342	GEN 14:5	Wala mali meda popenalomea Kedolaoma rapu ralasimi aa mudunumi yada pua pumea go ruru wini pisimi. Repaim ruru Estorot Kanaim aisimi-para, Susi ruru Am adare-para pati page, mo Em ruru awaro paune su Kiriataim pati page,
381	GEN 15:20	Et onaa-para, Peris onaa-para, Repaa onaa-para,
396	GEN 16:14	Go ipa-na biri, Bia La Roi teme, abia page go ipare Kades para Bered lapona rikirana popea.
454	GEN 18:29	Rana repopa wala Adaa Aa para goa sa: Gore 40 ama yaliare, gopage pa taliya? Adaa Aa-me lalo: 40 piralimi-dare gimalua.
456	GEN 18:31	Abram-me lalo: Ratu na yawape neme ne wala apo agaa mealoga. Pa 20 komea yalia-dare ake paliya? Nipumi lalo: 20 komea piralimi page natalua.
473	GEN 19:15	Riba rekore mo Ensol lapome, Lot aipapulu ma rekaisipi. Nipumi goa sipi: Aipapu tapa! Go aeme nena ore para wane lapo page. Gore go ada kagure talawa nimi talia.
499	GEN 20:3	Rana meda riba Abimalek piri Gote epana ipumea nipu para lalo: Nere omali. Gore apo meaede onare aa aba pe ona yade.
551	GEN 22:3	Ribarekore Abraham rekataboa nipuna donki mena managolaisa. Nipumi Aisak-para, nipuna kogono aalaapo lamuripinisa. Nipumi iru madia yape miru irape repena mada rekepuare, nipu Gote-me pope sade-para pisa.
552	GEN 22:4	Repopa yapinare Abraham-me, mo polalo pisade su pua ada monesa.
7133	RUT 1:4	Orope naaki lapome Moap ona lapo misipi. Go ona lapona biri Opa-para Rut lapo pirisipi.
7143	RUT 1:14	Rut Opa lapo upia re wala sipi. Opa-me Naomi patape loa pisa pare Rut-ri Naomi raapu pa aisa.
7144	RUT 1:15	Go rabu Naomi-mi Rut goa lakesa: Ada, nena akini nipuna onaanuna ada pua nimuna makirae gote-nuya wala mo pulada. Ne page wala pulupa.
7145	RUT 1:16	Gore Rut-me agaa gupa abusa: Ni ne minarepaawa ora pulo rutu natape. Ne palide suparare ni page pamuapana. Ne aali-parare ni page aawapana. Nena onaare nina onaa page yalia. Nena Gote-re nina Gote page yalia.
7147	RUT 1:18	Rut nipu Naomi raapu polalo agu rapesa-pulu nipu agaa wala meda nasa.
7151	RUT 1:22	Go remaare Naomi Moap su gimoa epena remaa yade. Rut Moap ona raapu nipuna ayaa ona pua nipu Betlem opopasipi. Gore rais bali ini napeyoa kereape yapi dina ipisipi.
7153	RUT 2:2	Yapi medame Rut-mi Naomi-para goa sa: Niri maapu-para aanumi ponatu amu peme rais balina ini kereta pulu. Kogono aanumida mada temedare gore nimu raapu aawa rais madiaa palua.
7154	RUT 2:3	Gore Rut maapu-para mo kogono aanu ratamea pua rais bali-na ini pua makiroatasa. Go maapuri Elimelek-na ame Boas-na maapu kone na-isa. Boas-me Rut epea pisa.
7159	RUT 2:8	Go rabu Boas-me Rut gupa lakesa: Go nogo, naa agaa paga. Ne wala maapu meda-para napope. Dia pa go maapuna balina ini keraina. Nena kogono ona-repa raapu kogono paina.
7161	RUT 2:10	Rut-me rumu pegepua suna kubuniaawa Boas-para goa lakesa: Niri pa ada meda ona yadega akepeada neme ni adoa epea pi?
7164	RUT 2:13	Gore Rut-me Boas-na agaa gupa abusa: Neme ni ora epea waru pi. Niri nena epe kogono onanu nonapida dia pare neme ni epe agaa kuma pi lage rabu go-me nina pu robaa ne piri mea epea.
7165	RUT 2:14	Eta nape raburi Boas-me Rut wala goa lakesa: Ne go-pare ipua bret meda epa mua wain-para pataawa naa. Go rabu Rut nipu kogono ona meda raapu pirisa. Go rabu Boas-me repena egaana irini bali medaloma kasa. Mea nisa rabu Rut-na robaa rubisada medaloma pa isa.
7166	RUT 2:15	Rut-me eta no kiritua balina ini medaloma kirata isa. Go rabu Boas-me nipuna kogono aanupara goa sa: Nimi apo radala pira ia balina iniri Rut-me mea kirata ina tapape. Nimimi nipu ratu nayawalepape.
7168	RUT 2:17	Rut-me rais balina ini amaa kirita amu pala pirina naare pabola popesa. Makiraata suare ini rada rada malaawa napere kirita isa. Nape iniri ten kilo popesa.
7169	RUT 2:18	Rut-me adare-para mea pua aaya pua wasa. Naare-palu nisade etana purapina page aaya pua kasa.
7170	RUT 2:19	Go rabu Naomi-mi Rut gupa agaa misa: Abiare balire aapara meae? Nere kogono akepiane aana maapu-para pae? Ne adoa kone saana aare Adaa Aa-me nipu epea pina. Go rabu Rut-me agaa gupa abusa: Abiare ni Boas-ne aa-na maapu kogono pawa sa.
7172	RUT 2:21	Gore Rut-me goa sa: Boas-me nipara wala goa la. Nere nipuna kogono onanu raapu kogono pua bali kirata sape kogono dia yalia rabu pua gimaina la.
7174	RUT 2:23	Rut-me Boas-na kogono onanu raapu kogono paama pua bali-para wit lapo po kiritisa. Goa pua Rut nipu aaya raapu pa aasa.
7175	RUT 3:1	Naomi-mi Rut gupa lakesa: Aaya pagae. Neme ne surubape aa meda asapano pae? Ne suruboa waru ado aata pea-rupa.
7179	RUT 3:5	Rut-me agaa gupa abusa: Epeta. Neme nena agaa rayo ratalua.
7180	RUT 3:6	Gore Rut-me Naomi-mi mo sade-rupa balina ini yo ada warini-para rekoa pisa.
7181	RUT 3:7	Boas-me eta ipanu mada noare nipuna lo robaa epesa. Nipu u patala pisa-pulu rais-bali ubura i regepea pua patisa. Gore Rut pawa pua blaket pua musaawa Boas-na age regepea pua patisa.
7182	RUT 3:8	Riba Boas nipu pereke tisa pare ona meda nipuna age regepea go epaa patisa rabu nipu pogolasaasa.
7183	RUT 3:9	Go rabu nere api-ya palo agaa misa. Rut-me lalo: Ni Rut nena kogono ona meda yade. Nere Elimelek-na yapiga neme ni raba mua surubape.
7184	RUT 3:10	Boas-me pagoa Rut-para agaa go-rupa abusa: Na wane Adaa Aa-me ne ora epea pina. Abia neme go piare nena aaya-para paeyade epea rayo page rabuaniate. Ogegeaa-re adapu aeme pare medalomare oyae imi medalomare na imi. Go yapare neme goanu meda palua kone nasaena.
7188	RUT 3:14	Gore Boas-me wala goa sa: Onanumi ne go-para epaenalo namakuaaena. Gore Rut wala Boas-na age rolopara wala patisa. Gore yapi abi naneaina pisa-pulu oname na-adesimi.
7189	RUT 3:15	Wala Boas-me Rut-para lalo: Laplap meda mea ipua suaama epaa rabola sa. Rut-me goa pisa rabu Boas-me bali medaloma koyaasa. Bali-na kedare 20 kilo popisa. Boas-me minasaawa ma-riasa rabu Rut-me ria pisa. Boas nipu wala adare-para pisa.
7190	RUT 3:16	Rut ada pua opapasa rabu aayame lalo: Aaya apore ora neya? Go rabu Rut-me Boas-me goa palo rayo lakesa.
7191	RUT 3:17	Rut-me lalo: Boas-me lalaara nena aaya piri pa napainalo bali medaloma rumaawa mea gia.
7197	RUT 4:5	Boas lakesa apo Naomi-para Rut lapona su kabalidare apo Moap ona Rut page meape nena ore pirina. Goa pua go suri mo omesade aana ruru repara ina.
7202	RUT 4:10	Agaa meda wala lano. Rut page na ore pirinalo go mealoda. Rut-re mo Moap ona Malon-me mua pirina omesade. Rut mealua rabu Malon-na su ruginiri nipuna ruru-para ina. Gore go ome aana onamere nipuna bi pa oroyala niminaina. Abia nimi apo piare royome apo adalemeda.
7203	RUT 4:11	Onaa rayome talo: E Goa rayo apo adoa makuatema-da. Aa mudunu-mi lalo: Go onare abia nena ada-para epena gore Adaa Aa-me nipu ma-epeaina. Goa pua Resel-para Lea lapo-rupa ma-epaina. Niaa Israel ruruna aaya lapo rupa pirina. Nere Eprata ruruna adaa aa pirua Betlem suna adaa bi ina.
7205	RUT 4:13	Gore Boas-me Rut misa-pulu Adaa Aame nipu epea pisa. Rut naaki pada pirua naaki meda madisa.
7211	RUT 4:19	Esron-re Ram-na aaraa pirisa. Ram-re Aminadap-na aaraa pirisa.
16617	PRO 6:7	Rakutanu nimuna aa mudu page nimuna surube aa page meda napimi.
16739	PRO 10:13	Redepone kone i aamere nipuna epe redepone kone agu lapepedepeta. Goa pea pare wae kone imi aanu aipuya-me mea kudu teme.
16742	PRO 10:16	Redepone aa-me nipuna yoto-rupare, oro yalo pirama-lama palia. Go yapare wae aa-numiri waea adaapu peme.
16758	PRO 10:32	Redepone aa-na agaare onaana aane-para rede warupea, pare wae aa-na agaamere onaanuna lo robaa-para rero mapaeme.
16784	PRO 11:26	Reaa pabea rabu onaame eta kabolalo agaa mealimi pare dia tea-dare go aa nipu wae kone suaeme. Go yapare aa medame nipuna eta onaame kabena tea-dare mo onaame go aa nipu ora raaname omalimi.
16810	PRO 12:21	Redepone aanumi pupitagi page ora nanoa epe oyae mealimi. Goa peme pare waea peme aanumiri nimumi wae pupitagi rado-rado adaapu neme.
16855	PRO 14:13	Niaame giri lo aalima page wae lo robaa kedaa niaa mada nagimalia. Raana omo pirape yapi-di rabu page lo robaa kedaa ora mada na-dia yalia.
16859	PRO 14:17	Ratu yawe aanumi maeyawa ratu ora aipapulu yaweme. Onaa luabumi aa meda oro yalo nipuna raana ratuaaya madaare gimi omeme.
16895	PRO 15:18	Ratu yawea aamere mo aa meda page ratu mayawaya. Go yapare epe lo robaa kumapu i aame aanu medaloma-na kone lo rabaa pawa ma-epeaya. Goa pua nimu lo robaa padane-para sua mapiraya.
16896	PRO 15:19	Kiaa rakepene aamere nipu epe kumapi-rupa pirape yaere ota kone ia. Goa peapulu nipu pa raa rugulua pamuaya. Redepoya pia aa nipu oro yalo kagaa pirape yae epe ta kone ia. Gore epe poranini pamema-rupa madaa.
16942	PRO 16:32	Ratu ora aipapulu nayawea aamere nipu epe kone sua pea. Go konere puri paloa yada wini peme-rupa mada. Aa medame nipuna bipa nipu waru surubaliare ada kagure meda yada naminabaeme-rupa mada pea.
17231	PRO 26:20	Repena kaapu repena ralae-para na-iralimi raburi gore repena naralia. Go page aanumi maa agaa natemere go yaweme ratu dia yalia.
17232	PRO 26:21	Repena kaapu waru iritimi rabu repena ora waru reade. Gorupare ada pi agaa ta aamere yada agaa ora ma-adaayaya.
17260	PRO 27:21	Repena sulaame silipa golonu roa rakepeta. Go rupa mada go aa-re epe aa yade wae aa yade lo aba ademe. Epe aa yaliare nipuna bi minasaeme.
17270	PRO 28:4	Rekena i agaa rasitemere wae yae peme aanuna bi minasaeme. Rekena agaa ratua pimi aanumiri waea peme aanu rabuaniaaeme.
17316	PRO 29:22	Ratu ora aipapulu yawe aamere onaa aa radonu page ratu mayawaya. Goa pua mo ratu yawe aa nipu wae yae adaapu pea.
17337	PRO 30:16	Pandanere aba ome aanuna tapa-para aeme. Laapore ore aani raapu patea pare naaki padaa napia. Repore sumi ipa adaapu mea pare ipa waru name. Maalare kone ia repena sulaame oyae luabu rea pare naare nona pea. Go yaere ora luabu madaa naniminaata.
17340	PRO 30:19	Pandanere yaa ita nipu so yaa madaa awaya. Laapore paakare nipu aana madaa pamea. Repore ipa sipi-ri adaa ipa solowara madaa pameade. Maalare aa-me ona raname omemede-rupa pipi.
17346	PRO 30:25	Raguta puri na-ia pare eta dia yalia rabu nape eta waru amupu imi.
17411	ECC 2:8	Neme silpa golo page nina ada kagure luabu-nini mua pa kantri luabu-para page me. Mo ada kagurena king rado rado pimi aanuna silpa golo-nu page luabu neme me. Mo onaanu page neme raana omanalo yasa lape adaapu teme. Raana omapena ona page adaapu rumaayo.
17549	ECC 9:4	Raa mena laion-aba omea-mere papia yaname rabuniaya. Padane go-rupare mo papimi aanumi aba omeme aanu page rabuniaeme. Gore mo papimi aanumi nimu aba makuaawa niaare omalima kone imi.
23216	MAT 1:3	Juda-re Peres-para Sera lapona aaraa pirisa. Nipuna amare Tamar pirisa. Peres-re Hesron-na aaraa pirisa. Hesron-re Ram-na aaraa pirisa.
23217	MAT 1:4	Ram-re Aminadap-na aaraa pirisa. Aminadap-re Nason-na aaraa pirisa. Nason-re Salmon-na aaraa pirisa.
23218	MAT 1:5	Salmon-re Boas-na aaraa pirisa. (Nipuna agiri Rehap.) Boas nipuri Obet-na aaraa pirisa. (Nipuna agiri Rut.) Obet-re Jesi-na aaraa pirisa.
23220	MAT 1:7	Solomon-re Rehoboam-na aaraa pirisa. Rehoboam-re Abiya-na aaraa pirisa. Abiya-re Asa-na aaraa pirisa.
23229	MAT 1:16	Jekop-re Josep-na aaraa pirisa. Josep-re Maria-na aani pirisa. Maria-re Yesuna agi pirisa. Yesu nipuna biri Gote-na Mea Repae Aa (Mesaia) maasimi.
23230	MAT 1:17	Gore abare Abraham-na ruru go pirisimi onaana epa-mama pua Devit madaare akuanuna ruru 14-pela pirisimi. Abade Devit pirisa rabu epa-mama puare nimu Babilon kalabus ada mapataasimi raburi akuanuna ruru 14-pela pirisimi. Gore mapataasimi onaana epa-mama puare Gote-na Mea Repae Aa madisa rabu go madaare akuana ruru 14-pela pa pirisimi.
23242	MAT 2:4	Goa pua Herot-me Gote-na miru irae aa mudunu-para rekena agaa maalape aanu-para makiritaasa. Nimu kiritasimi rabu Herot-me agaa gupa misa: Gote-na Mea Repae Aare aapina su-para madia ya?
23256	MAT 2:18	Rama su adaare-parare agaa meda pagoaeme. Go agaare nimumiri re lo pirua odome omoaeme. Go rabu ona Resel-me nipuna nogo naakinu madaa re loaaya. Go rabu onaanumi go onaana pu robaa namakuma paeme. Dia-ga nipuna nogo naaki omesimi-pulu nipu re lo piruaaya.
23271	MAT 3:10	Rai gaapiri repena re-para aba apo ia-daa ini waru namadialiade repenare pitaa poa repena sulaa-para mea iralia.
23401	MAT 7:16	Go yaa agaa ne aanu epalimi rabu nimumi kogono palimi waru adoa niminaatepape. Repena etolo etolo aere epe repena wain-na ini mada namadialia. Go page repena fik-na epe iniri mo ripu wae pepo pi puti-para mada naratemade ora dia.
23404	MAT 7:19	Repena rayo ini epe-rupa namaditare poa repena sulaa-para mea iralia.
23434	MAT 8:20	Gore Yesumi nipu lakesa: Raa yana pati-parare su-para naaku ia. Yaanu page ada waritimi pare ni Onaa Raapu Pirape Aa-na Siri nina kitu pirua patape ada dia yaade.
23454	MAT 9:6	Pare ni Onaa Raapu Pirape Aa-na Siri go su amaa onaanuna pupitagi neme kone mea raakepe rubalua-ga puri adalimina. Goa pua nipumi mo uni oma pae aa-para lalo: Ne rekoa nena u pati yaenu mea ripinua nena ada-para pu sa.
23509	MAT 10:23	Gore nimi adaare meda-para nimi kedaa gialimiri gore adaare rado meda-para pogola pulupape. Neme ora nimi lagialo: Israel adaare rayo-para kogono mada napu kiritalimi pare Onaa Raapu Pirape Aa-na Si aba epalia.
23547	MAT 11:19	Gore Onaa Raapu Pirape Aa-na Si ni ipua go etanu epa no ipa no pe-pulu onaanumi lalo: Adalepa. Go aamere eta adaapupe noa ipa wain page adaapu nea teme. Go aare mone takis mi aanu-para naraa onaanu raapu pia teme. Goa peme pare onaanumi ora Gote pia kone sua kone rulalimina-ga Gote-na makuaae kone mada adalimina.
23566	MAT 12:8	Onaa Raapu Pirape Aa-na Siri Kitu Pirape Yapi Di-na Aa Mudu yaade.
23590	MAT 12:32	Onaa rayome Onaa Raapu Pirape Aa-na Si-para wae agaa temere Gote-me go wae yaenu mea rubalia. Pare onaa rayome Holi Spirit-para wae agaa temere Gote-me go wae yae mada namea rubalia. Gore abia page orope page ora mada namea rubalia.
23598	MAT 12:40	Abade Jona nipu adaa enana robaa-parare yapi repome pirisa. Goa pisana-rupare Onaa Raapu Pirape Aa-na Siri matmat-para yapi repome pirua wala rekalua sa.
23633	MAT 13:25	Ribaa onaa u patala peme raburi iaa medame ipua wae ripu mo maapu-para epe ini raapu radata.
23639	MAT 13:31	Yesumi nimu saa agaa meda gupa lakesa: Gote-na Surube Suri gupiane: Repena yamo ini mua aa meda nipuna maapu-para poaaya. Gore opea raburi wala adaa yoa pa repena medaloma rabuaaya. Gore nipu repena nona piane aaliade raburi yaa medaloma ipua go repena palaa madaa ada waria pitimi.
23645	MAT 13:37	Yesumi lalo: Aa medame maapu-para epe etana ini radata gore Onaa Raapu Pirape Aa-na Sina agaa radata.
23649	MAT 13:41	Go rabu Onaa Raapu Pirape Aa-na Simi nipuna ensel-nu mea rapalia. Goa pua go ensel-numi pupitagi ne onaa page wae onaanu page kirita salimi.
23660	MAT 13:52	Gore nipumi nimu lakesa: Rekena agaana tisaa aa rayome Gote-na Surube Su-na agaare aba makuaasimi pare ada ru-para nipuna i abana wae yaenu-para epe kagaa yaenu pua mua amaa-nane mea epalia-rupa mada sa.
23670	MAT 14:4	Goa pisa pare Jon Baptais-mi Herot goa lakesa: Rekena agaa gupa ia sa. Nena amena ore nayolo rumaape tade kone isa.
23689	MAT 14:23	Nipumi mo onaa rayo aba penaaloa nipu padane beten talo so rudu madaa pisa. Ribaa nipu padane-ma so rudu madaa pirisa.
23754	MAT 16:13	Yesu nipu mo Sisaria Filipai adaare-para pisa raburi nipumi nipuna disaipel aanu gupa lakesa: Onaanu nimi Raapu Pirape Aare aapi teme pae?
23757	MAT 16:16	Gore Saimon Pita-me gupa sa: Nere Onaa Raapu Pirape Aa-na Si ya-pulu ne Gote-na Si yaade sa.
23768	MAT 16:27	Abiare Onaa Raapu Pirape Aa-na Siri nipuna Aapana epe paana purimi nipuna ensel-nu raapu epalia. Go raburi onaa rayo nimuna kogono peme-rupa mada yoto katea.
23769	MAT 16:28	Pagalepape. Onaa medaloma go pimiri abi naomalimi pare nimumi Onaa Raapu Pirape Aa-na Sina puri mea epalia rabu adalimi.
23778	MAT 17:9	Nimu so rudu gimoa ora kilipita pulaina Yesumi nimu-para puri paloa gupa lakesa: Nimimi abia go adamede yaere onaa meda ora napua laketapape. Ora nalapae piraliminare ni Onaa Raapu Pirape Aa-na Siri matmat-para wala rekalua sa.
23791	MAT 17:22	Gore Yesuna disaipel aa rayo Galili su-para epa pirisimi rabu Yesumi nimu-para lalo: Onaa Raapu Pirape Aa-na Siri nimumi iaanu mea kateme.
23807	MAT 18:11	Gore Onaa Raapu Pirape Aa-na Siri su amaa ipua wae-rupa etapae onaanu raba mulalo ipisu.
23817	MAT 18:21	Go raburi Pita nipu Yesu piri-para ipua agaa gupa misa: Aa Mudu, nina ameme ni-para waea pina neme nipuna wae kone rana akepu raapo mea rubalua ya? Rana 7-pela pina gimalua ya?