23214	MAT 1:1	Jesus Cristo jógjóg ve ag rán hã vẽ. Jesus Cristo vỹ tỹ Davi krẽ'krẽ nĩ, kỹ Davi vỹ tỹ Abraão krẽ'krẽ nĩ.
23215	MAT 1:2	Abraão vỹ Isaque han. Kỹ Isaque vỹ Jacó han. Kỹ Jacó vỹ Judá han, ti mré ke ag ke gé.
23217	MAT 1:4	Kỹ Arão vỹ Aminadabe han. Kỹ Aminadabe vỹ Nasom han. Kỹ Nasom vỹ Salmom han.
23218	MAT 1:5	Kỹ Salmom vỹ Boaz han, ti prũ tỹ Raabe fi ki. Kỹ Boaz vỹ Obede han, ti prũ tỹ Rute fi ki. Kỹ Obede vỹ Jessé han.
23220	MAT 1:7	Kỹ Salomão vỹ Roboão han. Kỹ Roboão vỹ Abias han. Kỹ Abias vỹ Asa han.
23224	MAT 1:11	Kỹ Josias vỹ Jeconias han, ti jãvy ag ke gé. Israel ag tỹ ẽmã tỹ Babilônia ra sigse kỹ mũ mũ ẽn kã tóg ag hynhan.
23225	MAT 1:12	Ag tỹ ẽmã ẽn tá vỹnvỹn ke kar kỹ Jeconias vỹ Salatiel han. Kỹ Salatiel vỹ Zorobabel han.
23226	MAT 1:13	Kỹ Zorobabel vỹ Abiúde han. Kỹ Abiúde vỹ Eliaquim han. Kỹ Eliaquim vỹ Azor han.
23230	MAT 1:17	Abraão krẽ'krẽ ag tóg 14 (ke) nỹtĩ, Davi mré nĩgkrén kỹ. Kỹ Davi krẽ'krẽ ag tóg 14 (ke) nỹtĩ gé, ag tỹ ag nĩgkrén kỹ, ag tỹ ẽmã tỹ Babilônia ra ag tatĩ mũ mũ ẽn kã. Ag tỹ tá vỹnvỹn ke ẽn kar kỹ ag krẽ'krẽ vỹ 14 (ke) nỹtĩ gé, Cristo mré nĩgkrén kỹ. Cristo jógjóg ve ag hã vẽ.
23270	MAT 3:9	Hã ra ãjag tóg jagnẽ mỹ: “Abraão vỹ tỹ ẽg jógjóg ve nĩ. Kỹ Topẽ vỹ ẽg to jũnh ke tũ nĩ,” he tĩ. Ke tũ vẽ hã ra. Ãjag jykre kórég ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ti tỹ Abraão krẽ'krẽ ũ ve sór kỹ.
23291	MAT 4:13	Ẽmã tỹ Nazaré tá kãkutẽ kỹ tóg, ẽmã tỹ Cafarnaum ra tĩ mũ, tá nĩ jé, goj nig mág ẽn tá, Zebulom ag jamã tá, Naftali ag jamã tá.
23293	MAT 4:15	“Zebulom ag jamã tá ti nĩnh mũ, Naftali ag jamã tá, goj nig mág tá, goj tỹ Jordão mã tá. Fóg ag jamã tá ti nĩnh mũ, Israel tũ ag jamã tá, ũ tỹ Topẽ ki kagtĩg ag jamã tá, goj nig mág tỹ Galiléia fyr ki.
23299	MAT 4:21	Kỹ ag tóg mũ mũ, goj fyr jagma. Ag mũ sĩ han mũ ra tóg, ũn régre ũ ag ve mãn mũ gé, hã vỹ: Tiago mré ti jãvy tỹ João he mũ. Zebedeu krẽ ag vẽ. Canoa kã ki ag nỹtĩ, kur tỹ pirã kugmĩ jafã ki ag tóg han nỹtĩ nĩ. Ag panh vỹ, ag mré nĩ nĩ. Kỹ Jesus tóg, ag mỹ: “inh mré kãmũjẽg,” he mũ.
23425	MAT 8:11	“Ha vé, ũ tỹ hẽn ri ke ag vỹ kãmũnh ke mũ, rã jur ja tá, rã pur ja tá ke gé. Abraão mré ag tóg ũ tỹ kanhkã tá nĩ ẽn tỹ tỹ ẽg pã'i nĩ venh ke mũ, Isaque mré, Jacó mré ke gé. Topẽ tóg ag ki rĩr ke mũ.
23488	MAT 10:2	Jesus tỹ ũn vin mũ ag jijin hã vẽ, ha mẽ. Ũn ve vỹ tỹ Simão nĩ, kỹ ti jiji ũ hã vỹ: Pedro, he mũ. Kar kỹ ti jãvy vỹ nĩ gé, hã vỹ: André, he mũ, Tiago ke gé, Zebedeu kósin tag ti, ti jãvy tỹ João ke gé,
23496	MAT 10:10	Kỹ sako ma mũ tũg nĩ gé, bolsa ẽn. Kur tỹ vẽnh kri rĩnh tũg nĩ, pẽn né ũ gé mũ tũg nĩ gé, pẽn to ró ẽn. Kỹ vãtó va mũ tũg nĩ gé, kãtó ti. Inh rãnhrãj han ãjag tóg mũ. Kỹ ag tóg to ãjag jẽn ke mũ, vẽnh kato, ha vem nĩ,” he tóg.
23511	MAT 10:25	Ũn vẽnh kanhrãn mũ tỹ ũ tỹ ti kanhrãn mũ ri ke nĩn kỹ tóg há tĩ. Ũn camarada tỹ ti patrão ri ke nĩn kỹ tóg há tĩ gé. Iso ag tóg: Belzebu, he ja nĩgtĩ, inh kato vãsãnsãn mũ ag, hã vỹ: Japo, he mũ. Tỹ sóg ũ tỹ ãjag kanhrãn mũ ri ke nĩ, ãjag patrão ri ke. Ag tỹ iso: Japo, hen kỹ ag tóg ãjag to vĩ kónãn mũ gé, ha vem nĩ, ãjag tỹ inh jykre hã han ti kỹ,” he tóg, Jesus ti.
23582	MAT 12:24	Kỹ Pã'i ag tóg mẽg mũ sir, Jesus tỹ ti tỹ há' he ẽn ti. Hã kỹ ag tóg Jesus to: “jagrẽ kórég ti nĩ,” he mũ. “Nén-Kórég ag pã'i tỹ ti jagrẽ nĩ, Belzebu ẽn tỹ. Hã kỹ tóg Nén-Kórég ag pan tĩ,” he ag tóg mũ.
23585	MAT 12:27	“Belzebu tỹ tóg Nén-Kórég ag pan tĩ,” he ãjag tóg tĩ iso. Jãvo ãjag mré ke ag hỹn vẽjykre tỹ ne tỹ vẽjagrẽ kórég pan tĩ? Ag mỹ Nén-Kórég ag jykre tỹ ag pan tĩ gé', Topẽ jykre tỹ, vó? Topẽ jykre tỹ ag tóg ag pan tĩ. Ãjag tỹ tag to jykrén kỹ ãjag tóg inh jykre há ẽn ki kanhrãn ke mũ vẽ,” he tóg.
23881	MAT 20:20	Kỹ Zebedeu krẽ ag mỹnh fi tóg Jesus venh kãtĩ mũ, fi krẽ ag mré. Kỹ fi tóg ti krẽm mũg ke mũ.
23897	MAT 21:2	“ẽmã ẽn ra mũjẽg, ẽg jo ẽmã nĩ ẽn ra,” he mũ. “Tá ãjag tóg burrica fi venh mũ. Se kỹ fi jẽ. Fi kósin vỹ fi mré jẽ nĩ. Ẽn fi kavãn kỹ fi pére kãmũm nĩ.
23901	MAT 21:6	Kỹ ag tóg burrica fi to mũ mũ sir.
23907	MAT 21:12	Kỹ Jesus tóg Topẽ ĩn jy ró kã ra rã mũ. Hã ra ag tóg tá ag bodega han ja nĩ. Jãnkamy trocar he tĩ ag tóg tá nỹtĩ gé. Kỹ tóg ag pan kãn mũ sir, nén vẽne he tĩ ag, nén kũpra he tĩ ag ke gé. Ag tỹ nén tỹ kri vin jafã tỹ tóg vyryn ke mũ sir, sórãg vẽne he tĩ ag nĩgnĩ jafã tỹ ke gé.
23908	MAT 21:13	Ag mỹ tóg: “Topẽ vĩ rá to jykrén nĩ, ha mẽ,” he mũ. “Inh ĩn jiji vỹ tỹ Topẽ mré vĩ jafã nĩ, he tóg, Topẽ vĩ rá ki. Hã ra ãjag tóg Topẽ mré vĩ jafã tag krẽm nén kar pigju mũgtĩ, kỹ tóg tỹ bandido ag jamã ri ke nĩ ha,” he tóg. Ag pan kỹ tóg ke mũ, Jesus ti.
23951	MAT 22:10	Kỹ ag tóg mũ mũ sir. Vẽnh kar mỹ ag tóg tó mũ, ũn jykre há ag mỹ, ũn jykre kórég ag mỹ ke gé. Hã kỹ tóg fór mũ sir, clube ti.
23973	MAT 22:32	“Abraão vỹ iso: Topẽ, he tĩ, Isaque ke gé, Jacó ke gé,” he ja tóg nĩ, Topẽ ti. Kãgter ag huri, Abraão, Isaque, Jacó. Hã ra Topẽ tóg: “tỹ inh ag Topẽ nĩ,” he ja nĩgtĩ, ag kãgter kar kỹ. Hã kỹ ag tóg rĩnrĩr nỹtĩ, Topẽ tỹ tỹ ũn rĩnrĩr nỹtĩ ag hã kri ke nĩn kỹ,” he tóg, Jesus ti.
24022	MAT 23:35	Hã kỹ tóg ãjag tỹ ũn jykre kuryj kar kãgtén mũ ri ke nĩ. Ũn tỹ hẽn ri ke ag kãgtén ag tóg huri, ẽprã ke ag, hã ra tóg, ãjag tỹ ag kãgtén kãn ri ke nĩ sir, Abel ti, ti nón ke ag mré hã, Zacarias ẽn mré hã, Baraquias kósin ẽn. Ẽn tỹ ãjag tóg Topẽ ĩn krẽm ti tén ja nĩ, Topẽ mỹ nén ũ pũn jafã ẽn tá, Zacarias ẽn.
24104	MAT 25:27	Ã tỹ ne jé inh jãnkamy tỹ banco tá vin ja tũ nĩ nẽ? Ã tỹ tá vin ra sóg isũ kãfór mãn ke mũ vẽ,” he tóg.
24109	MAT 25:32	Kỹ ẽprã ke kar vỹ inh jo vẽnh mãn kãn ke mũ sir. Kỹ sóg vẽnh kar tỹ vẽnh kãpãm ke mũ sir, ha mẽ. Carneiro mré cabrito ki rĩr tĩ ẽn vỹ kejẽn ti mẽg tỹ vẽnh kãpãm tĩ.
24110	MAT 25:33	Kỹ tóg carneiro tỹ ti pẽgja tá vin tĩ, jó tóg cabrito tỹ ti jakãnh tá vin tĩ. Tag ri ke han jé sóg ke mũ.
24160	MAT 26:37	Kỹ tóg Pedro mré Zebedeu krẽ ag mỹ: “inh mré kãmũ jẽg,” he mũ. Fe kaj tóg nĩ sir. Mũmẽg tóg mũ gé.
24178	MAT 26:55	Ẽn kã tóg porisa ag mỹ: “ãjag ne tóg, rógro génh kỹ kãmũ mũ', ka kykyv mré', ise jé',” he mũ. “Inh pijé tỹ bandido nĩ'. Kurã kar ki sóg ãjag mré jẽ ja nĩgtĩ, Topẽ ĩn krẽm. Vẽnh kar kanhrãn sóg jẽ ja nĩgtĩ, hã ra ãjag tóg tá ise ja tũ nĩ vẽ mỹr.
24214	MAT 27:16	Ẽn kã ũ tóg se kỹ jẽ nĩ, vẽnh kar tỹ ũn ki kanhró ẽn, ti jijin hã vỹ: Jesus Barrabás, he mũ.
24215	MAT 27:17	Jãvo ag tóg tá vẽnhmãn kỹ nỹtĩ, Judeu kar ag. Kỹ Pilatos tóg ag mỹ: “inh ãjag mỹ ũ tỹ hẽ kavãn ha? Mỹ Jesus Barrabás, Jesus Cristo mỹ vó?” he mũ.
24218	MAT 27:20	Hã ra Topẽ tũ to pã'i ag tóg, vẽnh kar krĩn mũ sir, kófa ag mré, vẽnh kar tỹ Barrabás kavar ve sór jé, ag tỹ Jesus ter hã ve sór jé.
24219	MAT 27:21	Kỹ fóg tỹ pã'i tóg, ag ki jẽmẽ mãn mũ. “Inh hỹn ũn régre tag ag kã ũ tỹ hẽ kavãn ha?“ he tóg. Kỹ ag tóg ti mỹ: “Barrabás“ he mũ.
24224	MAT 27:26	Kỹ Pilatos tóg Barrabás kavãg mũ sir. Jesus to tóg porisa ag mỹ: “ha ti mrãnmrãn,” he mũ sir. Ag tỹ ti mrãnmrãn kar kỹ tóg ag mỹ ti fẽg mũ, ag tỹ ka to ti sa jé.
24236	MAT 27:38	Ti kóm ag tóg, ũn régre ag tỹ krunh to sãg mũ gé, bandido ag. Kỹ ũ tóg ti pẽgja tá sa, jó ũ tóg ti jakãnh tá sa.
24242	MAT 27:44	Kỹ ũ tỹ ti kóm krunh to nỹtĩ ẽn ag tóg ti nyg mũ gé, bandido ag.
24244	MAT 27:46	3 (ke) óra ki Jesus tóg prẽr mũ sir, kỹ tóg: “Eli, Eli, lemá sabactani?“ he mũ. Ẽg vĩ ki tóg tag to: “Topẽ, Topẽ, ã tỹ ne jé isovãnh nẽ?“ he mũ.
24254	MAT 27:56	Fag kã ũ fi vỹ tỹ Maria Madalena fi nĩ, jo ũ fi tóg tỹ Maria fi nĩ gé, José mré Tiago mỹnh fi. Kỹ ũ fi vỹ tỹ Zebedeu krẽ ag mỹnh fi nĩ gé. Fag mré ke ũ fag vỹ tá nỹtĩ gé.
24303	MRK 1:19	Ag mũ sĩ han mũ ra ag tóg ũn régre ũ ag ve mán mũ gé, Tiago ti, ti jãvy tỹ João ti ke gé. Zebedeu krẽ ag vẽ. Canoa kã ki ag tóg pirã kugmĩ jafã ki han nỹtĩ nĩ.
24355	MRK 2:26	Topẽ ĩn kã ra tóg rã. Ẽn kã Abiatar vỹ tỹ Topẽ tũ to pã'i nĩ. Tá tóg Topẽ jamĩ ẽn kó, tỹ ti tỹ konh ke tũ ra. Topẽ tũ ki rĩr tĩ ag hã tỹ konh ke vẽ vẽ. Hã ra tóg kó, ti mré mũ ag ke gé. Rán kỹ tóg nĩ nĩ,” he tóg.
24374	MRK 3:17	Tiago ke gé, ti jãvy tỹ João mré, Zebedeu krẽ tag ag. Jesus tỹ ag jiji ũ hã vỹ: Boanerges, he mũ, ẽg vĩ ki ke hã vỹ: ta tỹ tỹrỹr he ri ke ag, he mũ,
24379	MRK 3:22	Kỹ Topẽ vĩ to ẽg kanhrãn tĩ ag tóg tá junjun mũ gé, ti ve jé. Jerusalém tá ag tóg kãmũ jẽg. Ag tỹ ti to: “Japo tỹ tóg jagrẽ nĩ. Hã kỹ tóg vẽjagrẽ kórég ag pan tĩ,” hen kỹ. “Belzebu jykre han tóg tĩ, Nén-Kórég ag pã'i mág ẽn jykre ti,” he ag tóg.
24692	MRK 10:35	Kỹ Tiago mré João ag tóg ti kukãm mũ mũ, Zebedeu krẽ ag. “Senhor, ẽg mỹ ẽg tỹ nén to vĩ mũ tag ti han,” he ag tóg.
24711	MRK 11:2	“ha ẽg jo ẽmã nĩ ẽn ra mũjẽg,” he mũ. “ Tá ãjag tóg burrica fi krẽ venh ke mũ. Se kỹ tóg jẽ. Ũ vỹ ver ti kri nĩ ja tũ nĩ. Ti kavãn kỹ ti pére kãmũm nĩ,” he tóg.
24714	MRK 11:5	Kỹ ag tóg ag mỹ: “ãjag tỹ ne jé burrica sĩ kavãn nẽ?“ he mũ.
24716	MRK 11:7	Kỹ ag tóg burrica krẽ ma mũ mũ sir, Jesus to. Ag kur tỹ ag tóg ti kri kugjén mũ, kỹ tóg kri nĩ mũ sir.
24768	MRK 12:26	“Topẽ vĩ ũ to jykrén nĩ. Topẽ tóg vãnh pũr kã ki Moisés mỹ: “Abraão vỹ iso: Topẽ, he tĩ, Isaque ke gé, Jacó ke gé,” he ja nĩ. Kãgter ag huri, hã ra Topẽ tóg: “tỹ inh ag Topẽ nĩ,” he ja nĩ, ag kãgter mũ ra.
24826	MRK 14:3	Ẽn kã tóg kejẽn ẽmã tỹ Betânia tá nĩ nĩ, Simão ĩn krẽm, vẽnh kaga tỹ lepra han ja ẽn ĩn krẽm. Ti jẽg nĩ ra ũ fi tóg tá jun mũ, garrafa vyn kỹ. Pó tỹ alabastro tỹ tóg há jẽ, garrafa ti. Ti ki jẽ vỹ tỹ nén ger há nĩ, hã vỹ: nardo, he mũ. Ũn kaja e pẽ vẽ. Garrafa ẽn nunh mranh kỹ fi tóg ti ki jẽ ẽn tỹ Jesus gãnh tãg mũ sir.
24859	MRK 14:36	Kỹ tóg: “Aba', panh', nén kar han ki kanhró ã tóg nĩ. Kỹ tóg inh mỹ ã tỹ inh jagtar ke tag tỹ tũ' henh há tóg tĩ vẽ. Hã ra isỹ ã mỹ nén to vĩ mũ tag han tũg nĩ, ã tỹ nén han ke mũ ẽn hã han nĩ,” he mũ.
24871	MRK 14:48	Hã ra Jesus tóg ag mỹ: “ãjag ne tóg rógro génh kỹ kãmũ mũ', ka kykyv génh kỹ ke gé'. Inh pijé tỹ bandido nĩ'.
24902	MRK 15:7	Hã ra ũ tóg se kỹ nĩ, ti jijin hã vỹ: Barrabás, he mũ. Vẽnh génh kutẽm tĩ ag mré tóg se kỹ jẽ nĩ. Vẽnh génh kỹ ag tóg ũ kãgtén ja nĩgtĩ, hã kỹ ag tóg sigse kỹ nỹtĩ.
24906	MRK 15:11	Hã ra pã'i ag tóg vẽnh kar krĩn ja nĩ, ag tỹ ti mỹ: “Barrabás hã kava ra,” he jé.
24910	MRK 15:15	Kỹ tóg ag mỹ Barrabás kavãg mũ sir. Jesus mrãnmrãn tóg mũ sir, mrãn ke jafã tỹ, kỹ tóg ag mỹ ti fẽg mũ sir, ag tỹ ka to ti sa jé.
24922	MRK 15:27	Ti kóm ag tóg krunh to bandido régre ag sãg mũ gé, Ũ vỹ ti pẽgja tá sa, jó ũ vỹ ti jakãnh tá sa.
24929	MRK 15:34	3 óra ki Jesus tóg prẽr mũ sir, jamã há ra, kỹ tóg: “Eloí, Eloí, lemá sabactani?“ he mũ. Ẽg vĩ ki ẽg tóg tag to: “Topẽ, Topẽ, ã tỹ ne jé isovãnh nẽ?“ he mũ.
24967	LUK 1:5	Kejẽn Herodes tóg tỹ Israel ag pã'i mág nĩ, ga tỹ Judéia tá. Ẽn kã Topẽ tũ ki rĩr tĩ tỹ Zacarias tóg nĩ nĩ. Ti jógjóg ve jijin hã vỹ: Abias, he mũ. Arão krẽ'krẽ ũ vẽ. Ti prũ fi jijin hã vỹ: Isabel, he mũ. Arão krẽ'krẽ fi vẽ gé.
24969	LUK 1:7	Hã ra fag tóg krẽ tũ nỹtĩ. Kurĩ fi tóg nĩ, Isabel fi. Kỹ fag tóg krẽ tũ nỹtĩ ki kófa nỹtĩ ha.
24975	LUK 1:13	Hã ra tóg ti mỹ: “inh kamẽg tũg nĩ,” he mũ. “Topẽ vỹ ã vĩ ẽn mẽ, kỹ tóg ã mỹ han ke mũ ha. Ã prũ fi kufyg jé ã tóg ke mũ, Isabel fi. vỹ kósin ke mũ. Fi tỹ ti ve kỹ tóg gré nỹnh mũ. Kỹ ã tỹ ti jijin kỹ ti mỹ: João, hem nĩ,” he tóg.
24981	LUK 1:19	Kỹ tóg ti mỹ: “tỹ sóg Gabriel nĩ,” he mũ. “Topẽ nĩgja tá inh jẽgtĩ. Hã ra tóg inh jẽnẽ, sỹ ã mỹ vẽnh vĩ sér tag tó jé,” he tóg.
24986	LUK 1:24	Kejẽn ti prũ fi tóg kufyg mũ sir, Isabel fi. Kỹ fi tóg kysã tỹ 5 (ke) ki hẽ kã tá tĩ tũ nĩ, fi mỹ sér tĩn kỹ.
24988	LUK 1:26	Isabel fi kufy nĩ ki kysã tỹ 6 (ke) vẽ sir. Kỹ Topẽ vỹ ti tỹ jẽnẽ jafã tỹ Gabriel jẽnẽ mãn mũ, ti tỹ Jesus mur ke tónh tĩg jé. Kỹ tóg ga tỹ Galiléia ra tĩ mũ, ẽmã tỹ Nazaré ra.
24998	LUK 1:36	Ha vé, ã mré ke tỹ Isabel fi vỹ kufy nĩ ha, fi kófa ra. Kysã tỹ 6 (ke) han fi tóg huri, kufy nĩ ki. Fi to ãjag tóg: kurĩ fi tóg nĩ, he tĩ vẽ, hã ra fi tóg kufy nĩ ha.
25001	LUK 1:39	Ti tĩg kar kỹ fi tóg fũrũn tĩ mũ sir, Isabel fi jamã ra. Ga tỹ Judéia tá pãnónh e ẽn tá tóg nĩ.
25007	LUK 1:45	Ã hã ne tóg Topẽ vĩ kri fi', ti tỹ ã mỹ vẽnh vĩ jẽnẽn kỹ. Hã kỹ tóg ã ve há han. Kỹ ã tóg venh ke mũ, ti tỹ ã mỹ nén tó ja ti,” he fi tóg, Isabel fi, Maria fi mỹ.
25017	LUK 1:55	Ẽg jógjóg ve ag mỹ tóg ti tỹ ẽg jagãgtãn ke tó ja nĩgtĩ, Abraão mỹ, ti krẽ'krẽ ag mỹ ke gé. Kỹ tóg vãhã ti vĩ ẽn to jykrén kỹ han mũ, ti tỹ vãsỹ nén tó ja ẽn ti. Hã kỹ ti tỹ ẽg jagãgtãn ke ẽn tóg tũ' henh ke tũ nĩ,” he fi tóg, Topẽ mỹ vĩ há han kỹ.
25018	LUK 1:56	Kỹ fi tóg Isabel fi mré kysã tãgtũ han mũ sir. Kar kỹ fi tóg fi jamã ra vỹn ke mũ sir.
25019	LUK 1:57	Fi tĩg kar kỹ Isabel fi tóg kejẽn fi kósin venh ke kurã tá krỹg mũ sir. Kỹ fi tóg vég mũ. Hã ra tóg gré nỹ.
25035	LUK 1:73	Ẽg jógjóg ve tỹ Abraão mỹ tóg:
25037	LUK 1:75	“Nén ũ vẽnh mỹ han ke tũ ag tóg nĩ, kurã kãtĩg ke mũ ẽn kã. Ag tỹ ga kri mũn kỹ ag tóg vẽjykre kuryj tãvĩ han ke mũ, isũ han kỹ. Kurã kar ki ag tóg sir inh jykre hã han ke mũ,” he ja tóg nĩgtĩ, Topẽ ti, Abraão mỹ,” he tóg, Zacarias ti.
25095	LUK 3:1	Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.
25102	LUK 3:8	Ãjag jykre pãno tugvãnh ra, ãjag tỹ ti jũ ve jãvãnh tĩn kỹ. Vẽjykre há han ra, ẽg tỹ ãjag jykre tãg ve jé. Hã ra ãjag tóg jagnẽ mỹ: “Abraão krẽ vỹ tỹ ẽg nỹtĩ, kỹ Topẽ hỹn ẽg to jũnh ke tũ nĩ,” he tĩ. Hã tũ vẽ hã ra. Ãjag jykre pãno ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ãjag jẽgja kã.
25121	LUK 3:27	Joanã, Resa, Zorobabel, Salatiel, Neri,
25126	LUK 3:32	Jessé, Obede, Boaz, Sala, Nassom,
25127	LUK 3:33	Aminadabe, Admim, Arni, Esrom, Peres, Judá,
25128	LUK 3:34	Jacó, Isaque, Abraão, Tera, Naor,
25129	LUK 3:35	Serugue, Reú, Pelegue, Éber, Selá,
25186	LUK 5:10	Zebedeu krẽ tỹ Tiago mré João mỹ ke gé. Simão mré ag tóg rãnhrãj mũgtĩ. Simão tỹ ti mỹ: “ã hỹn inh ré kỹ tĩg mũ ha,” hen kỹ tóg ti mỹ: “vó, mũmẽg tũg nĩ,” he mũ.“Pirã kugmĩ há ã tóg nĩ. Ã kanhrãn jé sóg ke mũ, ã tỹ ẽprã ke ag tỹ inh ki ge han jé,” he tóg.
25462	LUK 10:30	Kỹ tóg ti mỹ: “Judeu ũ tóg nĩgtĩ. Hã ra tóg Jerusalém tá kãtĩg kỹ ẽmã tỹ Jericó ra tĩ mũ. Ẽpry kri ũn jykre kórég ag tóg, ti jo vãjig mũ, bandido ag. Kỹ ag tóg, ti kãgmĩ kỹ, ti kur nũnh kãn kỹ ti mrãnmrãn mũ. Ti tén kren ag tóg mũ, kỹ ag tóg ẽpry fyr tá ti fón kar kỹ mũ mũ sir, ti tũ mãn kãn kỹ.
25525	LUK 11:51	Abel kãke tóg ti tén. Kỹ ãjag jógjóg ve ag tóg ti nón ke ag kãgtén ja nĩgtĩ gé. Vãhã ag tóg Zacarias tén mũ gé, Topẽ ĩn krẽm, Topẽ mỹ nén ũ pũn jafã ẽn tá. Hã kỹ tóg, ãjag tỹ ag kãgtén ri ke nĩ. Kỹ ãjag tóg ag kãgter tag kajãm kãn ke mũ, ha vem nĩ,” he tóg.
25603	LUK 13:16	Kỹ tag fi vỹ se kỹ jẽ ẽn ri ke ja nĩ gé, ha mẽ. Satanás hã vỹ fi sé', prỹg tỹ 18 (ke) ki. Ẽg jógjóg ve tỹ Abraão krẽ'krẽ ũ fi vẽ. Ẽg mẽg kãfór fi tóg jẽ. Hã ra ã tóg jũ sór mũ, isỹ vẽnh kán ke kurã ki fi tỹ há' hen kỹ. Isỹ fi kavãn ri ke vẽ,” he tóg.
25615	LUK 13:28	Ãjag tỹ ra mũnh ke tá ãjag tóg vẽsỹrénh ke mũ, tá ãjag tóg ãjag jã tỹ gángán kenh ke mũ. Kór há tá ãjag tóg Abraão venh ke mũ, tá, Isaque ke gé, Jacó ke gé, Topẽ vĩ tó tĩ ag kar ke gé. Ẽn ag kar vỹ, Topẽ tỹ tỹ ẽg pã'i nĩ venh mũ sir, ãjag jãvo.
25686	LUK 15:29	Hã ra tóg ti mỹ: “nejé,” he mũ. “Prỹg tỹ hẽn ri ke ki sóg ã rãnhrãj ti han, ha mẽ. Inh pijé ã vĩ mranh ja nĩgtĩ'. Ge ra ã tóg inh mỹ nén ũ nĩm ja tũ nĩ. Ã pijé inh mỹ cabrito fẽg tĩ', sỹ inh mré ke ag mỹ fénhta han jé.
25711	LUK 16:22	Kejẽn tóg ter mũ, ũn jagtar ẽn ti. Kỹ Topẽ tỹ jẽgnẽ jafã ag vỹ ti va mũ mũ, ti kuprĩg ti, kanhkã ra. Tá Abraão tóg nĩ nĩ, ẽg jóg' jóg ve ti, kỹ tóg ti mré nĩ nĩ sir, ti tỹ tỹ ti krẽ'krẽ nĩn kỹ. Kar ũn riko tóg ter mũ gé sir. Kỹ ag tóg ga kã tá ti péju mũ.
25712	LUK 16:23	Hã ra tóg nũgme ki kutẽ mũ, ti kuprĩg ti. Inferno tá ti vẽsỹrénh jagy han mũ sir. Kejẽn tóg kanhkã ki ẽvãnh mũ, kỹ tóg tá Abraão vég mũ, Lázaro ke gé, kuvar há tá.
25713	LUK 16:24	Kỹ tóg ag mỹ prẽr mũ. “!..Ijóg'..! !..Abraão'..!” he tóg. “!..Ijagãgtãn ra..!” he tóg. “Lázaro jẽnẽ ra, ti tỹ ti nĩjuja junun mrãn kỹ inh nũnẽ mrãn sĩ han jé. Inh mỹ tóg rỹjgy tãvĩ tĩ, pĩ kã ki,” he tóg.
25714	LUK 16:25	Kỹ Abraão tóg ti mỹ: “inh kósin,” he mũ. “Ã tỹ ga kri tĩ ja ẽn ki ẽkré. Tá ã tóg há tĩ ja nĩgtĩ, jãvo Lázaro tóg jagtar ja nĩgtĩ. Kỹ tóg tag ki há tĩ nĩ, jo ã tóg vẽsỹrénh jẽ nĩ, ã tỹ ti jagãgtãn ja tũ nĩn kỹ.
25718	LUK 16:29	Kỹ Abraão tóg ti mỹ: “vó, tá ag tóg Moisés tỹ ẽg mỹ nén tó ja ẽn mẽnh mũ, Topẽ vĩ tó tĩ kar ag vĩ ke gé. Hã kỹ ag tóg Topẽ vĩ jẽmẽnh mũ, ag tỹ mẽ sór kỹ,” he mũ.
25720	LUK 16:31	Hã ra tóg: “vó, ag tỹ Moisés vĩ jẽmẽ sór tũ nĩn kỹ ag tóg vẽser vĩ mẽnh ke tũ nĩ gé, ag tỹ Topẽ vĩ tó tĩ ag vĩ mẽ jãvãnh nỹtĩn kỹ,” he mũ, Abraão ti, ũn riko ja ẽn mỹ,” he tóg, Jesus ti.
25809	LUK 19:9	Kỹ tóg ti mỹ: “ũri ã tóg kren ke mũ, ã mré ke fag mré hã. Abraão krẽ'krẽ vỹ tỹ ã nĩ gé,” he mũ.
25823	LUK 19:23	Kỹ ã tỹ ne jé inh jãnkamy tỹ banco tá nĩm ja tũ nĩ nẽ? Ã tỹ tá nĩm han ra sóg ti juro venh ke mũ vẽ, kỹ sóg isũ kãfór mãn ke mũ vẽ,” he tóg.