2	GEN 1:2	Ehame mâreŋ e sisifucne â tacne fowec, â ʒâkâŋ ʒora duŋdapâczi foŋkewec, ehame opâ faicko Wofuŋte Mârozi teŋ hâmorâ rac warec ewec.
35	GEN 2:4	Kecʒi sambâŋ â mâreŋ kikefuŋfâc‐jekic jaŋehec bâfuac‐jopa wefukicne irec binaŋ. Wofuŋ Anutuzi sambâŋ â mâreŋ bâfuac‐jofawec dameŋ ira jâc me monʒaŋ wiac fuŋne fuŋne mâreŋko mi fua rawec,
36	GEN 2:5	i Wofuŋ Anuture micte hoezi moc mi hewecte, â gie hesarac ee ŋic mi bâfuac‐jopakicnere iŋuc hâcne fowec.
38	GEN 2:7	Eme Wofuŋ Anutu e mâreŋzi ŋic moc basarickehuc sâkenao juju mâro ficneme hume ŋic e nokafe herâ ɋârewec.
39	GEN 2:8	Eme Wofuŋ Anutuzi ʒoaŋ wewefunaopec Edeŋko jufu gie moc sararâ ŋic bâfuawec e ira râewec.
40	GEN 2:9	Eme Wofuŋ Anutuzi mâreŋ ecneme e jâc hone aŋacnehec â fâri nânânehec biaŋne fuŋne fuŋne âke sueme wefuwec, jufu ʒâʒâŋiŋnao ine jujujâc â fuŋne mamana jâc jahe wefupic.
46	GEN 2:15	Eme Wofuŋ Anutuzi ŋic rorâ Edeŋ jufu gie ira hone soŋaŋ ehuc giene baocte râewec.
49	GEN 2:18	Eme Wofuŋ Anutuzi muwec: “Ŋic e buc jume mi biaŋkekac. Irec no ere sâc jaha âgo babafic‐ticne moc bâfuazepac!”
50	GEN 2:19	Wofuŋ Anutu e hae qowi â kâte qowi sasawa â sawa wipe sasawa mâreŋzi bacjoparâ ŋiczi ʒâŋe‐jeŋic weniŋuc muocmu i hone manac eocte ŋictao amec‐jopa fisiwec. Eme ŋiczi ʒâŋe‐jeŋic mufuahuc muocmu i foocte muwec.
52	GEN 2:21	Irec Wofuŋ Anutuzi ŋic ecneme guŋsâko qâmâckeme fowec. Eme tambaraŋne moc unuckerâ fofotacne biuczi bâbâzickewec.
53	GEN 2:22	Erâ Wofuŋ Anutu e ŋicte tambaraŋ rowec izi ŋokac moc barâ ŋictao jowa rawec.
57	GEN 3:1	Wofuŋ Anutu e kâtere wiac jujune gâcne bâfuac‐jopawec jaŋere sâc jâuru‐fârehuc homare gibioczi fejâmbâŋkewec. Eme homa e ŋokac ʒiŋuc muhuc wiocnewec: “Jufuo jâc sasawa doma rakac irec fârine mi nânicte Anutuzi muwec me?”
64	GEN 3:8	Eme ʒoaŋ otewehuc hae urueme Wofuŋ Anutu e jufuo hata jume fânâŋ‐ticne manapic. Manarâ ŋic â ŋonâŋ‐ticne jahe Wofuŋ Anuture hâwic‐jofame jufuo jâc ŋondeŋko soŋkepic.
65	GEN 3:9	Ehame Wofuŋ Anutuzi ŋic wiracnerâ muwec: “Go wena?”
69	GEN 3:13	Eme Wofuŋ Anutuzi ŋokac âzâcnewec: “Go wemocte iŋuc emec?” Ŋokaczi muwec: “Homazi eatucnume napac.”
70	GEN 3:14	Eme Wofuŋ Anutuzi homa ʒiŋuc âzâcnewec: “Go iŋuc emecte ine hae qowi â kâte qowi jaŋeraonec go mocjaha sâwecgukopac. Go mâreŋko jucmu sâc bugezi foforâ juhuc gâc wândoc nâzemec.
77	GEN 3:21	Eme Wofuŋ Anutu e qowi sahaczi ŋaqi ɋâtârâ ŋic ŋokac hejacteme hume rojupic.
78	GEN 3:22	Wofuŋ Anutu e iŋuc erâ ʒiŋuc muwec: “Jei! Ŋic e biac nâŋâcne sâcko biaŋne â sâqocne irec fuŋne mamana ejec! E meticne sicnerâ jujujâcte hândâŋ rorâ nâhuc juju sanaŋ juzacte mi manacnezo.”
79	GEN 3:23	Wofuŋ Anutu e iŋuc murâ ŋic soreme Edeŋ jufuonec hurâ rawec, e mâreŋzi bakicnere hu mâreŋ sawanao e jahac gie he sarac eocte.
80	GEN 3:24	Wofuŋ Anutuzi ŋic ŋokac iŋuc jâpec‐jofame hurapic. Eme Edeŋ jufu gie ʒoaŋ wewefu‐ticnao bâbâricte ʒocbâruŋ âkendâŋnehuc kerubim jajahec jahe jujujâcte hata âte bâzickenicte soŋaŋ râec‐jofawec.
83	GEN 4:3	Eme jufeku Kaiŋzi gieonec nânâ wiac rorâ Wofuŋ taha bâzi rikecnewec.
84	GEN 4:4	Â Abe e iŋuc jaha lamafâcne mârâc fufua irecnec moc hezurâ wokemaŋne rorâ bâzi rikewec. Eme Wofuŋzi Abe jahacne â bâzi‐ticne hone biaŋkewec.
86	GEN 4:6	Eme Wofuŋzi Kaiŋ âzâcnewec: “Wemocte aaricgume ʒâŋe maige enduŋkekomec?
89	GEN 4:9	Eme Wofuŋzi Kaiŋ ʒiŋuc wiocnewec: “Ɋage Abe wena jukac?” Eki muwec: “Mi manakopac, no ɋananere soŋaŋ me?”
90	GEN 4:10	Eme Wofuŋzi muwec: “Go wemo wiac emec? Ɋagere soczi mâreŋko wira wâwâsic enareme manakopac.
93	GEN 4:13	Eme Kaiŋzi Wofuŋ âzâcnewec: “Okacne narekic i bâmâmâckekopac.
95	GEN 4:15	Eme Wofuŋzi muwec: “Iŋuc misac, moc e Kaiŋ qâhâmome okacne arec 7 irec sâc râcnezo.” Iŋuc murâ Kaiŋ sahacnao maqâreŋ moc râewec, moczi moc bâfuarâ qanʒipiŋte.
96	GEN 4:16	Eme Kaiŋ e Wofuŋte maionec rarâ mâreŋ moc ʒâŋene Nodi, Edeŋ ʒoaŋ wewefu‐ticnao, ira juwec.
106	GEN 4:26	Eme Sete e iŋuc jaha ŋokâ moc fuacneme ʒâŋene Enosi muwec. Eme dameŋ ira hâcne ŋic jaŋe Wofuŋ ʒâŋe‐ticne bâtirihuc nunumucne gie i fuŋkembiŋ.
130	GEN 5:24	E Anutuhec ʒuʒuhuc jufeku sipuac ewec. I Wofuŋ e jahac jowawec hâcne.
141	GEN 6:3	Eme Wofuŋzi muwec: “Nore tâpirizi ŋicko mi fofehuc juzejec, ŋic e mâreŋkonec, sahac biuchec, mâreŋko juju‐ticnere jara dameŋ 130 mocwâc mi jâuruzejec.”
144	GEN 6:6	Wofuŋzi i honerâ mâreŋŋic bâfuac‐jopawec irec erâ bunezi hâhâtâwewec.
145	GEN 6:7	Eme Wofuŋzi muwec: “Ŋic bâfuac‐jopapo jaŋe bâsirowec‐jopape mâreŋko omaenʒepieŋ, qowi â gisic wiac â sawa wipe jaŋe mâmâc, jaŋe bâfuac‐jopapore bunane hâhâtâwekac!”
153	GEN 6:15	Woke sâcticne kecʒiŋuc bazemec: Ʒoricne‐ticne kubi 300, otecne‐ticne kubi 50 â hâŋne‐ticne kubi 30.
158	GEN 6:20	Wipe fuŋne fuŋne, qowi fuŋne fuŋne, â homa gisic wiac fuŋne fuŋne jaŋeraonec jajahec jajahec gohec mâmâc wokeo raʒirâ junʒepieŋ.
161	GEN 7:1	Eme Wofuŋzi Noa ʒiŋuc muhuc âzâcnewec: “Go â wiacfâcge ŋoŋe wokeo fefârenʒepieŋ, go ŋicguru ʒi jaŋere ŋondeŋko mitihec jukomecte honecgupe biaŋkekac.
165	GEN 7:5	Eme Noazi Wofuŋte micdâŋ i reŋkehuc efârewec.
176	GEN 7:16	Wiac jujune moc mi behekicne, Anutuzi Noa mutâcnecnewec sâc fefârembiŋ. Fefârehapie Wofuŋzi motâc herâ sahacnao ki bawec.
204	GEN 8:20	Waha‐fârepie Noazi Wofuŋte alata moc barâ qowi â wipe nânâne jaŋeraonec moc moc iŋuc rocjopaku Anuture bâzi rikec‐jopawec.
205	GEN 8:21	Eme Wofuŋzi bâbâmiriŋte âsu manahuc maŋticnao ʒiŋuc muwec: “No mâreŋko wiac jujuhec i ŋicte ehuc mocwâc mi sâweckezepac. Ŋic jaŋe ɋieonecteaŋ maŋjeŋiczi mamanasu gie repicne baraʒihuc juniŋmu, no ine sifu ŋicte erâ wiac jujuhec mocwâc mi bâsirowepemu.
232	GEN 9:26	Iŋuc murâ ʒiŋuc ʒuhuckerâ muwec: “Wofuŋ Anutu‐nanezi Sem jambuŋkezejec ehame Kanaaŋ e ine kiŋaŋ motec‐ticne juzejec!”
244	GEN 10:9	Nimorodi e Wofuŋte maio wosaŋeŋ bapa kâcɋene juwec, irec ŋic jaŋe ere qâqiŋ qahuc ʒiŋuc mujumbieŋ: “Wofuŋte maio wosaŋeŋ bapa kâcɋene, Nimorodi ere sâcko.”
272	GEN 11:5	Iŋuc murâ hae sâko â ficʒora bambiŋ i Wofuŋzi honeocte wahawec.
275	GEN 11:8	Wofuŋ e iŋuc muhuc irecnec bârâwiŋ‐jopame mâreŋ sâc rafârembiŋ, ehuc hae qizec sâko bapa i behembiŋ.
276	GEN 11:9	Wofuŋzi hae ira hâcne mâreŋŋic dâŋjeŋic bârâc qârâwiŋneme fâuckehuc mâreŋ sâc rafârembiŋte hae irec ʒâŋe Babe mumbiŋ.
300	GEN 12:1	Eme Wofuŋzi Abram âzâcnewec: “Go mâreŋ qizecge â mame sâkofâcge â fic haege behe‐fârerâ noni mâreŋ moc gowatupemu ira ra juzemec.
303	GEN 12:4	Eme Abram e Wofuŋte mic reŋkehuc hata fuŋkerâ raha Loti e bâjâpeme mâmâc rapic. Abram e jara 75 bazuhuc Haraŋ mâreŋ behewec.
306	GEN 12:7	Dameŋ ira Kanaaŋ ŋic jaŋe hae mâreŋ irec rune jumbiŋ. Eme Wofuŋzi Abram fuacnerâ muwec: “Ɋâricfâcge jaŋe mâreŋ ʒi hâcne jarezokopac.” Eme Abram e Wofuŋzi fuacnerâ dâŋ âzâcnewecte ira alata moc bawec.
307	GEN 12:8	Eme mocwâc tiki mâreŋkopec feraku Bete hae ʒoaŋ wewefunao fisirâ ira qoruc boze‐jeŋic fârembiŋ. Bete hae ʒoaŋ huhunaopec ŋewec â Ai hae ine ʒoaŋ wewefunaopec ŋewec. Eme Abram e ira Wofuŋ alata moc bacnehuc numu wâwâsic ecnewec.
316	GEN 12:17	Eme Wofuŋzi Farao â wiacfâcne jaŋe Abram ŋonâŋ‐ticne Saraire erâ ʒâic guru fekicne bâfua‐jarewec.
323	GEN 13:4	Erâ mârâc jaha alata bawec ira hâcne Wofuŋte ʒâŋe riwaseckewec.
329	GEN 13:10	Eme Loti e ʒâŋe fime rame honewec: Jordaŋ mâreŋ i opâzi bâgunucke‐fârekicne, Wofuŋte jufu gie iŋucne, erâ Aigita mâreŋ iŋucne, domarâ raku Ʒoari fisikac hâcne. Wofuŋzi Sodom â Gomora hae mi bâsirowec‐jofawec dameŋ ira Jordaŋ mâreŋzi iŋuc hâcne fowec.
332	GEN 13:13	Sodom hae rune jaŋe ine Wofuŋte maio ŋic hehesicne juhuc sindaŋ fuŋne fuŋne ejumbieŋ.
333	GEN 13:14	Loti e Abram beherâ rame Wofuŋzi Abram ʒiŋuc âzâcnewec: “Go mâreŋ domakomecko qâhâŋnerâ ʒâŋe fitec mâreŋ faicpec â juwicpec erâ ʒoaŋ wewefunaopec â huhunaopec raoc.
337	GEN 13:18	Eme Abram e ju fofo raku Heboroŋ haeo Mamere ere boriŋ gie fowecko qoruc boze‐ticne fâreme fowec. Erâ ira ŋec juc ehuc Wofuŋte alata moc bawec.
354	GEN 14:17	Abram e Kedo‐Laome â ŋicwofuŋ âgofâcne jopa jâpec ejareku risehame Sodom ŋicwofuŋ e fahare Sawe Wâneŋ, ʒâŋene moc Ŋicwofuŋ Wâneŋ ira hâcne bâfuaocte rawec.
359	GEN 14:22	Mume Abramzi Sodom ŋicwofuŋ ʒiŋuc âzâcnewec: “Wofuŋ Anutu Femicne hâcne, sambâŋ â mâreŋ irec bâbâfua, erao musanaŋkekopac.
362	GEN 15:1	Eme irec faicnao Wofuŋzi Abram maŋko fuac ecnerâ ʒiŋuc âzâcnewec: “Abram, go mi hâwicguoc, maroge no hâcne, â furige i fekicne jâmbâŋ fuaocmu.”
363	GEN 15:2	Abramzi ine muwec: “Wofuŋ Anutu, go wemo wiac moc narecmurâ mukic? No ɋâric tâmiric mâc hahata juekopac, eme Elieʒe Damasko haeonec eki merâfâc‐nane rauckerâ bajuocmu.”
365	GEN 15:4	Iŋuc mume Wofuŋte dâŋ kecʒiŋuc fuacnewec: “Eki merâfâcge mi rauckezejec, aricne, gore bifuŋko fuaocmuzi merâfâge rauckeocmu.”
367	GEN 15:6	Mume Abramzi Wofuŋ manasiŋkeme irec erâ maname kiŋticne tarawec.
368	GEN 15:7	Erâ ʒiŋuc âzâcnewec: “Wofuŋ jukopac, noni hâcne mâreŋ ʒi garepemurâ Uru haeonec, Kaldea mâreŋkonec jowacgu warepo.”
369	GEN 15:8	Abram ine dâŋ ʒiŋuc bâtikiecnewec: “Wofuŋ Anutu, no mâreŋ ʒi rauckepemu i weniŋuc erâ sâcne mana ʒakiepemu?”
374	GEN 15:13	Ehame Wofuŋzi Abram ʒiŋuc âzâcnewec: “Go ʒiŋuc mana sanaŋkec: Ɋâricfâcge jaŋe mâreŋ moc, biŋe mi qajarekicne, ira jaba juniŋmu; ehuc mâreŋ rune jaŋe bomac‐jopapie kiŋaŋ qajarehuc juhapie jara 400 taraocmu.
379	GEN 15:18	Ʒoaŋ ira Wofuŋzi ʒiŋuc muhuc Abramhec ʒâʒâfic ewec: “Aigita mâreŋte opâonec fuŋkerâ raku Eufrata opâ sâkoo tarakac, mâreŋ i hâcne ɋâricfâcge jaŋe jarepemurâ mupaŋkekopac.
387	GEN 16:5	Iŋuc eme Saraizi Abram ʒiŋuc âzâcnewec: “Mimi fua‐narekac i gorao qacnezejec. Noni kiŋaŋ naru‐nane garehuc amecgao râepo, eme eki, kiwechec ekopac, iŋuc muhuc mana wahacnukac. Ŋondeŋ‐nâhecko dâŋ fuarâ fokac i Wofuŋ e jahac mutarazejec.”
388	GEN 16:6	Mume Abramzi Sarai dâŋ ʒiŋuc âzâcnewec: “Wiac kiŋaŋ naru e gore meo jukac, e iŋuc me iŋuc ecnezo murâ ecnec.” Eme Saraizi Haga qa bâtiŋ ecneme wiserâ rawec.
389	GEN 16:7	Rame Wofuŋte aŋelozi mâreŋ burocnao Suru hatamecko opâ ʒâŋe fokac ira bâfuawec,
391	GEN 16:9	Eme Wofuŋte aŋelozi‐âzâcnewec: “Go risierâ ŋokac bomboŋge rumecnehuc juzemec.”
392	GEN 16:10	Erâ Wofuŋte aŋelozi ʒuhuckerâ âzâcnewec: “No ɋâricfâcge basawec‐jopape mâretec sawe mâririackepie ʒare‐jeŋiczi wowosenere sâc jâuruocmu.”
393	GEN 16:11	Erâ Wofuŋte aŋelozi ʒiŋuc wâc âzâcnewec: “Manakic, go kiwechec jukomecte juku motec moc rocmu, ere ʒâŋe Isimae muzemec, Wofuŋ e ki mamakucge manajec irec.
395	GEN 16:13	Eme dâŋ âzâcnewec Wofuŋ ere ʒâŋe ʒiŋuc muwec: “Go fufua tâcne Anutu.” I ʒiŋucte muwec hâcne: No fua tâcne‐narewec eme no e hâcne ʒâŋitapo.
399	GEN 17:1	Abram e jara‐ticne 99 bazume Wofuŋzi fuacnerâ ʒiŋuc âzâcnewec: “No Anutu tâpiri rune, go nore maio bahacmâc juzemec.
426	GEN 18:1	Eme Abraham e guŋpitic eme qoruc boze‐ticnere motâcko ŋehame Wofuŋzi Mamere boriŋ gieo fuacnewec.
438	GEN 18:13	Eme Wofuŋzi Abraham ʒiŋuc wiocnerâ âzâcnewec: “Sara e wemocte ʒiŋuc muhuc gâwiekac: ‘No ŋokac qizec ekicnezi jâmbomac motec sâcne kiweckerâ ropemu?’
439	GEN 18:14	Wofuŋzi wiac irec me irec moc bâipieocmu me? No jara faicnao dameŋ ʒiŋucnea mocwâc gorao risie warepemu eme Sara e ŋokâhec juocmu.”
442	GEN 18:17	Rahuc Wofuŋ e maŋticnezi ʒiŋuc manawec:
444	GEN 18:19	No e kecʒiŋuc muhuc rowosâepo hâcne: E ɋâricfâcne â kikefuŋfâcne jaŋe Wofuŋ nore hata jowatuhuc tiŋne â mitine juniŋte jaza qâmoc ejarezejec. Iŋuc eme no Wofuŋzi Abraham wiac biŋe qacnepo irec fârine sâcne bâfuacnepemu.”
445	GEN 18:20	Erâ Wofuŋzi muwec: “Sodom â Gomora haeonec ŋic jaŋere sâqocne i ŋemâcne jâmbâŋ fokacte jaŋere erâ mu owa sâko fuakac.
447	GEN 18:22	Eme ŋic jajahec jahe irecnec faharerâ Sodom haeopec rahapire Wofuŋzi ine Abrahamhec ʒuhuckerâ domawec.
448	GEN 18:23	Eme Abraham e Wofuŋte maŋfuŋko ra domahuc muwec: “Go jâmbomac ŋic biaŋne â sâqocne mâmâc bâsirowec‐jopazo mukomec me?
451	GEN 18:26	Eme Wofuŋzi muwec: “No Sodom haeo ŋic tiŋne 50 bâfuac‐jopapemuo ine jaŋere erâ gâcne sâko wâc hone akic ejarepemu.”
452	GEN 18:27	Eme Abrahamzi âzâcnerâ muwec: “No gâc wândoc â ʒafe iŋucnezi sifu ropaŋ erâ Wofuŋ‐nane go dâŋ gazakopac.
455	GEN 18:30	Eme Abrahamzi muwec: “No dâŋ ʒuhuckerâ mupe Wofuŋ‐nane go sifu mana‐naretec mi sâqoreoc: Ŋic 30 sawa bâfuac‐jopacmu mecne.” Eki muwec: “No 30 bâfuac‐joparâ mi epemu.”
456	GEN 18:31	Eme Abrahamzi muwec: “No Wofuŋ‐nane gohec muc manac ezore ropaŋ epac, ŋic 20 sawa ira bâfuac‐jopacmu mecne.” Wofuŋzi muwec: “No 20 jaŋere erâ hae i mi bâsirowepemu.”
457	GEN 18:32	Eme Abrahamzi muwec: “O Wofuŋ‐nane, no arec mocjaha sawa mac ʒuhuckerâ mupe sifu mi mana sâqore‐narezemec: Ŋic 10 sawa bâfuac‐jopa wiac moc etec!” Eki muwec: “No 10 jaŋere erâ hae i ima mi bapemu.”
458	GEN 18:33	Wofuŋ e Abrahamhec dâŋ iŋuc mutararâ rawec. Eme Abrahamzi hae‐ticnao risiewec.
471	GEN 19:13	Nâhe hae ʒi ima bazo ekoperec. Hae ʒirec ŋic jaŋere erâ mu owa sâko Wofuŋtao fuawec, irec Wofuŋzi hae ʒi ima banacte sorec‐nâfome wareperec.”
472	GEN 19:14	Eme Loti e ra otâ jahec‐ticne jahere ŋicbiŋe ʒiŋuc jasawec: “Ajoc, fahare wiserâ ranic! Wofuŋzi hae ʒi ima bazo ekac.” Jahe ine manapire ʒoraŋ ekac tinac ewec.
474	GEN 19:16	Eme e bititiehuc domame aŋelo jahe Wofuŋzi akickeocte muwecte e â ŋonâŋ‐ticne â otâ jahec‐ticne mejeŋicko rocjoparâ haeonec jowac‐jopa hurâ hae mendâŋnao râec‐jopahuc
482	GEN 19:24	Eme Wofuŋzi mume Sodom â Gomora haeo ʒoc hoe kâmbâc iŋucne sambâŋkonec waharâ
485	GEN 19:27	Eme hae fureme Abraham e Wofuŋte maŋfuŋko domawec hae mâreŋ ira rarâ