23265	MAT 3:4	João ẽn kur tóg tỹ kãvãru pãnĩ sór kyki tỹ há nĩ. Kỹ tóg nén ũ fár hã tỹ vẽsógfĩg tĩ gé. Ópã hã ko ti tĩ, mỹg mré.
23268	MAT 3:7	Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?
23323	MAT 5:20	“Fariseu ag ri ke nỹtĩ sór tũg nĩ. Ón kỹ ag tóg Topẽ vĩ ki króm sór tĩ, hã ra ag tóg, ki króm há han tũ nĩgtĩ. Ag jykre pijé kuryj nỹ'. Ãjag tỹ kanhkã ve sór nỹtĩn kỹ vẽjykre kuryj han nĩ,” he tóg, Jesus ti.
23336	MAT 5:33	“Vãsỹ Topẽ tỹ ẽg jo ke ag jyvẽn ũ tag mẽ ãjag tóg huri ke gé, hã vỹ: “jagnẽ mỹ ón tũg nĩ,” he mũ. “Ã tỹ ũ mỹ: Topẽ vỹ ki kanhró nĩ, hen kỹ ti mỹ ón sór tũg nĩ. Ki hã tóm nĩ gé, ã tỹ Topẽ mỹ: tag hã han jé sóg ke mũ, hen kỹ. Ón kỹ vĩ tũg nĩ,” he ja tóg nĩ.
23337	MAT 5:34	Sỹ ũri ãjag jyvẽn hã vẽ, ha mẽ: Ón kỹ “Topẽ vỹ ki kanhró nĩ,” he sór tũg nĩ. Ón kỹ “ũ tỹ kanhkã tá nĩ ẽn vỹ, ki kanhró nĩ,” he sór tũg nĩ gé. Topẽ nĩgja vẽ, kanhkã tá, kỹ ón kỹ tag tó sór tũg nĩ.
23352	MAT 6:1	“Kỹ ãjag tỹ Topẽ jykre han sór kỹ ũ tỹ vẽjykre pãno han mũ ag jykre ri ke han tũg nĩ. Ón kỹ ag tóg, vẽnh kar rĩnve Topẽ jykre han sór tĩ, vẽnh kar tỹ ag ve jé. Kar kỹ ag tóg hã ra, hã tũ han tĩ sir, fag ke gé. Kỹ ag ri ke han tũg nĩ, ke tũ nĩ mũ ra ẽg jóg tỹ kanhkã tá nĩ ẽn vỹ tóg, ãjag mỹ ti kaja ven ke tũ nĩ,” he tóg.
23400	MAT 7:15	“Ón kỹ Topẽ vĩ tó tĩ ẽn ag vĩ kri nĩm tũg nĩ. Há nỹtĩ ve ag tóg nĩ, hã ra ag tóg, ãjag kókén sór nỹtĩ. Ãjag kókén sór to ag tóg, mĩg jũ ẽn ri ke nỹtĩ, mỹr, ha mẽ.
23630	MAT 13:22	Ti fy ũ tóg sónh kã ki krãn kỹ nĩ. Ũ vẽ gé. Topẽ vĩ mẽg tóg mũ gé. Hã ra tóg ti rãnhrãj hã mĩ ẽkrég mũ sir. Nén kar to én tóg mũ sir. Ón kỹ tóg riko nĩ sór mũ. Hã kỹ tóg Topẽ vĩ kã jatu' he mũ sir. Kỹ tóg kanẽn há han tũ nĩ sir.
23864	MAT 20:3	Kỹ ag tóg mũ mũ. Óra tãgtũ tũg kỹ, 9 horas ki tóg tĩg mãn mũ, ũ ag jãvãnh jé. Véké ag tóg ẽmã kuju tá nỹtĩ.
23866	MAT 20:5	Kỹ ag tóg mũ mũ. Óra tãgtũ ũ tũg kỹ, meio dia ki tóg ũ ag jãvãnh tĩg mãn mũ, kar kỹ tóg 3 horas ki tĩg mãn mũ gé. Ag ve kỹ tóg ag mỹ ke mũ gé, kỹ ag tóg mũ mũ gé, ti jakré ki rĩr jé.
23922	MAT 21:27	To jykrén kỹ ag tóg Jesus mỹ: “ẽg pijé João jykre ki kanhró nỹtĩ',” he mũ. Ón kỹ ag tóg ke mũ. Kỹ tóg ag mỹ: “kỹ sóg ãjag mỹ tónh ke tũ nĩ gé, ũ tỹ inh jẽnẽg mũ ti,” he mũ.
24000	MAT 23:13	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.
24001	MAT 23:14	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg ũn mén ter ja fag tũ mãn kãn tĩ'. Kar kỹ ãjag tóg ón kỹ Topẽ mré vĩ téj han mũgtĩ, ẽg tỹ ãjag to: “há ag nỹtĩ,” he jé. Hã kỹ Topẽ vỹ, ãjag vóg kónãn kãfór han ke mũ,” he tóg.
24002	MAT 23:15	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg kuvar há ra mũ tĩ', ga mĩ, goj mĩ ke gé, ãjag tỹ ũ tỹ Israel ag jykre han sór mũ ũ jãvãnh jé. Ãjag tỹ ũ ven kỹ ãjag tóg ti tỹ Japo krẽ han mũ sir, ti tỹ ón kỹ Topẽ vĩ mẽ jé, ãjag ri ke, ti tỹ ãjag mré nũgme ki kutẽ jé. Kỹ ti jykre pãno vỹ ãjag jykre pãno kãfór nỹ sir,” he tóg, Jesus ti.
24004	MAT 23:17	Vẽnh mỹ ti nĩ, ãjag vĩ tag. Krĩ tũ ãjag tóg nỹtĩ, kyvó ãjag tóg nỹtĩ. Ouro mỹ Topẽ ĩn kãfór nĩ'? Vó'. Ouro vỹ tỹ Topẽ tũ nĩ, ti tỹ Topẽ ĩn krẽm nĩn kỹ. Hã kỹ tóg tỹ, Topẽ tũ kar nĩ sir, ouro ti, ti ĩn ti ke gé. Ón kỹ: “Topẽ hã vỹ ki kanhró nĩ,” he tũg nĩ,” he tóg.
24005	MAT 23:18	“Ãjag vĩ vẽnh mỹ ũ vỹ nĩ gé. Ón kỹ ẽg tóg: ẽg tỹ mesa kri ũn mỹ nén ũ pũn mũ ẽn vỹ ki kanhró nĩ, henh ke mũ,” he ãjag tóg tĩ gé. “Ẽg tỹ hã ra: ẽg tỹ ũn mỹ ẽg mẽg pũn tĩ ẽn vỹ ki kanhró nĩ, hen kỹ ẽg ón ke tũ nĩ,” he ãjag tóg tĩ gé.
24010	MAT 23:23	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ón kỹ ãjag tóg, Topẽ mỹ ãjag jakré ki dízimo vin tĩ. Ãjag jakré tỹ hortelã tỹ 10 (ke) nỹtĩn kỹ ãjag tóg Topẽ mỹ ũn pir nĩm tĩ, ãjag jakré tỹ erva doce tỹ ke gé, ãjag jakré tỹ cominho tỹ ke gé. Há ti nĩ vẽ. Hã ra ãjag tóg, ti tỹ ẽg jyvẽn mũ ẽn han tũ nĩgtĩ. Vẽjykre kuryj han tũ ãjag tóg nĩgtĩ. Ũn jagtar ag jagãgtãn tũ ãjag tóg nĩgtĩ. Topẽ vĩ kri fig tũ ãjag tóg nĩgtĩ. Ãjag tỹ ti vĩ ki króm mré hã ãjag jakré ki dízimo vin ra tóg, há tĩ vẽ, ha mẽ. Hã ra ãjag tóg ki króm sór tũ nĩgtĩ.
24012	MAT 23:25	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Kópa venja kupég ãjag tóg tĩ, pénky venja, hã ra tóg kã tá kavéj nĩ. Kỹ ãjag ge nỹgtĩ gé. Jykre há nỹtĩ ve ãjag tóg nỹtĩ gé, hã ra ãjag tóg vẽjykre pãno han tĩ, hã vỹ: jãnkamy to ag lograr he tĩ, he mũ, ãjag prũ tũ fag mré nỹ tĩ, he mũ gé.
24014	MAT 23:27	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ, ãjag ve kónãn,” he tóg. “Vẽnh kej sĩnvĩ ri ke ãjag nỹtĩ. Sĩnvĩ nĩ ve ti nĩ, vẽnh kej ti, ẽg tỹ pó tỹ kri tam kỹ, kar tinta tỹ to tĩn kỹ. Ti sĩnvĩ nĩ ve ra tóg ti kã tá kórég nĩ. Vẽser vỹ krẽm nỹ nĩ, vẽser vag mũ ti, ti kuka.
24016	MAT 23:29	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ãjag jógjóg ag vỹ Topẽ vĩ tó tĩ ag kãgtén ja nĩgtĩ. Jãvo ãjag tóg ag kej sĩnvĩ han tĩ, ũn jykre kuryj ja ag kej ti.
24037	MAT 24:11	Ón kỹ inh vĩ tó tĩ ag vỹ junjun ke mũ gé, ag tỹ ũn e krĩn jé sir, ag tỹ isogvãnh jé.
24050	MAT 24:24	Ón kỹ Cristo ag vỹ vẽnh venven ke mũ, ón kỹ Topẽ vĩ tó tĩ ag ke gé. Ẽn ag vỹ ẽg tỹ nén han vãnh hynhan ke mũ, milagre tỹ hẽn ri ke ti. Ag tỹ vẽnh kar krĩn kónãn sór vẽ, ag tỹ kygnẽ jé, Topẽ tỹ ũn kuprẽg ja ẽn ag mré hã, hẽn ri ke mũn.
24277	MAT 28:13	“Ón kỹ vẽnh kar mỹ: “ẽg nũgnũr mũ jãvo Jesus mré mũ tĩ ag tóg, ti péju ja nĩ, kuty si há tá,” hem nĩ,” he ag tóg.
24290	MRK 1:6	Jó ti kur tóg tỹ kãvãru pãnĩ sór kyki tỹ há nĩ. Kỹ ti vẽsógfĩn ja vỹ tỹ nén ũ fár tỹ há nĩ gé. Ópã hã ko ti tĩ, mỹg mré. Ti jẽn hã vẽ.
24690	MRK 10:33	“Ha vé, Jerusalém ra ẽg tóg mũ mũ,” he tóg. “Ẽprã ke fi kósin ẽn vỹ jagtar ke mũ. Inh hã vẽ. Ón kỹ Topẽ tũ to pã'i ag tóg ag tỹ isỹ nén han sór mũ ẽn han ke mũ,” he tóg. “Ag tỹ iso: “ter jé tóg ke mũ,” henh ke vẽ, kỹ ag tóg fóg ag mỹ inh fẽg ke mũ.
24742	MRK 11:33	Hã kỹ ag tóg ti mỹ: “ẽg pijé ki kanhró nỹtĩ',” he mũ. Ón kỹ ag tóg ke mũ. Kỹ tóg ag mỹ: “kỹ sóg ãjag mỹ ũ tỹ inh jẽnẽg mũ tónh ke tũ nĩ gé,” he mũ.
24808	MRK 13:22	Ón kỹ Cristo vỹ vẽnh venven ke mũ, ón kỹ Topẽ vĩ tó tĩ ag ke gé. Kỹ ag tóg ón kỹ milagre tỹ hẽn ri ke hynhan ke mũ. Ag tỹ vẽnh kar krĩn kónãn sór vẽ, Topẽ tỹ ũn kuprẽg ja ẽn ag mré hã, hẽn ri ke mũn.
24924	MRK 15:29	Kỹ ũ tỹ mĩ mũ mũ ag tóg ti nyg' he mũ gé, vỹn vỹn he kỹ. “Ó', ã ne tóg: Topẽ ĩn kókén jé sóg ke mũ, he gé',” he ag tóg. “Kurã tãgtũ ki sóg ũ han mũ, he ã tóg mũ gé'.
25328	LUK 8:14	Kỹ ti fy tỹ sónh kã ki krãn kỹ nỹtĩ vỹ, ge nỹtĩgtĩ gé. Topẽ vĩ mẽg ag tóg tĩ gé. Hã ra ag tóg, ag rãnhrãj hã tỹ vẽnh kutãn tĩ. Ón kỹ ag tóg riko nỹtĩ sór mũ, ag rãnhrãj to. Nén kar to ag tóg én tĩ, kỹ tag hã ne ag kókég tĩ'. Hã kỹ ag tóg, Topẽ vĩ mĩ ẽkrén mãn tũ nĩ sir. Kanẽn há han tũ ag tóg nĩ gé sir.
25503	LUK 11:29	Hã ra ũ tỹ hẽn ri ke ag tóg sir, tá junjun mũ, ti vĩ mẽ jé. Kỹ tóg fór tãvĩ tĩ. Kỹ Jesus tóg ag mỹ: “kórég ãjag nỹtĩ,” he mũ. “Ón kỹ ãjag tóg, nén han vãnh ve sór mũ. Venh ke tũ ãjag tóg nĩ. Nén ũ pir hã ve jé ãjag tóg ke mũ, hã vỹ: Jonas tỹ nén ve ja ẽn ri ke, he mũ,” he tóg.
25516	LUK 11:42	“Fariseu', Topẽ vỹ ãjag ve kónãn. Ón kỹ ãjag tóg Topẽ mỹ ãjag jakré tỹ dízimo han kãn tĩ. Ãjag jakré tỹ hortelã tỹ 10 nĩn kỹ ãjag tóg Topẽ mỹ ũn pir nĩm tĩ, ãjag jakré tỹ arruda tỹ ke gé, ãjag jakré kar tỹ mỹr. Hã ra ãjag tóg vẽjykre kuryj han tũ nĩ jãvo. Topẽ to há tũ ãjag tóg nỹtĩ, ti vĩ jẽmẽ jãvãnh ãjag tóg nỹtĩ. Ãjag tỹ ti tỹ ẽg jyvẽn ki króm mré hã ãjag jakré tỹ dízimo han kỹ tóg há tãvĩ tĩnh mũ vẽ. Hã ra ãjag tóg ki króm sór tũ nĩgtĩ,” he tóg.
25526	LUK 11:52	“Ón kỹ Topẽ vĩ to ẽg kanhrãn tĩ', Topẽ vỹ ãjag vóg kónãn ke mũ. Ũ tỹ Topẽ ki rã sór mũ ra ãjag tóg, ti mỹ tó há han tũ nĩgtĩ, ti tỹ ki rã tũ nĩn jé. Kỹ tóg, ẽg tỹ ũ jo ĩn nĩfénh ẽn ri ke nĩ,” he tóg.
25528	LUK 11:54	Ón kỹ ag tóg ti ki jẽmẽg tĩ gé sir. Hã ra ag tóg ti vĩ mẽ há han tũ nĩ sir. Nén ũ pir hã to ag tóg jykrén mũ, hã vỹ: ti kãgmĩnh ke, he mũ.
26188	JHN 2:24	Hã ra tóg ag jykre ki kanhró nĩ. Ón kỹ ag tóg ti ki ge mũ, hã kỹ ag tóg to jykrén há han tũ nĩ sir.
26278	JHN 4:53	Óra ẽn kã Jesus tóg ti mỹ: “ã kósin vỹ há nĩ,” he ja nĩ. Kỹ tóg to jykrén há han mũ sir, pã'i ẽn ti. Kỹ tóg Jesus ki rã mũ, ti prũ fi ke gé, ti krẽ kar ag ke gé, ti camarada kar ag ke gé.
26421	JHN 7:24	Ón kỹ ãjag tóg iso jũ sór mũ. Inh jykre vỹ ãjag mỹ kórég nĩ ve nĩ. Ãjag tỹ to jykrén há han ra ãjag tóg inh jykre há nĩ venh mũ vẽ,” he tóg.
26515	JHN 9:6	Tag tó kar kỹ tóg ga kri sug mũ, kỹ tóg óré sĩ han mũ. Óré ẽn tỹ tóg ũn kyvó kanẽ to tĩn mũ.
27228	ACT 7:43	Ón kỹ topẽ tỹ Moloque kãgrá va ãjag tóg mũ ja nĩgtĩ, krĩg kãgrá ke gé, hã vỹ: Renfã, he mũ. Ẽn to ãjag tóg jãnjãn ja nĩgtĩ. Hã kỹ sóg ãjag vóg kónãn kỹ Babilônia tá ke ag jẽgnẽnh mũ, ag tỹ ãjag tatĩ mũ jé, he tóg, Topẽ ti, ti vĩ tó tĩ tỹ,” he tóg, Estêvão ti.
27437	ACT 13:6	Goj vãso mĩ ag tóg pa mũ. Kỹ ag tóg ẽmã tỹ Pafos tá junjun mũ, Topẽ vĩ kãmén kỹ. Tá ũ tóg nĩ nĩ, kujá ũ. Ón kỹ tóg Topẽ vĩ tó sór mũ. Judeu ũ vẽ, ti jiji hã vỹ: Bar Jesus, he mũ.
27495	ACT 14:12	Kỹ ag tóg Barnabé to: Júpiter, he mũ. Paulo to ag tóg: Mercúrio, he mũ sir, ti vĩ mág to. Ón kỹ ag topẽ jigji vẽ, hã vỹ: Júpiter mré Mercúrio, he mũ. Hã ra Paulo ag tóg ag vĩ ki kagtĩg nỹtĩ.
27688	ACT 19:34	Kỹ ag tóg ti tỹ tỹ Judeu nĩ vég mũ sir. Hã ra tá fóg ag tóg Judeu ag to jũgjũ nỹtĩ. Kỹ vẽnh kar tóg prẽnprẽr kỹ: “!..Éfeso tá ke fi vỹ vẽnh kar kãfór ne..! !..Artemis he mũ fi vỹ vẽnh kar kãfór ne..!“ he mũ. Óra régre han ag tóg mũ sir, prẽnprẽr kỹ.
27822	ACT 23:20	Kỹ tóg ti mỹ: “Judeu ag tóg to jykrén, ag tỹ ã mỹ to vĩ jé, ã tỹ vaj kỹ Paulo jẽnẽ jé, vẽnh jyvẽn tĩ ag to,” he mũ. “Ón kỹ ag nẽji ã mỹ: ẽg tỹ ti mré vẽmén mãn há tóg tĩ, henh ke mũ,” he tóg.
28029	ROM 1:31	Krĩ tũ ag nỹtĩ. Ón kỹ ag tóg jagnẽ mré nén kar to jykrén tĩ, ag tỹ ki króm ke tũ ra. Jagnẽ to há nỹtĩ ki kagtĩg ag nỹtĩ, kỹ ag tóg jagnẽ jagãgtãn ki kagtĩg nỹtĩ gé, fag ke gé.
28052	ROM 2:22	Ón kỹ ag tóg: “ã prũ tũ fi mré nỹ tũg nĩ, ã mén tũ mré nỹ tũg nĩ gé,” he tĩ. Hã ra ag tóg fag mré nỹgnỹ tĩ. Ón kỹ ag tóg vẽnh kãgrá tỹ topẽ to: “Topẽ pijé',” he tĩ. Hã ra ag tóg vẽnh kãgrá ag jo ĩn krẽm ag tũ péju tĩ.
28058	ROM 2:28	Ón kỹ ag tóg tỹ Judeu nỹtĩ, ag pijé tỹ Topẽ tũ pẽ nỹtĩ'. Ón kỹ ag gré fár junun vỹ kym kỹ nĩ, Topẽ tỹ ag mỹ: “kym ra,” he ja nĩn kỹ. Kỹ ag tóg tag tugnĩn jagnẽ mỹ: “Topẽ tũ vỹ tỹ ẽg nỹtĩ,” he tĩ. Hã ra ũ tỹ tỹ Topẽ tũ nỹtĩ ag vỹ ag fe tỹ ti ki rã tĩ, kỹ ag jykre vỹ kuryj kar nĩ'. Topẽ kuprĩg ne ẽg jykre kurynh tĩ'. Kỹ Topẽ tóg ẽg mỹ vĩ há han tĩ gé sir, ẽg jykre há nỹtĩn kỹ. Ti pijé ẽprã ke ri ke ón kỹ vĩ há han tĩ', ti ki ge kỹ nỹtĩ ag mỹ. Ẽg hã vỹ tỹ Topẽ krẽ nỹtĩ'.
28063	ROM 3:4	Ón vãnh ti nĩgtĩ. Ẽprã ke ag ne ónón tĩ'. Hã ra Topẽ tóg ón ke tũ pẽ nĩ. Hã kỹ tag tóg rán kỹ nĩ, hã vỹ: “vẽnh kar vỹ venh ke mũ, ã tỹ ã vĩ han tĩ ẽn ti,” he mũ. “Ũ tỹ ã jykre tugnỹm kỹ tóg venh ke mũ sir,” he ja tóg nĩ, Topẽ mỹ. Hã ra tóg ge nĩ.
28322	ROM 12:9	Jagnẽ to há tãvĩ nỹtĩm nĩ. Ón kỹ jagnẽ to há nỹtĩ sór tũg nĩ. Vẽjykre pãno to kórég tãvĩ nỹtĩm nĩ, kỹ tovãnh kãn nĩ. Vẽjykre há hã mĩ mũm nĩ.
28422	ROM 16:18	Ag pijé ẽg Senhor tỹ Cristo rãnhrãj han sór tĩ'. Ag nug hã ki rĩr ag tóg tĩ'. Ón kỹ ag vĩ vỹ mẽ há tĩ, kỹ ũ tỹ hẽn ri ke ag tóg kri fi sór mũ, ũ tỹ nén ũ vẽnh mỹ to jykrén tũ ag. Inh mỹ tóg ag tỹ ũ tỹ ge krĩn kónãn ha mẽ tĩ. Kỹ ag vĩ mẽ sór tũg nĩ.
28929	2CO 4:2	Hỹ, ũ ag tóg nén tỹ ẽg mỹ'ãg han tĩ ẽn han tĩ, kuty tá, ũ tỹ ag vég tũ nĩn jé. Vẽjykre tỹ ge tovãnh kãn inh huri. Ón kỹ sóg: “Topẽ vỹ tag tó ja nĩ,” he tũ nĩgtĩ gé. Ki hã sóg tó tĩ. Ũ tỹ isugnỹm mũ ẽn vỹ ki kanhrãn kãn ke mũ, inh jykre ki.
29061	2CO 11:4	Hã kỹ ãjag tóg ũ ag vĩ jẽmẽ sór mũ, ag tỹ ãjag mỹ ón kỹ Jesus tó kỹ. Ag tỹ isỹ ãjag mỹ nén tó tũ tó mũ ra ãjag tóg jẽmẽ sór tĩ. Ón kỹ jagrẽ vỹ ãjag mỹ há nĩ ve nĩ, Topẽ tỹ ãjag mỹ nĩm ja tũ ẽn. Ón kỹ topẽ vĩ vỹ ãjag mỹ mẽ sér tĩ ve nĩ, ãjag tỹ vãsỹ mẽ ja tũ ẽn.
29062	2CO 11:5	Ón kỹ apóstolo ag ne ãjag mỹ vẽnh vĩ tag tó sór mũ'. Inh pijé tỹ ag krẽm ke nĩ', ha mẽ.
29070	2CO 11:13	Ón kỹ apóstolo vỹ tỹ ag nỹtĩ, mỹr, ha mẽ. Ón kỹ ag tóg: “Topẽ rãnhrãj han ẽg tóg mũ,” he tĩ. Ón kỹ ag tóg: “Cristo vỹ ẽg tỹ apóstolo han,” he tĩ.
29083	2CO 11:26	Kuvar há ra tĩg tỹ hẽn ri ke han inh. Kỹ goj var tóg inh jagtar han. Ẽg tũ péju tĩ ag vỹ inh jagtar han' he ja nĩgtĩ gé. Inh mré Judeu ag vỹ inh vóg kónãn sór tĩ ja nĩgtĩ, fóg ag ke gé, ẽmã ki ke ag ke gé, ẽmã tũ tá ke ag ke gé. Goj kafã tũ kri inh jagtar han. Ón kỹ ẽg kanhkã ag vỹ inh jagtar han' he ja nĩ gé.
29490	PHP 3:2	Vẽnh ki rĩr. Ón kỹ Topẽ vĩ tó tĩ ag vỹ junjun ke mũ, vẽjykre pãno han mũ ag, ha vem nĩ. Inh mỹ ag tóg kasor ri ke nỹtĩ. Ón kỹ ag tóg ãjag gré fár junun kym sór mũ. Hã kỹ vẽnh ki rĩr.
29766	1TI 1:3	Isỹ ẽmã tỹ Éfeso tá kãkutẽ kỹ ga tỹ Macedônia ra tĩg kỹ sóg ã mỹ to vĩ, ã tỹ ver Éfeso tá ke ag ki rĩr jé. Ón kỹ ag tóg Topẽ jykre kãmén sór tĩ. Tag to ag mỹ: “han tũg nĩ,” hem nĩ.
29770	1TI 1:7	Topẽ tỹ vãsỹ ẽg jyvẽn mũ ẽn tỹ ag tóg ãjag kanhrãn sór tĩ, ag tỹ ki kagtĩg hã ra. Ón kỹ ag tóg Topẽ vĩ kãmén sór tĩ. To ag tóg: “tag to ke vẽ,” he tĩ, ag tỹ ki kagtĩg nỹtĩn kỹ.
29875	1TI 6:20	Timóteo', ã tỹ Topẽ vĩ mẽ ja ẽn kã jatun tũg nĩ. Ki króm nĩ, to jykrén kỹ. Ũ ag tóg fagrĩnh mỹ vẽmén mág han sór tĩ. Ón kỹ ag tóg: “vẽnh vĩ há vỹ jagnẽ kato tẽ tĩ,” he tĩ. Hã ra ag tóg fagrĩnh mỹ vĩ tĩ. Ag vĩ mẽ sór tũg nĩ.
29925	2TI 3:5	Ón kỹ ag tóg Topẽ to há nỹtĩ ve nĩnh mũ, hã ra ag tóg ti jykre han sór ke tũ nĩ. Ti tỹ ẽg tar han tĩ tag vỹ ag mỹ há tũ nĩnh mũ. Ũ tỹ ge ag tovãnh nĩ, vỹ.
29927	2TI 3:7	Ón kỹ fag tóg vẽnh kanhrãn to tar nỹtĩnh mũ. Hã ra fag tóg vẽnh vĩ há ki kagtĩg nỹtĩ. Hã kỹ fag tóg ag tỹ fag mỹ nén tó mũ ki hã han mũ.
29928	2TI 3:8	Ũ tỹ fag mré vẽmén mũ ẽn ag vỹ Topẽ vĩ kato tẽ nỹtĩ, vẽnh vĩ há ẽn kato. Vãsỹ Janes vỹ Moisés vĩ kato tẽ ja nĩgtĩ, Jambres ti ke gé. Ẽn ag ri ke ag nỹtĩ. Topẽ vĩ kato tẽ ag tóg tĩ. Ón kỹ ag tóg Jesus ki ge kỹ nỹtĩ ve nĩ, ag tỹ ón kỹ ti vĩ tón kỹ.
30129	HEB 6:18	Ti vĩ régre to ẽg tóg, ki kanhrãn há han tĩ. Ẽg mỹ tó kar kỹ tóg: “ki kanhró inh nĩ,” he ja nĩ gé. Ti vĩ régre hã vẽ. Hã kỹ ẽg tóg venh ke mũ, ti tỹ ẽg mỹ nén tó ja ti. Ón ja tũ ti nĩ gé, ti tỹ ón ki kagtĩg nĩn kỹ. Ti tỹ ẽg mỹ nén tó ja ẽn ve sór ẽg tóg mũ, hã vỹ: kanhkã, he mũ.
30222	HEB 10:22	Kỹ jatun mỹ Topẽ mré vẽmén nĩ. Ti ki rã há han nĩ. Ãjag fe tỹ ti ki gem nĩ, ãjag tỹ ti nĩgja tá junjun jé. Ón kỹ ti ki ge sór tũg nĩ. Ẽg jykre pãno kar tỹ tóg tũ' hé, ẽg tỹ to jykrén mãn tũ nĩ jé. Ẽg jãnhkri han tóg, ẽg tỹ goj jãpri tỹ vẽnh kype ẽn ri ke. Kỹ ẽg há nỹtĩ.
30355	JAS 1:22	Kỹ Topẽ vĩ han kỹ nỹtĩm nĩ. Ãjag tỹ mẽg mũ ra ki króm tũ nĩn kỹ ãjag tóg krenkren ke tũ nĩ. Ón kỹ ãjag tóg: “kren jé sóg ke mũ,” henh ke mũ.
30433	JAS 5:12	Inh kanhkã', ón kỹ vĩ tũg nĩ. Ón kỹ: “he,” he tũg nĩ. Ki hã tóm nĩ, Topẽ tỹ ãjag vóg kónãn tũ nĩ jé. Kỹ ón kỹ: “Topẽ vỹ ki kanhró nĩ,” he tũg nĩ gé. Ón kỹ: “ũ tỹ ga kri nĩ ẽn vỹ ki kanhró nĩ,” he tũg nĩ gé. Ki hã tóm nĩ. Ón tũg nĩ, jagnẽ mỹ.
30463	1PE 1:22	Topẽ vĩ pẽ ki króm ãjag tóg tĩ. Hã kỹ ãjag tóg jãnhkri nỹtĩ ha, ũri. Ãjag mré ke kar ag to ãjag tóg há tãvĩ nỹtĩ gé. Kỹ jagnẽ to há nỹtĩ to tar nỹtĩm nĩ gé. Ón kỹ jagnẽ to há nỹtĩ tũg nĩ.
30467	1PE 2:1	Hã kỹ ãjag jykre kórég tovãnh kãn nĩ. Ón mãn tũg nĩ. Ũ lograr he mãn tũg nĩ. Ũ tũ to én mãn tũg nĩ. Ũ to vĩ kónãn mãn tũg nĩ gé.
30501	1PE 3:10	Hã kỹ tag tóg rán kỹ nĩ, ha mẽ: “ãjag mỹ jatun mỹ nỹtĩ sór mũ', nén ũ kar tỹ ãjag mỹ sér tĩ jé'? Kỹ vĩ kónãn mãn tũg nĩ. Ón mãn tũg nĩ gé.
30577	2PE 2:10	Ũ ag vóg kónãn mág pẽ han jé tóg ke mũ, hã vỹ: ũ tỹ ag tỹ nén to én mũ han tĩ ẽn ag, he mũ, ũn vẽnh kavénh tĩ ag, he mũ, ũ tỹ: “Topẽ pijé tỹ ẽg Senhor nĩ',” he mũ ẽn ag, he mũ. Ón kỹ Topẽ vĩ tó tĩ tag ag vỹ ẽg vĩ kafãn tĩ. “Inh hã tóg ki kanhró nĩ,” he ag tóg tĩ. Kỹ ag tóg kanhkã tãn ag kamẽg vãnh nỹtĩ gé. Ag to ag tóg vĩ kónãn tĩ.
30580	2PE 2:13	Ag tỹ ag jykre pãno kajãm hã vẽ. Kurã ki ag tóg ag tỹ nén to én mũ ẽn han tĩ, mỹr, ha mẽ. Kỹ ag tóg ag mré jẽg tĩ gé, ag tỹ fénhta han kỹ. Ha ra ag tóg nén tỹ ẽg mỹ'a han tĩ ẽn hã han tĩ, ag tỹ ag mré jẽn kỹ. Jykre régre ag nỹtĩ. Ón kỹ ag há nỹtĩ ve nĩ.
30584	2PE 2:17	Ón kỹ Topẽ vĩ tó tĩ ag vỹ goj nĩhỹg ja ki goj tũ ẽn ri ke nỹtĩ. Kanhkã góg ri ke ag tóg nỹtĩ gé. Kãka tỹ vẽjo vóg kỹ tỹ tũ' he ẽn ri ke ag nỹtĩ, ũ tỹ ón kỹ Topẽ vĩ tó tĩ ag. Topẽ vỹ kuty tãvĩ tá ag vin ke mũ.
30671	1JN 4:1	Ãjag to sóg há tãvĩ nĩ, ha mẽ. Kãnhmar ũ vĩ jẽmẽ sór tũg nĩ, ti tỹ: “Topẽ kuprĩg vỹ tỹ inh jagrẽ nĩ,” he mũ ra. Komẽr hã ti vĩ tugnỹm nĩ, ãjag tỹ ti jagrẽ ve jé. Ón kỹ Topẽ vĩ tó tĩ ag vỹ mĩ mũgtĩ, ũ tỹ hẽn ri ke ag, ha mẽ.
30674	1JN 4:4	Inh krẽ', Topẽ tũ vỹ tỹ ãjag nỹtĩ. Ón kỹ Topẽ vĩ tó tĩ ag fĩn rãm ãjag huri. Ha vé, Topẽ kuprĩg tỹ ẽg jagrẽ vỹ ag jagrẽ kãfór nĩ. Hã kỹ ẽg tóg ẽg kato tẽ ag fĩn rãm kãn huri.
30735	3JN 1:10	Isỹ tá jun kỹ sóg ti mỹ: “ã jykre vỹ pãno nĩ,” henh ke mũ, vẽnh kar rĩnve. Ón kỹ tóg iso féfén tĩ. Hã ra tóg nén ũ kórég ũ han tĩ gé. Hã kỹ tóg ẽg mré ke ag tỹ ãjag tá junjun kỹ ag mỹ: “inh mré nỹtĩnh kãmũ jẽg,” he tũ nĩgtĩ. Kỹ tóg ũ ag tỹ ag mỹ vĩ há han kamẽg tĩ gé. Ag mỹ tóg: “igreja krẽm ãjag tóg rã mãn ke tũ nĩ ha,” he tĩ, ag tỹ ẽg mré ke ag mỹ vĩ há han sór kỹ. Jykre kórég tãvĩ ti nĩ, Diótrefes ti. Hã kỹ sóg ti kato tẽnh ke mũ, ha vem nĩ.
30823	REV 3:9	Ha mẽ, sỹ nén tónh ke ti. Ãjag mỹ sóg ũ ag jẽgnẽnh mũ, Satanás mré ke ũ ag. Ón kỹ ag tóg: “Judeu vỹ tỹ ẽg nỹtĩ,” henh ke mũ. Kỹ ag tóg ãjag krẽm mũgmũg kenh ke mũ, ãjag mỹ: “ẽg kãfór ãjag tóg nỹtĩ,” hen kỹ, ha vem nĩ. Ãjag to há tãvĩ sóg nĩ. Hã kỹ ãjag kato vãsãnsãn mũ ag vỹ tag venh ke mũ, ha vem nĩ.
30915	REV 9:7	Ópã ẽn tóg tỹ kãvãru ve nỹtĩ. Kãvãru tỹ vẽnh génh mũnh ke ri ke tóg nỹtĩ. Ouro tỹ ag tóg krĩ tógfĩ nỹtĩ. Ag kakã vỹ ẽg kakã ri ke nĩ.
31079	REV 18:17	Óra pir ki ag tóg tũ' he kãn ja nĩ, ag tỹ nén ũ kar mré hã,” he jé ag tóg ke mũ gé, nén ũ vẽne he nỹtĩgtĩ ag.