23217	MAT 1:4	Kỹ Arão vỹ Aminadabe han. Kỹ Aminadabe vỹ Nasom han. Kỹ Nasom vỹ Salmom han.
23218	MAT 1:5	Kỹ Salmom vỹ Boaz han, ti prũ tỹ Raabe fi ki. Kỹ Boaz vỹ Obede han, ti prũ tỹ Rute fi ki. Kỹ Obede vỹ Jessé han.
23219	MAT 1:6	Kỹ Jessé vỹ pã'i mág tỹ Davi ẽn han. Kỹ pã'i mág tỹ Davi vỹ Salomão han, ti prũ tỹ tỹ Urias prũ ja ẽn fi ki.
23220	MAT 1:7	Kỹ Salomão vỹ Roboão han. Kỹ Roboão vỹ Abias han. Kỹ Abias vỹ Asa han.
23225	MAT 1:12	Ag tỹ ẽmã ẽn tá vỹnvỹn ke kar kỹ Jeconias vỹ Salatiel han. Kỹ Salatiel vỹ Zorobabel han.
23227	MAT 1:14	Kỹ Azor vỹ Sadoque han. Kỹ Sadoque vỹ Aquim han. Kỹ Aquim vỹ Eliúde han.
23244	MAT 2:6	“Sĩ ti nĩ, ẽmã tỹ Belém ti, ga tỹ Judéia tá. Ti sĩ nĩ ra tóg ẽmã mág kar kãfór nĩ, pã'i mág ẽn tỹ tá mur ke tugrĩn. Tỹ tóg ẽg povo kri pã'i mág jẽnh ke mũ,” he ja tóg nĩ,” he ag tóg.
23264	MAT 3:3	Hã ra Isaías tóg tag rán ja nĩ: “ẽmã tũ ja tá tóg jẽnh ke mũ, ga kórég tá. Tá tóg ag mỹ jamã há ra: ”ẽg Senhor kãtĩg ke jo vẽnh jãnhkrigkrig nĩ,” henh ke mũ. “Ẽpry kurég ãjag tóg tĩ, ãjag pã'i mág jun ken kỹ. Kỹ tag ri ke han nĩ. Ãjag jykre pãno tugvãnh nĩ,” he jé tóg ke mũ,” he ja tóg nĩ, Isaías ti. Ti tỹ João mur to hã ti kãmén jan hã vẽ.
23268	MAT 3:7	Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?
23277	MAT 3:16	Ti tỹ Jesus kype kar kỹ ag tóg, goj kã tá kãpa mũ sir. Kỹ Jesus tóg, kanhkã ki ẽvãnh kỹ ti nor nĩ ẽn vég mũ, ha mẽ, kỹ tóg Topẽ kuprĩg kãtére ẽn vég mũ. Sórãg tẽ ri ke tóg nĩ, ti kãtére ti. Jesus kri tóg góm ke mũ.
23288	MAT 4:10	Kỹ tóg ti mỹ: “ha tĩg, Satanás,” he mũ. “Ẽg pã'i tỹ Topẽ hã krẽm ẽg tóg ẽg jakrĩ tỹ grĩnh ke tĩ, ti hã to ẽg tóg: “Topẽ vẽ,” he tĩ, hã kỹ tóg rán kỹ nĩ, Topẽ vĩ tỹ rán kỹ nĩ ki,” he tóg.
23296	MAT 4:18	Kỹ tóg kejẽn, goj nig mág tỹ Galiléia ẽn fyr jagma tĩ mũ. Kỹ tóg tá ũn régre ag vég mũ, hã vỹ: Simão Pedro mré ti jãvy tỹ André, he mũ. Kur tỹ pirã kugmĩ jafã tỹ ag tóg, goj kã ki fón mũ. Ag rãnhrãj hã vẽ.
23302	MAT 4:24	Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.
23306	MAT 5:3	“Topẽ vỹ ãjag ve há han mũ, ãjag tỹ: “kórég inh nĩ,” hen kỹ. “Sỹ Topẽ kuprĩg tỹ jagrẽn kỹ nĩ tũ nĩ ra sóg tỹ, ũn kórég nĩnh mũ vẽ,” hem nĩ. Kỹ ãjag tóg, ti tỹ tỹ ẽg pã'i nĩ venh ke mũ, kanhkã tá,” he tóg.
23316	MAT 5:13	“Sa ri ke ãjag nỹtĩ, ãjag tỹ ga kri mũn kỹ. Sa kãhór nĩn kỹ ẽg tóg tỹ sa há han mãn ki kagtĩg nỹtĩ. Kórég ti nĩgtĩ, ti kãhór nĩn kỹ. Kỹ ẽg tóg ti vãm tĩ sir, kỹ tóg tũ' he tĩ sir,” he tóg, Jesus ti.
23320	MAT 5:17	“Ãjag hỹn iso: “Moisés tỹ ẽg mỹ nén tó ja ẽn tỹ tóg, tũ' he sór mũ',” he mũ. “Hã tũ vẽ. Sỹ ki króm kãn sór vẽ,” he tóg.
23321	MAT 5:18	“Topẽ vỹ, ti jykre ẽn tỹ tũ' henh ke tũ nĩ, ga tỹ ver tũ' he tũ nĩn kỹ. Sỹ ki króm kãn ke vẽ, kỹ tóg ki krov kãn kỹ nỹnh mũ, mỹr, ha mẽ,” he tóg.
23325	MAT 5:22	Sỹ ũri ãjag jyvẽn hã vẽ, ha mẽ. Ã tỹ ã régre to ã fe tỹ gỹm ke kỹ tóg ã tỹ ti tén ri ke nĩ, fi ke gé. Ag tỹ tag to ã se kỹ tóg inh mỹ há tĩnh mũ. Kỹ ã régre mỹ féfén tũg nĩ gé. Jãvo ã tóg, nũgme ki kutẽnh ke mũ, pĩ ẽn ki,” he tóg.
23331	MAT 5:28	Sỹ ũri ãjag jyvẽn hã vẽ, ha mẽ: ã tỹ ũn tỹtá ũ fi ki vẽ'ĩ kỹ tóg, ã tỹ fi mré nỹ sĩ han ẽn ri ke nĩ sir, ã tỹ fi ki vẽ'ĩ mũ ti. Ã tỹ ũn tỹtá ũ fi mré nũr sór kỹ tóg, ã tỹ fi mré nũr ri ke nĩ sir, ã tỹ fi to én mũ ti. Ke tũg nĩ.
23335	MAT 5:32	Sỹ ũri ãjag jyvẽn hã vẽ, ha mẽ: ãjag prũ fón tũg nĩ. Ã tỹ fi fón kỹ fi tỹ ũ tỹ mén mãn kỹ fi tóg, ã tugrĩn Topẽ vĩ mranh mũ sir, ã tỹ tỹ fi mén pẽ ra. Fi tỹ ã jãvo vẽsóg ki ũ mré nỹ ja nĩn kỹ tóg, há sĩ nỹ, ã tỹ fi mỹ: ha tĩg, hen kỹ. Kỹ fi mén tỹ fi fón kỹ fi tỹ prũg sór tũg nĩ gé. Ã prũ tũ fi vẽ, fi mén tỹ fi fón ja nĩn kỹ,” he tóg, Jesus ti.
23337	MAT 5:34	Sỹ ũri ãjag jyvẽn hã vẽ, ha mẽ: Ón kỹ “Topẽ vỹ ki kanhró nĩ,” he sór tũg nĩ. Ón kỹ “ũ tỹ kanhkã tá nĩ ẽn vỹ, ki kanhró nĩ,” he sór tũg nĩ gé. Topẽ nĩgja vẽ, kanhkã tá, kỹ ón kỹ tag tó sór tũg nĩ.
23342	MAT 5:39	Sỹ ũri ãjag jyvẽn mũn hã vẽ, ha mẽ: ũ tỹ ã to jũ mũ ra ti to jũ tũg nĩ, fi to jũ tũg nĩ gé. Ti tỹ ã jamẽ ki tãnh kỹ ti mỹ ã jamẽ ũ ven nĩ gé, ti tỹ ã mỹ ki tãnh jé gé, fi ke gé.
23377	MAT 6:26	Sẽsĩ to jykrén nĩ. Ag mỹ ẽkrãn tĩ? Vó. Ag mỹ pãjó krẽm vin tĩ? Vó. Ge ra ẽg jóg tỹ kanhkã tá nĩ ẽn tóg ag ki rĩr nĩ nĩ. Ãjag mỹ jẽsĩ kãfór tũ nỹtĩ', Topẽ mỹ'? Vó, sẽsĩ kãfór ãjag tóg nỹtĩ.
23380	MAT 6:29	Ge ra tóg sĩnvĩ nỹtĩ, ka fej ti, pã'i mág tỹ Salomão kur sĩnvĩ kãfór, ti tỹ ẽprã ke ag kur sĩnvĩ kãfór ja ra. Ki hã sóg tó mũ mỹr.
23407	MAT 7:22	Kurã tỹ ẽgno kã, isỹ vẽnh kar jykre tugnỹm ke kurã ẽn kã ag tóg, inh mỹ: “Senhor, Senhor, ã jykre tó ẽg mỹr,” henh ke mũ. “Ã jykre hã ki ẽkrén kỹ ẽg tóg, ẽg tỹ nén han vãnh han ja nĩgtĩ mỹr. Ã jykre hã tỹ ẽg tóg, vẽjagrẽ kórég pan mỹr,” he jé ag tóg ke mũ, inh mỹ.
23416	MAT 8:2	Kỹ vãhã ũ tóg ti tá jun mũ. Vẽnh kaga kren vãnh han kỹ tóg nĩ, vẽnh kaga tỹ lepra he mũ ẽn. Kỹ tóg ti krẽm grĩnh ke kỹ ti mỹ: “Senhor,” he mũ. “Ã mỹ isỹ há' he sór tũ'? Ã hã tóg isỹ há henh ke mũ, ã tỹ isỹ há' he sór kỹ,” he tóg ti mỹ.
23420	MAT 8:6	Kỹ tóg ti mỹ: “Senhor,” he mũ. “Inh camarada tóg nỹ nĩ, inh ĩn tá. Kãnhgrĩn kãn kỹ tóg nỹ, hã ra tóg kaga jagy nỹ gé,” he tóg.
23423	MAT 8:9	“Ha vé, tỹ sóg pã'i krẽm ke nĩ gé, kỹ soldado ag tóg tỹ inh krẽm ke nỹtĩ gé. Hã kỹ sóg pã'i jykre ki kanhró nĩ. Isỹ soldado ũ mỹ: kutĩg, hen kỹ tóg tĩ mũ. Sỹ ti mỹ: kunĩg, hen kỹ tóg kãtĩ mũ gé. Isỹ inh camarada mỹ: tag han ra, hen kỹ tóg han tĩ. Inh vĩ tỹ sóg ag jẽgnẽg tĩ. Ã vĩ hã tỹ ã tóg ti tỹ há' henh ke mũ,” he tóg.
23433	MAT 8:19	Ag mũnh ke to hã Topẽ vĩ to ẽg kanhrãn tĩ ũ tóg, ti mré vĩnh kãtĩ mũ. “Senhor,” he tóg. “Sỹ ã mré tĩg há tóg tĩ. Ã tỹ hẽ ra tĩg kỹ sóg, ã mré tĩg mũ,” he tóg.
23434	MAT 8:20	Hã ra Jesus tóg ti mỹ: “hã ra tóg jagy tĩ,” he mũ. “Ðn tũ sóg nĩ. Mĩg vỹ kré nỹgtĩ. Sẽsĩ vỹ jagfe nỹgtĩ gé. Ag jãvo isỹ hẽ tá nũr ke tóg tũ tĩ. Tỹ sóg ẽprã ke fi kósin nĩ,” he tóg.
23439	MAT 8:25	Kỹ ag tóg ti rĩn kỹ ti mỹ: “Senhor, ẽg krenkren han nĩ, ẽg kãgter ha mẽ tóg tĩ,” he mũ.
23453	MAT 9:5	“Ũ tĩg vãnh tag mỹ sóg: ã tỹ Topẽ vĩ mranh ja tỹ tũ' hen vẽ ha,” he mũ. “Sỹ ti mỹ: nĩ ra, tĩg ra, henh ke vẽ gé. Hã ran mỹ ãjag mỹ vẽnh mỹ?” he tóg.
23488	MAT 10:2	Jesus tỹ ũn vin mũ ag jijin hã vẽ, ha mẽ. Ũn ve vỹ tỹ Simão nĩ, kỹ ti jiji ũ hã vỹ: Pedro, he mũ. Kar kỹ ti jãvy vỹ nĩ gé, hã vỹ: André, he mũ, Tiago ke gé, Zebedeu kósin tag ti, ti jãvy tỹ João ke gé,
23490	MAT 10:4	Simão ke gé, ag tỹ ũ to: Zelote, he mũ tag ti, kar kỹ Judas Iscariotes ke gé, ũ tỹ vẽnh kar vatánh tá pã'i ag mỹ Jesus fẽg mũ tag ti.
23491	MAT 10:5	Ũ tỹ 12 ẽn ag jẽgnẽg tóg mũ sir, Jesus ti, ag tỹ vẽnh kar mỹ Topẽ vĩ kãmén jé. Kỹ tóg ag mỹ: “ver fóg ag mỹ inh kãmén mũ tũg nĩ, kanhgág ag mỹ kãmén tũg nĩ gé ver,” he mũ. “Kỹ Samaria tá ke ag jamã ki ge tũg nĩ gé,” he tóg.
23501	MAT 10:15	Ha mẽ, ki hã sóg tó mũ. Kurã tỹ ẽgno kã, isỹ vẽnh kar jykre tugnỹm ke kurã ẽn kã ag tóg, jagtar nỹtĩnh mũ sir, ag tỹ ãjag vĩ mẽ jãvãnh nỹtĩn kỹ. Ẽmã tỹ Sodoma mré ẽmã tỹ Gomorra tá ke ag tóg jykre pãno nỹtĩ ja nĩgtĩ. Kỹ ag tóg jagtar nỹtĩnh ke mũ gé. Hã ra ũn tỹ ãjag vĩ jẽmẽ jãvãnh ẽn ag tóg ag jagtar kãfór han ke mũ mỹr, ha vem nĩ,” he tóg.
23509	MAT 10:23	“Ag tỹ ẽmã ũ tá ãjag vóg kónãn kỹ ẽmã ũ ra pétẽm nĩ. Ki hã sóg tó mũ, ha mẽ. Israel ag jamã fĩn rãm kãn ke tũ ãjag tóg nĩ, kurã ẽn kã. Sĩ ti nĩ, ag tỹ ãjag vóg kónãn ke kurã ẽn ti. Kãtĩg jé sóg ke mũ, ag tỹ gen kỹ ãjag vóg mũ ra. Tỹ sóg ẽprã ke fi kósin nĩ, mỹr, ha mẽ.
23517	MAT 10:31	Hã kỹ pã'i ag kamẽg tũg nĩ. Sẽsĩ kãfór ãjag tóg nỹtĩ, Topẽ mỹ. Ãjag kã mĩ ũn pir tóg sẽsĩ e kãfór nĩ, ti mỹ,” he tóg, Jesus ti.
23549	MAT 11:21	Kỹ tóg: “ẽmã tỹ Corazim ki ke ag mỹ sóg tag tó sór mũ, ẽmã tỹ Betsaida tá ke ag mỹ ke gé, ha mẽ,” he mũ. “Kórég ve jé ãjag tóg ke mũ. Milagre tỹ hẽn ri ke hynhan isóg ãjag mỹ, hã ra ãjag tóg, ãjag jykre tovãnh sór tũ nĩ. Ẽmã tỹ Tiro tá, ẽmã tỹ Sidom tá sóg hynhan ja tũ nĩ. Sỹ tá hynhan ra ag tóg vãsỹ, ag jykre tovãnh ke mũ vẽ. Kygfỹ ag mũ vẽ, ag jykre pãno tỹ ag mỹ e tĩn kỹ,” he tóg.
23550	MAT 11:22	“Tiro tá ke ag vỹ, vẽsỹrénh ke mũ, kurã tỹ ẽgno ẽn kã, Sidom tá ke ag ke gé, ag jykre pãno to. Hã ra ãjag tóg, ag vẽsỹrénh kãfór han ke mũ, ha vem nĩ, ãjag tỹ inh vég mũ ra inh ki ge sór tũ nĩn kỹ. Ki hã sóg tó mũ,” he tóg.
23551	MAT 11:23	“Sỹ ẽmã tỹ Cafarnaum tá ke ag mỹ tag tó sór vẽ gé, ha mẽ. Ũri tóg ãjag mỹ sér tĩ. Kanhkã ra ẽg mũnh mũ, he ãjag tóg tĩ, to jykrén kỹ. Hã ra ãjag tóg nũgme ki vár kãn ke mũ, ha vem nĩ. Ẽmã tỹ Sodoma tá ke ag vỹ, ag jykre pãno to kãgter. Ag tỹ sỹ nén han mũ ve ra ag vãsỹ to jykrén mũ vẽ, kỹ ag kãgter ke tũ nĩ vẽ. Kỹ ag ũri ẽg mré nỹtĩnh mũ vẽ.
23596	MAT 12:38	Kỹ Topẽ vĩ to ẽg kanhrãn tĩ ũ ag tóg Fariseu ũ ag mré Jesus mỹ: “Senhor, ẽg tỹ ã tỹ milagre ũ han venh há tóg tĩ,” he mũ.
23600	MAT 12:42	Kỹ pã'i mág ẽn fi, ũ tỹ kuvar há tá kãtĩg ja ẽn fi vỹ ãjag mré nĩnh ke mũ gé, kurã tỹ ẽgno kã. Kỹ fi tóg ãjag mỹ vĩ kónãn ke mũ gé. Kuvar há tá fi tóg kãtĩg ja nĩgtĩ, vãsỹ, fi tỹ pã'i mág tỹ Salomão vĩ mẽ jé. Salomão kãfór vỹ tỹ inh nĩ, hã ra ãjag tóg inh vĩ jẽmẽ jãvãnh nỹtĩ,” he tóg, Jesus ti.
23663	MAT 13:55	Ðn han tĩ ẽn kósin vẽ mỹr. Ti mỹnh fi vỹ tỹ Maria fi nĩ, kỹ ti jãvy ag vỹ ki nỹtĩ, Tiago, José, Simão, Judas.
23696	MAT 14:30	Ti tỹ goj kri tĩg kỹ tóg vãhã, kãka ki ẽvãnh mũ, kỹ tóg mũmẽg mũ sir. Mũmẽg kỹ tóg goj ki pun ke kỹ ter kren mũ. Kỹ tóg prẽr mũ. “Senhor, inh kren han nĩ,” he tóg.
23723	MAT 15:21	Kỹ Jesus tóg tá kãkutẽ kỹ ga ũ ra tĩ mũ, ẽmã tỹ Tiro ra, ẽmã tỹ Sidom ra.
23724	MAT 15:22	Ti tỹ tá jun kỹ fóg ũ fi tóg ti venh kãtĩ mũ. Ga tỹ Canaã tá ke fi vẽ. Kỹ fi tóg Jesus tá jun kỹ prẽr mũ. “!..Senhor, Davi krẽ'krẽ..!“ he fi tóg. “!..Inh jagãgtãn ra..!“ he fi tóg. “!..Inh kósin fi vỹ jagrẽ kórég tãvĩ nĩ, inh mỹ tóg ã tỹ fi mỹ kutẽm há tĩ..!“ he fi tóg, prẽr kỹ.
23727	MAT 15:25	Ge ra fi tóg ti tá jun mũ sir. Ti krẽm fi tóg grĩnh ke mũ. Kỹ fi tóg ti mỹ: “Senhor,” he mũ. “Ã mỹ inh jagãgtãn ke tũ?“ he fi tóg.
23747	MAT 16:6	Kỹ Jesus tóg tag to ag kanhrãn mũ. “Fariseu mré Saduceu ag tỹ fermento há kamẽg nĩ,” he tóg mũ.
23752	MAT 16:11	Kỹ tóg ag mỹ: “kỹ inh vĩ to jykrén nĩ,” he mũ. “Ẽmĩ tó tũ sóg nĩ. Fermento pẽ tó tũ sóg nĩ gé. To jykrén há han nĩ, ha mẽ. Fariseu mré Saduceu ag tỹ fermento há kamẽg nĩ,” he tóg, Jesus ti.
23753	MAT 16:12	Kỹ ag tóg vãhã to jykrén há han mũ sir. Ti tỹ fermento pẽ tó pijé'. Ti tỹ Fariseu mré Saduceu ag jykre tó ja vẽ. Ag jykre régre nỹtĩ hã to tóg: “ẽn kamẽg nĩ,” he ja nĩ, Jesus ti.
23757	MAT 16:16	Kỹ Simão Pedro tóg ti mỹ: “tỹ ã Cristo nĩ. Topẽ kósin vỹ tỹ ã nĩ. Ũn rĩr nĩ ẽn kósin vỹ tỹ ã nĩ,” he mũ.
23758	MAT 16:17	Kỹ Jesus tóg ti mỹ: “Simão', João kósin',” he mũ. “Ẽprã ke tỹ ã mỹ tó pijé', inh jóg tỹ kanhkã tá nĩ ẽn tỹ ã mỹ tó vẽ. Hã kỹ tóg ã ve há han mũ, Topẽ ti,” he tóg.
23763	MAT 16:22	Kỹ Pedro tóg ti pin kỹ ti mỹ: “Senhor, Topẽ jé ã jy nĩgãn, ã tỹ ã jagtar ke tag vég tũ nĩ jé,” he mũ.
23764	MAT 16:23	Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.
23773	MAT 17:4	Kỹ Pedro tóg Jesus mỹ: “Senhor,” he mũ. “Tag ki tóg sér tĩ,” he tóg. “Ẽg mỹ pãjó tãgtũ han mũ', ã mỹ', Moisés mỹ', Elias mỹ ke gé'?“ he tóg.
23784	MAT 17:15	“Senhor,” he mũ. “Inh kósin jagãgtãn nĩ. Ter tĩ han tĩ tóg nĩgtĩ, to tóg jagtar tĩ. Kejẽn tóg pĩ ki kutẽ tĩ, ter tĩ ẽn han kỹ, kejẽn tóg goj ki kutẽ tĩ gé.
23793	MAT 17:24	Kỹ ag tóg mũ mãn kỹ ẽmã tỹ Cafarnaum tá junjun mũ sir. Kỹ imposto kaja mãg tĩ ag tóg Pedro mỹ vĩ mũ, Topẽ ĩn jé imposto mãg tĩ ag. Imposto ẽn kaja hã vỹ: jãnkamy régre, he mũ. Pedro mỹ ag tóg: “ãjag Senhor mỹ kajãm tũ nĩgtĩ'?“ he mũ.
23794	MAT 17:25	Kỹ tóg ag mỹ: “vó, kajãm ti tĩ,” he mũ. Kỹ tóg ti ĩn tá jun mũ sir. Ti tỹ ver nén ũ tó tũ ra Jesus tóg ti mỹ: “Simão', pã'i ag mỹ ã mỹ: “ha imposto kajãm,” he ja tũ nĩ?“ he mũ. “Tag to jykrén, ha mẽ. Ẽprã pã'i ag mỹ ag krẽ mỹ: “kajãm nĩ,” he tĩ', ag mré ke tũ ag mỹ, vó'?“ he tóg.
23817	MAT 18:21	Kỹ Pedro tóg ti to kãtĩg kỹ ti mỹ: “Senhor,” he mũ. “Kejẽn inh régre tóg vẽjykre pãno han ja nĩnh mũ. Kỹ inh mỹ ti mỹ vẽnh pãte fón e han mũ'? Vẽnh pãte fón tỹ hẽ ri ke nỹ hỹn há nĩnh mũ? Ke tỹ 7 mỹ há nĩ'?“ he tóg, Pedro ti.
23822	MAT 18:26	Hã ra tóg ti mỹ jagy tĩ, kỹ tóg ti krẽm ti jakrĩ tỹ jẽ mũ. Ti krẽm grĩnh ke kỹ tóg ti mỹ: “Senhor, ver isovãnh sĩ han, kajãm jé sóg ke mũ ha, vãhã,” he mũ.
23847	MAT 19:16	Hã ra vãhã ũ tóg ti tá jun kỹ ti mỹ: “Senhor, há ã tóg jẽ,” he mũ. “Sỹ inh rĩr krỹg ja tũ venh há tóg tĩ. Isỹ ve jé inh hỹn vẽjykre há tỹ ne han ke mũ?“ he tóg.
23859	MAT 19:28	Kỹ Jesus tóg: “sỹ ke há vẽ,” he mũ. “Inh mré ãjag tóg mũ mũ. Tỹ sóg ẽprã ke fi kósin nĩ. Kejẽn sóg inh nĩgja kri nĩnh mũ, isỹ vẽnh kar jykre tugnỹm jé. Sĩnvĩ inh nĩnh mũ, kurã ẽn kã. Kỹ ãjag tóg ãjag nĩgja kri nĩgnĩ kỹ nỹtĩnh mũ gé, nĩgja tỹ 12 (ke) kri, ãjag tỹ povo tỹ Israel tỹ 12 (ke) ag jykre tugnỹm jé,” he tóg.
23889	MAT 20:28	Hã kỹ sóg camarada tũ nĩ gé. Sỹ tỹ camarada nĩ jé sóg kãtĩg, sỹ ãjag mré rãnhrãj jé. Hã kỹ sóg vẽnh kar jagfy ter ke mũ, sỹ ag krenkren han jé. Tỹ sóg ẽprã ke fi kósin nĩ,” he tóg, Jesus ti.
23891	MAT 20:30	Hã ra ũn kyvó ag tóg ẽpry kri nĩgnĩ kỹ nỹtĩ nĩ, ũn régre ag. Vãhã ag tóg Jesus tỹ jagma tĩg mẽg mũ. Kỹ ag tóg ti jé prẽr mũ. “!..Senhor..!“ he ag tóg. “!..Davi krẽ'krẽ', ẽg jagãgtãn ra..!“ he ag tóg.
23892	MAT 20:31	Kỹ ag tóg ag to jũgjũ mũ, ti nón mũ ũ ag. “Mẽ kã nỹtĩ,” he ag tóg mũ. Hã ra ag tóg prẽr mãn', prẽr mãn' he mũ, jamã há ra. “!..Senhor, Davi krẽ'krẽ', ẽg jagãgtãn ra..!“ he ag tóg mũ.
23897	MAT 21:2	“ẽmã ẽn ra mũjẽg, ẽg jo ẽmã nĩ ẽn ra,” he mũ. “Tá ãjag tóg burrica fi venh mũ. Se kỹ fi jẽ. Fi kósin vỹ fi mré jẽ nĩ. Ẽn fi kavãn kỹ fi pére kãmũm nĩ.
23898	MAT 21:3	Hẽn ri ke mũn ag tóg ãjag mỹ vĩ sór mũ, fi to. Kỹ ag mỹ: “ẽg Senhor vỹ fi ve sĩ han sór mũ. Kãnhmar tóg fi jẽnẽ mãn mũ,” hem nĩ,” he tóg.
23900	MAT 21:5	“Sião tá ke fag mỹ: “ha vé, ãjag pã'i mág tóg ãjag ki jun ke mũ,” hem nĩ. Vẽnh kar to tóg fe há nĩ, jũ vãnh nĩn kỹ, ãjag Senhor ti. Burrica kri tóg nĩ nĩ, fi kósin kri, ẽg tu tĩ ẽn fi kósin kri mỹr,” he tóg, Topẽ vĩ tỹ rán kỹ nĩ ki.
23904	MAT 21:9	Kỹ ũ ag tóg ti jãmĩ mũ mũ, jo ũ ag tóg ti nón mũ mũ. Ẽn ag tóg prẽnprẽr mũ sir. “!..Viva, Davi krẽ'krẽ..!“ he ag tóg mũ. “!..Sér tóg tĩ, pã'i vỹ ẽg tá jun, ẽg Pã'i mág tỹ ti jẽnẽn kỹ..! !..Topẽ tá tóg kãtĩg, ũ tỹ kynhmỹ nĩ ẽn tá, viva..!“ he ag tóg, prẽnprẽr kỹ.
23928	MAT 21:33	“Sỹ ãjag mỹ ãjag tỹ Topẽ tovãnh kãmén mãn ke vẽ, ha mẽ,” he tóg mũ. “Kejẽn ũ tóg nĩgtĩ. Uva kré tóg nĩgtĩ, tỹ vinho han jafã ẽn. Ti jakré to tóg rón mũ. Kỹ tóg kũm kỹ uva jẽgmĩ jafã han mũ. Kỹ tóg ki pãjó han mũ gé. Kỹ tóg ũ tỹ ki rĩr tĩ ag mỹ tovãnh mũ, ag tỹ ti mré ti kanẽ vẽnh kãpãm jé. Kỹ tóg tĩ mũ, ga ũ ra.
23937	MAT 21:42	Kỹ tóg ag mỹ: “hỹ,” he mũ. “Kỹ Topẽ vĩ rá tag to jykrén nĩ gé, ha mẽ: “pó tỹ ĩn han jafã fón ag tóg, pó tỹ ĩn han tĩ ag. Ag mỹ tóg kórég ja nĩ. Hã ra Topẽ tóg hã tỹ ĩn nũna han mũ. Ẽg Senhor mág tỹ há vẽ mỹr, hã kỹ tóg ẽg mỹ e tĩ,” he ja tóg nĩ, Topẽ vĩ rá ki,” he tóg, Jesus ti.
23957	MAT 22:16	Kỹ ag tóg Jesus to ũ ag jẽgnẽg mũ, pã'i mág tỹ Herodes mré ke ũ ag mré hã, ag tỹ ón kỹ ti ki jẽmẽ jé. “Senhor,” he ag tóg mũ. “Ã jykre kuryj nĩn kỹ ã tóg, Topẽ to ẽpry ki ẽg kanhrãn há han tĩ. Ũ tỹ vẽjykre há hã han ve ra ã tóg, ti jykre ki kanhró kar nĩ.
23964	MAT 22:23	Kỹ kejẽn Saduceu ag tóg, ón kỹ Jesus ki jẽmẽ sór mũ gé. Ẽn ag tóg: “ẽg ter ja tá ẽg vỹnvỹn kenh ke tũ nĩ, rĩr mãn ke tũ ẽg tóg nĩ,” he tĩ.
23965	MAT 22:24	Kỹ ag tóg: “Senhor,” he mũ gé. “Moisés tỹ ẽg mỹ vẽjykre nĩm kỹ tóg: “ã régre tỹ krẽ tũ ra ter kỹ ã tỹ ti prũ fi tỹ prũg ke vẽ. Ã tỹ ã régre mỹ ã krẽ han ke vẽ, fi ki,” he ja nĩgtĩ.
23969	MAT 22:28	Kỹ fag kãgter ja tá rĩnrĩr mãn kỹ fi hỹn, mén tỹ 7 (ke) nĩnh mũ vẽ. Ag kar vỹ fi tỹ prũg ja nĩ mỹr. Hã kỹ tóg vẽnh mỹ nỹ, ag tỹ: “rĩr mãn jé ẽg tóg ke mũ,” hen kỹ,” he ag tóg, Saduceu ag, Jesus mỹ.
23975	MAT 22:34	Kỹ Fariseu ag tóg mẽg mũ, Jesus tỹ Saduceu ag mỹ vĩ há han ja ti, kỹ ag tỹ ti mỹ kafãn ke tóg tũ tĩ sir.
23977	MAT 22:36	“Senhor, Topẽ tỹ ẽg jyvẽn tỹ hẽ nỹ hỹn, ti tỹ ẽg jyvẽn kar kãfór nỹnh mũ?“ he mũ.
23984	MAT 22:43	Kỹ tóg: “hã ra Davi tóg ti to: inh Senhor, he ja nĩ, Topẽ kuprĩg tỹ ti krĩn kỹ. Kỹ tóg:
23985	MAT 22:44	ẽg jóg tỹ Topẽ vỹ inh Senhor mỹ: “nĩ ra ver, inh pẽgja tá,” he ja nĩ. “Sỹ ver ã kato vãsãnsãn mũ ag sigsenh ke vẽ,” he ja tóg nĩ, Topẽ ti, he tóg, Davi ti.
23986	MAT 22:45	Hã kỹ Davi tóg Cristo to: “inh Senhor,” he ja nĩ. Ti tỹ tỹ ti krẽ'krẽ nĩ ra ti mỹ tỹ ti kri ke nĩnh mũ vẽ'?“ he tóg, Jesus ti.
23994	MAT 23:7	Ẽmã kuju ki vẽnh kar tóg ag mỹ: “ã mỹ há?” he tĩ, kỹ tóg ag mỹ sér tĩ. Kỹ ag tóg ag to: “Senhor,” he tĩ gé, kỹ tóg ag mỹ sér tĩ.
23995	MAT 23:8	Ag jãvo jagnẽ mỹ: “Senhor,” he sór tũg nĩ, kỹ ag tỹ ãjag mỹ: “Senhor,” he mũ ra ag mỹ: “inh pijé tỹ ũn mág nĩ',” hem nĩ. Ũn pir vỹ tỹ ãjag kri ke nĩ, hã vỹ: Topẽ, he mũ, jó ãjag tóg tỹ jagnẽ mré ke nỹtĩ.
24014	MAT 23:27	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ, ãjag ve kónãn,” he tóg. “Vẽnh kej sĩnvĩ ri ke ãjag nỹtĩ. Sĩnvĩ nĩ ve ti nĩ, vẽnh kej ti, ẽg tỹ pó tỹ kri tam kỹ, kar tinta tỹ to tĩn kỹ. Ti sĩnvĩ nĩ ve ra tóg ti kã tá kórég nĩ. Vẽser vỹ krẽm nỹ nĩ, vẽser vag mũ ti, ti kuka.
24060	MAT 24:34	Sỹ ke há vẽ, ha mẽ: ũri ũn rĩnrĩr nỹtĩ ag tỹ nén kar ẽn venh ke vẽ, ag kãgter ke to hã.
24068	MAT 24:42	Vẽnh ki ẽmẽm nĩ, nũr ri ke han tũg nĩ. Inh kãtĩg ke óra ki kagtĩg ãjag tóg nỹtĩ. Ãjag Senhor vỹ tỹ inh nĩ,” he tóg.
24088	MAT 25:11	Hã ra ũ fag tóg vãhã tá junjun mũ gé sir, kỹ fag tóg ti mỹ: “Senhor', Senhor', ẽg jy nón,” he mũ sir.
24101	MAT 25:24	Kỹ ũ tỹ ti kãmur pir mãn ja ẽn tóg ti mỹ: “Senhor',” he mũ. “Vĩ tar han ã tóg tĩgtĩ, ki sóg kanhró nĩ. Ã tỹ nén krãn ja tũ ẽn mãn sór ã tóg tĩgtĩ, ã tỹ ti fy krãn tũ ra ã tóg ti kanẽ ve sór tĩgtĩ.
24129	MAT 26:6	Ẽn kã Jesus tóg kejẽn ẽmã tỹ Betânia tá nĩ nĩ, Simão ĩn krẽm, vẽnh kaga kren vãnh han ja ẽn ti.
24141	MAT 26:18	Kỹ tóg ag mỹ: “ẽmã mág ẽn ra ũ tỹ ẽg to há nĩ ẽn venh mũjẽg,” he mũ. “Ti mỹ: “ẽg Senhor vỹ ã mỹ: inh kurã vỹ kakó tĩ ha, kỹ tóg sỹ ã ĩn krẽm Páscoa konh há tĩ, inh mré mũ tĩ ag mré, he ti,” hem nĩ ti mỹ,” he tóg.
24148	MAT 26:25	Kỹ Judas ẽn, ũ tỹ pã'i ag mỹ ti fẽg ke mũ ẽn tóg ti mỹ: “Senhor', inh hã mỹ'?“ he mũ gé. Kỹ tóg ti mỹ: “ki hã ã tóg tó mũ,” he mũ.
24151	MAT 26:28	“Inh kyvénh hã vẽ,” he tóg, vinho to. “Inh kyvénh tỹ vẽnh kar jagfy kutẽnh ke vẽ. Sỹ vẽnh e mré vẽjykre tãg han to ken hã vẽ, hã vỹ tỹ inh kyvénh ti nĩ. Hã tugrĩn Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” he tóg.
24159	MAT 26:36	Kỹ Jesus tóg ag mré ka kré tá jun mũ sir. Ka kré jijin hã vỹ: Getsêmani, he mũ. Kỹ tóg ag mỹ: “ha ver nĩgnĩ, tag ki,” he mũ. “Sỹ ver Topẽ mré vĩnh ke vẽ, tãtá,” he tóg.
24172	MAT 26:49	Hã kỹ tóg vẽsỹmér Jesus to grẽn ke kỹ ti mỹ: “ã mỹ há, Senhor'?“ he mũ. Kỹ tóg ti ki nhun ke mũ, Judas ti.