304	GEN 12:5	Nipu-na ore Sera-para ame-na si Lot-para nipuna kogono onaa para oyae rayo-para Aran su-para kabisimi oyae rayo page mea pisimi. Gore nimu mo Kenan supara polalo pisimi. Goa pua nimu pua opapaisimi.
305	GEN 12:6	Abrame mo Sekem su-para ipua More adaa repena oak regepea pisa. Go raburi Kenan onaare go su-para asimi.
326	GEN 13:7	Go su-parare Kenan ruru-para Peris ruru page asimi. Go rabu Abram-para Lot lapona mena surube aanumi ratu yawala-pasimi.
331	GEN 13:12	Abram Kenan su-para aisa raburi Lot-re Sodom ada kagure regepea nipuna sele ada mo Sodom awaro paune suna pisa.
338	GEN 14:1	Go raburi Amrapel Sina-na aamudu-para, Ariok Elasa-na aamudu-para, Kedolaoma Elam-na aamudu-para, Tidal Goim-na aamudu alare,
341	GEN 14:4	Yada abi napi aware Kedolaoma-na rolopara mali 12 pirisimi. Wala malinare nimumi agaa napagesimi.
342	GEN 14:5	Wala mali meda popenalomea Kedolaoma rapu ralasimi aa mudunumi yada pua pumea go ruru wini pisimi. Repaim ruru Estorot Kanaim aisimi-para, Susi ruru Am adare-para pati page, mo Em ruru awaro paune su Kiriataim pati page,
344	GEN 14:7	Goa pua nimumi wala pereketua En Mispat pisimi (go suri abiare Kedes teme). Goa pua aamudu malapu-na rurumi Ameleke-na su ada luabu pabotu rubisimi. Nimumi mo Asason Tama su-para pati Amori ruru page pabo rubisimi.
346	GEN 14:9	Kedolaoma Elamana aamudu-para, Tidal Goimana aamudu-para, Amrapel Sinana aamudu-para, Ariok Elasana aamudu aala rapu yada pisimi. Gore nimu aamudu malapu rapu aamudu supu rapu yada pisimi.
354	GEN 14:17	Abram-me mo Kedolaoma rapu ralasimi ruru pabo ruboa ipisa raburi, Sodom-na aamudumi Abram mo Save awaro paune pare madaata ipisa. Abiare go parere Aamuduna Awaro Paune su teme.
368	GEN 15:7	Wala Adaa Aa-me nipu-para goa sa: Niri ora Adaa Aa, neme ne Kaldia suna Ur piri mea epawadere, go su ora ne gudiyatalo pawade.
380	GEN 15:19	abia go suri Keni onaa-para, Kenis onaa-para, Kadmon onaa-para,
382	GEN 15:21	Amori onaa-para, Kenan onaa-para, Gigasi onaa-para, Sebus onaa-para, gonu pimi suri ne gialo.
385	GEN 16:3	Abram-me nipu Kenan mali 10 awa ore Sera-me nipuna kogono pae Isip nogo Ega mua aani ore ma-aulainalo kasa.
396	GEN 16:14	Go ipa-na biri, Bia La Roi teme, abia page go ipare Kades para Bered lapona rikirana popea.
406	GEN 17:8	Go Kenan onaana su ne abia go kimisu ipua epaa ayere, neme nepara nena orope madusalide nogo naki walo diayawa, niri nimina Gote pitua.
497	GEN 20:1	Abraham-me Mamre su gimoa Negep supara pisa. Nipu Kedes para Sar lapona rikirana pua asa, goa pua nipu Gera ogesi pua awa.
539	GEN 21:25	Gore Abraham-me nipuna ipa-naaku Abimelek-na Kogono aame misa rabu Abimelek rapu agaa lalapasipi.
7131	RUT 1:2	Go aana biri Elimalek pare orena biri Naomi yade. Si lapona biri Malon-para Kilion lapo. Pirisimi nimuri Eprata ruru gore Juda ruruna Betlem supara aawoa pisimi. Nimu Moap aata pisimi.
7134	RUT 1:5	Gore Malon-para Kilion lapo page omesipi. Abiare Naomina aani-para si lapo page omesipi-pulu agurapo aasa.
7153	RUT 2:2	Yapi medame Rut-mi Naomi-para goa sa: Niri maapu-para aanumi ponatu amu peme rais balina ini kereta pulu. Kogono aanumida mada temedare gore nimu raapu aawa rais madiaa palua.
7160	RUT 2:9	Kogono pimi-rupa adoa nimu raapu aape. Nina kogono aanu aba lakeloa ne waru surubalepapelo lakelawa. Ipa nala paliare apo no imiga nola pope.
7196	RUT 4:4	Goa lagialua-me lawade. Neme kabali-dare gore go aa mudunu-para pa aanu medaloma go epa pimi-nuna ini agaana kabaina. Nere ora aba repara yapi yade pulu neme kabainalo lawade. Nakabaliri gore ni lagi. Gore mo aame lalo: Kabalua sa.
7201	RUT 4:9	Oropere Boas-me aa mudunu-para pa onaa medaloma-para goa sa: Nimi rayome adalepa Abare Naomi-para Elimelek-para Kilion-para Malon aalana oyae rayo sarude. Go yapare abiare go oyae raayome neme apo kabaloda.
16497	PRO 1:27	Nimi madaare kedaa adaa poripu puri pane epeade-rupa epalia. Kedaa page radaa pi yaenu epalia raburi adaa poripu magomawae-rupa epalia-ga adalimina.
16498	PRO 1:28	Kedaa epalia raburi ni ipu loa yateme pare ni mada naepalua. Goa pua nimimi ni asapu piralimi pare nimimi ni mada na-adalimi.
16526	PRO 3:1	Go naaki neme ne agaa mana lagialo-ga waru pagape. Kone narugulape pare oro yalo neme go agaa waru pagoa ratape.
16730	PRO 10:4	Ki-aa raakepea kogono napaliri, reaeme omoa aa naara pirali pare neme puri paloa kogono waru pali-dare, ne eta page amo yape page ne oyae meda na-rudu tea-pulu epe-rupa aali.
16731	PRO 10:5	Kone waru i aamere eta napeta rabu mea kirita suaaya. Go yapare ki-aa rakepea kogono waru napaliari nimina ona nogo naaki reaeme omoa yaala polo aalimi.
16748	PRO 10:22	Go yapare Adaa Aa-me niaa oyaenu pama gea. Kedaa kogono-me oyaenu nagialia.
16774	PRO 11:16	Onaame medaloma nimu ora epe ona loa adaa bi kana kone sua gupa peme. Yapare pa pora pame ona onaa medaloma mayala peme. Kiaa rakepene aame mone mada namealia pare kokono waru pe aame oyae adaapu mealia.
16804	PRO 12:15	Kone epe-rupa na-imi aanumiri nimuna pema oyae rayo ora epe ta kone imi. Go yapare epe kone imi onaa agaa mana laketeme rabu ora epeta kone imi.
16806	PRO 12:17	Koso rabami aa epe yaliare agaa waru eperupa tea. Go yapare nipu agaa waerupa ne aa yaliare nipumi koso ma-oyalia.
16813	PRO 12:24	Kogono radaa pina paliade aare nipu puri mua mada pitea. Goa palia pare kiaa rakepene aanuri pama kogono aanu pitimi.
16816	PRO 12:27	Kiaa rakepene aame yapa asa nola palia pare mo yapa mada natalia. Pare kalai pua kogono raadapi peme aanuri epe-rupa riri-nane epope aanu go yade.
16821	PRO 13:4	Kiaa rakepene aanumi oyae adaapu meawe kone sua aaeme pare nimume go yae mada nameme. Go yapare radaa noa kalaipu kogono peme aanumi oyae adaapu meme. Gore oyae adaapu nimuna raana omeme-rupa meme.
16847	PRO 14:5	Koso raba mi aa-me koso ada-para epe redepone agaa tea rabu mo kosome ora ne agaa pagalia. Go yapare nipu yaa-agaa ne aamere mo ta agaa luabu yaa agaa tea.
16875	PRO 14:33	Kone epe waru na-imi aanu nimuna bipa aba makuaeme. Makuae yae-para epe kone lapore nimumi minalo suruba pia pare nameme. Go yapare epe kone imi aanu nimuna minalo epe kone epe pora ratua oro yalo muaeme.
16877	PRO 14:35	Aa mudu king nimuna kogono aanumi epe kogono peme raburi nimu madaa raana waru omea. Kogono aanumi wae kogono peme raburi mo aa mudu king nipu yala mapaeme. Goa peme rabu king nipumi nimu ratu yawalia.
16896	PRO 15:19	Kiaa rakepene aamere nipu epe kumapi-rupa pirape yaere ota kone ia. Goa peapulu nipu pa raa rugulua pamuaya. Redepoya pia aa nipu oro yalo kagaa pirape yae epe ta kone ia. Gore epe poranini pamema-rupa madaa.
16920	PRO 16:10	King pia aa mudumi Adaa Aa-me laketa agaa onaame pagenalo laketa rabu pageme. Koso pagoa mo agaa mea rumape raburi ora epe redepone koso pagoa mea rumaalia.
16923	PRO 16:13	King nipumi ora agaa ria-teme onaa raaname omea.
16924	PRO 16:14	King nipumi aa meda raatu yawaliare go aa nipu tumaomalia. Go yapare aa meda nipu epe kone i yaliare mo king nipu epe kone mealia rabu lo robaa maepealia.
16925	PRO 16:15	Gore king nipumi aa meda epe lo rabaa kaloa epea palia-re nipumi epe kone sua go aa epe-rupa mapiraalia. King-na peare yaa madaa i yai lopoa suamaa ope-yaenu eta kata-rupa mada pea.
16936	PRO 16:26	Kogono peme nakinumi makuaeme. Nimu kogono waru na palimare nimu eta diayalia kone sua kogono waru peme.
16943	PRO 16:33	Kaasa saadu teme aanu-miri akea palua pae loa kone aba meme. Go yapare Adaa Aa nipumi nimuna kaasa saadu pemeare nimuna imi kone-rupa abuta.
16961	PRO 17:18	Kone waru na-i aanumi aa medana yago nimumi abulalima loa nimumi mada na-abulape yapare pama yaa agaa teme.
16969	PRO 17:26	Koso epe-rupa ta aa-para koso kabena temere gore naepeta. Aa mudunumi epea palaina nimu wala aipuyaame talimiri gore naepeta.
16978	PRO 18:7	Kone waru na-i aa medame agaa tea-dare nipuna go agaame nipu ma-oyaaya. Gore nipuna maa-para yapa-lokena pogaa mada sua maraawa nipu omalia.
17010	PRO 19:15	Kiaa rakepene aanu nimu oro yalo pama piruaawa reaeme omoa u keme waru loa patala pu aaeme.
17019	PRO 19:24	Kiaa raakepene aa nipu ki arota-para pagoa pa pirualiare mo eta yawo i meape yala potea. Go page kimi musaawa eta mea nape page yala potea.
17026	PRO 20:2	Aa mudu king nipumi ratu yawoa puri pane agaa ta rabu onaa paala ma-saaya. Gore mo kiraa mena laiyono-me buai ta-rupa mada king-mi goa pea. King nipu raatu mayawaaliri nena kagaa piraama lama pope kone wasupa alupalia.
17028	PRO 20:4	Kiaa rakepene aame eta wai poape yapi di rabu maapu su naweare kiaa rakepe pea. Eta naape yapidi rabu naape awolalo pea pare nipu e napoae aame maapu-para pama asapula pea.
17059	PRO 21:5	Kogono peme aanu nimumi epe kone waru sua kogono peme rabu oyaenu waru adaapu imi. Go yapare kone waru nasua pa aipapulu bebo teme aanu nimu oyae diata yalia rabu wae-rupa pitimi.
17079	PRO 21:25	Kiaa rakepene aa nipu kogono napi pa oyae meape madaa aaya. Goa peapulu nipuna raana omea koneme nipu tumaomalia.
17080	PRO 21:26	Kiaa rakepene aame oro yalo oyae pa meape madaa kone su pia. Pare epe kone i aamere nipuna oyae pa aanu katae.
17098	PRO 22:13	Kiaa rakepene aa nipuna ada-para pama pirua nipumi gupa ta. Ni amaa palua rabu raa mena laiyonme porania ni tu nalia ta.
17155	PRO 24:6	King medame ada kagure medapara piri king meda raapu yada pulalo paliare mo epe kone sua makuae aanu madaa kone aba mealiare goa ora epelia. Goa pua mo yada papena mana page agaa aba waru minaawa yada waru makuae aa adaapu salia-daare mogo pulalo paliade yada ora nipumi mada wini palia.
17188	PRO 25:5	Go-rupa agu waea peme aanu ratu rubalimi raburi nimu mo king raapu mada napiraalimi. King-mi epea palia raburi mo ora epe ada kagure puri paloa aalia.
17217	PRO 26:6	Kone waru na-i aa meda-para go agaa laketa pu loa penatedare gore nena ne bipa ne maoyaayawa nena ke mea kepe rube nona palia.
17222	PRO 26:11	Kone waru na-i aamere nipuna abade maeyae-rupa wala maeyaaya. Go peare yana-me maaku ratu ruboa wala mea neade-rupa mada pea.
17224	PRO 26:13	Kiaa rakepene aa nipuna adapara pa piruaawa nipumi gupa ta. Mo pora mena laiyono aaya kone sua pala omoa napea.
17225	PRO 26:14	Kiaa rakepene aa nipumi nipuna ada runane patua pereke pereke tupia ada dua warini inisisi lego lego malaawa runane piruaaya.
17226	PRO 26:15	Kiaa rakepene aame eta aipapulu mea nolalo nipuna ki pelete madaa ia. Goa pea pare nipu mo eta minasaawa agaa-para mea nape-rupare puri na-ia.
17227	PRO 26:16	Kiaa rakepene aame epe kone i aa (7) kerepopu na kone rabuaayo kone ia. Goa kone sua nipumi aakone waru ia.
17251	PRO 27:12	Epe kone i aamere gore nipumi ora go-rupa makuaaya. Kedaa nipu mada epolalo palia-daare gore nipumi aipapulu mapakeaalia. Goa pea pare epe kone na-i aare gore mo pora wae i-para pea rabu page go wae yaeme nipu ora mea rabu ora aipapulu kedaa mu aaya.
17268	PRO 28:2	Kantri meda-para piri onaame nimuna gavman senisi pulalo yada palimi rabu kagaa alopape aa mudu rado re-para alopatalo peme. Go yapare aa mudu epeme surubolalo paliare ada kantri epe-rupa pa aalia.
17285	PRO 28:19	E-poae aa yaliare nipuna maapu-para eta ora adaapu su aalia. Kogono radore waru na-i mada pama to tu ruboa pu aaliare nipu wae-rupa naraa pirualia.
17298	PRO 29:4	King-mi mo kantri epe-rupa surubaliare go kantri epe-rupa pa alia. Aa mudu king nipumi onaa luabuna mone oyaenu luabu nipu gina kone sua surubalia-dare kantri maoyaalia.
17305	PRO 29:11	Kone redepone na-imi aanu nimuna ratu yawe kone sua agaa teme rabu pename ta. Go yapare epe kone imi aanumiri nimuna ratu yawe kone pa nimuna lo robaa-para ina nalapedepene gimeme.
17343	PRO 30:22	Go pemeare go-rupa: Kogono naaki naara yapare wala king kogono pea. Aa medame kone nasua eta ora adaapu nea.
17351	PRO 30:30	Kira mena me puri pabea-pulu pa kira anune yaenu medaloma rabuaaya. Nimu pora pameme raburi oyae meda madaa paala meme.
17355	PRO 31:1	Go agaa-re King Lemuel-na agaa. Agime agaa mana loa epe kone minalo lakesa.
17362	PRO 31:8	Kedaa madaa nariape kepele pi onaare rabameape agaa lape. Goa pua mo naraanumi koso teme rabu raba meape-na puri waru pabape.
17386	ECC 1:1	King Devit-na si Jerusalem su aa mudu makuae aa pirua nipumi go buku madaa remaa tu isa.
17388	ECC 1:3	Niaame maali yalo kalaipua kogono pema yaena abulu ake mema pae? Kogono kalaipu pema rabu go-na ini ake mema pae sa?
17438	ECC 3:9	Kalaipu kogono peme aanu nimuna meape epe yaere ake meme pae?
17456	ECC 4:5	Kiaarakepea pimi aanupara gupa teme. Nipu maeyae aa pirua puri diayalia rabu omalia teme.
17479	ECC 5:11	Kogono aana u-re kumapu patea, nipu kogono kalai puae sua page, eta adapu nanoa page. Goyapare Amane aare oyaeyae adapu kone salapirinia u napatamea.
17532	ECC 8:4	King nipumi aanu luabumi nipuna agaa pagoa ratalepa te-daare gore waru ratalepape. Neme go piare akolo pae lo mada na-agaa mealimi?
17556	ECC 9:11	Neme go su-amaa oyae meda gupa ade. Aa meda alomaa pea pare oyae namea. Yada pi aanumi page nawinipeme. Epe kone sua makuae yae waru meme aanu page mone adapu nameme. Kogono radorado pu makuae aanu nimu adaa kogono nameme. Goa pua wae yapidi nimu madaa epea.
17557	ECC 9:12	Adaa keda niaa madaa epolalo peare nadema. Kona maema rabu ya-yapa roalade rupa wae yapidimi niaa aipapulu ripinatalo agu rapea.
17578	ECC 10:15	Kone nai maeyae aa nipuna ada pope pora namakuawa kalai pama pea.
17579	ECC 10:16	King meda pena naaki yalia pare nipuna rurumi ribaa rekoa eta yawalimidare ada kagure para kedaa adaa salia.
17600	ECC 12:7	Nimina tore go su autea. Kone popo Gote nipuna gisa-pulu kone wasupare Gote nipu piri-para wala palia.
23214	MAT 1:1	Go remaa madaare Yesu Krais-na akuanuna bi aba gupa teme. Aba ripiare Yesuna akua Devit pirisa. Devit-na akua medare Abraham pirisa.
23219	MAT 1:6	Jesi nipuri King Devit-na aaraa pirisa. Devit-ri Solomon-na aaraa pirisa. Nipuna agiri abade Uria ona pirisa.
23231	MAT 1:18	Yesu Krais nipu madisa-na remaare go-rupa: Nipuna agi Maria-re aba Josep-na rumaainalo mada misimi. Goa pisimi pare Josep nipumi abi narumaasa rabu Maria-me nipu madaa Holi Spirit-mi naaki padaa pa maraasa.
23291	MAT 4:13	Gore nipu Nasaret su-para napirisa pare Kaperneam su-para pua pirisa. Kaperneam suri ipa Galili ini repaa-para aasa. Go Kaperneam adaare-re Sebulun-para Naptali su lapona robo rikiraana aasa.
23380	MAT 6:29	Goa pea pare neme nimi lagialo: Abadere King Solomon nipuna pepena mamina epe epe yae agu yamesa rabu mo plaua ini madaa pea-rupa nipumi pepena go-rupa pisa pare plaua-me nipuna pepena rabuniaaya.
23419	MAT 8:5	Yesu nipu Kaperneam su-para pisa rabu soldia aanuna Aa Mudumi Yesu nipu-para agaame gupa ogesa:
23549	MAT 11:21	Gore nipumi lalo: Korasin su-para mo Betsaida su lapo-para piri onaanu madaa neme odo waru pia. Gore neme Tair Saidon su lapo-para napiaa kogono go-rupa pula pisu yaalore go Tair Saidon su-para pimi onaamere kone pereketa pisimi. Goa pula pisimi yaalore nimuna odo waatalore tagame pepeminua mamina yamola pisimi.
23551	MAT 11:23	Nimi Kaperneam su-para piri onaanu nimimiri yaa-para polalo peme? Gore nimi wae su-para palimi. Mo napiaa kogono pawade-rupare Sodom su-para pula peme yaalore gore abia go raburi mo Sodom su-para aata pea.
23559	MAT 12:1	Kitu Pirape Yapi di medare Yesu nipu wit maapu pamisa. Goa puare nipuna disaipel aanu nimu reame omesimi-pulu mo wit-na ini keroa sana mea nisimi.
23560	MAT 12:2	Gore mo Farisi aanumi go adoa Yesu nipu gupa lakesimi: Adaina. Kitu Pirape Yapi di madaare rekena agaame kogono dia ta pare nena aanumi agaa rasua pa peme.