23242	MAT 2:4	Herodes geb yaun ve bambamo ebe emb lum yamar bamo dabin ok be tis didung subu ebe emb Mose ane yaun dabin ok, be ile ipil dongke be giutani eisir be ginei, “Wali Mesia amol ebe Pomate geb ve nemb amolmol ru nangge Judia ok, atob tine nikuv nangge inend?”
23275	MAT 3:14	Bemem Jon gilgum ve nes ate gili beti ginei gitangi Yisu be ginei, “Ginei mie nos bui sanggu nipil ayeu okob vie, be ayeu gitangi ebe ve nas bui sanggu nipil mie ok ite, be nam-nambed be mie gutangi ayeu gunme?”
23440	MAT 8:26	Yisu ginei gitangi ane singamolomb-gen be ginei, “Yem upelk dang etok ve ret ane? Yem wat aplongg-aim givin ayeu ano molge ite me?” Bekob Yisu gimdil givarkei be ginei yaun ve avo ge gitangi wavin tis ngal be wavin bongong be ngal gitak love bongong vie molge.
23441	MAT 8:27	Eisir singamolomb ili love ilat bais be inei gitangi is ate be inei, “Amol ret dang etenik, ve wavin tis ngal ok be iute ei avo ge ba?”
23443	MAT 8:29	Ngalau tiate etok ili Yisu be yayai be inei, “Pomate Natu mie, sawa ebe mie ve nulgum amei-mei yaun ok giengk nangge, be mie wat gunme ve nomb vavavne nitangi amei nok etenki me?”
23451	MAT 9:3	Be gidung subu ebe emb Mose ane yaun dabin ok iute be inei ve isate, “Amol etenik wat ve nilgum molok nile Pomate me?”
23459	MAT 9:11	Be amolmol subu nangge Parisai ili be ile iutani Yisu ane singamolomb-gen be inei, “Nam-nambed be yem aim gidung gen ben givin amolmol ebe emb kulkul takes ane be iyo iyo amolmol be inggas as mone subu singsin-ge givin ok, be tis eisir tiate ane bambamo etok?”
23476	MAT 9:28	Yisu gisov nam aplo gile gibweg bekob ete amolmol subu inggas matanos bop ailu nok itangi ei ile. Be Yisu ginei gitangi sulu be ginei, “Yemlu aplongg-aim givin unei atob ayeu nalgum yemlu matanongg-aim be vie vukuri me ma?” Be sulu inei, “Amol Bamo, eilu aplongg-amei givin.”
23531	MAT 11:3	“Mie amol etenik ebe warik Jon ginei asonge ninme ok, me amol etok givang nangge?”
23568	MAT 12:10	Be amol ti ebe bage tavlu gimat ok gisov lum aplo gile givin ve niute Yisu ane yaun ebe ginei ginei ok. Be amolmol ebe irek Yisu ane luev ve inemb ei ta ok, itangi Yisu ile be iutani ei be inei. “Gitangi ebe tanalgum amolmol ebe tis gimat ok be utlas vie vukuri nivin Sonda ok me ma?”
23581	MAT 12:23	Amolmol tepwengge ili be ikuri vunungge be inei, “Etenik wat Dawit ane vaku ebe ve nemb eitit ru ok me?”
23618	MAT 13:10	Bwayage kob Yisu ane singamolomb-gen itangi ei ile be inei, “Namnambed be mie gob yaun gipil bing-ai ge gitangi eisir?”
23635	MAT 13:27	be ile inei gitangi um tivie inei, “Mie gudawi ben uve vevies ge gisov am um bemem wali taku tiate bambamo ete givarkei givin ben ok ginme nangge inend?”
23659	MAT 13:51	Bekob Yisu giutani eisir be ginei, “Ande utpweng yaun bambamo etok are me ma?” Be eisir iwel Yisu avo be inei, “Ande amei atpweng are.”
23664	MAT 13:56	Be luvu avie-nggen ete wat imbweg ivin eitit nik. Be gen walang etok wali ei gigas nangge?”
23681	MAT 14:15	Givin gibok etok eisir singamolomb itangi Yisu ile be inei, “Ande as gile gikwai be taku etenik taku sawa, be uhlin amolmol be invang intangi nam dabe subu inde veik inavgo ben be inen ma?”
23704	MAT 15:2	“Nam-nambed be miam singamolomb-gen ilgum gen gitangi ebe bambamo as luev ok ite, be ivuk bais kob ite be en ben?”
23735	MAT 15:33	Eisir singamolomb inei gitangi Yisu be inei, “Wali atob eitit tanvwat ben nangge inend be tanemb nitangi amolmol dubi bamo etenik be inen, ve etenik taku sawa?”
23736	MAT 15:34	Be Yisu giutani ane singamolomb-gen be ginei, “Yem aim ben siti giengk me ma?” Be eisir iwel ei avo be inei, “Amei mei ben siti be tis wenk natu dongke-ngge ete giengk ik.”
23746	MAT 16:5	Yisu tis ane singamolomb-gen es bui gili ile ipil bui tavlu ane, be Yisu geb Parisai tis Sadukai as luev tiate subu tuvweng gipil yis be ginei gitangi ane singamolomb-gen be ginei, “Nangg aim undi aim ate-ngge ve Parisai tis Sadukai as yis.” Beti eisir singamolomb iute be inei ve isate, “Ei wat ginei yaun etenik ve gisov ebe eitit tavwat ben subu givin ite ok me?” Yisu gitpweng yaun ete eisir inei ok are gikwai be ginei, “Yem tangg-aim gitung ete uvwat ben givin aim ate ite ok ve ret ane? Yem wat aplongg-aim givin ayeu ano molge ite me, beti utpweng gen are ite. Yem tanggaim gitung ben tis wenk siti ebe warik ayeu gab gitangi amolmol 5000 en ok me ma? Be yem uro ben etok ane dadanis ebe en be giengk ok sut gisov sab aivir? Be tis ben be wenk siti ebe ayeu gab gitangi amolmol 4000 en ok, be uro ben etok ane dadanis sut gisov sab aivir? Yem uli gen etok gikwai bemem utpweng are ite, beti unei yaun walang ano gisov ebe uvwat ben subu givin ite ok. Ayeu ganei, Unemb aim ate dabin vie-ngge ve Parisai tis Sadukai as luev.” Be givin etok ge ete eisir singamolomb itpweng are ve Yisu ginei yaun etok gipil eisir Parisai be tis Sadukai as luev ebe ivang ok, be ei ginei yaun ben ane ite.
23754	MAT 16:13	Yisu tis ane singamolomb-gen ile Sisaria Filipai as taku be Yisu ginei gitangi ane singamolomb-gen be ginei, “Amolmol ital Pomate Natu Ayeu ebe meng-gahlang weik amolmol ok, inei ret?”
23756	MAT 16:15	Be Yisu giutani ane singamolomb-gen be ginei, “Be yem ate utal ayeu unei ret?”
23779	MAT 17:10	Be sotol iutani Yisu be inei, “Nam-nambed be gidung subu ebe emb Mose ane yaun dabin ok inei atob Ilaija nimungg ninme bekob amol ebe ve nemb amolmol ru ok, ve ret?”
23788	MAT 17:19	Bekob eisir singamolomb itangi Yisu ile iutani ei bwaya-gege be inei, “Nam-nambed be amei algum ve anaitin ngalau tiate etok nikwai bemem gitangi ite?”
23793	MAT 17:24	Yisu tis ane singamolomb-gen imbeilk Kapenaum be amolmol ebe inggas mone lum yamar ane ok itangi Pita ile be inei, “Atob yem aim gidung nemb mone lum yamar ane nivin me ma?”
23794	MAT 17:25	Be Pita giwel eisir avos be ginei, “Atob ei nivgo nivin.” Givin ebe Pita gisov nam aplo gile ok be seukie-ngge Yisu ginei gitangi ei be ginei, “Mie tam gitung nam-nambed? Amolmol bambamo ebe emb amolmol dabin ok inggas mone takes ane nangge asav? Nangge eisir ate as amolmol-gen me nangge amolmol taku ti ane?”
23797	MAT 18:1	Givin sawa etok ge eisir singamolomb itangi Yisu ile be iutani ei be inei, “Pomate gili amol ret ginei amol bamo nangge eisir ete ei ve nemb is dabin ok?”
23834	MAT 19:3	Bekob Parisai subu itangi Yisu ile be ilgum ve inyo inyo ei, beti iutani ei be inei, “Eitit and luev giengk dang etok ve atob amol ti ginei bua ve arue kob atob nitin me ma?”
23847	MAT 19:16	Be seukie-ngge amol singamolomb ti gitangi Yisu gile be giutani ei be ginei, “Gidung, gen vie ret giengk ebe ve ayeu nalgum veik nambweg matawangg dang etok ok?”
23849	MAT 19:18	Be amol nok giutani Yisu, “Yaun ret?” Be Yisu ginei, “Nos amolmol vunu ite, nulgum gen wasi ane ite, nunei yaun bingkas kasop nipil amolmol ite, nuvaina gen ite,
23851	MAT 19:20	Be amol nok ginei, “Ayeu galgum yaun walang etok ano gile gikwai, be gen ret giengk ebe ve ayeu nalgum vukuri ok?”
23856	MAT 19:25	Eisir singamolomb iute yaun etok be tas gitung walang ano be ile iutani Yisu be inei, “Ginei dang-etok, okob amol ret gitangi ebe atob nimbweg vie ok?”
23858	MAT 19:27	Be Pita ginei gitangi Yisu, “Amei avang akwai amei gen walang ok be anme avang mul ve mie. Be asonge amei an-gas gen vie ret?”
23867	MAT 20:6	Be givin ebe as giro ringenk ok um tivie gilumul gile be gili amolmol subu ebe ilauk ivang nam luvwe sinsin-ge ok, be giutani eisir be ginei, “Nam-nambed be yem omb wayam ve aim ate be uvang kulkul ane uvin ite?”
23876	MAT 20:15	Be um tivie ginei gitangi eisir, “Mone etenik awangg gen be ayeu gitangi nalgum gen nitangi ebe tangg givin ok nipil mone etenik. Be yem uli aim ate tiate gisov etok ve ret ane?”
23882	MAT 20:21	Beti Yisu ginei gitangi ei be ginei, “Mie tam givin gen ret?” Be ei giwel Yisu avo be ginei, “Asonge nindeb mul ane nivin ebe mie ve nomb amolmol dabin ok, okob nunei be ayeu natu-nggen eilu eteik indek inambweg inambloblo mie invin.
23883	MAT 20:22	Yisu giwel ei avo be ginei, “Yemtol ebenok, gaptol utpweng yaun ete unei nok are ite, yemlu gitangi ebe atob un-gas gen bunam ete atob ayeu nanggas ok unvin me ma?” Be sulu iwel Yisu avo be inei, “Eilu gitangi.”
23893	MAT 20:32	Yisu givarkei va ta be gital sulu be itangi ei ile be giutani sulu be ginei, “Yemlu tanggaim givin ve ayeu nalgum ret nitangi yemlu?”
23905	MAT 21:10	Givin ebe Yisu gile gihlang Jerusalem ok be amolmol tepwengge ebe imbweg nam ok ikuri vunungge be iutani, “Amol ret etenik?”
23911	MAT 21:16	Beti itangi Yisu ile be inei, “Ande mie gute yaun ete eisir inei ok me ma?” Yisu giwel eisir avos be ginei, “Ande ayeu gaute. Be namnambed? Yem ok nolge usam Pomate ane yaun ebe warik ok gikwai me ma? Yaun etok ginei dang-eteik: ‘Mie gob nunus natu natu subu be tis nunus ebe godos gisa rur ge nangge ok avos ponge be eisir avos givwat mie arem vie molge.’”
23918	MAT 21:23	Yisu tis ane singamolomb-gen inumul ile Jerusalem vukuri be Yisu gisov lum yamar aplo gile be gibul amolmol givang. Be bambamo ebe emb lum mateu ane dabin ok be tis amolmol bambamo ebe emb amolmol dabin angge Juda as taku ok, itangi ei ile be inei; “Mie gulgum gen walang etenik ve amol ret ane gwang-ne? Be amol ret geb ane gwang-ne gitangi mie?”
23920	MAT 21:25	Wali Jon gigas gwang-ne nangge inend, beti ges bui-sanggu gipil amolmol? Nangge Pomate ane, me nangge amolmol as?” Beti eisir nok inei ve is-ate be inei, “Atob eitit tanei ret? Ginei eitit tanei dang-etok tanei ‘Nangge Pomate ane.’ Be atob ei ninei, ‘Be nam-nambed be yem aplongg-aim givin Jon ane yaun ite?’
23935	MAT 21:40	Be Yisu giutani amolmol be ginei; “Ginei um tivie ninme, kob atob nimdom nitangi amolmol ete emb ei ane um wain ane dabin ok?”
23953	MAT 22:12	Be amol bamo nok ginei gitangi amol etok, “Nam-nambed be mie guli ben etenik weik gen sin-ge be gusov nam-aplo etenik gunme be guno kup ben dang dang-etenik ane ti ite?” Bemem amol etok ginei yaun ti ite be tumi-ngge gibweg.
23958	MAT 22:17	Be unei itangi amei kob, gitangi ebe amei anavgo takes nitangi Rom as amol bamo ok me ma?”
23961	MAT 22:20	“Amol ret dalgo be tis are eteik?”
23969	MAT 22:28	Dang-etok be wali atob nindeb mulane nivin ebe amolmol ebe imat vunu ok ve inamdil vukuri ok, okob eisir etok as amol ret atob nemb avie etok ve arue? Ve eisir bage tavlu be ano ailu etok tepwengge emb avie dongke etok ge?”
23977	MAT 22:36	“Gidung, wali Pomate ane yaun ake inend ete gwangne be vie molge?”
23983	MAT 22:42	“Yem tangg-aim gitung nam-nambed gipil amol ebe ve nemb amolmol tepwengge ru ok? Be ei ane bambamo-nggen asav?” Be eisir iwel Yisu avo be inei, “Amol etok ane bambamo-nggen ete Dawit ane amolmol-gen ok.”
24029	MAT 24:3	Yisu gile gibweg matendubi ebe ei oliv anongge givarkei ok, be ane singamolomb-gen itangi ei bwaya-gege ile be inei, “Unei itangi amei kob ve wali gen etok atob menihlang tis asger? Be gen ret atob amei andi nimungg veik anatpweng sawa ete mie ve nunumul nunme nalk ok are?”
24140	MAT 26:17	Givin ebe amolmol ipasang is-ate ve inalgum as ben bamo etok ok. Be eisir singamolomb itangi Yisu ile be inei, “Mie tam givin gunei amei anpasang ben nangge nam inend ve eitit?”
24145	MAT 26:22	Eisir singamolomb iute yaun etok be aplos bunam molge be emb is-ate dongke dongke itangi Yisu ile be iutani ei be inei, “Mie tam gitung gunei atob ayeu nalgum me?”
24148	MAT 26:25	Judas Iskariot giutani Yisu be ginei, “Gidung, mie guli gunei atob ayeu nalgum me?” Be Yisu giwel ei avo be ginei, “Nok ete ande Mie ate gunei imate vusa nok.”
24173	MAT 26:50	Be Yisu giwel Judas Iskariot avo be ginei, “Angg nune. Ulgum am gen ete ve nulgum nok seukie ma?” Be amolmol valir ane ebok bais gisov Yisu be emb ei ta gwang-ne ge be inggas ei be ile.
24185	MAT 26:62	Be Kaiapas gimdil be ginei gitangi Yisu, “Mie gitangi ebe atob nuwel amolmol bambamo etenik avos ok me ma?”
24186	MAT 26:63	Bemem Yisu tumi-ngge be ginei yaun ti ite. Beti Kaiapas giutani ei vukuri be ginei, “Mie unei itangi amei kob. “Mie amol etenik ebe ve nomb amolmol dabin ok me? Be Pomate Natu mie me ma?”
24191	MAT 26:68	be inei, “Mie amol ebe gob amolmol ru ok etenik mera? Be dang mie unei itangi amei unei amol ret ete ges mie nik?”
24192	MAT 26:69	Pita gibweg nam luvwe be na giengk gen ebe eisir ilgum gitangi Yisu ok, be Kaiapas ane avie kulkul ane ti gitangi ei gile be gine, “Mie amol etenik ebe guvang guvin Yisu ebe nangge Galilaia ok mera?”
24209	MAT 27:11	Yisu givarkei nangge Pilata na be Pilata giutani ei be ginei, “Mie amol bamo ebe gob amolmol dabin nangge Juda as taku ok etenik me?” Be Yisu giwel Pilata avo be ginei, “Yaun nok ete ande miate gunei nok.”
24211	MAT 27:13	Kob ande gute yaun bambamo ete eisir inei gipil mie ok me ma?”
24215	MAT 27:17	Amolmol tepwengge iro isate sut gikwai kob, Pilata giutani eisir be ginei; “Yem tangg-aim givin ve ayeu nahlang amol ret nangge kapual-lu be nitangi yem nilek? Barabas me Yisu ebe amolmol ital ei inei Amol ebe geb amolmol ru ok?”
24219	MAT 27:21	Pilata giutani eisir vukuri be ginei, “Amol ailu ete imbweg kapual-lu imbweg nik, be yem tangg-aim givin ve ayeu nahlang sulu as amol ret nitangi yem nilek?” Eisir iwel Pilata avo be inei, “Mie nuhlang Barabas nitangi amei ninme.”
24220	MAT 27:22	Be Pilata ginei, “Be atob ayeu namdom nitangi Yisu ebe amolmol ital ei inei Amol ebe geb amolmol ru ok?” Be amolmol tepwengge iwel Pilata avo be inei, “Tanes Ei nireu ei-givsangin nile.”
24221	MAT 27:23	Bemem Pilata giutani eisir vukuri be ginei, “Yisu gilgum gen tiate ret?” Be amolmol tepwengge ital yaun iro av-kavut ge inei, “Tanes Ei nireu ei-givsangin. Tanes Ei nireu ei-givsangin.”
24227	MAT 27:29	be ipasang gululung ti ve wal duduli subu be es gisov Yisu dabe, be emb kabut ti gile bage tavlu bekob ilgum molok gile ei be iro vas dubi supwe gisov nalk gitangi be inei yaun ungglus ungglus gipil ei be inei. “As-mate mie. Mie amol bamo ebe gob amolmol dabin nangge Juda as taku ok etenik mera?”
24238	MAT 27:40	“Mie amol etenik ebe gunei nuyaing lum yamar nikwai, bekob nutav vukuri nitangi as-mate aitol ge ok etenik mera? Dang-etok, be ginei Pomate Natu mie bingano, okob omb im ate ru be usov motak ukwai ei-givsangin ma?”
24241	MAT 27:43	Ei aplo givin Pomate be ginei Pomate ane Natu ei mera? Dang-etok okob tanasge be tandi, tanei atob Pomate ta nivin ei be nemb ei ru me ma?”
24244	MAT 27:46	Be givin as-matano aitol givin gibok Yisu gital yaun avo bamo dongke be ginei, “Eli Eli lama sabatani.” Yaun ake etok ane dabe dangeteik; “Pomate, awangg Pomate nam-nambed ete ande mie ve tam nivalngan ayeu nik?”
24245	MAT 27:47	Beti amolmol ebe ivarkei etok ok inei, “Ei gital Ilaija mera?”
24345	MRK 2:16	Bekob gidung Parisai ane subu ebe emb Mose ane yaun dabin ok, ili ebe Yisu gen ben givin amolmol tiate ane be tis eisir takes ane ebe iyo iyo amolmol be inggas as mone subu sinsin ge ok, bmem ei gilgum gen gitangi ebe Juda as luev ite ok. Beti ile iutani Yisu ane singamolomb-gen be inei, “Nam-nambed be ei gile gibweg be gen ben givin amolmol tiate ane bambamo etok be tis eisir takes ane ebe inggas amolmol as mone subu sinsin ge givin ok?”
24347	MRK 2:18	As-mate ti Jon ane singamolomb-gen ebe imbul Pomate ane yaun gitang-tangi amolmol ok, be tis Parisai subu iyamar ben. Bekob amolmol ebe ok subu itangi Yisu ile be iutani ei be inei; “Nam-nambed be Jon ane singamolomb-gen be tis Parisai subu iyamar ben, be miam singamolomb-gen ilgum ite?”
24361	MRK 3:4	Bekob Yisu giutani amolmol be ginei, “Eitit taute yaun ret givin Sonda? Tanalgum gen vie me tanalgum gen tiate tis Sonda? Tanpasang amolmol me tanes amolmol vunkunu?” Bemem eisir inei yaun ti ite.
24430	MRK 4:38	Be Yisu ande gitak lopong be gisov be giengk ebe eivovo mul ok. Eisir singamolomb ile es ei itin be inei gitangi ei, “Mie guli ebe atob eitit tansov bui ok me ma?”
24432	MRK 4:40	Bekob girau lili be ginei gitangi ane singamolomb-gen be ginei, “Yem upelk dang-etok ve ret ane? Yem wat aplongg-aim givin ayeu ano molge ite me?”
24433	MRK 4:41	Eisir singamolomb ande dalgos givang be inei ve isate be inei; “Amol ret dang-etenik, ete wavin tis ngal ok be iute ei ane yaun ge nik?”
24434	MRK 5:1	Yisu tis ane singamolomb-gen es bui kapul Galilaia gili ile isov Gerasa as taku. Be Yisu vepie nangge eivovo gile gitak alus love gile vunge ve amol ti ebe ngalau tiate givang givin ei ok. Amol nok ei amol lai ti be amolmol gitangi ebe inemb ei ta ok ite. As-mate walang ok amolmol idgin ei bage be va ta ve bidbid tis seng, bemem ei giati seng tis bidbid etok be ngalau tiate nok inggas ei be ivang taku gimat ane. Ei gibweg nam ta ite ma, ei gile ve givang matendubi dubi be tis taku gimat ane gigas ta-ngge, yayai be giure giure ate ve vat. Ei gili Yisu aikawe ge be gituvki gile be giro va dubi supwe gisov nalk gitangi Yisu. Be Yisu ginei gitangi ngalau tiate nok be ginei; “Unkwai amol etenok!” Be ngalau tiate nok ti gital yaun avo bamo-ngge ginei, “Yisu, mie Pomate ane Natu. Mie ve nulgum ret nitangi ayeu? Ayeu nanei bingano-ngge nitangi mie nanei, uli ve nomb vavavne nitangi amei.” Be Yisu giutani amol nok be ginei; “Mie arem ret?” Be ngalau tiate etok ti ginei, “Amei arengg-amei amolmol anongge, ve amei walang molge ete avang avin amol etenik.” Be ngalau tiate etok as ti ginei gitangi Yisu, “Mie nuhlin amei be anvang ankwai taku etenik bwaya.”
24463	MRK 5:30	Yisu ande gitpweng are ve ei ane gwang-ne subu ande gikwai ei be gile, beti givarkei va ta be giutani, “Amol ret bage gile geb awangg kup?”
24479	MRK 6:3	Amol etenik wat kapenda ti me, be tine ete Malia ok be male-nggen ete Jems gabu Josep be Judas gabu Saimon ok, be luvu avie gen ete ivang ivin eitit nik me?” Eisir tas gitung yaun dang-etok beti gilgum be bwais ve ret indi ei.
24490	MRK 6:14	Herodes gilgum gen gisov molge ve geb male Filip arue Herodias ponge. Beti Jon ebe ges bui gipil amolmol ok ginei gitangi Herodes nok be ginei, “Mie gulgum gen gisov molge ve gob am male Pilip ane avie ponge.” Beti Herodias ta vavis ve Jon be ve nes ei vunu, bemem Herodes ginei gitangi ite. Beti ginei be ane amolmol valir ane itak Jon gibweg kapual-lu ge ve Herodes gipelk ve Jon, ve Jon ei Pomate ane amol kulkul ane vie ti. Beti geb ei dabin be gibweg matawe. Herodes ta givin anongge ve niute Jon ane yaun ebe ginei ginei ok, bemem aplo bunam molge ve ei ate ane ve ei gili ginei ei amol tiate. Bwayage kob Herodes gilgum ben bamo ti ve ei ate ane aiweng ebe tine gikuv ok ane, be gital amolmol bambamo subu nangge Galilaia be inme ve inen ben etok. Be Herodias natu avie gile gihlang be ges uye be Herodes tis amolmol bambamo nok imbweg be ili ei ges uye vie molge be tas vevias anongge. Beti Herodes ginei gitangi ei be ginei, “Ginei mie tam givin awangg gen ti me tam givin ve nunggas awangg nalk tavlu atob ayeu namb nitangi mie.” Avie natu gituvki seukie-ngge gitangi tine gile be ginei, “Mie tam givin ve ayeu nanggas gen ret nangge Herodes?” Be tine ginei, “Ayeu tang givin ganei mie nunggas Jon ebe ges bui sanggu gipil amolmol ok dabe tulkwe.” Be avie natu gituvki gitangi Herodes gile be ginei, “Ayeu tang givin ve galkik etenik ge mie nomb Jon ebe ges bui sanggu gipil amolmol ok dabe tulkwe nisov bele taptape ti be nomb nitangi ayeu.” Herodes giute yaun etok be aplo bunam molge, bemem galkik ei gibiti yaun etok gimungg be amolmol bambamo iute gikwai, beti ei gili ma be gihlin ane amol valir ane ti gile be gidbwen Jon savwalo gili nangge nam kapual-lu ane, be gitak dabe tulkwe gisov bele taptape ti be givwat gile geb gitangi avie natu. Be avie natu givwat gile geb gitangi tine. Bwayage kob Jon ane singamolomb-gen iute ebe ei gimat vunu ok binge be inme ivwat ei utle ulis ile ispun nangge taku gimat ane. Be gideb mul ane kob ete amolmol subu iute ebe Yisu gilgum gen bambamo etok ok ane binge, be inei yaun gipil Yisu nok be inei Jon ebe ges bui sanggu gipil amolmol ok ande gimdil vukuri. Be amolmol subu inei etok Ilaija, be subu inei etok profet gimungg ane ti ebe warik ginei Pomate avo ukwas vusa ok. Yisu ane binge givang geb taku avut be Herot giute be ginei, “Etok Jon ebe ges bui sanggu gipil amolmol ok ebe warik awangg amol valir ane ti gidbwen ei savwalo gili ok bingano ge. Ete ande matawe be gimdil vukuri ok.”
24512	MRK 6:36	be me uli be uhlin eisir etenik inde nam dabe subu eteok be inavgo as ben bekob ma?”
24514	MRK 6:38	Be Yisu giutani ane singamolomb-gen be ginei, “Unde be undi kob, unei yem ate aim ben siti giengk me ma?” Eisir ile ili gikwai be inme inei gitangi Yisu, “Ameimei ben siti be tis wenk ailu ete giengk ik.”
24537	MRK 7:5	Beti Parisai be tis gidung yaun ane nok iutani Yisu be inei, “Namnambed be miam singamolomb gen itaugile ameimei bambamo nggen as tumbu ite, be ivuk bais kob ite be en ben?”
24573	MRK 8:4	Be eisir singamolomb iutani ei be inei, “Eitit tavang taku sawa etenik, be atob wali eitit tanvwat ben nangge inend be tanemb ve eisir etenik inen?”
24574	MRK 8:5	Be Yisu giutani eisir be ginei, “Yem aim ben subu giengk me ma?” Be eisir inei, “Ameimei ben siti ete giengk ik.”
24588	MRK 8:19	ebe warik ayeu galgum ve gab beret bage tavlu ve amolmol gitangi 5,000 en ok me? Be yem usbang ben etok ane dadanis gisov sab aivir?” Be eisir singamolomb inei, “Sab 12.”
24589	MRK 8:20	“Be givin ebe ayeu gab ben siti-ngge ve amolmol 4,000 en ok, okob yem usbang ben nok ane dadanis gisov sab aivir?” Be eisir inei, “Sab 7.”
24590	MRK 8:21	Be Yisu ginei gitangi ane singamolomb-gen, “Bemem yem wat utpweng gen etok are ite nangge me?”
24592	MRK 8:23	Yisu geb amol nok gibweg bage be gigas ei be gabu ile ihlang ikwai nam luvwe. Yisu avo rulu gile amol matano bop nok matano gikwai kob gitak bage giwei ei be ginei. “Ande mie guli gen me ma?”
24596	MRK 8:27	Yisu tis ane singamolomb-gen imdil be ivang itangi Sisaria Pilipai as nam dabe subu ile, ivang ete luev ok ge be Yisu giutani ane singamolomb-gen be ginei; “Amolmol ital ayeu inei ret?”
24598	MRK 8:29	Bekob Yisu giutani ane singamolomb-gen vukuri be ginei; “Be yem ate utal ayeu unei ret?” Pita giwel ei avo be ginei, “Mie Kilisi. Mie Amol ebe Pomate gihlin ginme ve nemb amei Juda dabin ok.”
24618	MRK 9:11	Bekob ete iutani ei be inei; “Nam-nambed be amolmol bambamo ebe emb Mose ane yaun dabin ok inei atob Ilaija nimungg ninme bekob ve ret ane?”
24623	MRK 9:16	Bekob Yisu giutani ane singamolomb-gen be ginei; “Yem avongg-aim bambamo ete galkok gitangi aim ate ve ret ane?”
24628	MRK 9:21	Be Yisu giutani amol natu nok tame be ginei, “Asger ngalau tiate gigas mie natum?” Be Amol natu tame giwel Yisu avo be ginei; “Ebe warik ei nunus ge ok.
24635	MRK 9:28	Yisu gisov nam aplo gile kob ane singamolomb-gen iutani ei bwaya gege be inei; “Nam-nambed be amei algum ve aitin ngalau tiate etok nile nihlang be gitangi ite?”
24640	MRK 9:33	Yisu tis ane singamolomb-gen imbielk Kapenaum be isov nam aplo ile kob Yisu giutani ane singamolomb-gen be ginei; “Yem unei yaun ret ve aim ate nangge luev?”
24641	MRK 9:34	Bemem eisir iwel Yisu ane yaun ite, ve gisov eisir inei yaun ve isate nangge luev inei, “amol ret nangge eitit atob menihlang weik amol bamo?”
24659	MRK 10:2	Bekob Parisai subu itangi ei ile be ilgum ve inyo inyo ei be inei; “Eitit and luev ti giengk dangetok ve amol ti ginei bua ve arue kob atob nitin ei me ma?”
24660	MRK 10:3	Yisu giwel eisir avos be giutani eisir be ginei; “Mose geb yaun ret gitangi yem?”
24683	MRK 10:26	Eisir singamolomb ikuri vunu-ngge be inei ve is ate be inei; “Ginei dangetok okob amol ret gitangi ebe atob nimbweg matawe ok?”
24693	MRK 10:36	Be Yisu ginei gitangi sulu; “Yemlu tangg-aim givin ve ayeu nalgum ret nitangi yemlu?”