16	GEN 1:16	Anutuzi iŋuc ehuc ʒoctamac sâko jajahec bâfuac‐jofawec, kâcɋene moc e ʒoaŋko micne barâ juocte â kâkâcɋene moc e ŋafeo micne barâ juocte. Erâ wâc bâpiŋ mâmâc bâfuac‐jopawec.
38	GEN 2:7	Eme Wofuŋ Anutu e mâreŋzi ŋic moc basarickehuc sâkenao juju mâro ficneme hume ŋic e nokafe herâ ɋârewec.
41	GEN 2:10	Opâ kâcɋene moc e ine Edeŋ jufu gieonec wefurâ bâbâgunuc gie baku gieonec waha fâuckeme sohocne 4 ewec.
71	GEN 3:15	Erâ go â ŋokac ŋoherao kikisâ sanaŋ râekopac, izi ɋâricge â ɋâric‐ticne jaherao wâc fozejec. Eme eki qizecge âtenʒaŋneocmu, goki ine kike kiririŋne kinʒaŋnecmu.”
77	GEN 3:21	Eme Wofuŋ Anutu e qowi sahaczi ŋaqi ɋâtârâ ŋic ŋokac hejacteme hume rojupic.
82	GEN 4:2	Eme ʒuhuckerâ ɋaticne Abe rowec. E sokarâ noniŋ â lama jaŋere hone soŋaŋ gie bawec. Kaiŋ e ine hesarac ŋic erâ juwec.
88	GEN 4:8	Eme Kaiŋzi ɋaticne Abe âzâcne muwec: “Nâhâc gieo ranac.” Mume gieo ra jupic, ehuc Kaiŋzi fahare ɋaticne Abe qarâ qâhâmowec.
89	GEN 4:9	Eme Wofuŋzi Kaiŋ ʒiŋuc wiocnewec: “Ɋage Abe wena jukac?” Eki muwec: “Mi manakopac, no ɋananere soŋaŋ me?”
91	GEN 4:11	Irec sâwec faigao fekac, ehuc mâreŋ, micne aŋkehuc ɋagere soc megaonec rorâ nâjec, mâreŋ izi jâpecgukac.
101	GEN 4:21	Jabali ɋaticnere ʒâŋe ine Jubali. E gita â mimi ŋokac irec fufuŋke ŋic ewec.
107	GEN 5:1	Kecʒi Adamte ɋâricfâc jaŋere ʒâŋe biri papia: Anutuzi Adam bâfuawec dameŋ ira e jahacne hawarire sâcko hâcne bâfuawec.
195	GEN 8:11	Eme hapâzi owâcne erao risiehuc mi oliwa rehacne ɋâricne barezejec i! Iŋuc eme Noazi fuŋne ʒiŋuc manawec: Opâ fâre wahame mâreŋ fua rakac.
205	GEN 8:21	Eme Wofuŋzi bâbâmiriŋte âsu manahuc maŋticnao ʒiŋuc muwec: “No mâreŋko wiac jujuhec i ŋicte ehuc mocwâc mi sâweckezepac. Ŋic jaŋe ɋieonecteaŋ maŋjeŋiczi mamanasu gie repicne baraʒihuc juniŋmu, no ine sifu ŋicte erâ wiac jujuhec mocwâc mi bâsirowepemu.
215	GEN 9:9	“No ʒi ŋoŋe â ɋâricfâc‐ŋeŋic ŋoŋehec ʒâʒâfic sanaŋ ekopac,
229	GEN 9:23	Eme Sem â Jafete jahe ŋaqi moc rorâ ɋawe‐jekicko râehuc rârâpe bozeo raʒirâ mamac‐jekic biuctac fohame mi honehuc qofackepic.
230	GEN 9:24	Eme Noa e waiŋzi qame guŋ sanaŋ foweckonec ɋârerâ motec‐ticnezi wiac kosa ecnewec irec dâŋ manarâ ʒiŋuc muwec:
233	GEN 9:27	Erâ ʒuhuckerâ muwec: “Anutuzi Jafete bafickeme sawe mâririackezejec, ehame ɋâricfâc‐ticne jaŋe Semte ɋâricfâc jaŋehec ŋeŋe juju enʒepieŋ, â Kanaaŋ e ine kiŋaŋ qaqa‐ticne ezejec.”
236	GEN 10:1	Noa ŋokâfâcne jaŋere ɋâricfâc jaŋere ʒâŋe biri ʒine hâcne: Sem, Ham â Jafete jaŋe rumi sâkozi omaewec irec faicnao ŋokâ fua‐jarembiŋ.
240	GEN 10:5	Jaŋeraonec guru gâcne gâcne fua rambiŋ, mâreŋ‐jeŋic sâc â dâŋjeŋic sâc â kikefuŋ guru‐jeŋic sâc, jaŋe Jafetere ɋâricfâc hâcne.
244	GEN 10:9	Nimorodi e Wofuŋte maio wosaŋeŋ bapa kâcɋene juwec, irec ŋic jaŋe ere qâqiŋ qahuc ʒiŋuc mujumbieŋ: “Wofuŋte maio wosaŋeŋ bapa kâcɋene, Nimorodi ere sâcko.”
248	GEN 10:13	Â Miziraim ere ɋâricfâc guru sâc ʒâŋe‐jeŋic ʒiŋuc: Ludi, Anami, Lehabi, Nafituhi,
253	GEN 10:18	â Arawadi, Semari â Hamati, guru iŋuc fua rambiŋ. Eme faicnao Kanaaŋ ere ɋâricfâc jaŋe râwiŋnehuc qaratierâ jurambiŋ.
255	GEN 10:20	Hamte ɋâricfâc jaŋe iŋuc, guru‐jeŋic sâc â dâŋjeŋic sâc erâ mâreŋ‐jeŋic sâc biric‐jopa wahakicne.
256	GEN 10:21	Jafete hahac‐ticne Sem, Ebere ere ɋâricfâc jaŋere mamac fuŋfuŋ, ere ŋokâfâc wâc fuambiŋ.
266	GEN 10:31	Semte ɋâricfâc ine hâcne, guru‐jeŋic sâc â dâŋjeŋic sâc erâ mâreŋ‐jeŋic sâc biric‐jopa wahakicne.
267	GEN 10:32	Noa ŋokâfâc‐ticne jaŋere ɋâricfâc iŋuc, kikefuŋ gurune gurune fuambiŋ sâc râec‐jopa wahakicne. Rumi sâko fisiwec irec faicnao jaŋeraonec hâcne mâreŋŋic gurune gurune fua warembiŋ.
277	GEN 11:10	Kecʒi Semte ɋâricfâc jaŋere ʒâŋe biri: Sem e jara 100 bazume ere bifuŋko Arapakisa fuawec, ine rumi sâko omaewec irec faicnao jara 2 tarame fuacnewec.
294	GEN 11:27	Kecʒi Tera ere ɋâricfâc jaŋere ʒâŋe: Tera ere bifuŋko Abram, Naho â Haraŋ fuambiŋ. Haraŋ ere bifuŋko ine Loti fuawec.
301	GEN 12:2	Eme no jambuŋgupe ɋâricfâcge fua sawec epie gore ʒâŋe biŋezi haŋ bazejec. Eme go jambuŋte qizec ezemec.
334	GEN 13:15	Mâreŋ honekic sasawa i go â ɋâricfâcge fofo sanaŋ foŋareocte biŋe qaŋarekopac.
335	GEN 13:16	Â ɋâricfâcge basawec‐jopape sawe mâririackepie ʒare‐jeŋic mâreŋko rufe fokac irec sâc eocmu. Eme rufe wowosene mi ekac, wowosene ezacko ine ɋâricfâcge wowosec‐jopane jaha ezac.
360	GEN 14:23	No qoruc ɋâɋâtâ muc me kikehuhu bâmbândeŋ me wiac piticne i me i goraonec mi ropemu; go ʒiŋuc muzicte: Noni Abram mafa qâmiecnepo.
363	GEN 15:2	Abramzi ine muwec: “Wofuŋ Anutu, go wemo wiac moc narecmurâ mukic? No ɋâric tâmiric mâc hahata juekopac, eme Elieʒe Damasko haeonec eki merâfâc‐nane rauckerâ bajuocmu.”
364	GEN 15:3	Erâ ʒuhuckerâ muwec: “Manakic, go ɋâric moc mi tahacnumeŋ, irec juku kiŋaŋ qaqa‐nanezi merâfâc‐nane rauckeocmu hâcne.”
373	GEN 15:12	Eme ʒoaŋ huzo eha Abram e guŋ qâŋɋâŋ foha hâhâwic â duŋdapâczi foŋkewec.
375	GEN 15:14	Â kiŋaŋ qajareniŋmu ŋicguru i jaŋe ine noni okacne bazu‐jarepemu, eme ɋâricfâcge jaŋe mafa mâririhec waha raniŋmu.
379	GEN 15:18	Ʒoaŋ ira Wofuŋzi ʒiŋuc muhuc Abramhec ʒâʒâfic ewec: “Aigita mâreŋte opâonec fuŋkerâ raku Eufrata opâ sâkoo tarakac, mâreŋ i hâcne ɋâricfâcge jaŋe jarepemurâ mupaŋkekopac.
392	GEN 16:10	Erâ Wofuŋte aŋelozi ʒuhuckerâ âzâcnewec: “No ɋâricfâcge basawec‐jopape mâretec sawe mâririackepie ʒare‐jeŋiczi wowosenere sâc jâuruocmu.”
394	GEN 16:12	Eki doŋgi momori wânʒâŋ iŋucne erâ juocmu, ehuc ŋic sasawa râsi ejareha jaŋe wâc râsi jaha ecne‐fâreniŋmu, eme ɋafâcne jaŋere maio ŋec juc ehuc qâhuc‐jopaocmu.”
405	GEN 17:7	Eme no go â ɋâricfâcge ŋoŋere Anutu jupemurâ ʒâʒâfic‐nane basanaŋkepe go â apa ŋiric ŋurucfâcge mimiŋzi ɋâric ŋondeŋ‐nâŋecko tatara tâmiric forahuc juocmu sanaŋ.
406	GEN 17:8	Ehame mâreŋ jaba jukomec, Kanaaŋ mâreŋ sâko hâcne, i go â ɋâricfâcge ŋoŋe ro rauc epie fosanaŋke‐ŋareocte ŋarepemu, ehuc Anutu‐ŋeŋic erâ jupemu.”
407	GEN 17:9	Erâ Anutuzi Abraham ʒiŋuc wâc âzâcnewec: “Goki ine ʒâʒâfic‐nane paŋnea soŋaŋkehuc bajuzemec, go â ɋâricfâcge mimiŋzi ɋâric mâmâc.
408	GEN 17:10	Go â ɋâricfâcge ŋoŋe ʒâʒâfic‐nane fokac i aimuŋ soŋaŋkeniŋte mukopac ine ʒiŋucte: Ŋoŋerao ŋic juŋgopieŋ jaŋe mâmâc sasawa sahac tofa‐jeŋicko ma bajarezo.
417	GEN 17:19	Anutuzi ine muwec: “Misac, ŋonâŋge Sara eki ŋokâ moc roocmu, ere ʒâŋe Isaka muzemec. Eme noni ehec ʒâʒâfic sanaŋ epe ʒâʒâfic izi ɋâricfâc‐ticne jaŋehec fofehuc juzejec.
418	GEN 17:20	Â Isimaere wâc biac mana‐garekopac. Manakic, no e jambuŋkehuc ecnepe ɋâricfâcne fuarâ sawe mâririackenʒepieŋ. Ere bifuŋko ŋic fekicne 12 fuaniŋmu, erâ manacnepe ŋicguru sâko erâ juocmu.
444	GEN 18:19	No e kecʒiŋuc muhuc rowosâepo hâcne: E ɋâricfâcne â kikefuŋfâcne jaŋe Wofuŋ nore hata jowatuhuc tiŋne â mitine juniŋte jaza qâmoc ejarezejec. Iŋuc eme no Wofuŋzi Abraham wiac biŋe qacnepo irec fârine sâcne bâfuacnepemu.”
469	GEN 19:11	Eme ŋic kâcɋene â piticne fic orâŋkembiŋ jaŋe ine tiŋtuŋ bacjopapire motâc basambiŋ.
490	GEN 19:32	Ajoc, nâhâc mamac‐nâhec ecnepere waiŋ opâ nârâ maŋne sifuckeme ehec fonac, eraonec ɋâric fua‐nâcteocte.”
492	GEN 19:34	Ʒoaŋ faicnao mârâc otâzi qoticne ʒiŋuc âzâcnewec: “Manakic, no jacne ŋafeo mamac‐nanehec fopac, nâhâc miŋecgac ŋafeo iŋuc jaha waiŋ opâ gumepere maŋne sifuckeme goki ferâ ehec fozemec, nâhâc mamac‐nâhec eraonec ɋâric fua‐nâcteocte.”
501	GEN 20:5	Abraham e ʒiŋuc nazajec: E seŋnane. Â ŋokaczi wâc mujec: Eki seŋnane. Irec no wiac epac, i maŋɋaɋaoko epac, â menane i wâc bahacmâc.”
502	GEN 20:6	Eme Anutuzi guŋko ʒiŋuc âzâcnewec: “Go wiac i maŋɋaɋacko emec, i no wâc manakopac, erâ noni hâcne e bâuazicte aka hegarehuc sabecguhape nore maio mi sâqoremec.
514	GEN 20:18	Irec Abraham e Anutu numucneme Anutuzi Abimelec â ŋonâŋ‐ticne erâ kiŋaŋ ŋokacfâcne jaŋe mocwâc ɋâric bâfuac‐jopaniŋte bâpiaŋ‐jopawec.
526	GEN 21:12	Anutuzi ine Abraham ʒiŋuc âzâcnewec: “Go motec â kiŋaŋ ŋokacge jahere busâqoc mi manac. Sarazi dâŋ gazakac i reŋkezemec. Isakare ɋâricfâc jaŋe sawa gore ʒâŋe biŋe rauckeniŋmu.
527	GEN 21:13	Eme kiŋaŋ ŋokacte ŋokâ e gore ɋâric ekacte iŋuc jaha ecnepe ɋâricfâcne jaŋe ŋicguru sâko eniŋmu.”
530	GEN 21:16	Erâ tepe moc qâtâcnepene raekac irec sâc rarâ taicko ŋewec. Ʒiŋuc muhuc ewec: “No motec hâmorâ foha wemocko honepemu.” Iŋuc murâ motec fowec ocniŋucnao ŋehame moteczi ki kâcɋene kiowec.
532	GEN 21:18	Irec fahare motec menao sanaŋne bazemec; noni ecnepe ɋâricfâcne jaŋe ŋicguru sâko eniŋmu.”
534	GEN 21:20	Eme Anutuzi motec hone soŋaŋ ecnehame sokawec. Erâ mâreŋ burocnao wosaŋeŋ gie bapa kâcɋene juwec.
537	GEN 21:23	Irec go no â ɋâricfâc‐nane erâ jaŋere ɋâricfâc burec eatuc moc mi enârecmurâ mupaŋke‐narezemec. Noni âgo egare warehuc jupo iŋuc jaha goki no â mâreŋ jaba jukomec irec ŋic nâŋe âgo enârezemec.”
555	GEN 22:7	Eme Isakazi mamac‐ticne Abraham âzâcnewec: “Mamac!” Eme muwec: “Ŋokâ‐nane, no ʒi.” Eki muwec: “Ʒoc ʒakicne â ɋâricne i bajukoperec, â bâzi rikenacmu irec lama ine weni?”
565	GEN 22:17	irec noni fehuc jambuŋgupemu, erâ ɋâricfâcge basawec‐jopakupe sambâŋko bâpiŋ ŋeraŋgopieŋ â hâwecmecko moŋgeŋ forakac irec sâc enʒepieŋ. Erâ ɋâricfâcge jaŋe râsifâc‐jeŋic jaŋere fic hae rauckenʒepieŋ.
566	GEN 22:18	Â ɋâricfâcge jaŋeraonec jambuŋzi mâreŋ sâc ŋicne ŋicne jaŋerao fotâcnezejec, ine goki dâŋnane reŋkemec irec furine iŋuc fuazejec.”
568	GEN 22:20	Wiac i tara‐fâreha Abrahamtao biŋedâŋ ʒiŋuc fuawec: Milika â ɋage Naho jahere ŋokâfâc fuambiŋ wâc:
569	GEN 22:21	Bâbâni ŋokâ Uzi â ɋaticne Buʒi erâ Kemuele, e ine Aramte mamac.
571	GEN 22:23	Betuele ere bifuŋko ine Rebeka fuawec. Ŋokâ 8 i jaŋe Abraham ɋaticne Naho ere ŋonâŋ Milikazi rocjopawec.
575	GEN 23:3	Eme Abraham e Sarare ki mamakuc eocte bozeo raʒiwec. Ki mamakuc eku qâŋɋâŋ foweckonec faharerâ Hitiŋic jaŋe ʒiŋuc jazawec:
576	GEN 23:4	“No ŋoŋerao jaba â mafa sawa juekopac, irec ŋoŋe mâreŋ mac moc ʒâŋeruŋte biŋe qikiŋne‐narepie qâŋɋâŋ‐nane mai‐naneonec bârârierâ duckezepac.”
578	GEN 23:6	“Ŋicbomboŋ, gazapene manac: Go ŋondeŋ‐nâŋecko Anuture ŋic fekicne iŋucne jukomec, irec qâŋɋâŋge nâŋere ʒâŋeruŋ basarickekicne mocko duckec. Nâŋeraonec moczi qâŋɋâŋge duckecmurâ ʒâŋeruŋ‐ticne moc mi sakare‐gareocmu.”
580	GEN 23:8	ʒiŋuc jazawec: “Ŋoŋe qâŋɋâŋ‐nane mai‐naneonec bârârierâ ʒira duckepere mana‐nareŋgopieŋko mupe mananiŋ: Ŋoŋe Zoharire ŋokâ Eferoŋ,
583	GEN 23:11	“Ŋicbomboŋ, iŋuc misac, mupe manac: Gie i mâc qikiŋne‐garekopac erâ gieo hawec fokac i mâmâc tahacgukopac, âgofâc‐nane mâmâc manahapie qikiŋne‐garekopac hâcne, irec qâŋɋâŋge duckec.”
585	GEN 23:13	“I sâcne, erâ sifu mac moc mana‐narenʒaŋ! No mâreŋte furine garepe rozemec, eme qâŋɋâŋ‐nane ira duckezepac.”
587	GEN 23:15	“Ŋicbomboŋ, go mupe manac: Mâreŋ tofane mac moc irec furine siliwa moneŋ 100 ekac, erâ dâŋ wemocte boc munacmu. Go sifu qâŋɋâŋge duckec.”
607	GEN 24:15	Dâŋ i mi mutarahame izia Rebeka opâ kiruŋ‐ticne hâporâ warewec. Rebeka e Milika ŋokâ‐ticne Betuele ere otâ fuarâ juwec, Milika e ine Abraham ɋaticne Nahore ŋonâŋ.
640	GEN 24:48	erâ daperâ Wofuŋ, bomboŋ‐nane Abraham ere Anutu hâcne, e numucnehuc muteŋkepac. Eki hâcne bomboŋ‐nane ɋaticnere otâ Abraham ŋokâ‐ticnere ŋonâŋ ropemurâ hata biaŋnao jowacnuwec.
652	GEN 24:60	Rebeka mu jambuŋ ecnehuc ʒiŋuc âzâcnembiŋ: “O seŋnâŋec, go ŋic tauseŋne tauseŋne jaŋere neŋgoc ezemec erâ ɋâricfâcge jaŋe râsifâc‐jeŋic jaŋere fic hae rauckenʒepieŋ.”
663	GEN 25:4	Midiaŋ ŋokâfâcne ine ʒiŋuc: Efa, Efere, Hanoki, Abida â Elda, ŋic i jaŋe sasawa Ketura ere ɋâricfâc hâcne.
685	GEN 25:26	Izi ɋaticne fuawec, e meticnezi Esau kike kiririŋnao bahuc fuawecte ʒâŋene Jakobo mumbiŋ. Isaka e jara‐ticne 60 eha ŋokâ jahec‐ticne fuapic.
687	GEN 25:28	Isaka e kâte qowire boc aŋackewecte maŋticne Esaure kâcɋene domawec, Rebeka e ine Jakobore maname joroc biaŋ‐ticne ewec.
696	GEN 26:3	Mâreŋ ira jaba juhaŋtec no gohec juhuc jambuŋgupemu. Mâreŋ i sasawa go â ɋâricfâcge ŋarepemu hâcne, ehuc mamacge Abraham mumupaŋ dâŋ âzâcnepo i fârio qazejec.
697	GEN 26:4	Ɋâricfâcge jaŋe mana‐jarepe fua sawec epie ʒare‐jeŋic sambâŋko bâpiŋ ŋeraŋgopieŋ irec sâc ezejec, â ɋâricfâcge jaŋere jambuŋzi mâreŋ sâc ŋicne ŋicne sâcjopa‐fârezejec.
715	GEN 26:22	Iŋuc epie mâreŋ i beherâ opâ nombâŋ moc rowec, opâ irec erâ ine dâŋ mi fuawec, irec ʒâŋe i kecʒiŋuc muhuc “Sawa sâko” muwec: Wofuŋ e mâreŋ ʒira sawe mâririackenaŋte mâreŋ kâcɋene nârewec.
717	GEN 26:24	Eme Wofuŋ e ŋafeo fuacnerâ muwec: “No mamacge Abraham ere Anutu, go mi hâwicguoc, no gohec jukopac hâcne. No jambuŋgupemu erâ ɋâricfâcge jaŋe kiŋaŋŋic‐nane Abraham ere erâ basawec‐jopapemu.”
757	GEN 27:29	Ŋicne ŋicne jaŋe kiŋaŋ qagarenʒepieŋ â ŋic gurune gurune jaŋe gorao dapenʒepieŋ! Go hahac ɋafâcge ŋicbomboŋ ejarezemec eme neŋgocgere ɋâricfâc jaŋe gorao dapenʒepieŋ! Go sâwecguniŋmu jaŋe sâwec‐jopazo, â go jambuŋguniŋmu jaŋe jambuŋ‐jopazo!”
766	GEN 27:38	Eme Esauzi mamac‐ticne âzâcnewec: “Mamac‐nane, jambuŋge mocjaha mac sawa fogarejec me? O mamac‐nane, no sifu jambuŋnuzemec wâc!” Eme Isaka e dâŋemâc ŋeha Esauzi ki owa kâcɋene ewec.
768	GEN 27:40	Go ʒikagezi nânâ bâfua‐garezejec, eme ɋage kiŋaŋ qacnezemec. Ehame ʒiŋuc fuaocmu: Go sanaŋkerâ ʒoɋac ecmuo ine tagi‐ticne upegaonec hetaracmu.”
769	GEN 27:41	Esau eki ine mamac‐ticnezi Jakobo jambuŋkewec jambuŋ irec erâ Jakobo aaric manacnewec. Ehuc maŋnezi ʒiŋuc manasuwec: Mamac‐nanere ki mamakuc ee dameŋne bembeŋkekac, irec faicnao ɋanane Jakobo qâhâmozepac.
778	GEN 28:4	Eme eki go â ɋâricfâcge ŋoŋe mâmâc Abrahamte jambuŋ tahac‐ŋopaocmu, ehame Anutuzi Abraham mâreŋ râcnewec jaba jukomec hâcne i sâcne rauckecmu.”
787	GEN 28:13	Ehame Wofuŋ e ututuŋ fuarâ riri botâŋnao domahuc ʒiŋuc âzâcnewec: “No Wofuŋ, mamac ŋosa jahecge Abraham â Isaka jahere Anutu, mâreŋ fokic i go â ɋâricfâcge ŋarezokopac.
788	GEN 28:14	Â ɋâricfâcge jaŋe fua sawec eku mâreŋko rufe fokac irec sâc enʒepieŋ. Eme go mâreŋ ŋifec â ŋifec faic â juwic ira soka ŋeratiec ezemec. Erâ wâc go â ɋaricfâcge ŋoŋere erâ mâreŋ sâc ŋic jaŋe jambuŋ hotâckenʒepieŋ.
790	GEN 28:16	Eme Jakobo e guŋkonec ɋârerâ muwec, “Wofuŋzi mâreŋ kecʒira jujâmbâŋkekac, no mâc fokac muhape.”
803	GEN 29:7	Eki muwec: “Hâc, ʒoaŋ ɋaɋacko lama bulimakao haeo râec‐jopaniŋte dameŋ biac mi maickekac i. Irec motecne sawa opâ gumec‐joparâ mâc râec‐jopapie nânâ nâhuc juniŋ.”
826	GEN 29:30	Eme Jakobo e Rahe ehec fowec wâc. Eme maŋticne Rahere kâcɋene domaha Leare afecne ecnewec. Ehame jara 7 ʒuhuckerâ Labaŋte kiŋaŋ qahuc juwec.
858	GEN 30:27	Eme Labaŋzi âzâcnerâ muwec: “Wiac mocjahare sawa mupe mana‐narenʒaŋ. No ɋâsâi qahuc ʒiŋuc mana tarapo: Wofuŋ e gore erâ ehâmo‐narewec.”