23224 | MAT 1:11 | Yosia kamulela Yekonia na ndugu zake, kipindi kija Wayahudi viwahamizigwe kugaligwa Babeli. |
23230 | MAT 1:17 | Avo kukala na ng'holo longo na nne kulawa Abulahamu mbaka Daudi, na ng'holo longo na nne kulawa Daudi mbaka Wayahudi viwahamizigwe Babeli na ng'holo longo na nne toka viwahamizigwe Babeli mbaka kuleleka kwa Kilisito Mkombola. |
23240 | MAT 2:2 | Wauza, “Kakwahi imwana yavumbuke yawe Mndewa wa Wayahudi? Kwavija tuyona nhondo yake kulawa mwambu wa kudilawila zuwa na tweye twiza kumfugamila.” |
23243 | MAT 2:5 | Wamwidika, “Kovumbukila kudibuga da Beselehemu mwiisi ya Yudea, vivo yandike mtula ndagu wa Mulungu, |
23266 | MAT 3:5 | Wanhu wamcholela kulawa Yelusalemu, na isi yose ya Yudea na kulawa isi zose zilihabehi na lwanda lwa Yolidani. |
23267 | MAT 3:6 | Watogola hewo watenda nzambi na Yohana kawabatiza muulwanda lwa Yolidani. |
23293 | MAT 4:15 | “Isi ya Zabuloni na isi ya Nafutali nzila ya kucholela mbahali, umwambu uyagwe wa lwanda lwa Yolidani Galilaya, isi ya wanhu haweli Wayahudi! |
23294 | MAT 4:16 | Wanhu wakalile mdiziza wawona mulenge wa ukombozi wa Mulungu Waja wose wokala mwiisi ya sisila da ifa mulenge uwamwemwesela.” |
23296 | MAT 4:18 | Yesu viyakalile kobita kumgwazo wa lamba da Galilaya, kawavika munhu na mkulu wake wovuwa somba. Wakala Simoni yakemigwe Petulo na mdodo wake Andeleya, wakala wovuwa somba mna dilamba na mizavu yao. |
23299 | MAT 4:21 | Kagenda kumwande kawavika wandugu wabili wayagwe. Yakobo na Yohana wanage Zebedayo. Wakala mwiingalawa hamoja na tatao Zebedayo woitanda mizavu yao. Yesu kawakema, |
23303 | MAT 4:25 | Wanhu wengi wamkweleleza Yesu kulawa Galilaya na Dekapoli, kulawa Yelusalemu na Yudea na isi ya mwambu uyagwe wa lwanda lwa Yolidani. |
23304 | MAT 5:1 | Yesu viyaluwone lunhu lwa wanhu, kakwela kulugongo, kakala hasi. Wanahina zake wamcholela, |
23306 | MAT 5:3 | “Wamweda wanhu waja womtamanila Mulungu yaiyeka, kwavija Undewa wa kuulanga uli wao! |
23307 | MAT 5:4 | Wamweda wanhu waja wonyunyuwala, kwavija Mulungu kowahoza! |
23308 | MAT 5:5 | Wamweda wanhu waja weli wahole, kwavija Mulungu kowagwaa isi yose. |
23309 | MAT 5:6 | Wamweda wanhu waja weli na nzala na ng'hilu ya kutenda gaja goyolonda Mulungu, kwavija Mulungu kowatenda wegute! |
23310 | MAT 5:7 | Wamweda wanhu waja weli na bazi kwa wayagwe, kwavija Mulungu nayo kowonela bazi! |
23311 | MAT 5:8 | Wamweda wanhu waja wailavile kwa Mulungu kwa mizoyo yao yose, kwavija womona Mulungu! |
23312 | MAT 5:9 | Wamweda wanhu waja wotenda wanhu wailumbe, kwavija wokemigwa wana wa Mulungu! |
23313 | MAT 5:10 | Wamweda wanhu waja wodununzika mbuli ya kutenda gaja goyolonda Mulungu, kwavija Undewa wa kuulanga uli wao!” |
23340 | MAT 5:37 | Wahalonga, ‘Ona’ iwe ‘Ona,’ hebu wahalonga, ‘Bule’ iwe ‘Bule.’ Mbuli yoyose iyagwe kubanza zino yolawa kwa Mwenembago. |
23346 | MAT 5:43 | “Muhulika wanhu viwalongeligwe, ‘Wanogeleni mbwiga zako, na uwehile waja wakwihile.’ |
23377 | MAT 6:26 | Waloleni bondwa, hawahanda, hawasenga, hebu kwika kudikanho, lakini Tataenu yeli kuulanga kowadima. Vino mweye hamunogile ng'hani bule kubanza iwabondwa? |
23400 | MAT 7:15 | “Iteganyeni na watula ndagu wa uvizi. Wowezila kwa kukoneka kwa kunze kamba ng'hondolo, lakini mgati mmwao waigala na mbwizi. |
23439 | MAT 8:25 | Wanahina zake wamgendela wamulamusa, wamulongela “Go mkulu, tukombole todidimila!” |
23441 | MAT 8:27 | Wanhu wakanganya, wauza, “Vino ino munhu gani? Mbaka beho na ng'humbi vomuhulika!” |
23442 | MAT 8:28 | Yesu viyavikile umwambu, mwiisi ya Gadala, kaiting'hana na wanhu wabili weli na vinyamkela, walawa kuna gamapanga. Wanhu awo wakala wodumbigwa, avo kuduhu munhu yadahile kubita nzila ayo. |
23445 | MAT 8:31 | Avo vinyamkela wampula Yesu, “Wahatulava tuleke twingile mna iwanguluwe.” |
23447 | MAT 8:33 | Wasusilaji wa nguluwe awo wakimbila, wachola kudibuga, ako walonga mbuli zose zilawilile na walonga mbuli ya wanhu waja wakalile na vinyamkela. |
23450 | MAT 9:2 | Wanhu wayagwe wamgalila munhu yaholole lukuli, yatambalale mulusazi. Yesu viyone kutamanila kwao, kamulongela munhu ayo yaholole, “Mwanangu, gangamala! Nzambi zako zigeligwa kumgongo.” |
23451 | MAT 9:3 | Wafundiza Malagizo ga Musa wayagwe wailongela, “Munhu ino komuliga Mulungu!” |
23456 | MAT 9:8 | Wanhu viwonile avo, wadumba, wamtogola Mulungu kwa kuwagwaa wanhu udahi awo. |
23460 | MAT 9:12 | Yesu viyahulike avo, kalonga, “Wanhu wagima hawamulonda mganga, ila wanhu watamu. |
23462 | MAT 9:14 | Wanahina wa Yohana Mbatizaji wamcholela Yesu wamuuza, “Habali tweye tofunga kuja na Mafalisayo vivija wofunga kuja, lakini wanahina zako hawafunga kuja bule?” |
23466 | MAT 9:18 | Yesu viyakalile kolonga avo, mkulu wa Wayahudi kamgendela kamfugamila kalonga, “Mwanangu kafa, nokupula tuchole ukamwikile makono, nayo kokuwa mgima.” |
23476 | MAT 9:28 | Yesu viyengile mng'anda, wasuwameso waja wabili wamgendela, Yesu kawauza, “Motogola kamba nodaha kuwahonya?” Wamwidika, “Ona, go mkulu!” |
23480 | MAT 9:32 | Wanhu viwakalile wosegela, wanhu wayagwe wamgalila Yesu munhu yakalile halonga, kwavija kakala na kinyamkela. |
23481 | MAT 9:33 | Kinyamkela viyalavigwe, munhu ija yakalile halonga, kasonga kulonga. Wanhu wakanganya na kulonga, “Hatunachona kinhu kamba kino mwiisi ya Izilaeli!” |
23491 | MAT 10:5 | Yesu kawatuma watumigwa wano longo na wabili kawalagiza, “Sekemuchole kwa wanhu wamhazi, hebu kwingila mna gamabuga ga Wasamalia. |
23499 | MAT 10:13 | Wanhu wa ng'anda ayo wahawabokela goya, tindiwalo jenu dokala nao, kamba wahaleka kuwabokela, tindiwalo jenu dowabweleleni mweye. |
23508 | MAT 10:22 | Wanhu wose wowehila mweye mbuli ya twaga jangu. Lakini yoyose yonda yafunge umoyo mbaka kukimambukizo, kokomboligwa. |
23509 | MAT 10:23 | Wahawadununza kudibuga dimoja, kimbilileni kudibuga diyagwe, nowalongeleni ukweli, hamumambukiza sang'hano yenu kuna gamabuga gose ga Izilaeli yang'hali Mwana wa Munhu hanakwiza. |
23522 | MAT 10:36 | Wehi wa munhu ni wanhu wa mng'anda mmwake. |
23531 | MAT 11:3 | Wamuuza Yesu, “Vino gweye heyo ija iyalongile Yohana kokwiza, hebu tumbete iyagwe?” |
23534 | MAT 11:6 | Wamweda waja wose weliduhu shaka na niye!” |
23535 | MAT 11:7 | Wanahina wa Yohana viwakalile wosegela, Yesu kasonga kululongela lunhu mbuli za Yohana, “Vino vimucholile kuluwala muchola kulola choni? Muchola kulola lusanze vilutigisigwa na beho? |
23536 | MAT 11:8 | Kumbe muchola kulola choni? Muchola kumulola munhu yavalile viwalo vinogile? Wanhu wovala kamba avo wokala mna zing'anda za Wandewa! |
23544 | MAT 11:16 | “Vino wanhu wa lukolo lwa sambi waigala na choni? Waigala na wana wadodo wakalile mna gamagulilo. Kibumbila kimoja chokemelela kiyagwe, |
23559 | MAT 12:1 | Mna ikipindi acho, Yesu kakala yobita mna imigunda ya uhemba, mwiisiku ya Kubwihila. Wanahina zake wakala na nzala, avo wasonga kuhulula uhemba na kuja. |
23568 | MAT 12:10 | Ako kukala na munhu yakalile na mkono uholole. Wanhu wayagwe wakalile aho walonda kilamuso cha kumtagusila, avo wamuuza Yesu, “Vino Malagizo getu gogomesa kumuhonya munhu mwiisiku ya Kubwihila?” |
23579 | MAT 12:21 | Wanhu wose wa mwiisi woditamanila twaga jake.” |
23581 | MAT 12:23 | Wanhu wose wakanganya. Walonga, “Vino ino siyo Mwanage Daudi?” |
23607 | MAT 12:49 | Abaho kawagolosela mkono wanahina zake, kalonga, “Lola! Wano awo mamangu na ndugu zangu! |
23635 | MAT 13:27 | Wasang'hanaji zake wamgendela wamulongela, ‘Go mkulu, gweye kuhanda mbeyu inogile mumgunda wako. Lelo sani ilawa kwahi?’ |
23636 | MAT 13:28 | Mkulu ayo kawedika, ‘Ija yanihile heyo yatendile vivo.’ Wamuuza, ‘Kolonda tuchole tukaing'ole isani?’ |
23650 | MAT 13:42 | Wasenga wa kuulanga wowapigisa mna umoto, mumo wolila na kudafuna meno. |
23659 | MAT 13:51 | Yesu kawauza, “Vino muzijuwa mbuli zino zose?” Wamwidika, “Ona.” |
23662 | MAT 13:54 | na kachola ukayake. Kafundiza mna izing'anda za kumpula Mulungu, na waja wamuhulike wakanganya. Waiuza, “Kazipata kwahi nzewele zino? Kaupata kwahi udahi wa kutenda unzonza uno? |
23678 | MAT 14:12 | Wanahina zake Yohana wachola kulusola lukuli lwake, waluzika, abaho wachola kumulongela Yesu. |
23679 | MAT 14:13 | Yesu viyagahulike gago, kasegela hanhu aho kwa ngalawa, kachola hanhu heliduhu wanhu. Wanhu viwahulike, walawa mmabuga gao wamkweleleza kwa magulu. |
23686 | MAT 14:20 | Wanhu wose waja na kwiguta. Abaho wanahina zake wadondola magate gasigale na iwasomba na kumemeza vigelo longo na vibili. |
23687 | MAT 14:21 | Wahaleka watwanzi na wana, wambigalo waiyeka wadile wakala kamba elufu tano. |
23692 | MAT 14:26 | Wanahina zake viwamone kotembela uchanha mgamazi, wadumba walonga, “Mzimu!” na wakemelela kwa bwembwe. |
23699 | MAT 14:33 | Wanahina wakalile mwiingalawa wamtambikila Yesu, walonga, “Kweli gweye kwa Mwana wa Mulungu!” |
23700 | MAT 14:34 | Waloka umwambu wa lamba na kuvika isi ya Genesaleti. |
23701 | MAT 14:35 | Wanhu viwamone Yesu wamjuwa. Avo wazibwililisa mbuli zake mvijiji vili mmabehi, wanhu wamgalila Yesu waja wakalile watamu. |
23702 | MAT 14:36 | Wampula yawaleke watamu wakwase mhindo ya kiwalo chake, na wose wakwasile wahona. |
23710 | MAT 15:8 | Mulungu kalonga, ‘Wanhu wano wonitegeleza kwa mbuli zao, lakini mizoyo yao yakutali na niye. |
23711 | MAT 15:9 | Wao wonitambikila bule, kwavija wofundiza mafundizo ga wanhu na kugatenda kamba malagizo gangu!’ ” |
23725 | MAT 15:23 | Lakini Yesu hamwidike mbuli. Wanahina zake wamcholela Yesu wampula, “Mulongele yasegele! Kwavija kotukweleleza na kotutowela mizangi!” |
23733 | MAT 15:31 | Wanhu wakanganya viwone wanhu hawalonga wolonga, walemale wahona, mbetembete wotembela na wasuwameso wolola, nao wamgwaa nhogolwa Mulungu wa Izilaeli. |
23735 | MAT 15:33 | Wanahina zake wamuuza, “Hano hatwili twa kuluwala, togapata kwahi magate ga kuwagwaa wanhu wose wano waje?” |
23736 | MAT 15:34 | Yesu kawauza, “Mna magate mangapi?” Wamwidika, “Saba na visomba vidoododo kidogo.” |
23739 | MAT 15:37 | Wose waja na kwiguta. Abaho wanahina zake wadondola vija visigale na kumemeza vigelo saba. |
23740 | MAT 15:38 | Wambigalo wadile wakala elufu nne, watwanzi na wana hawapetigwe bule. |
23746 | MAT 16:5 | Wanahina zake viwalokile umwambu uyagwe wa lamba, wakala waisemwile kusola magate. |
23748 | MAT 16:7 | Wasonga kuilongela wenyego, “Kolonga vino kwavija hatusolile magate.” |
23755 | MAT 16:14 | Wamwidika, “Wayagwe wolonga Yohana Mbatizaji, wayagwe wolonga Eliya, kuno wayagwe wolonga Yelemia na wayagwe wolonga imoja wa watula ndagu wa Mulungu.” |
23775 | MAT 17:6 | Wanahina zake viwahulike vivo, wadumba ng'hani wagwa kingubanguba. |
23791 | MAT 17:22 | Wanahina viwakalile hamoja kuko Galilaya, Yesu kawalongela, “Mwana wa Munhu kogeligwa mmakono ga wanhu, |
23792 | MAT 17:23 | nao womkoma, lakini siku da kadatu kozilibuka.” Wanahina zake wakala wanyunyuwale. |
23794 | MAT 17:25 | Petulo kawedika, “Ona, kalipaga.” Petulo viyengile mng'anda, Yesu kasonga kulonga, “Simoni, gweye kogesaze? Wandewa wa isi wasolaga kodi na malipo kulawa kwa nani? Kwa wenekae hebu kwa wanhu baki?” |
23827 | MAT 18:31 | Wasang'hanaji wayage viwonile kija kilawilile wona usungu, wachola kumulongela mndewa mbuli zose zilawilile. |
23841 | MAT 19:10 | Wanahina zake wamulongela, “Kamba vino vivo ili kwa mbigalo na mwehe wake, vinoga kuleka kusola.” |
23844 | MAT 19:13 | Wanhu wayagwe wamgalila Yesu wana wadodo yawahagatile na kuwatambikila, lakini wanahina zake wawakomhokela. |
23845 | MAT 19:14 | Yesu kalonga, “Walekeni wana wadodo weze kumwangu sekemuwagomese, kwavija Undewa wa kuulanga wa wanhu kamba wana wano.” |
23848 | MAT 19:17 | Yesu kamulongela, “Habali koniuza mbuli ya kinhu kinogile? Kuna imoja yaiyeka yanogile. Wahalonda kwingila muugima wa mazuwa gose, gagoge malagizo ga Mulungu.” |
23852 | MAT 19:21 | Yesu kamulongela, “Wahalonda udahe kutenda goyolonda Mulungu, genda kachuuze vinhu vose viuli navo na ukawagwelele wakiwa zisente, na gweye kokuwa na utajili kuulanga, abaho wize unikweleleze.” |
23856 | MAT 19:25 | Wanahina zake viwahulike avo, wakanganya ng'hani wamuuza, “Vino nani yonda yadahe kukomboligwa?” |
23868 | MAT 20:7 | Wanhu waja wamwidika, ‘Kwavija kuduhu munhu yatugwelele sang'hano.’ Kawalongela, ‘Na mweye vivija mkasang'hane kumgunda wangu wa mizabibu!’ |
23869 | MAT 20:8 | “Viivikile ichungulo, munhu mwene mgunda kamulongela mwamizi wake wa mgunda, ‘Wakeme wanhu wasang'hane na uwalipe sente zao, kusongela waja wakimambukizo na waja wa ichanduso.’ |
23870 | MAT 20:9 | Wanhu wasang'hane kusongela saa kumi na moja, walipigwa kila munhu sente imoja. |
23872 | MAT 20:11 | Wasola zisente na kusonga kumnung'unikila ija yawagoneke. |
23873 | MAT 20:12 | Walonga, ‘Wanhu wano wagonekigwe kukimambukizo wasang'hana kwa saa dimoja diiyeka, tweye tusang'hana siku ngima mdizuwa, abaho kuwalipa vivija viutulipile tweye!’ |