1110	GEN 37:26	Eme Judazi ɋafâcne ʒiŋuc jazawec: “Nâŋâc ɋanâŋec qâhâmorâ hesoŋkepene wemo wiac fârine moc fua‐nâreocmu?
1785	EXO 10:7	Eme Faraore kiŋaŋ qaqa jaŋe e ʒiŋuc âzâcnembiŋ: “Ŋic sipiric‐nâpoocte doc sipuac enâreku mo dameŋko moc behec‐nâpoocmu? Go ŋic jaŋe râec‐jopatec ra Wofuŋ Anutu‐jeŋic kiŋaŋ qacnenʒepieŋ. Aigita mâreŋ biac ima bakicne i go mi manakic me?”
4038	NUM 11:13	No qowi wenirec bâfuarâ ŋic gumec‐jopape sâcjopa‐fâreocmu? Jaŋe nore maio kiohuc ʒiŋuc hâcne mueŋgopieŋ: ‘Go qowi moc bâfua‐nâretec nânʒepeneŋ.’
6003	JOS 7:25	Ehuc Josuazi muwec: “Go wemocte sindaŋ ehuc sipiric‐nâpomeŋ? Irec miŋecgac Wofuŋzi go gahacnao bârisiehuc sipiricguzejec wâc.” Mume Israe ŋic jaŋe Akaŋ qânâzi hehâmorâ wiacfâcne iŋuc jaha hehâmoc‐jopahuc ʒocko behec‐jopapie ʒâseŋ‐jopawec.
6722	JDG 8:1	Ehuc Eferaim ŋic jaŋe Gideoŋ âzâcnerâ mumbiŋ: “Go Midiaŋ ŋic jopazo rameŋ dameŋ ira wemocte mi hefârec‐nâpomeŋ? Wemo mâsi enâremeŋ?” Iŋuc muhuc râsi sâko ecnembiŋ.
7111	JDG 21:7	Irec nâŋâc weniŋuc ehuc ʒikare nâfocne jaŋere ŋonâŋfâc bâfuac‐jopanaŋmu? Nâŋâc otâfâc‐nâŋec moc mi jarenaŋte Wofuŋte ʒâŋeo ɋetickehuc mupaŋkembeŋ i.”
7302	1SA 4:3	Eme momori ŋic jaŋe teuŋko risiepie Israe soŋaŋ jaŋe mumbiŋ, “Wofuŋ e wemocte Filisa ŋic jaŋerao râec‐nâpome bawahac‐nâpoŋgopieŋ? Nâŋâc Wofuŋte ʒâʒâfic katapa Silo haeonec bawarepene Wofuŋzi ŋondeŋ‐nâŋecko juhuc râsifâc‐nâŋec jaŋere tâpirionec batarac‐nâpozejec.”
7307	1SA 4:8	Nâŋâc omae‐jâmbâŋkeŋgopeneŋ; nemu tâpirihec keci ere meonec mozi sâcne batarac‐nâpoocmu? Nemu kecizi hâcne mâreŋ sawao Aigita ŋic joparâ âtenʒaŋ‐jopawec.
7551	1SA 14:41	Iŋuc mupie Saulozi Israe Wofuŋ Anutu ʒiŋuc numucnewec: “O Israere Wofuŋ Anutu, go wemocte dameŋ ʒi kiŋaŋŋicge no dâŋ okacne mi bâtikie‐narekomec? O Israere Wofuŋ Anutu, kiŋ i no nahacnao me ŋokâ‐nane Jonataŋtao fokacko ine irec ma moc fuazejec â Israe ŋicfâcge jaŋerao fokacko ine ma moc fuazejec.” Iŋuc mume ɋâsâi qapie Jonataŋ â Saulo jahe âke fuac‐jofawec, â ŋic jaŋe ine kiŋfâsâc embiŋ.
7961	1SA 28:16	Eme Samuezi muwec, “Wofuŋ e râpecgurâ kisâge ewecko go wemocte no wio‐narekomec?
8549	2SA 19:36	No dameŋ ʒi jara 80 bazukopac. No wiac biaŋne â sâqocne i sâcne mi hone mana tarac ejactepemu. Erâ kiŋaŋ qaqage no nânâ opâ nâhuc aŋac‐ticne sâcne mi manaekopac. Erâ wâc ŋic ŋokac jaŋe mâmâc jaha gae hepie sâcne mi mana râwiŋ‐jopaekopac. Eme kiŋaŋ qaqage no weniŋuc ŋicwofuŋ‐nane gorao ʒuhuckerâ ŋemâc bâŋɋârâŋke‐garepemu?
8550	2SA 19:37	Kiŋaŋ qaqage no gohec Jordaŋ opâ fotâcnerâ piticne rarâ râecgupemu. Irec ŋicwofuŋ go wemocte okacne fehuc bâtikie‐narecmu?
8556	2SA 19:43	Iŋuc mupie Judaŋic jaŋe Israe ŋic dâŋ ʒiŋuc bâtikie‐jarembiŋ: “Ŋicwofuŋ e nâŋere soctofa irec iŋuc embeneŋ. Eme ŋoŋe wemocte irec aaric‐ŋopakac? Nâŋe ŋicwofuŋtaonec nânâ opâ me taha wiac moc mi rombeneŋ.”
8557	2SA 19:44	Iŋuc mupie Israe ŋic jaŋe Judaŋic dâŋ ʒiŋuc bâtikie‐jarembiŋ: “Nâŋe ŋoŋe siric‐ŋoparâ guru sâko eŋgopeneŋte ŋicwofuŋ e qanaŋ nâŋere biŋe ekac erâ wâc nâŋe ŋoŋere bâbâniefâc. Ŋoŋe wemocte mana wahac‐nâpoŋgopieŋ? Nâŋe hâcne fuŋkerâ ŋicwofuŋ bârisienaŋte dâŋne embeŋ.” Iŋuc mupie Judaŋic jaŋe Israe ŋic âtec‐jopahuc dâŋ ʒocnehec embiŋ.
9543	2KI 1:6	Mume jaŋe âzâcnerâ mumbiŋ: “Ŋic moczi fisi bâfuac‐nâporâ ʒiŋuc nâzâjec: ‘Ŋoŋe ŋicwofuŋ sorec‐ŋopajec erao mocwâc risierâ ʒiŋuc âzâcneniŋ: Wofuŋ e ʒiŋuc mukac: Go manatec Israe mâreŋko Anutu mi jukac irec Ekoroŋte nemu Baali‐Ʒebubu e mu wioc ecneniŋte ŋic sorec‐jopakomec? Irec go fofogaonec mi faharehuc hâmo‐jâmbâŋkecmu hâcne.’”
9806	2KI 10:9	Izi hae fureme ra domahuc ŋic ŋokac dâŋ ʒiŋuc jazawec: “Ŋoŋe bahacmâc, â noni ine bomboŋ‐nane râsi ecnehuc doc bapo. Eme ʒi jaŋe mozi jopa‐fârewec?
12789	EST 5:6	Ehuc waiŋ opâ nârâ ŋehuc ŋicwofuŋzi Esite ʒiŋuc mu wioc ecnewec: “Go wemo wiacte numu‐narekomec? Go wiac irec me irec egareme mutec garepemu. Me wemo wiacte mukomec? Go uucmaŋ‐nane ŋifecnere mutec wâc garepemu.”
12813	EST 7:2	Erâ ʒoaŋ namba 2 ira waiŋ opâ nâhuc ŋicwofuŋzi Esite mocwâc ʒiŋuc muhuc wiocnewec: “O ŋokac wofuŋ Esite, go wemo wiacte numu‐narekomec? Go wiac irec me irec numu‐naretec garepemu. Wemo wiacte mukomec? Go uucmaŋ‐nane ŋifecnere mutec wâc garepemu.”
12928	JOB 3:20	“Kihuhuŋ‐jopaekac jaŋe Anutuzi wemocte tatamac bâfua‐jareekac, a busâqoc manahuc jueŋgopieŋ jaŋe wemocte juju tahac‐jopaekac?
12931	JOB 3:23	Anutu e wemocte ʒâhec juju‐jeŋicte fuŋne hesoŋke‐jarehuc hata‐jeŋic sasawa hebâzicke‐jareekac?
12990	JOB 6:8	“Hâc, Anutu e nunumu‐nane wemocte mi manaekac, â nunumu‐nanere fârine wâc wemocte mi bâfua‐nareekac?
13033	JOB 7:21	Go qaqatara‐nane bârâriehuc kiŋ bahac‐nane wemocte mi bâtâmire‐narekomec? No ʒiŋuczia hâcne ʒâŋeruŋko hurâ fopemu, eme omaehape mocwâc mi bâfuacnucmu.”
13181	JOB 13:24	Go wemocte honecnutec râsige tinac ehape ʒâŋe maige bâsoŋke‐narekomec?
13219	JOB 15:12	Go wemocte buge taŋtaŋ âeckeha ʒâŋe bâbâroŋ honec‐nâpokomec?
13279	JOB 17:15	Ehame woworic‐nane wena moc fua‐nareocmu? Me mozi moc honerâ nowatuocmu?
13390	JOB 21:31	Ŋic sindaŋne jaŋe mozi mai qanʒaŋ jaha fuŋne‐jeŋic mutaniŋkeocmu, me wiac hehesicne ebac eeŋgopieŋ irec okacne bazu‐jareocmu?
13468	JOB 25:3	Aŋelofâc‐ticne kiŋaŋ qacneeŋgopieŋ jaŋe mozi sâcne wosec‐jopaocmu? Me tatamac‐ticnezi hae mâreŋ moc wena mi tamaeekac?
13475	JOB 26:4	Erâ go muc: More mârozi maŋgao juhuc baafecguha dâŋ keci mukomec, â dâŋ sasawa mukomec i mozi mana‐fâreomu?
13594	JOB 31:2	No mumupaŋ i qâsuazapoo ine Anutu bapafâreraonec okacne weniŋucne fua‐narezac? Me eraonec furine biaŋne moc rozapo?
13817	JOB 38:20	Jahe wena ra mickenicmu i goki sâcne jasa jofatuc ecmu? Me sâcne bârisiec‐jofacmu?
13828	JOB 38:31	“Go demeŋ ɋafâc jaŋe sâcne dâtâc‐jopacmu? Me bobiri ʒâʒâfic‐ticne sâcne goroŋkecmu me?
13838	JOB 38:41	Kâec kâec jaŋe nânâre hâmohuc sawao rac warec ehapie me motecfâc‐jeŋic jaŋe nânâre numu‐narepie mozi nânâ wiac‐jeŋic bâfua‐jareekac?
13839	JOB 39:1	“Kâte noniŋ jaŋe mo dameŋko motec rocjopaeŋgopieŋ i go moc manakomec me? Me kâte bulimakao jaŋe motec rocjopahapie moc honec‐jopaekic?
13872	JOB 40:4	“O Wofuŋ, no iŋucnezi dâŋ okacne moc weniŋuc bâtikie‐garepemu? No dâŋ iŋuc me iŋuc ʒuhuckerâ muzore mi enarekac.
13899	JOB 40:31	Go sahac‐ticne sasawa saozi sâcne âke mârâŋke‐fârecmu? Me tepe motec sâkozi qizec‐ticne sâcne muru fâuckecmu?
14905	PSA 64:6	Wiac repicne eniŋte qaqafeŋ eeŋgopieŋ, kamiehuc bitiŋ râeniŋte muc manac eeŋgopieŋ, ehuc mueŋgopieŋ, “Mozi honec‐nâpoocmu?
15104	PSA 74:1	O Anutu, go wemocte bebehe sanaŋ behec‐nâpomeŋ? Kimbeŋgere hosâczi wemocte sapagere lama guru jâpec‐jopahuc jukac?
15114	PSA 74:11	Go fuŋne weniŋucte akic‐jopakic? Mefârege wemocte sakarekic?
15386	PSA 88:15	O Wofuŋ, go wemocte suŋgiŋnuekic? go wemocte ʒâŋe maige bâsoŋke‐nareekic?
16145	PSA 120:3	Eeatuc ŋic ŋoŋe Anutuzi wemo eŋareocmu? Erâ wemo okacne bâfua‐ŋareocmu?
17425	ECC 2:22	Nâŋâc mâreŋko gie ʒocne fârone bahuc jueŋgopeneŋ, eme irec fârine wemo wiac moc fua‐nâreekac?
17498	ECC 6:11	Sifu ehuc dâŋ bocjaha mupene fâri tâmiric jaha eme wemo wiac biaŋne moc fua‐nâreocmu?
17923	ISA 10:3	Okac dameŋ maic‐ŋopame wenac eniŋmu? Â mâŋâŋ sâqocne taickonec fisime wena raniŋmu? Morao wiserâ rapie bafic‐ŋopaocmu? Mafa mâriri‐ŋeŋic wena soŋkepie foocmu?
18030	ISA 14:32	Qâpuc jaŋeraonec kiŋaŋ ware fisimbiŋ jaŋe dâŋ weniŋuc bâtikie‐jarezo? “Wofuŋ e Zioŋ haere wâtuŋ râeme huwec, eme maŋnao gurufâc‐ticne tac qararacne jaŋe soŋkerâ juniŋmu.”
18516	ISA 40:26	Faic fipie feme hone taraniŋ: Bâpiŋ ŋeraŋgopieŋ i mozi bâfuac‐jopawec? Mume guru‐jeŋicko furu jaha fua taniŋkeeŋgopieŋ â ʒâŋe‐jeŋic mufâreekac eki hâcne bâfuac‐jopawec; e tâpiri sâko‐ticnehec â sasanaŋ‐ticne bipinehec irec moczi moc mi sifuckeocmu.
18727	ISA 49:21	Goki ine maŋgao ʒiŋuc mucmu: ‘Keci jaŋe mozi rocjopa‐narewec? No hufiŋne erâ naru motec tâmiric jupo, no kâpâcwâruo bacnu rakicne â jâpecnukicne; ehame keci jaŋe mozi hone maiŋ ejareha sokambiŋ? No tiwâne bucnane jupo i! Eme keci jaŋe wenirec warembiŋ?’”
18733	ISA 50:1	Wofuŋ e kecʒiŋuc mukac: “Hâc, neŋgoc‐ŋeŋic behehuc sorepo irec pasi weni? Me mo ŋictao tofa‐nane fowecte erao furire erâ qikiŋ‐ŋopazapo? Manaŋgopieŋ, no sâqocne‐ŋeŋicte erâ qikiŋ‐ŋopapo â neŋgoc‐ŋeŋic e sindaŋ‐ŋeŋicte erâ sorepe rawec.
18783	ISA 53:2	E mai‐ticnao jâcbâpâŋ iŋucne fua sokac ewec, â mâreŋ hahaŋkekicnao jâcgâtâ gitec heekac irec sâc. E weniŋuc erâ hawari‐ticne qacfiricne eha honebâckenʒapeŋ, â weniŋuc erâ qâreŋ biaŋ‐ticne moc fuame ere aŋac‐nâpozac?
18951	ISA 63:15	Go sambâŋkonec, tiri hae biaŋgaonec hâcne fitec wahame honec. Ʒoɋac â tâpirige weni? Maŋjauŋ â buurucge i wemocte sakare‐nârekomec?
18953	ISA 63:17	O Wofuŋ, go wemocte hone qâoma enârehaŋ hatage beheeŋgopeneŋ â maŋsanaŋ eeŋgopeneŋ, ehuc gore mi hâwic‐nâpoekac? Kiŋaŋŋicfâcge â mefâregere kikefuŋ gurune gurune nâŋe mocwâc maic‐nâpoc.
18999	ISA 66:8	Mozi mâsi iŋucnere dâŋ moc manawec? Me mozi mâsi iŋucne moc honewec? Me mâreŋ moc irec ŋic ŋokac jaŋe ʒoaŋ mocjahao fuambiŋ? Me ŋicguru weni jaŋe beraŋ jaha fua‐fârembiŋ? Zioŋ eki ine gozi fuŋkerâ kiha izia ŋokâfâc‐ticne rocjopawec.
19117	JER 4:21	Sându maro honeekopac â qeŋfânâŋ manaekopac i mo dameŋ omae‐nareocmu?
19134	JER 5:7	“No weniŋuc erâ sâqocne bâtâmire‐garezapo? Naru motecfâcge jaŋe behecnumbiŋ, ehuc nemu fâri tâmiric jaŋerao ɋetickehuc mumupaŋ dâŋ mueŋgopieŋ. No nânâ mâriri bâfua‐jarepo, jaŋe ine rujeŋic no behecnurâ sasec ficko tumaŋnembiŋ.
19231	JER 8:9	Maŋɋârâŋhec jaŋe qurutuaniŋmu, ehuc bipic tatara ejareme jaŋacne dâŋzi ufic ejareha ira jowaniŋmu. Manakic, jaŋe Wofuŋ nore dâŋ qâsuambiŋte jaŋacne mamanazi wemocko moc bafic‐jopaocmu?
19319	JER 12:1	O Wofuŋ, go tiŋne rune, irec no gohec dâŋgie bape go dâŋ tiŋne sasawa mucmu; eme no sifu dâŋ mocjaha gohec muzo ekopac. Ŋic hehesicne jaŋe wemocte juhâmoeŋgopieŋ, â doc bapa ŋic jaŋe wemocte wiac sasawa mâririhec fua‐jareekac?
19389	JER 15:5	“O Jerusalem, mozi busâqoc moc mana‐gareocmu? Mozi gore erâ mu mamakuc eocmu? Mozi jujugere mu wioc egareocte gorao fâ fisiocmu?
19551	JER 22:28	Eme Jeremiazi muwec: “Ŋic keci, ʒâŋeŋe Konia e kuʒi sâqocne qanʒaŋnekicne me râqâc qaisockekicne iŋucne me? E â ɋâricfâc‐ticne jaŋe wemocte mâreŋ moc mi manambiŋko tuŋjopakicne â jâpec‐jopakicne?
19581	JER 23:28	Porofete moc e guŋ manajecko irec binaŋ bazo murâ bazejec, â moc e nore dâŋ moc manajecko ine dâŋnane fâretiŋ jaha muzejec. Padi jawane â fârine i wemocko bâturec‐jofazo?
19742	JER 30:6	Mu wioc erâ honeniŋ, ŋiczi motec rocjopazo eŋgopieŋ me weniŋuc? No wemocte ŋic sasawa jaŋe ŋokac gozi kicjopame eeŋgopieŋ iŋuc ehuc mejeŋic gâjoŋ‐jeŋicko râehapie honec‐jopaekopac, ehame ʒâŋe mai‐jeŋic weaŋke‐fârekac?
20391	LAM 1:12	“Nowaruŋgopieŋ sasawa ŋoŋe wemocte busâqoc moc mi mana‐nareŋgopieŋ? Ŋoŋe ʒâŋe fipie wareme honecnuniŋ! Wofuŋzi kimbeŋ sâko‐ticnere dameŋko bâtiŋnume ʒâic fua‐nareme manakopac, ʒâic iŋucne ŋoŋe moc manambiŋ me?
22510	AMO 5:18	Jei ŋoŋe, Wofuŋ dameŋ‐ticnere maŋhâhâŋ eŋareekac! Wofuŋte dameŋzi wemo wiac moc bâfua‐ŋareocmu? Dameŋ izi tatamac mâcne, dapâc bâfua‐ŋareocmu hâcne.
22555	AMO 8:5	Ŋoŋe ʒiŋuc muhuc wiac i eeŋgopieŋ hâcne: “Mosa ɋâricne wahaekac irec hombaŋ i wezimucko tarame padi jacgoŋ wiac furi bapa fuaocmu? Me sabata hombaŋ ŋeŋe i mo dameŋko tarame padi rowaŋficte motâc ronaŋmu, ehuc padi sâcticne bawahahuc furi‐ticne fehuc ronaŋmu, â sigeli bâsifuckerâ ŋic eatuc‐jopanaŋmu?
22802	HAB 1:2	O Wofuŋ, no mu wâwâsic egarehuc juhape wezimucko moc mana‐narecmu? “Jei, bâʒâicnu‐fâreeŋgopieŋ!” No iŋuc muhuc wira wâwâsic egarehape mi baficnuekic i.
22835	HAB 2:18	Metâ bapa eki ɋâŋ qâqâtâc fasaeekac, me aeŋzi hawari wiac burecne baekac, izi wemocko moc bafic‐nâpoocmu? Metâ bapa e ɋâŋ qâqâtâc dâŋemâcne fasaerâ e jahacne meqâreŋko roweckeekac hâcne.
23349	MAT 5:46	Ŋoŋe maŋjauŋ eŋareeŋgopieŋ jaŋe sawa maŋjauŋ ejareniŋmu, ine wemocko tofane fome juku bazu‐ŋarezo? I miti râpeckembiŋzi eeŋgopieŋ wâc.
23407	MAT 7:22	Ŋic bocjahazi dameŋ sâkoo ʒiŋuc nazanʒoŋgopieŋ: ‘Wofuŋ‐nâŋec, hâc, nâŋe gore micte ŋic miti mi jazambeŋ? Me gore micte demoŋ mi jâpe‐jarembeŋ? Me gore micte gie sâko mi bambeŋ?’
23585	MAT 12:27	Eme no Beezebulu ere neŋgoc ŋesiŋko demoŋ jâpec‐jopaekopacko, ŋaŋacne motecfâc jaŋe more ŋesiŋko demoŋ jâpec‐jopaeŋgopieŋ? Jaŋe hâcne qoqoric‐ŋeŋicte fuŋne bataniŋkeniŋmu.
23848	MAT 19:17	Mume ʒiŋuc âzâcnewec: “Wiac biaŋnere wemocte wio‐narekomec? Biaŋne rune mocjaha jukac. Eme go juju sanaŋte biŋe ezo murâ sâcmutâc dâŋ reŋkezemec.”
24004	MAT 23:17	Oi, ŋic maŋsanaŋ â mutucne, ufuŋ e tiri ŋeekacte eri qaraweŋ wiac‐ticnezi tiri jaha wâc eekac. Irec wenimoizi fârine jâmbâŋ ekac, ufuŋzi me eri qaraweŋ wiac‐ticnezi?
24115	MAT 25:38	Me wena moc ŋeŋe hae tâmiric juhaŋtec hezu hewâneŋ egarembeŋ? Me wena moc ŋaqi basatec qikiŋne‐garembeŋ?
25239	LUK 6:24	“Moneŋ mafa sâkohec, jei, ŋoŋe juku wemo wiaczi bâmiriŋ‐ŋopazokac?
25247	LUK 6:32	Ŋoŋe maŋjauŋ eŋareeŋgopieŋ jaŋe sawa maŋjauŋ ejareniŋmu, ine wemocko tofane fome juku bazu‐ŋarezo? Miti tâmiriczi âgofâc‐jeŋic maŋjauŋ ejareeŋgopieŋ wâc.
25248	LUK 6:33	Â âgo eŋareeŋgopieŋ jaŋe sawa âgo ejareniŋmu, ine wemocko tofane fome juku bazu‐ŋarezo? I miti tâmiriczi eeŋgopieŋ wâc.
25249	LUK 6:34	Okacne bârisie‐ŋareniŋmu jaŋe sawa wiac ejarepie wemocko tofane fome juku bazu‐ŋarezo? Miti tâmiriczi âgofâc‐jeŋic ʒiŋuc muhuc wiac ejareeŋgopieŋ wâc: Juku sâc ijaha bârisie‐nârenʒepieŋ.
25493	LUK 11:19	Eme no Beezebulu ere neŋgoc ŋesiŋko demoŋ jâpe‐jareekopacko, ŋaŋacne motecfâc jaŋe more ŋesiŋko demoŋ jâpe‐jareeŋgopieŋ? Jaŋe hâcne qoqoric‐ŋeŋicte fuŋne bataniŋkeniŋmu.
26420	JHN 7:23	Ine hâcne Mosere sâcmutâc dâŋ huckepie fârimâc ezacte hombaŋko motecfâc‐ŋeŋic sahac tofa‐jeŋicko gie i baeŋgopieŋ, â no ine ŋicpuriŋ sahac‐ticne furu jaha hombaŋko bâpiaŋkepo, irec wemocte mana gâpâre‐nareŋgopieŋ?
26746	JHN 14:9	Eme Jesuzi muwec: “Filipo, no dameŋ ʒora ŋoŋehec juhape go mi hone tarac‐nukomec? Moc e no honecnuekaczi Mamac honeekac. Eme go wemocte ʒiŋuc mukomec: ‘Go Mamac nâwotutec honenaŋ’?
26875	JHN 18:21	Irec wemocte no wio‐narekic? Dâŋ jazape manaeŋgopieŋ jaŋe ejaretec muekopac sâc gazapie manac.”
27589	ACT 16:37	Mume Paulozi ʒiŋuc âzâcnewec: “Jaŋe Romaŋic guruonec fuakicne nâhe dâŋficko mi râec‐nâfohuc ŋichofao qâtâc bâtâc‐nâforâ kâpâcwâru ficko râec‐nâfombieŋ. Eme ʒi wemocte kamicnea sorec‐nâfoŋgopieŋ? Iŋuc aricne, jaŋac ware jowac‐nâfopie razeperec.”
28172	ROM 7:13	Hâc, eme dâŋ biaŋnezi hâmoc bâfua‐narewec? Iŋuc mâcne, sâqocnezi nuwec. Sâqocne fuŋne‐ticne taniŋke‐jâmbâŋkeocte dâŋ biaŋnezi âki heha hâmocne nuwec. Sâqocnere manapene gâgâpâcne jâmbâŋ eocte sâcmutâc dâŋzi âki heha nuwec.
28183	ROM 7:24	Ŋic huacbucne no mozi sahac‐nane hâmocte biŋe ekicne hetara‐nareocmu?
28217	ROM 8:33	Anutu bâwosâecfâc‐ticne jaŋe mozi dâŋko râec‐jopaocmu? Anutu e jahac kiŋfâsâc bacjopakac.
28219	ROM 8:35	Kristore uruc jauŋkonec wemozi moc batarac‐nâpoocmu? Ʒâic busâqoczi me hume serereŋzi me fific guguriŋzi me roroczi me qarâ suriŋnezi me ʒârâ ʒâpâzi me ʒika kâpâcwâruzi?
28275	ROM 10:19	Eme mocwâc wiohuc mukopac: Israe ŋic jaŋe mi mecne mana‐hâmombiŋ? Iŋuc mâcne, qanaŋ Mosezi ʒiŋuc qâreŋkewec i mupe: “No ŋic omane rocjopape siric‐ŋopapie iiŋguuŋ ejarenʒepieŋ; ŋicguru mutucne hefârec‐jopape buŋeŋic gâpârezejec.”
28539	1CO 6:4	Wiac omanere dâŋ fuame ŋoŋe wemocte kikefuŋzi mana‐jareme wawahane eekac ŋic iŋucne jaŋerao barapie mutara‐ŋareeŋgopieŋ?
28665	1CO 10:30	No Anutu daŋge âzâcnehuc nunumu faio nâpe moczi wemocte mana sâqore‐nareocmu?
28690	1CO 11:22	Hâc, ŋaŋacne fic basahuc iŋuc eeŋgopieŋ me? Ŋoŋe nânâ opâ nâzo murâ ira nanʒapiŋ! Wemocte Anuture gurufâc jaŋere manapie wawahane eme hapetac busâqoc ejareeŋgopieŋ? Wemo ŋazape? Mumbiaŋ‐ŋopape? Wiac kecirec mi mumbiaŋ‐ŋopazo.
28752	1CO 14:6	Âgofâc, no ŋoŋerao fârâ marac furuo dâŋ ŋazape wemocko âkesiŋ‐ŋopaocmu? No muraruŋ dâŋ me miti hukicne me findaŋdâŋ me mu qaqazuc dâŋ muratie‐ŋarepe ine sâcne maŋfâri‐ŋeŋic eocmu.
28754	1CO 14:8	Me qeŋ kosa qapie dâŋ eme manarâ wemocko “wiac mocte kuku qanâreŋgopieŋ” muhuc ra bafic‐jopaniŋmu?
28818	1CO 15:32	No Efeso haeo qowi mimicne jaŋehec juju gie bapo i ŋicdâŋko siŋkehuc epoo wemo fârine mo fua‐nareocmu? Hâmockonec fafahare mi fokacko ʒiŋuc mupene sâckezac: “Tomâcko moc hâmonʒipeŋte miŋecgac jaha nânâ qowi ro nâc qânâc enaŋ.”
28894	2CO 2:2	Noni busâqoc eŋarehape weni jaŋe bubiaŋ bâfua‐nareniŋmu? Busâqoc ecnekicnezi wemocko iŋuc eocmu?
29581	COL 2:20	Ŋoŋe Kristore hâmocko ʒuhuckehuc mâreŋte wiac tâpirihec râpeckembiŋko wemocte mâreŋte hae fâri juhuc tinac sâcmutâc dâŋticne reŋkeeŋgo‐pieŋ?
29689	1TH 5:1	Âgofâc‐nane, dameŋte â ʒâfore dâŋ wemocte moc qâreŋke‐ŋarenaŋmu?
30365	JAS 2:5	Âgo biaŋfâc‐nane, dâŋ mupe mananiŋ: Anutuzi ŋic weniŋucne rowosâec‐jopawec? Mâreŋko hapetac jueŋgopieŋ jaŋe hâcne mamanasiŋko maŋ mâririhec erâ uucmaŋ rauckeniŋte rowosâec‐jopawec. I irec ejareekac jaŋe hâcne biŋe qajarewec.
30366	JAS 2:6	Eme ŋoŋe ine hapetac jaŋe ʒâŋe titikic honec‐jopaeŋgopieŋ. Â weni jaŋezia bâuruŋ‐ŋoparâ kiarao râec‐ŋopaeŋgopieŋ? Mafahec jaŋe hâcne iŋuc eŋareeŋgopieŋ.