as umbub love vie molge be ete ulgum painge-ngge uvang nik.
25606	LUK 13:19	Wer-sivsiev ano ane vatu nok ei gen natu pisik molge, be amol ti givwat gile givro nangge ane um. Bemem bwayage kob gen nok gireu love bamo weik ebe ei ok, be mank ile ipasang as niu gile range be imbweg.”
25612	LUK 13:25	Be ginei Amol Bamo nes ane nam avo avwut nitle yem gili be unvarkei dume ane be ule unding ding nam avo be unei, “Amol Bamo os nam avo ponge ve amei ma!” Okob atob ei niwel yem avongg-aim be ninei, ‘Wali yem unme nangge, ve ayeu tangg gisgil yem?’
25708	LUK 16:19	Be Yisu ginei, “Warik amol ti ebe tis are ok gibweg, be as mate walang ok ei gino ane kup vevies ge be gen ane ben vevies ge.
25850	LUK 20:2	ete ivang itangi Yisu ile be inei; “Mie unei lavo itangi amei kob. Wali mie gulgum gen bambamo etenik ve amol ret ane gwangne? Be amol ret geb ane gwangne gitangi mie beti nolik mie gubielk Jerusalem be gulgum ve guvinvin amolmol tepwengge ile ihlang ikwai lum yamar aplo?”
25852	LUK 20:4	Wali Jon ebe ges bui sanggu gipil amolmol ok gigas gwangne nangge inend beti gilgum kulkul etok? Nangge amolmol me nangge Pomate ane?”
25968	LUK 22:35	Be Yisu ginei gitangi ane singamolomb gen be ginei, “Warik Ayeu gahlin yem be uvang utangi nam dabe ge ule, be uvwat aim vak me mone, me kup ti givin aim ate ite, be givin sawa etok okob yem urek aim ate ve gen ti ane me ma?” Be eisir singamolomb iwel Yisu avo be inei, ‘Ma molge!’
25985	LUK 22:52	Be Yisu ginei gitangi bambamo ebe emb kulkul da ane ok be tis amolmol valir ane ebe emb lum yamar dabin ok tis eisir bambamo yaun ane ebe inme ve in-gas Ei ok be ginei, “Wat Ayeu amol vaina ane ti me, beti yem unme tis gen valir ane-ngge ve un-gas Ayeu?
26016	LUK 23:12	Warik Herodes gabu Pilata ili is ate tiate painge-ngge bemem sawa etok ge ete ande gabu tas givin is ate be ivang vie vukuri.
26078	LUK 24:18	Bekob sulu ailu nok as ti are Kilaupas giutani Ei be ginei; “Wali mie guvang sawa inend be guli gen bambamo ete walirik amolmol ilgum ok ite?”
26104	LUK 24:44	Bekob ginei gitangi eisir be ginei; “Warik Ayeu gavang gavin yem be ganei gitangi yem yapin, ve Mose be tis Pomate ane amolmol kulkul ane as yaun be tis yaun ebe giengk nangge Sam (Pesalem) ok, ebe inei gipil Ayeu ate ok atob ano nile.”
26114	JHN 1:1	Warik gimungg ane Pomate geb nalk ite nangge, be amol (propet) ti ebe ginei Pomate avo ok ei givang givin Pomate gimungg. Amol nok ei Pomate.
26134	JHN 1:21	Be eisir iutani Jon vukuri be inei; “Mie gunei mie amol ebe ve nomb amolmol dabin ok ite, be mie amol ret? Mie Elia ebe warik Pomate ginei asonge nihlin be ninme ok me?” Be Jon giwel eisir avos be ginei; “Ayeu Elia ite ma.” Beti eisir inei gitangi Jon be inei; “Wat mie Pomate ane amol ti ebe gunei Pomate avo, weik ebe warik Mose ok me? Ebe Pomate ginei ve atob nihlin be ninme ok?” Be Jon ginei; “Ma, ayeu amol etok ite.”
26136	JHN 1:23	Jon giwel eisir avos be ginei; “Warik Pomate ane amolmol kulkul ane ti are Aisai ginei yaun ti dang eteik, Amol ti atob nital yaun nangge taku sawa be ninei ‘Unpasang Amol Bamo ane luev ebe ve nivang ok vevie.’ Amol ete gital yaun nangge taku sawa ok ete ayeu nok eteik.”
26155	JHN 1:42	Bekob gigas ei be gabu itangi Yisu ile. Yisu gili ei be ginei; “Jon natu Saimon. Mul ane atob intal mie inei Sifas.” Tanro are etok vukir tanei “Pita.” Weik ebe “Vat” ok.
26197	JHN 3:8	Wavin gituvki be mie gute ebe vu-vuvunge ok ge, bemem tam gisgil ane dabe ebe gimdil nangge ok, be gile gimat giengk inend etok mie tam gisgil weik etok ge. Be Ngalau Yamar ane kulkul ebe giro amolmol vukir ok ane luev weik ete wavin ok.”
26203	JHN 3:14	Warik Mose ges muwat dalgo gireu ei-givsangin nangge taku sawa, veik ginei amol ti matano nitut nimbweg muwat dalgo ete Mose ges gireu ei-givsangin gile ok, okob amol etok atob nimat vunu mang-mangi ge ite ma. Dang etok be asonge amolmol valir ane ines Pomate Natu ayeu ebe meng gahlang ve amolmol ok nireu ei-givsangin weik etok ge.
26312	JHN 5:33	Warik yem omb yaun gile ve Jon, be Jon ginei yaun vusa ge gipil yaun ano.
26331	JHN 6:5	Yisu geb na itin love gili amolmol dubi bamo etok ebe itangi ei ile ok, be ginei gitangi Pilip be ginei; “Wali atob eitit tanvwat ben nangge inend be tanemb nitangi amolmol dubi bamo etenik be inen?”
26351	JHN 6:25	Eisir nok ile vunge ve Yisu nangge ete bui tavlu ok be iutani ei be inei; “Gidung. Wali mie guvang dang gunme etenik?”
26375	JHN 6:49	Warik yem tumbungg aim gen en mana (ben ti ital inei mana) nangge taku sawa, bemem eisir etok tepwengge nolge imat vun-kunu be ma.
26408	JHN 7:11	Givin sawa etok ete eisir bambamo Juda ane nas gitung Yisu ve indi, be inei ve is ate be inei; “Wali ande amol etenik gibweg sawa inend ge?”
26417	JHN 7:20	Be eisir iwel ei avo be inei; “Gen giwel mie me. Wali ret ve nes mie vunu?”
26433	JHN 7:36	Ei ginei atob eitit lolond ve tandi ei bemem atob tandi siti ite. Be taku ete ei ve nile ok, eitit gitangi ebe atob tande tanambielk ve taku etok ite ma. Wali ei ta gitung namnambed?”
26469	JHN 8:19	Beti eisir inei gitangi ei be inei, “Wali mie tamem gibweg taku inend?” Be Yisu giwel eisir avos be ginei; “Yem utpweng ayeu are ite, beti atob unatpweng Tamangg are ite. Be ginei unatpweng ayeu are atob unatpweng Tamangg are nivin weik etok ge.”
26472	JHN 8:22	Beti eisir Juda inei ve is ate be inei, “Ei ginei, ‘Yem gitangi ebe atob unde unambielk taku ete ayeu ve nambweg ok ite.’ Wali ei ta gitung nam nambed? Ei wat atob nes ate vunu me?”
26519	JHN 9:10	Be eisir iutani ei be inei, “Wali mie matanom ponge namnambed?”
26521	JHN 9:12	Be eisir iwel amol nok avo be inei, “Wali ande amol nok givang?” Be ei giwel eisir avos be ginei, “Ayeu gali ite.”
26524	JHN 9:15	Beti eisir iutani amol nok vukuri be inei, “Wali mie matanom ponge nam nambed?” Be amol nok ginei lavo gitangi eisir be ginei, “Amol ti giro nalk muai muai siti gireu ayeu nangg, bekob gavuk nalk nok gikwai be seukie-ngge matanongg ponge be gali taku.”
26535	JHN 9:26	Be eisir iutani ei be inei, “Wali ei gilgum be mie matanom ponge nam nambed?”
26536	JHN 9:27	Amol nok giwel eisir avos be ginei, “Ayeu ande ginei gitangi yem gikwai. Bemem yem bwaingg aim ve ret unaute, be yem ve unaute ret vukuri? Wat yem ulgum ve unei monahlang ve ei ane singamolomb gen unvin me?”
26541	JHN 9:32	Warik gimungg ane be ginme love galkik as mate etenik, eitit taute yaun ti dang etenik gipil amol ti ebe tine gikuv tis matano bop yapin, bekob amol ti gilgum be ponge ok ite ma molge.
26641	JHN 11:49	Be givin Sonda bamo etok ete eisir emb amol ti are Kaiapas, ve nemb ane sukus-gen ebe tepwe emb kulkul da ane nangge lum yamar ok dabin. Kaiapas nok gimdil be ginei gitangi eisir be ginei, “Wat yem utpweng are ite me?
26690	JHN 12:41	Warik Aisaia gili gen ti weik ebe mev ok be gili Kilisi ane gwangne, beti ei ginei yaun etok gipil Kilisi ei ate.
26735	JHN 13:36	Pita giutani Yisu be ginei; “Amol Bamo. Wali atob mie nuvang?” Yisu giwel ei avo be ginei; “Galkik as mate etenik atob mie gitangi ebe ve nutau nile ayeu love nule taku ete ayeu ve nale ok ite ma. Bemem mul ane kob atob mie nutau nile ayeu.”
26769	JHN 15:1	Wain ane dabe Ayeu, be Tamangg ei um wain ane tivie.
26799	JHN 16:4	Bemem ande ayeu ganei gen bambamo etok ane yaun binge gimungg gitangi yem gikwai, dangetok be ginei nivin ebe eisir ve inalgum gen dangetok nitangi yem ok, okob atob yem unatpweng are unei ayeu ganei gen bambamo etok ane yaun gimungg gitangi yem gikwai. Warik ayeu ate gavang gavin yem beti ganei yaun etenik gitangi yem ite.
26800	JHN 16:5	Bemem galkik etenik ayeu ve nanumul natangi Amol ebe gihlin ayeu be ganme ok, nale vukuri. Bemem yem aim amol ti giutani ayeu be ginei; Wali mie ve nuvang? Amol ti giutani ayeu dangetok ite ma.
26814	JHN 16:19	Yisu ande gitpweng are ginei amei singamolomb veve anautani ei. Beti ei ginei gitangi amei be ginei: Wat yem utau-tani aim ate ve yaun ebe galkik ayeu ganei gitangi yem be ganei; Kasop-gege atob yem undi ayeu vukuri ite nitangi sawa undib siti-ngge bekob atob undi ayeu vukuri ok ane me?
26819	JHN 16:24	Warik yem utani ve gen ti ane bemem unei gisov ayeu arengg ite ma. Bemem galkik ginei yem ve unautani gen be unei nisov ayeu arengg, atob yem un-gas gen ete utani ve un-gas ok. Kob atob tangg aim vevie ge.
26823	JHN 16:28	Warik ayeu gabweg gavin Tamangg beti gamdil gakwai ei be gasov nalk ganme, beti galkik ve nakwai nalk be nanumul natangi Tamangg nale vukuri.
26846	JHN 17:18	Warik mie guhlin ayeu ganme be gavang gasov amolmol ebe dabas ungglus ok aplo nangge nalk, beti galkik ayeu ve nahlin eisir ebe mie gob gitangi ayeu ok, ve inde be invang insov amolmol dabas ungglus ane aplo nangge nalk weik etok ge.
26886	JHN 18:32	Warik Yisu ginei yaun ebe ve nimat vunu ane ok, be gineuev ebe atob nimat vunu ane ok lavo givin. Beti galkik ei ane yaun etok atob ano nile. Ve luev ete ve ines amolmol nireu ei givsangin ok, etok amolmol Rom ane ge as luev etok.
26938	JHN 20:2	Beti ei gituvki ge gitangi Pita be tis ayeu Jon ebe Yisu ta givin ayeu gitlek ok, ginme be ginei; “Ande ivwat Amol Bamo gikwai nalk avo be amei tangg amei gisgil. Wali ande ile itak ei giengk sawa inend?”
26978	JHN 21:11	Beti Pita gile ebe ei-vovo ok, be girwel wenk tis wasang gipil aplo gile. Be wenk ete gisov wasang ok, anongge be bambamo ge. Wenk nok gitangi 153. Wenk etok gitlek molge bemem wasang giti-titip ite ma.
27008	ACT 1:16	“Angg nune-nggen, Warik Ngalau Yamar geb Dawit avut be ginei yaun ebe giengk kapia Sam ane ok gipil Judas ve asonge Judas nitwem amolmol valir ane be inemb Yisu ta. Be yaun etok galkik ande ano gile. Yaun nok ginei dang-eteik: ‘Ei ane nam atob niengk bun sin-ge.’ Be yaun nok ake ti givin weik eteik, ‘Amol ti atob niwel ei be ninggas ei ane kulkul.’ (Judas gigluend ve ate be gikaiwel love subwe girun bekob beleinge gile gitak be ta ges vier gile gihlang. Be amolmol ivwat ei ane kulkul tiate ebe gilgum ok ane mone ile be ivgo nalk sawa ete ei gimat giengk ok ve ei ate utle ulis ane. Be gideb mul ane kob amolmol Jerusalem ane iute binge inei nolge Judas gimat vunu, beti eisir ital taku ete Judas gimat giengk ok inei, “Taku twerk ane.”) Judas nok ei ameimei amol ti ebe warik Yisu geb amei ve analgum kulkul anvin amei ate ok.
27116	ACT 4:25	Warik miam Ngalau Yamar geb amei tumbungg-amei be miam amol kulkul ane Dawit avut be ei ginei, ‘Nam-nambed be amolmol ebe nangge Juda ite ok tas-vavis ve Amol Bamo, be ilgum yaun sinsin ge gipil ei?
27132	ACT 5:4	Wat givin ebe amolmol ivgo nalk etok ite nangge ok be wat mie tam-gitung ve gunei etok mie ate ge am nalk sawa etok. Beti givin ebe mie gob nalk nok gitangi amolmol be ivgo ok ete mie tam-gitung gunei mone etok, etok mie-ate ge am gen. Be galkik mie ve numdom etenik? Be mie guyo amolmol ge ite mie guyo Pomate givin.”
27156	ACT 5:28	“Amei as bing be anei gwang-ne molge gitangi yem be anei yem unbul Yisu ane yaun nitangi amolmol vukuri ite. Bemem ande yem umbul aim yaun etenik be amolmol tepwengge nangge Jerusalem iute love ma. Wat yem ulgum ebe veik unei nitangi amolmol be unei amei eteik ebe as Yisu vunu ok me?”
27187	ACT 7:2	Be Stiven giwel amol nok avo be ginei, “Angg nune-nggen be tamanggen, unaute kob. Warik eitit tumbund Ablaham gibweg Mesopotamia ge nangge be gimdil gile Heron ite nangge. Be givin etok Pomate ges ate ru gitangi ei be ginei;
27227	ACT 7:42	Beti Pomate bage vier ve eisir be inei uye be es miengk gitangi viteukawe tis aiweng be as-matano. Be gen etok gile gitangi yaun ti ebe warik Pomate ane amolmol ebe inei Pomate avo ok iro ok. Ve yaun etok ginei dang-eteik: ‘Yem Israel. Warik yem umbweg taku sawa ebe amolmol ma ok gitangi Sonda bamo 40, be os bwelk bulimakao be tis sipsip vunkunu be omb ve da, bemem yem omb da etok gitnagi ayeu ite ma.
27229	ACT 7:44	Warik eitit tumbud-gen imbweg taku sawa ebe amolmol ma ok, be givin etok ete eisir ipasang Pomate matawe ane, ane lum yamar bes ti veik nes ru ve Pomate givang givin eisir. Eisir ipasang lum yamar bes nok gitangi ebe Mose ginei gitangi eisir ve inpasang dang-etok ok.
27279	ACT 8:34	Bekob amol ebe geb gen dabin ok giutani Pilip be ginei, “Mie unei yaun etenik lavo vevie itangi ayeu kob. Wali amol ebe ginei Pomate avo ok ginei yaun etenik gipil amol ret? Ei ginei gipil ei ate me ginei gipil amol it?”
27424	ACT 12:18	Givin tistumi amolmol valir ane ili ebe ande Pita lavo bun ok be ikuri ge be inei, “Wali ande ande amol etek givang dang?”
27521	ACT 15:10	Be nam-nambed be yem bwaingg-aim ve gen ebe Pomate ginei eitit tanalgum ok be uli aim yaun weik gen vie molge gitlek Pomate be ve unvang mul ve yem-ate aim yaun? Me wat yem ulgum ve undi Pomate ane gwang-ne me? Beti ve unemb gen bunam etok nitangi amolmol ebe aplos givin Pomate ok, ve insov Mose ane yaun ane lu ge? Warik eitit tumbud-gen be tis eitit ate ok gitangi ite weik etok ge.
27610	ACT 17:18	Be nangge etok amolmol Grik ane as amolmol dubi ailu imbweg. Eisir dubi ti ital is inei Epikurian, be dubi ti ital inei Stoik. Be eisir nok as amolmol subu ebe itpweng gen arkares ok eisir es valir ve avos ge gitangi Pol. Be subu inei, “Amol etenik ebe ginei yaun sinsin-ge ok, be ei veve ninei yaun ret etenik?” Be amolmol subu imdil be inei, “Wat ei ginei yaun gipil nam dabe subu as pomate me?” Pol ginei mateu be ginei Yisu Kilisi ane yaun ebe gimdil vukuri nangge taku gimat ane ok lavo gitangi eisir, beti eisir yaun etok.
27622	ACT 17:30	Warik amolmol itpweng gen are ite be ilgum gen giriv be gira, bemem givin etok Pomate ginei yaun ti gitangi eisir ite be na gile gili eisir ge. Bemem galkik as-mate etenik Pomate ginei gwang-ne molge be ginei, amolmol tepwengge nangge nam dabe walang ok inro is-ate vukir.
27760	ACT 21:28	Be ital yaun avo bambamo ge be inei, “Wali ande amolmol Israel ane inme inemb amei ru ma! Amol etenik ebe givang gitangi taku walang ok gile be gibul amolmol be ginei amolmol inavkir dumas nitangi Israel as yaun be tis Mose ane yaun be tis lum yamar ok. Be gen etok ge ite. Ei gigas amolmol subu ebe nangge Juda ite ok isov lum yamar aplo ile be ande ilgum taku yamar etok be tiate gikwai.”
27836	ACT 23:34	Amol bamo ebe geb amolmol dabin ok gili kapia etok gikwai kob giutani Pol be ginei, “Wali mie nangge?” Be Pol ginei, “Ayeu nangge Silisia as taku.”
27939	ACT 27:16	Wavin ges amei love ale avwev nusawa ti ital inei Koda ane dume ane, be algum kulkul bamo molge ve arwel gombwa gipil eivovo dobo gile, be adgin ta ve bidbid love gwang-ne, be idgin eivovo ano ok ta ve bidbid givin ve ipelk velob wavin nirau eivovo vusa. Be ates gireu tiate-ngge velob amei ankuk anreu kol ebe giengk gibloblo Afrika ok. Beti es laik beleinge be wavin ges amei ge.
27941	ACT 27:18	Wavin tis ngal gilgum amei tiate molge, be givin tistumi eisir ilgum ve ikarkari wambal subu gisov gielk gile.
27950	ACT 27:27	Wavin ges amei lili lili avang gielk luvwe gitangi tambok 14 love ale avwev Edria as gielk. Be givin tambok luvwe eisir eivovo ane ili weik ebe eivovo ve nile nisov nusawa ti ok.
28086	ROM 3:27	Dangetok be gimdom beti eitit gitangi ebe atob avond nivwat itate ok ite? Wat Mose ane yaun givarkei eitit and luev avwut me? Ma yapin! Yaun aplond givin ane ete givarkei eitit and luev avwut.
28122	ROM 5:7	Be gen etok bunam molge ve amol ti gitangi ebe atob nimat vunu ve amol vie ane ti ok ite. Wat amolmol dongke dongke-ngge gitangi ebe ve inalgum dangetok ok.
28155	ROM 6:19	Yem aim tangg aim gitung gen gitangi ite beti atob ayeu nanei yaun nitangi yem weik ebe eitit amolmol and yaun ok ge bekob. Warik yem omb utlangg aim ulis tepwengge gitangi gen tiate gile be ulgum gen ungglus ungglus walang ano molge. Dangetok be galkik etenik ok yem unemb utlangg aim ulis tepwengge nitangi luev yaun ano ane nile weik etok ge, be unalgum gen vie-ngge weik ebe Pomate ane amolmol gen as luev ok.
28163	ROM 7:4	Angg nune-nggen, dangetok be yem ok weik etok ge. Warik yem uvang usov yaun ebe Mose geb gitangi eisir Juda ok ane lu. Bemem galkik ande yaun etok geb yem dabin vukuri ite, dangetok beti ande yem weik ebe umat vunu ok. Be galkik ande yem uvang mul ve Yisu ane luev. Yisu gimat vunu bekob matawe be gimdil vukuri be yem uvang uvin Ei veik Pomate ane luev vie walang ok nemb eitit tepwengge avwut.
28164	ROM 7:5	Warik eitit tas and luev muanggane ane ge tavang, be givin sawa etok ete Mose ane yaun ginme be girwel gen tiate ebe tand gitung giengk aplond ge ok be meng-gihlang bamo-ngge love ano gile ve Tanmat vunu.
28398	ROM 15:27	Bingano. Eisir ate tas givin ve inalgum gen dangetok, bemem eisir as gen ebe warik inggas nangge eisir Juda ok, ane den ete giengk nik nangge. Warik amolmol Juda ane emb eisir ebe nangge Juda ite ok ru be emb gen aplos ane gitangi eisir. Beti eisir ebe nangge Juda ite ok ve inemb eisir Juda ane ru be inemb gen utlas ulis ane nitangi eisir.
28451	1CO 1:20	Be Pol ginei; Dangetok be wali ande amolmol ebe tis dabas-gwet vie molge ok imbweg inend? Me amolmol ebe itpweng mateu ane dabe arkare ok, me amolmol ebe es valir ve avos ge ok ande imbweg inend? Wali eisir as kulkul ane ano? Pomate ande gilgum amolmol nalk etenik ane ebe dabas-gwet vie molge ok dabas gwet be meihlang weik ebe gen buam-buam ti ok.
28510	1CO 4:9	Ayeu tangg gitung dangeteik ganei; Wat Pomate gitak amei aposel gile mul ane molge weik amolmol ebe ande ilgum as yaun nangge amolmol tepwengge be tis angela nas ve atob ines is vunkunu ok me?
28536	1CO 6:1	Namnambed. Ginei yem aim amol ti gili ane nune tiate, okob ei maimae ve ebe gitlek amolmol bui ane be gile gilgum ane nune etok ane yaun givarkei amolmol dabas ungglus ane nas ok ite me? Wat ei nivang nitangi amolmol bui ane nile ma, veik eisir inpasang sulu as yaun be indi, inei sulu as amol ret gilgum gen gitlek.
28546	1CO 6:11	Warik yem aim amolmol subu ok es as luev dang-dang etok. Bemem ande Pomate gisin yem aim tiate bambamo etok gikwai be mohlang ve Pomate ane amolmol-gen. Beti galkik ande Pomate gital yem ginei amolmol vie ane gisov Amol Bamo Yisu Kilisi are be tis eitit and Pomate ane Ngalau ane ge.