3	GEN 1:3	Eme Anutuzi ʒiŋuc muwec: “Tamaeoc!” Mume tamaewec.
6	GEN 1:6	Tarame Anutuzi ʒiŋuc muwec: “Opâ ŋondeŋko aka sanaŋ moc fuaoc, ehuc izi opâ bâtâc bazejec.”
9	GEN 1:9	Tarame Anutuzi ʒiŋuc muwec: “Sambâŋ rurumaŋnao opâ mockoa qâzuckepie kereŋnezi fua tâcneoc!” Mume iŋuc fuawec.
14	GEN 1:14	Tarame Anutuzi ʒiŋuc muwec: “Sambâŋko ʒoctamac fua raniŋ. Jaŋe hâcne ʒoaŋ â ŋafe bâtâc bacjofanʒepieŋ, ehuc hoemaŋ â sâko ʒoaŋ, gie bapa â jara irec dameŋ mufua‐nârehuc doma ranʒepieŋ!
20	GEN 1:20	Tarame Anutuzi ʒiŋuc muwec: “Opâ jaŋere maŋko opâ qowi fuŋne fuŋnezi fuarâ fusucmapie qiriŋ sâko fuazejec â wipe jaŋe sawao furuc furuc qahuc junʒepieŋ!” Mume fuawec.
24	GEN 1:24	Tarame Anutuzi ʒiŋuc muwec: “Mâreŋzi wiac jujune fuŋne fuŋne kiweckerâ rozejec, hae qowi â homa gisic â kâte qowi fuŋne fuŋne!” Mume iŋuc fuawec.
45	GEN 2:14	Â ombâŋne moc ʒâŋene Tigirisi, eki Asiria mâreŋ ʒoaŋ wewefu‐ticnao hurakac. Â ombâŋne moc ʒâŋe‐ticne Eufrata.
63	GEN 3:7	Nâpire ʒâŋe‐jekic tâcnewec. Tâcneme biuctac jupic i hone tarapic. Irec qoŋgeŋ rehaczi siŋiŋ furâ jomapic.
102	GEN 4:22	Zila e iŋuc jaha motec kiweckerâ ŋokâ moc rowec ʒâŋene Tubali‐Kaiŋ, eki aeŋzi wiac fuŋne fuŋne bapa ŋicguru jaŋere fufuŋke ŋic â micne ewec. Tubali‐Kaiŋ seŋticnere ʒâŋe ine Nama.
237	GEN 10:2	Jafete ere ŋokâfâc jaŋere ʒâŋe ʒiŋuc: Gomera, Magogo, Madai, Jawaŋ, Tubali, Meseke â Tirase.
238	GEN 10:3	Gomera ere ŋokâfâc ine Asakenasi, Rifata â Togama.
239	GEN 10:4	Â Jawaŋte ŋokâ jahec ine: Elisa â Tarasisi; jaheraonec Kitim â Dodanim ŋicguru fuambiŋ.
291	GEN 11:24	Naho e jara 29 bazume ere bifuŋko Tera fuawec.
292	GEN 11:25	Eme Naho e Tera fuawec dameŋ irecnec jara 119 ʒuhuckerâ juhame ere bifuŋko naru motec gâcne fua fembiŋ.
293	GEN 11:26	Tera e jara 70 bazume ere bifuŋko ŋokâ ʒiŋuc fuacnembiŋ: Abram, Naho â Haraŋ.
294	GEN 11:27	Kecʒi Tera ere ɋâricfâc jaŋere ʒâŋe: Tera ere bifuŋko Abram, Naho â Haraŋ fuambiŋ. Haraŋ ere bifuŋko ine Loti fuawec.
295	GEN 11:28	Haraŋ e ine mamac‐ticne Tera juhame Kaldea mâreŋ qizec‐ticnao Uru hae ira hâmowec.
298	GEN 11:31	Eme Tera e ŋokâ‐ticne Abram â ŋosa‐ticne Loti, Haraŋte ŋokâ hâcne, â joŋao‐ticne Sarai, Abramte ŋonâŋ, iŋuc rocjopame Kanaaŋ mâreŋko raniŋte Kaldea mâreŋko Uru hae ŋewec i beherâ hata fuŋkembiŋ. Raku hata ombâŋko Haraŋ mâreŋko fisirâ ira ŋembiŋ.
299	GEN 11:32	Terâ e jara 205 bazurâ Haraŋ mâreŋko ira hâmowec.
338	GEN 14:1	Sina ŋicwofuŋ Amarafe, â Elasa ŋicwofuŋ Arioko, â Elam ŋicwofuŋ Kedo‐Laome erâ Goim ŋicwofuŋ Tidali
344	GEN 14:7	Erâ irecnec raku Eŋmisipa haeo (i Kadesi hae irec ʒâŋe moc) fisirâ ŋic mâreŋ ira jurambiŋ jaŋe joparâ Amori ŋic Hazazoŋ‐Tama haeo mâmâc jopambiŋ.
346	GEN 14:9	Ra fisirâ ŋifec domahapie ŋifec Elam ŋicwofuŋ Kedo‐Laome, â Goim ŋicwofuŋ Tidali, â Sina ŋicwofuŋ Amarafe, erâ Elasa ŋicwofuŋ Arioko i jaŋe domambiŋ. Ŋifec 4 domambiŋ, ŋifec 5.
460	GEN 19:2	“Ŋicbomboŋ jahec‐nane, ŋohe miŋecgac ŋafeo kiŋaŋ qaqa‐ŋekic nore ficko ferâ kike‐ŋekic ʒurerâ ŋec foc enic. Tomâcko furicte ine sâcne faharerâ hata ʒuhuckerâ razepirec.” Jahe mupic: “Aricne, nâhe ŋafe ʒi hae ʒoŋao fonacmu.”
572	GEN 22:24	Eme ŋonâŋoc‐ticne, ʒâŋene Reuma, eki motec rocjopawec ine ʒiŋuc: Teha, Gaham â Tahasi erâ naru moc ʒâŋene Maka.
639	GEN 24:47	Tarame wiocnehuc mupac: ‘Go more naru?’ Eki mujec: ‘No Betuele ere otâ, e ine Naho â Milika jahere ŋokâ.’ Iŋuc nazame maŋŋuruc sâkenao râepac â megâŋ ine meombâŋ‐ticnao hecnepe fejec,
659	GEN 24:67	Tarame Isakazi Rebeka neŋgoc‐ticne Sara ere qoruc bozeo jowa ferâ ŋonâŋ‐ticne rorâ âgo ecnewec. Ehuc e jahacne maŋ bâmiriŋkerâ neŋgoc‐ticnere busâqoc i behewec.
674	GEN 25:15	Hadadi â Tema, Jeturu, Nafisi erâ Kedema.
807	GEN 29:11	Tarame Rahe muduckehuc fuŋkerâ kisâko kiowec.
1052	GEN 36:11	Elifaʒire ŋokâfâc ine ʒiŋuc: Temaŋ, Omare, Ʒefo, Gatam â Kenaʒi.
1053	GEN 36:12	Eme Elifaʒi, Esaure ŋokâ hâcne, ere ŋonâŋoc Timina eki Amaleke rowec. Esau ŋonâŋ‐ticne Ada ere ɋâricfâc ine hâcne.
1056	GEN 36:15	Ʒi ine Esau ŋokâfâcne jaŋere ŋicwofuŋ. Esau mârâc ŋokâ‐ticne Elifaʒi ere ŋokâfâc hâcne: Temaŋnec ŋicwofuŋ, Omarenec ŋicwofuŋ, Ʒefonec ŋicwofuŋ, Kenaʒinec ŋicwofuŋ,
1063	GEN 36:22	Lotaŋ ŋokâ jahec‐ticne Hori â Hemaŋ, Lotaŋ seŋticne ine Timina.
1075	GEN 36:34	Jobabezi hâmome Husam, Temaŋ mâreŋkonec eki tucticne qawec.
1081	GEN 36:40	Esaure ɋâricfâc ŋicwofuŋ jumbiŋ jaŋere ʒâŋe biri ine fufua â hae â ʒâŋe‐jeŋicte sâcko kecʒiŋuc fokac: Timina irec ŋicwofuŋ, Aliwanec ŋicwofuŋ, Jeteti irec ŋicwofuŋ,
1083	GEN 36:42	Kenaʒi irec ŋicwofuŋ, Temaŋnec ŋicwofuŋ, Mibezare irec ŋicwofuŋ,
1126	GEN 38:6	Eme Juda e juku mârâc ŋokâ‐ticne Ero ŋokac moc râcnewec, ʒâŋene Tama.
1131	GEN 38:11	Eme Judazi joŋao‐ticne Tama ʒiŋuc âzâcnewec: “Go mamacgere ficko ra hozec jaha juhaŋtec ŋokâ‐nane Selazi sokazejec.” I ʒiŋuc manahuc muwec: Sela e hahac jahec‐ticne hâmopic iŋuc jaha hâmozackohec. Eme Tama e ra mamac‐ticnere ficko juhuc juwec.
1132	GEN 38:12	Ehame juku ʒâhec Suare otâ, Juda ŋonâŋ‐ticne hâcne, e hâmowec. Eme ki mamakuc dameŋ tarame Judazi âgo‐ticne Hira, Adulam haeonec ehec Timina mâreŋko, lamafâc‐ticne jaŋere kanʒaŋ bâtâcnembiŋko rapic.
1133	GEN 38:13	Ehame Tama dâŋ ʒiŋuc âzâcnembiŋ: “Manakic, joŋaoge e lamafâcne jaŋere kanʒaŋ bâtâcneocte Timina hae mâreŋko fekac.”
1134	GEN 38:14	Iŋuc manarâ rurufa‐ticne hetararâ qâruruzi ʒâŋe maine foŋkewec. Erâ ra Timina hatao hae moc ŋewec, ʒâŋene Enaim, hae irec mendâŋko waha ŋewec. I Selazi soka tarame ere ŋonâŋ juocte mi râcnembiŋte iŋuc ewec.
1342	GEN 44:17	Eki ine muwec: “Iŋuc misac! Târu‐ticnao râqâc bâfuakicne e sawa kiŋaŋŋic‐nane juzejec, gâcne ŋoŋe ine wamao mamac‐ŋeŋictao sâcne ranʒepieŋ.”
1400	GEN 46:13	Isasa ere ŋokâfâc ʒiŋuc: Tola, Puwa, Jasubu â Simoroŋ.
1443	GEN 47:22	Taha bapa jaŋere mâreŋ mocjaha ine furi mi bawec; jaŋe Faraonec gie furi rombiŋ; irec Faraozi gie furi jarewec izi nânâ kitâcne‐jarewecte mâreŋ‐jeŋic furire mi qikiŋnembiŋ.
1447	GEN 47:26	Josefe e iŋuc hâcne ehuc Aigita mâreŋ‐jeŋicko sâcmutâc ʒiŋuc râeme foweczi fokac: Nânâ wiac 5‐konec wâŋ i Faraore biŋe râezo. Taha bapa jaŋere mâreŋ sawa Faraore biŋe mi ewec.
1497	GEN 49:23	Tepeŋic jaŋe râsi fisirâ surucguhuc tepe qâtâcnepie
1498	GEN 49:24	go gahacne tepezi sifu qiriŋ tâmiric domawec â megezi wâc mi tarawec; i Jakobo nore Tâpiri runezi baficguwecte â Israere soŋaŋ â haroŋaŋ ere ʒâŋeo roweckemeŋ irec.
1721	EXO 8:6	Eki muwec: “Tomâcko.” Eme Mosezi muwec: “Mukomec iŋuc fuazejec. Fuame ine ʒiŋuc mana tarazemec: Wofuŋ, Anutu‐nâŋec e iŋucne moczi moc mi jukac.
1756	EXO 9:13	Eme Wofuŋzi Mose ʒiŋuc âzâcnewec: “Tomâcko uupictea faharerâ Faraorao rarâ âzâcnezemec, ‘Hebiraio ŋic nâŋere Anutu, Wofuŋ hâcne, eki dâŋ ʒiŋuc mukac: “Ŋicfâc‐nane kiŋaŋ qanareniŋte râec‐jopatec ranʒepieŋ.
1928	EXO 15:7	Tâpiri ɋuŋɋasaŋge fekicne, irec râsi jaŋe guriŋ‐jopaekic; erâ kimbeŋgere ʒocbâruŋ râetec izi ra sopâc iŋucne ʒahuc ʒâseŋ‐jopaekac.
1971	EXO 16:23	Âzâcnepie muwec: “Wofuŋ e irec hâcne ʒiŋuc muwec: ‘Tomâcko sabata hombaŋ, Wofuŋte tiri sabata hâcne. Ŋoŋe ʒegoc rikezo murâ ʒegoc rikeniŋ me kuʒio rikezo murâ rikeniŋ, iŋuc epie tiwâne ŋeme tomâckore biŋe râepie fozejec.’”
2050	EXO 19:23	Eme Mosezi Wofuŋ âzâcnewec: “Ŋic ŋokac jaŋe Sinai tikio sâcne mi wefuniŋmu, i go gahac uŋsawaŋ enârehuc ʒiŋuc mumeŋte: ‘Tiki râreckehuc sac barâ furu muzemec.’”
2237	EXO 26:1	“Tiri boze i qoruc sanaŋ 10 izi bazemec, ine qoruc fâfâsâc â âmuc âmucne â bâbâroŋ furi sâko â keŋkeŋne izi bazemec, ehuc qoruc i mutec qâreŋnehec fupie kerubim hawari fuazejec.
2251	EXO 26:15	“Tarame tiri bozere katapa fasaezemec, ine jâmiŋzi fasaerâ hâŋ âecketec safatariŋ iŋucne domazejec.
2292	EXO 27:19	Tiri bozere wâcwiac sasawa taha giere bajuniŋmu i mecne erâ hae ʒoŋare wâtuŋte fâzâ mecne i iŋuc jaha aeŋ bâbâroŋzia bafârezo.
2311	EXO 28:17	Eme qâ faio qânâ biri 4 birickezemec. Biri namba wâŋ ira qânâ furi sâko ʒiŋuc râezemec: Saradiu i qânâ bâbâroŋ, Topazi i qânâ âmuc âmucne â karapuŋke i qânâ ârâŋ ɋâri.
2324	EXO 28:30	Qâ ira ine dâŋ mumutarare ma jajahec, Urim â Tunim, fuŋne babataniŋ â mumutiŋte ma hâcne, i ŋihec‐jofatec Aroŋ e Wofuŋte maio fuaocmu sâc amec‐ticnao fohuc juzepirec. Aroŋ e iŋuc ehuc Israe ŋicguru jaŋere erâ mumutara ma i Wofuŋte maio amecnao foha juzejec.
2352	EXO 29:15	“Tarame lama ŋicne moc rotecne Aroŋ â ŋokâfâcne jaŋe mejeŋiczi qizecne bânduŋkehapie qazemec,
2379	EXO 29:42	Tiwâ bâzi i ʒoaŋ sâc mimiŋzi ɋâric tutumaŋ qoruc bozere motâcko Wofuŋte maio rikehuc junʒepieŋ. Ehame no dâŋ gazapemurâ ira gohec bâbâfuac ehuc juzeperec.
2428	EXO 31:7	Tutumaŋ qoruc boze, qorac katapa â tapane, qoruc bozere wâcwiac;
2439	EXO 31:18	Eme Wofuŋ e Mosehec Sinai tikio dâŋ muc manac epire tarame Sâcmutâc Sanaŋte tafe râcnewec. Tafe i qânâzi fasaekicne â Anuture mezi qâreŋkekicne.
2444	EXO 32:5	Iŋuc epie Aroŋzi honerâ bulimakaore maŋfuŋko alata moc bawec; erâ dâŋ kecʒiŋuc jazame wirapie hazec sâc huwec: “Tomâcko Wofuŋte hombaŋ ŋezo.”
2454	EXO 32:15	Eme Mose e tikionec risierâ wahawec. Eme Sâcmutâc Sanaŋte qorac tapa jajahec meo bacjofawec. Tapa jajahec i ŋifec â ŋifec qâreŋhec sasawa.
2456	EXO 32:17	Eme wahahuc Josuazi ŋic jaŋere ojowa fânâŋ manarâ Mose ʒiŋuc âzâcnewec: “Tomao ʒikare ojowa fuame manakopac.”
2525	EXO 34:28	Eme Mose e ira Wofuŋhec nânâ opâ tâmiric juhame ŋafe ʒoaŋ 40 tarawec. Ehame ʒâʒâficte dâŋ, Sâcmutâc Sanaŋ Teŋ i hâcne qorac tapao qâreŋkewec.
2526	EXO 34:29	Eme Mose e Sinai tikionec wahahuc Sâcmutâc Sanaŋ Teŋ irec qorac tapa jajahec i meo bacjofa wahawec. Ehuc faic Wofuŋhec dâŋ muc manac epicko ʒâŋe mai‐ticne tatamachec ewec tatamac i foha waha fisiwec, i e jahac mi manawec.
2542	EXO 35:10	“Erâ ŋoŋeraonec metâ bapare fuŋne mamana ŋic jaŋe warerâ, Wofuŋzi wiac muwec i bafârenʒepieŋ, ine ʒiŋuc: Tiri boze,
2590	EXO 36:23	Tiri bozere katapa ine kecʒiŋuc bafârewec: Sâpene juwic mâreŋkopec irec biŋe 20,
2594	EXO 36:27	Tiri boze râpene, ʒoaŋ huhunaopec hâcne, irec katapa 6 fasaewec.
2654	EXO 38:20	Tiri boze â hae ʒoŋare fâzâ rârec rârec râe rakicne i aeŋ bâbâroŋzi bafârekicne.
2658	EXO 38:24	Tiri boze bapare gol râekicne sasawa irec ŋemâc i 2 tauseŋ 930, erâ i furuficte ŋemâc fowec irec sâc.
2675	EXO 39:10	Erâ qâ faio qânâ birine 4 birickembiŋ. Biri namba wâŋ ira qânâ furi sâko ʒiŋuc birickepie forawec: Saradiu i qânâ bâbâroŋ, Topazi i qânâ âmuc âmucne,
2698	EXO 39:33	Tarame tiri boze Moserao bafisimbiŋ. Wiac kecʒiŋuc bafisimbiŋ hâcne: Qoruc boze â wâcwiac‐ticne sasawa, heheawic‐ticne, katapa‐ticne, babasanaŋ‐ticne, wâtuŋ‐ticne, râqâc‐ticne,
2706	EXO 39:41	Tirificko gie bapare ŋaqi ba akic ehuc ɋâtâkicne, taha bapa Aroŋ ere tiri ŋaqi â ŋokâfâcne jaŋere taha giere ŋaqi hâcne.
2766	LEV 2:3	Taha bâzire nâfocne izi ine Aroŋ â ŋokâfâcne jaŋere biŋe ezejec, i Wofuŋte taha bâzi rikepie wiac tirine jâmbâŋ ewec irec nâfocne hâcne.
2773	LEV 2:10	Taha bâzire tiwâne ine Aroŋ â ŋokâfâcne jaŋere biŋe ezejec, i Wofuŋte taha bâzi rikepie tirine jâmbâŋ ewec irec nâfocne hâcne.
2816	LEV 4:20	Sâqocne tâtâmirere biŋe mârâc bulimakao wiac ecnekicne sâc ijaha bulimakao ʒi ecnezejec. Taha bapa e iŋuc ehuc kiwiric‐jeŋic rome sâqocne bâbâtâmire fua‐jarezejec.
2822	LEV 4:26	Wokemaŋne sasawa ine alata faio wama bâzire wokemaŋ rikewec irec sâc jaha rikezejec. Taha bapa e iŋuc ehuc ŋic sâqocne ere kiwiric rome sâqocne bâbâtâmire fuacneocmu.
2827	LEV 4:31	Ehuc wama bâzire wokemaŋ bârârieeŋgopieŋ irec sâc jaha wokemaŋ‐ticne sasawa bârâriezejec. Erâ alata fâio rike siŋsiŋkeme Wofuŋte maio âsu biaŋ fuazejec. Taha bapazi iŋuc ehuc ŋic ere kiwiric rome sâqocne bâbâtâmire fuacnezejec.
2831	LEV 4:35	Wokemaŋ‐ticne sasawa i wama bâzire lama irec wokemaŋ bârârieeŋgopieŋ irec sâc jaha bârârierâ alatao Wofuŋte taha bâzi gâcne ʒahuc fokac irec fainao râeme ʒazejec. Taha bapa e iŋuc ehuc ŋic sâqocne bâfuawec ere kiwiric rome sâqocne bâbâtâmire fuacnezejec.
2841	LEV 5:10	I tarame hapâ moc mumutâc dâŋte sâcko qowi bâzire biŋe râezejec. Taha bapa e ŋic sâqocne bâfuawec ere kiwiric rome sâqocne bâbâtâmire fuacnezejec.
2844	LEV 5:13	Taha bapa eki ŋic e wiac i me i ehuc sâqocne bâfuawec ere kiwiric rome sâqocne tâtâmire fuacnezejec. Ehame taha bâzire ekicne sâc ijaha ehapie poroŋ tiwânezi taha bapare biŋe ezejec.”
2864	LEV 6:7	“Taha bâzi ririkere sâcmutâc kecʒiŋuc fokac: Aroŋ ŋokâfâcne jaŋe Wofuŋte maio alata fuŋko taha bâzi râenʒepieŋ.
2866	LEV 6:9	Tiwâne ine Aroŋ â ŋokâfâcne jaŋe nânʒepieŋ, jaŋe wiac i goreŋ tâmiric tutumaŋ qoruc bozere tiri hae ʒoŋao nânʒepieŋ hâcne.
2867	LEV 6:10	Tiwâ bâzi i goreŋ tâmiric mâc rikenʒepieŋ. Nore biŋe tiwâ bâzi rikekicne irec dâkâne moc qikiŋne‐jarepo hâcne, i sâqocne tâtâmire â kiŋ tatarare taha irec sâc taha tiri jâmbâŋ ekac.
2872	LEV 6:15	Ehame Aroŋ ŋokâfâcne jaŋeraonec moc mamac‐ticne âkehockeocte wokemaŋ ruacnekicne e wâc iŋuc jaha taha bâzi Wofuŋte biŋe râehuc juzejec. Ʒi Wofuŋte mumupaŋ fofo sanaŋ. Taha i ine furu jaha rikenʒepieŋ.
2873	LEV 6:16	Taha bapazi taha bâzi rikeocmu i moc mi nâhuc furu jaha râepie ʒafârezejec.”
2876	LEV 6:19	Taha bapa sâqocne tâtâmire bâzi rikeocmu eki nâzejec; ine tutumaŋ qoruc bozere tiri hae ʒoŋao nâzejec.
2879	LEV 6:22	Taha bapa ŋic jaŋe sâqocne tâtâmire taha irecnec nâzo murâ sâcne nâniŋmu, taha i wiac tirine jâmbâŋ hâcne.
2885	LEV 7:5	Taha bapa eki hâcne wiac i Wofuŋte biŋe qahuc alata faio rikezejec; wiac i kiŋ tatarare taha hâcne.
2886	LEV 7:6	Taha bapa ŋic jaŋe irecnec wiac gâcne nâzo murâ sâcne nâniŋmu, wiac i tirine jâmbâŋ ekacte nâzo murâ tirific maŋko nânʒepieŋ.
2898	LEV 7:18	Me wama bâzi qowi irec biucne gâcne ʒoaŋ namba 3 ira moc nâniŋmuo ine Wofuŋzi ŋic taha râewec e jahacne â taha‐ticnere maname mi biaŋkeocmu. Taha iŋucnere manapie wiac mamakâcne ezejec, ehame moc e nâ bac eocmuzi kiŋ nâfuaocmu.
2926	LEV 8:8	Iŋuc erâ qâ amecnao qonaŋkecnerâ amecnao dâŋ mumutarare ma jajahec Urim â Tumim i hâcne râecnewec.
3011	LEV 11:13	“Wipe jaŋeraonec ine kecʒiŋuc jaŋere mamakâc‐ŋopame mi nâcjopanʒepieŋ, jaŋe wiac mamakâcne hâcne. Tucwipe, mombaŋ, keŋ,
3056	LEV 13:3	Eme taha bapa e ŋic sahac ʒâwâ‐ticne qaŋqaŋ eme me sahac‐ticne biac dockeme honerâ muzejec, i wicsanaŋ hâcne. Taha bapa e ŋic iŋuc hone manac ecnerâ ʒiŋuc âzâcnezejec: Go wâwânâŋhec.
3127	LEV 14:15	Taha bapa e iŋuc erâ wokemaŋ opâ kiruŋko ŋekac i gâcne e jahacne metape qanaopec ira hoŋkezejec.
3131	LEV 14:19	Taha bapa e ŋic ɋaɋackeocte mukicne ere kiwiric rohuc sâqocne tâtâmire taha hâcne râezejec. Iŋuc ehuc ʒâhec qowi bâzi ririkere qowi qâhâmozejec.
3132	LEV 14:20	Qâhâmorâ qowi bâzi â taha bâzi i alatao rikezejec. Taha bapa e iŋuc ehuc ŋic kiwiric jâoc rome ɋaɋackezejec.