301	GEN 12:2	Neme nemadare ruru adapu ma-ralalua. Goa pua ne ma-epealua. Nena biri ma-adaayalua. Ne madaare onaa adaapu ma-epealua.
302	GEN 12:3	Ne epea paliminuri nimu page epea palua. Ne waea paliminuri nimu page waea palua. Ne madaare go suna onaa rayo ma-epealua.
311	GEN 12:12	Isip onaame ne adoa goa teme gore nipuna ore teme. Goa pua niri talimi pare nere pa ma-aalimi.
326	GEN 13:7	Go su-parare Kenan ruru-para Peris ruru page asimi. Go rabu Abram-para Lot lapona mena surube aanumi ratu yawala-pasimi.
434	GEN 18:9	Nimumi lalo: Nena ore Sarah akepa? No sele adapara no piada-sa.
439	GEN 18:14	Yae meda Gote-me papeare mada napaliaya? Wala malina apo epalua lawade raburi Sarah-me naki mada madu saba-piralia.
502	GEN 20:6	Gore Gote-me wala epana ipua goa sa: E, gore pa epea pi kone saede, pare ne mo onarapu naa pataedere, ni repara waea palilo neme ma-parude. Goane mo ona naa oraina-laawade.
529	GEN 21:15	No madisipi ipa diasa-raburi, mo naki repena-re meda-para ma-pirasa.
538	GEN 21:24	Abraham-me lalo: Neme ora palua-sa.
540	GEN 21:26	Gore Abimelek-me lalo: Goa panare apimi panapalo marea-sa. Ni aba nalagiaede pare, wala abia go pogolasatoda.
547	GEN 21:33	Abraham-me Tamariks repena-wai Besiba poaisa. Go pare-re nipumi Adaa Aa-na bi loa lotu Sa, go Gote-re oroyalo kagaa pia-loa.
7141	RUT 1:12	Niri onagae yade. Ni aa meda wala mada na-palua. Nipina adaa wala palipina. Go page neme abia go ribaa aa meda pua naaki madialua rabu
7154	RUT 2:3	Gore Rut maapu-para mo kogono aanu ratamea pua rais bali-na ini pua makiroatasa. Go maapuri Elimelek-na ame Boas-na maapu kone na-isa. Boas-me Rut epea pisa.
7157	RUT 2:6	Surube aame go-rupa abusa: Naomi raapu epape ya pare pa ruru nogo meda yade. Nipu Mopa gimoa epape-ya.
7175	RUT 3:1	Naomi-mi Rut gupa lakesa: Aaya pagae. Neme ne surubape aa meda asapano pae? Ne suruboa waru ado aata pea-rupa.
7177	RUT 3:3	Gore ne pua wel sada-nupara epe maninanu maraaawa nena yogane ipaa pua radepeape. Goa pua nipuna kogono palia-para pope. Gore nipuna ini aga-nare napope. Dia pare nipu eta ipanu aba no kiritina-lape.
7188	RUT 3:14	Gore Boas-me wala goa sa: Onanumi ne go-para epaenalo namakuaaena. Gore Rut wala Boas-na age rolopara wala patisa. Gore yapi abi naneaina pisa-pulu oname na-adesimi.
7192	RUT 3:18	Gore Naomi-mi lalo: Aaya ogeda pa adoa. Apo aare pa napiralia. Diaagaa pamu maredepo yalaara pia. Paliare saa na-adepa.
7203	RUT 4:11	Onaa rayome talo: E Goa rayo apo adoa makuatema-da. Aa mudunu-mi lalo: Go onare abia nena ada-para epena gore Adaa Aa-me nipu ma-epeaina. Goa pua Resel-para Lea lapo-rupa ma-epaina. Niaa Israel ruruna aaya lapo rupa pirina. Nere Eprata ruruna adaa aa pirua Betlem suna adaa bi ina.
7209	RUT 4:17	Go ada onanumi goa simi: Naomi-ri naaki saba pia simi. Mo naakina biri Obet lo bi ma-asimi. Oropere Jesina aaraa pirisa. Jesi-ri Devit-na Aara pirisa.
16479	PRO 1:9	Nimuna agaame ne epe aa ma-aulalia. Gore epe raguna adipemede-rupa mada adipali.
16481	PRO 1:11	Go piaene wae aanumi gupa teme: Go naaki ne aipapulu ipu. Abia niaame aa meda tamina. Niaame pora-nini suruboa aanu medaloma tu-maomamina. Nimu epe aanu epalimi page, pina pa tu maomamina. Gore niaana kone-me niminaalima yae rayo pa pamina.
16482	PRO 1:12	Niaame nimu ora aipapulu tu-maomawa. Onaa omeme robona tu maomaina. Goa palima rabu mo onaa rogaaeme tapa-para rogaaeme-rupa pamina teme.
16489	PRO 1:19	Go yapare mo pupitagi neme aanumiri, go kone na-i ope nape kone sua pupitagi pa noaeme. Gore nimu paake meme oyaenumi, nimu ma-oyatalia.
16498	PRO 1:28	Kedaa epalia raburi ni ipu loa yateme pare ni mada naepalua. Goa pua nimimi ni asapu piralimi pare nimimi ni mada na-adalimi.
16503	PRO 1:33	Go yapare onaa medaloma naa agaa pagoa ratalimiri nimu epe-rupa piralimi. Goa palimiri nimu madaa wae kedaa epalia rabu nimu epe-rupa pirua mogo wae yaenu madaa na-adalimi.
16535	PRO 3:10	Orapi-loa pa kate rabu Adaa Aa-me nena maapu-para eta nape yae ora waru ma-opaalia. Goa pua nena ada-para eta oyae luabu rulatabalia. Goa pua nena waini-pe page rubia koya-pape palia.
16542	PRO 3:17	Epe koneme nena pu robaa-para raana waru gua go su-amaa adaalu-pu pirape yae page ora ma-epeaalia.
16548	PRO 3:23	Goa pua ne epe pora pamuali rabu oyae medame nena àà mada na-aawalia.
16549	PRO 3:24	Ne u-patulalo pali rabu ne oyae meda pala na-omali.
16550	PRO 3:25	Gore neme Adaa Aa madaa kone waru puri paboa rulali-dare iaa-numi ne tulalo yada salimi page nimuna agona-para ne mada na-odobali. Wae yapi-di meda waea palimide aanu madaa opopalia rabu ne napogola sali. Go piaene yapi-di nimu madaa yai-poripu laapo epea-rupa mada epea.
16554	PRO 3:29	Nena adami aanu ne raapu re-para pimiri, ne nimuna adami aa kone imi-ga nimuna kone nama-oyaape.
16572	PRO 4:12	Gore ne go pora ratua paali rabu oyae medame mada nama-oyaalia.
16578	PRO 4:18	Wae aa luabu nimuna ini-para ribaa waru ta-pulu, nimuna àà koyatimi awolalo palia page mada na-adalimi. Go yapare epe-rupa redepoya piri aanuna porare nimu naare yapi-pu roa paa putalade nona piane-pare piralimi.
16593	PRO 5:6	Go piane ona nipuri epe pirama-lama pope supara pope kone naniminaaya. Dia nipu go wae pora yade kone page na-ia. Nipu pa wae pora kuruape mada pamuaya. Goa pua nipu pa bebolaaya.
16602	PRO 5:15	Nere nena ona raapu waru epe-rupa pirua pa aa medana ipa naaku-para napua nape. Goa pua nena ona raapu agu-patape. Aa meda nipuna ipa raana-para agu raapo nea-rupa nena agu raapo gupa nape.
16624	PRO 6:14	Oro yalo nimumi waea pape madaa kone rulaawa aanu medaloma kone wae ma-saaeme.
16626	PRO 6:16	Adaa Aa-me pupitagi ne kone ipa kerepopu (7) peme-a luabu madaa-re nipumi raana na-omea.
16634	PRO 6:24	Nipuna agaa-me ne rabamealipi rabu, ona wae-me ne kotulalo mada na-epalia. Aa medana oreme epe redepi agaa lagialia page napagape.
16642	PRO 6:32	Go yapare aa medame mo aa medana ore raapu patua nipumi paake yotea-dare go aa nipu waea adaape pea. Aa medame pupitagi nalia-dare nipuna bipa nipu ma-oyaaya.
16660	PRO 7:15	Goaene nina ada gimoa ne asapula epawa. Goa pawa-pulu abia ne go epa adalo-da.
16668	PRO 7:23	Go aa nipuri koyati pua sua nipu aawalia kone na-i. Pa yaa-madaa biya pua mo poga madaa puaa roayade-rupa mada pea. Gore yaa nipu poga sabae-para roalua kone na-i. Pa biyaa pea-rupa mada pea.
16685	PRO 8:13	Aa meda nipu Adaa Aa-na agaa pagoa rataliare wae yaenu pape gime-omea. Neme gimi ome yae-re, aa medame nimuna bi minasaawa waea pea kone luabu-ri gime ome. Waeanu adaapu pua yaa agaa teme aanu page ora gipea.
16692	PRO 8:20	Oro yalo neme epe redepone kone luabu ratu-aayo.
16698	PRO 8:26	Go rabu ni pirano-re Adaa Aa-me su page abi nawarisa. Oyae luabu page abi na-opena e maapu nape yaenu page abi na-isa.
16710	PRO 9:2	Yaa-yapa mena tua ipa waini rede waru-pi managola sua eta nape reke page aba managola-isa.
16715	PRO 9:7	Gore neme aa meda maredepo yaatalo pali rabu nipumi nepara aakone sua ero agaa-me abutea. Go page neme aa wae meda epe agaa loa maredepo-yaatalo pali-rabu, go aame ne tua nena yogaene ma-oyaalia.
16717	PRO 9:9	Neme epe kone i aa meda agaa lakeloa epe agaa talo palipi-dare go aame ne raana omalia. Goa pua nipuna kone page raaname rubialia. Neme epe-aa kone kate rabu nipuna makuae-yae page adaa-yalia.
16720	PRO 9:12	Gore ne epe kone meali-rabu nena bipa ne ma-epeaali. Go yapare ne-da wae kone sua waea-pi aa yaliare, nena bipa ne go ma-oyaawa mabebolateda.
16723	PRO 9:15	Onaa adaapu kogono pa pulalo popeme raburi nimi ni piri-para ipulupa loa yalala-aya.
16726	PRO 9:18	Mo nipuna ada-para ipulupa ta aanu-ri, nipuna ada-re matmat nonapi ada yapare mo aanumi waru na-ademe. Nimu kone waru na-imi-pulu ora epe ona yaana kone imi. Go onana ada-para peme aanuri nimu aba omoa nimu ome aanu-rupa pimi pare pa aaema kone sua nimumi waru na-ademe.
16727	PRO 10:1	Solomon nipumi epe-rupa pirape agaa rudu-rudu medaloma tusua gupa-sa. Nogo naaki medalomame epe kone sua nimumi epe kone ratalimi-rabu agi aaraanumi raana ora waru omalimi. Go yapare nogo naakinumi wae pora ratua pupitagi noalimiri, agi aaraa-me page lo-robaa kedaa adaa ruaalimi.
16728	PRO 10:2	Ne mone paake noa ama-aalidare, nena go moneme ne epe-rupa naraba mealia rabu ne epe-rupa mada na-aali. Go yapare neme epe pora ratua amaa yali-dare ne na-rudute.
16729	PRO 10:3	Adaa Aa-me nipu madaa kone rulaawa pimi onaa, eta nape oyae luabu asa pina kone na-ia. Goa pea pare mo waeya peme onaa-re nimu ama-yape, eta asapeme yaenu asapinalo pora poaaya.
16738	PRO 10:12	Lo-robaa wae-imi raburi wae-yae maepaaya. Goa pea pare aa yago meda raana omea aamere wae yae luabu pename ma-opaaya.
16744	PRO 10:18	Aa medame aa yago meda wae kone saliadare, nipumi yaa agaa loa oro yalo waea-pu rabuae aa pename go aaya-da. Go yapare aa medame aa yagona ma-agaa paliare go aa nipu ora maeya aa aaya.
16746	PRO 10:20	Epe redepone aana agaa-re epe aana silipa-me adea. Go yapare wae aanuna kone-re bebolo-tea.
16754	PRO 10:28	Adaa Aa-na agaa pagoa rati onaamere, Adaa Aa nipuna pea kogono ado-kiritua raaname ora waru omalimi. Go yapare wae aanuri pama surubama pua, nimumi epe yapi di meda mada na-adalimi.
16757	PRO 10:31	Epe aanu nimu oro yalo epe kone sua epe pora rateme-pulu, nimu onaa luabu epe agaa lakelo-aeme. Goa pea pare wae agaa teme aa luaburi nimu oyalimi.
16769	PRO 11:11	Epe redepone aanumi nimuna ada kagure-para epea peme rabu nimuna ada kagure page ora epe-rupa surubeme rabu epe-rupa aaya. Go yapare wae pupitagine aanu mi waea pulalo peme rabu go teme agaame mo ada kagure page ma-oyaaeme.
16806	PRO 12:17	Koso rabami aa epe yaliare agaa waru eperupa tea. Go yapare nipu agaa waerupa ne aa yaliare nipumi koso ma-oyalia.
16818	PRO 13:1	Gore naaki medame epe kone saliare nipuna aapana agaa waru pagea. Agaa rasini naaki-mere pa aanumi nipu maredepo-yaina kone na-ia.
16820	PRO 13:3	Aa medame nipu agaa abulu waru suruboa epe agaa loa aaliare nipu mada na-oyalia. Go yapare wae agaa loaeme aanu nimu oyoa beboteme.
16822	PRO 13:5	Epe redepone aanu nimumi yaa agaa loa makirape madaare gimi omeme. Go yapare wae aanumi yala pia agu pulalo peme pare nimu madaa yala paala an-ia.
16841	PRO 13:24	Aaraame nipuna naaki pupitagi nalia rabu nipu ki paarame nataliare gore nipumi go naaki mana nata-pulu go naaki raname na-omea. Go yapare araame nipuna naaki agaa mana lakeloa maredepo yayaa-re ora nipuna si kone ia.
16842	PRO 13:25	Epe redepone aanuna eta ora adaapu rulatabena imi. Pare wae pupitagi neme aanu nimu oro yalo reaeme omo-aaeme.
16849	PRO 14:7	Ne mo wae kone imi aanu raapu meda-para napiri ne ora mopare yola-moneape. Gore nimumi ne epe kone meda mada nagialimi.
16858	PRO 14:16	Epe kone i aa nipumi nipuna kone waru suruboa nipu madaa wae yae ora naepena kone ia. Wae aame re oyae rayo pa epeta kione sua rayo pa palua kone sua pa pama pea. Nipu wae aa yade kone page na-ia.
16868	PRO 14:26	Aa meda nipu Adaa Aa-na agaa ratua kumapi-rupa piraliare nipu oyae meda palame na-omalia. Goa pua nipuna nogo naakinu page nimu luabu epe-rupa piralimi.
16881	PRO 15:4	Aa medame epe agaa onaa luabu laketa rabu go agaa pageme onaa luabu nimu laipi kalape repena nonapina agaa pagalimi. Go yapare aa medame onaa-para wae agaa-teare onaa luabuna kone ma-oyalia.
16889	PRO 15:12	Aakone i aamere pa aa medame nipu maredepo yaina kone ora na-ia. Goa pea-pulu aa meda-para nipu epe kone gialepa natea.
16895	PRO 15:18	Ratu yawea aamere mo aa meda page ratu mayawaya. Go yapare epe lo robaa kumapu i aame aanu medaloma-na kone lo rabaa pawa ma-epeaya. Goa pua nimu lo robaa padane-para sua mapiraya.
16909	PRO 15:32	Epe-rupa pirape madaa maredepo-yatalo palimi rabu agaa rasua gimaliare nipuna bipa nipu ma-oyaaya. Goa pea pare aa medame nipu maredepo yatalo pea aana agaa pagoa rataliare gore nipu epealia. Goa pua nipuna kone page lobataboa nipuna makuae yae page epealia.
16913	PRO 16:3	Neme yae meda pulalo pali-daare Adaa Aa nipuna ki-nane aba saape. Goa pali rabu nipumi go yaenu luabu ora ma-epealia.
16932	PRO 16:22	Gore aa meda nipu epe kone i yaliare go aa nipu ipa laipi kagaa pirape yae mua piri aa-rupa piralia. Wae kone imi aanu-ri nimuna go pemeame wae maeyae aa piralia. Goa pua nipuna bipa nipu ma-oyaalia.
16941	PRO 16:31	Yomagae nimuna kama iri adoa nimumi aba makuaeme. Go yomagae aanu nimumi ora epe kone su epe pora rateme-pulu go kone mada kamaa aya kone-imi. Goa kone imi rabu nimu adaa bi meme.
16953	PRO 17:10	Neme epe kone i aa meda raapu agaa maredo yaatalo palipiri agaa rana padane te rabu nipumi makuae yae aipapulu mealia. Go yapare neme wae kone i aa maredepo yatalo pali-dare nipu kalaipu ma-epeali. Goa pali pare nipuna kone aipapulu na-epealia.
16955	PRO 17:12	Neme mena-beana si ripina mua mea epali rabu kiraa mena nipu poraania madaaliri ne epaa tu naalia-rabu adaa radaa nali. Goa palia pare aa meda epe kone nasua waea pulalo pea aa poraa adali rabu ne tu-nalia.
16974	PRO 18:3	Waea puaaya aamere aa yago medalomare naepe ta-ga pinawa kone ia. Goa pua nimuna bi ma-oyaawa nimu yalaa waru ma-paaya.
16978	PRO 18:7	Kone waru na-i aa medame agaa tea-dare nipuna go agaame nipu ma-oyaaya. Gore nipuna maa-para yapa-lokena pogaa mada sua maraawa nipu omalia.
16980	PRO 18:9	Wae kiaa rakepene aare nimuna bipa nipu ma-oyaya. Goa pua nimu kiaa rakepea wae-rupa pimi.
16990	PRO 18:19	Nena ame meda wae kone saliri nipumi go kone mea rogasua ne raaname na-omalia. Gore onaa medalome mo ada kagurena pora gape poaeme-rupa mada nimu runane pope-rupa maralimi. Gore mo aa lapo nipu yada pape agaa loa ki namealipi. Nipuna lo robaa padane-para mada nasalipi. Adaa poragape garulaawa aana kerepo pora rugutade-rupa mada. Goa palipi-pulu nipu ada runane mada napalia.
17005	PRO 19:10	Epe kone na-ia aa nipumi mone oyaenu adaapu su aayare na-epeta. Naara piri kogono naakimi mo aa mudu wala surubea page ora rado yade.
17026	PRO 20:2	Aa mudu king nipumi ratu yawoa puri pane agaa ta rabu onaa paala ma-saaya. Gore mo kiraa mena laiyono-me buai ta-rupa mada king-mi goa pea. King nipu raatu mayawaaliri nena kagaa piraama lama pope kone wasupa alupalia.
17040	PRO 20:16	Gore aa medana yago nipumi pa aa medana rudu abulalua agaa loa yapare wala na-abuteadaare waea pea. Gore nipumi epea go napea-daa. Gore aa-me go piaene agaa meda teadare neme oyae meda mo rudu abune nona pina ora meape.
17046	PRO 20:22	Aa medame ne-para wae paliare neme nipuna wae-yae abi na-abulape. Dia Adaa Aa-me ne raba mealiaga nipu kone rulape. Goa paliri rabu nena kedaa luabu diayalia.
17056	PRO 21:2	Niaana pema yae luabu ora epeta kone ima pare Adaa Aa nipumi niaana ima kone luabu aba rumaa adea. Goa pua nipumi niaana ima kone raayona re ado-kiritea.
17060	PRO 21:6	Aa medame yaa agaa loa nipumi mone yoloa mu-aaliare gore nipu omape pora-para go pu aaya-da. Go aa-na saliade oyaere moae aipapulu sua wala esepe tade-rupa mada yalia.
17066	PRO 21:12	Adaa Aa-na kone ora redepone kone ia. Goa pea-pulu aanumi nimuna ada-para waea peme luabu Adaa Aa nipumi waru adoa makuaaya. Goa peapulu Adaa Aa-me go aanu nimu luabu maoya-talia.
17074	PRO 21:20	Epe kone su epe pora ratua piri aana ada-para oyae ora epe-rupa pa su-aaya. Go yapare wae kone su wae pora pameme aanuna oyae diata rabu pa piru-aaeme.
17081	PRO 21:27	Adaa Aa-me pupitagi neme aanumi kateme opa re raaname na-omea. Go yapare makirae konena opa epa katemere gore Adaa Aa-me pugu pia kone ia.
17104	PRO 22:19	Nena bipa pagainalo go agaa apo lagialo-daa. Goa pua neme Adaa Aa madaa puri paboa kone waru rulainalo pea.
17110	PRO 22:25	Nimuna pemea ne mada palia rabu orope go waeanu-mi ne ma-oyalia.
17127	PRO 23:13	Neme nogo naaki tua kuma mapape madaare paalame naomape. Neme agaa mana loa tali-daare nipu na-omalia.
17131	PRO 23:17	Neme waea peme aanuna pemea adoa epame na-omape. Oro yalo neme Adaa Aa madaa raana omo pirua kone sape.
17132	PRO 23:18	Neme go pora ratu pirali-dare nena orope pirape yaere ora epeaalia. Goa puare ne page ora aipapulu mada na-omali.
17150	PRO 24:1	Neme waea pi aanuna kone madaa raaname na-omape. Go waea pi aanu raapu pamuape page gimape.
17168	PRO 24:19	Neme mo waea pemea adoa kedaame na-omape. Neme goa pali raburi nena kone mabebolalia. Goa pua mo palimide aanu madaa page kone kedaa nameape.
17169	PRO 24:20	Dia go aanu nimu epe yae meda mada na-adasalimi. Nimu ora laba paa udinita-rupa mada aipapulu omalimi.
17186	PRO 25:3	Niaame king-na ia kone luabu mada na-ado kiritalima. Gore go-rupa madaa niaame oyae luabu so yaa-para ia page no ipa solowara runane ia yaenu page mada na-adema.