23365	MAT 6:14	“Hỹ, ge ti nĩ,” he tóg. “Ũ tỹ ãjag to jũ kỹ ti mỹ vẽnh pãte fón nĩ. Ũ tỹ ãjag mỹ vĩ kónãn kỹ ti mỹ vẽnh pãte fón nĩ gé. Ãjag tỹ gen kỹ ẽg jóg vỹ ãjag mỹ vẽnh pãte fón ke mũ gé.
23407	MAT 7:22	Kurã tỹ ẽgno kã, isỹ vẽnh kar jykre tugnỹm ke kurã ẽn kã ag tóg, inh mỹ: “Senhor, Senhor, ã jykre tó ẽg mỹr,” henh ke mũ. “Ã jykre hã ki ẽkrén kỹ ẽg tóg, ẽg tỹ nén han vãnh han ja nĩgtĩ mỹr. Ã jykre hã tỹ ẽg tóg, vẽjagrẽ kórég pan mỹr,” he jé ag tóg ke mũ, inh mỹ.
23439	MAT 8:25	Kỹ ag tóg ti rĩn kỹ ti mỹ: “Senhor, ẽg krenkren han nĩ, ẽg kãgter ha mẽ tóg tĩ,” he mũ.
23554	MAT 11:26	“Hỹ, hã vẽ. Hã ra tóg há tãvĩ nĩ, jóg',” he tóg.
23596	MAT 12:38	Kỹ Topẽ vĩ to ẽg kanhrãn tĩ ũ ag tóg Fariseu ũ ag mré Jesus mỹ: “Senhor, ẽg tỹ ã tỹ milagre ũ han venh há tóg tĩ,” he mũ.
23696	MAT 14:30	Ti tỹ goj kri tĩg kỹ tóg vãhã, kãka ki ẽvãnh mũ, kỹ tóg mũmẽg mũ sir. Mũmẽg kỹ tóg goj ki pun ke kỹ ter kren mũ. Kỹ tóg prẽr mũ. “Senhor, inh kren han nĩ,” he tóg.
23729	MAT 15:27	Kỹ fi tóg: “hỹ, hã ra kasor sĩ tóg ẽmĩ vár ko tĩ,” he mũ. “Hã kỹ inh mỹ ẽmĩ vár nĩm, hã vỹ: inh kósin fi tỹ há' henh ke, he mũ,” he fi tóg.
23763	MAT 16:22	Kỹ Pedro tóg ti pin kỹ ti mỹ: “Senhor, Topẽ jé ã jy nĩgãn, ã tỹ ã jagtar ke tag vég tũ nĩ jé,” he mũ.
23764	MAT 16:23	Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.
23794	MAT 17:25	Kỹ tóg ag mỹ: “vó, kajãm ti tĩ,” he mũ. Kỹ tóg ti ĩn tá jun mũ sir. Ti tỹ ver nén ũ tó tũ ra Jesus tóg ti mỹ: “Simão', pã'i ag mỹ ã mỹ: “ha imposto kajãm,” he ja tũ nĩ?“ he mũ. “Tag to jykrén, ha mẽ. Ẽprã pã'i ag mỹ ag krẽ mỹ: “kajãm nĩ,” he tĩ', ag mré ke tũ ag mỹ, vó'?“ he tóg.
23795	MAT 17:26	Kỹ Pedro tóg: “ag mré ke tũ ag mỹ ag tóg: “kajãm nĩ,” he tĩ,” he mũ. Kỹ Jesus tóg: “hỹ, hã vẽ,” he mũ. “Kỹ ẽg kajãm ke tũ nĩ vẽ.
23822	MAT 18:26	Hã ra tóg ti mỹ jagy tĩ, kỹ tóg ti krẽm ti jakrĩ tỹ jẽ mũ. Ti krẽm grĩnh ke kỹ tóg ti mỹ: “Senhor, ver isovãnh sĩ han, kajãm jé sóg ke mũ ha, vãhã,” he mũ.
23847	MAT 19:16	Hã ra vãhã ũ tóg ti tá jun kỹ ti mỹ: “Senhor, há ã tóg jẽ,” he mũ. “Sỹ inh rĩr krỹg ja tũ venh há tóg tĩ. Isỹ ve jé inh hỹn vẽjykre há tỹ ne han ke mũ?“ he tóg.
23883	MAT 20:22	Kỹ Jesus tóg fi krẽ ag mỹ: “ãjag tỹ nén to vĩ mũ ki kagtĩg ãjag tóg nỹtĩ,” he mũ. “Jagy ti nỹ. Ãjag mỹ inh ri kén jagtar sór mũ'? Ãjag mỹ tovãnh ke tũ nĩ'?“ he tóg. Kỹ ag tóg ti mỹ: “hỹ, tovãnh ke tũ ẽg nĩ,” he mũ.
23884	MAT 20:23	Kỹ tóg: “hỹ, jagtar jé ãjag tóg ke mũ, inh ri kén,” he mũ. “Hã ra isũ tũ vẽ, sỹ ãjag tỹ pã'i han ke ti. Topẽ tỹ ũn mỹ: “ha ti rã hã nỹtĩ,” he mũ ẽn ag hã vỹ inh rã hã nỹtĩnh ke mũ,” he tóg, Jesus ti.
23926	MAT 21:31	Kỹ ũ tỹ hẽ nỹ ti panh vĩ ki króm hỹn?“ he tóg. Kỹ ag tóg ti mỹ: “ũn sanh ti,” he mũ. Kỹ Jesus tóg “hỹ, hã vẽ,” he mũ. “Hã kỹ sóg ãjag mỹ ke mũ. Ũ tỹ governo mỹ jãnkamy mãg tĩ ũ ag vỹ Topẽ vĩ mranh, hã ra ag tóg to jykrén mãn kỹ ag jykre kórég tovãnh. Kỹ ũn mén tũ ũ fag vỹ fag jykre kórég tovãnh gé. Hã kỹ ag tóg Topẽ tỹ tỹ ẽg pã'i nĩ venh ke mũ, fag ke gé. Ti kósin sanh ri ke ag hã vẽ. Ag jãvo ãjag tóg kanhkã venh ke tũ nĩ, ãjag tỹ ón kỹ Topẽ mỹ: he, he mũ ra.
23977	MAT 22:36	“Senhor, Topẽ tỹ ẽg jyvẽn tỹ hẽ nỹ hỹn, ti tỹ ẽg jyvẽn kar kãfór nỹnh mũ?“ he mũ.
23997	MAT 23:10	Kỹ ũ tỹ ãjag mỹ: “ẽg kri tỹ ũn mág nĩm nĩ,” he kỹ ag mỹ: “vó, kenh ke tũ inh nĩ,” hem nĩ gé. Ũn pir vỹ ãjag kri tỹ ũn mág nĩ, hã vỹ: Cristo, he mũ.
24149	MAT 26:26	Kỹ ag tóg jẽg mũ. Ag jẽg nỹtĩ ra Jesus tóg ẽmĩ mãg mũ sir. Kỹ tóg to Topẽ mré vĩ mũ. Kỹ tóg vẽnh kã kupãn kỹ ti mré mũ tĩ ag mỹ: “té, ha kó,” he mũ. “Inh hã vẽ,” he tóg, ẽmĩ to.
24157	MAT 26:34	Hã ra Jesus tóg ti mỹ: “ũri, kuty tag kã ã tóg iso: ti ki kagtĩg sóg nĩ, he tãgtũ han ke mũ, galo kyr ke to hã, ha vem nĩ,” he mũ.
24193	MAT 26:70	Hã ra tóg: “vó, ã tỹ ne tó nẽ hỹn'?“ he mũ. Kỹ ag kar vỹ ti vĩ mẽg mũ.
24227	MAT 27:29	Sónh rẽr téj pirĩn kỹ ag tóg, tỹ ti krĩ tógfĩg mũ sir. Vãn tỹ ag tóg, ti nĩgé kã fẽg mũ, ti pẽgja tá. Kỹ ag tóg, ti krẽm grĩnhgrĩnh ke mũ sir, ón kỹ. Ti to é he kỹ ag tóg: “viva, Judeu ag pã'i',” he mũ.
24235	MAT 27:37	Ag tỹ nén tỹ ti kato vĩ mũ vỹ, ti kri rán kỹ sa, hã vỹ: “Jesus, Judeu ag pã'i mág vẽ,” he mũ. Ti tỹ vẽsỹ pã'i mág han to ag nẽji ti tén mũ.
24244	MAT 27:46	3 (ke) óra ki Jesus tóg prẽr mũ sir, kỹ tóg: “Eli, Eli, lemá sabactani?“ he mũ. Ẽg vĩ ki tóg tag to: “Topẽ, Topẽ, ã tỹ ne jé isovãnh nẽ?“ he mũ.
24325	MRK 1:41	Kỹ tóg Jesus mỹ jagtar nĩ. Kỹ tóg ti nĩgé tỹ ti mẽ kỹ ti mỹ: “hej, há' he jé ã tóg ke mũ,” he mũ.
24430	MRK 4:38	Hã ra Jesus tóg nũr nỹ, fakrĩnh kỹ, canoa nér tá. Kỹ ag tóg ti rĩn kỹ ti mỹ: “Senhor, ẽg kãgter ha mẽ tóg tĩ. Mỹ ã mỹ tỹ nén ũ tũ?“ he mũ.
24602	MRK 8:33	Hã ra Jesus tóg vẽsỹjãm ti mré mũ tĩ ag ki ẽvãnh kỹ Pedro to jũ mũ. “Kutĩg, Satanás'! Ã pijé Topẽ jykre tó mũ',” he tóg. “Ẽprã ke jykre vẽ, ã tỹ inh mỹ nén tó mũ tag ti,” he tóg.
24612	MRK 9:5	Kỹ Pedro tóg Jesus mỹ: “Senhor, tag ki tóg há nĩ,” he mũ. “Ẽg tỹ tag ki pãjó tãgtũ han kỹn hỹn há nĩnh mũ vẽ, ã mỹ, Moisés mỹ, Elias mỹ ke gé,” he tóg.
24619	MRK 9:12	Kỹ tóg: “hỹ, kãtĩg jé tóg ke mũ, Elias ti, nén kar han mãn jé,” he mũ. “Hã ra sóg rán kỹ nĩ gé. Tỹ sóg ẽprã ke fi kósin nĩ mỹr. Jagtar jagy han jé sóg ke mũ. Ag tỹ iso é henh ke vẽ.
24624	MRK 9:17	Kỹ ag kã ũ tóg ti mỹ: “Senhor, inh kósin pére sóg kãtĩg, ã to,” he mũ. “Jagrẽ kórég ti nĩ, hã kỹ tóg vĩ vãnh pẽ nĩ.
24628	MRK 9:21	Kỹ tóg ti panh mỹ: “mỹ si há tĩ ha?“ he mũ. Kỹ tóg: “hỹ, ti sĩ kã tóg ge nĩ,” he mũ.
24645	MRK 9:38	Kỹ João tóg Jesus mỹ: “Senhor, ũ ve ẽg tóg. Hã ra ẽn tóg ã jiji tó kỹ vẽjagrẽ kórég pan ja nĩgtĩ,” he mũ. “Hã ra tóg tỹ ẽg mré ke tũ nĩ, kỹ ẽg tóg ti mỹ: ke tũg nĩ, hé,” he tóg.
24646	MRK 9:39	Hã ra tóg: “vó, ti tỹ vẽjagrẽ kórég pan kamẽg tũg nĩ,” he mũ. “Ũ tỹ inh jiji tó kỹ nén ũ há han kỹ tóg iso há nĩ,” he tóg.
24674	MRK 10:17	Kỹ Jesus tóg tĩg mãn mũ gé sir. Hã ra kyrũ ũ tóg ti to vẽnhvãg kãtĩ mũ, kỹ tóg ti jakrĩ tỹ jẽ mũ, kỹ tóg ti mỹ: “Senhor, hapẽ ã tóg jẽ,” he mũ. “Sỹ inh rĩr krỹg ja tũ venh há tóg tĩ. Kỹ inh hỹn vẽjykre há tỹ ne han mũ?“ he tóg.
24692	MRK 10:35	Kỹ Tiago mré João ag tóg ti kukãm mũ mũ, Zebedeu krẽ ag. “Senhor, ẽg mỹ ẽg tỹ nén to vĩ mũ tag ti han,” he ag tóg.
24696	MRK 10:39	Kỹ ag tóg: “hỹ, ke jé ẽg tóg ke mũ,” he mũ. Hã ra Jesus tóg ag mỹ: “hỹ, jagtar jé ãjag tóg ke mũ, inh ri kén,” he mũ. “Vẽsỹrénh jé ãjag tóg ke mũ, inh ri kén.
24708	MRK 10:51	Kỹ tóg ti mỹ: “inh ã tỹ hẽ ri kenh mũ?“ he mũ. Kỹ tóg: “Senhor, sỹ venh há tóg tĩ,” he mũ.
24709	MRK 10:52	Kỹ tóg: “hej, ã tỹ há' henh ke nẽ ha, ã tỹ inh ki rã tugrĩn“ he mũ. Kỹ tóg vẽsỹmér ẽvãnh há' he mũ sir, kỹ tóg ti nón tĩ mũ sir, ẽpry jagma.
24756	MRK 12:14	Ag tỹ ti tá junjun kỹ ag tóg ón kỹ ti mỹ: “Senhor, ã jykre kuryj nĩ ki kanhró ẽg nỹtĩ,” he mũ. “Vẽjykre pir hã han ã tóg tĩ, vẽnh kar mỹ. Hã kỹ ã tóg Topẽ japry to ẽg kanhrãn há han tĩ. Mỹ há nỹ', ẽg tỹ governo mỹ jãnkamy nĩm ke ti', imposto kajãm ke ti'?
24761	MRK 12:19	“Senhor, Moisés tóg ẽg mỹ vẽjykre tag nĩm ja nĩ, ha mẽ,” he mũ. “Ẽg mỹ tóg: ã régre tỹ ti krẽ tũ ra ter kỹ ti prũ fi tỹ prũg nĩ, ã tỹ ã régre mỹ ã krẽ han jé, fi ki, he ja nĩ,” he ag tóg.
24845	MRK 14:22	Ag tỹ ver jẽg nỹtĩ ra Jesus tóg ẽmĩ mãg mũ. To tóg Topẽ mré vĩ mũ sir. Kỹ tóg vẽnh kã kupãn kỹ ti mré mũ ti ag mỹ: “té, ha kó,” he mũ. “Inh hã vẽ,” he tóg, ẽmĩ to.
24860	MRK 14:37	Kỹ tóg ti mré mũ tĩ ag venh tĩ mũ, hã ra ag tóg nũgnũr ja nĩ, kỹ tóg Pedro mỹ: “Simão, ã mỹ nũr'? Mỹ ã tỹ óra pir ki nũr tũg jé hẽ ri ke?“ he mũ.
24885	MRK 14:62	Kỹ Jesus tóg ti mỹ: “hỹ, inh hã vẽ,” he mũ. “Ẽprã ke fi kósin ẽn vỹ tỹ inh nĩ. Inh ve jé ãjag tóg ke mũ ha. Ũ tỹ nén kar han mũ ẽn pẽgja tá sóg nĩnh ke mũ. Kanhkã góg kã mĩ sóg kãtérenh ke mũ gé,” he tóg.
24891	MRK 14:68	Hã ra Pedro tóg: “vó, inh pijé ti ki kanhró nĩ'. Ã tỹ ne tó nẽ'?“ he mũ. Kỹ tóg ĩn jãnkã ra tĩg kỹ ra rã sór mũ sir. Hã ra galo tóg kyr mũ.
24913	MRK 15:18	Kỹ ag tóg ti nyg kỹ ti mỹ: “viva, Judeu ag pã'i,” he mũ sir.
24929	MRK 15:34	3 óra ki Jesus tóg prẽr mũ sir, jamã há ra, kỹ tóg: “Eloí, Eloí, lemá sabactani?“ he mũ. Ẽg vĩ ki ẽg tóg tag to: “Topẽ, Topẽ, ã tỹ ne jé isovãnh nẽ?“ he mũ.
24940	MRK 15:45	Kỹ tóg: “hỹ, ter ti huri,” he mũ. Kỹ tóg José mỹ ti fár ti fig mũ sir.
25175	LUK 4:43	Hã ra tóg: “vó, ẽmã ũ tá sóg ag mỹ Topẽ vĩ tónh ke mũ gé,” he mũ. “Hã jé Topẽ tóg inh mỹ: ha ag mỹ vẽnh ven, he ja nĩ,” he tóg.
25183	LUK 5:7	Kỹ tóg ti régre ag mỹ: “kuri, ẽg mré ké!” he mũ, ti nĩgé tỹ ag mỹ ven kỹ. Kỹ ag tóg canoa régre ẽn fãn mũ, pirã tỹ. Hã kỹ tóg ki punpun ke kren mũ sir.
25186	LUK 5:10	Zebedeu krẽ tỹ Tiago mré João mỹ ke gé. Simão mré ag tóg rãnhrãj mũgtĩ. Simão tỹ ti mỹ: “ã hỹn inh ré kỹ tĩg mũ ha,” hen kỹ tóg ti mỹ: “vó, mũmẽg tũg nĩ,” he mũ.“Pirã kugmĩ há ã tóg nĩ. Ã kanhrãn jé sóg ke mũ, ã tỹ ẽprã ke ag tỹ inh ki ge han jé,” he tóg.
25207	LUK 5:31	Hã ra tóg ag mỹ: “hỹ, ag mré sóg jẽg mũ,” he mũ. “Hã mẽ, ũn kaga tũ ag vỹ médico venh mũ tũ nĩgtĩ. Ũn kaga ag hã vỹ ti venh mũ tĩ,” he tóg.
25360	LUK 8:46	Hã ra tóg: “vó, ũ tóg inh kur mẽ,” he mũ.“Inh kuprĩg vỹ inh mỹ tó, hã kỹ sóg ki kanhrãn mũ,” he tóg.
25430	LUK 9:60	Hã ra Jesus tóg ti mỹ: “vó, inh ki ge tũ ag vỹ ã panh kej han mũnh mũ. Hã kỹ tóg ã tỹ inh mré tĩg há tĩ, ã tỹ Topẽ tỹ tỹ ẽg pã'i nĩnh ke ẽn kãmén jé,” he mũ.
25460	LUK 10:28	Kỹ tóg: “hỹ, ki hã ã tóg tó mũ,” he mũ. “Tag han ra, kỹ ã tóg rĩr krỹg ja tũ venh ke mũ,” he tóg.
25469	LUK 10:37	Kỹ tóg: “ũ tỹ ti jagãgtãn mũ ẽn vỹ tỹ ti régre ja nĩ,” he mũ, ũ tỹ ón kỹ ti ki jẽmẽg mũ ẽn mỹ. Kỹ tóg ti mỹ: “hỹ, tó há han ã,” he mũ. “Kỹ ẽn ri ke han nĩ. Ũn vẽsỹrénh mũ ag jagãgtãn nĩ, ti ri kén,” he tóg, Jesus ti.
25520	LUK 11:46	Kỹ tóg: “ón kỹ ẽg kanhrãn tĩ',” he mũ. “Hỹ, Topẽ vỹ ãjag ve kónãn gé,” he tóg. “Vẽnh kar mỹ ãjag tóg vẽjykre kufy nĩm tĩ. Ti kufy jagy nĩn kỹ ãjag tóg han sór tũ nĩgtĩ. Ge ra ãjag tóg ag mỹ: “ki króm nĩ,” he tĩ.
25599	LUK 13:12	Kỹ Jesus tóg fi vég mũ. Kỹ tóg fi jé prẽr mũ. “Kunĩg, jỹ,” he tóg. “Ã kaga tỹ sóg tũ' henh ke mũ,” he tóg fi mỹ.
25638	LUK 14:16	Kỹ tóg ti mỹ: “hỹ, kanhkã tá fénhta vỹ ge nĩnh mũ, ha mẽ,” he mũ. “Kejẽn ũ tóg nĩgtĩ. Fénhta mág han sór tóg mũ, kỹ tóg ũ tỹ hẽn ri ke ag mỹ tó ja nĩ, ti tỹ fénhta han ke to hã.
25679	LUK 15:22	Hã ra tóg ti mỹ: “vó, vẽnh pãte fón kỹ tóg nĩ,” he mũ. Kỹ tóg ti camarada ag mỹ: “kur há tãvĩ ẽn gé kãmũjẽg,” he mũ. “Ti nĩgé kã rãg gé, nĩgé kã nĩm jafã tỹ, pẽn né ẽn ke gé.
25695	LUK 16:6	Kỹ tóg ti mỹ: “azeite lata tỹ 100 (ke) ki inh néve jẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ ã néve térem kỹ 50 (ke) rán jé,” he mũ.
25696	LUK 16:7	Kỹ tóg ũ mỹ: “jo ã?” he mũ gé. Kỹ tóg ti mỹ: “trigo sako tỹ 100 (ke) vẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ térem kỹ 80 (ke) rán jé,” he mũ gé.
25718	LUK 16:29	Kỹ Abraão tóg ti mỹ: “vó, tá ag tóg Moisés tỹ ẽg mỹ nén tó ja ẽn mẽnh mũ, Topẽ vĩ tó tĩ kar ag vĩ ke gé. Hã kỹ ag tóg Topẽ vĩ jẽmẽnh mũ, ag tỹ mẽ sór kỹ,” he mũ.
25719	LUK 16:30	Hã ra tóg: “vó, vẽser tỹ ag tá jun kỹ ag tóg jẽmẽ há han ke mũ vẽ, kỹ ag tóg ag jykre pãno ẽn tovãnh ke mũ vẽ,” he mũ.
25720	LUK 16:31	Hã ra tóg: “vó, ag tỹ Moisés vĩ jẽmẽ sór tũ nĩn kỹ ag tóg vẽser vĩ mẽnh ke tũ nĩ gé, ag tỹ Topẽ vĩ tó tĩ ag vĩ mẽ jãvãnh nỹtĩn kỹ,” he mũ, Abraão ti, ũn riko ja ẽn mỹ,” he tóg, Jesus ti.
25727	LUK 17:7	“Ãjag camarada jykre to jykrén nĩ,” he tóg. “Ãjag japỹ ki tóg rĩr tĩ, ke tũ nĩ kỹ ãjag mẽg ki. Rãkãnh kỹ tóg ti rãnhrãj ja tá kãtĩ tĩ. Kỹ ãjag pijé ti mỹ: “kunĩg, jẽn jé,” he tĩ'.
25799	LUK 18:42	Kỹ tóg ti mỹ: “he, ha tã mĩ vé,” he mũ. “Ã tỹ inh ki rã kỹ ã há' henh ke mũ,” he tóg.
25840	LUK 19:40	Hã ra Jesus tóg ag mỹ: “vó, ag prẽnprẽr tũ nĩ ra pó hỹn prẽnprẽr mũ vẽ, ag mỹn sér tĩnh mũ vẽ,” he mũ.
26095	LUK 24:35	Kỹ ag tóg ag mỹ: “hỹ, ti ve ẽg ke gé,” he mũ gé. Kỹ ag tóg ag mỹ ag tỹ nén ve ja ẽn tó mũ sir, ag tỹ ag mũ ki ti ve ja ti, ti tỹ ag mỹ ẽmĩ kupãn ja ti ke gé. “Hã ki ẽg tóg ti ki kanhrãn mũ,” he ag tóg mũ.
26189	JHN 2:25	Kỹ ũ tỹ ti mỹ: “ũ ẽn jykre vỹ ge nĩ,” hen kỹ tóg: “hỹ, ki kanhró inh nĩ,” he tĩ. Vẽsóg ki tóg ag jykre ki kanhró nĩgtĩ.
26242	JHN 4:17	“Hã ra sóg mén tũ nĩ,” he fi tóg. “Hỹ, mén tũ ã nĩ, ki hã ã tóg tó mũ.
26250	JHN 4:25	Kỹ fi tóg: “hỹ, Messias ẽn vỹ kãtĩg ke mũ, ẽg tỹ ũ to: Cristo, he mũ ẽn. Ti hã vỹ ẽg mỹ tag kar kãmén kãn ke mũ,” he mũ.
26274	JHN 4:49	Hã ra pã'i ẽn tóg Jesus ti mỹ: “vó, kur inh mré tĩg, ti ter tũ nĩ jé,” he mũ.
26409	JHN 7:12	Vẽnh kar ag tóg ti to vĩ mũ. Ũ ag tóg: “ũn há vỹ tỹ ti nĩ,” he mũ. Jãvo ũ ag tóg: “vó, ẽg mỹ tóg ón tĩ,” he mũ gé.
26442	JHN 7:45	Kỹ porisa ag tóg pã'i ag to vỹnvỹn ke mũ. Kỹ ag tóg ag mỹ: “hỹn, ti?“ he mũ.
26454	JHN 8:4	Kỹ ag tóg Jesus mỹ: “Senhor, fi ve ẽg, fi tỹ fi mén tũ mré nỹ ti,” he mũ.
26464	JHN 8:14	Hã ra tóg ag mỹ: “hỹ, vẽnh kãmén inh tĩ, hã ra sóg ki hã tó tĩ,” he mũ. “Isỹ hẽ tá kãtĩ mũ ẽn ki kanhró inh nĩ, isỹ hẽn ra tĩg ke mũ ti ke gé. Hã ra ãjag tóg inh ki kagtĩg nỹtĩ. Ẽprã ke vỹ tỹ ãjag nỹtĩ.
26469	JHN 8:19	Kỹ ag tóg: “hỹn, ã panh ti?“ he mũ. Kỹ tóg: “ãjag pijé inh ki kanhró nỹtĩ',” he mũ. “Hã kỹ ãjag tóg inh panh ki kagtĩg nỹtĩ gé. Ãjag tỹ inh ki kanhró nỹtĩ ra ãjag tóg inh panh ki kanhró nỹtĩnh ke mũ gé vẽ vẽ,” he tóg.
26489	JHN 8:39	Kỹ ag tóg ti mỹ: “hỹ, Abraão vỹ tỹ ẽg panh nĩ,” he mũ. Kỹ Jesus tóg: “ãjag tỹ tỹ Abraão krẽ nỹtĩn kỹ ti jykre han nĩ ge,” he mũ.
26521	JHN 9:12	Kỹ ag tóg ti mỹ: “hỹn, ti?“ he mũ. Hã ra tóg ag mỹ: “ha'?“ he mũ.
26529	JHN 9:20	Kỹ fag tóg: “hỹ, ẽg kósin hã vẽ,” he mũ. “Ti mur mũ kã tóg kyvó ja nĩ.
26600	JHN 11:8	Kỹ ag tóg ti mỹ: “Senhor, ẽg tỹ tá nỹtĩn kỹ pã'i ag tóg ã tén sór ja nĩ, pó tỹ ã pin kỹ. Ra tĩg sór tũg nĩ,” he mũ.
26619	JHN 11:27	“Hỹ, Cristo vỹ tỹ ã nĩ, Topẽ kósin ti, ũ tỹ ga kri jun ke mũ ẽn ti. Tag vỹ inh mỹ tỹ hã nĩ,” he fi tóg.
26624	JHN 11:32	Kỹ Maria fi tóg Jesus tá jun mũ. Fi tỹ ti ve kỹ fi tóg ti pẽn krẽm mũg ke mũ. Ti mỹ fi tóg: “Senhor, ã tỹ kã nĩ ra ti ter ke tũ nĩ vẽ,” he mũ gé.
26631	JHN 11:39	Kỹ tóg ag mỹ: “ha pó tag kunũ,” he mũ. Kỹ Marta fi, ũn ter kỹ nỹ ẽn ve fi vỹ ti mỹ: “Senhor, ti hỹn ger nỹ ha. Kurã tỹ 4 (ke) vẽ ha, ẽg tỹ ti fón ja kri,” he mũ.
26707	JHN 13:8	Hã ra Simão tóg ti mỹ: “vó, inh pẽn kugpenh ke tũ ã tóg nĩ,” he mãn mũ. Kỹ Jesus tóg ti mỹ: “isỹ ã pẽn kupég tũ nĩn kỹ ã pijé tỹ isũ nĩnh mũ',” he mũ.
26724	JHN 13:25	Kỹ tóg ti to grẽn ke kỹ ti mỹ: “Senhor, ũ to ke nẽ?“ he mũ.
26735	JHN 13:36	Kỹ Simão tóg Jesus mỹ: “Senhor, ã tỹ hẽ ra tĩg sór nẽ?“ he mũ. Kỹ tóg: “ẽn ra ã tĩg ke tũ nĩ ver, inh mré,” he mũ. “Kar kỹ ã tóg kejẽn ẽn ra tĩg ke mũ gé, inh nón,” he tóg.
26737	JHN 13:38	Hã ra tóg: “vó, ũri ã tóg ón kỹ iso: ti ki kagtĩg sóg nĩ, he tãgtũ han ke mũ, galo kynkyr ke to hã. Ki hã sóg tó mũ, ha vem nĩ,” he mũ.
26897	JHN 19:3	Ti ki junjun kỹ ag tóg ti mỹ: “viva, Judeu ag pã'i',” he mũ, ti nyg kỹ. Kar ag tóg ti tãnh mũ gé sir.
26916	JHN 19:22	Hã ra Pilatos tóg: “vó, rán inh huri, kỹ tóg rán kỹ nĩ ha,” he mũ.
26982	JHN 21:15	Ag jẽn kar kỹ Jesus tóg Simão Pedro mỹ: “Simão', João kósin', ã mỹ iso há tãvĩ nĩ, ã mré ke ag tỹ iso há nỹtĩ ẽn kãfór?“ he mũ. Kỹ tóg ti mỹ: “hỹ, hã vẽ. Ki kanhró ã tóg nĩ, isỹ ã to hapẽ nĩn ki,” he mũ. Kỹ Jesus tóg: “kỹ ũ tỹ inh ki ge kỹ nỹtĩ ag mỹ inh vĩ tóm nĩ,” he mũ.
26983	JHN 21:16	Kỹ tóg ti mỹ: “Simão', João kósin', ã mỹ iso há nĩ?“ he mãn mũ gé. Kỹ tóg ti mỹ: “hỹ, hã vẽ. Ki kanhró ã tóg nĩ, isỹ ã to há nĩn ki,” he mãn mũ. Kỹ Jesus tóg: “kỹ ũ tỹ inh ki ge kỹ nỹtĩ ag mỹ inh vĩ tóm nĩ,” he mãn mũ gé.
26999	ACT 1:7	Hã ra tóg ag mỹ: “vó, Topẽ hã vỹ ki kanhró nĩ. Ãjag tũ pijé',” he mũ. “Kurã ẽn ki kanhrãn ke tũ ãjag tóg nĩ, Topẽ tỹ ãjag pã'i mág fẽg mãn ke kurã ti,” he tóg.
27136	ACT 5:8	Kỹ Pedro tóg fi mỹ: “ãjag mỹ ti kaja tag to fón, ãjag japỹ ti?“ he mũ. Kỹ fi tóg: “hỹ, ti kaja tag to ẽg tóg fón,” he mũ, ón kỹ.
27276	ACT 8:31	Hã ra tóg: “vó, ũ tóg inh mỹ kãmén ja tũ nĩ ver. Ã mỹ inh mỹ kãmén ke tũ nĩ'?” he mũ. “To kãtãpry, inh mré nĩ jé,” he tóg.
27342	ACT 10:14	Kỹ Pedro tóg ẽg Senhor ti mỹ: “nejé, nén ũ jẽgry ko ja tũ sóg nĩ mỹr. Ẽg povo jykre tũ vẽ, ẽg tỹ misu ẽn kon kỹ,” he mũ.
27421	ACT 12:15	Kỹ ag tóg fi mỹ: “krĩ vẽnh mỹ ã nĩ,” he mũ. Hã ra fi tóg: “vó, ti hã vẽ,” he mũ. Kỹ ag tóg fi mỹ: “ti ki rĩr tĩ ẽn hỹn,” he mũ.
27920	ACT 26:29	Kỹ Paulo tóg ti mỹ: “hỹ, hã to sóg Topẽ mré vĩ mũ,” he mũ. “Ã tỹ inh mré Jesus ki rã kỹ tóg há tĩ vẽ, ã mré inh vĩ mẽg mũ ag ke gé. Isỹ se kỹ jẽ tag hã to sóg ã mỹ: inh ri kem nĩ, henh ke tũ nĩ,” he tóg.
28762	1CO 14:16	Ha vé, ã tỹ to jykrén kỹ nĩ tũ ra Topẽ to vĩ há han kỹ ã vĩ mẽg mũ ag vỹ ki kagtĩg nỹtĩ, ã tỹ ẽg tỹ vẽnh vĩ ki kagtĩg ki vẽmén kỹ. Kỹ tóg ag tỹ ã mré: “hỹ, hã vẽ,” henh ke mũ ra vẽnh mỹ tĩ. “Ti ne tó mũ vỹ? Sỹ ki kagtĩg tóg tĩ,” he jé ag tóg ke mũ.
28770	1CO 14:24	Ãjag tỹ ẽg vĩ ki jagnẽ jykre ki kanhrãn kỹ jagnẽ jyvẽn kỹ tóg hã ra há tĩ. Kỹ ũ tỹ Jesus ki rã tũ vỹ jun mũ. Kỹ tóg ãjag vĩ mẽnh mũ, kỹ tóg to jykrén ke mũ sir. Ãjag vĩ to tóg: “hỹ, hã vẽ,” henh ke mũ. Ti jykre pãno to tóg jykrén ke mũ gé.