314	GEN 12:15	Go raburi Pero-na kogono surube aanumi adoa, nimumi epe ona meda adoa ipulumalo Pero pua lakisimi. Gore nipu Perome mo ona pua meatepa loa nipuna ada-para aainasa
316	GEN 12:17	Goa pisa pare Adaa Aa-me yaina igi wae meda Pero-para nipuna onaa piri popenasa. Gore Pero-me Abram-na ore misa-pulu goa pisa.
317	GEN 12:18	Go rabu Pero-me Abram-para ipuloa lalo: Na ore yade lore akolo nalae pae?
319	GEN 12:20	Go rabu Pero-me nipu-na kogono aanu-para loa apo repaya-para nipuna oye rayo page nipuna epapenane wala pena pua rapatepa sa.
326	GEN 13:7	Go su-parare Kenan ruru-para Peris ruru page asimi. Go rabu Abram-para Lot lapona mena surube aanumi ratu yawala-pasimi.
354	GEN 14:17	Abram-me mo Kedolaoma rapu ralasimi ruru pabo ruboa ipisa raburi, Sodom-na aamudumi Abram mo Save awaro paune pare madaata ipisa. Abiare go parere Aamuduna Awaro Paune su teme.
381	GEN 15:20	Et onaa-para, Peris onaa-para, Repaa onaa-para,
410	GEN 17:12	Naki rayore yapi 8 popenaloare, yogane puduri rugulatepape, orope maralalimide rayona page komea goa pipape. Pa ruru para kaboria epe onaana sinuna page kogono aanuna sinu page.
456	GEN 18:31	Abram-me lalo: Ratu na yawape neme ne wala apo agaa mealoga. Pa 20 komea yalia-dare ake paliya? Nipumi lalo: 20 komea piralimi page natalua.
467	GEN 19:9	Nimumi talo: Pane popa a. Goa pua nimumi lalo: Apo aare pa epa ae aa yade, goa pua abiare nipumi nia surubaluame pana. Aa lapo mada pulaa-pamaare, ne madaa ora waea waru pumuna. Nimumi Lot pane orolo paisimi, goa pua pora gape atubitua rupara odobatalo pisimi.
475	GEN 19:17	Nimu ama mea ipuare, mo aa medame goa sa: Pogola pulupa! Goa puare wala napereketua adalepape. Mo paune pare palimi rabu page kitu na piralepape! Nimi omalimiga so rudu rudu pogola pulupa.
535	GEN 21:21	Nipu mo Paran-su kapune pare aisa raburi, nipuna aagi-mi Isip ona meda yoto kasa.
536	GEN 21:22	Go yapinare Abimelek-para, yadapi aanuna Surube aa Pikol lapome Abraham-para lalo: Gote-re nena oyae meda pulalope-para ne rapu pia.
546	GEN 21:32	Abimelek-para yadapi aanuna aa mudu Pikol lapo nipu Wala Pilistia-nuna Su-para pisipi.
548	GEN 21:34	Goa pua Abraham mo Pilistia aanuna Su-para adalupu pa awaisa.
7130	RUT 1:1	Agaa Pagoa rumaae aanumi Israel su surubisimi raburi reae ada meda pabisa. Betlem aa medare nipu Juda aa-ga pa ogepu yapina Moap supara aata pisa. Go aa-re nipuna ore-para si lapo page pisimi.
7131	RUT 1:2	Go aana biri Elimalek pare orena biri Naomi yade. Si lapona biri Malon-para Kilion lapo. Pirisimi nimuri Eprata ruru gore Juda ruruna Betlem supara aawoa pisimi. Nimu Moap aata pisimi.
7178	RUT 3:4	Nipu u patula paliare pua patala-para waru adape. Pua nipuna aa-nane blaket pua musaawa age regepea pua patape. Orope neme goa papelo lagialia.
7192	RUT 3:18	Gore Naomi-mi lalo: Aaya ogeda pa adoa. Apo aare pa napiralia. Diaagaa pamu maredepo yalaara pia. Paliare saa na-adepa.
7204	RUT 4:12	Adaa Aa-me nipi nogo naaki adaapu gialia. Goa pua Peres ruru-para Juda-para Tama-na sinu rupa alimi.
7210	RUT 4:18	Gore Peres na ruru pua Devit mada lo kirutu: Peres-re Esron-na aaraa pirisa.
16559	PRO 3:34	Aa medame aa yagonu-para ero agaa teme-daare, Gote-me go aa nipu page ero agaa tea. Pare aanu medaloma epe kone-sua ae aanuri Gote-me nipuna epe kone luabu abutea.
16562	PRO 4:2	Agaa neme go lagialo-re epeta-ga, nimimi narubalepape. Pa yae kone sua rubalimi raburi nimi omalimi.
16621	PRO 6:11	Nimimi goa palimi-daare nimina oyaenu aipapulu diyalia rabu aa naara piralimi. Paake ne aanumi nimina oyae paake meme rabu diatade-rupa pa alia.
16639	PRO 6:29	Padane go-rupa aguri ne aa medana ore raapu paake pupitagi no patalipi-daare neme adaina kone ianu palimi.
16668	PRO 7:23	Go aa nipuri koyati pua sua nipu aawalia kone na-i. Pa yaa-madaa biya pua mo poga madaa puaa roayade-rupa mada pea. Gore yaa nipu poga sabae-para roalua kone na-i. Pa biyaa pea-rupa mada pea.
16734	PRO 10:8	Epe kone-i aanumiri pa aa medame epa-ta agaa page waru aina madu pageme. Pare yaa-agaa loa agaa ipa rukini ritimi aanuri nimu ora pa-rupa oteme.
16761	PRO 11:3	Ora epe aanuri nimu epe pora ora rateme. Pare yaa agaa ne aanuri nimu yaa agaa adaapu teme rabu nimuna go yaa agaame wae yoto mea katea rabu nimu oyalimi.
16765	PRO 11:7	Wae aanu nimuna purimi oyae luabu pa mealima kone suaaeme. Pare orope nimu omalimi rabu nimumi epe yae meda mada namealimi.
16770	PRO 11:12	Aa medame aa medana pi-lawa ero agaa tea-daare go aa nipu maeyae aa-rupa pia. Pa pirua agaa adaapu nalainalo ora epeta.
16775	PRO 11:17	Gore neme aa meda odome omoa nipu rabamealiri go palideare nena bipa ne-para wala pe. Pare neme aa meda waea pali-daare goame nena bipa ne page go maoyaaye yade.
16782	PRO 11:24	Aa medaloma nimuna mone oyaenu page aa medaloma raba mulalo kateme. Pare nimuna bipa mo peme kogonona yoto ora adaapu meme. Wala aa medalomame onaa rabameape kone niminawa yapare wala gimeme. Nimuna mone oyae waru adaapu pagaa imi pare wala oropere go oyae luabu rudu ta rabu nimu wala naara aanu-rupa aeme.
16786	PRO 11:28	Gore aame nina mone oyaeme ni waru rabamealia kone saliare go aa nipu repena yo kaapu-rupa ora alupalia. Pare nipu epe redepone-rupa aawaliare nipu kagaa repena maa pula saayade-rupa opoa epe-rupa piralia.
16798	PRO 12:9	Aa meda bi waru na-i aa yapare kogono aa meda nipuna ada-para ma-aaliare epe ta. Pare aa medame nipu adaa aa kone sua naara aanu rabuaatalo kone ia-pulu nipu naepeta rabu eta nape yaenu page rudu neme pama pea.
16816	PRO 12:27	Kiaa rakepene aame yapa asa nola palia pare mo yapa mada natalia. Pare kalai pua kogono raadapi peme aanuri epe-rupa riri-nane epope aanu go yade.
16826	PRO 13:9	Epe redepo aanu nimuri laba paa roaya-rupa mada pimi. Pare wae aanuri mo laba oyoa uduna repe-repe piade piaene pimi.
16827	PRO 13:10	Pupitagi nape konemere go aa kone wae madaa yada ratu runane mea pea. Go yapare aa yago medame nipu maredepo yaina kone ia aare epe kone sua waru makuaya.
16838	PRO 13:21	Wae yaeme pupitagi ne aa nimu ora mulalo rapea. Pare epe redepone aanu nimuri nimuna meme epe yaere nimuna yoto-rupa meme.
16842	PRO 13:25	Epe redepone aanuna eta ora adaapu rulatabena imi. Pare wae pupitagi neme aanu nimu oro yalo reaeme omo-aaeme.
16846	PRO 14:4	Mena gawa su awoa e poape meda diayalia raburi mo eta kirita i ada pa pupaa salia. Pare mo mena gawame e poalia raburi e-maapu para eta ora adaapu sualia.
16885	PRO 15:8	Adaa Aa-me waea peme aanuna opa kateme yae luaburi ora gimea. Pare epe redepone aanumi teme betene raana omoa pagea.
16958	PRO 17:15	Adaa Aa-me go kone laapo gimi omea. Pupitagi ne aa pa pirina teme page waeanu napi aa madaa pama kedaa mea kateme page gimea.
17063	PRO 21:9	Aa meda nipuna ada gaa-para pawa pirua ona-nogo naki raapu pawa piralia-daare epe ta. Pare nipu agaa wae adaapu ne ona raapu piraliare oyalia.
17080	PRO 21:26	Kiaa rakepene aame oro yalo oyae pa meape madaa kone su pia. Pare epe kone i aamere nipuna oyae pa aanu katae.
17084	PRO 21:30	Pinawa ne ora epe kone makua yae i page epe pora kurua oyae luabu sali pare gomere ne mada naraba mealia. Adaa Aa madaa kone mapirali-dare pora mada pali.
17085	PRO 21:31	Gore mo yada-pi aanu nimuna yada pulalo nimuna ose mena maredepo yaawa maaeme. Pare Adaa Aa nipumi go yada-na puri nakateare yada nawini palimi.
17182	PRO 24:33	Wae kiaa rakepene aame goa teme: Palainawa loa u ogeda pateme. Goa pua ki arota-para pagoa kiaa rakepea pimi.
17192	PRO 25:9	Nena adami aa raapu yae meda madaa agaa talo pali-daare ne mo nipuna ada-para pua agaa maredepoya tapape. Pare neme agaa kudiripi meda aba pagaliri nalapedepeape.
17206	PRO 25:23	Po ripumi yai mea epeade-rupa mada maa agaa paeme koneme aa ratu mayawaawa ini agaa-para oke rita.
17223	PRO 26:12	Aa meda epe kone nasaliadare niaame nipu mada rabamua epe kone mogealima pae? Maria. Pare go aa nipumi oyae luabu makuaayo kone salia-dare niaame go aa agaa mana loa rabameape-rupa mada dia.
17245	PRO 27:6	Nena adami aanumi nimu raba meainalo radaa ora waru mea geme palo peme. Pare mo nena yada-lore aanumi epea pua ne makira teme.
17273	PRO 28:7	Ogege-aame rekena i yaenu luabu ratua palia-dare epe kone ia. Pupitagi noa yada yada pi aanu raapu aalia-daare nipuna agi aaraanu yala polo pitimi.
17284	PRO 28:18	Gore aa medame epe kone epe pora ratua aaliare nipu epe redepoya piruaalia. Pare waenupu aalia aare aipapulu oyo tua alupalia.
17288	PRO 28:22	Aa meda nipuna yaenu o waru yoa aalia-daare aipapulu amope alia. Pare nipu orope aa naraa piralua kone naia.
17290	PRO 28:24	Gore aa medame agi araana oyaenu paake noa gupa ta. Neme go oyaenu nameawa ta. Paake nameawa ta agaare gupa aa medalomame oyaenu ma-oyaame-rupa mada yade.
17294	PRO 28:28	Wae agaa lo wae pora rati aanumi kantri surubalimi-dare onaa nimu kalodoa piralimi. Pare go wae aa mudunu omalimi raburi epe kone su epe pora rateme onaa nimu epe-rupa pirua surubeme.
17302	PRO 29:8	Paake pupitagi ne aanumi mo taun-para piri onaa waea peme rabu lo robaa-para radaa mapaaeme. Goa peme rabu mo epe kone redepoya imi aanumi nimu epe kone kateme rabu nimu lo robaa kuma mua epe-rupa pimi.
17313	PRO 29:19	Go yapare nena kogono aa-para agu agaa te-dare neme nipu mada nama epeali. Pinawa neme agaa lakete pare nena agaa mada naratalia.
17324	PRO 30:3	Ni epe kone nasu ora ni oto pare Gote nipu ora epe redepone aa yade. Pare neme nipu na-ade.
17337	PRO 30:16	Pandanere aba ome aanuna tapa-para aeme. Laapore ore aani raapu patea pare naaki padaa napia. Repore sumi ipa adaapu mea pare ipa waru name. Maalare kone ia repena sulaame oyae luabu rea pare naare nona pea. Go yaere ora luabu madaa naniminaata.
17340	PRO 30:19	Pandanere yaa ita nipu so yaa madaa awaya. Laapore paakare nipu aana madaa pamea. Repore ipa sipi-ri adaa ipa solowara madaa pameade. Maalare aa-me ona raname omemede-rupa pipi.
17360	PRO 31:6	Pa bia-para waene lapo-re omape onaa-para kedaa adaapu rini onaana nape eta yade.
17383	PRO 31:29	Niaana taun-para page niana oge adarenu-nini page go piane ona adaapu pimi: Pare neme go ona luabu rabuaye teme.
17391	ECC 1:6	Poripu mo relapo rayo nane maowa maowa pua wala pereke tua epea-nane pea.
17393	ECC 1:8	Niaame go su-amaa ia yaenu mada kone mapiraawa yapare gime ora wala omema. Go maditima gi-re nalapedepetema. Niaame oyae luabu ado pa agaa luabu pa pagema. Pare go pema luabumi niaa mada narabamealia.
17402	ECC 1:17	Neme ora abade epe kone-na re para maeyae kone para, eyaa kone para makuaeyae para nimuna peme kone rado rado mea makuatalo kalai pe. Pare neme poripu ratamea pe rupa mada.
17422	ECC 2:19	Nina pada mealia aa-re makuae aame mealia pae maeyae aame mealia palo ni waru namakuaayo. Goyapare neme kalaipua radaa pina misude yaenu surbalia. Pare go kone luabuna re page ora meda naia.
17452	ECC 4:1	Neme wala ade pare go yaana rolopara pimi onaada wae aurime surubea. Waeya pame onaa na re ipa adawa. Goa pea pare nimu rabameape aa page meda dia. Puripane gavman-me page nimu narabamea. Mo gavmanme wae aanu rabamua epe onaa gimea.
17457	ECC 4:6	Pina-ga oyae ogesi mada page kone perekea lo robaa padanepara sua kogono pamina. Aame poripu ratu ripinatalo pea rupa pama kogono palialo lalo.
17461	ECC 4:10	Aa nipuna yago meda lopaliadare mo nipuna yago medame mada rabamealia. Pare aguraapo-ae aa madaa odo ora waru palia. Nipu rabameape aa meda diayalia.
17463	ECC 4:12	Aa padaneme iaa rapu yada mada pu patalia pae? Aa laapo raapure yada mada palipi. Pare aa padane rapu mada dia. Opeamape ipa repo kopatawa yoteme raburi puri adaape salia pulu go ope mada narugutea.
17475	ECC 5:7	Gavman aanumi naraa aanu kedaa mea gialia rabu ne nareko-oyape. Nimuna koso epe redepoya napagoa nimu epe rupa pirape pora namea wateme-daare go konena rere gupa: Pepa tea aana pea kogono adoa nimuna peme yae madaa rumawa kedaa kateme. Go opisa pimi aanu nimuna surube aa so madaa piame adoa padane rupa keda katea.
17549	ECC 9:4	Raa mena laion-aba omea-mere papia yaname rabuniaya. Padane go-rupare mo papimi aanumi aba omeme aanu page rabuniaeme. Gore mo papimi aanumi nimu aba makuaawa niaare omalima kone imi.
17564	ECC 10:1	Puna mo wabola pabo i pe runane pua puaa omalia-dare wabola pugu waru palia. Goa pea rupare oge kone wae odabaawa epe kone i aana kone luabu maoyaatalia.
17570	ECC 10:7	Naraa piri kogono naakimi mena ose madaa pirua pupulaina ade. Pare pa kogono aanu pamuape rupare wala mo adaa aa mudu nimu pamualaina ade.
17590	ECC 11:7	Paa ora epeta pulu niaa naarena paa adema raburi raana waru omema.
23216	MAT 1:3	Juda-re Peres-para Sera lapona aaraa pirisa. Nipuna amare Tamar pirisa. Peres-re Hesron-na aaraa pirisa. Hesron-re Ram-na aaraa pirisa.
23233	MAT 1:20	Josep nipumi go kone pa niminaaba pirina upaame Gote-na ensel meda adesa. Go ensel-me nipu-para lalo: Josep nere Devit-na si. Nena ona Maria meape paalame naomape. Paga, mo robaa-para pia naakiri Holi Spirit-mi mapiraariade.
23236	MAT 1:23	Pagelepa, ona inumakua meda aa raapu napatimi naaki padaa pirua naaki meda madialia pare go naaki nipuna biri Emanuel lamina sa. Go bina re-re gupa: Gote-re niaa raapu piruaaya.
23238	MAT 1:25	Pare nipuna oname naaki padaa pa pirina nipu raapu u napatasipi. Go naaki madisa rabu Josep-me bi Yesu lo lakesa.
23260	MAT 2:22	Gore Arkelaus-me nipuna aaraa Herot alopaawa nipu Judia suna aa mudu pirisa. Gore Josep-me go remaa aba pagesa-pulu nipu go su-para pope paalame omesa. Pare Gote-me Josep upaame agaa gupa epa lakesa. Go nimu Galili su ru-nane wala pisimi.
23272	MAT 3:11	Nemere nimi kone perekealiminalo pa amaa baptais gialo. Pare orope epaliade aa medamere Holi Spirit-na purimi repena sulaa nona piane yae raapu baptais gialia. Niri raba mi aa ya-pulu neme go aa-na aariti esepea kege radepetalo palua pare mada dia.
23276	MAT 3:15	Gore Yesumi nipu agaa gupa abusa: Palaina abiare neme toade-a pape. Niaame goa palimi-daare Gote-me pamina ta rayo palima. Goa sa-pulu Jon-me nipuna agaa ratisa.
23296	MAT 4:18	Yesu nipu ipa Galili ini repaa-nane pamuala aasa rabu nipumi ameaya lapo adesa. Go ameaya lapore Saimon Pita-para ame Andru lapome ena meape kogono pua agona pa amaa pisipi.
23322	MAT 5:19	Goa pea-ga onaa medalomame go rekena agaare oge agaa meda kone sua onaanumi gimalimi-daare mogo rekena agaa ogeme-ga Gote-na Surube Su-para nimu page oge onaanu mapiraalia. Pare onaa rayome mo rekena agaa waru pagoa onaa medaloma pagenalo mogealimi-daare gore so Gote-na Surube Su-para page bi adaape salia.
23324	MAT 5:21	Niaana akuanumi abade pagesimi yaade agaare gupa pagesimi: Aa meda natu maomape tade. Pare aa meda tu maomaliri koso pagape aa piri-para mea palimi.
23325	MAT 5:22	Pare neme abia nimi lagialo: Aa medame nipuna ame-para ratu yawaliare nipu koso pagape aa piri-para mea palimi. Go page aa medame nipuna ame-para agaa wae tea-daare kaunsil piri-para koso talo lamua palimi. Gore aa medame ame-para ne ora maeya ne aa yana tea-daare nipu mo wae repena sulaa-para mea lo palia.
23354	MAT 6:3	Pare nimimi mo onaa naraanu raba mulalo palimiri oraa ki-naneme palide-a podo ki-naneme namakuaaina lape. Nena adami aa page agaa napagena lape.
23365	MAT 6:14	Pagalepa. Nimimi onaa medalomana wae yaenu mea raakepe rubalimiri gore nimina so yaa-para pia Aapame nimina wae yaenu page mea rubalia.
23366	MAT 6:15	Pare nimimi pa onaa medalomana wae yaenu namea raakepe rubalimiri nimina Aapa nipumi page nimina wae yaenu mada namea rubalia.
23367	MAT 6:16	Yesumi agaa meda wala gupa sa: Nimimi lotu kone sua eta gimalimi rabu yaa agaa ne onaa-rupa napipape. Nimuna ini agaa-para roke piralimina. Goa pua nimi reame ome onaa kone inalo peme. Pagalepa. Nimuna yoto oyaere aba muaeme.
23368	MAT 6:17	Pare nimimi nape yae madaa niti pua gimalimi rabu nimina aalu-para wel mea puare nimina ini agaa-para waswas talepape.
23374	MAT 6:23	Pare ini o yaliare gore nena to rayo-para ribaa yoa o yalia. Goa pea rabu nena robaa-para roalia paa wala udinalia. Goa pua nena yogane-para ribaa yoa ne ora maoyaalia.
23377	MAT 6:26	Nimimi so biyaa pameme yaanu adalepape. Nimuna nape repena ini maapu napoa nimuna etare ada-para nakirita peme. Goa napeme pare nimina so yaa-para pia Aapame nimu eta kata. Pare Aapame nimi madaa ia koneme go yaanu rabuniaaya.
23381	MAT 6:30	Abia e-para ripu puti ia pare ekeraare wala tua repena sulaa-para iralimi. Pa ripumiri Gote-me pa suna pepena paaya. Goa pea nimi onaanuri ni madaa kone ogepusi rulaeme. Nimina Gote-me nimi page waru surubalia.
23383	MAT 6:32	Go kone rayore su amaa kone narula pa piri onaanumi nimuna meape kone yaade. Pare nimina so yaa-para pia Aapa nipumi nimi adoa oyae gialia.
23397	MAT 7:12	Pa onaanumi epe kone mua ni padane goa meda pina kone satemade-rupare neme page goa pape. Gore apo kone madaare Moses-na rekena agaa-para Gote-na agaa lakene aana agaa rayo go-para ia.
23398	MAT 7:13	Yesumi agaa gupa sa: Nimiri oge pora gaape-para ora pua puaa odobatepape sa. Pora medare mo wae su-para pope pora gaape adaape mada lobapa ia. Onaa adaapuri go pora-para polalo peme.