60	GEN 3:4	Eme homazi ŋokac âzâcnewec: “Aricne, ŋohe mi hâmonicmu.
270	GEN 11:3	Erâ kecʒiŋuc muc manac embiŋ: “Ajoc, nâŋâc afe qâhâckerâ ʒocko rikepene sanaŋkeoc.” Eme afe sanaŋkekicne izi fic bapa qânâ ejarewec â mâreŋ maŋkonec sâfâ izi simeŋ ejarewec.
271	GEN 11:4	Eme mumbiŋ: “Ajoc, nâŋâc hae sâko moc barâ ficʒora moc feŋgaŋne feŋgaŋne râe fekupene botâŋnezi sambâŋ âke uazejec. Eme ʒâŋe biŋehec erâ siŋsaŋ qahuc mâreŋne mâreŋne mi ranʒepeneŋ.”
273	GEN 11:6	Erâ muwec: “Jâmbomac, jaŋe ŋicguru mocjaha â dâŋmarac‐jeŋic wâc mocjaha, erâ gie baniŋte mu biric embieŋ i mâc fufuŋkene sawa. Efehuc fârine quŋquŋke tâmiric bâfuaniŋmu.
310	GEN 12:11	Eme Aigita mâreŋ bâqiŋkezo ehuc ŋonâŋ‐ticne Sarai ʒiŋuc âzâcnewec: “Manakic, go ŋokac sahac hawarige biaŋne i kâuc mi bakopac.
362	GEN 15:1	Eme irec faicnao Wofuŋzi Abram maŋko fuac ecnerâ ʒiŋuc âzâcnewec: “Abram, go mi hâwicguoc, maroge no hâcne, â furige i fekicne jâmbâŋ fuaocmu.”
364	GEN 15:3	Erâ ʒuhuckerâ muwec: “Manakic, go ɋâric moc mi tahacnumeŋ, irec juku kiŋaŋ qaqa‐nanezi merâfâc‐nane rauckeocmu hâcne.”
384	GEN 16:2	Eme Saraizi Abram ʒiŋuc âzâcnewec: “Manakic, Anutuzi kogoc fufua irec mâsi sakare‐narewecte go kiŋaŋ naru‐nanehec juhaŋtec eraonec motec moc sâcne fua‐nareocmu mecne.” Mume Abramzi Saraire dâŋ reŋkewec.
390	GEN 16:8	bâfuarâ ʒiŋuc muhuc wiocnewec: “Haga, Saraire kiŋaŋ naru, go wenirec warekic erâ wena rakomec?” Eki muwec: “No ŋokac bomboŋ‐nane Sarai wisecnekopac.”
393	GEN 16:11	Erâ Wofuŋte aŋelozi ʒiŋuc wâc âzâcnewec: “Manakic, go kiwechec jukomecte juku motec moc rocmu, ere ʒâŋe Isimae muzemec, Wofuŋ e ki mamakucge manajec irec.
402	GEN 17:4	“Manakic, no gohec ʒâʒâfic‐nane ekopac i ʒiŋucte: Go ŋic gurune gurune jaŋere mamac erâ juzemec,
417	GEN 17:19	Anutuzi ine muwec: “Misac, ŋonâŋge Sara eki ŋokâ moc roocmu, ere ʒâŋe Isaka muzemec. Eme noni ehec ʒâʒâfic sanaŋ epe ʒâʒâfic izi ɋâricfâc‐ticne jaŋehec fofehuc juzejec.
430	GEN 18:5	Ehame no nahac ine ra poroŋ mac moc roŋarepe nâqiŋnerâ razo murâ ranʒepieŋ. Kiŋaŋ qaqa‐ŋeŋic norao mac fisiŋgopieŋte weniŋuc qâoma ezo!” Mume mumbiŋ: “Sâcne, mukomec iŋuc ec.”
431	GEN 18:6	Eme Abraham e biac qoruc bozeo ferâ Sara âzâcnewec: “Ajoc, go poroŋ uucne fifia râqâc jahec â moc fiarâ bâsifuckerâ poroŋ rikec.”
440	GEN 18:15	Eme Sara e hâwickeme mickehuc muwec: “No mi gâwiepac.” Eki ine muwec: “Aricne, go gâwiemec.”
460	GEN 19:2	“Ŋicbomboŋ jahec‐nane, ŋohe miŋecgac ŋafeo kiŋaŋ qaqa‐ŋekic nore ficko ferâ kike‐ŋekic ʒurerâ ŋec foc enic. Tomâcko furicte ine sâcne faharerâ hata ʒuhuckerâ razepirec.” Jahe mupic: “Aricne, nâhe ŋafe ʒi hae ʒoŋao fonacmu.”
472	GEN 19:14	Eme Loti e ra otâ jahec‐ticne jahere ŋicbiŋe ʒiŋuc jasawec: “Ajoc, fahare wiserâ ranic! Wofuŋzi hae ʒi ima bazo ekac.” Jahe ine manapire ʒoraŋ ekac tinac ewec.
475	GEN 19:17	moczi ʒiŋuc âzâcnewec: “Ajoc, go mâmâc sipirickezicte wiserâ razemec! Erâ forisie mi fizemec â Jordaŋ wâneŋko ŋec domac wâc mi ezemec! Sipirickezicte tikio wiserâ fezemec!”
492	GEN 19:34	Ʒoaŋ faicnao mârâc otâzi qoticne ʒiŋuc âzâcnewec: “Manakic, no jacne ŋafeo mamac‐nanehec fopac, nâhâc miŋecgac ŋafeo iŋuc jaha waiŋ opâ gumepere maŋne sifuckeme goki ferâ ehec fozemec, nâhâc mamac‐nâhec eraonec ɋâric fua‐nâcteocte.”
500	GEN 20:4	Abimelec eki ine ehec moc mi juwecte ʒiŋuc muwec: “Wofuŋ, go ŋicguru tiŋne nâŋe sipiric‐nâpozo mukomec me?
511	GEN 20:15	Erâ Abraham ʒiŋuc âzâcnewec: “Manakic, mâreŋ‐nane ʒi maigao forakac, go ira me ira ŋec juc ezo murâ ezemec.”
512	GEN 20:16	Erâ wâc Sara ʒiŋuc âzâcnewec: “Manakic, wiacfâcge jaŋe mana wahacgunʒipiŋte â jaŋere maio mimi gaŋgaŋhec juzicte no seŋge siliwa dâkâne wâŋ tauseŋ râcnekopac.”
531	GEN 21:17	Eme Anutuzi motecte ki owa manawec; ehame Anuture aŋelozi sambâŋkonec Haga wiracnerâ muwec: “Haga, go weniŋuc egarekac? Mi hâwicguoc. Anutu e motecte ki owa manakac.
559	GEN 22:11	Ehame ine Wofuŋte aŋelozi sambâŋkonec wiracnehuc muwec: “Abraham, Abraham!” Eme muwec: “No ʒi.”
578	GEN 23:6	“Ŋicbomboŋ, gazapene manac: Go ŋondeŋ‐nâŋecko Anuture ŋic fekicne iŋucne jukomec, irec qâŋɋâŋge nâŋere ʒâŋeruŋ basarickekicne mocko duckec. Nâŋeraonec moczi qâŋɋâŋge duckecmurâ ʒâŋeruŋ‐ticne moc mi sakare‐gareocmu.”
583	GEN 23:11	“Ŋicbomboŋ, iŋuc misac, mupe manac: Gie i mâc qikiŋne‐garekopac erâ gieo hawec fokac i mâmâc tahacgukopac, âgofâc‐nane mâmâc manahapie qikiŋne‐garekopac hâcne, irec qâŋɋâŋge duckec.”
587	GEN 23:15	“Ŋicbomboŋ, go mupe manac: Mâreŋ tofane mac moc irec furine siliwa moneŋ 100 ekac, erâ dâŋ wemocte boc munacmu. Go sifu qâŋɋâŋge duckec.”
636	GEN 24:44	ʒiŋuc bâtikierâ nazaocmu: “Nâc, eha kamelefâcge iŋuc jaha fia‐jarepe nânʒepieŋ.” Iŋuc mume ere mupemu: Wofuŋzi bomboŋ‐nanere ŋokac biŋe bâwosâewec hâcne.’
691	GEN 25:32	Mume Esauzi dâŋ ʒiŋuc bâtikiecnewec: “Manakic, no hâmopemu irec bucne, irec mârâc fufuare wiac biŋe qanarekicne izi wemocko moc baficnuocmu.”
702	GEN 26:9	Honerâ Isaka hefâreme fisime âzâcnewec: “E ŋonâŋge i! Fuŋne weniŋucte ‘E seŋnane’ mumec?” Isakazi muwec: “Jâmbomac, no ere erâ nupie hâmozipore hâwicnume mupo.”
730	GEN 27:2	Mume muwec: “Manakic, no biac ŋicqizec ekopac, ehuc hâmoc dameŋ‐nane mi manakopac.
734	GEN 27:6	Ehame Rebekazi ŋokâ‐ticne Jakobo ʒiŋuc âzâcnewec: “Manakic, no mamacgezi hahacge Esau ʒiŋuc âzâcneme manapac:
739	GEN 27:11	Jakobo e ine neŋgoc‐ticne Rebeka ʒiŋuc âzâcnewec: “Manakic, hahac‐nane Esau e sahac ʒâwânehec, no ine sahac fâfâsâc.
748	GEN 27:20	Mume Isakazi ŋokâ‐ticne ʒiŋuc âzâcnewec: “Ŋokâ‐nane, go weniŋuc erâ qowi biac jâmbâŋ bâfuamec?” Eme eki dâŋ ʒiŋuc bâtikiecnewec: “Wofuŋ, gore Anutu, eki nowatume biac bâfuapac.”
755	GEN 27:27	Eme maŋfuŋ‐ticnao rarâ muduckewec. Ehame ŋaqi‐ticnere âsu manarâ dâŋ ʒiŋuc muhuc jambuŋkewec: “Manakic, ŋokâ‐nanere âsu i kâte âsu iŋucne Wofuŋzi jambuŋkewec kâte i hâcne.
760	GEN 27:32	Eme mamac‐ticne Isakazi ʒiŋuc âzâcnewec: “Hâc, go mo?” Eki muwec: “No mârâc ŋokâge Esau.”
765	GEN 27:37	Eme Isaka e Esau ʒiŋuc âzâcnewec: “Manakic, e gore ŋicbomboŋ juocte âkendâŋnepac â qomâfâc‐ticne jaŋe ere kiŋaŋ qaqa juniŋte mupac erâ jacgoŋ â waiŋ i ere biŋe jaha qapac. Irec, ŋokâ‐mae, go wemo wiac mo egarepemu?”
767	GEN 27:39	Iŋuc eme mamac‐ticne Isakazi dâŋ ʒiŋuc muhuc bâtikiecnewec: “Manakic, go mâreŋ guec mi fokacko â sambâŋte titikuc mi wahaekacko fic hae ezemec.
770	GEN 27:42	Eme Rebeka e mârâc ŋokâ‐ticnere dâŋ i âzâcnepie manarâ ʒâhec ŋokâ‐ticne hefârerâ dâŋ ʒiŋuc âzâcnewec: “Manakic, hahacge Esau e okacne bazu‐garehuc qâhâmocguzo mukac.
800	GEN 29:4	Eme Jakobozi soŋaŋ wio‐jarewec: “Âgofâc, ŋoŋe wenirec?” Jaŋe mumbiŋ: “Nâŋe Haraŋnec.”
801	GEN 29:5	Eme wio‐jarerâ muwec: “Ŋoŋe Nahore ŋokâ Labaŋ e moc manaŋgopieŋ me?” Jaŋe mumbiŋ: “Ea, manaŋgopeneŋ.”
803	GEN 29:7	Eki muwec: “Hâc, ʒoaŋ ɋaɋacko lama bulimakao haeo râec‐jopaniŋte dameŋ biac mi maickekac i. Irec motecne sawa opâ gumec‐joparâ mâc râec‐jopapie nânâ nâhuc juniŋ.”
833	GEN 30:2	Eme Jakobo e Rahere erâ bune wefume ʒiŋuc âzâcnewec: “Wiac, Anutuzi naru motec sakare‐gareha no wemocko e âkehockerâ moc bâfua‐garepemu.”
846	GEN 30:15	Eki ine muwec: “Ŋowe‐nane nowac rozo ekomec i manatec afeckeha ŋokâ‐nanere seroŋ wiac i mâmâc rozo mukic me?” Rahezi ine muwec: “Sâcne, ŋokâgere seroŋ wiac irec okacne ŋowe‐nâhec ŋafe ʒi gohec sâcne foocmu.”
865	GEN 30:34	Eme Labaŋzi muwec: “Sâcne, mukomec iŋuc fooc.”
925	GEN 31:51	Erâ Labaŋzi Jakobo ʒuhuckerâ ʒiŋuc âzâcnewec: “Manakic, qânâ guru â qânâma ŋondeŋ‐nâhecko âkendâŋnepac
970	GEN 33:9	Esauzi ine muwec: “Ɋanane, no nahacne wiac bocjaha fonarekac, irec wiac fogarekac i fogareoc.”
971	GEN 33:10	Mume Jakobozi muwec: “Aricne, go nore manatec sâckekacko taha i sifu mac rozemec. Go âgo enarehuc akicnutec honecgupe ʒâŋe maige Anuture ʒâŋe mai tinac ejec.
1012	GEN 34:31	Eme jahe mupic: “Hâc, e seŋnâŋec boe sau ŋokac iŋucne wiac ecneme sâckewec me?”
1013	GEN 35:1	Eme Anutuzi Jakobo ʒiŋuc âzâcnewec: “Ajoc, go ʒawierâ Bete haeo ferâ ira ŋec juc ezemec. Ehuc hahacge Esaure hâwicgume wisehaŋtec Anutuzi fua‐garewec, e hâcne ira alata moc bacnezemec.”
1092	GEN 37:8	Iŋuc mume hahacfâcne jaŋe ʒiŋuc âzâcnembiŋ: “Hâc, go nâŋere ŋicwofuŋ ehuc soŋaŋ‐nâpocmurâ mukic me?” Iŋuc murâ guŋticnere â dâŋticnere boc qaisockembiŋ.
1093	GEN 37:9	Eme irec faicnao guŋ moc manawec i ŋuc jaha hahacfâcne binaŋ bajarehuc ʒiŋuc muwec: “Mananiŋ, no guŋ moc ʒiŋuc manapac: Mosa ʒoaŋ â bâpiŋ 11 jaŋe dape‐narembiŋ.”
1103	GEN 37:19	ʒiŋuc muc manac embiŋ: “Honeniŋ, guŋŋic warekac kecocna!
1105	GEN 37:21	Eme Rubeŋzi dâŋ i manarâ mejeŋickonec bataraocte manasuhuc ʒiŋuc muwec: “Aricne, mi qazo.”
1119	GEN 37:35	Eme naru motecfâcne jaŋe sasawa faharerâ mu bâmiriŋ ecnezo mupie mana‐bipiehuc muwec: “Aricne, no ki busâqoc ehuc juku hâmorâ ŋokâ‐nanerao hâmoc haeo huzepac!” Mamacnezi iŋuc hâcne murâ kiohuc juwec.
1133	GEN 38:13	Ehame Tama dâŋ ʒiŋuc âzâcnembiŋ: “Manakic, joŋaoge e lamafâcne jaŋere kanʒaŋ bâtâcneocte Timina hae mâreŋko fekac.”
1149	GEN 38:29	Kogoc eki ine meticne mocwâc fâreme fehame ɋanezi fuawec. Eme gozi bapa ŋokaczi muwec: “Hâc, go hawec sâko mo iŋucne bâfuarâ fuamec?” Iŋuc mume ʒâŋe‐ticne Pereze mumbiŋ.
1158	GEN 39:8	Eki ine qatararâ bomboŋ‐ticnere ŋonâŋ ʒiŋuc âzâcnewec: “Manakic, bomboŋ‐nanezi nore manabâc mi ehuc wiac focnekac sâc i nore meo râe‐fârewec.
1221	GEN 41:25	Eme Josefezi Farao ʒiŋuc âzâcnewec: “Farao, go guŋ jajahec manamec irec fuŋne mocjaha sawa fokac. Anutuzi mâsi moc baocte gazakac hâcne.
1237	GEN 41:41	Erâ Faraozi Josefe ʒuhuckerâ âzâcnewec: “Manakic, no ʒi hâcne Aigita mâreŋ sâko irec soŋaŋ râecgukopac.”
1263	GEN 42:10	Jaŋe mumbiŋ: “Bomboŋ, iŋuc mâcne! Kiŋaŋ qaqafâcge nâŋe nânâ furine banaŋte warembeneŋ.
1265	GEN 42:12	Eki ine jazawec: “Aricne, ŋoŋe mâreŋ ʒi moc wena soŋaŋ tâmiric kosa fokacko hone tâcneniŋte warembieŋ hâcne.”
1274	GEN 42:21	Ehuc jaŋaczia nazaŋ gazaŋ erâ ʒiŋuc mumbiŋ: “Jambomac, wiac ʒi ɋanâŋec behembeŋ irec okacne fisi‐nârekac hâcne. E nokafe tataeŋ ehuc mu wâwâsic enâreme dâŋticne mana‐bipierâ behembeŋ. Eme irec hâcne wiac hâhâwicne ʒi fai‐nâŋecko fekac.”
1319	GEN 43:28	Jaŋe mumbiŋ: “Kiŋaŋŋicge, mamac‐nâŋec hâcne, e sâcne mac jukac.” Iŋuc murâ dieŋzi hecnehuc fodapembiŋ.
1329	GEN 44:4	Eme hae beherâ rapie mi ʒoraha Josefezi ficsoŋaŋ‐ticne ʒiŋuc âzâcnewec: “Ajoc, go ŋic jâpec‐jopa rac, erâ bâfuac‐joparâ ʒiŋuc jazac: ‘Ŋoŋe wiac biaŋne eŋarekicnezi okacne wemocte sâqocne bazu‐narehuc râqâc‐nane siliwazi bakicne i fiuc rombieŋ?
1387	GEN 45:28	Eme muwec: “Sâcne, ŋokâ‐nane Josefe jukac, no mi honehuc hâmozipore biac ra honezepac.”
1389	GEN 46:2	Eme Anutuzi guŋko Israe ʒiŋuc âzâcnewec: “Jakobo, Jakobo!” Eki ine muwec: “No ʒi.”
1453	GEN 48:1	Juku Josefe biŋedâŋ ʒiŋuc muhuc âzâcnembiŋ: “Manakic, mamacge huc bakac.” Eme ŋokâ jahec‐ticne Manase â Eferaim rocjofame rambiŋ.
1454	GEN 48:2	Eme Jakobo âzâcnembiŋ: “Manakic, ŋokâge Josefe ware fisijec.” Eme Jakobo e sanaŋkehuc fofo‐ticnao fahare ŋewec.
1470	GEN 48:18	Ehuc muwec: “Mamac, iŋuc mâcne! Ʒizi mârâc motec, irec mefârege ere qizecko râec.”
1473	GEN 48:21	Israe e iŋuc erâ Josefe ʒiŋuc âzâcnewec: “Manakic, no ʒi hâmozo ekopac, Anutuzi ine ŋoŋehec juhuc juku jowac‐ŋopame apafâc‐ŋeŋic jaŋere mâreŋko mocwâc risieniŋmu.
1477	GEN 49:3	“Rubeŋ, go mârâc ŋokâ‐nane, tâpiri â sasanaŋ‐nanere fârine bâbâni go hâcne, go tâpiri â ʒai ʒonʒoŋge fekicne.
1482	GEN 49:8	“Juda, go hahac ɋafâcge jaŋe mu ʒeri egareniŋmu. Megezi râsifâcge jaŋere upeo foocmu, mamacgere ŋokâfâc jaŋe gorao dapeniŋmu.
1542	EXO 1:9	Eki hâcne ŋicfâcne ʒiŋuc jazawec: “Manaŋgopieŋ, Israe ŋic jaŋe siric‐nâpopie ʒare â tâpiri‐jeŋic boc fekac.
1584	EXO 3:4	Iŋuc murâ wiac i hone taraocte ipec rame Wofuŋ Anutuzi honerâ jâc dutu maŋkonec wiracne muwec: “Mose, Mose!” Eme muwec: “No ʒi.”
1603	EXO 4:1	Eme Mose e dâŋ ʒiŋuc bâtikiecnerâ muwec: “Manakic, jaŋe dâŋnane mi mana ʒakiehuc muniŋmu, ‘Wofuŋ e go mi fua‐garewec.’ Iŋuc mupie wenac epemu?”
1621	EXO 4:19	Eme Wofuŋzi Midiaŋ mâreŋko Mose ʒiŋuc âzâcnewec: “Ajoc, go Aigita mâreŋko risie rac, ŋic guzo mumbiŋ jaŋe hâmo‐fârembiŋ hâcne.”
1634	EXO 5:1	Eme Mose â Aroŋ jahe juku Faraorao rarâ dâŋ ʒiŋuc âzâcnepic: “Wofuŋ, Israe ŋic jaŋere Anutu e ʒiŋuc mukac: ‘Go ŋicfâc‐nane râec‐jopatec mâreŋ tuhuo rarâ nore hombaŋ moc ŋenʒepieŋ.’”
1638	EXO 5:5	Farao e iŋuc murâ ʒiŋuc jasawec: “Manakopirec, jaŋe mâreŋ rune nâŋe biac siric‐nâpoŋgopieŋko wemocte gie‐jeŋic hetararâ hombaŋ ŋeniŋte mukopirec?”
1668	EXO 6:12	Eme Mosezi Wofuŋ ʒiŋuc âzâcnewec: “Manakic, Israe ŋic jaŋe dâŋnane qatarambiŋko Faraozi wemocko moc manaocmu, erâ no micnane ŋemâcne i.”
1686	EXO 6:30	Mosezi ine Wofuŋ ʒiŋuc muhuc âzâcnewec: “Manakic, no micnane ŋemâcne, irec Farao e dâŋnane wemocko moc manaocmu?”
1687	EXO 7:1	Eme Wofuŋzi Mose âzâcnewec: “Manakic, no Faraore maio Anutu tinac âkendâŋguhape Aroŋzi porofetege juzejec.
1703	EXO 7:17	Irec Wofuŋzi ʒiŋuc mukac: “Manakic, no gunu menaneo bakopac izi Nilu opâ qape soc eocmu.
1736	EXO 8:21	Eme Faraozi Mose â Aroŋ jahe hefârec‐jofarâ jasawec: “Ajoc, ŋoŋe Anutu‐ŋeŋic mâreŋ ʒi jaha bâzi rikecneniŋ.”
1781	EXO 10:3	Eme Mose â Aroŋ jahe Faraorao ferâ ʒiŋuc âzâcnepic: “Wofuŋ, Hebiraio ŋic nâŋere Anutu, e ʒiŋuc mukac: ‘Go nore maio rumehuc juju i wemocte boc qikiŋnekomec? Go ŋicfâc‐nane nore kiŋaŋ qaniŋte râec‐jopatec raniŋ.
1803	EXO 10:25	Mosezi ine muwec: “Aricne, go bâzi ririkere â qowi bâzire wâcwiac nâretecne Wofuŋ Anutu‐nâŋec bâzi rikecnenʒepeneŋ.
1848	EXO 12:31	Eme Faraozi ŋafeoa Mose â Aroŋ hefârec‐jofarâ muwec: “Ajoc, ŋohe mecne Israe ŋicguru mecne, ŋoŋe fahare ŋicfâc‐nane behec‐joparâ raniŋ; ehuc mumbiŋ irec sâcko ra Wofuŋ kiŋaŋ qacneniŋ.
2165	EXO 23:20	“Manakic, no aŋelo moc sorepe bânie‐garehuc hatao roroŋ sasapec egarerâ hae mâreŋ bâʒâwe‐garepo ira râecguzejec.
2423	EXO 31:2	“Manakic, no Juda guruonec ŋic moc ʒâŋene Bezalele, Huru ŋokâ‐ticne Uri ere ŋokâ hâcne e rowosâepo.
2440	EXO 32:1	Mose e tikio jume ʒorame ŋic ŋokac jaŋe Aroŋtao heâckerâ rarâ âzâcnembiŋ: “Ajoc, nemu moc bâfua‐nâretec bânie‐nârezejec. Mose ŋic keci, Aigita mâreŋkonec bacnâpo warewec, e iŋuc me iŋuc fuacnejec i mi manaŋgopeneŋ.”
2446	EXO 32:7	Eme Wofuŋzi Mose âzâcnewec, “Ajoc, fahare huc! Ŋicfâcge Aigita mâreŋkonec jowac‐jopa waremeŋ jaŋe sindaŋ eŋgopieŋ;
2466	EXO 32:27	Eme jazawec: “Wofuŋ, Israere Anutu e hâcne ʒiŋuc mukac, ‘Ŋoŋe ru sâc ombâŋ‐ŋeŋicko becsahac jomarâ ʒika‐ŋeŋic esorienʒepieŋ. Erâ teuŋ sâckerâ motâc mockoneczi mocko rac warec ehuc hahac ɋafâc‐ŋeŋic mecne, âgo tofafâc‐ŋeŋic mecne, soctofafâc‐ŋeŋic mecne jaŋe mâmâc sasawa qâhâmoc‐jopanʒepieŋ.’”
2470	EXO 32:31	Mose e iŋuc murâ mocwâc Wofuŋtao ferâ ʒiŋuc âzâcnewec: “Jâi, ŋicguru ʒi jaŋe sâqocne ŋemâcne bâfuambiŋ, jaŋe golzi nemuɋâŋ bambiŋ hâcne.
2475	EXO 33:1	Eme Wofuŋzi Mose ʒiŋuc âzâcnewec: “Ajoc, go â ŋicguru Aigita mâreŋkonec jowac‐jopa waremeŋ ŋoŋe ʒirecnec rahuc juku Abraham, Isaka â Jakobo mâreŋ mupaŋke‐jarehuc biŋe qajarepo ira fisinʒepieŋ. Ʒiŋuc hâcne mupaŋke‐jarepo: ‘Ɋâricfâc‐ŋeŋic jarezokopac.’
2486	EXO 33:12	Eme Mose e Wofuŋ âzâcnerâ muwec: “Manakic, go ŋicguru ʒi bacjopa rapemurâ munaremeŋ, erâ mo ŋic mo soretec nohec mâmâc ranacmu, i ine mi mutec manaekopac; kecʒiŋuc ine nazameŋ: ‘No ʒâŋege manaekopac â honeriŋguekopac.’
2494	EXO 33:20	Erâ muwec, “Mocjaha, ʒâŋe mai‐nane sâcne mi honecmu, ŋiczi honecnurâ ɋâricne juju i mi fokac.”
2495	EXO 33:21	Erâ Wofuŋzi ʒuhuckerâ muwec, “Manakic, ʒi maŋfuŋ‐naneo sawane fokac ira haroŋaŋko domazemec.
2503	EXO 34:6	Wofuŋzi ere ʒâŋe maio fotâcnehuc kecʒiŋuc wirawec: “Wofuŋ, Wofuŋ e Anutu buuruc â aki anonoc‐ticnehec, kimbeŋ‐ticne urucne, erâ maŋjauŋ â erâ‐eesanaŋ i ɋârâŋnea focnekac.
2507	EXO 34:10	Eme Wofuŋzi muwec, “Manakic, no ʒâʒâfic moc bâfuapemu. No ŋicgurufâcge sasawa jaŋere maio mâsi moc bapemu, mâsi iŋucne mâreŋ sâko mâreŋ irec faio mecne â ŋicne ŋicne jaŋere ŋondeŋko mecne moc mi fua wefuwec, eme ŋicguru ŋondeŋ‐jeŋicko jukomec jaŋe ʒeŋgoma Wofuŋ nore gie bapare fuŋne honenʒepieŋ; no wiac qeŋ bipinehec eŋarepemu hâcne.
2562	EXO 35:30	Eme Mose e Israe ŋic ŋokac ʒiŋuc jazawec: “Manaŋgopieŋ, Wofuŋ e Juda guruonec ŋic moc ʒâŋene Bezalele, Hurure ŋokâ Urire ŋosa hâcne e ʒâŋene muhuc rowosâewec.