23264	MAT 3:3	Jon ebe ges bui sanggu gipil amolmol ok ei amol etok ebe warik amol ti are Aisaia ebe ginei Pomate avo ok ginei yaun gipil ok. Ve Aisaia ginei dangeteik; “Amol ti atob nital yaun nangge taku sawa be ninei, ‘Unpasang Amol Bamo ane luev ebe ve nivang ok vevie.’”
23305	MAT 5:2	Be ginei yaun (mateu) gitangi eisir be ginei;
23342	MAT 5:39	Bemem ayeu nanei nitangi yem; Unemb tiate niwel tiate ite. Amol ti ginei givtav mie paptem tavlu, mie nomb tavlu be ei nivtav nivin.
23347	MAT 5:44	Bemem galkik ayeu nanei nitangi yem; Tangg-aim nivin amolmol ebe ilgum yem tiate tiate ok be unes miengk nitangi Pomate ve eisir ebe ilgum gen ungglus ungglus gitangi yem ok ane nivin,
23367	MAT 6:16	“Ginei yem ve unyamar ben ve miengk ane, okob unalgum nangg-aim tiate weik ete amolmol binkasop ane ilgum ok bwaya. Eisir etok ilgum ve ilgum nas tiate veik ines is-ate ru nitangi amolmol, veik amolmol indi be inei eisir iyamar is ate ve miengk ane. Bemem ayeu nanei nitangi yem; Eisir ande inggas as gen walang ok gikwai, be gitangi ebe atob Pomate nemb gen ti vukuri nitangi eisir nindeb mulane ok ite ma.
23380	MAT 6:29	Bemem ayeu nanei nitangi yem; Warik amol ti are Solomon, ei amol bamo ti ebe tis wambal walang ok bemem ei ane gen ti bwalbwale vie molge weik ete monok ok ite ma.
23406	MAT 7:21	“Velob yem tangg-aim nitung dang-eteik unei; Amolmol tepwengge ebe ital ayeu inei, ‘Pomate, mie awangg Amol Bamo ok,’ ete atob tepwengge insov taku gulumb ane inde, bemem dang-etok ite ma. Eisir be iute Tamangg ane yaun be tas givin ve inalgum ano nile ok, eisir etok ge ete atob insov Pomata ane taku ebe ve nemb amolmol dabin ok inde.
23418	MAT 8:4	Bekob Yisu ginei gitangi ei; ‘Uli ve nunei gen etenik binge nitangi amolmol, bemem mie nuvang roro-ngge nutangi amol bamo ebe geb da nangge lum yamar ok nule be nos imate ru nitangi ei, bekob nomb am da nitangi Pomate, dang ebe warik Mose ginei ok veik atob amolmol tepwengge inatpweng are inei ande mie utlem vie gikwai.”
23452	MAT 9:4	Bemem Yisu ande gitpweng yaun ete eisir tas gitung be inei ve is ate ok are gikwai beti ginei gitangi eisir be ginei;
23453	MAT 9:5	“Ginei ayeu nanei ve yaun ge nitangi amol gimat etenik be nanei, ‘Umdil be uvwat am yemb be uvang,’ bemem awangg yaun etok ano ma, atob ayeu mai-mayangg ano-ngge. Bemem ginei ayeu nanei; ‘Ande ayeu gasin miam gen tiate gikwai,’ be awangg yaun etok ano gile ite, okob atob ayeu mai-mayangg ite. Ve amolmol gitangi ebe atob indi gen etok ane ano be inatpweng are ok ite ma.
23462	MAT 9:14	Be givin sawa etok ge Jon ane singamolomb-gen itangi Yisu ile be iutani ei be inei; “Nam-nambed be amei tis parisai ayamar ben givin as-mate subu be as miengk be miam singamolomb-gen ilgum ite.
23477	MAT 9:29	Beti Yisu gitak bage giwei sulu matanos be ginei; “Yemlu aplongg-aim givin ayeu beti atob gen ebe gabu tangg-aim givin ve un-gas ok atob ano nile.”
23538	MAT 11:10	Be amol nok etok ebe warik Pomate ane amolmol ebe inei ei avo ok inei yaun gipil ei ok. Ve Pomate ginei gitangi Kilisi. Amol ebe ve nemb amolmol ru ok be ginei; ‘Atob ayeu nahlin angg amol yaun ane ti be nimungg nile be nipasang miam liev yapin.’
23547	MAT 11:19	Be Pomate Natu ayeu ebe meng-gahlang weik amolmol ok ganme be gan be ganum kob amolmol ili be inei; ‘Ta-undi amolmol ebe ilgum kulkul takes ane ok tis amolmol tiate ane as nune ebenik bom-tine tiate molge.’ Bemem Pomate ges ane dabe-gwet ru gitangi eitit gipil ane kulkul ebe gilgum ok, beti eitit tatpweng are tane Pomate ane yaun, etok yaun ano molge.”
23548	MAT 11:20	Yisu ta vavis be gigo amolmol ebe nolge ili gen bwalbwale ebe warik ei gilgum ok gikwai, bemem iro is-ate vukir ite ok be ginei; “Ayeu galgum gen bwalbwale ano-ngge nangge yem aim taku be uli gikwai, bemem aplongg-aim givin ayeu be uro aim ate vukir ukwai aim tiate aplo ite molge ba.
23596	MAT 12:38	Givin sawa etok gidung subu ebe emb Mose ane yaun dabin ok be tis Parisai subu ile inei gitangi Yisu be inei; “Gdung amei tanggamei givin anei mie nulgum gen bwalbwale ti be amei andi kob veik anatpweng are anei mie nangge Pomate ane be gunme.”
23669	MAT 14:3	Eisir itak Jon gibweg kapual-lu ve gisov Herodes geb male Pilip arue Herodias ponge, beti Jon ebe ges bui sanggu gipil amolmol ok ginei gitangi Herodes nok be ginei; “Mie gulgum gisov ve gob am male Pilip arue ponge.” Beti Herodes ta vavis be ve nes Jon vunu bemem gipelk ve amolmol, ve amolmol ili Jon inei Pomate ane amol ti ebe ginei ei avo ok.
23848	MAT 19:17	Yisu giwel ei avo be ginei, “Nam-nambed be mie gutani ayeu ve gen vie ane? Gen vie dongke-ngge ete giengk nik; Pomate dongke-ngge ei Amol vie, be ginei mie tam givin ve numbweg matawem nemb ta-ngge, okob nusov Ei ane yaun ane lu ge.”
23865	MAT 20:4	Be ginei gitangi eisir; “Unde be unalgum awangg kulkul wain ane unvin be atob ayeu navgo yem nivin.” Beti eisir nok ile be ilgum kulkul givin.
23878	MAT 20:17	Yisu ve nireu nile Jerusalem beti gigas ane singamolomb-gen 12 ebok ivin be tepwe ile ve invang dang-eteok ane inde, be ginei gitangi ane singamolomb-gen be ginei;
23886	MAT 20:25	Beti Yisu gital ane singamolomb-gen tepwengge ile ipil dongke be ginei ve is be ginei; “Yem uli, Amolmol bambamo ebe emb amolmol dabin ok ve eisir ate as gwangne, be lolos be avos gwangne molge gitangi amolmol ve inei amolmol inaute eisir avos ge.
23914	MAT 21:19	be na gile gili ei-nambwel dabe ti givarkei luev bane be givang gitangi ei-nambwel dabe nok gile ve nili ano ebe yu ok be nipis ve nen. Bemem gili ei-nambwel nok ano ti gikaiwel ite be lan sin-ge. Yisu ta-vavis be ginei yaun gwang-ne molge gitangi ei-nambwel dabe etok be ginei; “Asonge mie nos ano vukuri ite ma.” Be seukie-ngge ei-nambwel dabe etok lan ges ulur gikwai be gimat.
23915	MAT 21:20	Eisir singamolomb ili gen etok be avos poke-ngge be iutani is-ate be inei; “Nam-nambed be ei-nambwel dabe etok vasov nik-ge lan matas be givarkei be ande aing-gwen seukie-ngge?”
23918	MAT 21:23	Yisu tis ane singamolomb-gen inumul ile Jerusalem vukuri be Yisu gisov lum yamar aplo gile be gibul amolmol givang. Be bambamo ebe emb lum mateu ane dabin ok be tis amolmol bambamo ebe emb amolmol dabin angge Juda as taku ok, itangi ei ile be inei; “Mie gulgum gen walang etenik ve amol ret ane gwang-ne? Be amol ret geb ane gwang-ne gitangi mie?”
23919	MAT 21:24	Yisu giwel eisir avos be ginei; “Atob ayeu nautani yem ve yaun ti ane bekob. Be ginei yem unei yaun eteik ano vusa nitangi ayeu, okob atob ayeu nanei amol ebe geb ane gwang-ne gitangi ayeu be galgum gen walang etenik ok lavo nitangi yem.
23923	MAT 21:28	Be Yisu ginei gitangi eisir be ginei; “Unaute kob. Amol ti natu ailu imbweg. Be amol bamo nok ginei ve amol mate ane be ginei, ‘Mie ule be ulgum kulkul nangge awangg um-wain tis as-mate etek.’
23926	MAT 21:31	Be Yisu ginei; ‘Sulu ailu etok as amol ret gilgum tamas ane yaun ano gile?’ Be eisir iwel Yisu avo be inei, “Amol mate ane.” Be Yisu ginei gitangi eisir, “Ayeu nanei bingano-ngge nitangi yem: “Eisir ebe emb kulkul takes ane be iyo iyo amolmol be inggas as mone subu givin sinsin-ge ok, be tis avie-gaptol ebe emb is-ate gitangi amol-gaptol ve mone ane ok, asonge insov Pomate ane taku ebe ve nemb amolmol dabin ok inde inmungg bekob yem.
23932	MAT 21:37	Be mul ane kob ete um tivie gihlin ei-ate natu be gile. Be ei tangg gitung dangeteik ginei; “Eteik ayeu natungg be atob eisir ebe emb um wain dabin ok nas indi ei vie-ngge.”
23935	MAT 21:40	Be Yisu giutani amolmol be ginei; “Ginei um tivie ninme, kob atob nimdom nitangi amolmol ete emb ei ane um wain ane dabin ok?”
23979	MAT 22:38	Yaun etenik ete vie molge. Be ti vukuri eteik; ‘Tam nivin am nune-nggen weik ete mie ate tam givin imate ok.’
24062	MAT 24:36	Be Yisu ginei; “Amol ti gitpweng sawa ebe ayeu ve nanumul nanme ok are ite. Pomate ane ngalau kulkul ane be tis ei ate Natu Ayeu ok be anini givin weik etok ge. Pomate ei ate-ngge gitpweng are.
24089	MAT 25:12	Bemem amol ebe ve nemb avie ok ginei, ‘Ayeu tangg gisgil yem.’ Be Yisu ginei;
24111	MAT 25:34	Be atob ayeu nanei nitangi amolmol ebe Tamangg gili eisir ginei amolmol vie ane ok be nanei; ‘Unsov unme be unabweg taku vie ebe warik Tamangg gipasang nalk tis gulumb vaku-ngge be gipasang ve yem yapin ok.
24136	MAT 26:13	Ayeu nanei bingano-ngge nitangi yem nanei; “Atob amolmol inei awangg binge nemb taku avut. Be avie etenik ane yaun ok atob inei nemb taku avut nivin veik amolmol tas nitung ei nivin.”
24144	MAT 26:21	Eisir en ben imbweg bekob ete Yisu ginei gitangi eisir be ginei; “Ayeu nanei bingano-ngge nitangi yem, yem aim amol ti atob ninei ayeu binge nitangi amolmol valir ane.”
24154	MAT 26:31	Yisu ginei gitangi ane singamolomb-gen be ginei; “Atob tambok etenik atob yem tepwengge unpelk unkwai ayeu. Ve warik Pomate ane amolmol ebe inei ei avo ok inei yapin inei, ‘Atob Pomate nes amol ebe geb bwelk sipsip dabin ok vunu kob atob bwelk etok invang inriv be inra nangge taku walang ok.’
24161	MAT 26:38	be ginei ve sotol; “Ayeu gagas bunam walang ano be bunam bambamo etok gisak ayeu love kasop ge be namat vunu. Dang-etok be unambweg matanongg-aim sang-sangas unvin ayeu nangge etenik.”
24163	MAT 26:40	Yisu gilumul gitangi Pita gabu Jems be Jon gile be gili sotol ande iengk, be ei ginei gitangi Pita be ginei; “Yemtol gitangi ebe atob unambweg matanongg-aim sang-sangas unvin ayeu nitangi as-matano sawa dongke-ngge ok me ma?
24171	MAT 26:48	Be ande Judas Iskariot ginei yaun ve amolmol valir ane nok yapin be ginei; “Tande be ginei uli amol ete ayeu gavang gatangi gale ve nasavi ei ok, okti amol nok etok ebe yem tangg-aim givin ve unemb ei ta ok. Be baingg-aim nisov ei be un-gas ei unde.”
24178	MAT 26:55	Be Yisu ginei gitangi amolmol valir ane be ginei; “Yem uvang tis buyag valir ane be tis kumungg bambamo etenik be unme ve un-gas ayeu weik ebe amol vaina ane ti ok ba? Asmate walang ok ayeu gabweg gavin yem be gabul yem nangge lum yamar bamo eteok aplo bemem yem omb ayeu ta ite ve ret ane?
24196	MAT 26:73	Be bwayage-kob amolmol ebe tepwe ivarkei etok ok inei gitangi Pita be inei; “Bingano molge, mie Yisu ane amol ti, ve ande amei atpweng mie are giengk miam yaun ebe gunei ok.”
24215	MAT 27:17	Amolmol tepwengge iro isate sut gikwai kob, Pilata giutani eisir be ginei; “Yem tangg-aim givin ve ayeu nahlang amol ret nangge kapual-lu be nitangi yem nilek? Barabas me Yisu ebe amolmol ital ei inei Amol ebe geb amolmol ru ok?”
24231	MAT 27:33	Eisir inggas Yisu ile taku ti are Golgada, are etok ane dabe dangeteik; Taku ebe amolmol dabas tulkwe anongge giengk ok.
24244	MAT 27:46	Be givin as-matano aitol givin gibok Yisu gital yaun avo bamo dongke be ginei, “Eli Eli lama sabatani.” Yaun ake etok ane dabe dangeteik; “Pomate, awangg Pomate nam-nambed ete ande mie ve tam nivalngan ayeu nik?”
24286	MRK 1:2	Warik Pomate ane amol yaun ane ti are Aisaia, ei giro yaun ebe Pomate ginei gipil Jon ok dang-eteik ginei; Pomate ginei: ‘Atob ayeu namb angg amol ti nimungg ve mie be ninei binge nitangi amolmol. Ei atob nimungg ve nipasang miam luev yapin.
24291	MRK 1:7	Be ginei yaun ve amolmol be ginei; “Amol ti atob nitau nile ayeu be ninme. Amol nok ane gwang-ne gitlek ayeu angg. Be ayeu gasov ei ane lu.
24298	MRK 1:14	Amol bamo Herodes ginei be ane amolmol valir ane itak Jon gibweg kapual-lu gikwai bekob ete Yisu gimdil gile Galilaia be geb kulkul ve ginei Pomate ane binge vie (mateu) gitangi amolmol be ginei;
24307	MRK 1:23	Givin sawa etok amol ti ebe ngalau tiate givang givin ei ok gibweg lum aplo givin ve giute giute yaun ebe Yisu ginei ginei ok. Ngalau tiate etok gilgum amol nok be gital yaun avo bamo ge be ginei;
24327	MRK 1:43	Yisu ges bing ve ei gikwai, bekob amol nok ve nivang ane be Yisu geb yaun gwang-ne gitangi ei be ginei;
24334	MRK 2:5	Yisu gili sotol be gitpweng are ginei sotol aplos givin ei anongge. Beti Yisu ginei gitangi amol gimat etok be ginei; “Ande ayeu gasin miam gen tiate tepwengge gikwai.”
24335	MRK 2:6	Gidung subu ebe emb Mose ane yaun dabin ok imbweg ivin be iute yaun ete Yisu ginei ok be tas vavis anongge be tas gitung giengk aplos ge inei;
24337	MRK 2:8	Bemem Yisu ande gitpweng yaun ete eisir tas gitung ok are gikwai be ginei gitangi eisir be ginei;
24346	MRK 2:17	Yisu giute yaun etok be giwel eisir avos be ginei; “Amolmol ebe utlas vie ok tas givin dokta ite ma. Amolmol ebe tis gimat ok ge ete tas givin dokta. Ayeu ganme ve amolmol ebe tas gitung inei eisir amolmol vie ane ok ite, ayeu ganme ve amolmol ebe itpweng are inei eisir tiate ane ok.”
24347	MRK 2:18	As-mate ti Jon ane singamolomb-gen ebe imbul Pomate ane yaun gitang-tangi amolmol ok, be tis Parisai subu iyamar ben. Bekob amolmol ebe ok subu itangi Yisu ile be iutani ei be inei; “Nam-nambed be Jon ane singamolomb-gen be tis Parisai subu iyamar ben, be miam singamolomb-gen ilgum ite?”
24353	MRK 2:24	Be Parisai subu ili be ile inei gitangi Yisu be inei; “Miam singamolomb-gen ilgum gen gitangi ebe ve tanalgum nivin Sonda Sabat ok ite.”
24356	MRK 2:27	Be Yisu ginei gitangi eisir vukuri be ginei; “Pomate gitak as-mate ete Sonda ok gile givarkei be geb gitangi amolmol veik amolmol inambweg be inyap. Be amolmol eisir gen vie molge gitlek as-mate ete Sonda ok.
24371	MRK 3:14	Yisu geb amolmol 12 etok ile ivarei bekob ginei gitangi eisir be ginei; “Ayeu gab yem ve unemb kulkul unvin ayeu, be atob ayeu naro yem ta be unbul amolmol ve Pomate ane yaun (mateu).
24380	MRK 3:23	Beti Yisu gital amolmol be itangi ei ile be ginei ve bingai gitangi eisir be ginei; “Sadam gitangi ebe nitin ei ate ok ite ma.
24394	MRK 4:2	Yisu geb yaun anongge gitangi eisir be ginei gipil bingai ge be ginei;
24401	MRK 4:9	Yisu ginei gitangi eisir; “Ginei talngangg-aim avo giengk okob unaute vevie.”
24405	MRK 4:13	Bekob Yisu giutani eisir be ginei; “Yem utpweng bingai etok ane dabe are ite, be wali atob unatpweng bingai subu ane dabe are nam-nambed?
24413	MRK 4:21	Be Yisu ginei bingai ti vukuri gitangi amolmol be ginei; “Yem utung lam be uvandung ve kilkiel ite ma. Yem uravi lam giengk gitip ge.
24416	MRK 4:24	Be Yisu ginei; “Yaun ete yem ute nik tangg-aim nitung vevie-ngge. Ve gen ret ret ete yem ulgum gitangi amolmol subu ok, gen etok ge ete atob Pomate nilgum nitangi yem vukuri be atob ei nemb nitlek ete yem ulgum gitangi amolmol ok.
24422	MRK 4:30	Yisu ginei gitangi eisir be ginei; “Ayeu atob nanei yaun nipil amolmol ebe Pomate geb is dabin ok, be nanei nipil bingai ge.
24427	MRK 4:35	Givin as-mate etok ane gibok Yisu ginei gitangi ane singamolomb-gen be ginei; “Eitit tanes gili tande tanpil bui kapul tavlu ane.”
24431	MRK 4:39	Yisu gimdil be ginei ve avo ge gitangi wavin tis ngal be ginei; “Kamoke!” Be wavin gituvi be ngal gitak love bongong vie molge.
24433	MRK 4:41	Eisir singamolomb ande dalgos givang be inei ve isate be inei; “Amol ret dang-etenik, ete wavin tis ngal ok be iute ei ane yaun ge nik?”
24434	MRK 5:1	Yisu tis ane singamolomb-gen es bui kapul Galilaia gili ile isov Gerasa as taku. Be Yisu vepie nangge eivovo gile gitak alus love gile vunge ve amol ti ebe ngalau tiate givang givin ei ok. Amol nok ei amol lai ti be amolmol gitangi ebe inemb ei ta ok ite. As-mate walang ok amolmol idgin ei bage be va ta ve bidbid tis seng, bemem ei giati seng tis bidbid etok be ngalau tiate nok inggas ei be ivang taku gimat ane. Ei gibweg nam ta ite ma, ei gile ve givang matendubi dubi be tis taku gimat ane gigas ta-ngge, yayai be giure giure ate ve vat. Ei gili Yisu aikawe ge be gituvki gile be giro va dubi supwe gisov nalk gitangi Yisu. Be Yisu ginei gitangi ngalau tiate nok be ginei; “Unkwai amol etenok!” Be ngalau tiate nok ti gital yaun avo bamo-ngge ginei, “Yisu, mie Pomate ane Natu. Mie ve nulgum ret nitangi ayeu? Ayeu nanei bingano-ngge nitangi mie nanei, uli ve nomb vavavne nitangi amei.” Be Yisu giutani amol nok be ginei; “Mie arem ret?” Be ngalau tiate etok ti ginei, “Amei arengg-amei amolmol anongge, ve amei walang molge ete avang avin amol etenik.” Be ngalau tiate etok as ti ginei gitangi Yisu, “Mie nuhlin amei be anvang ankwai taku etenik bwaya.”
24445	MRK 5:12	Beti ngalau tiate nok ti ginei gitangi Yisu be ginei; “Mie nuhlin amei antangi bwelk eteok ande be anatwep eisir aplos ande.”
24451	MRK 5:18	Yisu gile gipil eivovo be amol ebe warik ngalau tiate givang givin ok ginei gitangi Yisu be ginei; “Ayeu ve navin mie.”
24456	MRK 5:23	Be ginei yaun gwang-ne molge gitangi Yisu be ginei; “Ayeu natungg avie gimat tiate molge be kasop gege atob nimat vunu. Dang-etok be unme tale be utak bagem iwei avie natu veik gimat etok ihlang ikwai ei be ivang vie.”
24486	MRK 6:10	Yisu ginei gitangi eisir givin be ginei; “Ginei yem umbielk nam ti be amolmol nam etok ane inei, ‘Unambweg etok,’ okob yem unambweg unvin eisir nitangi ebe ve unkwai nam etok ok.
24566	MRK 7:34	Yisu gidank gireu gulumb be ongonge giro gireu bekob ginei gitangi amol nok be ginei; “Talngavom tis avom ponge!”
24570	MRK 8:1	Givin sawa etok ge amolmol dubi bamo ti iro isate sut itangi Yisu ile vukuri, be ivang love ande as ben ebe ve inen ok ande ma. Beti Yisu gital ane singamolomb-gen itangi ei ile be ginei;
24596	MRK 8:27	Yisu tis ane singamolomb-gen imdil be ivang itangi Sisaria Pilipai as nam dabe subu ile, ivang ete luev ok ge be Yisu giutani ane singamolomb-gen be ginei; “Amolmol ital ayeu inei ret?”
24598	MRK 8:29	Bekob Yisu giutani ane singamolomb-gen vukuri be ginei; “Be yem ate utal ayeu unei ret?” Pita giwel ei avo be ginei, “Mie Kilisi. Mie Amol ebe Pomate gihlin ginme ve nemb amei Juda dabin ok.”
24602	MRK 8:33	Bemem Yisu girau lili be gitlo ane singamolomb-gen be gigo Pita be ginei; “Sadam ule ukwai ayeu! Mie guvang mul ve Pomate ane ta gitung ite ma. Etenok mie guvang mul ve amolmol ge as tas gitung.”
24603	MRK 8:34	Bekob Yisu gital ane singamolomb-gen be tis amolmol tepwengge itangi ei ile be ginei gitangi eisir be ginei; “Ginei amol ti ta givin ve ginei nivang mul ve ayeu, okob ei nipasang ate ve ninggas vavane ete ayeu ve nanggas ok nivin.
24608	MRK 9:1	Be Yisu ginei gitangi eisir, “Bingano, ayeu nanei nitangi yem nanei; Amolmol subu ete ivarkei nik atob inmat vunu ite love indi Pomate ane gwangne ebe ve nemb amolmol dabin ok okob.
24616	MRK 9:9	Bekob tis ane singamolomb-gen aitol nok isov nangge matendubi ile be Yisu ginei gitangi sotol be ginei; “Undi velob unei gen ete galkik gaptol uli be ute ok nitangi amolmol. Love Pomate Natu ayeu ebe meng-gahlang weik amolmol ok namdil vukuri nangge taku gimat ane kob.”
24617	MRK 9:10	Sotol iute Yisu ane yaun be isov ane lu ge. Bekob inei ve is ate be inei; “Wali yaun ete galkik ei ginei “Nimdil vukuri” ok ane dabe nam-nambed?”
24618	MRK 9:11	Bekob ete iutani ei be inei; “Nam-nambed be amolmol bambamo ebe emb Mose ane yaun dabin ok inei atob Ilaija nimungg ninme bekob ve ret ane?”
24619	MRK 9:12	Be Yisu ginei gitangi sotol; “Bingano, Ilaija atob nimungg ninme ve nipasang gen walang ok yapin ge. Bemem gimdom be amolmol gimungg ane ebe iro Pomate avo ukwas bwalbwale ok inei, ‘Asonge Pomate Natu ebe ve menihlang weik amolmol ok atob ninggas vavane be atob amolmol bwais ve ei be inaitin ei?’”
24620	MRK 9:13	Be Yisu ginei; “Ilaija ande ginme gikwai, be gen ret ret ete amolmol ilgum gitangi tas gitung ok gipil ei ok, etok gitau gile yaun ebe giengk Pomate ane kapia ok.”
24623	MRK 9:16	Bekob Yisu giutani ane singamolomb-gen be ginei; “Yem avongg-aim bambamo ete galkok gitangi aim ate ve ret ane?”
24624	MRK 9:17	Be amolmol dubi bamo etok as amol ti gitlek ate be ginei gitangi Yisu be ginei; “Gidung, Ayeu gagas natungg gatagni mie ganme ve nagalau tiate ti givang givin ei be gilgum be amol natu gitangi ebe ve ninei yaun vusa ok ite.
24626	MRK 9:19	Be Yisu ginei gitangi eisir tepwe be ginei; “Yem etenik ge aplongg-aim givin ayeu ite molge ba. Ayeu gavang gavin yem ebe warik, be asger ge kob yem aplongg-aim nivin ayeu subu? Omb amol natu inme kob.”
24628	MRK 9:21	Be Yisu giutani amol natu nok tame be ginei, “Asger ngalau tiate gigas mie natum?” Be Amol natu tame giwel Yisu avo be ginei; “Ebe warik ei nunus ge ok.
24632	MRK 9:25	Yisu gili amolmol anongge ebe itangi ei ile ok, beti ginei yaun gitangi ngalau tiate etok be ginei; “Mie ngalau tiate, avom itu be talngem-avo itu. Ayeu gahlin mie ve ganei nule nuhlang nukwai amol natu etenok, be nunumul nunme nuvang nuvin amol natu etenok vukuri ite.”
24635	MRK 9:28	Yisu gisov nam aplo gile kob ane singamolomb-gen iutani ei bwaya gege be inei; “Nam-nambed be amei algum ve aitin ngalau tiate etok nile nihlang be gitangi ite?”
24636	MRK 9:29	Yisu giwel eisir avos be ginei; “Miengk dongke-ngge gitangi nitin gen dangetok nikwai, be gen ti givin ite.”
24638	MRK 9:31	ve ei gilgum ve nimbul ane singamolomb-gen. Yisu ginei ve eisir singamolomb be ginei; “Atob amolmol bambamo inemb Pomate Natu ayeu ebe meng-gahlang weik amolmol ok nitangi amolmol ebe be ines ayeu vunu ok. Be atob eisir ines ayeu vunu be nivin as-mate ebe ve aitol ane ok okob atob ayeu matawangg be namdil vukuri.”
24640	MRK 9:33	Yisu tis ane singamolomb-gen imbielk Kapenaum be isov nam aplo ile kob Yisu giutani ane singamolomb-gen be ginei; “Yem unei yaun ret ve aim ate nangge luev?”
24642	MRK 9:35	Yisu gibweg golonge kob gital ane singamolomb-gen 12 ebok itangi ei ile be ginei gitangi eisir be ginei; “Ginei amol ti ta givin ve menihlang weik amol bamo, okob nemb ate nile mul be nemb kulkul ve amolmol tepwengge ane.”
24646	MRK 9:39	Be Yisu ginei; “Untau! Amol ti ginei gilgum gen bwalbwale ti ve awangg gwangne, okob ei gitangi ebe atob ninei yaun tiate nipil ayeu ok ite ma.
24659	MRK 10:2	Bekob Parisai subu itangi ei ile be ilgum ve inyo inyo ei be inei; “Eitit and luev ti giengk dangetok ve amol ti ginei bua ve arue kob atob nitin ei me ma?”
24660	MRK 10:3	Yisu giwel eisir avos be giutani eisir be ginei; “Mose geb yaun ret gitangi yem?”
24661	MRK 10:4	Be eisir inei, “Mose ginei gitangi ameidang-eteik ginei; Amol ti ginei bua ve arue, okob ei niro kapia ti be nemb nitangi arue nile be nitin ei.”
24662	MRK 10:5	Beti Yisu ginei gitangi eisir be ginei; “Mose geb yaun etok gitangi yem ve gili yem aplongg-aim dadani molge.
24668	MRK 10:11	Beti Yisu ginei gitangi ane singamolomb-gen be ginei; “Amol ti ginei bua ve arue be gitin gikwai, bekob gile geb avie vaku ti vukuri, amol etok giyaing luev ebe amol be avie emb isate ane ok.