23721	MAT 15:19	Bei, o sooloo ma kuloduga goo tokenee susuga hagooso woola peledebeliso: tokenee gweli goo, osoloso odoo hee wooloomali goo, osoloso adaba kooka sobo sabolo kooka giso sabolo hedebe deli goo, osoloso sobo obuo sabolo giso kadiga sabolo hedebe deli goo, osoloso adaba bi heli teli goo, osoloso emegei dimaga gamenee takeli goo, osoloso emegei dia goo maga to tokenee takeli goo.
23985	MAT 22:44	‘Godeeye mo Lodee mapoo egeesee takaso: No abolo wiligi doloso badalame mo dee deedee dokolo bie. Esiga nayo badolone namapoo ha teli odoo ee ayo dagadileiso,’ diso.
24141	MAT 26:18	Eseme Yesuye nei egeesee takaso, “Niba Yolusalem mi mapoo dileso odoo hee ogoloso yimapoo egeesee takee, ‘Eligili odoo oso egeesee taka: Mo beeame Godeeye hesia ee olo koola tooboogona. Esiga ayo mo hamamee dili odoo gilimadoloso nee moso mapoo Gababia wo ka nalaigona,’ dee takee.”
24286	MRK 1:2	Daga hoogoo Godeeyo to tosili odoo Aisaya yayo booka mapoo Godeeye Yesu mapoo to taka egeesee hoguguso: “Ayo mo to tosili odoo malalo diye dalaiso. Osoloso yayo dileso nee eli moodoolame.
24351	MRK 2:22	Edebeeyo howo giedege ou sia mapoo keesoga, ou gadia maga howo solaiso. Esiaga edebeeyo howo giedege ou dia mapoo keeselai tekepo,” diso. (Yesuye dio masi bakadio taka eyo bei hagoso: Ayo mo goo dia eligi ee nibada odooga dia tei sabolo hedepe dalame ka sibile. Esino ayo simi hagee goo dia ayo tosimi omapoo niyo dadalame ka simi.)
24364	MRK 3:7	Yesu o hamamee dili odoo sabolo Gelili abei mapoo dime, odoo mooloogoodoo toowa Yesuye di hamamee diadeeso. Odoo susuga Yesuye goo moodoo dume yimapoo sibadeeso. Odoo susuga hagee mi opusomo opusomodi mi hamaga sibadee: Gelili mi toowa, Yudiya mi toowa, Yoluselem mosobia, Idumia mi toowa, Yoden howo hodio hoogoo debeli Taya mi toowa sabolo Saidon mi toowa amaga sibadeeso.
24373	MRK 3:16	Yesuye gilimadoo odoo 12 dia hu hagoso: Saimon (Yesuye hu hee hedi, Pita);
24375	MRK 3:18	osoloso Endulu, Pilipi, Batolome, Metiu, Tomas, Alpiesyo owolo Yemes, Tadies, Saimon Selot (Saimon Selot: selot hu eyo bei Loum Gamali gowili odoo),
24676	MRK 10:19	Esino nayo woosa to eyo nei, Godeeyo tei magoo no olo gooleedooso: odoo na wolome, adaba kooka sobo na peedee hui, heli na te, odoo hee mapoo gamenee na gigidi, odoo hee mapoo gamenee goo maga heli na te, osoloso nama dio noowee dio to taka mapoo mesie.”
24773	MRK 12:31	Osoloso tei magoo toowa hee hagoso: ‘Nee su no nediliyo egee sooloo dolo egeesee masi, nemegei nayo dia sooloo dele.’ Tei magoo toowa aboso, tei bakadio hagee dagadile,” diso.
24775	MRK 12:33	Esiga gala hu woloso siloso Godee mapoo teneli sabolo, bi abo teneli sabolo, tei oso taka hagee haga goo toowanee. Esino tei magoo bakadio hagoso goo toowa ka moloso: Nee sooloo ma kulodu googoolee sabolo, nee su susuga sabolo, osoloso nee kitulugu sabolo oso, dia sooloo dele. Osoloso nee su no nediliyo egee sooloo dolo egeesee masi nemegei nayo dia sooloo dele,” diso.
24778	MRK 12:36	Debidiye to kitulugu sabolo Dio Tei maga takaso, ‘Godeeye mo Lodee (wiligi odoo toba) mapoo takaso: “No abolo wiligi doloso badalame mo dee deedee dokolo bie. Osoloso nee ha teli odoo nama hemi deebee dalaiso.’”
25316	LUK 8:2	Osoloso sobo paigiga Yesuye tekepo moodoo sabolo osoloso sobo bo holo paladee Yesuye tekepo moodoo oso Yesubolo sileeso. Sobo egee bia hagooso: Meli, o hu hee Magadalin. Yesuye sobo hageeyo kuloduga bo holo 7 peegoo hasisobuguso.
25325	LUK 8:11	Esiga dio masi goo eyo bei hagooso: Witi wo ko ee Godeeyo to oso.
25476	LUK 11:2	Eseme Yesuye dimapoo egeesee takaso, “Niyo dokodoo takolone egeesee takee: ‘Ma, beeame susuga ma kulodu hedebe nee hu toowa doloso mele dee, odoo susuga oso dokodoo poudalame. Esiga nayo wiligi doloso badeli goo oso sibilei iba goomogo.
25675	LUK 15:18	Esiga a see wedi dileso mo ma mapoo egeesee takalaiso: Ma, ayo Godee mapoo osoloso namapoo goo tokenee olo tooso.
25777	LUK 18:20	Esiga Godeeyo tei magoo no olo gooleedooso: adaba kooka sobo na peedee hui, osoloso odoo na wooloome, osoloso heli na te, osoloso odoo hee mapoo gamenee na gigidi, osoloso nama dio noowee dio oso taka to omapoo mesie.”
25808	LUK 19:8	Osoloso diba dileso Sekiyeseeyo moso mapoo dobolone Sekiyeseeye toboloso egeesee takaso, “Lodee, a epei goo hageesi moodoolaiso: Ayo mo bi abo hodio ee bi mauwe odoo mapoo pileiso. Osoloso adaba molee ayo gamenee taka maga ayo hedebe too eyo nei see mawo dimapoo nei toowa bakadio bakadio di egeesi dimapoo tenelaiso,” diso.
25890	LUK 20:42	Esino Deibidi eyo Sam booka ma kulodu egeesee takaso, ‘Godeeye mo Lodee mapoo egeesee takaso: No abolo wiligi doloso badalame mo dee deedee dokolo bie.
26106	LUK 24:46	Yesu egeesee selone tobudulone dimapoo egeesee takaso, “Esiga Godeeyo to booka mapoo hogugu ee egeesee moloso: Godeeye hesia Keliso, a dala toloso beeame bakadio midoo ma kulodu ta moloso see beeame bakadio hedebe di mapoo hogabuloso toboloso dileiso.”
27005	ACT 1:13	Diba Yolusalem mapoo peledoboloso, diso debeli moso mapoo paladeeso. Odoo abo hagooso moso eyo kulodu debeiso: Pita, Yonee, Yemes, Endulu, Pilipi, Tomas, Batolomu, Matiyu, Alpiyeseeyo owolo Yemes, Saimon (daga Loum gamalee maga ha teli odoo), osoloso Yemesyo owolo Yudas.
27027	ACT 2:9	Bei, iba mi opusomo opusomo di hamaga sibadee odoo: Patia abaga, osoloso Media, Elam, Mesopotamia, Yudiya, Kapadokia, Pontus, Asia,
27034	ACT 2:16	Esino to niyo du sabolo, osoloso niyo egei goo sabolo egee, Godeeyo to tosili odoo Yoweliye to taka goo sabolo olo tebiaso:
27052	ACT 2:34	Esiga Deibidi yo kei ma dokodoo pele. Haye! Yayo taka egee Yesuwo goo ee taka, ‘Godeeye mo Lodee mapoo takaso: No abolo wiligi doloso badalame mo dee deedee dokolo bie.
27175	ACT 6:5	Esiga tei telaga odoo susuga oso to hagee duloso tekepo doloso, odoo 7 hagee hesiaso: Sitiben (odoo hagee tei too kibuloso badolone Dio Tei oso kitulugu toloso badeli), osoloso Pilipi, osoloso Polokolu, osoloso Nikanolo, osoloso Timono, osoloso Palemena, osoloso Antiyoka odoo, Nikola. Odoo hagee Yu dele poogoo odoo, esino yayo Yu odoowo Godee mapoo tei too maga Yu hu ka too.
27227	ACT 7:42	Esiga Godeeye goo hagee ogoloso dimapoo miligi piaso. Eseme diba kei ma dokodoo bi egee molo, a, osoko, osoloso giwo, omapoo godee masi goomogolone doboome, Godeeye diba hamaga takele. Esiga goo hagee Godeeyo to oso booka mapoo taka Godeeyo to tosili odoo heeso booka maga egeesee hoguguso: ‘Isalael odoo, niba dui! Niyo miwe poogoo mi mapoo dugo 40 ma kulodu silesibulone, amapoo emegeidi bi sabolo gala hu sabolo woloso tenelisomo? Haye! Esino niyo gamenee godee mapoo teneliso.
27234	ACT 7:49	‘Godeeye egeesee takooso: Keimi mapoo ayo badolone ka gibadoso. Osoloso mi toowa hagee ayo mo homoso kokusoloso ka tobudoso. Esiga niyo moso togoga, ayo moso omapoo badalai koo tebili. Osoloso niyo ayo badeli moso ee tegelai koo tebili.
27277	ACT 8:32	Esiga odoo yayo badolone Godeeyo to hogugu hesigamelee hagooso: “Yo sipi be hu wooloomalame ido dili egeesi masi ido diso. Yo sipi be hu masi o too edebeeyo kooga, to mauwe tabameli egeesi masi, edebeeyo yimapoo dala teneme, dimapoo hamaga takele.
27432	ACT 13:1	Antiyoka mi mapoo tei telaga odoo oso mooloogoodoloso, debei ma kulodu Godeeyo to tosili odoo sabolo Godeeyo goo ee eligili odoo ee dibada hu hagooso: Banabasi, osoloso Simiyono (o hu hee Nigele), osoloso Kulene odoo Lukiyas, osoloso Manayen (wiligi odoo taba Helodee dio hodobo kauwa), osoloso Solo.
27534	ACT 15:23	Eseme diayo hodobo Antiyoka mapoo diadolone to hogugu hagee toloso diadeeso: Esiga emegei, iba diye di odoo sabolo, osoloso sosee wiligi odoo tebisa sabolo, to hagee ka hoguga. Esiga iyo to hagee Yu dele poogoo tei telaga odoo susuga Antiyoka mapoo, osoloso Silia mapoo, osoloso Kilikia mapoo debeli odoo nimapoo ka hoguga.
27753	ACT 21:21	Osoloso odoo aboso dimapoo nee goo maga gamenee takolone egeesee takaso, ‘Poloye Yu odoo mi abo mapoo debeli dimapoo takolone: Moseseeye eligi goo sabolo, osoloso holaiso kolo koolai goo sabolo, osoloso Yu odoo ibada adaga dia goo abo sabolo na deedee, dee takomo silo,’ diso.
27827	ACT 23:25	Egeeseelone yayo gamalee odoo Peliks mapoo to hageesee hoguguso:
29915	2TI 2:21	Esiga to hageeyo bei ee egeesi moloso: tei telaga odoo dia goo tokenee susuga ayo hogugu mapoo miligi pialoso doga, Godeeye diba toloso goo toowa mapoo maligileiso. Bei, Godeeye odoo egeesi masi ee o dalame peegoo pi magalaiso. Esiga yayo o wiligi odoo eyo tou ee medee tekepo talame mopoodoo doloso badalaiso.
30024	PHM 1:19	A Polo, ayo mo deeso to hagee ka hoguga: bi yayo too eyo nei ee ayo namapoo tenelaiso. Esino no gooleedooso, nayo Keliso maga gie badeli talame, ayo no pidiso. Esiga a goomogoga, ayo no halo pidi goo eyo nei, ayo namapoo takalai, a teiba. Esino ayo namapoo takalaime.