23215	MAT 1:2	Abraão vỹ Isaque han. Kỹ Isaque vỹ Jacó han. Kỹ Jacó vỹ Judá han, ti mré ke ag ke gé.
23224	MAT 1:11	Kỹ Josias vỹ Jeconias han, ti jãvy ag ke gé. Israel ag tỹ ẽmã tỹ Babilônia ra sigse kỹ mũ mũ ẽn kã tóg ag hynhan.
23240	MAT 2:2	Ag tỹ Jerusalém tá junjun kỹ ag tóg sir: “ũ tỹ ũri mur mũ tag vỹ tỹ Israel ag pã'i mág nĩnh ke mũ,” he mũ. “Ti kri ẽg krĩg vé, ẽg tỹ ẽg jamã tá nỹtĩn kỹ. Ẽg tỹ ti mỹ nén ũ há gé kãmũ vẽ,” he ag tóg.
23258	MAT 2:20	Kỹ tóg ti mỹ: “ũn sĩ va tĩg, ti mỹnh fi mré, ga tỹ Israel ra. Ũ tỹ ti tén sór mũ ẽn vỹ hur ter,” he mũ.
23264	MAT 3:3	Hã ra Isaías tóg tag rán ja nĩ: “ẽmã tũ ja tá tóg jẽnh ke mũ, ga kórég tá. Tá tóg ag mỹ jamã há ra: ”ẽg Senhor kãtĩg ke jo vẽnh jãnhkrigkrig nĩ,” henh ke mũ. “Ẽpry kurég ãjag tóg tĩ, ãjag pã'i mág jun ken kỹ. Kỹ tag ri ke han nĩ. Ãjag jykre pãno tugvãnh nĩ,” he jé tóg ke mũ,” he ja tóg nĩ, Isaías ti. Ti tỹ João mur to hã ti kãmén jan hã vẽ.
23272	MAT 3:11	Kỹ tóg vẽnh kar mỹ: “goj hã tỹ sóg ãjag kygpég tĩ, ãjag tỹ ãjag jykre pãno tovãnh kỹ,” he mũ. “Cristo tóg inh nón kãtĩg ke mũ. Kỹ ti hã tóg Topẽ kuprĩg tỹ ãjag jagrẽ han ke mũ. Kỹ tóg tỹ pĩ ve nĩ. Ti tỹ ãjag kygpenh ken hã vẽ. Inh kãfór ti nĩ, jãvo sóg tỹ ti krẽm ke pẽ nĩ,” he tóg.
23275	MAT 3:14	Hã ra tóg João mỹ e tĩ, kỹ tóg ti mỹ: “ã hã tỹ inh kypenh ke vẽ vẽ,” he mũ. “Inh mỹ tóg e tĩ, ã tỹ inh mỹ: ha inh kypé, hen kỹ,” he tóg mũ.
23278	MAT 3:17	Kỹ vẽnh vĩ tóg mẽ há tĩ, kanhkã tá, kỹ tóg: “inh kósin pir vẽgtĩ,” he mũ. “Inh fe pẽ vẽgtĩ,” he tóg.
23292	MAT 4:14	Hã ra tag tóg rán kỹ nĩ gé. Vãsỹ Topẽ vĩ tó tĩ tỹ Isaías tóg:
23293	MAT 4:15	“Zebulom ag jamã tá ti nĩnh mũ, Naftali ag jamã tá, goj nig mág tá, goj tỹ Jordão mã tá. Fóg ag jamã tá ti nĩnh mũ, Israel tũ ag jamã tá, ũ tỹ Topẽ ki kagtĩg ag jamã tá, goj nig mág tỹ Galiléia fyr ki.
23326	MAT 5:23	“Ã tỹ Topẽ ĩn krẽm ti mỹ nén ũ pũn sór kỹ, vẽso jykrén vén nĩ. “Inh mỹ ũ to jũ tũ nĩ vỹ? Ũ mỹ iso jykrén kónãn tũ nĩ vỹ?” hem nĩ.
23347	MAT 5:44	Isỹ ũri ãjag jyvẽn hã vẽ, ha mẽ: ũ tỹ ãjag kato vãsãnsãn mũ ag to há nỹtĩm nĩ, ũ tỹ ãjag vóg kónãn mũ ra ag to Topẽ mré vĩm nĩ, fag to ke gé.
23376	MAT 6:25	“Hã kỹ sóg ãjag mỹ tó mũ. Ãjag tỹ nén ve sór mũ to krĩ kufy han tũg nĩ. “Inh hỹn ũri ne konh mũ', inh hỹn ne tunh mũ'?” he tũg nĩ. Topẽ tỹ ẽg han ja vẽ mỹr, ẽg tỹ ga kri mũ jé. Hã kỹ tóg ẽg mỹ ẽg tỹ konh ke mũ ven tĩ gé sir, ẽg kur ti ke gé.
23382	MAT 6:31	Krĩ kufy han tũg nĩ. “Inh hỹn ne konh mũ'? Inh hỹn ne kron mũ'? Inh hỹn ne tunh mũ'?“ he tũg nĩ.
23420	MAT 8:6	Kỹ tóg ti mỹ: “Senhor,” he mũ. “Inh camarada tóg nỹ nĩ, inh ĩn tá. Kãnhgrĩn kãn kỹ tóg nỹ, hã ra tóg kaga jagy nỹ gé,” he tóg.
23423	MAT 8:9	“Ha vé, tỹ sóg pã'i krẽm ke nĩ gé, kỹ soldado ag tóg tỹ inh krẽm ke nỹtĩ gé. Hã kỹ sóg pã'i jykre ki kanhró nĩ. Isỹ soldado ũ mỹ: kutĩg, hen kỹ tóg tĩ mũ. Sỹ ti mỹ: kunĩg, hen kỹ tóg kãtĩ mũ gé. Isỹ inh camarada mỹ: tag han ra, hen kỹ tóg han tĩ. Inh vĩ tỹ sóg ag jẽgnẽg tĩ. Ã vĩ hã tỹ ã tóg ti tỹ há' henh ke mũ,” he tóg.
23424	MAT 8:10	Kỹ tóg ti mỹ e tĩ. Kỹ tóg ti mré mũ ag mỹ: “ha mẽ, Israel ag vỹ ti ri ke tũ nỹtĩ,” he mũ. “Ki kanhró tóg nĩ mỹr, kỹ tóg inh ki rã kỹ jẽ. Ge ve ja tũ sóg nĩ,” he tóg.
23425	MAT 8:11	“Ha vé, ũ tỹ hẽn ri ke ag vỹ kãmũnh ke mũ, rã jur ja tá, rã pur ja tá ke gé. Abraão mré ag tóg ũ tỹ kanhkã tá nĩ ẽn tỹ tỹ ẽg pã'i nĩ venh ke mũ, Isaque mré, Jacó mré ke gé. Topẽ tóg ag ki rĩr ke mũ.
23426	MAT 8:12	Ag jãvo Israel krẽ'krẽ ag tóg, kuty ki vár ke mũ. Ag tỹ ũ tỹ kanhkã tá nĩ ẽn tỹ tỹ ẽg pã'i nĩ venh ke vẽ vẽ, hã ra ag tóg venh ke tũ nĩ. Kỹ ag tóg vẽsỹrénh ke mũ, ag jã tỹ ag tóg gángán kenh mũ, vẽso jũn kỹ, fag ke gé,” he tóg, Jesus ti.
23427	MAT 8:13	Kỹ tóg capitão mỹ: “Inh ki rã kỹ ã tóg jẽ nĩ,” he mũ. “Hã kỹ ã tóg venh ke mũ sir. Ã camarada tỹ inh hur há' hé,” he tóg. Kỹ tóg tĩ mũ sir. Jesus tỹ ti mỹ tó mũ ẽn hã kã tóg há' he ja nĩ.
23431	MAT 8:17	Hã ra tag tóg rán kỹ nĩ gé. Vãsỹ Topẽ vĩ tó tĩ tỹ Isaías vỹ tag rán ja nĩ, ha mẽ: “ẽg kaga nỹtĩn kỹ tóg ẽg tỹ há' há' he tĩ, ti tỹ ẽg jagfy jagtar tugrĩn,” he ja tóg nĩ.
23436	MAT 8:22	Kỹ tóg ti mỹ: “vó,” he mũ. “Ti kénh tĩ tũg,” he tóg. “Inh mré kãtĩg. Inh ki ge tũ ag vỹ ã panh kej han mũnh mũ,” he tóg.
23454	MAT 9:6	“Isỹ ãjag mỹ inh jykre ven sór vẽ. Tỹ sóg ẽprã ke fi kósin nĩ. Tá sóg krỹg ke mũ, Topẽ vĩ mranh tỹ vẽnh pãte fón ke tá. Hã kỹ sóg ũn kãnhgrĩ mỹ: nĩ ra, jẽg ra, ã kur gé tĩg, ã ĩn ra, he mũ,” he tóg.
23461	MAT 9:13	“Ha vé, Topẽ vĩ tag to jykrén, ha mẽ. “Ãjag tỹ jagnẽ jagãgtãn kỹ tóg, inh mỹ há tĩ inhhã. Ãjag tỹ inh mỹ nén ũ pũn kãfór tóg nĩ,” he tóg. Hã kỹ jagnẽ jagãgtãn nĩ, jagnẽ to vĩ tũg nĩ,” he tóg. “Inh pijé, ũ tỹ vẽjykre kuryj han mũ ag mỹ: ãjag jykre tovãnh nĩ, he sór tĩ'. Ũ tỹ Topẽ vĩ mranh tĩ ẽn ag hã mỹ sóg: ãjag jykre kórég tovãnh nĩ, he sór tĩ,” he tóg, Jesus ti.
23490	MAT 10:4	Simão ke gé, ag tỹ ũ to: Zelote, he mũ tag ti, kar kỹ Judas Iscariotes ke gé, ũ tỹ vẽnh kar vatánh tá pã'i ag mỹ Jesus fẽg mũ tag ti.
23492	MAT 10:6	“Israel ag tãvĩ mỹ tóm nĩ ver. Topẽ mỹ ag tóg tỹ carneiro vãgfor mũ ri ke nỹtĩ, kỹ ag hã mỹ tóm nĩ ver,” he tóg.
23496	MAT 10:10	Kỹ sako ma mũ tũg nĩ gé, bolsa ẽn. Kur tỹ vẽnh kri rĩnh tũg nĩ, pẽn né ũ gé mũ tũg nĩ gé, pẽn to ró ẽn. Kỹ vãtó va mũ tũg nĩ gé, kãtó ti. Inh rãnhrãj han ãjag tóg mũ. Kỹ ag tóg to ãjag jẽn ke mũ, vẽnh kato, ha vem nĩ,” he tóg.
23504	MAT 10:18	Fóg tỹ pã'i mág mỹ ag tóg, ãjag ven ke mũ, pã'i mág ũ ag mỹ ke gé. Isugrĩn ãjag tóg, vẽnh jagtar tag venh ke mũ, ãjag tỹ ag mỹ inh vĩ ti tó jé, fóg ag kar mỹ, kanhgág ag kar mỹ ke gé.
23509	MAT 10:23	“Ag tỹ ẽmã ũ tá ãjag vóg kónãn kỹ ẽmã ũ ra pétẽm nĩ. Ki hã sóg tó mũ, ha mẽ. Israel ag jamã fĩn rãm kãn ke tũ ãjag tóg nĩ, kurã ẽn kã. Sĩ ti nĩ, ag tỹ ãjag vóg kónãn ke kurã ẽn ti. Kãtĩg jé sóg ke mũ, ag tỹ gen kỹ ãjag vóg mũ ra. Tỹ sóg ẽprã ke fi kósin nĩ, mỹr, ha mẽ.
23511	MAT 10:25	Ũn vẽnh kanhrãn mũ tỹ ũ tỹ ti kanhrãn mũ ri ke nĩn kỹ tóg há tĩ. Ũn camarada tỹ ti patrão ri ke nĩn kỹ tóg há tĩ gé. Iso ag tóg: Belzebu, he ja nĩgtĩ, inh kato vãsãnsãn mũ ag, hã vỹ: Japo, he mũ. Tỹ sóg ũ tỹ ãjag kanhrãn mũ ri ke nĩ, ãjag patrão ri ke. Ag tỹ iso: Japo, hen kỹ ag tóg ãjag to vĩ kónãn mũ gé, ha vem nĩ, ãjag tỹ inh jykre hã han ti kỹ,” he tóg, Jesus ti.
23513	MAT 10:27	Isỹ vẽnh kar vatánh tá ãjag mỹ nén tó mũ tag tỹ vẽnh kar mỹ tó kãn nĩ. Isỹ komẽr hã ãjag mỹ nén tó mũ tag tỹ vẽnh kar mỹ jamã há ra tóm nĩ.
23523	MAT 10:37	Iso há kãfór nỹtĩm nĩ, ãjag han mũ fag kri, ke tũ nĩ mũ ra ãjag tóg inh mỹ há tũ nỹtĩ. Iso há kãfór nỹtĩm nĩ, ãjag krẽ kri, ke tũ nĩ mũ ra ãjag tóg inh mỹ há tũ nỹtĩ.
23524	MAT 10:38	Isỹ inh krunh va tĩg ẽn ri ke han nĩ gé, isỹ tá ter ke ẽn ti, hã vỹ: iser ẽn ri ke han sór mũ, he mũ. Ke tũ nĩ mũ ra ãjag tóg inh mỹ há tũ nỹtĩ.
23553	MAT 11:25	Kỹ tóg: “jóg',” he mũ. “Tỹ ã kanhkã tãn ag kãfór kar nĩ, kar kỹ ã tỹ ẽprã ke ag kãfór kar nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: ki kanhró mág inh nĩ, he mũ ag mỹ ã tóg, ã jykre ven ja tũ nĩ. Ag mỹ ã tóg kãmén ja tũ nĩ gé. Ũ tỹ gĩr ri ke ki kagtĩg ag hã mỹ ã tóg ven ja nĩ, ã jykre ti,” he tóg.
23555	MAT 11:27	Kỹ tóg ag mỹ: “inh jóg tóg, inh mỹ tovãnh kãn, ti tỹ nén han mũ kar ẽn ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé inh jóg ki kanhró nĩ gé'. Inh hã ne ti ki kanhró nĩ', isỹ tỹ ti kósin nĩn kỹ. Hã ra sóg ãjag mỹ ti kãmén jé kãtĩ mũ, sỹ ũn kuprẽg mũ ag mỹ, fag mỹ ke gé“ he tóg.
23557	MAT 11:29	“Inh mré kãmũ jẽg. Ãjag kanhrãn jé sóg ke mũ. Komẽr hã sóg vĩ tĩ. Inh pijé vẽsỹ ũn mág han tĩ'. Vĩ tar han vãnh sóg nĩ. Ãjag tỹ iso kãmũ kỹ ãjag krĩ vỹ há' henh mũ, ha vem nĩ.
23558	MAT 11:30	Ijykre pijé kufy nĩ'. Isỹ ãjag mỹ nén tó mũ pijé han kórég nĩ',” he tóg.
23575	MAT 12:17	Hã ra tag tóg rán kỹ nĩ gé. Vãsỹ Topẽ vĩ tó tĩ tỹ Isaías vỹ Jesus to tag rán ja nĩ,
23576	MAT 12:18	ha mẽ: “sỹ ũn kuprẽg mũ ẽn, he tóg, Topẽ ti. Inh mỹ rãnhrãj tĩn hã vẽ. Inh fe pẽ vẽgtĩ, sỹ ti ve kỹ tóg inh mỹ sér tĩ. Ti hã mỹ sóg inh kuprĩg jẽnẽnh ke mũ, kỹ tóg inh vĩ tónh ke mũ sir, fóg ag mỹ, kanhgág ag mỹ ke gé, isỹ ag jykre tugnỹm ke ti, he tóg, Topẽ ti.
23579	MAT 12:21	Ẽn kã ũ tỹ ti ki ge kỹ nỹtĩ ag hã vỹ krenkren ke mũ, fóg ag mré hã, kanhgág ag mré hã ke gé, he tóg, Topẽ ti,” he ja tóg nĩ, Isaías ti, Jesus to.
23602	MAT 12:44	Kỹ tóg vãhã to jykrén kỹ: “inh jé hỹn tĩg mãn ha, sỹ ũ tá kãkutẽ ja ẽn ra. Inh mỹ tóg tỹ ĩn ri ke ja nĩ,” he mũ. Kỹ tóg ti venh tĩ mũ sir. Hã ra tóg krĩ há nĩ, kỹ tóg ti mỹ ĩn há ri ke nĩ sir, ĩn prur, ĩn kuprã, ĩn sĩnvĩ ri ke.
23606	MAT 12:48	Kỹ tóg ũ tỹ ti mỹ tó mũ ẽn mỹ: “mẽ',” he mũ. “Inh mỹnh fi mỹ'? Inh jãvy ag mỹ'?“ he tóg.
23622	MAT 13:14	Hã ra Isaías tóg tag rán ja nĩ gé, ha mẽ. “Mẽ jé ãjag tóg ke mũ, ón kỹ, hã ra tóg ãjag tỹ to jykrén tũ tĩnh mũ, hã kỹ ãjag tóg ki kagtĩg nỹtĩnh mũ.
23623	MAT 13:15	Povo tag ag vỹ, krĩ tũ nỹtĩ. Nĩgrẽg kutu ag nỹtĩ. Kanẽ kyvó ag nỹtĩ gé, ag tỹ inh ki ge sór tũ nỹtĩn kỹ. Hã kỹ sóg ag tỹ há' henh ke tũ nĩ gé,” he tóg, Topẽ ti, he ja tóg nĩ, Isaías ti, povo tag to,” he tóg.
23643	MAT 13:35	Hã ra tóg rán kỹ nĩ gé. Vãsỹ Topẽ vĩ tó tĩ ũ tóg Jesus to tag rán ja nĩ, ha me: “nén tỹ hẽn ri ke kãmén jé sóg ke mũ. Inh jo tó ja tũ ẽn tó jé sóg ke mũ. Ũ vỹ tag mẽ ja tũ nĩ ver, sỹ tónh ke mũ tag,” he ja tóg nĩ, Topẽ vĩ tó tĩ ẽn, Jesus to.
23645	MAT 13:37	Kỹ tóg ag mỹ: “ẽprã ke fi kósin vỹ nén ũ fy krãn mũ. Inh hã vẽ,” he mũ.
23688	MAT 14:22	Kỹ tóg ti mré mũ tĩ ag mỹ tó mũ, ag tỹ canoa kã mĩ mũ jé, ag tỹ ti jo kafã ũ ra mũ jé. “Isỹ ver ũn e tag ag mỹ: ha mũjẽg, henh ke vẽ,” he tóg ag mỹ.
23709	MAT 15:7	“Jykre régre ãjag nỹtĩ, ha mẽ. Hã kỹ Isaías vỹ ãjag to vĩ ja nĩgtĩ, ti tỹ tag tó kỹ, ha mẽ.
23711	MAT 15:9	“Fagrĩnh mỹ ag tóg iso grĩnhgrĩnh ke tĩ, hã ra ag tóg ẽprã ke ag jykre to: Topẽ tỹ tón hã vẽ, he tĩ,” he ja tóg nĩgtĩ, Isaías ti. Ki hã tóg tó ja nĩ, ãjag to, ãjag jykre régre nỹtĩn kỹ,” he tóg, Jesus ti.
23724	MAT 15:22	Ti tỹ tá jun kỹ fóg ũ fi tóg ti venh kãtĩ mũ. Ga tỹ Canaã tá ke fi vẽ. Kỹ fi tóg Jesus tá jun kỹ prẽr mũ. “!..Senhor, Davi krẽ'krẽ..!“ he fi tóg. “!..Inh jagãgtãn ra..!“ he fi tóg. “!..Inh kósin fi vỹ jagrẽ kórég tãvĩ nĩ, inh mỹ tóg ã tỹ fi mỹ kutẽm há tĩ..!“ he fi tóg, prẽr kỹ.
23726	MAT 15:24	Hã ra tóg ag mỹ: “hỹ,” he mũ. “Topẽ vỹ inh jẽnẽ, sỹ Israel ag hã tỹ há' he jé, ũ tỹ Israel kã mĩ Topẽ vĩ mranh mũ ag tỹ,” he tóg. Hã ra fi tóg tỹ fóg nĩ, hã kỹ Jesus tóg fi ve sór tũ nĩ.
23764	MAT 16:23	Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.
23765	MAT 16:24	Kỹ tóg ti mré mũ tĩ ag mỹ: “ãjag tỹ inh mré kãmũ kỹ tóg há tĩnh mũ,” he mãn mũ. “Kỹ ãjag jykre tovãnh nĩ, ãjag tỹ isũ hã han jé. Ha vé, ag tỹ inh krunh tỹ inh kri fi kỹ sóg tĩg ke mũ, ag tỹ to isa kỹ isén jé, ha vem nĩ. Vẽnh nenh ke tũ sóg nĩ. Isỹ tag han ri ke han nĩ, ãjag tỹ inh mré mũ sór kỹ,” he tóg.
23769	MAT 16:28	Ha vé, ki hã sóg tó mũ. Ãjag kã mĩ ũ ag tóg Topẽ tỹ tỹ ẽg pã'i nĩ venh ke mũ, ag ter ke to hã, tag ki ẽg mré nỹtĩ ũ ag. Ẽprã ke fi kósin ẽn ve jé ag tóg ke mũ, ti tỹ tỹ pã'i nĩ ti. Inh hã vẽ,” he tóg, Jesus ti.
23778	MAT 17:9	Kỹ ag tóg pãnónh tá kãre mũ sir. Ag mũn kỹ Jesus tóg ag mỹ: “ker ũ mỹ tó hẽ', ãjag tỹ ũri nén vég mũ tag ti. Isỹ iser ja tá vỹn ke kar hã kãmén nĩ,” he mũ.
23784	MAT 17:15	“Senhor,” he mũ. “Inh kósin jagãgtãn nĩ. Ter tĩ han tĩ tóg nĩgtĩ, to tóg jagtar tĩ. Kejẽn tóg pĩ ki kutẽ tĩ, ter tĩ ẽn han kỹ, kejẽn tóg goj ki kutẽ tĩ gé.
23786	MAT 17:17	Kỹ Jesus tóg ti mỹ: “ã ne tóg inh ki rã há han ja tũ nĩ',” he mũ. “Topẽ tóg ã mỹ krój nĩ ve nĩ, inh mỹ tóg e tĩ, sỹ ãjag to krónh kenh ha mẽ tóg tĩ. Inh mỹ kyrũ pére kãtĩg,” he tóg.
23791	MAT 17:22	Kejẽn ag tóg ga tỹ Galiléia tá nỹtĩ. Kỹ Jesus tóg ag mỹ: “ẽprã ke fi kósin vỹ jagtar nĩnh mũ. Inh hã vẽ,” he mãn mũ. “Ẽprã ke ag vỹ ag tỹ inh ki nén han sór mũ ẽn han ke mũ.
23793	MAT 17:24	Kỹ ag tóg mũ mãn kỹ ẽmã tỹ Cafarnaum tá junjun mũ sir. Kỹ imposto kaja mãg tĩ ag tóg Pedro mỹ vĩ mũ, Topẽ ĩn jé imposto mãg tĩ ag. Imposto ẽn kaja hã vỹ: jãnkamy régre, he mũ. Pedro mỹ ag tóg: “ãjag Senhor mỹ kajãm tũ nĩgtĩ'?“ he mũ.
23806	MAT 18:10	“Hã kỹ gĩr to é he tũg nĩ. Ũ tỹ ag ki rĩr mũ ag vỹ kanhkã tá nỹtĩ, mỹr, ha mẽ. Topẽ tỹ jẽgnẽ jafã ũ ag vẽ. Inh jóg mré ag tóg nỹtĩ, ti vég ag tóg nỹtĩ.
23816	MAT 18:20	“Kejẽn ãjag kã mĩ ũn régre ag vỹ iso vẽmén ke mũ, kejẽn ũn tãgtũ ag. Inh jiji tó jé ag tóg vẽnh mãn ke mũ, fag ke gé. Kỹ sóg ag mré nĩ nĩ sir, fag ke gé, ag tỹ inh vég tũ ra. Hã kỹ Topẽ tóg ag mỹ han ke mũ,” he tóg.
23832	MAT 19:1	Kỹ Jesus tóg ag mỹ tó kãn ja nĩ, ti tỹ nén tó sór mũ ti. Kỹ tóg Galiléia tá kãkutẽ kỹ goj tỹ Jordão mãra tĩ mũ sir. Israel ag jamã ũ vẽ gé.
23847	MAT 19:16	Hã ra vãhã ũ tóg ti tá jun kỹ ti mỹ: “Senhor, há ã tóg jẽ,” he mũ. “Sỹ inh rĩr krỹg ja tũ venh há tóg tĩ. Isỹ ve jé inh hỹn vẽjykre há tỹ ne han ke mũ?“ he tóg.
23859	MAT 19:28	Kỹ Jesus tóg: “sỹ ke há vẽ,” he mũ. “Inh mré ãjag tóg mũ mũ. Tỹ sóg ẽprã ke fi kósin nĩ. Kejẽn sóg inh nĩgja kri nĩnh mũ, isỹ vẽnh kar jykre tugnỹm jé. Sĩnvĩ inh nĩnh mũ, kurã ẽn kã. Kỹ ãjag tóg ãjag nĩgja kri nĩgnĩ kỹ nỹtĩnh mũ gé, nĩgja tỹ 12 (ke) kri, ãjag tỹ povo tỹ Israel tỹ 12 (ke) ag jykre tugnỹm jé,” he tóg.
23874	MAT 20:13	Kỹ tóg ag kã mĩ ũ mỹ: “sỹ ã ki kygnẽ pijé',” he mũ. “Inh mré ã tóg jãnkamy pir to jykrén ja nĩ, hã kỹ sóg ã mỹ nĩm mũ.
23876	MAT 20:15	Isũ vẽ mỹr, jãnkamy ti, kỹ sóg sỹ tỹ nén han sór mũ ẽn han mũ. Hã ra ã tóg jũ mũ, isỹ ag mỹ vĩ há han to,” he tóg ti mỹ, patrão ti.
23879	MAT 20:18	“Ha vé,” he tóg. “Jerusalém ra ẽg tóg mũ mũ. Ẽprã ke fi kósin ẽn vỹ jagtar ke mũ. Inh hã vẽ. Topẽ tũ to pã'i ag tóg ag tỹ isỹ nén han sór mũ ẽn han ke mũ, Topẽ vĩ to ẽg kanhrãn tĩ ag ke gé. Ag tỹ iso: “ter jé tóg ke mũ,” henh ke vẽ.
23908	MAT 21:13	Ag mỹ tóg: “Topẽ vĩ rá to jykrén nĩ, ha mẽ,” he mũ. “Inh ĩn jiji vỹ tỹ Topẽ mré vĩ jafã nĩ, he tóg, Topẽ vĩ rá ki. Hã ra ãjag tóg Topẽ mré vĩ jafã tag krẽm nén kar pigju mũgtĩ, kỹ tóg tỹ bandido ag jamã ri ke nĩ ha,” he tóg. Ag pan kỹ tóg ke mũ, Jesus ti.
23916	MAT 21:21	Kỹ Jesus tóg ag mỹ: “ki hã sóg tó mũ,” he mũ. “Inh ri ke han jé ãjag tóg ke mũ. Isỹ ka tỹ figueira mỹ: “tóg ra,” hen kỹ tóg tóg ja nĩ. Inh vĩ tag ri ke han jé ãjag tóg ke mũ, ãjag tỹ inh ki ge há han kỹ. Hã ra to: “Topẽ mỹ inh vĩ mẽg mũ vỹ?” he tũg nĩ. “Hỹ mỹ vỹ?” he tũg nĩ. Kỹ ãjag tỹ kejẽn pãnónh mỹ: “ha kutẽ, goj nig mág ki,” hen kỹ tóg kutẽnh mũ, ãjag tỹ ti kutẽnh ke to: “hỹ mỹ vỹ?” he tũ nĩn kỹ.
23960	MAT 22:19	Inh mỹ jãnkamy jun, imposto kajãm jafã ẽn ti,” he tóg. Kỹ ag tóg ti mỹ ũ jun mũ sir.
23973	MAT 22:32	“Abraão vỹ iso: Topẽ, he tĩ, Isaque ke gé, Jacó ke gé,” he ja tóg nĩ, Topẽ ti. Kãgter ag huri, Abraão, Isaque, Jacó. Hã ra Topẽ tóg: “tỹ inh ag Topẽ nĩ,” he ja nĩgtĩ, ag kãgter kar kỹ. Hã kỹ ag tóg rĩnrĩr nỹtĩ, Topẽ tỹ tỹ ũn rĩnrĩr nỹtĩ ag hã kri ke nĩn kỹ,” he tóg, Jesus ti.
24002	MAT 23:15	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg kuvar há ra mũ tĩ', ga mĩ, goj mĩ ke gé, ãjag tỹ ũ tỹ Israel ag jykre han sór mũ ũ jãvãnh jé. Ãjag tỹ ũ ven kỹ ãjag tóg ti tỹ Japo krẽ han mũ sir, ti tỹ ón kỹ Topẽ vĩ mẽ jé, ãjag ri ke, ti tỹ ãjag mré nũgme ki kutẽ jé. Kỹ ti jykre pãno vỹ ãjag jykre pãno kãfór nỹ sir,” he tóg, Jesus ti.
24024	MAT 23:37	Kỹ tóg Jerusalém ki ke ag to vẽmén mũ. Fe kaj han kỹ tóg: “Topẽ vĩ tó tĩ ag kãgtén ag tóg tĩ, pó tỹ ag pin kỹ,” he mũ. “Isỹ ag vẽnh mãn há tóg tĩ vẽ, isỹ ag ki rĩr jé, hã kỹ sóg ag jé prẽr tỹ hẽn ri ke han mũ. Garĩnh fi vỹ fi krẽ kri jẽ nĩ. Fi tỹ ag vẽsỹrénh tũ nĩ jé ke vẽ. Ẽn ri ke han sór sóg mũ vẽ, hã ra ag tóg ke jãvãnh nỹtĩ.
24026	MAT 23:39	Inh ve mãn ke tũ ag nĩ ha mỹr. Kejẽn ag tóg iso: “Topẽ tỹ ti jẽnẽ ja vẽ,” henh ke mũ. “Topẽ vỹ ti ve há han, ti tỹ ti jiji tónh kãtĩg kỹ,” he jé ag tóg ke mũ iso. Ẽn kã ag tóg inh ve mãn ke mũ,” he tóg, Jesus ti.
24053	MAT 24:27	Inh kãtĩg mãn ke vỹ, ta tỹ kóm kóm ke ri ke nĩnh mũ. Ti tỹ kóm kóm ke kỹ ẽg tóg, nén kar vég tĩ, rã jur ja tá, rã pur ja tá ke gé. Inh kãtĩg mãn ke vỹ ri ke nĩnh mũ. Tỹ sóg ẽprã ke fi kósin nĩ,” he tóg.
24062	MAT 24:36	“Hã ra ũ pijé, isỹ kurã ki kãtĩg mãn ke mũ ki kanhró nĩ', óra ki ke gé'. Topẽ tỹ jẽgnẽ jafã ag pijé ki kanhró nỹtĩ'. Inh pijé ki kanhró nĩ gé'. Ẽg jóg mág hã vỹ ti pin kỹ ki kanhró nĩ', kurã kã nén kutẽnh ke mũ ẽn ki.
24063	MAT 24:37	Inh kãtĩg mãn ke kurã vỹ Noé tỹ ga mĩ tĩg ja ẽn ri ke nĩnh mũ.
24068	MAT 24:42	Vẽnh ki ẽmẽm nĩ, nũr ri ke han tũg nĩ. Inh kãtĩg ke óra ki kagtĩg ãjag tóg nỹtĩ. Ãjag Senhor vỹ tỹ inh nĩ,” he tóg.
24103	MAT 25:26	Kỹ tóg ti mỹ: “jykre kórég ã tóg nĩ,” he mũ. “Inh mỹ isỹ nén krãn ja tũ mãn sór tĩgtĩ'? Inh mỹ isỹ nén ũ fy krãn tũ ra ti kanẽ ve sór tĩgtĩ'? Hã ki kanhró ã mỹ nĩ'?
24108	MAT 25:31	Kỹ Jesus tóg ag mỹ: “ẽprã ke fi kósin kãtĩg mãn kỹ tóg ge nĩnh mũ, ha mẽ,” he mãn mũ. “Isỹ jẽgnẽ jafã ag vỹ inh mré kãmũnh ke mũ. Kỹ sóg inh nĩgja sĩnvĩ ẽn kri nĩnh ke mũ sir, kỹ inh jykre tar vỹ vẽnh ven ke mũ.
24112	MAT 25:35	Kejẽn sóg kókĩr nĩ ja nĩgtĩ, kỹ ãjag tóg inh jẽn. Isỹ kron há tĩn kỹ ãjag tóg inh mỹ goj ven. Isỹ ãjag ĩn tá jun kỹ ãjag tóg inh mỹ: “kãrã ra, ẽg mré nĩ jé,” he ja nĩgtĩ gé.
24113	MAT 25:36	Inh kur tũ nĩn kỹ ãjag tóg inh mỹ kur vin. Inh kaga nĩn kỹ ãjag tóg inh ki rĩr' he ja nĩgtĩ. Ise kỹ jẽ kỹ ãjag tóg inh venh mũ' he ja nĩgtĩ gé, he jé sóg ke mũ ag mỹ,” he tóg.
24119	MAT 25:42	Inh kókĩr ra ãjag pijé, inh mỹ vẽjẽn ven'. Isỹ kron há ra ãjag pijé, inh mỹ goj ven'.
24120	MAT 25:43	Isỹ ãjag ĩn tá jun mũ ra ãjag pijé, inh mỹ: kãrã ra, he ja nĩgtĩ'. Isỹ kur tũ ra ãjag pijé, inh mỹ ũ vin'. Inh kaga nỹ ra, ise kỹ jẽ ra ãjag pijé, inh venh mũ' he ja nĩgtĩ', he jé sóg ke mũ,” he tóg.
24125	MAT 26:2	“kurã régre tũg kỹ tóg tỹ, ẽg fénhta mág tỹ Páscoa nĩ,” he mũ. “Ẽn kã ag tóg, ẽprã ke fi kósin ti senh ke mũ, kỹ ag tóg, ka to ti sanh ke mũ. Inh hã vẽ,” he tóg, Jesus ti.
24133	MAT 26:10	Hã ra Jesus tóg mẽ kỹ ag mỹ: “ãjag tỹ ne jé fi mỹ kaga han nẽ?“ he mũ. “Inh jykre ki króm fi tóg.
24134	MAT 26:11	Inh hã tóg ver, ãjag mré nĩ sĩ han mũ, jãvo ũ jagtar ag vỹ, kurã kar ki ãjag mré nỹtĩ nĩ.
24137	MAT 26:14	Kar kỹ ũ tỹ 12 (ke) ẽn ag kã ũ tóg, Topẽ tũ to pã'i ag venh tĩ mũ. Ũn tĩ mũ jijin hã vỹ: Judas Iscariotes, he mũ.
24139	MAT 26:16	Kỹ tóg to jykrén mũ. “Inh hỹ hẽ ri kenh mũ, sỹ vẽnh kar vatánh tá ag mỹ ti fẽg jé,” he tóg mũ sir.
24145	MAT 26:22	Kỹ tóg ag fe kaj tĩ sir, kỹ ag tóg ti mỹ: “inh mỹ vó'? Inh mỹ vó'?“ he kãn mũ sir.
24149	MAT 26:26	Kỹ ag tóg jẽg mũ. Ag jẽg nỹtĩ ra Jesus tóg ẽmĩ mãg mũ sir. Kỹ tóg to Topẽ mré vĩ mũ. Kỹ tóg vẽnh kã kupãn kỹ ti mré mũ tĩ ag mỹ: “té, ha kó,” he mũ. “Inh hã vẽ,” he tóg, ẽmĩ to.
24151	MAT 26:28	“Inh kyvénh hã vẽ,” he tóg, vinho to. “Inh kyvénh tỹ vẽnh kar jagfy kutẽnh ke vẽ. Sỹ vẽnh e mré vẽjykre tãg han to ken hã vẽ, hã vỹ tỹ inh kyvénh ti nĩ. Hã tugrĩn Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” he tóg.
24176	MAT 26:53	“Isỹ inh panh mỹ to vĩ ra tóg inh mỹ ti tỹ jẽgnẽ jafã ag jẽgnẽnh ke mũ vẽ, ũn tỹ 12 mil (ke) kãfór ẽn, ag tỹ ijy nĩgãn jé.