98	GEN 4:18	Enokore ŋokâ moc fuawec ʒâŋene Iradi, eme ere bifuŋko Mehujae fuawec, Mehujae ere bifuŋko Metusae fuawec, Metusae ere bifuŋko Lamec fuawec.
99	GEN 4:19	Lamec e ine ŋokac jajahec rocjofawec, moc ʒâŋene Ada, moc Zila.
103	GEN 4:23	Juku Lamec e ŋonâŋ jahec‐ticne hefârec‐jofarâ ʒiŋuc jasawec: “Ada â Zila, ŋohe hazec râerâ dâŋnane mananic! Ŋonâŋ jahec‐nane, ŋohe saoreŋ gae‐nane maŋkenic! Jâmbomac jâmbâŋ, wicte okacne ŋic moc qapo, â ʒâpâ nukicnere ine motec mac moc.
104	GEN 4:24	Kaiŋ qaocmuzi okacne arec 7 roocmu â Lamec no nuocmuzi ine okacne arec 77 roocmu.”
131	GEN 5:25	Metusela e jara 187 bazume ere bifuŋko Lamec fuawec.
132	GEN 5:26	Metusela e Lamec fuawec dameŋ irecnec jara 782 ʒuhuckerâ juhame ere bifuŋko naru motec gâcne fua fembiŋ.
134	GEN 5:28	Lamec e jara 182 bazume ere bifuŋko ŋokâ moc fuawec.
136	GEN 5:30	Lamec e Noa fuawec dameŋ irecnec jara 595 ʒuhuckerâ juhame ere bifuŋko naru motec gâcne fua fembiŋ.
137	GEN 5:31	Lamec e iŋuc jufeku jara 777 bazurâ hâmowec.
248	GEN 10:13	Â Miziraim ere ɋâricfâc guru sâc ʒâŋe‐jeŋic ʒiŋuc: Ludi, Anami, Lehabi, Nafituhi,
254	GEN 10:19	Kanaaŋ ŋicguru jaŋere mâreŋ qaŋeŋnezi Sidoŋ haeonec fuŋkerâ hae ʒiŋuc fotâcne rakac: Gerari, Gaza, Sodom, Gomora, Adama, Seboim â Lasa. Ira tarakac.
257	GEN 10:22	Sem ŋokâfâcne jaŋere ʒâŋe ʒiŋuc: Elam, Asihuru, Arapakisa, Ludi â Aram.
294	GEN 11:27	Kecʒi Tera ere ɋâricfâc jaŋere ʒâŋe: Tera ere bifuŋko Abram, Naho â Haraŋ fuambiŋ. Haraŋ ere bifuŋko ine Loti fuawec.
298	GEN 11:31	Eme Tera e ŋokâ‐ticne Abram â ŋosa‐ticne Loti, Haraŋte ŋokâ hâcne, â joŋao‐ticne Sarai, Abramte ŋonâŋ, iŋuc rocjopame Kanaaŋ mâreŋko raniŋte Kaldea mâreŋko Uru hae ŋewec i beherâ hata fuŋkembiŋ. Raku hata ombâŋko Haraŋ mâreŋko fisirâ ira ŋembiŋ.
303	GEN 12:4	Eme Abram e Wofuŋte mic reŋkehuc hata fuŋkerâ raha Loti e bâjâpeme mâmâc rapic. Abram e jara 75 bazuhuc Haraŋ mâreŋ behewec.
304	GEN 12:5	E ŋonâŋ‐ticne Sarai â hahac‐ticnere ŋokâ Loti erâ kiŋaŋ qaqafâc‐ticne â mafa wiac‐ticne rocjopame Kanaaŋ mâreŋkopec raku mâreŋ ira fisimbiŋ.
320	GEN 13:1	Abram e jahacne â ŋonâŋ‐ticne â mafa wiac‐ticne erâ Loti mâmâc Aigita mâreŋkonec risierâ Negebe mâreŋko ra fisimbiŋ.
324	GEN 13:5	Loti e Abramhec juhuc iŋuc jaha lama bulimakao bacjopa juwec â qoruc boze wâc ŋecnewec.
326	GEN 13:7	Irec Abram â Loti qowi soŋaŋfâc‐jekic jaŋe mâreŋte iiriac embiŋ. Dameŋ ira Kanaaŋ ŋic â Periʒi ŋic jaŋe mâreŋ irec rune jumbiŋ.
327	GEN 13:8	Eme Abram e Loti ʒiŋuc âzâcnewec: “Nâhâcne ŋondeŋko me soŋaŋfâc‐nâhec jaŋere ŋondeŋko rârâsi fome mi sâckeocmu, nâhâc mame ŋokâ.
329	GEN 13:10	Eme Loti e ʒâŋe fime rame honewec: Jordaŋ mâreŋ i opâzi bâgunucke‐fârekicne, Wofuŋte jufu gie iŋucne, erâ Aigita mâreŋ iŋucne, domarâ raku Ʒoari fisikac hâcne. Wofuŋzi Sodom â Gomora hae mi bâsirowec‐jofawec dameŋ ira Jordaŋ mâreŋzi iŋuc hâcne fowec.
330	GEN 13:11	Eme Loti e Jordaŋ wâneŋ sâko hone wosâerâ ʒoaŋ wewefunaopec rawec. Iŋuc ehuc rârâwiŋ epic.
331	GEN 13:12	Eme Abram e Kanaaŋ mâreŋko ŋec juc ewec, â Loti e ine Jordaŋ mâreŋko hae ŋerambiŋ jaŋere ŋondeŋko ju fofo raku Sodom hae mendâŋko fisirâ qoruc boze‐ticne fâreme fowec.
333	GEN 13:14	Loti e Abram beherâ rame Wofuŋzi Abram ʒiŋuc âzâcnewec: “Go mâreŋ domakomecko qâhâŋnerâ ʒâŋe fitec mâreŋ faicpec â juwicpec erâ ʒoaŋ wewefunaopec â huhunaopec raoc.
338	GEN 14:1	Sina ŋicwofuŋ Amarafe, â Elasa ŋicwofuŋ Arioko, â Elam ŋicwofuŋ Kedo‐Laome erâ Goim ŋicwofuŋ Tidali
341	GEN 14:4	Jaŋe jara 12 Kedo‐Laome kiŋaŋ qacnehuc jumbiŋ, jara namba 13‐ko ine e râpeckembiŋ.
342	GEN 14:5	Eme jara namba 14‐ko Kedo‐Laome â ŋicwofuŋ ehec jumbiŋ jaŋe ware Asitero‐Karanaim haeo Refaim ŋic jopambiŋ, izi ware Ham haeo Ʒuŋim ŋic jopambiŋ, izi ware Kiriatim wâneŋko Emimŋic jopambiŋ,
346	GEN 14:9	Ra fisirâ ŋifec domahapie ŋifec Elam ŋicwofuŋ Kedo‐Laome, â Goim ŋicwofuŋ Tidali, â Sina ŋicwofuŋ Amarafe, erâ Elasa ŋicwofuŋ Arioko i jaŋe domambiŋ. Ŋifec 4 domambiŋ, ŋifec 5.
349	GEN 14:12	Ehuc Abram hahac‐ticnere ŋokâ Loti Sodom haeo ŋec juc ewec, e jahacne â mafa‐ticne iŋuc jaha rorâ amecke rambiŋ.
353	GEN 14:16	Fisirâ mafa jowac rofârehuc motecoc‐ticne Loti â mafa wiac‐ticne, erâ ŋokac â ŋic ŋokac gâcne wâc mâmâc bârisiec‐jopa‐fârewec.
354	GEN 14:17	Abram e Kedo‐Laome â ŋicwofuŋ âgofâcne jopa jâpec ejareku risehame Sodom ŋicwofuŋ e fahare Sawe Wâneŋ, ʒâŋene moc Ŋicwofuŋ Wâneŋ ira hâcne bâfuaocte rawec.
459	GEN 19:1	Hae owâeme aŋelo jajahec jahe Sodom haeo fisipic. Eme Loti e Sodom haesac motâcko ŋehuc honec‐jofarâ izia fahare ra bâfuac‐jofarâ maŋfuŋ‐jekicko fodapehuc muwec:
463	GEN 19:5	Loti wiracnehuc ʒiŋuc âzâcnembiŋ: “Ŋafe ʒira gorao ŋic fisipirec jahe wena? Jowac‐jofa wahatecne bâsâqorec‐jofanaŋ.”
464	GEN 19:6	Eme Loti e jaŋerao hurâ motâc râpenao ki bawec.
467	GEN 19:9	Jaŋe ine mumbiŋ: “Go wisec!” Erâ âzâcnembiŋ: “Go wiwickonec warekicnezi ŋondeŋ‐nâŋecko jaba juhuc mutiŋ‐nâpozo mukic me? Nâŋe jahe wiac ejactezo mumbeneŋ irec sâc sirickehuc go egarenaŋmu.” Jaŋe iŋuc murâ Loti ro fârec ecnehuc motâc qanʒaŋnezo fuŋkembiŋ.
468	GEN 19:10	Eme ŋic jahe mejekic sicnerâ Loti ficko fârepire feme motâc ki bapic.
470	GEN 19:12	Eme ŋic jahe Loti ʒiŋuc âzâcnepic: “Âgofâcge ʒira moc juŋgopieŋ me? Kimofâcge me ŋokâ otâfâcge me wiacfâcge gâcne, jaŋe ejaretec hae ʒi beherâ wisenʒepieŋ.
472	GEN 19:14	Eme Loti e ra otâ jahec‐ticne jahere ŋicbiŋe ʒiŋuc jasawec: “Ajoc, fahare wiserâ ranic! Wofuŋzi hae ʒi ima bazo ekac.” Jahe ine manapire ʒoraŋ ekac tinac ewec.
473	GEN 19:15	Eme furic râeme aŋelo jahe Loti fâro ecnehuc mupic: “Ŋic ʒi jaŋere sâqocnere erâ mâmâc hâmozicte fahare ŋonâŋge â otâ jahecge ʒi rocjopatec wiserâ raniŋ!”
476	GEN 19:18	Eme Lotizi ʒiŋuc muwec: “Ŋicbomboŋ‐nane, iŋuc mâcne.
481	GEN 19:23	Eme ʒoaŋ wefuhame Lotizi Zoari haeo ra fisiwec.
484	GEN 19:26	Loti ŋonâŋ‐ticne e ine forisie firâ izia hâwec qânâ ewec.
487	GEN 19:29	Ine hâcne, Anutu e Jordaŋ wâneŋko hae ŋerawec i ima bawec dameŋ ira Abrahamte manasuhuc Loti sisipirickonec jowa rarâ hae juwec i ima bawec.
488	GEN 19:30	Loti e ine Zoari haeo juocte hâwickeme otâ jahec‐ticne jahehec hae i beherâ tikio ferâ hawec mocko jumbiŋ.
494	GEN 19:36	Loti otâ jahec‐ticne jahe iŋuc ehuc mamac‐jekictaonec kiwec bâfuapic.
621	GEN 24:29	Eme Rebekare seŋ moc juwec, ʒâŋene Labaŋ, eki ŋic opâo domawec erao gasacke rawec.
625	GEN 24:33	Eme irec faicnao nânâ râcnembiŋ. Eki ine muwec: “No dâŋ bajukopac i mupe mi manahapie nânâ jâpec mi nâpemu.” Eme Labaŋ muwec: “Murâ muc.”
642	GEN 24:50	Iŋuc mume Labaŋ â Betuele jahe ʒiŋuc muhuc âzâcnepic: “Wiac keci Wofuŋtaonec i, irec nâhe dâŋ iŋuc me iŋuc, biaŋne me sâqocne sâcne mi munacmu.
662	GEN 25:3	Jokisaŋ ere bifuŋko ine Seba â Dedaŋ jahe fuapic, eme Dedaŋ ere ŋokâfâc ine ʒiŋuc fuambiŋ: Asurim, Letusim â Leumim.
679	GEN 25:20	Isaka e jara‐ticne 40 bazurâ Rebeka ŋonâŋ‐ticne rowec. E ine Mesopotamia mâreŋkonec Aramea ŋic Betuele ere otâ Labaŋte seŋ.
771	GEN 27:43	Irec, ŋokâ‐nane, ʒiŋuc mupe manac: Go fahare hahac‐nane Labaŋ, Haraŋ haeo jukac, erao wiserâ razemec.
776	GEN 28:2	Irec faharerâ Mesopotamia mâreŋko neŋgocgere mamac Betuele erao razemec. Ira neŋgocgere hahac Labaŋte otâfâc jaŋeraonec ŋonâŋ moc rozemec.
779	GEN 28:5	Isakazi Jakobo iŋuc âzâcne sorec eme eki Mesopotamia mâreŋko Labaŋtao raocte rawec. Labaŋ e Aramea ŋic, Betuele ere ŋokâ â Jakobo â Esau neŋgoc‐jekic Rebekare hahac.
793	GEN 28:19	Ehuc hae mâreŋ ʒâŋene Bete muwec. Juwicnao ine hae irec ʒâŋe Lusi mujumbieŋ.
801	GEN 29:5	Eme wio‐jarerâ muwec: “Ŋoŋe Nahore ŋokâ Labaŋ e moc manaŋgopieŋ me?” Jaŋe mumbiŋ: “Ea, manaŋgopeneŋ.”
806	GEN 29:10	Eme Jakobo e wawa‐ticne Labaŋ ere otâ Rahe â wawa‐ticnere qowi mâmâc honec‐joparâ ra opâ nombâŋkonec qânâ qârândiŋkerâ wawa‐ticne Labaŋ ere lamafâc opâ gumec‐jopawec.
809	GEN 29:13	Eme Labaŋ e seŋticnere ŋokâ, Jakobo ere biŋe manarâ gasacke ra bâfuarâ hâpo mumuduc ecnehuc ficticnao jowa fewec. Eme eki binaŋ‐ticne Labaŋ ninic jaha bacnewec.
810	GEN 29:14	Eme Labaŋzi âzâcnewec: “Go nore biuc â soc jâmbâŋ.” Eme Jakobo e mosa wâŋ ehec juwec.
811	GEN 29:15	Eme Labaŋzi Jakobo âzâcnewec: “Go soctofa‐nane jukomeczi wemocko okacmâc kiŋaŋ qanarecmu. Furine wemo rozo mukomec i nazac.”
812	GEN 29:16	Labaŋte otâ jajahec jupic, mârâc otâ ʒâŋene Lea â ʒâhec otâ ʒâŋene Rahe.
813	GEN 29:17	Lea e ʒâŋe hândâŋ‐ticne gogowac râmockekicne, Rahe e ine ʒâŋe mai‐ticne â sahac hawari biaŋne.
815	GEN 29:19	Eme Labaŋzi muwec: “E ŋic furune moc mi râcnehuc go garepe sâcke‐jâmbâŋkeocmu, irec nohec juzemec!”
817	GEN 29:21	Eme juku dameŋ i tarame Jakobozi Labaŋ âzâcnewec: “Dameŋ‐nane tarakacte ŋonâŋ‐nane narec, eme no ehec juzepac.”
818	GEN 29:22	Eme Labaŋ e haeru hefârec‐joparâ tiwâ ʒepec ejarewec.
819	GEN 29:23	Erâ hae qâhâpoha otâ‐ticne Lea rorâ Jakoborao jowa fewec. Eme ehec fowec.
820	GEN 29:24	Eme Labaŋ e kiŋaŋ naru‐ticne Silipa e otâ‐ticne Lea kiŋaŋ qacneocte râcnewec.
821	GEN 29:25	Hae fureme ine Jakobozi honeme mi Lea ezejec i! Eme Labaŋ ʒiŋuc âzâcnewec: “Go wemo mâsi enaremec? No Rahere erâ kiŋaŋ qagarepo i! Go wemocte eatucnumec?”
822	GEN 29:26	Eme Labaŋzi muwec: “Hae mâreŋ ʒira mârâc naruzi mâc juha ʒâhec naru ŋicko rârâe i mi eeŋgopeneŋ.
824	GEN 29:28	Eme Jakobo e iŋuc hâcne ehuc Leahec jume woka moc tarawec. Eme Labaŋ e otâ‐ticne Rahe râcneme ŋonâŋ‐ticne ewec wâc.
826	GEN 29:30	Eme Jakobo e Rahe ehec fowec wâc. Eme maŋticne Rahere kâcɋene domaha Leare afecne ecnewec. Ehame jara 7 ʒuhuckerâ Labaŋte kiŋaŋ qahuc juwec.
827	GEN 29:31	Eme Wofuŋ e, Lea maŋzi mi jauŋkekicne, iŋuc honerâ kiwechec eocte manacneha Rahezi hufiŋne juwec.
828	GEN 29:32	Eme Lea e motec kiweckerâ rowec, ere ʒâŋe kecʒiŋuc muhuc Rubeŋ muwec: “Wofuŋ e busâqoc‐nane hone manac ehuc baficnuwec, miŋecne ŋowe‐nanezi jâmbomac maŋzi jauŋnuocmu.”
830	GEN 29:34	Faicnao motec mocwâc kiweckerâ rowec. Erâ muwec: “No ŋokâ jahec â moc rocjopapo irec ŋowe‐nanezi norao qohotaocmu.” Iŋuc murâ ʒâŋene Lewi muwec.
832	GEN 30:1	Rahe e ine hufiŋne juhuc Jakobore naru motec moc mi rocjopawec, e jahacne fuŋne iŋuc honerâ hahac‐ticne Lea iiŋ guuŋ ecnehuc Jakobo ʒiŋuc âzâcnewec: “Go naru motec bâfuac‐jopa‐narezemec, mi etecne hâmopemu.”
840	GEN 30:9	Eme Lea e motec roro dameŋ‐nane tarawec iŋuc manarâ kiŋaŋ naru‐ticne Silipa rorâ Jakobore ŋokac eocte râcnewec.
841	GEN 30:10	Eme Silipa, Leare kiŋaŋ naru hâcne, e Jakobore ŋokâ moc rowec.
842	GEN 30:11	Rome Leazi muwec: “Bubiaŋ!” iŋuc murâ ʒâŋene Gade muwec.
843	GEN 30:12	Eme Silipa, Leare kiŋaŋ naru hâcne, e Jakobore ŋokâ moc rome jajahec epic.
844	GEN 30:13	Eme Leazi muwec: “No ʒeri‐nanehec! Ŋokac jaŋe nore manapie ʒerine eocmu.” Iŋuc murâ ʒâŋene Ase muwec.
845	GEN 30:14	Eme waizeŋ qa roro dameŋ ira Rubeŋzi ʒoaŋ mocko hata rarâ gieo ŋokac seroŋ wiac moc bâfuawec. Erâ bare neŋgoc‐ticne Lea râcnewec. Eme Rahezi Lea ʒiŋuc âzâcnewec: “Ŋokâgezi seroŋ wiac bawarejec i gâcne no narec.”
847	GEN 30:16	Eme Jakobo e owâ ririŋte gieonec ware fisime Leazi ra bâfuarâ muwec: “Go norao wefuzemec, no ŋokâ‐nanere seroŋzi furi bacgupac.” Iŋuc mume ŋafe ira ehec fowec hâcne.
848	GEN 30:17	Eme Anutu e Lea manacneme motec kiweckerâ juku Jakobore ŋokâ moc rome 5 embiŋ.
849	GEN 30:18	Eme Leazi muwec: “No kiŋaŋ naru‐nane ŋowe‐nane râcnepore Anutuzi ŋokâ moc narewec.” Iŋuc murâ ʒâŋe‐ticne Isasa muwec.
850	GEN 30:19	Eme irec faicnao Leazi mocwâc motec kiweckerâ juku Jakobore ŋokâ moc rome 6 embiŋ.
851	GEN 30:20	Eme Leazi muwec: “Anutu e taha biaŋne tahacnume ŋowe‐nanere ŋokâ 6 rocjopapo, irec ʒi nohec paŋʒâic juocmu.” Iŋuc murâ ʒâŋene Sebuloŋ muwec.
856	GEN 30:25	Eme Rahe e Josefe rome Jakobozi Labaŋ ʒiŋuc âzâcnewec: “No hae mâreŋ‐naneo rapemurâ râecnuzemec.
858	GEN 30:27	Eme Labaŋzi âzâcnerâ muwec: “Wiac mocjahare sawa mupe mana‐narenʒaŋ. No ɋâsâi qahuc ʒiŋuc mana tarapo: Wofuŋ e gore erâ ehâmo‐narewec.”
862	GEN 30:31	Eme Labaŋzi wiocnewec: “Wemo wiac garepemurâ mukic?” Jakobozi dâŋ ʒiŋuc bâtikiecnewec: “Go wiac moc mi narezemec. No dâŋ maŋkekopac i mupe manatec sâckeocmuo ine lama bulimakaofâcge mocwâc soŋaŋ‐jopahuc juzepac.
865	GEN 30:34	Eme Labaŋzi muwec: “Sâcne, mukomec iŋuc fooc.”
867	GEN 30:36	Erâ Jakobo beherâ ʒoaŋ jahec â moc hata raku mâreŋ wiwicko fisiwec. Ehame Jakobozi Labaŋte lamafâc gâcne soŋaŋ‐jopahuc juwec.
871	GEN 30:40	Eme Jakobo e lama motecne bâwosâec‐joparâ ejareme Labaŋte qowi gurune gurune qâqâreŋ â gâgâpâc jaŋeraopec ʒâŋe fihuc domambiŋ. E iŋuc ehuc e jahacne guru moc buc bâfuarâ Labaŋte guruo mi ʒuhuc‐jopawec.
873	GEN 30:42	Qowi rorokacne jaŋe Labaŋte biŋe ehapie tâpirihec jaŋe Jakobore embiŋ.