10	GEN 1:10	Mag longop taogne neneko Allahri “mag sin longoropne mag nubunge laut” engkaogti, mog so'o mag sindi niknibaog komne so'o nimi wamnebag pibogti, “so'o mektopne” engkaogti, walia uan sembaog.
11	GEN 1:11	Walia uan sembaogti, Allahri yubu lelamogti, “So'o mektopne sumbanne neneri pongoroba kal wana maubalulneap nia mangkina wana pongop talulneap a'ero wamlulba pongop tale,” seog.
28	GEN 1:28	Sumbahiogti, sin mikip nembahiogti, sinag aruklamsiogti, “A'unap a'unag agha nimi mangaro likto pilengeap mog so'o ane to'op taikti, saelbamukang. Sindi lebe aroba mog so'oag maghag im toman yabiropneap nia taneko pia yae wamsukang,” aro ambatsiog.
29	GEN 1:29	“A'undi telamneba, pongoroba wana mauropneap, kal wana mauropneap, nia mangkina yina togtopneap a'ero wamlange nari tarelamsin.
60	GEN 3:4	Wene seogpa, phae anekori, “A'unag agha tepna lag talul kom,” seog. Seogti, “Allahri leplange nene, 'Kal wana ane tirikti, Na Allah saog uro wamdikti, “Malinge nene, walinge nene,” aro wana hekahileag,' aro yubu orolena lepla,” seog.
69	GEN 3:13	Seogpa, Allah Nuni ponekori kelabo aneko hailamogti, “Sa'a sembe kal wana ane telam?” seog. Wene seogpa, kelenekori, “Phae aneri yubu neplamneldi, 'Tululam,' selba ten,” seog.
86	GEN 4:6	Whing mali taogpa, Allah El sam el taogti, Kainag, “Sa'a sembe yo talamdi whing mali talamlam?
90	GEN 4:10	Wene seogpa, Allah yubu lelamogti, “Sa'a sembe tamna nene ualam? Anipsae eneng so'oag yingkilne nenekori nimi yubu saog uro Nanag lelamlange neneno. Anipsae eneng yingkilne andi babe toknobanep kom,” seog.
144	GEN 6:6	Kembahiogti, “Sa'a sembe sin sumbahisiri, 'So'o eneag wamlulom,' aro ambatsisi?” sembaogti, wana mali taog. “Na mane agha uahi,” aro wana-ag seneraghogti, “Nimi Nari sumbahisinge taneap lebe aroba so'oag wamangneap, imtoman yabiropneap, ni taneko ni Nari kom nembahinun.
207	GEN 9:1	Wene seogti, Allahri Nuh elmaboap mikip nenero aruklamsiogti, “A'unag agha nimi maikno mangaro pileba, mog so'o ane to'op talul.
270	GEN 11:3	Wamekti sin-sin yubu lelamekti, “Ae nhon sobaukap,” aro yubu lelamekti, “So'o winiro aukag tabebeba kirik saog taleba kirik pai so'obai ubu walelameberi sobukap,” seekti so'o winiro tabekti
333	GEN 13:14	Lot neneko, “A'ero wamnunam,” aro piogpa Allah Nuni ponekori Abramag yubu lelamogti, “Sekamlamag anea mog so'o tibalulam, heng walelingkirobag sip, purukul pirobag sip, mag luag sip, kwasag sip wali uro tibogalulam.
438	GEN 18:13	Ogsolamogpa Nuni Allahri Abrahamag hailamogti, “Sa'a sembe Sara wana-ag agha seneraglamlari, 'Na sabal tanori huro me mangkanun?' aro ogsobal?
475	GEN 19:17	As Sodom anekoag agha poa lambahirekti, palamekti, malaikat abeneko nhondi, “A'un tebamunagti elemag-elemag palapmundi, puluag tektek epto koma, wailag sip tisamoro koma yimag pululom,” aro ambatsiog.
505	GEN 20:9	Undo unuaogti Abraham yobogti hailamogti, “Sa'a sembe tamna nunag uaom? Nari anag tam malia uanoba, andi nanag tamna nene uaomba, nanap nari mog so'o nimi wamangneap loba nembahisom te? Andi nanag tam uanep komne uaom,” aro wene seog.
542	GEN 21:28	Leptekti Abraham nenekori pham domba me kelne aghabog saekbare poloro nikag pibogha sembe Abimelekhti, “Sa'a sembe neabenena nikag poloro piplam?” seog.
553	GEN 22:5	Abraham nenekori eldi arukna phende abenekoag ambarelamsiogti, “A'un keledai aneap ane wamturom. Na nameapti Allah omekanunamdi tani yingkinemeri yanunam,” aro ambatsiog.
580	GEN 23:8	yubu lelamogti, “A'un nari kel, 'Wali tanea siklul,' sembalomba, 'As Magbela kirik arame Zohar elme Efrondi sirikag wamlange neneko kamna kapto tomnundi ambatlulom,' aro mololamsin. Eldi kamna kapna molbanelenge sunsunum uro a'un whingag agha tatnundi, so'o kamna kapto tomnunag aneko nari kel sikneba, so'o naringe talul,” aro ambatsiog.
681	GEN 25:22	Me monag phende wamdekti, webeltalamdekpa, Ribka nenekori, “Sa'ambe tamna nene nanag ulamla?” aro wanag agha seneraghogti, “NANI Allahri tibin nenero ambatnilul,” aro hailbiog.
703	GEN 26:10	Wene, “Aro lemno,” seogpa, Abimelkhti, “Sa'a sembe nunag wene seom?,” aro wene seogti, nen lelamogti, “Andamneri wene seomba, nari mabo andi kelap mapseng, tanena tam andi kelap mapseng nenena andamneag agha tam ikinne nunag pipso,” seog.
720	GEN 26:27	Aghana Ishakti yubu lelamogti, “Sa'a sembe nanagna wenena yalom? Samen a'undi na sembe karong senelamnilumdi, a'ununge so'oag agha yagnilum kom te?” seog.
779	GEN 28:5	“A'unin Ribka eldo Labanag Aram mog so'oag pululam,” aro ambarogne sunsunum uro Yakub neneko Aramne Betuel elme Laban wamoghag piog.
808	GEN 29:12	Engelamogti, “Na an ani ilipsa'el Ribka elme yan,” aro ambarog. Ambarogpa, Rahel neneko iliag merero piogti, “Anipsa'el Ribka elme yal,” aro ambarel piog.
821	GEN 29:25	Lukun Yakub pukogti, kemelamogpa, “Leaap mamnam,” aro el taog. El taogti, Labanag piogti, ambarelamogti, “Sa'a sembe nanag nene saogne ualam? Andi, 'Rahel tatkenun,' seomba, anenge awe welamno aghana, sa'a sembe yubu neplamnelam?” aro ambarog.
832	GEN 30:1	Lea me mangal dolamogpa, Rahel nenekori, “Naro'el me mangal dolamlaba, na me mangaro an koma wamna,” aro elto'elag wana mali uro seneraglamogti, Yakubag yubu lelamogti, “Me nhon tatnululam kom, tanena na tebanun,” seog.
839	GEN 30:8	Mangaro aogpa, Raheldi yubu lelamogti, “Naro'elap talamnomori, na paliag neneptano,” aro me aneko si Naptali engkaog.
880	GEN 31:6	Ambatsiogti, “A'un babe el wamdom. Samenag na awe tolamnori, a'uni sembe mikip uro welamno. Welamnoba, a'uniri, 'Kamna wali uro tatkinun,' seog, aghana kamna kapnen koma yubuog ik sa'obare lelobog. Ane sembe Allahri, 'Labandi Yakub opleag aro Nari piamnun,' sembaog.
900	GEN 31:26	Piogti Labandi Yakubag yubu lelamogti, “Sa'a sembe andi haing kumbaneomdi, kelmabo naringe malag agha pelopto topsilo saog uaom?
958	GEN 32:30	Wene aro ambarogpa, Yakub nenekori, “An si lag phoro ambatne!” seogpa, nimi enekori, “Sa'a sembe na si lag phoro ambatkenun?” aro ambarogti, Yakub “Wali wamlulam,” aro kibog.
994	GEN 34:13	Wene seogpa, Yakub elmabori sikinipsa'el saelbaogha sembe orolena yubu ili elme Hemorap Sikhemap samoro ambarelamsiekti, “Nunipsa'el kon teptop kom nengaboag nuri tatsina nu ali.
1012	GEN 34:31	Wene seogpa, sindina, “Sa'a sembe nunipsa'el ina yabirop kel nembangpa?” serek.
1099	GEN 37:15	“Tala wamang,” aro ekondi, paiag tangom ina ag tangom aba palamogpa, nimi nhon haiptarekti, “Sa'a elamlam?” aro haibaog.
1138	GEN 38:18	Wene seogpa, Yehudari, “Sa'a agha wene tatkinun?” seogpa, kelenekori, “Sae ma'alag tolongka uroba-ap, saramag langka uroba-ap, anenge kame tunguna saeag wamlange nang-nang uro wamnuna tatnululam,” seog. Wene aro molbaogha tarogti, saelbaog. Saelbaogpa, keleneko memon taog.
1180	GEN 40:7	Undo wamdekpa, kembahiogti Yusupti, “Sa'a sembe wana ikin saog uro wamdom?” seog.
1254	GEN 42:1	Sikini Yakubti ka'elamogpa, “Kwaneng roti Mesir wamla,” seeka ka'ebaog. “Wamla,” seeka ka'ebaogti, elmaboag yubu lelamogti, “Sa'a sembe namabo aingniro ulamlom?” seog.
1260	GEN 42:7	Yusupti eldo yabo ipsiog aghana, maneri ipsin koma saog uaog. Yusupti, “A'unna tala nimi?” aro yubu yo uro haibahiog. Haibahiogpa, sindi, “Nu Kanaan mog so'oag wamap nimi agha, 'Kwaneng tobukap,' aro yaap,” seek.
1262	GEN 42:9	Iamek komba, Yusup eldi lenda sin sembe malamogne seneraghogti, “A'un nimi tane yalom nena, haing toro nimi wea urop komag mog so'o eneag wamlange kemenelehin nimi yalom,” aro wene seog.
1286	GEN 42:33	Wene seboba, mog so'o Mesir saelbamlange ponekori nunagna, 'Na a'undi leplomne sembe mipsinun. “A'un sik wana nhonog nimiro,” aro a'un sa'obare wamlom nang ene agha nhon nanag wamleba, kwaneng kelabo me si tarapnange sembe kwaneng pabululom.
1289	GEN 42:36	Kembaekti sikiniri lelamogti, “A'undi unulamlomdi, namabo ka'asebel talamang. Yusup orog taog, Simeon orog tao, wene Benyamin pabunualom. Nanagha sol olamnelomba, ulamnun,” aro wene alamog.
1318	GEN 43:27	Tarekpa, Yusupti, “A'un welaro wamlom?” aro hailamsiogti, “A'undi a'uni sembe nanag ambarelamneomdi, 'Nuni sabal uroba wamla,' seom aneko wali wamla te? Welaro wamla?” seog.
1332	GEN 44:7	Wene aro ambatsiogpa, Yusup eldo yabo tanekori, “Sa'a sembe nuniri undo lepla? Sa'a sembe elag nuri yoaba uahabe?
1340	GEN 44:15	Kibekpa, Yusupti lelamogti, “Sa'a agha a'undi ualom? A'unna ekon te? Na saogne pone a'undi ulamlomne ag pom-pomoro yoaba ulamlomne ipsenep,” seog.
1424	GEN 47:3	Wene aro ambatsiogpa, nimi nubunge Firaun ponekori, “A'undinge awe huropne?” seog. Wene seogpa sindina, “Nuna pham mo'oro yae ua urop nimi, samenag isang wamog saog uro,” seekti, “Nu yaapnena, Kanaan kwaneng yo waelbaoba, tena nuri pham sembe orog taoba, 'Mog so'o eneag wamukap,' aro yaap. Ane sembe, Nai, 'Mog so'o Gosyen wamukap,' aro mololangkeap,” seek.
1437	GEN 47:16	Wene alamekpa, Yusupti lelamogti, “A'ununge kal ma'al orog tahio tanena, pham tarel anumunba, nari kwaneng tatsinun,” alamog.
1514	GEN 50:7	Yusup ili “So'o sikil punun,” aro palamogpa, yubu sia leropneri aeag awe torop nangap, yubu sia leropneri yan sae yubu eptop nangap, Mesir so'oag nimi nubunang wamek nangap, Yusubap nhon piek.
1521	GEN 50:14	Sikini so'o sikekti, Yusubap, elkaboap, nimi yogne “So'o sikukap,” aro piek nimiap, samoro Mesir yaek.
1523	GEN 50:16	Wene seekti, nimi nhon ambarelamekti, “Yusubag pimendi, ambatlulamne ane, 'Nuni loba taneba peramag ambarelamsiori, “A'unipsae Yusubag ambatlulomne, 'Ando yabori tam malia uakeekne wailag nembalulam,' aro molbanun,” aro ambatsiog. Ane sembe Allah nuniri omeklamogne arukna wamapti, nuri elag yoaba uabunge sembe wailag nembahilulba, mololamap,' aro wene seangdi, 'Ambarel pululam,' seang,” aro ambarek. Ambarekpa, Yusubag ambarel piogpa, ka'ebaogti abeneko Yusup engelamog.
1533	GEN 50:26	Ambatsiogti, Yusup mangkaeka heng kun taibuka taubuka ulamogha teng tombare eptopne phende (110) wamogpa, tebaog. Yusup tebaogpa, “So'o sikukap kom,” aro nimi teptopba liktopba nimi teptoba polorop koma likekti, kabong soro lomag tobongol obek. Abenda.
7196	RUT 4:4	Ane sembe nari seneraglamnange tam nene sembe an eltahom sembamna. 'So'o aneko nari tomnun,' sembamen tanena kembamsiang nimi whingag nimi nubunang pukamangag tanea lag phoro leplulam. Karong sembamenne babe lag phoro leplulam. So'o aneko ngai tanepnang ot nun phendeog wamnam agha, nari an phibom agha so'o aneko na tanep kom. Andi lepmenne na ka'ebanun,” seogpa, nimi enekori, “So'o eneko na tanun,” seog.
24288	MRK 1:4	Yesaya ponekori mome tobogne sunsunum uro Allahri yubu ambatsiropne poghogpa, Yohanes nimi maghag pelengahiropne poneko pai aldesog urobag yaog. Yaogti, Allah yubu ambarelamsiogti, “A'undi mali-malia wanaag seneragto ulamlomne lipsumunba, maghag pelengkipsinun. Pelengkipsineba, a'undi mali-malia ulamlomne Allahri wailag nembaleri, kom nembalul,” aro ambarelamsiogti, maghag pelengelamsiog.
24304	MRK 1:20	Tibogahiogti, ta'ap sen koma Yesusti, “A'un nanag nelepto nhon pukap,” aro sin yopsiog. Yopsiogpa, sindi sikini Zebedeusap eldi aruknaap kabong lomag wameka aneko lilobi agha Yesusag nelebarek.
24318	MRK 1:34	Longol aekpa, Yesusti naikna yogne-yogne seklelamekne wali nenelamsiogti, phia arukna yonge babe nimiag agha yaglambahiog. Phia arukna taneko Yesus sembe “El etne wamla,” aro el uro wamek, ane sembe Yesusti sikinag, “A'un yubu lepseng kom,” aro irikahiog.
24335	MRK 2:6	Wene seogpa, nubunang Musari samenag mome tobogne ambatsiropnang etpare pukamekne tanekori Yesus yubu ka'ebaekti, sindi wanaag mali senelamek. Senelamekti, “Sa'a sembe nimi ane, 'Andi mali-malia uaomne kom nemban,' alamla? Nimiri mali-malia uropne nimi nhondi babe kom nembanep kom. Eldi, 'Mali-malia uaomne kom nemban,' aro lemnepnena, Ot Allah Eldamneriog lemnep. Nimi eneri Allah san lepla,” aro wanaag seneraglamek.
24337	MRK 2:8	Wene aro sindi wanaag seneraglamekne Yesus peket el taogti, ambarelamsiogti, “A'undi wanaag 'Lepso kom,' senelamlomne nene sa'ambe seneraglamlom?
24345	MRK 2:16	Kwaneng telamekpa, Farisi nimi Musari samenag mome tobog yubu ambatsirop nimi taneko wamek. Wamekti, Yesusap nimi tanekoapti kwaneng nikag telameka tibogahiek. Yesus tibogaekti, Farisi nimi tanekori Yesusti yubu ka'ero neleptopnangag hailamsiekti, “Sa'a sembe Yesusap, sin Roma nimi kal ma'al poloro toropnangap, mali-malia urop nimi yogneap kwaneng nikag telamang?” aro haibahiek.
24347	MRK 2:18	Yohanesti yubu ka'ero neleptopnangap Farisinangap sin tanekori, “Allahag moloro omeklamukap,” aro kwaneng ten koma omekto ulamek. Undo ulamekpa, nimi etpare Yesusag yaekti, hailamekti, “Sa'a sembe Yohanesti yubu ka'ero neleptopnangap Farisinangap sin nimi tanekori, 'Allah omeklamukap,' aro kwaneng ten koma ulamang aghana, andi yubu ka'ero neleptopnang tanekori kwaneng telamang?” aro hailamek.
24369	MRK 3:12	Undo lelamek aghana, phia yonge tanekori, “Yesus Allah Elme wamla,” aro lag phoro lelamekne sembe karongdi, Yesusti sikinag aruklamsiogti, “A'un yubu kom tahut! Na Yesus etne wamnange sembe leplulom kom!” aro arukahiog.
24405	MRK 4:13	Wene seogti, Yesusti nen eldi yubu ka'ero neleptopnang ambarelamsiogti, “A'un sunumna wana yamoro togtoba sembe seneragnep kom tanena, sunumna orange ambatsinenge babe welaro seneraglulom?
24432	MRK 4:40	Paplobogpa, Yesusti eldi yubu ka'ero neleptopnangag yubu lelamogti, “Sa'a sembe a'un log senelamlom? Sa'a sembe a'undi nanag 'Sikne,' aro seneraglamnelom kom?” seog.
24447	MRK 5:14	Mag sinag tagpurukom seekti tebaekpa, pham yae paia ulamsieknang taneko logti laplobi agha merebaek. As peramag wamek nimiag merebaekti, uro yabiogne sembe ambarel phiek. Ambarel phiekpa, nimi taneko sindi asag lambaekti, “Sa'a uro yabil,” aro kemelaek.
24472	MRK 5:39	Engenari pinim kolomna alamekpa, Yairusti aeag aneko Yesus wa'iogti, “Sa'a sembe engelamlomdi, yubu maikno lelamlom? Kelme anena mali tal kom. Elna mana agha malamla,” seog.
24473	MRK 5:40	Yesusti wene seogne sembe nimi tanekori Yesusag ogsolamek. Ogsolamekpa nimi tanekoag, “A'un asag lambahut,” aro asag yag lambahiog. Yag lambahiogti, ot kelmeneko iliap ilinap, el neleptopnang wilindi yaekne abenekoap aghabog, kelme mali tangtobag aneko wa'iek.
24483	MRK 6:7	Allah yubu ambatto poa tongolamsiekti, eldi yubu ka'ero neleptopnang aobare abeneko “Yahut,” aro yopsiog. Yopsiogti, ambarelamsiogti, “A'un nimi aobare wamlomne tane phende-phende palamlulom. Nari a'un poglamsinnena, 'Palapmundi, phia nimi kulomag ulamsiangne yag lanalamsululom,' aro nari mikipne a'unag palilamsin,” aro pogsiog.
24488	MRK 6:12	Seogpa, aobarenang aneko piekti, “A'undi mali-malia uropne lepsisut,” aro ambarelamsiek.
24513	MRK 6:37	Wene seekpa, Yesusti samoro ambarelamsiogti, “A'undi agha kwaneng tatsimunba, tukang,” seog. Wene seogpa, sindi, “Nunag kal ma'al ologha wamlangena, tane wamang nimi teng-tengne wamangneap sunurop kom. Nuri kal ma'al agha ni tane wamang nimi sembe sunuro kwaneng tenep uro kamna kapto topsebe tanena, nimi nhondi wal linbare awe topsoba, kamna tatnep saog urop kal ma'al maikno agha kwaneng kamna kapto topsebe. Andi nunag, 'Hae tol pululom,' selam, te?” aro Yesusag haibaek.
24514	MRK 6:38	Wene seekpa, Yesusti hailamsiogti, “A'unag kwaneng roti etpare poamlom? Kemel pululom,” seog. Kemel piekti, “Kwaneng roti taroba lambareap, ikan phendeap wamla,” aro ambarek.
24521	MRK 6:45	Wene kwaneng teekpa, ta'ap sen koma Yesusti eldi yubu ka'ero neleptopnangag, “A'un kabong lomag wa'imundi, na laplobi agha mag sin kauro as Betsaida sam pululom. A'un sam palapmunba, nari nimi maikno tanekoag 'A'ununge asag phut,' aro ambatsinun,” seog.
24537	MRK 7:5	Ane sembe Yesusti yubu ka'ero neleptopnangdi sae a'elban koma kwaneng telamekpa, Farisinangap, Musari samenag mome tobog yubu ambatsiropnangap abenekori ipsiekti, Yesusag hailamekti, “Sa'a sembe andi yubu ka'ero neleptopnangdi sae linag agha sae ma'alag a'elban koma kwaneng telamang? Nunisagyabori, 'Allah whingag wali wamukap,' aro ul palamekti, 'Undo-undo unulamlulom,' aro ambatsiek yubu phibang,” seek.
24538	MRK 7:6	Seekpa, Yesusti samoro ambarelamsiogti, “A'undi sop-sop senelamlomne, 'Nimiri na wali kembanukang,' aro walia uloa saog ulamlom. Aghana samenag Allahri yubu silimu tiptopne Yesaya ponekori a'un sembe mome toro pibog. Allahri yubu lebogpa, Yesayari tipto mome toro pibognena, 'Nimi tanekori pamag agha na omeklamneang aghana, sindi wanaag sik uro omeklamneang kom.
24546	MRK 7:14	Seogti, nimi maikno taneko yopsiogti, yubu ambarelamsiogti, “A'un ni wali uro ka'ebamundi, seneraglamlulom!
24550	MRK 7:18	Haibaekpa, Yesusti sinag hailamsiogti, “A'un olog anam seneraglom kom te?” aro haibahiog. Yesusti wanaag seneraglamogti, “Nia mangkina nimiri tenaba tehonge sembe Allahri nimi eneko sembe, 'Loba,' sembalul komdi, nimiri tenaba ni tenep,” aro, “Tibin nenero ambatsinun,” sembaogti, tipto ambarelamsiog. Eldi yubu ka'ero neleptopnangag ambarelamsiogti, “Nimiri sa'a-sa'a tenba, kulomag wa'in tanena, nimi eneko sembe Allahri, 'Loba,' senelamla kom. Tam nenena, a'un wana hekto seneraglom kom te? Nimiri sa'a-sa'a tenaba terop tanena, nimi kulomag wa'irop aghana, wanaag ya'ag wa'irop kom. Nia mangkina nimiri tenaba tenba, monag tisirikag wa'irop aghana nen lambanep,” seog. Eldi yubu lebogne neneag agha, “Nia mangkina tenaba waliri, nimiri terop, tanena Allahri, 'Loba,' sembalul kom,” aro tam karepto pibog.
24577	MRK 8:8	Pogto tarel phiekpa, nimi ni teekpa, mon og tahiog. Sumeneko teek nimi teng-tengne (4.000) mon og uro teek. Kwaneng rotiap ikan sopap phelektopne babe wamog. Eldi yubu ka'ero neleptopnangdi kwanengap ikan sopap phelektopne poloro pibekti, haing agha kau wiroba nubunge saekpare libaek. Wene teekpa, mon og tahiog taneogna, Yesusti nimi tanekoag, “A'undi asag pululom,” seog.
24581	MRK 8:12	Sindi elag sik semban koma wene aro ambarekpa, Yesusti hain nubu ebaogti, wana ikin senelamog. Wana ikin senelamogti, samoro ambarelamsiogti, “A'un wene wamlom nimiri na sembe ka'elamlomdi ililamnelom. Sa'a sembe nanag, 'Nen kekneba nhon ualulam,' alamlom? Sik uro lemnuan. Nari kekneba a'un sembe nen tatsinun kom,” seog.
24586	MRK 8:17	Wene alamekne Yesusti ka'ebahiogti, hailamsiogti, “Sa'a sembe kwaneng roti orogne sembe tam nembalomdi yubu lelamlom? A'undi wanaag seneraglamlom komdi, a'undi seneragna sao kauplolamsil, te? Wana hekamsin komdi ekon wamlom, te?
24608	MRK 9:1	Seogti, nen tipto yubu lelamogti, “A'un tane wamlom nimi sikne agha ambarelamsin. A'un tane sekamlom nimi anabiag agha nimi nhon-nhon anam teban komag, Allahri mog so'oag nimi maikno saelbamsilulne lag taleba, iplulom. Allahri mog so'oag nimi saelbamsilulne nenena, Eldamneri mikipneag agha lag nembaleba, anam teban komag a'un anabiag agha nimi nhon-nhondi iplulom,” seog.
24612	MRK 9:5	Yubu lelameka ipsiekti, Petrusap, Yakobusap, Yohanesap sin wanaag lo'om seekti, logti Petrusti, “Sa'a senep,” sembaog. “Sa'a senep,” aro Yesusag yubu lelamogti, “Nai, amohiropne wamlamne! Nu tane wamapnena wali. Ane sembe ae wilindi soro kaluna kaulbaukap. An sembe nhon, Musa sembe nhon, Elia sembe nhon sobatsukap,” seog.
24616	MRK 9:9	Undo unuaogpa, Yesusap el neleptopnang wilindi abenekoap yimag agha kuluklamekti, Yesusti irikto yubu ambarelamsiogti, “A'undi yimag agha wene iplomne sembe nimi nhonag babe ambatsiseng kom. Na imag agha mog so'oag nimi tahiri, wamna aghana, amik tebaneri, nimi teptopne anabiag agha nen samoro kamag tanun. Kamag tanun sumeneko tale taneogna, a'undi wene iplomne sembe nimi ambatsululom,” seog.
24617	MRK 9:10	Wene seogpa, Yesusti yubu ka'ebaekne sunsunum uro nimi ambatsiek kom. Nimi ambatsiek kom aghana sin mamun hail talamekti, “Sa'a sembe Yesusti, 'Imag agha mog so'oag nimi tahinge amik nimi teptopne anabiag agha kamag tanun,' sel?” aro yubu hail talamek.
24623	MRK 9:16	Utol piekpa, Yesusti sinag hailamsiogti, “Sa'a sembe tam nenero yubu lel talamlom?” aro haibahiog.
24630	MRK 9:23	Wene aro molbaogpa, Yesusti samoro ambarelamogti, “Sa'a sembe andi nanag, 'Yepsinep to, kom to,' aro haibanelam? Andi nanag seneragto, 'Allah mikipneri el pere agha sik uro ulamla,' aro nanag seneraglamnemen tanena, andi sa'a-sa'a nanag molbanemenne sunsunum uro uro yabinep,” seog.
24633	MRK 9:26	Wene “Lambae” seogpa, phia yonge me eneko kulomag wamogha haum aro lanalamogti, me eneko nong lolog murulamog pere agha lambaog. Lambaogpa, me eneko tebalo nimi saog uaogpa, nimi maikno tanekori, “Ya'ag loba tal,” alamek.
24649	MRK 9:42	Wene seogti, Yesusti sunumna yubu etpare nen lelamogti, “A'undi usa 'Etne nubunge,' aro leptalom aghana, sin olog nimi agha nanag sikne aro seneraglamneangne nenena wali. Wali aghana, olog nimiri nanag seneraglamneangpog, nimiri sindi wana toro na wail ibukang agha ekel ina toman pabihiik tanena, Allahri sin pabihirop nimi enekoag tam ikinne pipsilul. Olog nimi pabihirop nimi eneko ngangag kirik ikinne kerekto mag longorop mag nubunge lautag talobol pinepne ane olog keyagman saog. Allahri elag ikinne piplulne aghabog ikin sirik.
24693	MRK 10:36	Wene serekpa Yesusti, “A'undi sa'a agha, 'Nu sembe undo-undo uatsulul,' senelamdom?” aro Yesusti sin haibahiog.
24695	MRK 10:38	Wene serekpa Yesusti, “A'undi molbaneromne ekonne agha molbanerom. Na seklebanun saog uro a'un babe na nelepto seklebanep to, kom to? Na tebanun saog uro a'un babe na nelepto tebanep to, kom to?” aro haibahiog.
24699	MRK 10:42	Walamsiekpa Yesusti “A'un ni abene yahut,” aro yopsiogti ambarelamsiogti, “Nimi sisa Yahudi kom nimi Allah yubu ekon nimi tala-tala wamang nimi sembe saelba uhiropnangdi nimi luknuhiro salelamsiang. Sin anabiag agha sikiniyabori yo uro mikipne agha ulamsiang. Tam nene a'un el wamlom.
24711	MRK 11:2	aruklamsiogti, “A'un whingag as aneag pururom. Purumundi, pham keledai yemne haing kobea kerektop pham nhon ipturom. Pham keledai aneko nimi anam pulingkirop kom pham kerektoba iptumundi, pham ane kobea lopto payarurom.
24714	MRK 11:5	nimi taneko sekamek nimiri sinag hailamsiekti, “Sa'a sembe a'undi pham keledai ane loplamdom?” aro haibahiek.
24757	MRK 12:15	Wene aro haibaekpa, Yesusti seneraglamogti, “Sindi yubu lilim walingeag agha lebang aghana, 'Yesusti leplengeag agha haing sae kaupto saelbaukap,' sembangdi haibaneang,” aro Yesus el taog. El taogti, yubu lelamogti, “Sa'a sembe a'undi 'Selbel werobag sae kiliro pailbukap,' aro undo haibanelom? Kal ma'al kirik wanange nhon payamunba, nari kembanun,” seog.
24766	MRK 12:24	Wene aro haibaekpa, Yesusti tangaro ambarelamsiogti, “A'un Sadukinang Allah yubu mome toropne seneraglamlom kom. Allahri mikibag agha nimi nen samoro kamag nenehiropne sembe babe sik senelamlom kom. Ane sembe a'un loba uro seneraglamlom.
24827	MRK 14:4	Kamna alikinag kapto torop mag song walinge ikogpa, nimi etpare wamekne tanekori ibekti, wana yo senelamek. Yo senelamekti, sin mamun yubu lelamekti, “Sa'a sembe mag song walinge nene loba nenero iklopla?
24843	MRK 14:20	Wene alamekpa, Yesusti nen yubu lelamogti, “A'un aobarenang anabiag agha nhondi pankhelebanuanel. Nimi endana nanap nikag telamnamdi, kal wana lolterop maghap pelengenag, el babe nikag kwaneng roti pelengkia telamnam aghana, pankhebanelul.
24863	MRK 14:40	Lel piogti, nen samoro yaogti kemelamsiogpa, sin nen malamek. Sin kwahingdi malamekne sembe aliri, “Sa'a sukap,” aro yubu koma wamek.
24864	MRK 14:41	Yubu kom taekpa, Yesus nen samoro ik wilindip sum Allahag molona molol piog. Piogti, Allahag molona molbaogti, nen samoro yaog. Yaogti malameka kemelamsiogti, “A'un anam tektek papto malamlom, te? Abenda maplom! Puksuri, kembamsut! Na mog so'oag nimi tahinge pankhebanuanelba, mali-malia uropnangdi na sae kaupto saelbanukang. Wene palumukap! Na pankhebanelne neneko yalamla,” seog.
24894	MRK 14:71	Wene seekpa, Petrusti samoro yubu ambarelamsiogti, “A'undi si lelamlom nimi ene na otsik tapto ekonne agha lelamlom. Orolena ambarelamsin tanena, imagne ponekori hae omnelul,” seog.
24900	MRK 15:5	Wene aro haibaog aghana, Yesusti nen samoro yubu olog lebog kom. Yubu olog lebog komba Pilatusti, “Sa'a sembe peleptangtop yubu olog lepla kombae?” aro yaghe sembaog.
24904	MRK 15:9	Wene aro molbaekpa, Pilatus ponekori el wamogti, “Memnang Allah sembe pairopnang sikindoyabori, 'Yesus si nubunge taleag,' aro wana mali senelamangdi, salero nanag poa yaang,' aro Pilatus ponekori el wamog. Ane sembe Pilatusti nimi maikno tanekoag hailamsiogti, “A'undi nanag mololamnelomne, a'un Yahudi nimiri, 'Saelbamsululam' aro lebomne Yesus pone agha sae lobitnunne, yeng te?” seog.
26993	ACT 1:1	Teofilus nani, samenag mome pipsinge ane. Yesusti alnibaogti, ulamogti ambarelamsiogti, imag yingkiogpa, ni ulamogne sembe mome toro pipsi. El neneko anam imag yingkin komag Allah Eldamne Yame Walinge Elag wamogpa, Yesusti nimi a'obare wepsiogti, pogsiog. Yesusti wepto pogsiognang tanekoag “A'undi nia mangkina undo-undo ulamlulom,” aro ambatsiogpa, Allah imagneri kiliro tobogha sembe mome topsi.
27002	ACT 1:10	El imag yangkalamogpa, Ilipsabori tiwalengkamekti, hain ebom alamekag agha nimi phende ag solomne enektopne sin peramag sekamdekne abenekori sin yubu ambarelamsirekti, “A'un mog so'o Galilea nimi. A'un sa'a sembe imag tiwalengkamlom? Yesus neneko a'un laplobiagha Allahri imag agha kiliro tolamlaba, tiwalengkamlomne nene saog uro amik kulukul alulne babe yangkalamlaba tiwalengkalomne saog uro kulukul alul,” aro ambatsirek.
27032	ACT 2:14	Wene alamsiekti, pam kwereklamsiekpa, Petrus neneko elkabo ko'olombare nang eneko babe sekekpa, Petrusti yubu nubu uro ambarelamsiogti, “A'un Yahudi nimi nangkabo, Yerusalem wamlom nimi nangkabo, nari ambatsinunne nene a'un niri ka'eamsuri seneragsu.
27101	ACT 4:10	Wene seogti, “A'un Israel nimiap, a'un nimi ni wamlom nimi tane el tahile. Allahri 'Mog so'oag nimi taulbahilulam,' aro webogne Nasaretne poneko si Yesus engeropneag moloro ul tongolamnam. Yesus neneko a'undi kalag sipto olobom aghana, Allahri nimi teptobag agha nen kamag nembao. Kamag nembaonge ponekoag molbanamba, nimi nene wali nembalba, yan wali talne a'un whingag sekamlari wamla,” seog.