23326	MAT 5:23	“Ã tỹ Topẽ ĩn krẽm ti mỹ nén ũ pũn sór kỹ, vẽso jykrén vén nĩ. “Inh mỹ ũ to jũ tũ nĩ vỹ? Ũ mỹ iso jykrén kónãn tũ nĩ vỹ?” hem nĩ.
23377	MAT 6:26	Sẽsĩ to jykrén nĩ. Ag mỹ ẽkrãn tĩ? Vó. Ag mỹ pãjó krẽm vin tĩ? Vó. Ge ra ẽg jóg tỹ kanhkã tá nĩ ẽn tóg ag ki rĩr nĩ nĩ. Ãjag mỹ jẽsĩ kãfór tũ nỹtĩ', Topẽ mỹ'? Vó, sẽsĩ kãfór ãjag tóg nỹtĩ.
23440	MAT 8:26	Kỹ tóg ag mỹ: “ãjag tỹ nejé mũmẽgmẽg nẽ? Ãjag mỹ inh ki ge há han tũ'?“ he mũ. Kỹ tóg nĩ mũ sir, jẽgnẽ kỹ tóg goj mỹ vĩ mũ, kóho mỹ. Kỹ tóg tũ' he mũ sir. Katy' he tóg mũ, katy tãvĩ tóg tĩ mỹr, ha mẽ.
23535	MAT 11:7	Kỹ ag tóg mũ mũ sir, João mỹ tó jé. Ag mũ kar kỹ tóg, vẽnh e ag mỹ ti kãmén mũ. “Ãjag tỹ ẽmã tũ ja ra mũn kỹ, ti ve jé, kỹ ti jykre hỹn ne ri ke nĩ, ãjag mỹ?“ he tóg. “Ti jykre mỹ kãka tỹ vãnh tỹ man man ke ri ke nĩ? Vó, ri ke tũ ti nĩ.
23585	MAT 12:27	“Belzebu tỹ tóg Nén-Kórég ag pan tĩ,” he ãjag tóg tĩ iso. Jãvo ãjag mré ke ag hỹn vẽjykre tỹ ne tỹ vẽjagrẽ kórég pan tĩ? Ag mỹ Nén-Kórég ag jykre tỹ ag pan tĩ gé', Topẽ jykre tỹ, vó? Topẽ jykre tỹ ag tóg ag pan tĩ. Ãjag tỹ tag to jykrén kỹ ãjag tóg inh jykre há ẽn ki kanhrãn ke mũ vẽ,” he tóg.
23662	MAT 13:54	Kỹ tóg ti jamã ra tĩ mũ sir. Tá jun kỹ tóg, vẽnh kanhrãn jafã krẽm ag kanhrãn mũ. Kỹ tóg ag mỹ e tĩ, ti vĩ ti. Kỹ ag tóg ti to vĩ kónãn mũ. “Hẽn tán hỹn ki kanhrãn, vẽjykre tag ki? Ũ nỹ hỹn ti kanhrãn, ti tỹ nén han vãnh tag hynhan jé?
23697	MAT 14:31	Kỹ Jesus tóg vẽsỹmér ti kãgmĩg mũ. Kỹ tóg ti mỹ: “inh ki rã há han tũ ã tóg nĩ, vỹ,” he mũ. “Ã hã ne tóg: inh mỹ tá jun mũ vỹ? he mũ', hã kỹ ã tóg ki pun ke kren mũ,” he tóg.
23817	MAT 18:21	Kỹ Pedro tóg ti to kãtĩg kỹ ti mỹ: “Senhor,” he mũ. “Kejẽn inh régre tóg vẽjykre pãno han ja nĩnh mũ. Kỹ inh mỹ ti mỹ vẽnh pãte fón e han mũ'? Vẽnh pãte fón tỹ hẽ ri ke nỹ hỹn há nĩnh mũ? Ke tỹ 7 mỹ há nĩ'?“ he tóg, Pedro ti.
23918	MAT 21:23	Kỹ tóg ẽmã tá jun kỹ Topẽ ĩn kã ra rã mãn mũ sir. Kỹ Topẽ tũ to pã'i ag vỹ ti to kãmũ mũ, kófa ag mré hã. Kỹ ag tóg ti mỹ: “ũ nỹ ã mỹ: tag han nĩ, hé? Ũ nỹ ã jẽnẽ?“ he mũ.
23920	MAT 21:25	“João vỹ ag kygpég tĩ ja nĩgtĩ. Kỹ ti mỹ kanhkã tá vẽjykre han ja nĩgtĩ', ẽprã vẽjykre vó? Ũ nỹ ti jẽnẽ?“ he tóg. Kỹ ag tóg ti vĩ to jykrén mũ jagnẽ mré. “Ẽg tỹ ti mỹ: Topẽ tỹ ti jẽnẽ ja vẽ, hen kỹ tóg ẽg mỹ: kỹ ãjag tỹ ne jé ti vĩ kri fig tũ nĩ nẽ? henh ke mũ.
24104	MAT 25:27	Ã tỹ ne jé inh jãnkamy tỹ banco tá vin ja tũ nĩ nẽ? Ã tỹ tá vin ra sóg isũ kãfór mãn ke mũ vẽ,” he tóg.
24114	MAT 25:37	“Kỹ ũn jykre kuryj ag vỹ inh mỹ: “ẽg hẽ ri ke kã ã kókĩr nĩ vé? Ẽg hẽ ri ke kã ã kron há tĩ vé?
24115	MAT 25:38	Ã hẽ ri ke kã ẽg ĩn tá jun? Ẽg hẽ ri ke kã ã kur tũ vé?
24116	MAT 25:39	Ẽg hẽ ri ke kã ã kaga vé, ẽg hẽ ri ke kã ã se vé? Ki kagtĩg ẽg nỹtĩ,” henh ke mũ, inh mỹ.
24121	MAT 25:44	“Kỹ ag tóg inh mỹ: “ẽg hẽ ri ke kã ã kókĩr vé, ã kron há ti? Ã hẽ ri ke kã ẽg ĩn tá jun'? Ẽg hẽ ri ke kã ã kur tũ vé', ã kaga ti', ã se ti'? Ki kagtĩg ẽg nỹtĩ,” henh ke mũ gé.
24215	MAT 27:17	Jãvo ag tóg tá vẽnhmãn kỹ nỹtĩ, Judeu kar ag. Kỹ Pilatos tóg ag mỹ: “inh ãjag mỹ ũ tỹ hẽ kavãn ha? Mỹ Jesus Barrabás, Jesus Cristo mỹ vó?” he mũ.
24336	MRK 2:7	“ti tỹ ne tó nẽ? “ he mũ, jagnẽ mỹ, komẽr hã. “Topẽ to vĩ kónãn vẽ. Topẽ hã ne ti pin kỹ ẽg tỹ Topẽ vĩ mranh tỹ tũ' he há nĩnh mũ. Ti tỹ vẽsỹ Topẽ han vẽ,” he ag tóg mũ.
24338	MRK 2:9	“Ne nỹ ãjag mỹ vẽnh mỹ nỹ? Ũn kãnhgrĩn kỹ nỹ tag mỹ sóg: ã tỹ Topẽ vĩ mranh ja ẽn vỹ tũ tĩ ha, hé. Kỹn mỹ ãjag mỹ vẽnh mỹ? Sỹ ti mỹ: nĩ ra, ã kur gég tĩg, henh ke nẽ ha. Kỹn mỹ ãjag mỹ vẽnh mỹ ke gé'?
24432	MRK 4:40	Kỹ tóg ag mỹ: “ãjag tỹ ne jé kanẽ junjur nẽ? Ãjag mỹ inh ki ge há han tũ?“ he mũ.
24472	MRK 5:39	“ãjag tỹ ne jé kygfỹ nẽ,” he mũ. “Ãjag tỹ ne jé vẽsỹrénh nẽ? Ter tũ fi nĩ. Fi nũr vẽ,” he tóg. Ũn vẽsỹrénh jagy han mũ ẽn fag mỹ tóg ke mũ.
24514	MRK 6:38	Kỹ tóg ag mỹ: “ẽmĩ tỹ hẽ ri ke nỹ ki nỹtĩ? Ha venh mũ jẽg,” he mũ. Ag tỹ ve kỹ ag tóg: “ũ tỹ 5 (ke) vẽ, pirã régre ke gé,” he mũ.
24537	MRK 7:5	Kỹ Fariseu ag tóg Jesus mỹ: “ã mré mũ tĩ ag tỹ hẽ ri ken kỹ ẽg si ag jykre han tũ nĩ nẽ? Ag tỹ ne jé ag nĩgé to tỹ kó he tũ ra jẽn nẽ?“ he mũ.
24712	MRK 11:3	“Hẽn ri ke mũn ag tóg ãjag mỹ: ãjag tỹ ne jé ti kavãn nẽ? henh ke mũ. Kỹ ag mỹ: ẽg Senhor tóg ti ve sĩ han sór mũ, kãnhmar tóg ti jẽnẽ mãn mũ, hem nĩ,” he tóg.
24732	MRK 11:23	“Sỹ ke há vẽ: kejẽn ãjag tóg krĩ mỹ: ha goj nig ki ráj kutẽ, henh ke mũ. Kỹ tóg ki ráj ke mũ, ãjag tỹ ãjag fe tỹ: ti mỹ ki ráj mũ vỹ? he tũ nĩn kỹ,” he tóg.
24737	MRK 11:28	“Ũ nỹ ã mỹ: tag han nĩ, hé? Ũ nỹ ã jẽnẽ?“ he ag tóg.
24739	MRK 11:30	“João vỹ ag kygpég tĩ ja nĩgtĩ. Ti mỹ kanhkã tá vẽjykre han, ẽprã vẽjykre vó? Ũ nỹ ti jẽnẽ?“ he tóg.
24740	MRK 11:31	Kỹ ag tóg jagnẽ mỹ: “ẽg tỹ ti mỹ: Topẽ tỹ ti jẽnẽ ja vẽ, hen kỹ tóg ẽg mỹ: ãjag tỹ ne jé ti vĩ kri fi ja tũ nĩ nẽ? henh ke mũ.
24751	MRK 12:9	“Kỹ ẽkré tỹ tũn mũ ẽn hẽ ri kenh ke mũ? Jun jé tóg ke mũ, ti mỹ rãnhrãj tĩ ag kãgtén jé. Kỹ tóg ẽkré ki rĩr tĩ ũ ag mỹ finh ke mũ, ti tũ ti,” he tóg.
24758	MRK 12:16	Kỹ ag tóg ti mỹ ũ jun mũ sir. Kỹ tóg: “ũ jiji nỹ kã nĩ? Ũ kãgrá nỹ kã nĩ?“ he mũ. Kỹ ag tóg ti mỹ: “pã'i mág tỹ imperador kãgrá vẽ,” he mũ.
24790	MRK 13:4	“ẽg mỹ ag tỹ kókén ke kurã ti tó. Ẽg ne ve kỹ ti kurã ki kanhró nỹtĩnh mũ? Kurã tỹ hẽ ki ẽg hỹn tag venh ke mũ?“ he mũ.
24827	MRK 14:4	Hã ra ũ tỹ tá nỹtĩ ag kã ũ ag tóg jagnẽ mỹ: “fi tỹ ne jé nén kaja e tag kókén nẽ?
24829	MRK 14:6	Hã ra Jesus tóg ag mỹ: “fi mỹ vĩ tũg! Ãjag tỹ ne jé fi fe kaj han nẽ? Nén ũ há han fi tóg,” he mũ.
24883	MRK 14:60	Kỹ Topẽ tũ to pã'i mág tóg jẽgnẽ kỹ ag kuju kã jẽ kỹ Jesus mỹ: “Ã tỹ ne tónh ke mỹ tũ? Ag hã ne tóg ã vĩ kónãn tag tó mũ',” he mũ.
24899	MRK 15:4	Kỹ tóg ti mỹ ke mãn mũ. “Mỹ ã tỹ ag mỹ nén ũ tó jãvãnh? Ha mẽ, ã to ag tóg vĩ kónãn mũ,” he tóg.
24909	MRK 15:14	Kỹ tóg ag mỹ: “hẽ ri ken kỹ? Ti kórég tỹ ne han ti?“ he mũ. Hã ra ag tóg prẽr mãn', prẽr mãn' he mũ sir. “!..Krunh to ti sã..!“ he ag tóg, prẽnprẽr kỹ.
25090	LUK 2:48	Ti mỹnh fag tỹ ti ve kỹ tóg fag mỹ e tĩ gé sir. Kỹ fi tóg ti mỹ: “inh kósin',” he mũ. “Ã tỹ tag kã ne han nĩ nẽ? Ã jóg mré sóg ã jãvãnh to kanẽ jur,” he fi tóg, ti mỹ.
25144	LUK 4:12	Kỹ tóg ti mỹ: “kỹ tag vỹ rán kỹ nĩ gé, ha mẽ,” he mũ. “Topẽ mỹ: ã mỹ ã tỹ nén tó ja ẽn han mũ vỹ? he tũg nĩ,” he tóg mũ gé, Topẽ vĩ tỹ rán kỹ nĩ ki. Hã kỹ sóg hũm ke tũ nĩ,” he tóg.
25188	LUK 5:12	Kỹ tóg kejẽn ẽmã ũ tá nĩ nĩ. Hã ra ũ tỹ vẽnh kaga kren vãnh han kỹ nĩ ũ tóg ti tá jun mũ. Lepra he mũ ẽn tóg ti kri rũm ke kãn ja nĩ. Jesus krẽm grĩnh ke kỹ tóg ti mỹ: “ã mỹ isỹ há' he sór tũ? To tar ã tóg nĩ,” he mũ.
25224	LUK 6:9	Kỹ tóg ag mỹ: “sỹ ãjag ki jẽmẽnh ke,” he mũ. “Vẽnhkán ke kurã ki ẽg hỹn ne han mũ', ẽg tỹ Topẽ vĩ ki króm jé? Ẽg mỹ hỹn nén ũ há han mũ'? Ẽg mỹ hỹn nén ũ kórég han mũ'? Ẽg mỹ ũ kren han mũ hỹn'? Ẽg tỹ ũ tén kỹn mỹ há nĩnh mũ hỹn'?” he tóg. Hã ra ag tóg ti mỹ nén ũ tó tũ nĩ.
25284	LUK 7:20	Kỹ ag tóg ti mỹ: “João Batista vỹ ẽg jẽgnẽ, ẽg tỹ ã ki jẽmẽ jé,” he mũ. “Ã hã mỹ'? he tóg. Ẽg mỹ ũ jãvãnh mãn ke tũ nĩ ha', ã pãte? he tóg, João ti,” he ag tóg mũ.
25288	LUK 7:24	Kỹ ag tóg mũ mũ sir, João mỹ tó jé. Ag mũ kar kỹ Jesus tóg ũn e ẽn ag mỹ João kãmén mũ. “Ẽmã tũ ja ra ãjag tóg mũ ja nĩgtĩ, João ve jé,” he tóg. “Kỹ ti jykre hỹn ne ri ke nĩ, ãjag mỹ? Kejẽn kãka tóg goj jagma krã tỹ man man ke tĩ. João jykre mỹ ãjag mỹ tag ri ke tũ nĩ'? Hỹ, ri ke tũ ti nĩ.
25468	LUK 10:36	Kỹ tóg: “ũn tãgtũ ag vỹ ti ve ja nĩ. Kỹ ag kã ũ tỹ hẽ nỹ tỹ ag tỹ ũn vóg kónãn mũ ẽn régre ja nĩ? Ha to jykrén kema',” he tóg.
25545	LUK 12:17	Kỹ tóg: “inh hỹn ne han mũ ha? Sỹ krẽm inh jakré kanẽ kar nĩm jé,” he mũ.
25548	LUK 12:20	Hã ra Topẽ tóg ti mỹ: “krĩ tũ ã nĩ,” he mũ. “Kuty tag kã ã tóg ter ke mũ ha. Kỹ ã tũ mág tag vỹ tỹ, ũ tũ nĩnh ke mũ ha? Ma tĩg ke tũ ã tóg nĩ,” he tóg ti mỹ, Topẽ ti,” he tóg.
25569	LUK 12:41	Kỹ Pedro vỹ ti mỹ: “Senhor',” he mũ. “Ã tỹ ũ mỹ ke nẽ? Ã tỹ ũ tỹ ã ki ge tũ ag mỹ ke mỹ, ẽg mỹ ke mỹ vó?” he tóg.
25653	LUK 14:31	“Kar kỹ pã'i mág to jykrén nĩ gé. Pã'i ũ tỹ ti mré vẽnh génh han sór kỹ tóg ti krẽm ke ag nĩkrén vén ke mũ gé sir, vẽnh génh ke to hã. “10 mil (ke) ẽg nỹtĩ,” he jé tóg ke mũ. “Ẽg mỹ ag tỹ hẽn ri kenh mũ vỹ? 20 mil (ke) ag nỹtĩ. Ag mỹ ẽg tỹ tũ' he kãn ke tũ nĩ vỹ?” he jé tóg ke mũ.
25692	LUK 16:3	Kỹ tóg to jykrén kỹ: “inh hỹn hẽ ri kenh mũ ha?” he mũ. “Inh patrão tỹ inh kutẽm kỹ inh hỹn ne konh ke mũ ha? Inh ẽpỹ jé sóg krój nĩ. Kỹ sóg vẽnh kar mỹ: “inh mỹ nén ũ nĩm, inh mỹ jãnkamy nĩm,” he sór tũ nĩ gé. Inh mỹ'a tóg tĩ,” he tóg.
25716	LUK 16:27	Kỹ ũn riko ja tóg ti mỹ: “kỹ sóg ã mỹ nén ũ tó sór mũ, ha mẽ,” he mũ. “Ã mỹ inh jóg ĩn ra Lazaro jẽnẽnh ke tũ? Tá inh mré ke ag vỹ nỹtĩ.
25823	LUK 19:23	Kỹ ã tỹ ne jé inh jãnkamy tỹ banco tá nĩm ja tũ nĩ nẽ? Ã tỹ tá nĩm han ra sóg ti juro venh ke mũ vẽ, kỹ sóg isũ kãfór mãn ke mũ vẽ,” he tóg.
25852	LUK 20:4	“João vỹ ag kygpég tĩ ja nĩgtĩ. Kỹ ti mỹ kanhkã tá vẽjykre han', ẽprã vẽjykre vó'?“ he tóg. “Ũ nỹ ti jẽnẽ? Inh mỹ tó,” he tóg.
25853	LUK 20:5	Kỹ ag tóg jagnẽ mré to jykrén mũ sir. “Ẽg tỹ ti mỹ: Topẽ tỹ ti jẽnẽ vẽ, hen kỹ tóg ẽg mỹ: ãjag tỹ ne jé ti vĩ kri fi ja tũ nĩ nẽ? henh ke mũ,” he ag tóg.
25870	LUK 20:22	“Kỹn mỹ há nỹ, ẽg tỹ fóg tỹ pã'i mág tỹ imperador mỹ jãnkamy nĩm ti, imposto kajãm jé? Ẽg mỹ hỹn nĩm mũ', nĩm ke tũ nĩ vó?“ he ag tóg.
25872	LUK 20:24	“Inh mỹ jãnkamy ven. Ũ jiji nỹ kã nĩ? Ũ kãgrá nỹ kã nĩ?“ he tóg. Kỹ ag tóg ti mỹ: “pã'i mág kãgrá vẽ,” he mũ.
25902	LUK 21:7	Kỹ ag tóg ti mỹ: “kurã tỹ ne kã ke nẽ hỹn'?“ he mũ. “Ẽg hỹn hẽn ri ken kỹ ti kurã ki kanhró nỹtĩnh mũ? Topẽ hỹn ne han vén ke mũ, ẽg tỹ kurã ẽn ki kanhró nỹtĩ jé?“ he ag tóg.
25975	LUK 22:42	Kỹ tóg: “panh', mỹ ã tỹ inh vẽsỹrénh ke tag tỹ tũ' he jãvãnh? Hã ra isỹ ã mỹ nén to vĩ mũ tag han tũg nĩ. Ã tỹ nén han ke mũ ẽn hã han nĩ,” he mũ.
26026	LUK 23:22	Kỹ tóg ag mỹ vĩ tãgtũ han mũ gé. “Ti kórég tỹ ne han ti? Sỹ vég tũ tóg tĩ. Ti tỹ ne to ter ke nẽ? Sỹ ki kagtĩg tóg tĩ. Hã kỹ sóg ti mrãnmrãn kar kỹ ti tovãnh ke mũ,” he tóg.
26078	LUK 24:18	Kỹ Cleopas he mũ ẽn tóg ti mỹ: “kỹ ã mỹ mẽg tũ? Ũ tỹ fénhta venh kãmũ ja ag vỹ mẽ kãn. Ã hã mỹ ã pir mỹ mẽg tũ?“ he mũ.
26134	JHN 1:21	Kỹ ag tóg ti mỹ: “kỹ ã hỹn tỹ ũ nĩ? Ã mỹ tỹ Elias nĩ'?“ he mũ. Hã ra tóg: “vó“ he mũ gé. Kỹ ag tóg ti mỹ: “Topẽ vĩ tó tĩ ũ nẽji kãtĩg ke mũ gé. Ti hã mỹ tỹ ã nĩ?“ he mũ. Hã ra tóg: “vó,” he mũ gé.
26135	JHN 1:22	Kỹ ag tóg: “ũ nỹ tỹ ã nĩ, ge kỹ? Pã'i ag vỹ ẽg jẽgnẽ, ẽg tỹ ã ki jẽmẽ jé. Ẽg hỹn ag mỹ ne tónh ke mũ'? Vẽso ã hẽri ke ti?“ he mũ.
26182	JHN 2:18	Kỹ Judeu ag pã'i ag vỹ Jesus tỹ ag pan mũ vég mũ gé. Kỹ ag tóg ti mỹ: “ã tỹ hẽ ri ke nẽ?“ he mũ. “Ũ nỹ ã mỹ: tag han nĩ, hé? Milagre ũ han nĩ, ẽg tỹ ũ tỹ ã jẽnẽg mũ ki kanhrãn jé,” he ag tóg.
26236	JHN 4:11	Kỹ fi tóg: “runja tũ ã nĩ, kỹ ã hỹn hẽ ri kenh mũ, ã tỹ goj ror tỹ goj ẽn run jé? Téj gy ti nĩ, poço ti,” he mũ.
26252	JHN 4:27	Ti tỹ fi mỹ tag tó kỹ ti mré mũ tĩ ag tóg ti tá junjun mũ. Kỹ ag tóg ti tỹ fi mré vẽmén mũ vég mũ, kỹ tóg ag mỹ e tãvĩ tĩ. Hã ra ag tóg ti mỹ nén ũ tó tũ nĩ. “Ã tỹ ne mẽ sór nẽ, fi ki? Ã tỹ fi mỹ ne tó nẽ?“ he tũ ag tóg nĩ.
26356	JHN 6:30	Kỹ ag tóg: “kỹ ã hỹn ne han ke mũ, ẽg tỹ ve kỹ ã ki gen jé?“ he mũ. “Ã hỹn ne han há nĩgtĩ?
26416	JHN 7:19	Moisés vỹ ãjag jyvẽn ja nĩgtĩ. Ãjag tỹ ne jé ti vĩ han tũ nĩ nẽ? Isỹ ti vĩ ki króm mũ ra ãjag tóg isén sór mũ',” he tóg.
26432	JHN 7:35	Kỹ ag tóg jagnẽ mỹ: “ti hỹn hẽ ra tĩg sór mũ?“ he mũ. “Ẽg hỹn hẽ tá ti venh ke tũ nĩ? Ti hỹn hẽn ri ke mũn ga tỹ Grécia ra tĩg sór mũ, tá ẽg mré ke ag kanhrãn jé.
26460	JHN 8:10	Kỹ tóg fi ki ẽvãnh kỹ fi mỹ: “ag hẽ ra kagáv? Ag mỹ ã vóg kónãn tũ?“ he mũ. Ag mũ kar kỹ tóg fi mỹ ke mũ.
26496	JHN 8:46	Inh hỹn ne ki Topẽ vĩ mranh? Ha inh mỹ tó. Mranh ja tũ sóg nĩ. Hã ra sóg ãjag mỹ Topẽ vĩ pẽ tó tĩ. Ãjag hẽ ri ken kỹ inh vĩ kri fi sór tũ nĩ?
26503	JHN 8:53	Ã mỹ vẽsỹ ẽg jógjóg ve tỹ Abraão kãfór han sór mũ', ã tỹ ẽg mỹ: kãgter ke tũ ãjag nĩ, hen kỹ? Ter ja ti nĩ, Abraão ti, kỹ Topẽ vĩ tó tĩ ag kar vỹ kãgter kãn gé. Vẽsỹ ũn mág han ve ã tóg nĩ,” he ag tóg, Jesus mỹ.
26528	JHN 9:19	Kỹ ag tóg fag mỹ: “ãjag kósin hã mỹ'?“ he mũ. “Ti mỹ ti mur mũ kã kyvó ja nĩ? Kỹn hỹn hẽ ri ké, ti tỹ ũri ẽvãnh há nĩ jé?“ he ag tóg mũ.
26536	JHN 9:27	Hã ra tóg ag mỹ: “ãjag mỹ inh hur tó, hã ra ãjag tóg mẽ sór tũ nĩ,” he mũ. “Ãjag tỹ ne jé jẽmẽ mãn sór nẽ? Ãjag mỹ ti mré mũ sór mũ gé?“ he tóg.
26539	JHN 9:30	Kỹ ũn kyvó ja ẽn tóg ag mỹ: “mẽ',” he mãn mũ. “Ãjag mỹ ti ki kagtĩg nỹtĩ, ti tỹ tỹ hẽ tá ke nĩn ki? Isỹ tóg há' hé mỹr, inh kanẽ tỹ.
26545	JHN 9:36	Kỹ tóg: “kỹ ũn nẽ ge? Sỹ ti ki rã sór vẽ,” he mũ.
26574	JHN 10:24	Kỹ Judeu ag tóg ti venh kãmũ mũ, ag tỹ ón kỹ ti ki jẽmẽ jé. “Ã hẽ ri ke kã ẽg mỹ vẽnh kãmén há han ke mũ'?“ he ag tóg mũ. “Ã mỹ tỹ Cristo nĩ? Topẽ tỹ ẽg mỹ ũn jẽnẽnh ke mũ ẽn mỹ tỹ ã nĩ'?” he ag tóg mũ, ón kỹ.
26629	JHN 11:37	Hã ra ag kã mĩ ũ tóg: “ti tỹ há' he ja tũ tóg nĩ,” he mũ. “Ũn kyvó kanẽ tỹ há' he ja tóg nĩ, ti tỹ hẽ ri ken kỹ ti tỹ há' he ja tũ nĩ nẽ, ti ter tũ nĩ jé? Ti mỹ tỹ hẽ ri ke tũ nĩ vỹ, ti kaga tỹ'?“ he ag tóg, Jesus to.
26648	JHN 11:56	Tá ag tóg Jesus jãvãnh mũ, Topẽ ĩn tá nỹtĩ kỹ. Kỹ ag tóg jagnẽ mỹ: “ti hỹn hẽ ri ke mũ? Ti mỹ fénhta venh kãtĩg mũ vỹ?“ he mũ.
26813	JHN 16:18	“Ne to ke nẽ hỹn, hã vỹ: kãnhmar, he mũ? Ẽg pijé ti tỹ nén tó mũ ẽn ki kanhró nỹtĩ',” he ag tóg, jagnẽ mỹ.
26883	JHN 18:29	Kỹ Pilatos tóg re mĩ kãkutẽ mũ, ag mré vẽmén jé. Kỹ tóg ag mỹ: “ti hẽ ri ké? Ti vẽjykre kórég tỹ ne han'?“ he mũ.
26888	JHN 18:34	Kỹ tóg ti mỹ: “ũ nỹ ã mỹ tag tó? Ã tỹ vẽsóg ki to jykrén mỹ vó, pã'i ag tỹ ã mỹ tó mỹ vó?“ he mũ.
26904	JHN 19:10	Kỹ Pilatos tóg ti mỹ: “ã mỹ inh mré vẽmén ke tũ? Isỹ ã kavãn sór kỹ sóg ã kavãn mũ. Isỹ ka to ã sa sór kỹ sóg to ã sanh mũ gé. Tag to jykrén,” he mũ.
27017	ACT 1:25	ti tỹ ẽg mré ã rãnhrãj tag han jé, ti tỹ tỹ ẽg mré apóstolo jẽ jé? Judas vỹ ti rãnhrãj tovãnh. Kỹ ũ tỹ hẽ nỹ ti jẽg ja kã jẽnh mũ ha?“ he ag tóg mũ, Topẽ mỹ.
27098	ACT 4:7	Vẽnh kuju ki ag tóg Pedro ag vin mũ, kỹ ag tóg: “ũ nỹ ãjag mỹ vẽjykre tag nĩm, ãjag tỹ ũn kãnhgrĩ ẽn tỹ há' he jé? Ũ jykre tỹ ãjag ti tỹ há' hé?“ he ag tóg mũ.
27110	ACT 4:19	Hã ra Pedro tóg João mré ag mỹ: “Topẽ tóg ẽg mỹ: ha vẽnh kar mỹ tó, he ja nĩ. Hã ra ãjag tóg: “ker tó hẽ',” he mũ. Ẽg hỹn ũ tỹ hẽ vĩ han mũ', Topẽ vĩ vó, ãjag vĩ vó? Ne nỹ hỹn Topẽ mỹ há nĩnh mũ? Ẽg mỹ tó.
27513	ACT 15:2	Hã ra Paulo ag tóg: “vó,” he mũ. Kỹ ag tóg jagnẽ vĩ kafãn mũ sir. Kỹ Jesus mré ke kar ag tóg Paulo ag mỹ: ag mré mũm nĩ, Jerusalém ra,” he mũ. “Tá Jesus tỹ ũn vin mũ ag mré vĩm nĩ, igreja to kófa ag mré. Ag mỹ: ẽg hỹn hẽ ri kenh mũ, vẽnh gré fár junun kym ke to? hem nĩ,” he ag tóg.
27534	ACT 15:23	Ag mỹ ag tóg vẽnh rán nĩm mũ gé. Ag tỹ rán hã vẽ, ha mẽ: “Jesus tỹ ũn vin mũ ag tỹ rán hã vẽ, kófa ag ke gé, Jesus mré ke ag. Ẽg tỹ ẽmã tỹ Antioquia tá ke ag mỹ rán hã vẽ, fóg tỹ Jesus mré ke ag mỹ, ga tỹ Síria tá ke ag mỹ, ga tỹ Cilícia tá ke ag mỹ ke gé. Ãjag mỹ há?
27547	ACT 15:36	Si há tũ ra Paulo tóg Barnabé mỹ: “mũ nỹ, ẽmã ẽn kar mĩ mũ mãn jé, ẽg tỹ tá Jesus vĩ tó ja mĩ,” he mũ. “Isỹ Jesus mré ke ag venh há tóg tĩ. Ag mỹ hẽn ri ke mũn mũ há han mũ vỹ? he sóg tĩ,” he tóg.
27694	ACT 19:40	“Hã ra ẽg tỹ ón kỹ vẽnh génh kỹ, ũ ag hỹn ẽg to: pã'i mág tỹ imperador kato ag tẽ sór mũ, he mũ. Nén ũ tũ to ãjag tóg vẽnh mãn mũ. Ũ tỹ ẽg mỹ: ne nẽ? he mũ ra ẽg tỹ ne tónh ke tóg tũ tĩ,” he tóg, pã'i ti. Kar kỹ tóg ag mỹ: “ha mũ jẽg,” he mũ. Kỹ ag tóg mũ mũ sir.
27765	ACT 21:33	Hã ra pã'i mág tóg: ti kãgmĩ ra! Ti se ra!“ he mũ. “Ũ nẽ? Ti tỹ ne han nẽ?“ he tóg.
27796	ACT 22:24	Kỹ soldado ag pã'i mág vỹ: “ĩn kã ra ti rãg,” he mũ. “Ti mrãnmrãn ra. Hã tỹ ti ki jẽmẽ. Ag tỹ hẽ ri ken kỹ ã to vĩ kónãn nẽ? hem nĩ ti mỹ,” he tóg, soldado ag mỹ. Hã ra ag tóg Paulo tỹ nén tó mũ ki kagtĩg nỹtĩ.
27797	ACT 22:25	Kỹ ag tóg ti ség mũ, nén fár tỹ, ag tỹ ti mrãnmrãn jé. Hã ra Paulo tóg capitão ẽn mỹ: “mỹ ã mỹ há', ag tỹ inh mrãnmrãn ke ti? Tỹ sóg Romano nĩ, hã ra ag tóg inh mrãnmrãn sór mũ, ũ tỹ inh ki jẽmẽg tũ ra,” he mũ.
27798	ACT 22:26	Kỹ tóg capitão mỹ e tĩ, kỹ tóg pã'i mág mỹ tónh tĩ mũ. Ti mỹ tóg: “ã tỹ ne han ke nẽ ha? Romano vẽ mỹr,” he mũ.
27828	ACT 23:26	“Cláudio Lísias tỹ rá vẽ,” he mũ. “Isỹ Governador tỹ Félix mỹ rán hã vẽ, ã tỹ inh kãfór nĩn kỹ. Ã mỹ sóg: ã mỹ há? he mũ.
27873	ACT 25:9	Hã ra Festo tóg Judeu ag mỹ nén ũ há han sór mũ. Hã kỹ tóg ti mỹ: “mỹ ã tỹ Jerusalém ra tĩg jé há? Sỹ tá ã jykre venh há tóg tĩ,” he mũ.
27884	ACT 25:20	“Kỹ tóg sỹ to jykrén tũ tĩ. Kỹ sóg Paulo mỹ: ã mỹ Jerusalém ra tĩg ke tũ nĩ? hé.
28033	ROM 2:3	Ũn jykre kórég ag tóg ag mỹ kórég nỹtĩ, Judeu ag mỹ, hã ra ag tóg hã han tĩ gé. Kỹ ag hỹn hẽ ri kenh mũ, Topẽ tỹ ag vóg kónãn tũ nĩ jé? Ag vóg kónãn jé tóg ke mũ, ha vem nĩ, fag ke gé.
28068	ROM 3:9	Kỹ isỹ Judeu ag to ne tó nẽ? Ẽg mỹ fóg ag kãfór nỹtĩ, ẽg tỹ tỹ Judeu nỹtĩn kỹ? Vó, ag kãfór tũ ẽg nỹtĩ. Topẽ vĩ mranh kãn ẽg mỹr, Judeu, fóg, kanhgág, ag, fag, ẽg kar mỹr. Tag tó inh huri. Hã ra tóg ge nĩ.
28090	ROM 3:31	Kỹ ẽg mỹ ti ki ge kỹ Topẽ tỹ vãsỹ ẽg mỹ vẽjykre nĩm ja ẽn tỹ tũ' he tĩ, Topẽ tỹ Judeu ag jyvẽn ja ẽn ti? Vó. Vãhã ẽg ki króm há han ki kanhró nỹtĩ.
28157	ROM 6:21	Kỹ ãjag ne han ja nĩgtĩ, ẽn kã? Vẽjykre kórég tãvĩ han ja ãjag tóg nĩgtĩ. Ãjag tỹ ãjag jykre pãno to jykrén kỹ tóg ãjag mỹ'a tĩ, ũri. Vẽjykre tag tugnĩn ẽg nũgme ki vár kãn ke mũ vẽ.
28183	ROM 7:24	Ẽg tỹ to jykrén há han kỹ Topẽ tỹ ẽg jyvẽn tĩ ẽn tóg ẽg mỹ há tĩ, kỹ ẽg tóg han sór mũ. Ge ra ẽg tóg mranh mãn', mranh mãn' he tĩ sir, ẽg tỹ mranh sór tũ ra. Jagy pẽ ti nĩ. Kórég ẽg nỹtĩ, ẽg tỹ ũn há han ki kagtĩg nỹtĩn kỹ. Nũgme ki vár kãn jé ẽg tóg ke mũ mỹr. Ũ nỹ hỹn ẽg kren han ki kanhró nĩ, vẽjykre kórég tag to? Ẽg Senhor tỹ Jesus Cristo hã vẽ. Ti hã vỹ ẽg kren han mũ. Jãvo ẽg tóg vẽsóg ki ẽg jykre pãno tỹ tũ' he ki kagtĩg nỹtĩ. Jesus hã tugnĩn Topẽ tóg ẽg mỹ vẽnh pãte fón tĩ, kỹ ẽg tóg ti mỹ há nỹtĩ.
28276	ROM 10:20	Kỹ Isaías tóg tag tó mũ gé, fóg ag to, kanhgág ag to, ha mẽ. “Ũ ag tóg inh jãvãnh ja tũ nĩgtĩ. Hã ra ag tóg inh vĩ jẽmẽg mũ ha. Topẽ hẽ ri ke tĩ? he ja tũ ag nĩgtĩ. Hã ra sóg ag mỹ inh vĩ jẽnẽg mũ ha, he tóg, Topẽ ti,” he ja ti nĩ gé. Pã'i ag kamẽg vãnh nĩn kỹ tóg Judeu ag mỹ fóg ag mré kanhgág ag tỹ Topẽ ki genh ke tó ja nĩ, Isaías ti.
28288	ROM 11:11	Kỹ ãjag hỹn inh mỹ: “kỹ Topẽ mỹ Judeu ag tỹ nũgme ki vár ke tag ve sór mũ? Hã jén mỹ ag mỹ Jesus jẽnẽ ja nĩ, ag tỹ ti tỹ prãnh ke jé?“ he sór mũ. Vó. Hã ra ag tóg Topẽ kato tẽgtẽ tĩ. Ti vĩ mranh ja ag tóg nĩgtĩ, hã kỹ Topẽ tóg fóg ag mré kanhgág ag krenkren han sór mũ, Judeu ag tỹ ag ve kỹ ti ki ge to én jé, fag ke gé.