57	GEN 3:1	Wofuŋ Anutu e kâtere wiac jujune gâcne bâfuac‐jopawec jaŋere sâc jâuru‐fârehuc homare gibioczi fejâmbâŋkewec. Eme homa e ŋokac ʒiŋuc muhuc wiocnewec: “Jufuo jâc sasawa doma rakac irec fârine mi nânicte Anutuzi muwec me?”
65	GEN 3:9	Ehame Wofuŋ Anutuzi ŋic wiracnerâ muwec: “Go wena?”
67	GEN 3:11	Eki muwec: “Biuctac jukomec i mozi gazajec? Go jâchândâŋ mi nâcmurâ mupaŋke‐garepo i moc nâmec me?”
69	GEN 3:13	Eme Wofuŋ Anutuzi ŋokac âzâcnewec: “Go wemocte iŋuc emec?” Ŋokaczi muwec: “Homazi eatucnume napac.”
89	GEN 4:9	Eme Wofuŋzi Kaiŋ ʒiŋuc wiocnewec: “Ɋage Abe wena jukac?” Eki muwec: “Mi manakopac, no ɋananere soŋaŋ me?”
366	GEN 15:5	Eme mâreŋko jowa hurâ ʒiŋuc âzâcnewec: “Go qâhâŋnerâ sambâŋko ʒâŋe fitec feme bâpiŋ honec‐jopac, i sâcne wosec‐jopacmu me?” Erâ âzâcnewec: “Ɋâricfâcge jaŋe irec sâc hâcne fua ranʒoŋgopieŋ.”
369	GEN 15:8	Abram ine dâŋ ʒiŋuc bâtikiecnewec: “Wofuŋ Anutu, no mâreŋ ʒi rauckepemu i weniŋuc erâ sâcne mana ʒakiepemu?”
390	GEN 16:8	bâfuarâ ʒiŋuc muhuc wiocnewec: “Haga, Saraire kiŋaŋ naru, go wenirec warekic erâ wena rakomec?” Eki muwec: “No ŋokac bomboŋ‐nane Sarai wisecnekopac.”
415	GEN 17:17	Mume Abrahamzi ʒâŋe maine mâreŋko hetutuckerâ gâwiehuc ʒiŋuc manasuwec: “Ŋic moc e jara 100 bazume ŋokâ moc sâcne fuacneocmu, erâ Sara e jara‐ticne 90 bazuweczi kogoc moc sâcne roocmu?”
434	GEN 18:9	Eme jaŋe wiocnembiŋ: “Ŋonâŋge Sara e wena?” Eme muwec: “E bozeo ŋekac.”
437	GEN 18:12	Irec Sara e maŋzi ʒiŋuc muhuc gâwiewec: “No sahac‐nane muzuckekicne â bomboŋ‐nane wâc ŋicqizec ekicnezi mocwâc hâpo mumuduc enacmu me?”
453	GEN 18:28	Ŋic tiŋne 50 muhape jaŋeraonec 5 basac‐jopacmu mecne, eme go jâmbomac 5 jaŋere erâ hae sâko bâsirowecmu me?” Mume muwec: “No ira 45 bâfuac‐joparâ hae i ima mi bapemu.”
454	GEN 18:29	Eme Abrahamzi ine mocwâc ʒuhuckerâ ʒiŋuc muhuc âzâcnewec: “Me ŋic 40 sawa bâfuac‐jopa wiac moc ecmu?” Eki muwec: “No 40 jaŋere erâ mi epemu.”
506	GEN 20:10	Ehuc ʒuhuckerâ Abraham ʒiŋuc wiocnewec: “Go weniŋuc manasuhuc wiac iŋucne emeŋ?”
555	GEN 22:7	Eme Isakazi mamac‐ticne Abraham âzâcnewec: “Mamac!” Eme muwec: “Ŋokâ‐nane, no ʒi.” Eki muwec: “Ʒoc ʒakicne â ɋâricne i bajukoperec, â bâzi rikenacmu irec lama ine weni?”
597	GEN 24:5	Mume kiŋaŋŋiczi âzâcnerâ muwec: “Ŋokac e no bâjâpecnurâ mâreŋ ʒira wareocte mi afeckeme weniŋuc epemu. No ŋokâge mâreŋ beherâ waremeŋ ira mocwâc jowarâ risiepemu me mâcne?”
615	GEN 24:23	Erâ muwec: “Go more otâ, i nazac. Erâ mamacgere ficko sâcne fonaŋmu?”
650	GEN 24:58	Murâ Rebeka wiocnerâ ʒiŋuc âzâcnepic: “Go ŋic ʒi ehec razo mukomec?” Eki muwec: “No razo mukopac.”
657	GEN 24:65	kiŋaŋŋic ʒiŋuc wiocnewec: “Ŋic kecocna gieonec warekac e mo?” Kiŋaŋŋiczi âzâcnewec: “E bomboŋ‐nane hâcne.” Iŋuc mume qârufac rorâ ʒâŋe mai‐ticne sâockewec.
681	GEN 25:22	Ehame kogoc jajahec jahe neŋgocte bumaŋko hehec epire ʒiŋuc muwec: “Iŋuc fuame wemocko jupemu?” Erâ ra Wofuŋ mu wioc ecnewec.
702	GEN 26:9	Honerâ Isaka hefâreme fisime âzâcnewec: “E ŋonâŋge i! Fuŋne weniŋucte ‘E seŋnane’ mumec?” Isakazi muwec: “Jâmbomac, no ere erâ nupie hâmozipore hâwicnume mupo.”
746	GEN 27:18	Eme eki mamac‐ticnerao barerâ muwec: “Mamac‐nane!” Eki muwec: “Motec‐mae, no ʒi, go ine mo?”
748	GEN 27:20	Mume Isakazi ŋokâ‐ticne ʒiŋuc âzâcnewec: “Ŋokâ‐nane, go weniŋuc erâ qowi biac jâmbâŋ bâfuamec?” Eme eki dâŋ ʒiŋuc bâtikiecnewec: “Wofuŋ, gore Anutu, eki nowatume biac bâfuapac.”
752	GEN 27:24	Erâ muwec: “Go jâmbomac ŋokâ‐nane Esau me?” Eki muwec: “Ine hâcne.”
760	GEN 27:32	Eme mamac‐ticne Isakazi ʒiŋuc âzâcnewec: “Hâc, go mo?” Eki muwec: “No mârâc ŋokâge Esau.”
764	GEN 27:36	Eme muwec: “Sowine ʒâŋe‐ticne Jakobo mukicne, e sioc enareha biac arec jajahec ekac, e qanaŋ mârâc fufuare wiac biŋe‐nane nowac rowec â ʒi jambuŋ‐nane nowac rokac wâc.” Erâ ʒuhuckerâ muwec: “Nore biŋe jambuŋ moc mi sakaremec me?”
765	GEN 27:37	Eme Isaka e Esau ʒiŋuc âzâcnewec: “Manakic, e gore ŋicbomboŋ juocte âkendâŋnepac â qomâfâc‐ticne jaŋe ere kiŋaŋ qaqa juniŋte mupac erâ jacgoŋ â waiŋ i ere biŋe jaha qapac. Irec, ŋokâ‐mae, go wemo wiac mo egarepemu?”
774	GEN 27:46	Rebeka e iŋuc murâ Isaka ʒiŋuc âzâcnewec: “No Hiti ŋokac jahere takicnuekac. Ehame Jakobo e iŋuc jaha Hitiŋic jaŋere naru, mâreŋ ʒirec rune hâcne, jahe iŋucne moc roocmuo no wenac epemu?”
800	GEN 29:4	Eme Jakobozi soŋaŋ wio‐jarewec: “Âgofâc, ŋoŋe wenirec?” Jaŋe mumbiŋ: “Nâŋe Haraŋnec.”
801	GEN 29:5	Eme wio‐jarerâ muwec: “Ŋoŋe Nahore ŋokâ Labaŋ e moc manaŋgopieŋ me?” Jaŋe mumbiŋ: “Ea, manaŋgopeneŋ.”
802	GEN 29:6	Eme wio‐jarehuc muwec: “E sâcne jukac me?” Jaŋe mumbiŋ: “Sâcne jukac, erâ otâ‐ticne Rahe e kecocna lama bulimakao jowac‐jopa warekac hâcne.”
821	GEN 29:25	Hae fureme ine Jakobozi honeme mi Lea ezejec i! Eme Labaŋ ʒiŋuc âzâcnewec: “Go wemo mâsi enaremec? No Rahere erâ kiŋaŋ qagarepo i! Go wemocte eatucnumec?”
846	GEN 30:15	Eki ine muwec: “Ŋowe‐nane nowac rozo ekomec i manatec afeckeha ŋokâ‐nanere seroŋ wiac i mâmâc rozo mukic me?” Rahezi ine muwec: “Sâcne, ŋokâgere seroŋ wiac irec okacne ŋowe‐nâhec ŋafe ʒi gohec sâcne foocmu.”
862	GEN 30:31	Eme Labaŋzi wiocnewec: “Wemo wiac garepemurâ mukic?” Jakobozi dâŋ ʒiŋuc bâtikiecnewec: “Go wiac moc mi narezemec. No dâŋ maŋkekopac i mupe manatec sâckeocmuo ine lama bulimakaofâcge mocwâc soŋaŋ‐jopahuc juzepac.
904	GEN 31:30	Go mame sâkofâcge jaŋere boc egareha wisemeŋ i sâcne, mocjaha, nemuɋâŋ‐nane wemocte fiuc romeŋ?”
956	GEN 32:28	Eme ŋiczi wiocnewec: “Go ʒâŋege mo?” Mume muwec: “Jakobo.”
958	GEN 32:30	Eme Jakobozi wiocnerâ muwec: “Go muc, gore ʒâŋe ine mo?” Eki ine muwec: “Go wemocte ʒâŋe‐nanere wiokomec?” Iŋuc murâ ijaha jambuŋkewec.
966	GEN 33:5	Ehuc ʒâŋe fime rame ŋokac naru motec honec‐joparâ muwec: “Keci weni jaŋe gohec juŋgopieŋ?” Eki muwec: “Anutuzi buuruc‐ticnere erâ kiŋaŋŋicge no naru motec tahacnuwec jaŋe hâcne.”
969	GEN 33:8	Eme Esauzi Jakobo wiocnewec: “Ŋic â qowi guru hatao fâpie bâfuac‐jopapac izi wemo ezo mukomec?” Eki dâŋ ʒiŋuc bâtikiecnewec: “Bomboŋ‐nane goki akicnucmurâ râec‐jopapac.”
1012	GEN 34:31	Eme jahe mupic: “Hâc, e seŋnâŋec boe sau ŋokac iŋucne wiac ecneme sâckewec me?”
1092	GEN 37:8	Iŋuc mume hahacfâcne jaŋe ʒiŋuc âzâcnembiŋ: “Hâc, go nâŋere ŋicwofuŋ ehuc soŋaŋ‐nâpocmurâ mukic me?” Iŋuc murâ guŋticnere â dâŋticnere boc qaisockembiŋ.
1094	GEN 37:10	Binaŋ i mamac hahacfâcne mâmâc bajarewec. Eme mamacnezi dâŋ mucnehuc âzâcnewec: “Go guŋ keci manamec i weniŋuc? Neŋgoc mamac â hahacfâcge nâŋe fisirâ maŋfuŋgao fodapenaŋte mukomec me?”
1099	GEN 37:15	Erâ hata qâsoriehuc rac warec eha ŋic moczi bâfuarâ wiocnewec: “Go wemo wiac basakic?”
1116	GEN 37:32	Iŋuc erâ ŋaqi menehec i mamac‐jeŋictao ʒiŋuc muhuc râepie rawec: “Wiac bâfuambeŋ i honec! I ŋokâge Josefere ŋaqi me mâcne?”
1136	GEN 38:16	Eme hata kizurâ erao ra muwec: “No gohec fopemurâ mana‐narec.” E joŋao‐ticnezi ŋewec i mi manahuc dâŋ i muwec hâcne. Eki muwec: “Nohec focmurâ mana‐garepe wemo wiac mo narecmu?”
1138	GEN 38:18	Eki muwec: “Wemo kifac mo garepemurâ mukic?” Ŋokaczi muwec: “Meo fefege maqâreŋhec â mucge â gunuge meo badomakic i narec.” Eme wiac muwec sâc râcnerâ ehec fowec.
1141	GEN 38:21	Ehuc ŋic mu wioc ejarehuc muwec: “Boe sau ŋokac Enaim hatao ŋewec e wena?” Jaŋe mumbiŋ: “Boe sau ŋokac moczi ʒira moc mi wareme honembeŋ.”
1145	GEN 38:25	Eme jowapie rahuc joŋao‐ticnerao dâŋ ʒiŋuc râeme rawec: “Wiac ʒirec rune jukac eki bacnume kiwechec epo. Irec go honec, meo fefe maqâreŋhec â muc â gunu wiac i more?”
1149	GEN 38:29	Kogoc eki ine meticne mocwâc fâreme fehame ɋanezi fuawec. Eme gozi bapa ŋokaczi muwec: “Hâc, go hawec sâko mo iŋucne bâfuarâ fuamec?” Iŋuc mume ʒâŋe‐ticne Pereze mumbiŋ.
1180	GEN 40:7	Honec‐jofarâ indiŋ‐jofahuc muwec: “Ŋohe miŋecgac wemocte busâqoc hawari ŋekopirec?”
1234	GEN 41:38	Ehame Faraozi kiŋaŋŋicfâcne ʒiŋuc muhuc wio‐jarewec: “Nâŋâc ŋic kecʒi Anuture Mârohec jukac iŋucne moc sâcne bâfuanaŋmu me?”
1260	GEN 42:7	Eme Josefe e hahacfâcne honec‐joparâ ʒâŋitac‐jopawec, ehuc fuŋne‐ticne hesoŋke‐jarerâ dâŋ fâfâcnehec ehuc ʒiŋuc wio‐jarewec: “Ŋoŋe wenirec wareŋgopieŋ?” Jaŋe mumbiŋ: “Kanaaŋ mâreŋkonec, nânâ furine banaŋte wareŋgopeneŋ.”
1281	GEN 42:28	Iŋuc honerâ hahac ɋafâcne ʒiŋuc jazawec: “Moneŋ‐nane bârisie‐narekicne, ʒi târu‐nane micnao fokac hâcne.” Eme jaŋe manarâ maŋjeŋic gâckeme fâfârerâ hohonec ehuc mumbiŋ: “Anutuzi weniŋuc enârekac?”
1297	GEN 43:6	Eme Israezi muwec: “Ŋoŋe wemocte bunaneo bahuc, ɋaŋeŋicte biŋe ŋic e âzâcnembiŋ?”
1318	GEN 43:27	Eki ine mu indiŋ ejarehuc muwec: “Mamac raŋɋa‐ŋeŋicte nazambiŋ e weniŋuc jukac? Sâcne jukac me?”
1320	GEN 43:29	Eme eki qâhâŋnerâ ɋaticne Benjamiŋ honerâ muwec: “Ɋaʒâc‐ŋeŋicte dâŋ nazambiŋ ʒine hâcne me?” Erâ muwec: “Motec‐mae, Anutuzi ehâmo‐garezejec.”
1340	GEN 44:15	Eme Josefezi jazawec: “Ŋoŋe wemo mâsi mo embieŋ? Ŋic moc no iŋucnezi findaŋdâŋ muhuc fuŋne‐ŋeŋic bataniŋkeocmu, i ŋoŋe kâuc bambieŋ me?”
1362	GEN 45:3	Eme Josefezi hahacfâcne ʒiŋuc jazawec: “No Josefe, mamac‐nane jukac me?” Hahacfâcne jaŋe ine fâfâre sâqorehuc mâc bipic tatara domambiŋ.
1424	GEN 47:3	Eme Faraozi Josefe hahacfâcne ʒiŋuc wio‐jarewec: “Ŋoŋe wemo gie bahuc jueŋgopieŋ?” Iŋuc wio‐jareme ʒiŋuc âzâcnembiŋ: “Kiŋaŋŋicfâcge nâŋe mamacfâc‐nâŋec jaŋe iŋucne lama soŋaŋ jueŋgopeneŋ.”
1429	GEN 47:8	Eme Faraozi Jakobo wiocnewec: “Go jarage wezimuc?”
1460	GEN 48:8	Eme Israe e Josefe ŋokâ jahec‐ticne honec‐jofarâ wiowec: “Keci weni jahe?”
1562	EXO 2:7	Eme seŋticnezi Faraore otâ ʒiŋuc âzâcnewec: “No ra Hebiraio ŋokac moc âzâcnepe ware motec moŋ gume‐garezac me?”
1568	EXO 2:13	Hae fureme mocwâc rarâ Hebiraio ŋic jajahec perec eec ehapire ŋic âgo‐ticne maŋgâŋ qawec e ʒiŋuc âzâcnewec: “Go wemocte âgoge qakomec?”
1569	EXO 2:14	Mume eki dâŋ ʒiŋuc bâtikiecnewec: “Nâŋere ŋic fekicne me mumutara ŋic i mozi râecguwec? Go Aigita ŋic qâhâmomec iŋuc jaha no qâhâmocnuzo mukomec me?” Iŋuc mume Mosezi hâwickeme ʒiŋuc manasuwec hâcne: “Wiac epac i biac mana‐fâreŋgopieŋ i.”
1573	EXO 2:18	Eme jaŋe mamac‐jeŋic, ʒâŋene Reguele, Jetoro hâcne, erao fisipie ʒiŋuc wio‐jarewec: “Ŋoŋe miŋecgac weniŋuc erâ biac jâmbâŋ wareŋgopieŋ?”
1583	EXO 3:3	Eme Mose e manasuwec: “No ipec rarâ wiac ʒâŋe furu fuakac i honepe, jâc dutu i wemocte mi ʒâtâcnekac?”
1591	EXO 3:11	Mosezi Anutu âzâcnewec: “No iŋucnezi wemocko Faraorao rarâ Israe ŋic Aigita mâreŋkonec jowac‐jopa rapemu?”
1593	EXO 3:13	Eme Mosezi Anutu âzâcnewec: “No Israe ŋic jaŋerao ra fisirâ ʒiŋuc jazapemu, ‘Mimiŋnefâc‐nâŋec jaŋere Anutuzi ŋoŋerao sorecnukac,’ eme jaŋe, ‘Anutu ʒâŋene mo?’ iŋuc muhuc wio‐narepie weniŋuc jazapemu?”
1603	EXO 4:1	Eme Mose e dâŋ ʒiŋuc bâtikiecnerâ muwec: “Manakic, jaŋe dâŋnane mi mana ʒakiehuc muniŋmu, ‘Wofuŋ e go mi fua‐garewec.’ Iŋuc mupie wenac epemu?”
1604	EXO 4:2	Mume Wofuŋzi âzâcnewec: “Megao wemo wiac bakomec?” Eme eki muwec: “Gunu moc.”
1638	EXO 5:5	Farao e iŋuc murâ ʒiŋuc jasawec: “Manakopirec, jaŋe mâreŋ rune nâŋe biac siric‐nâpoŋgopieŋko wemocte gie‐jeŋic hetararâ hombaŋ ŋeniŋte mukopirec?”
1647	EXO 5:14	Ehame Faraore soŋaŋfâc Israe gie soŋaŋ râec‐jopambiŋ jaŋe ʒiŋuc wio‐jarehuc jopambiŋ: “Ŋoŋe wemocte juwicnao qânâ gie muŋarepene bambiŋ sâc ijaha jacne â miŋecgac mi bâfuambieŋ?”
1686	EXO 6:30	Mosezi ine Wofuŋ ʒiŋuc muhuc âzâcnewec: “Manakic, no micnane ŋemâcne, irec Farao e dâŋnane wemocko moc manaocmu?”
1785	EXO 10:7	Eme Faraore kiŋaŋ qaqa jaŋe e ʒiŋuc âzâcnembiŋ: “Ŋic sipiric‐nâpoocte doc sipuac enâreku mo dameŋko moc behec‐nâpoocmu? Go ŋic jaŋe râec‐jopatec ra Wofuŋ Anutu‐jeŋic kiŋaŋ qacnenʒepieŋ. Aigita mâreŋ biac ima bakicne i go mi manakic me?”
1786	EXO 10:8	Iŋuc mupie mume Mose â Aroŋ jahe Faraorao risiepire ʒiŋuc jasawec: “Ŋoŋe raniŋ, erâ Wofuŋ Anutu‐ŋeŋic kiŋaŋ qacneniŋ. Mâc mozia raniŋmu?”
1895	EXO 14:5	Ŋic ŋokac wiserâ rambiŋ, Aigita ŋicwofuŋ biŋe iŋuc âzâcnepie manarâ e jahacne mecne, ŋicfâcne jaŋe mecne fâfârerâ ʒiŋuc mumbiŋ: “Nâŋâc wemocte mutuc erâ Israe ŋic jaŋe kiŋaŋ qanârembiŋkonec râec‐jopapene rambiŋ?”
1945	EXO 15:24	Eme ŋic ŋokac jaŋe Mose mu heŋɋâŋ ecnehuc ʒiŋuc âzâcnembiŋ: “Nâŋe opâ wenirec nanaŋmu?”
1955	EXO 16:7	Erâ hae fureme, Wofuŋ mu kâroŋ ecnepie manawec i sifu mana urue‐ŋareme Wofuŋ ʒai ʒonʒoŋ‐ticnere fuŋne honenʒepieŋ wâc. Nâhe mac ʒi ine wemo wiacte maŋgâŋ dâŋ munâcteŋgopieŋ?”
1963	EXO 16:15	Eme Israe ŋicguru jaŋe honerâ jaŋackoaŋ ʒiŋuc mu wioc embiŋ: “Ʒi wemo wiac mo?” Jaŋe wiac irec fuŋne kâuc bambiŋ hâcne. Iŋuc epie Mosezi ʒiŋuc jazawec: “I nânâ hâcne, Wofuŋzi nâniŋte ŋarejec.
1986	EXO 17:2	Irec Mose dâŋ mucnehuc ʒiŋuc mumbiŋ: “Opâ nâretec nanaŋ me!” Eme Mosezi jazawec: “Ŋoŋe wemocte no dâŋ munareŋgopieŋ? Wemocte Wofuŋ esâickeŋgopieŋ?”
1987	EXO 17:3	Ŋic jaŋe ine opâre hâmorâ Mose mu kâroŋ ecnehuc mumbiŋ: “Go wemocte nâŋe nâŋâcne mecne, naru motecfâc‐nâŋec jaŋe mecne â lama bulimakaofâc‐nâŋec nâŋe mâmâc ʒira opâre hâmo sipiric efârenaŋte Aigita mâreŋkonec jowac‐nâpo waremeŋ?”
1991	EXO 17:7	Erâ hae mâreŋ irec ʒâŋe “Masa” (eesâic) â “Meriba” (dâŋ mumu) muwec, ine Israe ŋic jaŋe mu kâroŋ ehuc Wofuŋ dâŋ ʒiŋuc muhuc esâickembiŋ irec: “Wofuŋ e ŋondeŋ‐nâŋecko jukac me mâcne?”
2014	EXO 18:14	Eme Mose kimo‐ticne e Mosezi ŋic jaŋerao gie sasawa bahuc juwec i hone‐fârerâ muwec: “Go ŋic jaŋerao keci wemo gie bakomec? Erâ go wemocte gie i buc bahuc ŋehaŋtecne ŋic jaŋe gore maio fuŋkerâ ware domahuc juhapie hae ŋafekac?”
2460	EXO 32:21	Eme Mosezi Aroŋ ʒiŋuc âzâcnewec: “Ŋicguru ʒi jaŋe weniŋuc egarepie kiŋ iŋucne sâko fai‐jeŋicko râetec fewec?”
2469	EXO 32:30	Hae fureme Mosezi ŋic ŋokac ʒiŋuc jazawec: “Ŋoŋe sâqocne ŋemâcne bâfuambiŋ. Irec no ʒi Wofuŋtao fepemu, erâ hece, ŋoŋere erâ Wofuŋ mu wâwâsic ecnehuc kiwiric‐ŋeŋic sâcne ropemu me weniŋuc?”
2488	EXO 33:14	Eme dâŋ ʒiŋuc bâtikiecnewec: “No nahac bânie‐ŋarehuc jowac‐ŋoparâ hatao râec‐ŋopape me?”
2997	LEV 10:19	Iŋuc mume Aroŋzi Mose ʒiŋuc âzâcnewec: Manakic, jahe miŋecgac Wofuŋte maio sâqocne tâtâmire taha â qowi bâzi‐jekic rikepirec, ehame sifu wiac hâhâwicne keci fua‐narejec. Me miŋecgac sâqocne tâtâmire taha nâpe muzac Wofuŋte maio sâckezac me?”
4043	NUM 11:18	Erâ ŋic ŋokac ʒiŋuc jazac: ‘Ŋoŋe tomâckore ʒawiehuc juhapie hae fureme qowi fua‐ŋareme nânʒepieŋ. Ŋoŋe Wofuŋ kecʒiŋuc muhuc kio wâwâsic ecnembiŋ irec: “Nâŋe Aigita mâreŋko sâcne mac jumbeŋ, ʒi ine mozi qowi nâreme nanaŋmu?” Iŋuc mumbiŋte Wofuŋzi qowi ŋareme nânʒepieŋ.
4045	NUM 11:20	nâhuc juhapie mosa moc tarame qowire takic‐ŋopame mamakâc‐ŋopaocmu. Ŋoŋe Wofuŋ ŋondeŋ‐ŋeŋicko jukac e hâcne râpeckerâ ʒiŋuc muhuc kio wâwâsic ecnembiŋte iŋuc fua‐ŋareocmu: “Nâŋe wemocte Aigita mâreŋ beherâ warembeŋ?” ’”
4047	NUM 11:22	Jaŋere erâ lama bulimakaofâc‐nâŋec qa hezuc epene sâcjopaocmu me? Me hâwec qowi rocjopa‐fârerâ gumec‐jopapene sâcjopaocmu me?”
4062	NUM 12:2	Ehuc ʒiŋuc mupic: “Wofuŋ e jâmbomac dâŋticne Mosere micko sawa me gâcne nâŋere micko mâmâc râewec me?” Iŋuc muhapire Wofuŋzi manawec.
4068	NUM 12:8	No e guŋko mâcne, tâtâc mai fuacnehuc dâŋ âzâcnepe Wofuŋ qâreŋ‐nane honeekac. Ehame ŋohe wemocte mi hâwic‐ŋofaha kiŋaŋŋic‐nane Mose mana sâqorecnekopirec?”
4198	NUM 16:3	Rocjoparâ Mose â Aroŋ râsi ejactehuc ʒiŋuc jasambiŋ: “Ŋohe ŋahacnere boc manapire fekac. Kikefuŋ jaŋe furu jaha tirine erâ juhapie Wofuŋzi ŋondeŋ‐jeŋicko jukac. Ŋohe ine wemocte Wofuŋte kikefuŋfâc jaŋere manapire wawahane eekac?”
4206	NUM 16:11	Irec go â ŋicfâcge ŋoŋe Wofuŋte maio mu kâroŋ epie mi sâckekac. Aroŋ e mo ŋic mo, irec mu kâroŋ ecneŋgopieŋ?”
4217	NUM 16:22	Eme jahe mâreŋko hetutuckerâ ʒiŋuc muhuc numupic: “O Anutu, go ŋic sasawa jaŋere Anutu, irec ŋic mocjahazi sâqocne bâfuame kikefuŋ sasawa bâsirowec‐jopatec sâckeocmu me?”
4258	NUM 17:28	Moc e Wofuŋte tiri boze maickeocmu e hâmoocmu. Nâŋe moczi moc mi bafic‐nâpoha omaenaŋmu me?”
4322	NUM 20:10	Eme Mose â Aroŋ jahe kikefuŋ sasawa qânâ maŋfuŋko hetumaŋ‐jopa‐fârerâ Mosezi ʒiŋuc muhuc jazawec: “Ŋic râŋgeŋ qaŋqaŋne ŋoŋe mananiŋ! Nâhe sâcne ŋoŋere opâ qânâ ʒirecnec bâfua‐ŋarenacmu me?”
4385	NUM 22:9	Eme Anutuzi Bileam fuacnerâ ʒiŋuc wiocnewec: “Ŋic weni jaŋe gohec juŋgopieŋ?”
4404	NUM 22:28	Iŋuc eme Wofuŋzi doŋgi micne baafeckeme Bileam dâŋ ʒiŋuc âzâcnewec: “No wemo wiac moc egarepe honehuc nutecne arec jahec â moc ekac?”
4406	NUM 22:30	Eme doŋgizi Bileam ʒiŋuc âzâcnewec: “No gore doŋgi mocwâc mi ekopac, â nore faio rac warec ehuc jumeŋzi miŋecgac wâc mi jukomec me? No gore mic reŋkehuc wamane moc mi jupo me?” Iŋuc mume Bileamzi muwec: “Misac!”