23230	MAT 1:17	Abraão krẽ'krẽ ag tóg 14 (ke) nỹtĩ, Davi mré nĩgkrén kỹ. Kỹ Davi krẽ'krẽ ag tóg 14 (ke) nỹtĩ gé, ag tỹ ag nĩgkrén kỹ, ag tỹ ẽmã tỹ Babilônia ra ag tatĩ mũ mũ ẽn kã. Ag tỹ tá vỹnvỹn ke ẽn kar kỹ ag krẽ'krẽ vỹ 14 (ke) nỹtĩ gé, Cristo mré nĩgkrén kỹ. Cristo jógjóg ve ag hã vẽ.
23254	MAT 2:16	Hã ra Herodes tóg fagrĩnh mỹ fóg ẽn ag jãvãnh ja nĩ. Vãhã tóg: “ag tỹ inh mỹ tó tũg hỹn,” he mũ. Kỹ ti fe tóg gỹm ke mũ sir. Kỹ tóg ti porisa ag mỹ: “Belém ra gĩr ag kãgtén mũjẽg, ũn kri prỹg tỹ 2 anos tá krỹg tũ ẽn ag tãvĩ,” he mũ. Ag mỹ tóg 2 anos tó, fóg ag tỹ ti mỹ: “1 ano kãfór ti nĩ ha, ẽg tỹ ti kri krĩg ve ja ti,” hen kỹ.
23280	MAT 4:2	Kurã tỹ 40 han tóg, ẽmã tũ ja tá nĩ ki. Kỹ tóg jẽg tũ nĩ, kurã tỹ 40 ẽn ki, kuty mré hã. Kỹ tóg, vãhã kókĩr mũ sir, vẽjẽn tũ tĩn kỹ.
23468	MAT 9:20	Ag mũ ra ũ fi tóg, ti tá jun mũ, ũn kaga ũ fi. Kyvénh krỹg ja tũ han kỹ fi tóg nĩ, prỹg tỹ 12 (ke) ki.
23487	MAT 10:1	Kỹ Jesus tóg ũn tỹ 12 ag jé prẽr mũ. Kỹ tóg ag mỹ vẽjykre nĩm mũ sir, ag tỹ vẽjagrẽ kórég pan jé, ag tỹ ũn kagyga ag hynhan jé ke gé.
23491	MAT 10:5	Ũ tỹ 12 ẽn ag jẽgnẽg tóg mũ sir, Jesus ti, ag tỹ vẽnh kar mỹ Topẽ vĩ kãmén jé. Kỹ tóg ag mỹ: “ver fóg ag mỹ inh kãmén mũ tũg nĩ, kanhgág ag mỹ kãmén tũg nĩ gé ver,” he mũ. “Kỹ Samaria tá ke ag jamã ki ge tũg nĩ gé,” he tóg.
23529	MAT 11:1	Jesus tỹ ti mré mũ tĩ ag mỹ tó kãn kỹ tóg, tá kãkutẽ mũ sir, ũ tỹ 12 (ke) ag mré. Kỹ tóg ẽmã kar mĩ tĩ mũ sir. Vẽnh kar kanhrãnrãn tóg tĩ mũ, ag mỹ Topẽ vĩ tón kỹ.
23603	MAT 12:45	Kỹ tóg Nén-Kórég tỹ 7 (ke) ag mỹ tónh tĩ mũ sir. Kỹ ag kar tóg ũ ẽn kã ra ge mũ sir. Hã ra ag jykre pãno tóg ti jykre pãno kãfór nĩ. Hã kỹ tóg kórég tãvĩ nĩ sir. Ti jagrẽ pir kutẽm inh vẽ vẽ, hã ra ũ tỹ 8 (ke) ag tóg sir tỹ ti jagrẽ nỹtĩ ha, ti tỹ inh ki rã tũ nĩn kỹ. Ãjag mỹ tóg ge nĩnh mũ, kurã tỹ ẽgno kã. Ãjag jykre pãno to ãjag tóg jagtar ke mũ,” he tóg, Jesus ti.
23616	MAT 13:8	Ti fy ũ tóg vãhã, ga há ki krãn kỹ nĩ, kỹ tóg mur há han mũ, mog há han tóg mũ gé, kanẽn há han tóg mũ gé sir. Ũ tóg kanẽ tỹ 100 han mũ, jo ũ vỹ kanẽ tỹ 60 han mũ gé, jo ũ vỹ tóg kanẽ tỹ 30 han mũ.
23631	MAT 13:23	Ti fy ũ tóg ga há ki krãn kỹ nĩ. Ũ vẽ gé. Topẽ vĩ mẽg tóg mũ gé. Mẽ kỹ tóg to jykrén mũ sir. Kỹ tóg kanẽn há han mũ sir. Kỹ ũ vỹ tóg kanẽ tỹ 100 han, jo ũ vỹ tóg kanẽ tỹ 60 han mũ, jo ũ vỹ tóg kanẽ tỹ 30 han mũ gé,” he tóg.
23683	MAT 14:17	Kỹ ag tóg ti mỹ: “hã ra tóg tũ tĩ, vẽjẽn tĩ,” he mũ. “Ẽmĩ tỹ 5 (ke) hã vỹ ki nỹtĩ, pirã régre ke gé,” he ag tóg.
23685	MAT 14:19	Kỹ tóg ũn e ẽn ag mỹ tó mũ, ag tỹ re tá nĩgnĩ kỹ nỹtĩ jé. Kỹ tóg ẽmĩ tỹ 5 (ke) ẽn mãg mũ, pirã régre ẽn ke gé. Kỹ tóg kanhkã ki ẽvãnh mũ sir. Vẽjẽn ẽn to tóg Topẽ mré vĩ mũ sir. Kỹ tóg vãhã ẽmĩ kénh kỹ ti mré mũ tĩ ag mỹ vin mũ sir, ag tỹ kãnhkrén jé, ũn e ẽn ag mỹ.
23686	MAT 14:20	Kỹ vẽnh kar tóg ko kãn kỹ funfór mũ sir. Hã ra tóg kén mũ. Kẽj tỹ 12 (ke) fãn ag tóg mũ, ti ke tỹ.
23687	MAT 14:21	Ẽmĩ ko mũ ẽn ag tóg tỹ ũn tỹ 5 mil (ke) ag nỹtĩ, ũn tỹtá mré tó tũ, fag krẽ mré tó tũ, hã ra fag tóg tá e nỹtĩ gé mỹr, ha mẽ.
23736	MAT 15:34	Kỹ Jesus tóg ag mỹ: “ẽmĩ tỹ hẽ ri ke vỹ ki nỹtĩ ge?“ he mũ. Kỹ ag tóg: “ũ tỹ 7 (ke) vẽ, kãkufár pipir ke gé,” he mũ.
23738	MAT 15:36	Kỹ tóg ẽmĩ tỹ 7 (ke) mãg mũ, pirã mré, kỹ tóg to Topẽ mré vĩ mũ. Kỹ tóg vẽnh kãkugpãg mũ, ẽmĩ ti. Kỹ tóg ti mré mũ tĩ ag mỹ vin mũ, ag tỹ vẽnh e ẽn ag mỹ kãnhkrén jé.
23739	MAT 15:37	Kỹ ag tóg ko kãn mũ, funfór ag tóg mũ, hã ra tóg kén mũ. Kre tỹ 7 (ke) fãn tóg mũ sir, Jesus mré mũ tĩ ag tỹ génh kỹ.
23740	MAT 15:38	Ũ tỹ ko mũ ag vỹ tỹ ũ tỹ 4 mil (ke) nỹtĩ, ag tãvĩ, ũn tỹtá mré tó tũ, ag krẽ mré tó tũ. Hã ra fag tóg tá e nỹtĩ gé.
23750	MAT 16:9	Ver tóg ãjag tỹ to jykrén tũ tĩ'. Ẽmĩ tỹ 5 (ke) ẽn mĩ ẽkrén nĩ. Ũ tỹ 5 mil (ke) ag tóg ko kãn, hã ra tóg kén, ag kar tỹ ko mũ ra. Ti ke hỹn kẽj tỹ hẽ ri ke fãn?“ he tóg. Kỹ ag tóg ti mỹ tó mũ sir.
23751	MAT 16:10	Kỹ tóg ag mỹ: “jo ẽmĩ tỹ 7 (ke) ẽn ti, ũ tỹ 4 mil (ke) ag vỹ kó, hã ra tóg kén mũ gé, ag kar tỹ ko mũ ra. Ti ke hỹn kẽj tỹ hẽ ri ke fãn?“ he tóg. Kỹ ag tóg ti mỹ tó mũ gé sir.
23770	MAT 17:1	Kar kurã tỹ 6 tũg kỹ Jesus tóg ag mỹ: “mũ nỹ, vyr mỹ,” he mũ. Pedro mỹ tóg ke mũ. Tiago mỹ ke gé, ti jãvy tỹ João mỹ ke gé. Ag hã mré tóg tĩ mũ, pãnónh ra.
23808	MAT 18:12	“Tag to jykrén nĩ. Ũ tóg carneiro tỹ 100 tỹ mẽg nĩ. Hã ra kejẽn ti mẽg pir tóg vãfor mũ. Kỹ tóg ti mẽg ẽn ag ré kỹ ũn pir ẽn jãvãnh tĩ mũ sir.
23809	MAT 18:13	Vãhã tóg ti vég mũ sir. Kỹ tóg ti mỹ sér pẽ tĩ sir, ha mẽ. Ti mẽg e ẽn ag tóg ti mỹ há nỹtĩ, ũ tỹ 99 ẽn. Hã ra tóg ti tỹ ũn pir ẽn ve mãn kỹ ti mỹ há tãvĩ tĩ sir, ũn e ẽn tỹ ti mỹ há nỹtĩ kãfór.
23817	MAT 18:21	Kỹ Pedro tóg ti to kãtĩg kỹ ti mỹ: “Senhor,” he mũ. “Kejẽn inh régre tóg vẽjykre pãno han ja nĩnh mũ. Kỹ inh mỹ ti mỹ vẽnh pãte fón e han mũ'? Vẽnh pãte fón tỹ hẽ ri ke nỹ hỹn há nĩnh mũ? Ke tỹ 7 mỹ há nĩ'?“ he tóg, Pedro ti.
23818	MAT 18:22	Kỹ Jesus tóg ti mỹ: “vó,” he mũ. “Vẽnh pãte fón tỹ 7 (ke) vỹ pir nĩ,” he tóg. “Vẽnh pãte fón tỹ 70 tỹ 7 (ke) vỹ pãgsĩ nĩ,” he tóg.
23820	MAT 18:24	Kỹ tóg vég mũ. Hã ra ti camarada ũ tóg ti mỹ név mág jẽ, hã vỹ: 10 mil (ke), he mũ.
23859	MAT 19:28	Kỹ Jesus tóg: “sỹ ke há vẽ,” he mũ. “Inh mré ãjag tóg mũ mũ. Tỹ sóg ẽprã ke fi kósin nĩ. Kejẽn sóg inh nĩgja kri nĩnh mũ, isỹ vẽnh kar jykre tugnỹm jé. Sĩnvĩ inh nĩnh mũ, kurã ẽn kã. Kỹ ãjag tóg ãjag nĩgja kri nĩgnĩ kỹ nỹtĩnh mũ gé, nĩgja tỹ 12 (ke) kri, ãjag tỹ povo tỹ Israel tỹ 12 (ke) ag jykre tugnỹm jé,” he tóg.
23862	MAT 20:1	Kỹ Jesus tóg ag mỹ: “Topẽ tỹ tỹ ẽg pã'i nĩ vỹ patrão tỹ ti camarada jãvãnh ri ke nĩ,” he mũ. “Kusã ki 6 horas ki tóg, ag jãvãnh tĩ mũ, ag tỹ ti jakré tỹ uva ki rĩr jé.
23864	MAT 20:3	Kỹ ag tóg mũ mũ. Óra tãgtũ tũg kỹ, 9 horas ki tóg tĩg mãn mũ, ũ ag jãvãnh jé. Véké ag tóg ẽmã kuju tá nỹtĩ.
23866	MAT 20:5	Kỹ ag tóg mũ mũ. Óra tãgtũ ũ tũg kỹ, meio dia ki tóg ũ ag jãvãnh tĩg mãn mũ, kar kỹ tóg 3 horas ki tĩg mãn mũ gé. Ag ve kỹ tóg ag mỹ ke mũ gé, kỹ ag tóg mũ mũ gé, ti jakré ki rĩr jé.
23867	MAT 20:6	Vãhã tóg rãkãnh mũ sir. 5 horas ki tĩg mãn kỹ tóg ũ ag vég mũ gé, kỹ tóg ag mỹ: “ãjag tỹ ne jé rãnhrãj tũ nĩ nẽ?” he mũ. “Kurã kar ki ãjag tóg tag ki nỹtĩ, ãjag rãnhrãj tũ ra,” he tóg ag mỹ.
23869	MAT 20:8	Rãké ra 6 horas ki patrão ẽn tóg ti tũ ki rĩr tĩ mỹ: “ha ag jé prẽr,” he mũ. “Ag mỹ ti kaja ti nĩm. Ũn tỹ rãkãnh kỹ kãmũ mũ ag mỹ nĩm vén, kar kỹ ũ tỹ kusãg ki kãmũ mũ ag mỹ nĩm rén,” he tóg.
23878	MAT 20:17	Kỹ Jesus tóg Jerusalém ra tĩ mũ. Kỹ tóg vyrmỹ ũ tỹ 12 (ke) ẽn ag mré vẽmén mũ, ẽpry jagma mũn kỹ.
23885	MAT 20:24	Hã ra ũ tỹ 10 ag tóg mẽg mũ, ũn régre ag tỹ Jesus mỹ tag to vĩ ja ti. Kỹ ag tóg ag to jũ mũ.
23966	MAT 22:25	Kỹ ũ tỹ jagnẽ mré pafa ja tỹ 7 (ke) vỹ nỹtĩgtĩ. Ag kãke tóg prũg mũ, hã ra tóg ti kósin tũ ra ter mũ. Kỹ ti jãvy tóg fi tỹ prũg mũ, hã ra tóg ti kósin tũ ra ter mũ gé. Kỹ ti jãvy ũ tóg, fi tỹ prũg mũ gé sir,
23969	MAT 22:28	Kỹ fag kãgter ja tá rĩnrĩr mãn kỹ fi hỹn, mén tỹ 7 (ke) nĩnh mũ vẽ. Ag kar vỹ fi tỹ prũg ja nĩ mỹr. Hã kỹ tóg vẽnh mỹ nỹ, ag tỹ: “rĩr mãn jé ẽg tóg ke mũ,” hen kỹ,” he ag tóg, Saduceu ag, Jesus mỹ.
24010	MAT 23:23	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ón kỹ ãjag tóg, Topẽ mỹ ãjag jakré ki dízimo vin tĩ. Ãjag jakré tỹ hortelã tỹ 10 (ke) nỹtĩn kỹ ãjag tóg Topẽ mỹ ũn pir nĩm tĩ, ãjag jakré tỹ erva doce tỹ ke gé, ãjag jakré tỹ cominho tỹ ke gé. Há ti nĩ vẽ. Hã ra ãjag tóg, ti tỹ ẽg jyvẽn mũ ẽn han tũ nĩgtĩ. Vẽjykre kuryj han tũ ãjag tóg nĩgtĩ. Ũn jagtar ag jagãgtãn tũ ãjag tóg nĩgtĩ. Topẽ vĩ kri fig tũ ãjag tóg nĩgtĩ. Ãjag tỹ ti vĩ ki króm mré hã ãjag jakré ki dízimo vin ra tóg, há tĩ vẽ, ha mẽ. Hã ra ãjag tóg ki króm sór tũ nĩgtĩ.
24078	MAT 25:1	Kỹ Jesus tóg ag mỹ ti kãtĩg mãn ke ẽn kãmén mãn mũ. “Tytãg fag ri ke ti nĩnh mũ,” he tóg. “Tytãg tỹ 10 (ke) fag vỹ nỹtĩ. Vẽnh kyprũg ve jé fag tóg, lampião vyn kỹ mũ mũ, ũn prũg mũ ẽn kato.
24079	MAT 25:2	Ũ tỹ 5 fag vỹ jykre kórég nỹtĩ, jãvo ũ tỹ 5 (ke) fag vỹ jykre há nỹtĩ.
24092	MAT 25:15	Ũ mỹ tóg jãnkamy kãmur tỹ 5 (ke) vin mũ, ũ mỹ tóg ti kãmur régre vin mũ, ũ mỹ tóg ti kãmur pir nĩm mũ. Ũn krĩ há ẽn mỹ tóg ti kãmur e vin mũ.
24093	MAT 25:16	Kỹ ũ tỹ ti kãmur tỹ 5 (ke) mãg mũ ẽn vỹ ti jãnkamy ẽn tỹ rãnhrãj mág han mũ. Kỹ tóg kejẽn, ũ tỹ 5 (ke) ũ mãg mũ, kỹ ti tũ vỹ tỹ ti kãmur tỹ 10 (ke) nỹtĩ sir.
24094	MAT 25:17	Kỹ ũ tỹ ti kãmur régre mãg mũ ẽn vỹ tỹ rãnhrãj mũ gé. Ti kãmur régre ũ mãg tóg mũ gé sir, kỹ tóg tỹ ti kãmur tỹ 4 (ke) nỹtĩ.
24097	MAT 25:20	Kỹ ũ tỹ ti kãmur tỹ 5 (ke) mãn ja ẽn tóg ti mỹ: “inh mỹ ã tóg ũ tỹ 5 (ke) vin, hã ra sóg tỹ rãnhrãj kỹ ũ tỹ 5 (ke) ũ mãn ja nĩ. Hã vẽ ha,” he mũ.
24105	MAT 25:28	Kỹ tóg porisa ag mỹ: “ti tũ ma ra. Kỹ ũ tỹ ti kãmur tỹ 10 (ke) mãg mũ ẽn mỹ nĩm,” he mũ.
24137	MAT 26:14	Kar kỹ ũ tỹ 12 (ke) ẽn ag kã ũ tóg, Topẽ tũ to pã'i ag venh tĩ mũ. Ũn tĩ mũ jijin hã vỹ: Judas Iscariotes, he mũ.
24138	MAT 26:15	Tá jun kỹ tóg ag mỹ: “sỹ ãjag mỹ Jesus fẽg ke vẽ, ãjag tỹ ti se jé. Ãjag mỹ inh mỹ kajãm mũ'?“ he mũ. Kỹ ag tóg: “hỹ,” he kỹ ti mỹ jãnkamy tỹ 30 (ke) vin mũ sir.
24143	MAT 26:20	Rã pur kar kỹ Jesus tóg tá jun kỹ ũ tỹ 12 (ke) ag mré ko mũ sir.
24170	MAT 26:47	Ti tỹ ver vẽmén jẽ ra Judas tóg jun mũ sir, ũ tỹ 12 (ke) ag kã ũ ẽn ti. Hã ra porisa ag tóg ti mré kãmũ mũ, rógro génh kỹ, ka kykyv génh kỹ ke gé. Topẽ tũ to pã'i ag tỹ ag jẽgnẽ vẽ, kófa ag ke gé.
24176	MAT 26:53	“Isỹ inh panh mỹ to vĩ ra tóg inh mỹ ti tỹ jẽgnẽ jafã ag jẽgnẽnh ke mũ vẽ, ũn tỹ 12 mil (ke) kãfór ẽn, ag tỹ ijy nĩgãn jé.
24201	MAT 27:3	Hã ra Judas tóg, ag tỹ ti tén ke vég mũ. Kỹ tóg vãhã ti mỹ e tĩ. Ti tỹ to jykrén mãn kỹ tóg jãnkamy tỹ 30 (ke) ẽn ma kãtĩg kỹ Topẽ tũ to pã'i ag mỹ ven mũ, kófa ag mỹ.
24207	MAT 27:9	Hã ra Topẽ vĩ tó tĩ tỹ Jeremias vỹ Judas to tag rán ja nĩgtĩ, ha mẽ: “jãnkamy tỹ 30 (ke) tỹ tóg, ẽprã ke ũ kajãm vén ke mũ, ti kaja tỹ ag mỹ há nỹn kỹ.
24244	MAT 27:46	3 (ke) óra ki Jesus tóg prẽr mũ sir, kỹ tóg: “Eli, Eli, lemá sabactani?“ he mũ. Ẽg vĩ ki tóg tag to: “Topẽ, Topẽ, ã tỹ ne jé isovãnh nẽ?“ he mũ.
24297	MRK 1:13	Kurã tỹ 40 (ke) han tóg mũ, ẽmã tũ ja tá nĩ ki. Kỹ vãhã Satanás vỹ ti tỹ ti jóg vĩ mranh han sór mũ, hã ra tóg ke tũ nĩ. Tá misu ag vỹ nẽn kã mĩ mũgtĩ gé, ẽmã tũ ja ẽn tá. Hã ra Topẽ tỹ jẽgnẽ jafã ag tóg tá ti ki rĩr mũ sir.
24332	MRK 2:3	Hã ra ũ ag tóg ũn kãnhgrĩ vyn kỹ tá junjun mũ sir. Ũ tỹ 4 (ke) ag vẽ.
24371	MRK 3:14	Ũ tỹ 12 (ke) ẽn ag kuprẽg tóg mũ sir, ag tỹ tỹ ti mré mũ tĩ nỹtĩ jé, ti tỹ ag jẽgnẽ jé, Topẽ vĩ tó jé.
24373	MRK 3:16	Ũ tỹ 12 (ke) ag hã vẽ, ha mẽ: Simão, Jesus tỹ ti jiji ũ hã vỹ: Pedro, he mũ,
24400	MRK 4:8	Ti fy ũ tóg ga há kri kutẽ mũ. Kỹ tóg ti mur kỹ mog há han mũ. Kanẽn há han tóg mũ gé. Ũ tóg kanẽ tỹ 30 (ke) han, jo ũ vỹ kanẽ tỹ 60 (ke) han, jo ũ vỹ kanẽ tỹ 100 (ke) han.
24412	MRK 4:20	Kỹ ti tỹ ga há ki krãn mũ ẽn vỹ tỹ Topẽ vĩ mẽg mũ ag nỹtĩ gé. Hej, he ag tóg mũ sir, kanẽn há han ag tóg mũ, ũ tóg kanẽ tỹ 30 (ke) han mũ, ũ tóg kanẽ tỹ 60 (ke) han mũ, ũ tóg kanẽ tỹ 100 (ke) han mũ,” he tóg.
24458	MRK 5:25	Ag mũ ra ũn tỹtá ũ fi tóg ag nón tĩ mũ. Kyvénh krỹg ja tũ han kỹ fi tóg nĩ, prỹg tỹ 12 (ke) ki.
24475	MRK 5:42	Kỹ vãhã gĩr fi tóg, nĩ kỹ kynẽ tĩ nĩ sir. Kri prỹg tỹ 12 (ke) fi nĩ. Kỹ tóg ag mỹ e tãvĩ tĩ.
24483	MRK 6:7	Kỹ tóg ũ tỹ 12 (ke) ag jé prẽr mũ. Kỹ tóg ag jẽgnẽg mũ, ũn régre tĩn', ũn régre tĩn' he tóg. Ag mỹ tóg vẽjykre nĩm mũ, ag tỹ vẽjagrẽ kórég pan jé.
24514	MRK 6:38	Kỹ tóg ag mỹ: “ẽmĩ tỹ hẽ ri ke nỹ ki nỹtĩ? Ha venh mũ jẽg,” he mũ. Ag tỹ ve kỹ ag tóg: “ũ tỹ 5 (ke) vẽ, pirã régre ke gé,” he mũ.
24516	MRK 6:40	Kỹ ag tóg vẽnhmãn kỹ nĩ', vẽnhmãn kỹ nĩ' he mũ. Ũ vỹ tóg 100 (ke) nĩ' he mũ, jo ũ tóg 50 (ke) nĩ' he mũ, ag vẽnhmãn ũ.
24519	MRK 6:43	Kẽj tỹ 12 (ke) fãn ag tóg mũ sir, ẽmĩ ke tỹ, pirã ke tỹ.
24520	MRK 6:44	Ẽmĩ ẽn ko mũ ag tóg tỹ ũn tỹ 5 mil (ke) ag nỹtĩ, ũn tỹtá fag tó tũ.
24563	MRK 7:31	Kỹ Jesus tóg ẽmã tỹ Tiro ki ga ki kutẽ mũ. Kỹ tóg ẽmã tỹ Sidom mĩ tĩ mũ gé sir. Ẽmã tỹ 10 (ke) fĩn rãm kỹ tóg ga tỹ Galiléia ki goj nig mág tá jun mũ sir.
24574	MRK 8:5	Hã ra tóg: “ẽmĩ tỹ hẽ ri ke nỹ ki nỹtĩ ge?“ he mũ. Kỹ ag tóg: “ũ tỹ 7 (ke) vỹ ki nỹtĩ,” he mũ.
24575	MRK 8:6	Kỹ tóg vẽnh kar mỹ: “nĩgnĩ ra, ga kri,” he mũ. Kỹ tóg ẽmĩ tỹ 7 (ke) ẽn mãn kỹ Topẽ mré vĩ mũ. “Inh mỹ tóg há tĩ,” he tóg. Kỹ tóg kupãg' mũ sir. Ti mré mũ tĩ ag mỹ tóg vin mũ sir, ag tỹ vẽnh kar mỹ kãnhkrén jé sir.
24577	MRK 8:8	Kỹ ag tóg ko kãn mũ sir. Funfór ag tóg mũ. Hã ra tóg kén mũ sir. Kre tỹ 7 (ke) fãn tóg mũ, ti ke ẽn ti, ag tỹ génh kỹ.
24578	MRK 8:9	Ũ tỹ 4 mil (ke) ag vẽ, hẽn ri ke mũn, ẽmĩ ko mũ ag. Kar kỹ tóg ag mỹ: “mũ nỹ,” he mũ.
24588	MRK 8:19	sỹ ẽmĩ tỹ 5 (ke) tỹ ũn e jẽn ja ẽn mĩ. Ũ tỹ 5 mil (ke) ag vỹ kó, mỹr, hã ra tóg kén. Ãjag kẽj tỹ hẽ ri ke fãn, ẽmĩ ke tỹ?“ he tóg. Kỹ ag tóg: “kẽj tỹ 12 (ke),” he mũ.
24589	MRK 8:20	Kỹ tóg: “kỹ ẽmĩ tỹ 7 (ke) to jykrén nĩ gé. Ũ tỹ 4 mil (ke) ag vỹ kó, hã ra kre tỹ hẽ ri ke vỹ fór, ti ke tỹ?“ he mũ. Kỹ ag tóg: “kre tỹ 7 (ke),” he mũ.
24609	MRK 9:2	Kurã tỹ 6 (ke) tũg kar kỹ Jesus tóg ag mỹ: “mũ nỹ, vyr mỹ,” he mũ. Pedro mỹ tóg ke mũ, Tiago mỹ ke gé, João mỹ ke gé. Ag hã mré tóg pãnónh ra tĩ mũ. Kỹ tóg ag jo vẽnh ve ũ han mũ.
24640	MRK 9:33	Kỹ ag tóg mũ mãn kỹ ẽmã tỹ Cafarnaum tá junjun mũ sir, ũ tỹ 12 (ke) ag mré. Ðn krẽm nỹtĩn kỹ tóg ag mỹ: “ẽpry jagma mũn kỹ ãjag ne tó ja nĩ?“ he mũ.
24687	MRK 10:30	“Ẽn vỹ tóg sir vẽnh kato ũ tỹ 100 (ke) venh ke mũ, ũri hã ra, hã vỹ: ẽmã kar, jãvy kar, kãke kar, ve kar, mỹnh kar, ẽpỹ kar ve jé tóg ke mũ. Hã ra ag tóg ti vóg kónãn ke mũ gé. Kar kỹ tóg vãhã sir rĩr krỹg ja tũ venh ke mũ gé,” he tóg.
24689	MRK 10:32	Kar kỹ Jesus tóg ti mré mũ tĩ ag mré tĩ nĩ sir, Jerusalém ra. Ag jãmĩ tóg tĩ nĩ. Hã ra tóg ag mỹ e tĩ. Mũmẽg ag tóg mũ sir. Kỹ tóg ũ tỹ 12 (ke) ag mỹ ti tỹ nén venh ke mũ ẽn kãmén mãn mũ, vyr mỹ.
24698	MRK 10:41	Hã ra ũ tỹ 10 (ke) ag tóg mẽg mũ, kỹ ag tóg ag to jũ mũ sir.
24720	MRK 11:11	Gen kỹ tóg Jerusalém ra rã mũ sir, Topẽ ĩn ra. Kỹ tóg nén kar ki ẽvãnh mũ, kar kỹ tóg rãké ra Betânia ra tĩg mãn mũ, ũ tỹ 12 (ke) ag mré.
24762	MRK 12:20	“Kỹ ũ tỹ jagnẽ mré pafa ja tỹ 7 (ke) ag vỹ nỹtĩ ja nĩgtĩ. Ag kãke tóg prũg mũ, hã ra tóg ti kósin tũ ra ter mũ sir.
24764	MRK 12:22	Hã ra ag kar tóg fi kósin tũ ra kãgter kãn mũ sir, ag kãke ti nón, ũ tỹ 7 (ke) ẽn ag. Kejẽn fi tóg vãhã ter mũ gé sir.
24765	MRK 12:23	Kỹ fag kãgter ja tá vỹnvỹn ke kỹ fi hỹn mén tỹ 7 (ke) nĩnh mũ vẽ. Ag kar vỹ fi tỹ prũg ja nĩgtĩ. Hã kỹ tóg vẽnh mỹ nỹ, ag tỹ: rĩr mãn jé ẽg tóg ke mũ, hen kỹ,” he ag tóg.
24784	MRK 12:42	Kỹ ũn jagtar fi vỹ tá jun mũ gé, ũn mén ter ja fi. Hã ra fi tóg jãnkamy kãsir régre hã vin mũ sir, hã vỹ: 1 centavo, he mũ.
24833	MRK 14:10	Kar kỹ Judas Iscariotes tóg tĩ mũ, Topẽ tũ ki rĩr tĩ ag mré Jesus to jykrén jé, ũ tỹ 12 (ke) ag kã ũ vẽ,
24840	MRK 14:17	Rã pur ja ra Jesus tóg ũ tỹ 12 (ke) ag mré tá jun mũ sir.
24866	MRK 14:43	Jesus tỹ ver vẽmén jẽ ra Judas Iscariotes tóg jun mũ sir. Ũ tỹ 12 (ke) ag kã ũ vẽ, Ti mré porisa ag tóg kãmũ mũ gé, rógro génh kỹ, ka kykyv génh kỹ ke gé. Topẽ tũ to pã'i ag vỹ ag jẽgnẽ, Topẽ vĩ to ẽg kanhrãn tĩ ag ke gé, kófa ag ke gé.
24920	MRK 15:25	Kusã ki 9 óra vẽ sir.
24929	MRK 15:34	3 óra ki Jesus tóg prẽr mũ sir, jamã há ra, kỹ tóg: “Eloí, Eloí, lemá sabactani?“ he mũ. Ẽg vĩ ki ẽg tóg tag to: “Topẽ, Topẽ, ã tỹ ne jé isovãnh nẽ?“ he mũ.
24951	MRK 16:9	Semana kurã ve ẽn ki Jesus tóg ti rĩr mãn kỹ, kusãg ki Maria Madalena fi mỹ vẽnh ven vén mũ, ti tỹ ũn ki vẽjagrẽ kórég tỹ 7 (ke) pan ja ẽn fi mỹ.
24956	MRK 16:14	Vãhã tóg ũ tỹ 11 (ke) ag mỹ vẽnh ven mũ gé, ag pin kỹ, ag jẽg nỹtĩ ra. Kỹ tóg ag mỹ vĩ tar han kỹ: “ãjag ne tóg ũ tỹ inh rĩr mãn vég mũ ẽn fag fi vĩ kri nĩm ja tũ nĩ',” he mũ.
24986	LUK 1:24	Kejẽn ti prũ fi tóg kufyg mũ sir, Isabel fi. Kỹ fi tóg kysã tỹ 5 (ke) ki hẽ kã tá tĩ tũ nĩ, fi mỹ sér tĩn kỹ.
24988	LUK 1:26	Isabel fi kufy nĩ ki kysã tỹ 6 (ke) vẽ sir. Kỹ Topẽ vỹ ti tỹ jẽnẽ jafã tỹ Gabriel jẽnẽ mãn mũ, ti tỹ Jesus mur ke tónh tĩg jé. Kỹ tóg ga tỹ Galiléia ra tĩ mũ, ẽmã tỹ Nazaré ra.
24998	LUK 1:36	Ha vé, ã mré ke tỹ Isabel fi vỹ kufy nĩ ha, fi kófa ra. Kysã tỹ 6 (ke) han fi tóg huri, kufy nĩ ki. Fi to ãjag tóg: kurĩ fi tóg nĩ, he tĩ vẽ, hã ra fi tóg kufy nĩ ha.
25021	LUK 1:59	Ti mur kar kỹ kurã tỹ 8 (ke) ki ag tóg ti gré fár junun kym kãmũ mũ. Kỹ ag tóg ti panh jiji tỹ ti jijin sór mũ, hã vỹ: Zacarias, he mũ.
25063	LUK 2:21	Kar kurã tỹ 8 (ke) vỹ tũg mũ. Kỹ tóg gĩr sĩ ẽn gré fár junun kym ke kurã pétẽm mũ sir. Kỹ fag tóg ti jijin kỹ ti mỹ: Jesus, he mũ. Topẽ tỹ jẽnẽ jafã vỹ ti jiji tag tó ja nĩ, ti mỹnh fi tỹ ver ti tỹ kufyg tũ ki.
25064	LUK 2:22	Kurã tỹ 40 (ke) tũg kỹ fi vãkre tóg tũ' he mũ. Moisés vỹ vãsỹ Judeu ag mỹ vẽjykre tag rán ja nĩ, fag tỹ gĩr ve kar kỹ vẽnh kykũnh ke ti.
25078	LUK 2:36	Kỹ ũ fi tóg tá nĩ gé, fi jiji hã vỹ: Ana, he mũ. Topẽ vĩ tó tĩ ũ fi vẽ. Fanuel kósin fi vẽ. Kỹ fi jógjóg ve vỹ tỹ Aser nĩ. Kófa pẽ fi nĩ ha. Fi tỹ fi mén mré prỹg tỹ 7 (ke) han kar kỹ tóg ter ja nĩ.
25079	LUK 2:37	Kỹ fi tóg vãhã prỹg tỹ 84 (ke) han mũ sir, mén tũ nĩ ki. Kurã kar ki fi tóg Topẽ ĩn hã krẽm nĩgtĩ. Tá fi tóg Topẽ tũ han nĩgtĩ. Ti mré fi tóg vẽmén tĩ, nén ũ ko mẽ kã.
25084	LUK 2:42	Jesus tỹ 12 (ke) anos han kỹ tóg fag mré tĩ mũ gé.
25095	LUK 3:1	Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.
25117	LUK 3:23	Jesus vỹ 30 anos han mũ, ti tỹ vẽnh kar mỹ Topẽ kãmén ve ki. “José kósin vẽ,” he ag tóg tĩ ti to, hã ra tóg tỹ ti kósin tũ nĩgtĩ. Eli kósin vẽ, Jesus ti, kỹ Eli ẽn vỹ tỹ ti vovô nĩ. Ti jo ke ag jigjin hã vẽ, hã vỹ: Eli,
25134	LUK 4:2	Kỹ tóg ẽmã tũ ja ra tĩ mũ sir, ga kórég ra. Tá tóg kurã tỹ 40 (ke) han mũ, ẽmã tũ ja tá. Kỹ Japo vỹ ti tỹ ti jóg vĩ mranh han sór mũ, hã ra Jesus tóg ke tũ nĩ. Jẽg tũ tóg nĩ, kurã tỹ 40 (ke) ki. Kỹ tóg kókĩr mũ sir.
25157	LUK 4:25	Ha mẽ. Elias to jykrén nĩ. Ti tỹ ga kri tĩ mũn kã Topẽ tóg ti mỹ ta kutẽ vãnh han ke tó ja nĩgtĩ. Kỹ ta tóg kutẽ vãnh han mũ, prỹg tãgtũ kri kysã tỹ 6 (ke) ki. Kỹ tóg prỹg tĩ sir, ga ẽn mĩ, vẽjẽn tóg tũ' he mũ sir.
25228	LUK 6:13	Tỹ vaj kỹ tóg ti mré mũ tĩ ag jé prẽr kãn mũ, kỹ tóg ag kã mĩ ũ tỹ 12 (ke) ag hã kuprẽg mũ. Ag to tóg: “sỹ ũn vin mũ ag,” he mũ, hã vỹ: apóstolo, he mũ.
25305	LUK 7:41	Kỹ tóg: “kejẽn patrão ũ tóg nĩgtĩ,” he mũ. “Ti mỹ rãnhrãj tĩ régre ag tóg ti mỹ név nỹtĩ. Ũn név vỹ tỹ 500 (ke) nĩ, kar ũn név vỹ tỹ 50 (ke) nĩ gé.
25315	LUK 8:1	Tag pãte Jesus vỹ ẽmã kar mĩ tĩg kãn mũ, ẽmã kãsir mĩ hã ke gé. Topẽ vĩ tó tóg tĩ mũ. Ag mỹ tóg: “Topẽ tỹ tỹ ãjag pã'i nĩ sór vẽ,” he mũ. Kỹ ũ tỹ 12 (ke) ag tóg ti mré mũ mũ.
25316	LUK 8:2	Kỹ ũn tỹtá fag tóg ti mré mũ mũ gé sir, ti tỹ fag tỹ há' hen kỹ. Ũ fag tóg kaga ja nỹtĩgtĩ. Ũ fag tóg jagrẽ kórég ja nỹtĩgtĩ gé. Hã ra tóg fag tỹ há' he kãn ja nĩ. Ũ fi vỹ tỹ Maria fi nĩ, Madalena he mũ tag fi. Jesus vỹ fi jagrẽ kórég tỹ 7 (ke) pan ja nĩ, ha mẽ.
25322	LUK 8:8	Ti fy ũ tỹ tóg ga há ki krãn mũ. Kỹ tóg mur há han mũ. Kanẽn há han tóg mũ. Kanẽ tỹ 100 (ke) han tóg mũ sir, ga há ẽn ki,” he tóg. Kỹ tóg prẽr mũ. “!..Ũ nĩgrẽg nỹtĩ tỹ tỹ jẽmẽ jé..!” he tóg, prẽr kỹ, Jesus ti.
25356	LUK 8:42	Ti kósin pir fi vỹ kaga jagy nỹ, kỹ fi kaga ẽn vỹ fi tén sór mũ. Kri prỹg tỹ 12 (ke) fi nĩ. Kỹ tóg ti mré tĩ mũ. Ti tĩg kỹ ũn e ag tóg ti nón mũ mũ.
25357	LUK 8:43	Kỹ ag kã ũ fi tóg ag pétẽm mũ. Kyvénh krỹg ja tũ han kỹ fi tóg nĩ, prỹg tỹ 12 (ke) ki. Hã ra médico ag tóg fi kaga tỹ hẽ ri ke ja tũ nĩ.
25371	LUK 9:1	Kỹ tóg ũ tỹ 12 (ke) ẽn ag jé prẽr mũ. Ag vẽnh mãn kỹ tóg ag tar han mũ sir, ag tỹ vẽjagrẽ kórég pan jé, ag tỹ ũn kagyga ag tỹ há' he jé gé.
25382	LUK 9:12	Ti tỹ ag mỹ tó jẽ ki tóg rãké nỹ sir, kỹ ũ tỹ 12 (ke) ag tóg ti mỹ: “ã tỹ ag jẽgnẽnh há tóg tĩ, ag tỹ ẽmã kar mĩ vẽjẽn kũmpra he jé, tá nũgnũr jé ke gé. Tag ki tóg ẽmã tũ nĩ,” he mũ.
25383	LUK 9:13	Hã ra tóg: “ha inhhã ag jẽn,” he mũ. Kỹ ag tóg: “hã ra ẽmĩ tỹ 5 (ke) hã vỹ ki nỹtĩ, pirã régre mré ke gé. Ẽg mỹ ag mỹ kũmpra henh mũnh mũ vó, vẽjẽn ti?” he ag tóg, Jesus mỹ.
25384	LUK 9:14	Ũ tỹ 5 mil (ke) ag vẽ mỹr, ag tãvĩ, fag mré tó tũ ra. Hã ra fag tóg tá e nỹtĩ gé, gĩr mré ke gé. Kỹ Jesus tóg ag mỹ: “ag mỹ tugtó, ag nĩgnĩ jé,” he mũ. “Ũ tỹ 50 (ke) ag tỹ vyr mỹ vẽnh mãn kỹ nĩ nĩ he jé,” he tóg.
25386	LUK 9:16	Kỹ tóg ẽmĩ tỹ 5 (ke) ẽn gég mũ, pirã régre ẽn mré. Kỹ tóg, kanhkã ki ẽvãnh kỹ Topẽ mré vĩ mũ sir. Kỹ tóg ẽmĩ vẽnh kãpópãm mũ sir. Kỹ tóg ti mré mũ tĩ ag mỹ vin mũ, ag tỹ ũn e ẽn ag mỹ kãnhkrén jé, pirã ẽn mré hã.
25387	LUK 9:17	Kỹ vẽnh kar tóg ko kãn kỹ funfór mũ sir. Kỹ ti mré mũ tĩ ag tóg ti ke ẽn gég mũ. Kẽj tỹ 12 (ke) fãn tóg.
25398	LUK 9:28	Ti tỹ tag tó kar kỹ kurã tỹ 8 (ke) vỹ tũg mũ. Kỹ tóg kejẽn ag mỹ: “mũ nỹ, vyrmỹ,” he mũ. Pedro mỹ tóg ke mũ, João mỹ ke gé, Tiago mỹ ke gé. Ag hã mré tóg tĩ mũ, pãnónh ra, Topẽ mré vẽmén jé.
25433	LUK 10:1	Kỹ Jesus tóg ũ tỹ 70 (ke) ag vin mũ gé sir, ag tỹ ti jo mũ jé. Ũn régre tĩn', ũn régre tĩn' he tóg. Ag mỹ tóg: “ẽmã kar mĩ Topẽ vĩ kãmén mũjẽg,” he mũ. Ag nón tóg ra tĩg sór mũ gé.
25500	LUK 11:26	Kỹ tóg Nén-Kórég tỹ 7 (ke) ag mỹ tónh tĩ mũ sir. “Ha kãmũ jẽg,” he jé tóg ke mũ. Kỹ ag tóg sir ũ ẽn kã ra ge mũ, tỹ ag tóg ti jagrẽ nỹtĩ mãn mũ sir, isỹ ũn mỹ ti jagrẽ pir kutẽm ja ẽn ti. Hã kỹ tóg kórég tãvĩ nĩ sir. Ti jagrẽ kórég pir kutẽm ja inh nĩ vẽ, hã ra ũ tỹ 8 (ke) ag tóg tỹ ti jagrẽ nỹtĩ ha, ti tỹ inh ki rã tũ nĩn kỹ,” he tóg.
25516	LUK 11:42	“Fariseu', Topẽ vỹ ãjag ve kónãn. Ón kỹ ãjag tóg Topẽ mỹ ãjag jakré tỹ dízimo han kãn tĩ. Ãjag jakré tỹ hortelã tỹ 10 nĩn kỹ ãjag tóg Topẽ mỹ ũn pir nĩm tĩ, ãjag jakré tỹ arruda tỹ ke gé, ãjag jakré kar tỹ mỹr. Hã ra ãjag tóg vẽjykre kuryj han tũ nĩ jãvo. Topẽ to há tũ ãjag tóg nỹtĩ, ti vĩ jẽmẽ jãvãnh ãjag tóg nỹtĩ. Ãjag tỹ ti tỹ ẽg jyvẽn ki króm mré hã ãjag jakré tỹ dízimo han kỹ tóg há tãvĩ tĩnh mũ vẽ. Hã ra ãjag tóg ki króm sór tũ nĩgtĩ,” he tóg.
25534	LUK 12:6	Sẽsĩ tỹ 5 (ke) kato ag tóg jãnkamy pir nĩm tĩ, ag tỹ ko jé. Hã ra Topẽ pijé ag kã jatun mũ'. Ag ki rĩr tóg nĩ nĩ.
25591	LUK 13:4	“Ũ tỹ 18 (ke) ẽn ag to jykrén nĩ, ũ tỹ goj tỹ Siloé tá kãgter mũ ẽn ag. Ðn téj ẽn tóg, ag kri kutẽ, hã kỹ ag tóg kãgter mũ. Jerusalém tá ke kar ag jykre ri ke ja ag tóg nỹtĩ. Ag pijé, ag jykre pãno kãfór ja nỹtĩ', ha mẽ.
25598	LUK 13:11	Hã ra ũ fi tóg tá jẽ nĩ. Jagrẽ kórég fi nĩ, hã kỹ fi tóg pãnh ke kỹ jẽ nĩ. Vẽnh ra hã fi tóg jẽ kórég nĩ, fi jagrẽ tugrĩn. Prỹg tỹ 18 (ke) han fi tóg, fi jagrẽ tỹ fi kagãg tĩ ki.
25601	LUK 13:14	Hã ra vẽnh kanhrãn jafã to pã'i tóg Jesus to jũ mũ, ti tỹ vẽnhkán ke kurã ki fi tỹ há' hen kỹ. Kỹ tóg vẽnh kar jyvẽn kỹ ag mỹ: “kurã tỹ 6 (ke) hã ki ẽg tóg rãnhrãj ke mũ ha,” he mũ. “Hã kỹ kurã tỹ 6 (ke) ẽn ki kãmũm nĩ, ti tỹ ãjag tỹ há' hen jé. Vẽnhkán ke kurã ki vẽnh kygtãg kãmũ tũg nĩ,” he tóg mũ.
25603	LUK 13:16	Kỹ tag fi vỹ se kỹ jẽ ẽn ri ke ja nĩ gé, ha mẽ. Satanás hã vỹ fi sé', prỹg tỹ 18 (ke) ki. Ẽg jógjóg ve tỹ Abraão krẽ'krẽ ũ fi vẽ. Ẽg mẽg kãfór fi tóg jẽ. Hã ra ã tóg jũ sór mũ, isỹ vẽnh kán ke kurã ki fi tỹ há' hen kỹ. Isỹ fi kavãn ri ke vẽ,” he tóg.
25641	LUK 14:19	Kỹ ũ tóg ti mỹ: “monh gé sóg, monh tỹ 5 (ke) régre,” he mũ gé. “Kỹ sóg ag venh tĩ mũ ver,” he tóg mũ gé sir.
25653	LUK 14:31	“Kar kỹ pã'i mág to jykrén nĩ gé. Pã'i ũ tỹ ti mré vẽnh génh han sór kỹ tóg ti krẽm ke ag nĩkrén vén ke mũ gé sir, vẽnh génh ke to hã. “10 mil (ke) ẽg nỹtĩ,” he jé tóg ke mũ. “Ẽg mỹ ag tỹ hẽn ri kenh mũ vỹ? 20 mil (ke) ag nỹtĩ. Ag mỹ ẽg tỹ tũ' he kãn ke tũ nĩ vỹ?” he jé tóg ke mũ.
25661	LUK 15:4	“Ũ mẽg tỹ mé vỹ tỹ ũ tỹ 100 (ke) nỹtĩ. Hã ra kejẽn ti mẽg pir tóg vãfor mũ. Kỹ tóg ti kanẽnh tĩ mũ sir, ũn e ẽn ag ré kỹ.
25664	LUK 15:7	“Kỹ tóg ge nĩ, ha mẽ. Ũ tỹ 99 (ke) ag tỹ vẽjykre kuryj han kỹ tóg há tĩ sir. Kỹ tóg kanhkã tá ke ag mỹ sér tĩ sir. Hã ra tóg sér kãfór tĩ, ũn pir tỹ ti jykre kórég tovãnh kỹ, ti tỹ ti tỹ Topẽ vĩ mranh mũ ẽn tovãnh kỹ,” he tóg Jesus ti.
25665	LUK 15:8	“Kỹ ũn tỹtá fag tóg ge nỹtĩ tĩ gé, ha mẽ. Ũ fi tóg jãnkamy tỹ 10 (ke) tỹ tũ nĩ. Kejẽn ũn pir tóg fi mỹ vãfor mũ. Kỹ fi tóg néj grug kỹ fi ĩn kã mĩ prun kãn mũ gé, jãnkamy ẽn kanẽn jé.
25695	LUK 16:6	Kỹ tóg ti mỹ: “azeite lata tỹ 100 (ke) ki inh néve jẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ ã néve térem kỹ 50 (ke) rán jé,” he mũ.
25696	LUK 16:7	Kỹ tóg ũ mỹ: “jo ã?” he mũ gé. Kỹ tóg ti mỹ: “trigo sako tỹ 100 (ke) vẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ térem kỹ 80 (ke) rán jé,” he mũ gé.
25717	LUK 16:28	5 (ke) ag nỹtĩ, inh mré pygfa ja ag. Ti tỹ ag mỹ tónh tĩg jé, ag tỹ tag ki junjun tũ nĩ jé, ag tỹ inh mré vẽsỹrénh tũ nĩ jé,” he tóg.
25732	LUK 17:12	Tá tóg ẽmã ũ ki rã mũ. Hã ra ũ tỹ 10 (ke) ag tóg ti kato kãmũ nĩ, vẽnh kaga kren vãnh hynhan kỹ nỹtĩ ag. Ag tỹ ti ve kỹ ag tóg kór há tá nỹtĩ nĩ.
25737	LUK 17:17	Kỹ tóg: “ũ tỹ 10 (ke) ag vỹ há' he kãn,” he mũ. “Hã ra ũn pir ne kyrã'. Hỹn, ũ ag, ũ tỹ 9 (ke) ẽn ag?” he tóg.
25788	LUK 18:31	Kỹ tóg ũ tỹ 12 (ke) ag jé prẽr mũ, vyrmỹ. “Ha vé, Jerusalém ra ẽg mũnh mũ, kỹ sóg tá ve kãn ke mũ, vãsỹ Topẽ vĩ tó tĩ ag tỹ iso nén rán ja ẽn ti,” he tóg.
25808	LUK 19:8	Kỹ tóg ti ĩn krẽm nĩ nĩ. Kỹ Zaqueu tóg vẽso jykrén kỹ ti mỹ vẽnh kãmén mũ. “Ha vé, isũ kuju vin jé sóg ke mũ, ũn jagtar ag mỹ. Ũ ag lograr he ja sóg nĩgtĩ, ag tũ ki, hã ra sóg ag mỹ ti kãfór nĩm sór mũ ha. Sỹ jãnkamy pir ki ũ lograr he jan ki sóg ti mỹ ũ tỹ 4 (ke) vin sór mũ,” he tóg mũ.
25813	LUK 19:13	Ti tĩg ke to hã tóg ti camarada tỹ 10 (ke) ag mỹ jãnkamy pir nĩm' nĩm' he mũ. Ag mỹ tóg: “ha inh mỹ tỹ rãnhrãj,” he mũ. “Kejẽn sóg vỹn kenh mũ, kỹ sóg ãjag rãnhrãj tugnỹm ke mũ, ti,” he tóg. Kar tóg tĩ mũ sir.
25816	LUK 19:16	Kỹ ũ tóg ti tá jun kỹ ti mỹ: “jãnkamy pir nĩm ã tóg. Hã ra sóg kri ũ tỹ 10 (ke) gỹjỹ hé,” he mũ.
25817	LUK 19:17	Kỹ tóg: “jykre há tãvĩ ã tóg nĩ,” he mũ. “Nén sĩ ki rĩr há han ã tóg, hã kỹ ã tóg ẽmã tỹ 10 (ke) ki rĩr ke mũ ha,” he tóg.
25818	LUK 19:18	Kỹ ũ tóg ti mỹ: “jãnkamy pir nĩm ã tóg, hã ra sóg kri ũ tỹ 5 (ke) gỹjỹ hé,” he mũ gé.
25819	LUK 19:19	Kỹ tóg ti mỹ: “ẽmã tỹ 5 (ke) ki rĩr jé ã tóg ke mũ ha,” he mũ gé.
25824	LUK 19:24	Kỹ tóg tá nỹtĩ ag mỹ: “ti nĩgã ti tũ mã,” he mũ. “Ũ tỹ jãnkamy tỹ 10 (ke) mãn ja ẽn mỹ nĩm, ti tũ pir ti,” he tóg mũ sir.
25877	LUK 20:29	“Kỹ ũ tỹ jagnẽ mré pafa ja tỹ 7 (ke) ag vỹ nỹtĩgtĩ. Ag kãke vỹ prũg mũ, hã ra tóg ti kósin tũ ra ter mũ.
25879	LUK 20:31	Kỹ ti jãvy ũ tóg fi tỹ prũg mũ gé, hã ra tóg ter mũ gé, ti kósin tũ ra. Gen kỹ ag tóg kãgter kãn mũ kejẽn, ũ tỹ 7 (ke) ẽn ag.
25881	LUK 20:33	Kỹ fag tỹ fag kãgter ja tá rĩnrĩr mãn kỹ fi hỹn mén tỹ 7 (ke) nĩnh mũ vẽ. Ag kar vỹ fi tỹ prũg ja nỹtĩgtĩ. Hã kỹ tóg vẽnh mỹ nỹ, ag tỹ: “rĩnrĩr mãn jé ẽg tóg ke mũ,” hen kỹ,” he ag tóg.
25963	LUK 22:30	ãjag tỹ inh mré jẽn jé tá. Kỹ ãjag tóg ãjag nĩgja kri nĩgnĩ kỹ nỹtĩnh mũ, ãjag tỹ povo tỹ Israel ag jykre tugnỹm jé, povo tỹ 12 (ke) ẽn ag,” he tóg, Jesus ti.
25980	LUK 22:47	Ti tỹ ver tỹ vẽmén jẽ ra ũn e ag tóg junjun mũ sir, Judas mré, ũ tỹ 12 (ke) ag kã ũ ẽn ti. Ti tỹ ag tatĩn kãtĩg hã vẽ, ag tỹ ti se jé. Kỹ tóg sir Jesus to grẽn ke kỹ ti ki nhun ke mũ.
26069	LUK 24:9	Kỹ fag tóg ti kej tá kãpa kỹ mũ mũ sir, ũ tỹ 11 (ke) ag mỹ tó jé, ti mré mũ tĩ kar ag mỹ ke gé.
26073	LUK 24:13	Kurã ẽn kã ti mré mũ tĩ régre ag tóg ẽmã sĩ ra mũ mũ. Jerusalém tán kakó nĩ, 12 (ke) quilômetros hỹn. Ẽmã ẽn jijin hã vỹ: Emaús, he mũ.
26093	LUK 24:33	Kỹ ag tóg vẽsỹmér Jerusalém ra vỹnvỹn ke mũ sir. Tá ag tóg ũ tỹ 11 (ke) ag vég mũ, ag mré ke ũ ag mré hã.
26152	JHN 1:39	Kỹ tóg: “mũ jé ha, ve jé,” he mũ. Kỹ ag tóg ti mré mũ mũ sir. Ti mré ag kurã ẽn tũg mũ. Rã ké ti nỹ ha, 4 óra hỹn hẽn ri ke mũn.
26170	JHN 2:6	Hã ra goj né tỹ 6 (ke) vỹ tá nỹtĩ. Pó tỹ há vẽ, goj né ẽn ti. Éhé ti nỹtĩ, balde fór tỹ 10 (ke) tỹ ẽg tóg ũn pir fãn tĩ. Judeu ag vỹ vẽnh kygpe e han tĩ, ag tỹ Topẽ mỹ há nỹtĩ jé. Hã jé goj né ẽn tóg tá nỹtĩ.
26184	JHN 2:20	Kỹ tóg ag mỹ e tĩ. “Ũ tỹ Topẽ ĩn tag han mũ ag vỹ prỹg tỹ 46 (ke) ki rãnhrãj kỹ ti han. Jãvo ã mỹ kurã tãgtũ ki ũ han sór mũ', ĩn ti'?“ he ag tóg.
26243	JHN 4:18	Ã mén ag vỹ tỹ ũ tỹ 5 (ke) ja nĩgtĩ, kỹ ã tỹ ũri ũn mré nĩ tag pijé tỹ ã mén nĩ'. Ki hã ã tóg tó mũ,” he tóg.
26260	JHN 4:35	Ãjag mỹ ti kysã tỹ 4 (ke) nĩ ver, ẽg tỹ ẽg jakré kanẽ venh ke ti. Ha Sicar tá kãmũ mũ ag vigvé. Ũri ag tóg inh ki ge sór mũ, kỹ ag tóg inh mỹ ẽg jakré tóg nỹ ẽn ri ke nỹtĩ.
26281	JHN 5:2	Tá goj nig tóg nĩgtĩ, ẽmã jy ró jãnkã rã hã. Jãnkã ẽn jijin hã vỹ: carneiro jo jãnkã, he mũ. Goj ẽn pénĩn vẽnh kaga jo ĩn tỹ 5 (ke) vỹ nỹtĩ. Goj ẽn jiji hã vỹ: Betesda, he mũ.
26284	JHN 5:5	Ẽn tá ũn kaga ũ tóg nĩgtĩ. Kaga nĩ ki tóg 38 (ke) anos han mũ.
26335	JHN 6:9	“kyrũ ũ tóg cevada tỹ ẽmĩ tỹ 5 (ke) ma kãtĩg ja nĩ, kãkufár régre mré. Hã ra tóg tỹ nén ũ tũ pẽ nĩ. E tãvĩ ag nỹtĩ,” he mũ.
26336	JHN 6:10	Hã ra tóg: “ag mỹ: nĩgnĩ ra, hé,” he mũ. Kỹ ag tóg nĩgnĩ mũ. Tá tóg re gỹnh nĩ. Ũn tỹ 5 mil (ke) ag hỹn tá nỹtĩ, ẽg tỹ ag tãvĩ tón kỹ. Hã ra fag tóg tá nỹtĩ gé, gĩr tỹ hẽn ri ke ke gé.
26339	JHN 6:13	Kỹ ag tóg kẽj tỹ 12 (ke) fãn mũ, ẽmĩ tỹ 5 (ke) ẽn ke tỹ.
26345	JHN 6:19	Mũ sĩ han ja ag nĩ ver, 5 (ke) quilômetros, hỹn, ke tũ nĩ kỹ 6 (ke), goj kri. Vãhã ag tóg ti vég mũ sir, ti tỹ goj kri tĩg kỹ. Ag ki tóg jun mũ. Kỹ ag tóg jũrũn ke mũ.
26393	JHN 6:67	Kỹ tóg ũ tỹ 12 (ke) ag mỹ: “ãjag hỹn isovãnh sór mũ gé,” he mũ.
26396	JHN 6:70	Kỹ tóg ũ tỹ 12 (ke) ag mỹ: “ãjag kuprẽg inh, hã kỹ ãjag tóg tỹ ũ tỹ 12 (ke) nỹtĩ. Hã ra ãjag kã mĩ ũn pir vỹ tỹ Japo tũ nĩ jãvo,” he mũ.
26419	JHN 7:22	Moisés tóg ẽg mỹ: “gĩr mur pãte kurã tỹ 8 (ke) ki ti gré fár kym nĩ,” he ja nĩ. Hã kỹ ãjag tóg tỹ vẽnh kán ke kurã ra kym tĩ. Kórég tũ ti nĩ. Hã ra ũ tỹ ti krẽ gré fár kym vén mũ pijé tỹ Moisés nĩ ja nĩ'. Ti jógjóg ve ja vẽ.
26507	JHN 8:57	Kỹ Judeu ag tóg ti mỹ: “50 (ke) anos han tũ ã nĩ ver,” he mũ. “Hã ra ã tóg: Abraão ve inh, he mũ. Vĩ vẽnh mỹ han ã tóg,” he ag tóg.
26609	JHN 11:17	Kỹ ag tóg Betânia tá junjun mũ. Hã ra Lázaro vỹ vẽnh kej tá nỹ nĩ. Kurã tỹ 4 (ke) vẽ sir, ag tỹ vẽnh kej tá ti fón ja kri.
26610	JHN 11:18	Hã ra ag tóg Jerusalém kakó ki nỹtĩ, 3 (ke) quilômetros hỹn, ẽmã tỹ Betânia ki.
26631	JHN 11:39	Kỹ tóg ag mỹ: “ha pó tag kunũ,” he mũ. Kỹ Marta fi, ũn ter kỹ nỹ ẽn ve fi vỹ ti mỹ: “Senhor, ti hỹn ger nỹ ha. Kurã tỹ 4 (ke) vẽ ha, ẽg tỹ ti fón ja kri,” he mũ.
26650	JHN 12:1	Fénhta tỹ Páscoa to hã ke vẽ sir, kurã tỹ 6 (ke) vỹ jy nỹ ha. Kỹ Jesus tóg Betânia ra tĩg mãn mũ, Lázaro jamã ra, ũn rĩr mãn mũ ẽn jamã ra.
26917	JHN 19:23	Kỹ soldado ag tóg Jesus tỹ ka to sãg mũ. Kỹ ag tóg ti kur mãn kỹ vẽnh kãpãm mũ. Ũ tỹ 4 (ke) ag vẽ, soldado ag, hã kỹ ag tóg ti kur tỹ vẽnh kãpãm tỹ 4 (ke) han mũ. Hã ra ti vẽnh kri fẽg ja vỹ kur pir tỹ há nĩ. Kurỹr tũ ti nĩ.
26933	JHN 19:39	Kỹ Nicodemos vỹ kãtĩ mũ gé, ũ tỹ kuty tá Jesus mré vẽmén mũ ẽn ti. Ẽn vỹ nén ger há ma kãtĩ mũ, 45 (ke) quilos vẽ mỹr. Ka tỹ mirra jẽnjo ger há vẽ, kar kó'ẽr jẽnjo mré. Ẽn ma tóg kãtĩ mũ, Nicodemos ti.
26962	JHN 20:26	Kurã tỹ 8 (ke) tũg kỹ ag tóg vẽnh mãn kỹ nỹtĩ gé, kỹ Tomé vỹ ag mré nĩ gé. Ðn jãnkã vỹ ki saven kỹ jẽ. Kỹ Jesus tóg ag mỹ vẽnh ven mãn mũ. Kỹ tóg ag mỹ: “mỹ sér nỹtĩm nĩ,” he mũ.
26975	JHN 21:8	Hã ra ag tóg ti nón barco kã mĩ mũ mũ gé. Rede ẽn raran ag tóg mũ mũ. Kakó ti nĩ ha, goj fyr ti, 100 (ke) metros hỹn.
26978	JHN 21:11	Kỹ Pedro tóg barco kã ra rã kỹ rede ẽn raran tĩ mũ, goj fyr kukãm. Hã ra tóg fór nĩ, rede ti, pirã tỹ, 150 (ke) hỹn, pirã mág tãvĩ. Hã ra rede tóg jar ja tũ nĩ, ti e tãvĩ nỹtĩ ra.
26995	ACT 1:3	Ti ter kar kỹ Jesus tóg ag mỹ vẽnh ven tỹ hẽn ri ke han ja nĩ, kurã tỹ 40 (ke) ki, ti tỹ ũn kuprẽg ja ẽn ag mỹ. Ag tỹ ti ve kỹ ti mré vẽmén kỹ ag tóg ti rĩr jẽ ki kanhrãn mũ, apóstolo ag. Ag mỹ tóg Topẽ tỹ tỹ ẽg pã'i nĩ kãmén mũ.
27007	ACT 1:15	Kejẽn Jesus mré ke tỹ hẽn ri ke ag vỹ tá nỹtĩ nĩ, vẽnh mãn kỹ, ũ tỹ 100 kri 20 (ke) hỹn.
27018	ACT 1:26	Kỹ ag tóg to joga he mũ sir, hã ra Matias tóg Judas jẽgja kã jẽ mũ. Hã kỹ tóg tỹ ũ tỹ 11 (ke) ag mré ke nĩ sir. Tỹ tóg apóstolo jẽ sir.
27032	ACT 2:14	Kỹ Pedro tóg ũ tỹ 11 (ke) ag mré jẽgnẽ kỹ jamã há ra ag mỹ: “inh kanhkã',” he mũ. “Jerusalém tá ke'! Jẽmẽ há han ra, sỹ ãjag mỹ nén tó mũ ti,” he tóg.
27059	ACT 2:41	Ũ tỹ ti vĩ han mũ ag kygpég ag tóg mũ sir. Kurã ẽn kã ũn kygpe kỹ nỹtĩ ag vỹ tỹ ũ tỹ 3 mil (ke) nỹtĩ hỹn, hẽn ri ke mũn.
27066	ACT 3:1	Kejẽn Pedro mré João ag tóg Topẽ ĩn ra mũ mũ, meio dia pãte 3 óra ki. Judeu ag tỹ Topẽ mré vĩ jafã vẽ, hã vỹ: 3 óra, he mũ.
27095	ACT 4:4	Hã ra ũ tỹ hẽn ri ke ag tóg Pedro ag vĩ mẽ kỹ kri fi ja nĩgtĩ. Ũ tỹ 5 mil (ke) ag vẽ, Jesus ki ge kỹ nỹtĩ ag, ũn tỹtá fag mré tó tũ.
27113	ACT 4:22	Hã ra ũn kãnhgrĩ ja ẽn tóg tĩ nĩ sir. 40 (ke) anos kãfór han tóg, kỹ Topẽ tóg ti tỹ há' hé.
27135	ACT 5:7	3 óra tũg kỹ ti prũ fi tóg mĩ kãtĩ mũ gé. Hã ra fi tóg fi mén ter mẽ ja tũ nĩ ver.
27164	ACT 5:36	“Pedro ag jo ke ũ tóg jẽ ja nĩ gé, ti jiji hã vỹ: Teudas, he mũ. Ti hã ne tóg vẽsỹ pã'i mág han ja nĩ, kỹ ũ tỹ 100 tỹ 4 (ke) ag vỹ ti nón mũ kỹ ti tén ja nĩgtĩ sir. Kỹ ũ tỹ ti vĩ han mũ ag tóg tã mĩ mũ ja nĩ, kỹ tóg tũ' he mũ.
27172	ACT 6:2	Kỹ ũ tỹ 12 (ke) ag tóg mẽg mũ, Jesus tỹ ũn vin mũ ag. Kỹ ag tóg Jesus mré mũ kar ag jé prẽr mũ. Kỹ ag tóg: “Ẽg tũ hã vẽ, hã vỹ ẽg tỹ tỹ Topẽ vĩ tó tĩ nỹtĩ,” he mũ. “Ẽg tỹ vẽjẽn ki rĩr kỹ ẽg tóg kutar nỹtĩ.
27173	ACT 6:3	Kỹ ũ tỹ 7 (ke) ag vin nĩ, ũn kãme kórég tũ ag, ũn jykre há ag, ũ tỹ Topẽ kuprĩg tỹ jagrẽ nĩ ẽn ag,” he ag tóg. “Ẽn ag mỹ ẽg tóg vẽnh rãnhrãj tag nĩm ke mũ, ag tỹ vẽjẽn ki rĩr jé.
27191	ACT 7:6	Kỹ Topẽ tóg ti mỹ: ã krẽ ag tỹ fóg ũ ag mré mũnh ke vẽ, fóg ẽn ag jamã ra, he mũ. Ag tỹ ag mré rãnhrãj ke vẽ, kỹ ag tóg ag vóg kónãn ke mũ, prỹg tỹ 100 tỹ 4 (ke) ki, he tóg.
27193	ACT 7:8	“Kỹ tóg ti mỹ vẽjykre nĩm mũ, ti tỹ ti krẽ ag gré fár junun kym jé. Topẽ tỹ ag rán han hã vẽ. Kar kỹ Abraão tóg Isaque han mũ. Ti tỹ kurã tỹ 8 (ke) han kỹ tóg ti mỹ kym mũ. Isaque tỹ Jacó han kỹ tóg hã han mũ gé, kỹ Jacó tóg hã han mũ gé, ti tỹ ti krẽ tỹ 12 (ke) ẽn ag han kỹ, ẽg tỹ ũ to: “ẽg jógjóg kar“, he mũ ẽn ag.
27199	ACT 7:14	Kỹ José tóg ti panh tỹ Jacó jé prẽr mũ, ti tỹ vẽnh kar tatĩn kãtĩg jé. Ũ tỹ 70 kri 5 (ke) ag vẽ, ti kanhkã ag.
27208	ACT 7:23	“Vãhã tóg prỹg tỹ 40 (ke) han mũ. Kỹ tóg ti kanhkã pẽ ag to jykrén mũ, ti povo tỹ Israel to, ag tỹ nén han mũ venh tĩg jé.
27215	ACT 7:30	Prỹg tỹ 40 (ke) tũg kỹ Topẽ tỹ jẽnẽ jafã vỹ ti mỹ vẽnh ven mũ, ti tỹ ẽmã tũ ja mĩ tĩ mũ ra, krĩ tỹ Sinai tá. Vãnh gru ki tóg ti vég mũ.
27221	ACT 7:36	Moisés tóg sir ẽg tỹ nén han vãnh hynhan, ga tỹ Egito tá, goj kafã tũ tá ke gé, goj kusũg he mũ ẽn tá ke gé. Kỹ ag tóg ẽmã tũ mĩ mũ mũ, prỹg tỹ 40 (ke) ki, ti kanhkã ag. Kỹ tóg tá ẽg tỹ nén han vãnh hynhan mũ gé, ti tỹ ag jo tĩn kỹ,” he tóg.
27227	ACT 7:42	Hã ra Topẽ tóg vẽnh kaja jé ag tovãnh mũ gé, hã kỹ ag tóg rã to jãnjãn mũ, kysã to, krĩg kar to ke gé. Hã kỹ Topẽ vĩ tó tĩ ũ tóg ag to rán mũ gé, kỹ tóg: Judeu', he mũ. Ãjag tỹ prỹg tỹ 40 (ke) ki ẽmã tũ ja mĩ mũn kỹ ãjag tóg inh mỹ nén ũ pũn ja tũ nĩgtĩ, hã ra ãjag tóg topẽ ũ ag mỹ kugprũn ja nĩgtĩ, he tóg.
27318	ACT 9:33	Tá ũ tóg nỹ nĩ, ti jijin hã vỹ: Enéias, he mũ. Kãnhgrĩn kỹ tóg nỹ nĩ. 8 anos (ke) han tóg, kãnhgrĩn kỹ nỹ ki.
27329	ACT 10:1	Ẽmã tỹ Cesaréia tá ũ tóg nĩ nĩ, ti jiji hã vỹ: Cornélio, he mũ. Soldado tỹ 100 (ke) ag to pã'i vẽ, ag tỹ ũ to: ga tỹ Itália tá ke ag, he mũ ẽn ag to capitão vẽ.
27331	ACT 10:3	Ẽn tóg nén nẽ vég mũ, 3 óra ki, ti nũr tũ ra. Kỹ tóg Topẽ tỹ jẽnẽ jafã jun vég mũ. Kỹ tóg ti mỹ: “Cornélio',” he mũ, Topẽ tỹ jẽnẽ jafã ti.
27340	ACT 10:12	Hã ra misu kar tóg kur ẽn kã ki nỹtĩ nĩ. Fa tỹ 4 (ke) kar tóg nỹtĩ, ũ tóg ti nug kri mũgtĩ gé, sẽsĩ kar ke gé.
27358	ACT 10:30	Kỹ Cornélio tóg ti mỹ: “4 dias vẽ ha, ũri,” he mũ. “Kỹ sóg inh ĩn krẽm Topẽ mré vĩnh ke nĩ nĩ, jẽg tũ nĩn kỹ. 3 óra vẽ. Kỹ sóg ũ vég nĩ nĩ. Ti kur tóg kókov nĩ.
27382	ACT 11:6	Kỹ sóg kã ki ẽvãnh mũ, kỹ sóg misu kar vég mũ, fa tỹ 4 (ke) tóg nỹtĩ, nẽn tãn ag mré hã, ag nug kri mũ tĩ ag mré hã, sẽsĩ kar mré hã.
27388	ACT 11:12	Kỹ Topẽ kuprĩg tóg inh mỹ: “ha jatun mỹ ag mré tĩg,” he mũ. Kỹ tag ag tóg inh mré mũ mũ, ũ tỹ 6 (ke) tag ag, Jesus mré ke tag ag. Kỹ ẽg tóg fóg ẽn ĩn kã ra ge mũ sir.