23264	MAT 3:3	Hã ra Isaías tóg tag rán ja nĩ: “ẽmã tũ ja tá tóg jẽnh ke mũ, ga kórég tá. Tá tóg ag mỹ jamã há ra: ”ẽg Senhor kãtĩg ke jo vẽnh jãnhkrigkrig nĩ,” henh ke mũ. “Ẽpry kurég ãjag tóg tĩ, ãjag pã'i mág jun ken kỹ. Kỹ tag ri ke han nĩ. Ãjag jykre pãno tugvãnh nĩ,” he jé tóg ke mũ,” he ja tóg nĩ, Isaías ti. Ti tỹ João mur to hã ti kãmén jan hã vẽ.
23292	MAT 4:14	Hã ra tag tóg rán kỹ nĩ gé. Vãsỹ Topẽ vĩ tó tĩ tỹ Isaías tóg:
23302	MAT 4:24	Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.
23431	MAT 8:17	Hã ra tag tóg rán kỹ nĩ gé. Vãsỹ Topẽ vĩ tó tĩ tỹ Isaías vỹ tag rán ja nĩ, ha mẽ: “ẽg kaga nỹtĩn kỹ tóg ẽg tỹ há' há' he tĩ, ti tỹ ẽg jagfy jagtar tugrĩn,” he ja tóg nĩ.
23575	MAT 12:17	Hã ra tag tóg rán kỹ nĩ gé. Vãsỹ Topẽ vĩ tó tĩ tỹ Isaías vỹ Jesus to tag rán ja nĩ,
23579	MAT 12:21	Ẽn kã ũ tỹ ti ki ge kỹ nỹtĩ ag hã vỹ krenkren ke mũ, fóg ag mré hã, kanhgág ag mré hã ke gé, he tóg, Topẽ ti,” he ja tóg nĩ, Isaías ti, Jesus to.
23599	MAT 12:41	“Kỹ Nínive tá ke ag vỹ, ãjag kato vĩnh ke mũ sir, kurã tỹ ẽgno kã, ha vem nĩ. Ag tỹ Jonas vĩ mẽ kỹ ag tóg ag jykre kórég tovãnh. Tỹ sóg Jonas kãfór nĩ, hã ra ãjag tóg ãjag jykre kórég tovãnh sór tũ nỹtĩ.
23622	MAT 13:14	Hã ra Isaías tóg tag rán ja nĩ gé, ha mẽ. “Mẽ jé ãjag tóg ke mũ, ón kỹ, hã ra tóg ãjag tỹ to jykrén tũ tĩnh mũ, hã kỹ ãjag tóg ki kagtĩg nỹtĩnh mũ.
23623	MAT 13:15	Povo tag ag vỹ, krĩ tũ nỹtĩ. Nĩgrẽg kutu ag nỹtĩ. Kanẽ kyvó ag nỹtĩ gé, ag tỹ inh ki ge sór tũ nỹtĩn kỹ. Hã kỹ sóg ag tỹ há' henh ke tũ nĩ gé,” he tóg, Topẽ ti, he ja tóg nĩ, Isaías ti, povo tag to,” he tóg.
23709	MAT 15:7	“Jykre régre ãjag nỹtĩ, ha mẽ. Hã kỹ Isaías vỹ ãjag to vĩ ja nĩgtĩ, ti tỹ tag tó kỹ, ha mẽ.
23711	MAT 15:9	“Fagrĩnh mỹ ag tóg iso grĩnhgrĩnh ke tĩ, hã ra ag tóg ẽprã ke ag jykre to: Topẽ tỹ tón hã vẽ, he tĩ,” he ja tóg nĩgtĩ, Isaías ti. Ki hã tóg tó ja nĩ, ãjag to, ãjag jykre régre nỹtĩn kỹ,” he tóg, Jesus ti.
24010	MAT 23:23	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ón kỹ ãjag tóg, Topẽ mỹ ãjag jakré ki dízimo vin tĩ. Ãjag jakré tỹ hortelã tỹ 10 (ke) nỹtĩn kỹ ãjag tóg Topẽ mỹ ũn pir nĩm tĩ, ãjag jakré tỹ erva doce tỹ ke gé, ãjag jakré tỹ cominho tỹ ke gé. Há ti nĩ vẽ. Hã ra ãjag tóg, ti tỹ ẽg jyvẽn mũ ẽn han tũ nĩgtĩ. Vẽjykre kuryj han tũ ãjag tóg nĩgtĩ. Ũn jagtar ag jagãgtãn tũ ãjag tóg nĩgtĩ. Topẽ vĩ kri fig tũ ãjag tóg nĩgtĩ. Ãjag tỹ ti vĩ ki króm mré hã ãjag jakré ki dízimo vin ra tóg, há tĩ vẽ, ha mẽ. Hã ra ãjag tóg ki króm sór tũ nĩgtĩ.
24286	MRK 1:2	Vãsỹ Topẽ vĩ tó tĩ tỹ Isaías vỹ Jesus to tag rán ja nĩ, kỹ tóg: “ã jo sóg ũ jẽnẽnh mũ, ti tỹ vẽnh kar kãn jé, ã tĩg ken jo,” he mũ. “Ag jyvẽn jé tóg ke mũ, kỹ tóg ẽpry prun ri ke nĩ.
24538	MRK 7:6	Hã ra tóg ag mỹ: “Isaías vỹ ãjag to vĩ ja nĩgtĩ, vãsỹ, kỹ tóg rán kỹ nĩ,” he mũ. “Ti vĩn hã vẽ, ha mẽ: “povo tag vỹ ag nũnẽ hã tỹ inh mỹ vĩ há han tĩ, hã ra ag jykre pijé tỹ inh jykre nỹ'.
24539	MRK 7:7	Fagrĩnh mỹ ag tóg iso grĩnh ke tĩ, hã ra ag tóg ẽprã ke ag jykre to: Topẽ tỹ tón hã vẽ, he tĩ,” he ja tóg nĩgtĩ, Isaías ti,” he tóg, Jesus ti. “Hã ra tóg ãjag to ki hã tó ja nĩ, ãjag jykre régre nỹtĩn kỹ.
24558	MRK 7:26	Hã ra fi tóg Grego vĩ hã tó tĩ. Ga tỹ Siro-Fenícia tá ke fi vẽ. Ti mỹ fi tóg to vĩ mãn', to vĩ mãn' he mũ.
24929	MRK 15:34	3 óra ki Jesus tóg prẽr mũ sir, jamã há ra, kỹ tóg: “Eloí, Eloí, lemá sabactani?“ he mũ. Ẽg vĩ ki ẽg tóg tag to: “Topẽ, Topẽ, ã tỹ ne jé isovãnh nẽ?“ he mũ.
25044	LUK 2:2	Ag tỹ vãhã vẽjykre tag han. Cirênio vỹ tỹ ga tỹ Síria kri pã'i tỹ governador nĩ, Augusto tỹ vẽnh vĩ jẽnẽg mũ ẽn kã.
25098	LUK 3:4	Vãsỹ tóg rán kỹ nĩ. Topẽ vĩ tó tĩ tỹ Isaías vỹ: “ẽmã tũ ja tá tóg jẽnh ke mũ, ga kórég tá,” he ja nĩ. “Tá tóg ag mỹ: “ẽg Senhor kãtĩg ke jo vẽnh jãnhkrikrig nĩ,” henh ke mũ. “Ẽpry kurég ãjag tóg tĩ, ãjag pã'i mág jun ken kỹ.
25149	LUK 4:17	Kỹ ag tóg ti mỹ Isaías tỹ rá jun mũ. Kỹ tóg livro kavãn kỹ to ke kỹ tag tó mũ, ha mẽ:
25151	LUK 4:19	isỹ vẽnh kar mỹ: ũri ẽg jóg mág vỹ ẽg kren han sór mũ, he jé,” he tóg, Isaías ti, vẽnh rá ẽn ki. Hã to tóg ke mũ.
25153	LUK 4:21	Kỹ tóg: “vãsỹ rán kỹ nĩ tag mẽ ãjag tóg,” he mũ. “Ũri ke vẽ. Inh hã to tóg tag rán ja nĩ, Isaías ti,” he tóg.
25159	LUK 4:27	“Kỹ Eliseu to jykrén nĩ gé, vãsỹ Topẽ vĩ tó tĩ ẽn to. Ti tỹ ga kri tĩ mũn kã ũ tỹ vẽnh kaga kren vãnh han mũ ag tóg e ja tĩgtĩ gé. Hã ra ag tóg ti mỹ to vĩ ja tũ nĩgtĩ, ti tỹ ag tỹ há' hen jé. Kuvar há tá fóg tóg kãtĩg ja nĩgtĩ, Naamã ti, ga tỹ Síria tá. Kỹ ẽn hã ne Eliseu mỹ to vĩ kỹ há' he ja nĩgtĩ, inhhã. Ge ãjag tóg nỹtĩgtĩ, iso,” he tóg.
25504	LUK 11:30	“Jonas vỹ, ẽmã tỹ Nínive tá ke ag mỹ Topẽ vĩ tó ja nĩgtĩ, kỹ ag tóg ti vĩ mẽ há han ja nĩgtĩ. Ẽn ri ke han jé sóg ke mũ, ãjag mỹ. Tỹ sóg ẽprã ke fi kósin ẽn nĩ,” he tóg.
25506	LUK 11:32	“Kỹ Topẽ tóg Nínive tá ke ag ve kỹ ãjag mỹ vĩ kónãn ke mũ gé, kurã tỹ ẽgno ẽn kã, ha vem nĩ. Nínive tá ke ag tỹ Jonas vĩ mẽ kỹ ag tóg ag jykre tugvãnh ja nĩgtĩ. Tỹ sóg Jonas kãfór nĩ, hã ra ãjag tóg ãjag jykre tugvãnh jãvãnh nỹtĩ, sỹ ãjag mỹ tó mũ ra,” he tóg.
25516	LUK 11:42	“Fariseu', Topẽ vỹ ãjag ve kónãn. Ón kỹ ãjag tóg Topẽ mỹ ãjag jakré tỹ dízimo han kãn tĩ. Ãjag jakré tỹ hortelã tỹ 10 nĩn kỹ ãjag tóg Topẽ mỹ ũn pir nĩm tĩ, ãjag jakré tỹ arruda tỹ ke gé, ãjag jakré kar tỹ mỹr. Hã ra ãjag tóg vẽjykre kuryj han tũ nĩ jãvo. Topẽ to há tũ ãjag tóg nỹtĩ, ti vĩ jẽmẽ jãvãnh ãjag tóg nỹtĩ. Ãjag tỹ ti tỹ ẽg jyvẽn ki króm mré hã ãjag jakré tỹ dízimo han kỹ tóg há tãvĩ tĩnh mũ vẽ. Hã ra ãjag tóg ki króm sór tũ nĩgtĩ,” he tóg.
25769	LUK 18:12	Ag jãvo sóg vẽjykre há han tĩ. Semana kar ki sóg vãkre régre han tĩ, jẽg tũ nĩn kỹ. Isũ kar tỹ sóg dízimo han tĩ, ã mỹ,” he tóg, Fariseu ti, Topẽ mỹ.
26047	LUK 23:43	Kỹ tóg ti mỹ: “ha mẽ, ũri ã tóg inh mré ẽmã há ẽn tá nĩnh mũ, Paraíso he mũ ẽn tá, kanhkã tá. Ki hã sóg tó mũ,” he mũ, Jesus ti.
26136	JHN 1:23	Kỹ tóg ag mỹ Isaías tỹ rá tó mũ, hã vỹ: “ũ tỹ ẽmã tũ ja tá jẽ kỹ vẽnh kar mỹ Topẽ jykre kãmén mũ ẽn vỹ tỹ inh nĩ,” he mũ. “Ũ tỹ vẽnh kar mỹ: “ẽg Senhor japry kure ra, ti jamĩn kurynh ra,” he tĩ ẽn vỹ tỹ inh nĩ,” he tóg.
26327	JHN 6:1	Tag pãte tóg kejẽn goj nig mág tỹ Galiléia fĩn rãm mũ. Goj ẽn jiji ũ hã vỹ: Tiberíades tỹ goj, he mũ.
26349	JHN 6:23	Kỹ canoa ũ tóg ag ki junjun mũ, ẽmã tỹ Tiberíades tá kãmũ ũ. Jesus tỹ tá ẽmĩ to Topẽ mré vĩ ja ẽn tá ag tóg junjun mũ, vẽnh e tỹ ko tá ja ẽn tá.
26687	JHN 12:38	Hã ra Isaías vỹ tag rán ja nĩgtĩ gé. “Ẽg jóg mág, isỹ ag mỹ ã kãmén mũ ra ag tóg inh vĩ kri fi sór tũ nĩ. Ag tỹ ã tỹ nén han mũ ẽn vég mũ ra ag tóg: “Topẽ jykre vỹ tar nĩ,” he ja tũ nĩ,” he ja tóg nĩgtĩ. Hã ra tóg ge nĩgtĩ gé, Jesus tỹ ag mỹ Topẽ vĩ tó mũ ra, ti tỹ ag mỹ milagre hynhan mũ ra.
26688	JHN 12:39	Ti ki ge jãvãnh ag, hã kỹ Isaías tóg ag to tag tó ja nĩ gé, ha mẽ:
26689	JHN 12:40	“Topẽ vỹ ag kyvó han, nĩgrẽg kutu, hã kỹ ag tóg mẽg tũ nĩgtĩ. Kỹ ag tóg to jykrén sór tũ nĩgtĩ gé. Kỹ ag tóg inh ki ge sór tũ nĩgtĩ gé. Kỹ sóg ag tỹ há' henh ke tũ nĩ gé,” he ja tóg nĩgtĩ gé, Isaías ti.
26690	JHN 12:41	Isaías vỹ Jesus ve ja nĩgtĩ, ti tỹ tỹ ũn mág nĩ ti, ũn tar ti. Jesus mur ke to hã ke ja vẽ, vãsỹ. Ti tỹ ti ve hã kỹ tóg ti to tag tó ja nĩgtĩ.
27028	ACT 2:10	Frígia tá, Panfília tá, Egito tá, ga tỹ Líbia tá, ẽmã tỹ Cirene ẽn mã tá. Ũ ag tóg ẽmã tỹ Roma tá kãmũ mũ gé.
27179	ACT 6:9	Hã ra ũ ag tóg Judeu ag vẽnh kanhrãn jafã tá ti vĩ kafãn mũ. Ẽmã tỹ Cirene tá ke ag vẽ, ẽmã tỹ Alexandria tá ke ag ke gé, ga tỹ Cilícia tá ke ag ke gé, ga tỹ Ásia tá ke ag ke gé.
27273	ACT 8:28	Hã ra tóg ti jamã ra vỹn ke mũ sir, karósa kã mĩ. Tĩg kỹ tóg Topẽ vĩ to ke mũ, Isaías tỹ rá ẽn ti.
27275	ACT 8:30	Kỹ Filipe tóg fũrũn tĩ mũ, kỹ tóg ti tỹ vẽnh rá to ke mẽg mũ, Isaías tỹ rá ẽn to. Kỹ tóg ti mỹ: “ã mỹ ã tỹ nén to ke mũ tag ki kanhró nĩ'?“ he mũ.
27395	ACT 11:19	Ag tỹ Estêvão tén kar kỹ Jesus ki ge kỹ nỹtĩ ag tóg vẽnh kãpugpóv kãn mũ, ag tỹ ag vóg kónãn kỹ. Kỹ ag tóg ga tỹ Fenícia ra mũ mũ, goj vãso tỹ Chipre ra, ẽmã tỹ Antioquia ra ke gé. Ag mũn kỹ ag tóg Judeu ag hã mỹ Topẽ vĩ tó mũ.
27444	ACT 13:13	Kỹ vãhã Paulo ag tóg Pafos tá pa mũ. Canoa mág kã mĩ ag tóg mũ mũ. Kỹ ag tóg ga tỹ Panfília tá junjun mũ, ẽmã tỹ Perge tá. Hã ra João Marcos tóg kyrã mũ. Ag ré kỹ tóg Jerusalém ra vỹn ke mũ.
27445	ACT 13:14	Jó ag tóg Perge tá pa mũ, ga tỹ Pisídia ra mũ jé, ẽmã tỹ Antioquia ra. Tá junjun kỹ ag tóg vẽnhkán ke kurã ki Judeu ag tỹ vẽnh kanhrãn jafã kã ra ge mũ.
27507	ACT 14:24	Kỹ ag tóg ga tỹ Pisídia fĩn rãm kỹ ga tỹ Panfília tá junjun mũ.
27514	ACT 15:3	Kỹ Paulo ag tóg: “ẽg mũnh ke nẽ ha,” he mũ. Ũ tỹ ag gré fár junun kym sór mũ ag mré ag tóg mũ mũ. Kỹ ag tóg ga tỹ Fenícia fĩn pa mũ sir, ga tỹ Samaria fĩn ke gé. Ag mũn kỹ ag tóg Jesus mré ke kar ag mỹ fóg ag tỹ Jesus ki ge kãmén mũ. Kỹ tóg vẽnh kar mỹ sér tĩ sir.
27534	ACT 15:23	Ag mỹ ag tóg vẽnh rán nĩm mũ gé. Ag tỹ rán hã vẽ, ha mẽ: “Jesus tỹ ũn vin mũ ag tỹ rán hã vẽ, kófa ag ke gé, Jesus mré ke ag. Ẽg tỹ ẽmã tỹ Antioquia tá ke ag mỹ rán hã vẽ, fóg tỹ Jesus mré ke ag mỹ, ga tỹ Síria tá ke ag mỹ, ga tỹ Cilícia tá ke ag mỹ ke gé. Ãjag mỹ há?
27549	ACT 15:38	Hã ra tóg Paulo mỹ kórég nĩ, Marcos tỹ ag ré kỹ tĩg ja nĩn kỹ, ga tỹ Panfília tá. “Ũ tỹ ẽg mré Topẽ rãnhrãj han ja tũ ẽn pére sóg tĩg mãn ke tũ nĩ ha,” he tóg.
27552	ACT 15:41	Kỹ ag tóg ga tỹ Síria mĩ pa mũ, ga tỹ Cilícia mĩ ke gé. Jesus ki ge kỹ nỹtĩ kar jyvẽn tóg mũ, Paulo ti.
27558	ACT 16:6	Kỹ Paulo ag tóg ga tỹ Frígia mĩ pa mũ, ga tỹ Galácia mĩ ke gé. Kỹ ag tóg ga tỹ Ásia tá Topẽ vĩ tó sór mũ, hã ra Topẽ kuprĩg tóg ag mỹ nenh mũ.
27559	ACT 16:7	Kỹ ag tóg ga tỹ Mísia tá junjun mũ. Kỹ ag tóg ga tỹ Bitínia ra mũ sór mũ, hã ra Topẽ kuprĩg tóg ag mỹ nenh mũ gé.
27560	ACT 16:8	Kỹ ag tóg Mísia rã mũ kỹ ẽmã tỹ Trôade tá junjun mũ.
27566	ACT 16:14	Tá ũ fi tóg nĩ nĩ, fi jiji hã vỹ: Lídia, he mũ. Kur kósóg vẽne he fi tóg nĩ nĩ. Tỹ fi tóg ẽmã tỹ Tiatira tá ke nĩ. Topẽ kamẽg fi tóg tĩ. Ẽn fi vỹ Paulo vĩ mẽg mũ sir. Kỹ Topẽ tóg fi mỹ krĩ há nĩm mũ, kỹ fi tóg Paulo vĩ jẽmẽ kỹ Jesus ki rã mũ.
27592	ACT 16:40	Ag tỹ vẽse ja ki pa kỹ ag tóg Lídia fi ĩn ra mũ mũ sir. Jesus mré ke ag vég ag tóg mũ. Kỹ ag tóg ag jyvẽn mũ. Kar kỹ ag tóg ẽmã ẽn ki pa mũ sir.
27593	ACT 17:1	Kỹ ag tóg ẽmã tỹ Anfípolis mĩ pa mũ, ẽmã tỹ Apolônica mĩ ke gé. Kỹ ag tóg Tessalônica tá junjun mũ. Tá Judeu ag vẽnh kanhrãn jafã tóg jẽ.
27626	ACT 17:34	Kỹ ũ ag tóg ti nón mũ mũ, kỹ ag tóg Jesus ki ge mũ sir. Ag kã ũ vỹ tỹ Dionísio nĩ. Areópago tá ag jyvẽn tĩ ag kã ũ vẽ. Kỹ ũ fi tóg Jesus ki rã mũ gé. Fi jiji hã vỹ: Damáris, he mũ. Kỹ ũ ag vỹ ti ki ge mũ gé sir.
27633	ACT 18:7	Hã kỹ tóg tá kutẽ kỹ fóg ĩn kã ra rã mũ, ti jiji hã vỹ: Tício Justo, he mũ. Topẽ kamẽg ti tĩ. Ti ĩn vỹ Judeu ag vẽnh kanhrãn jafã rã jẽ gé. Kỹ Paulo tóg ti mré nĩ nĩ sir.
27644	ACT 18:18	Kỹ Paulo tóg tá nĩ sir, kurã tỹ hẽn ri ke ki. Kỹ tóg kejẽn Jesus mré ke ag mỹ: “isĩg vẽ ha,” he mũ. Kỹ Áquila tóg ti mré tĩ mũ, ti prũ tỹ Priscila fi mré. Ag tỹ ga tỹ Síria ra mũnh ke vẽ. Ẽmã tỹ Cencréia tá ag tóg canoa mág ki ge sór mũ, ra mũ jé. To hã tóg vẽnh jãrég mũ, Paulo ti, Topẽ mỹ promessa han kỹ.
27649	ACT 18:23	Tá tóg nĩg sĩ han mũ. Kar kỹ tóg tá kutẽ kỹ ga tỹ Galácia mĩ tĩ mũ, ga tỹ Frígia mĩ ke gé. Jesus mré ke ag jyvẽn tóg mũ sir, ag tỹ tar nỹtĩ jé.
27697	ACT 20:3	Tá tóg kysã tãgtũ tũg mũ. Kỹ tóg canoa mág kã mĩ ga tỹ Síria ra vỹn ke sór mũ. Hã ra tóg Judeu ag tỹ canoa tỹ krỹg' he ja tá ti vóg kónãn sór mũ mẽg mũ. Kỹ tóg ga tỹ Macedônia mĩ kutẽ mũ, ga tỹ Síria ra vỹn ken jé.
27698	ACT 20:4	Ti mré ũ ag tóg mũ mũ, hã vỹ: Sópatro, he mũ, Pirro kósin tag ti. Beréia tá ke vẽ. Kỹ Tessalônica tá Artistarco tóg ti mré tĩ mũ, Segundo ke gé. Derbe tá Gaio tóg ti mré tĩ mũ, Timóteo ke gé. Ásia tá Tíquico tóg ti mré tĩ mũ, Trófimo ke gé.
27734	ACT 21:2	Tá ẽg tóg canoa mág ũ vég mũ gé, ũ tỹ ga tỹ Fenícia ra tĩ mũ ẽn. Kỹ ẽg tóg ki ge kỹ kã mĩ mũ mũ sir.
27735	ACT 21:3	Goj vãso tỹ Chipre vég ẽg tóg mũ, ẽg jakãnh tá. Kỹ ẽg tóg ga tỹ Síria kukãm mũ mũ. Ẽmã tỹ Tiro tá ẽg tóg krỹg mũ. Ag tỹ canoa tỹ nén rĩnh kỹ tĩ ẽn tỹ tá vin han ke vẽ, ẽmã tỹ Tiro tá.
27771	ACT 21:39	Kỹ tóg ti mỹ: “hỹ,” he mũ. “Tỹ sóg Judeu nĩ. Tỹ sóg ẽmã tỹ Tarso tá ke nĩ. Ga tỹ Cilícia tá ẽmã mág kãfór vẽ, inh mur ja ti. Isỹ povo tag mré vĩnh há tóg tĩ,” he tóg.
27775	ACT 22:3	Kỹ tóg ag mỹ: “tỹ sóg Judeu nĩ. Ẽmã tỹ Tarso tá inh mur, ga tỹ Cilícia tá,” he mũ. “Ẽmã tag ki sóg hã ra mog, kỹ Gamaliel tóg inh kanhrãn. Inh mỹ tóg ẽg jógjóg ag jykre tó kãn, kỹ sóg to tar ja nĩ. Topẽ jykre to sóg tar pẽ ja nĩgtĩ, ãjag tỹ ũri han mũ ri ke. Topẽ jykre hỹn, he sóg tĩ gé, ẽg jykre ẽn to, hã ra sóg kygnẽ.
27828	ACT 23:26	“Cláudio Lísias tỹ rá vẽ,” he mũ. “Isỹ Governador tỹ Félix mỹ rán hã vẽ, ã tỹ inh kãfór nĩn kỹ. Ã mỹ sóg: ã mỹ há? he mũ.
27836	ACT 23:34	Kỹ Félix ẽn tóg vẽnh rá vég mũ, kỹ tóg Paulo mỹ: “tỹ ã ga tỹ hẽ tá ke nĩ?“ he mũ. Kỹ tóg ti mỹ: “ga tỹ Cilícia tá,” he mũ.
27844	ACT 24:7	“Hã ra Lísias tóg kãtĩ mũ, soldado ag pã'i mág ẽn ti. Kỹ tóg ẽg kuju ki ti kãgmĩ kỹ ti tỹ hãn ke mũ, jũ kỹ,” he tóg.
27859	ACT 24:22	Kỹ Félix tóg kurã ũ kã ti ve mãn sór mũ. Jesus jykre ki kanhró tóg nĩ. Hã kỹ tóg: “pã'i tỹ Lísias kãtĩg kỹ sóg ãjag ki jẽmẽ kãn mũ,” he mũ.
27925	ACT 27:2	Kỹ ẽg tóg canoa mág kã ra ge mũ sir. Ẽmã tỹ Adramítio tá ke vẽ, canoa mág ẽn ti. Ag tỹ ga tỹ Ásia fyr ra mũ sór vẽ. Kỹ ẽg tóg goj kã mĩ mũ mũ, tá pa kỹ. Aristarco tóg ẽg mré tĩ mũ, ẽmã tỹ Tessalônica tá ke ẽn ti, ga tỹ Macedônia tá.
27928	ACT 27:5	Kỹ ẽg tóg goj kafã tũ kã mĩ mũ mũ, ga tỹ Cilícia fyr to, ga tỹ Panfília fyr to ke gé. Kỹ ẽg tóg ẽmã tỹ Mirra tá junjun mũ sir, ga tỹ Lícia tá.
27940	ACT 27:17	Vãhã ag tóg ti kãtãnfyn mũ. Kar ag tóg canoa mág tógfĩg mũ, ti tỹ vãm ke tũ nĩ jé. Hã ra ag tóg rỹnhrỹj kamẽg mũ, rỹnhrỹj tỹ Sirte he mũ ẽn. Ga tỹ Líbia fyr tá ti nỹ. Hã kỹ ag tóg kur tỹ canoa kri sa ẽn kunũg mũ sir, kãka tỹ ti tĩn tũ nĩ jé.
27992	ACT 28:25	Hã kỹ ag tóg vẽnh kãpugpóv kỹ nỹtĩ. Kỹ Paulo tóg ag mỹ: “Topẽ kuprĩg tóg tó há han ja nĩ, ti tỹ Topẽ vĩ tó tĩ tỹ Isaías mỹ: ag mỹ tag tó, hen kỹ,” he mũ.
27994	ACT 28:27	Kỹ ag tóg ki kagtĩg nỹtĩnh mũ. Krĩ tũ ag nỹtĩ. Nĩgrẽg kutu ag tóg nỹtĩ gé. Kanẽ kyvó ag tóg nỹtĩ gé, ag tỹ nén ũ ve sór tũ nĩn kỹ. Jẽmẽ sór tũ ag nỹtĩ, ag tỹ to jykrén sór tũ nĩn kỹ. Hã kỹ ag tóg inh ki ge sór tũ nĩ gé, kỹ sóg ag tỹ há' henh ke tũ nĩ gé,” he ja tóg nĩ, Topẽ ti, Isaías mỹ,” he tóg.
28250	ROM 9:27	Kỹ Isaías vỹ Judeu ag to: “e ag nỹtĩ, goj fyr mĩ rỹnhrỹj e nĩ ẽn ri ke. Ge ra ag pipir nỹtĩnh mũ, ũn krenkren ke mũ ag.
28251	ROM 9:28	Topẽ vỹ kãnhmar ti tỹ nén tó ja ẽn han ke mũ, ga tag ki. Kỹ tóg ag vóg kónãn kãn ke mũ, ũn e ẽn ag, ag kórég nỹtĩn kỹ,” he ja ti nĩ, Isaías ti.
28252	ROM 9:29	Kỹ tóg: “ẽmã tỹ Sodoma tá ke ag tũg kãn ja tóg nĩ, Topẽ ti, ẽmã tỹ Gomorra tá ke ag ke gé. Kỹ tóg ẽg tũg kãn kren gé, ag ri kén. Hã ra tóg ẽg kã mĩ ũ krenkren han mũ,” he ja nĩ gé, Isaías ti.
28253	ROM 9:30	Oseias mré Isaías ag tỹ tó mũ vỹ ge nĩ, ha mẽ. Fóg mré kanhgág ag pijé vẽjykre kuryj nón mũ ja nĩgtĩ'. Ge ra Topẽ tóg ag jagãgtãn kỹ ag mỹ vẽnh pãte fón mũ ha, ag tỹ Jesus ki rã kỹ, fag ke gé.
28272	ROM 10:16	Hã ra ũ ag tóg kri fi jãvãnh nỹtĩ gé, ag tỹ mẽg mũ ra, Topẽ vĩ sér ti. Isaías vỹ ag to Topẽ mỹ tag tó ja nĩ. “Ẽg jóg mág', inh vĩ mẽ jãvãnh ag nỹtĩ,” he ja tóg nĩ.
28276	ROM 10:20	Kỹ Isaías tóg tag tó mũ gé, fóg ag to, kanhgág ag to, ha mẽ. “Ũ ag tóg inh jãvãnh ja tũ nĩgtĩ. Hã ra ag tóg inh vĩ jẽmẽg mũ ha. Topẽ hẽ ri ke tĩ? he ja tũ ag nĩgtĩ. Hã ra sóg ag mỹ inh vĩ jẽnẽg mũ ha, he tóg, Topẽ ti,” he ja ti nĩ gé. Pã'i ag kamẽg vãnh nĩn kỹ tóg Judeu ag mỹ fóg ag mré kanhgág ag tỹ Topẽ ki genh ke tó ja nĩ, Isaías ti.
28277	ROM 10:21	Kỹ tóg Judeu ag to: “kurã kar ki sóg ãjag mỹ: kunĩg, he tĩ. Hã jé sóg ãjag mỹ inh nĩgé ven tĩ, ãjag tỹ gĩr mỹ ãjag nĩgé ven ẽn ri ke. Hã ra ãjag tóg inh vĩ mẽ jãvãnh nỹtĩ'. Inh vĩ kafãn kónãn ãjag tóg mũ mỹr',” he ja tóg nĩ, Isaías ti.
28383	ROM 15:12	Kỹ Isaías vỹ Cristo to: “Jessé krẽ'krẽ ũ vỹ tỹ ũn mág jẽnh mũ, Davi panh ẽn krẽ'krẽ ũ. Kỹ tóg tỹ povo kar ag pã'i mág jẽnh mũ. Fóg ag vỹ kanhgág ag mré ti ki ge sór ke mũ,” he ja tóg nĩ.
28390	ROM 15:19	Nén ve vãnh han sóg tĩ gé, Topẽ tỹ isar han kỹ. Ti kuprĩg tỹ inh krĩn kỹ sóg han tĩ. Kỹ sóg vẽnh kar mỹ ti vĩ tó ja nĩgtĩ, Jerusalém tá. Tá kãkutẽ kỹ sóg ga kar mĩ tĩg ja nĩgtĩ gé, ga tỹ Ilíria mĩ hã. Vẽnh kar mỹ sóg Cristo kãme sér tó ja nĩgtĩ.
28412	ROM 16:8	Amplíato mĩ sóg ẽkrég tĩ gé. Ti to sóg há tãvĩ nĩ, ẽg Senhor tugrĩn.
28418	ROM 16:14	Kỹ sóg Asíncrito mĩ ẽkrég tĩ, Flegonte mĩ ke gé, Hermes mĩ ke gé, Pátrobas mĩ ke gé, Hermas mĩ ke gé, ag mré Topẽ vĩ mẽ jé vẽnh mãn tĩ ag mĩ ke gé.
28425	ROM 16:21	Inh mré Topẽ rãnhrãj han mũ tỹ Timóteo vỹ ãjag mĩ ẽkrég tĩ gé, Lúcio ti ke gé, Jasão ke gé, Sosípatro ke gé, inh kanhkã ag.
29094	2CO 12:4	Kỹ sóg ẽg tỹ hẽ tá Topẽ mré nỹtĩnh ke mũ ẽn tá jun, Paraíso he mũ ẽn tá. Tá sóg vẽnh vĩ jẽmẽ. Ẽprã ke tỹ nén tónh ke tũ ẽn mẽ sóg tá, kanhkã tá vẽjykre sĩnvĩ pẽ ẽn, ẽg tỹ tag ki nén ki kagtĩg ẽn.
29145	GAL 1:21	Tag pãte sóg vẽsỹmér ga tỹ Síria ra vyr, ga tỹ Cilícia ra ke gé.
29425	EPH 6:21	Kỹ tóg inh mỹ há tĩ, ãjag tỹ isỹ nén ve ja tag mẽ kãn jé, isỹ nén han mũ mré hã. Hã jé sóg ãjag mỹ Tíquico ti jẽnẽnh ke mũ. Ẽg régre ũ vẽ gé. Iso há tãvĩ ti nĩ. Ẽg Senhor rãnhrãj han ti tĩ. To krónh ke tũ ti nĩgtĩ.
29511	PHP 4:2	Vãhã sóg Evódia fi jyvẽn sór mũ, Síntique fi ke gé, ha mẽ. “Jagnẽ mré vẽjykre pir hã han nĩ,” he sóg mũ, ãjag mỹ. “Jesus mré ke vỹ tỹ ãjag nỹtĩ, kỹ jagnẽ kato vãsãn tũg nĩ,” he sóg tĩ.
29616	COL 4:7	Sỹ ãjag mỹ Tíquico jẽnẽ vẽ, ti tỹ ãjag mỹ isỹ nén ũ vég mũ kãmén kãn jé, isỹ nén ũ han mũ ti ke gé. Ẽg régre vẽ. Ẽg to há tãvĩ ti nĩ. Ẽg Senhor rãnhrãj han to ti krónh ke tũ nĩgtĩ.
29891	2TI 1:15	Ha vé, ga tỹ Ásia tá ke kar ag vỹ isovãnh kãn, Fígelo ke gé, Hermógenes ke gé. Tag mẽ ã hỹn huri.
29892	2TI 1:16	Topẽ mỹ sóg to vĩ tĩ, ti tỹ Onesíforo mré ke fag jagãgtãn jé, ũn tũg mũ ẽn ti. Iso há tãvĩ ja ti nĩgtĩ. Iso mỹ'ãg ja tũ ti nĩgtĩ, ise kỹ jẽ hã ra.