1	GEN 1:1	Dameŋ fufuŋkenao Anutuzi sambâŋ â mâreŋ bâfuac‐jofawec.
16	GEN 1:16	Anutuzi iŋuc ehuc ʒoctamac sâko jajahec bâfuac‐jofawec, kâcɋene moc e ʒoaŋko micne barâ juocte â kâkâcɋene moc e ŋafeo micne barâ juocte. Erâ wâc bâpiŋ mâmâc bâfuac‐jopawec.
17	GEN 1:17	Jaŋe mâreŋ âke tamaeniŋte â ŋafe ʒoaŋ soŋaŋ‐jofahuc dapâc â tatamac bâtâc bacjofaniŋte Anutuzi sambâŋko hâcne râec‐jopawec.
27	GEN 1:27	Eme Anutu e hawari‐ticnere sâcko ŋic bâfuawec hâcne. Ŋic â ŋokac bâfuac‐jofawec.
42	GEN 2:11	Moc ʒâŋene Pisoŋ, izi Hawila mâreŋ orâŋke‐fârekac. Ira gol fokac.
44	GEN 2:13	Opâ ombâŋne moc ʒâŋene Gihoŋ. Eki Kusu mâreŋ orâŋke‐fârekac.
80	GEN 3:24	Wofuŋ Anutuzi ŋic ŋokac iŋuc jâpec‐jofame hurapic. Eme Edeŋ jufu gie ʒoaŋ wewefu‐ticnao bâbâricte ʒocbâruŋ âkendâŋnehuc kerubim jajahec jahe jujujâcte hata âte bâzickenicte soŋaŋ râec‐jofawec.
92	GEN 4:12	Hesarac gie batec mâreŋzi guec‐ticnere fârine sakare‐garezejec. Eme wise wise juhuc ra ju ware ju ezemec.”
105	GEN 4:25	Adam e ŋonâŋ‐ticnehec mocwâc jume kiwechec erâ motec moc rowec. Eme ʒâŋe‐ticne ʒiŋuc manasuhuc Sete muwec: Kaiŋzi Abe qawecte ere âkehoc Anuturaonec ŋic ukic biaŋ mocwâc fisi‐narekac.
108	GEN 5:2	Ŋic â ŋokac bâfuac‐jofarâ ʒâŋe‐jekic ŋic â ŋokac iŋuc mujacterâ jambuŋ‐jofawec.
151	GEN 6:13	Eme irec Anutuzi Noa ʒiŋuc âzâcnewec: “No mâreŋŋic jaŋere dameŋ taraocte manapaŋkekopac. Jaŋe sindaŋ hârindaŋ‐jeŋiczi mâreŋ fusucmakacte no bâsirowec‐jopapemu.
155	GEN 6:17	Manakic, no mâreŋko ŋic juŋgopieŋ jaŋe bâsirowec‐jopa‐fârepemurâ rumi sâko bâfuape mâreŋko wiac jujune forakac i omae‐fâreocmu.
162	GEN 7:2	Irec go qowi nânâne jaŋeraonec 7, 7, ŋicne â ŋokacne aŋa sâsâc â qowi mi nânâne jaŋeraonec jajahec jajahec rowosâec‐jopac.
181	GEN 7:21	Iŋuc eme mâreŋ faio wiac jujune omaewec, wipe mecne, hae qowi mecne, kâte qowi mecne, â homa gisic wiac mecne, mâreŋko babarâ jueŋgopieŋ, erâ wâc mâreŋŋic mâmâc, jaŋe sipiricke‐fârembiŋ.
182	GEN 7:22	Mâreŋko wiac jujune, nokafehec, jaŋe hâmo‐fârembiŋ.
183	GEN 7:23	Iŋuc ehuc Anutuzi mâreŋko wiac jujune sasawa, ŋic me qowi me gisic wiac, me wipe, i jaŋe bâsirowec‐jopa‐fârewec. Noa â ehec woke maŋnao jumbiŋ, jaŋe sawa akic‐jopawec.
192	GEN 8:8	Eme jurâ jurâ Noazi hapâ moc soreme rawec, mâreŋko opâ fâre wahawec me mâcne, irec fuŋne mana‐hâmoocte.
197	GEN 8:13	Noare jara dameŋ 601 irec mosa wâŋte ʒoaŋ gie bapa 1 ira opâ sâko mâreŋ faio fowec i kereŋke‐fârewec. Eme Noazi wokere bupu bâropierâ honewec: Mâreŋ faio opâ ʒickewec hâcne.
204	GEN 8:20	Waha‐fârepie Noazi Wofuŋte alata moc barâ qowi â wipe nânâne jaŋeraonec moc moc iŋuc rocjopaku Anuture bâzi rikec‐jopawec.
211	GEN 9:5	Socŋeŋicte okacne i noni batarapemu. Ŋicjuju irec okacne qowi jaŋerao, me ŋic jaŋerao, me âgo soctofa jaŋerao i nonizia batara‐jâmbâŋkepemu.
236	GEN 10:1	Noa ŋokâfâcne jaŋere ɋâricfâc jaŋere ʒâŋe biri ʒine hâcne: Sem, Ham â Jafete jaŋe rumi sâkozi omaewec irec faicnao ŋokâ fua‐jarembiŋ.
302	GEN 12:3	Go jambuŋguniŋmu i noni wâc jambuŋ‐jopapemu, â go sâwecguniŋmu i noni iŋuc jaha sâwec‐jopapemu. Â goraonec jambuŋzi ŋeratierâ mâreŋŋic sâcjopa‐fârezejec!”
316	GEN 12:17	Eme Wofuŋzi Farao â wiacfâcne jaŋe Abram ŋonâŋ‐ticne Saraire erâ ʒâic guru fekicne bâfua‐jarewec.
372	GEN 15:11	Eme gafu hâro jaŋe fisirâ âsu gârec nâcjopaniŋte wahapie Abramzi jâpec‐jopawec.
418	GEN 17:20	Â Isimaere wâc biac mana‐garekopac. Manakic, no e jambuŋkehuc ecnepe ɋâricfâcne fuarâ sawe mâririackenʒepieŋ. Ere bifuŋko ŋic fekicne 12 fuaniŋmu, erâ manacnepe ŋicguru sâko erâ juocmu.
421	GEN 17:23	Ehame Abraham e ŋokâ‐ticne Isimae â kiŋaŋ qaqafâcne ficticnao fuakicne mecne â moneŋzi furi bacjopakicne mecne, ine hâcne ficticnao ŋic jumbiŋ sasawa, i jaŋe rocjoparâ Anutuzi mutâcnewec irec sâcko ʒoaŋ ijaha sahac tofa‐jeŋicko ma bajare‐fârewec.
504	GEN 20:8	Eme Abimelec e furicte jâmbâŋ faharerâ kiŋaŋ qaqafâcne hetumaŋ‐joparâ dâŋ i sasawa jaza‐fâreme mâretec hâwic‐jopawec.
514	GEN 20:18	Irec Abraham e Anutu numucneme Anutuzi Abimelec â ŋonâŋ‐ticne erâ kiŋaŋ ŋokacfâcne jaŋe mocwâc ɋâric bâfuac‐jopaniŋte bâpiaŋ‐jopawec.
537	GEN 21:23	Irec go no â ɋâricfâc‐nane erâ jaŋere ɋâricfâc burec eatuc moc mi enârecmurâ mupaŋke‐narezemec. Noni âgo egare warehuc jupo iŋuc jaha goki no â mâreŋ jaba jukomec irec ŋic nâŋe âgo enârezemec.”
581	GEN 23:9	e mâreŋ ʒirec tofanao Makepela hawec fokac irec rune jukacte nore âkehoc ecnepie hawec i nore eocte mana‐narezejec. Eme ŋondeŋ‐ŋeŋicko hawec izi nore ʒâŋeruŋ gie eocte furine muocmu sâc râcnezepac.”
598	GEN 24:6	Iŋuc mume Abrahamzi muwec: “Aricne jâmbâŋ, go ŋokâ‐nane ira moc mi bârisie‐jâmbâŋkezemec.
599	GEN 24:7	Wofuŋ, sambâŋte Anutu hâcne, mamac‐nanere fickonec â mame sâkofâc‐nane jaŋere mâreŋkonec jowacnu warewec eki dâŋ mupaŋkehuc ʒiŋuc nazawec: ‘Ɋâricfâcge jaŋe mâreŋ ʒi hâcne jarepemu.’ Wofuŋ eki hâcne ŋokâ‐nanere ŋonâŋ moc mâreŋ irecnec bâfuacmurâ aŋelo‐ticne ecneme bânie‐gareocmu.
628	GEN 24:36	Â bomboŋ‐nanere ŋonâŋ e ŋokac qizec erâ sifu bomboŋ‐nanere ŋokâ moc rowec. Eme Abraham e wiac‐ticne sasawa ere meo râe‐fârewec.
655	GEN 24:63	Eme ʒoaŋ moc ira hae owâ ririŋte Isakazi gieo rawec. Ra juhuc ʒâŋe fime rame kamele warepie honec‐jopawec.
658	GEN 24:66	Kiŋaŋŋic eki ine wiac ewec bawec irec dâŋ binaŋ Isaka ecne‐fârewec.
664	GEN 25:5	Abraham eki ine moneŋ mafa wiac‐ticne Isaka râcne‐fârewec.
697	GEN 26:4	Ɋâricfâcge jaŋe mana‐jarepe fua sawec epie ʒare‐jeŋic sambâŋko bâpiŋ ŋeraŋgopieŋ irec sâc ezejec, â ɋâricfâcge jaŋere jambuŋzi mâreŋ sâc ŋicne ŋicne sâcjopa‐fârezejec.
701	GEN 26:8	Eme ira juhuc dameŋ mocko ŋonâŋ‐ticne Rebeka hâpo mumuduc ecnewec. Ehame ŋicwofuŋ Abimelec e qâqâtâc kataŋko honec‐jofawec.
708	GEN 26:15	Opâ nombâŋ sasawa mamac‐ticnere kiŋaŋŋic jaŋe Abrahamzi juhame rombiŋ, i hâcne Filisa ŋic jaŋe mâreŋ fiapie hume hemase‐fârembiŋ.
728	GEN 26:35	Ŋokac i jahe ine Isaka â Rebeka busâqoc boc bâfua‐jactepic.
732	GEN 27:4	erâ aŋac‐nanere sâcko rikerâ bare‐narezemec. Eme hâmoczi mi rocnuha qowi nârâ jambuŋguzepac.”
806	GEN 29:10	Eme Jakobo e wawa‐ticne Labaŋ ere otâ Rahe â wawa‐ticnere qowi mâmâc honec‐joparâ ra opâ nombâŋkonec qânâ qârândiŋkerâ wawa‐ticne Labaŋ ere lamafâc opâ gumec‐jopawec.
858	GEN 30:27	Eme Labaŋzi âzâcnerâ muwec: “Wiac mocjahare sawa mupe mana‐narenʒaŋ. No ɋâsâi qahuc ʒiŋuc mana tarapo: Wofuŋ e gore erâ ehâmo‐narewec.”
861	GEN 30:30	No mi warehape afecne sawa jugarembiŋ, ʒi ine fua sawec erâ guru sâko embiŋ juŋgopieŋ, eme Wofuŋ e gie‐nane bahape go ehâmo‐garewec. Dameŋ ʒi ine no nahac wiacfâc‐nane jaŋere erâ gie bahuc dope wiac bâfua‐jarezepac.”
871	GEN 30:40	Eme Jakobo e lama motecne bâwosâec‐joparâ ejareme Labaŋte qowi gurune gurune qâqâreŋ â gâgâpâc jaŋeraopec ʒâŋe fihuc domambiŋ. E iŋuc ehuc e jahacne guru moc buc bâfuarâ Labaŋte guruo mi ʒuhuc‐jopawec.
882	GEN 31:8	‘Qowi tiŋpâc tiŋpâc jaŋe gore gie furi enʒepieŋ,’ iŋuc mume qowi sasawa jaŋe motecfâc‐jeŋic tiŋpâc tiŋpâc rocjopa‐fârembiŋ, me ‘Qâqâreŋ jaŋe gore gie furi enʒepieŋ,’ iŋuc mume qowi sasawa jaŋe motecfâc‐jeŋic qâqâreŋ rocjopa‐fârembiŋ.
883	GEN 31:9	Iŋuc fuame Anutuzi mamac‐ŋekic qowi iŋucne jâoc rohuc no nare‐fârewec.
887	GEN 31:13	No Bete hae irec Anutu, go ira hâcne qânâ moc wokemaŋ ruacnehuc dâŋ moc mupaŋke‐naremeŋ. Ajoc, go ʒiŋuczia faharec, erâ mâreŋ ʒi beherâ fufua hae mâreŋgao risie razemec.’”
891	GEN 31:17	Eme Jakobo e faharerâ ŋonâŋ jahec‐ticne â ŋokâfâcne jaŋe kamele faio râec‐jopawec.
902	GEN 31:28	Go ine otâ jahec‐nane muduc‐jofapemurâ mi manasu‐naremeŋ. Go mutuc emeŋ hâcne.
906	GEN 31:32	Irec moctao me moctao nemuɋâŋge bâfuacmu e mi juzejec. Wiac bajukopac i soctofafâc‐nâhec jaŋere maio hone‐fârezemec. Ehuc bâfuarâ rozemec.” Jakobo e ine Rahezi nemuɋâŋ fiuc rowec i mi manawec.
928	GEN 31:54	Erâ tikio taha bâzi moc bâmockerâ soctofafâc‐ticne nânâre hefârec‐jopawec. Eme tiwâ bâzi nârâ tikio fombiŋ.
929	GEN 32:1	Izi hae fureme Labaŋ e otâ ŋosafâc‐ticne muduc‐joparâ jambuŋ‐jopawec. Iŋuc erâ behec‐jopahuc hae‐ticnao risie rawec.
934	GEN 32:6	No lama, bulimakao, doŋgi â kiŋaŋŋic ŋokac rauc‐jopapo. Eme bomboŋ‐nane go âgo enarecmurâ biŋedâŋ i hâcne râepe fakac.’”
952	GEN 32:24	E wiacfâcne jaŋe rocjopame fotâcne‐fârepie mafa wiac‐ticne sasawa i mâmâc râeme raʒi‐fârewec.
962	GEN 33:1	Eme Jakobo e ʒâŋe fime rame mi Esau â ŋicfâcne 400 warepie honec‐jopazejec i. Iŋuc honec‐joparâ naru motec bâtâc bacjoparâ Lea â Rahe erâ kiŋaŋ ŋokac jajahec jaŋerao râec‐jopawec.
974	GEN 33:13	Eki ine muwec: “Bomboŋ‐nane go manakic, naru motec jaŋe gegecne sasawa â lama bulimakao motecne jaŋe susu nâhuc juŋgopieŋ, irec ʒoaŋ mocjahao sawa hatare fâro ejarepe biac betaŋkerâ hâmo‐fârenʒipiŋkohec.
975	GEN 33:14	Irec bomboŋ‐nane, go kiŋaŋŋicge no bânie‐narec. No ine qowi â naru motec tâpiri‐jeŋicte sâcko qataŋ‐joparâ fâku Seiri haeo gorao fisizepac.”
988	GEN 34:7	Eme Jakobo ŋokâfâcne jaŋe gieonec risierâ Sikemzi seŋjeŋic bâsâqorehuc Israe guruo mimi sâko bâfuawec biŋe i manarâ bujeŋic wefume aaric‐jopawec. E wiac mi eene jâmbâŋ ewec hâcne.
1002	GEN 34:21	“Ŋic keci jaŋe wamane, irec mâreŋ‐nâŋecko juhuc gie wiac‐jeŋic baniŋte mana‐jarenʒepeneŋ. Mâreŋ rârec rârec kâcɋene fokacte sâcne sâcjopaocmu. Ehame nâŋâc narufâc‐jeŋic ŋokac rocjopanʒepeneŋ, ehuc nâŋâcne narufâc jaŋe jarenʒepeneŋ wâc.
1006	GEN 34:25	Eme ŋic jaŋe ʒâic manahuc fohapie ʒoaŋ jahec â moc eha Jakobo ŋokâ jahec‐ticne Simeoŋ â Lewi, Dinare seŋ jahec hâcne, jahe ʒika‐jekic rorâ haeo ferâ ŋic jopa‐fârepic.
1009	GEN 34:28	Erâ lama bulimakao â doŋgifâc‐jeŋic, haeo jumbiŋ mecne gieo jumbiŋ mecne i mâmâc rocjopa‐fârembiŋ.
1018	GEN 35:6	Eme Jakobo â ŋicfâcne ehec jumbiŋ jaŋe Kanaaŋ mâreŋko Lusi haeo, Bete hâcne, ira fisi‐fârembiŋ.
1100	GEN 37:16	Eki muwec: “No hahacfâc‐nane basac‐jopakopac. Jaŋe wena juhuc lama soŋaŋ‐jopaŋgopieŋ i nazac mac.”
1102	GEN 37:18	Eme Josefe e hahacfâcne basac‐jopa raku Dotaŋko bâfuac‐jopawec. Eme taicko juhame honerâ qaniŋte mumockehuc
1109	GEN 37:25	Jaŋe iŋuc erâ nânâ nâniŋte waha ŋembiŋ. Ehuc ʒâŋe fipie rame Isimae âbârâ ŋic Gileade haeonec warepie honec‐jopambiŋ. Jaŋe kamelefâc‐jeŋic jaŋe gumi â wokemaŋ â jâc sâŋiŋ wiac âsickepie Aigita mâreŋko raniŋte warembiŋ.
1153	GEN 39:3	Eme Josefe e gie bawec sâc i Wofuŋzi ehec juhuc bafickeme bame biaŋke‐fârewec.
1158	GEN 39:8	Eki ine qatararâ bomboŋ‐ticnere ŋonâŋ ʒiŋuc âzâcnewec: “Manakic, bomboŋ‐nanezi nore manabâc mi ehuc wiac focnekac sâc i nore meo râe‐fârewec.
1159	GEN 39:9	Ehuc fic ʒira e jahacne sâc jaha jupemurâ râecnuwec. E wiac sasawa qikiŋne‐narehuc go mocjaha ŋonâŋ‐ticne jukicte sakare‐narewec. Ehame no wemocko hehesic iŋucne sâko moc bâfuahuc Anutu bunao bapemu.”
1176	GEN 40:3	Irec mume momori micne ere ficko, kâpâcwâru ficko hâcne, râec‐jofambiŋ. Josefezi ine fic ijaha fowec.
1179	GEN 40:6	Eme hae fureme Josefezi jahere ficmaŋko ferâ busâqoc hawari ŋehapire honec‐jofawec.
1208	GEN 41:12	Eme dameŋ ira Hebiraio ŋicmotec moczi momori soŋaŋte kiŋaŋ qaqa juhuc nâhehec fowec. Eki hâcne guŋ manapec i âzâcnepere fuŋne nâsâwec, ehuc guŋ manapec sâc fuŋne buc buc mutaniŋke‐nâctewec.
1220	GEN 41:24	Eme fârine aputaczi fârine biaŋne ɋâcke‐fârejec. Eme irec mamana ŋic jazape fuŋne nazaniŋte eipieŋgopieŋ.”
1236	GEN 41:40	Irec go hâcne ficnanere soŋaŋ râecguzo mukopac, eme ŋicfâc‐nane jaŋe gore dâŋ reŋke‐fârenʒepieŋ. Mocjaha, ŋicwofuŋ ŋeŋezi sawa nore biŋe ŋezejec.”
1242	GEN 41:46	Josefe e jara‐ticne 30 bazurâ Aigita ŋicwofuŋ Farao ere maio fuarâ domawec. Erâ Farao beherâ keretacko Aigita mâreŋ sâko fotâcne‐fârewec.
1283	GEN 42:30	“Mâreŋ rambeŋ irec ŋicbomboŋ e dâŋ hâhâwicne enârehuc, ‘ŋoŋe docbapa’ iŋuc muhuc kâpâcwâru ficko râec‐nâpowec.
1288	GEN 42:35	Eme jaŋe ru sâc târu‐jeŋickonec padi hoŋkehapie mi moneŋ kânoŋ‐jeŋic moneŋhec wahame bâfuanʒepieŋ i! Eme motec jaŋe mecne, mamac‐jeŋic mecne, moneŋ kânoŋ moneŋhec honerâ hâwic‐jopawec.
1290	GEN 42:37	Iŋuc mume Rubeŋzi âzâcnewec: “No Benjamiŋ mocwâc mi bârisie‐garepemuo ine okacne ŋokâ jahec‐nane sâcne qâhâmoc‐jofazemec. Irec sifu e nore meo râec, eme no sâcne bârisie‐garepemu.”
1298	GEN 43:7	Mume mumbiŋ: “Ŋic e nâŋe nâŋâcne â wiacfâc‐nâŋec ŋoŋere mu indiŋ enârehuc muwec: ‘Mamac‐ŋeŋic jukac me? Erâ ɋaŋeŋic moc jukac me weniŋuc?’ Iŋuc eme juŋgopeneŋ sâc irec dâŋ âzâcne‐fârembeŋ. Eme eki, ‘Ɋaŋeŋic jowa warenʒepieŋ,’ iŋuc muocmu, i wemocko mananʒapeŋ.”
1311	GEN 43:20	ʒiŋuc âzâcnembiŋ: “O bomboŋ‐nâŋec. Nâŋe mârâc nânâ furine banaŋte warembeŋ.
1315	GEN 43:24	Erâ Josefere ficko jowac‐jopa ferâ kike‐jeŋic ʒureniŋte opâ fia‐jarewec, erâ doŋgifâc‐jeŋic nânâ gumec‐jopawec.
1326	GEN 44:1	Eme Josefezi ficsoŋaŋ‐ticne ʒiŋuc âzâcnewec: “Go ŋic tâpiri‐jeŋicte sâc manahuc padi târu‐jeŋicko fiatec huoc, erâ moneŋ‐jeŋic i ru sâc târu‐jeŋicko padi fainao ŋie‐jarezemec.
1336	GEN 44:11	Eme jaŋe biac târu‐jeŋic rorâ mâreŋko hepie ŋeha firue‐fârembiŋ.
1360	GEN 45:1	Eme Josefe e orâŋkerâ domambiŋ ŋic i jaŋere maio bu heheric ecneme ʒiŋuc muwec: “Ŋic ejarepie hufâreniŋ.” Iŋuc mume hufârepie Josefezi hahacfâcne fuŋne‐ticne mutaniŋke‐jarewec.
1361	GEN 45:2	Eme ki kâcɋene kiowecte Aigita ŋic jaŋe manambiŋ, â Faraore ficko jumbiŋ jaŋe wâc mâmâc mana‐fârembiŋ.
1386	GEN 45:27	Ehame jaŋe Josefezi dâŋ jazawec sâc âzâcne‐fârembiŋ. Eme Josefezi mamac‐ticne roocte keretac râewec i ware fisime mamac‐jeŋic Jakobozi honerâ maŋne fie ruruckewec.
1413	GEN 46:26	Ŋic ŋokac sasawa, Jakobore bifuŋko fuambiŋ erâ Aigita mâreŋko ra fisimbiŋ, jaŋere ʒare qâhâckepene 66 ekac. Jakobo ŋokâfâc‐ticne jaŋere ŋonâŋfâc ine jaŋerao mi ʒuhuc‐jopakicne.
1430	GEN 47:9	Jakobozi Farao dâŋ ʒiŋuc bâtikiecnewec: “Mâreŋko jaba juju‐nanere dameŋ jara 130 tarawec, i dameŋ bembeŋne mac erâ sifu ʒâic busâqoc‐ticnehec. Erâ mamac ŋosafâc‐nane jaŋe mâreŋko jaba juju‐jeŋicte dameŋ ʒoricne, no irec sâc mi bâfuakopac.”
1432	GEN 47:11	Josefezi ine mamac hahacfâcne fic hae bâfua‐jarehuc Aigita mâreŋte dâkâne moc jaŋe jaŋacne biŋe eocte qikiŋne‐jarewec. Mâreŋ i mâreŋ biaŋne jâmbâŋ, Faraozi muwec sâc, Ramesesi mâreŋ hâcne.
1433	GEN 47:12	Erâ Josefe e mamac hahacfâcne â mamac‐ticnere wiacfâc sasawa naru motecfâc‐jeŋic jaŋere sâcko nânâ wiac râe‐jarewec.
1438	GEN 47:17	Iŋuc mume jaŋe qowifâc‐jeŋic bacjopa warepie becâsic â lama bulimakao erâ doŋgi irec okacne nânâ jarewec. Jara ira hâcne iŋuc epie qowifâc‐jeŋic sasawa izi nânâ kitâcne‐jareme gumec‐jopawec.
1442	GEN 47:21	Ehame Josefezi Aigita mâreŋ ŋifec â ŋifec, faic â juwic ŋic jurambiŋ jaŋe sasawa Faraore kiŋaŋ qaqa bacjopa‐fârewec.
1467	GEN 48:15	Erâ jambuŋ‐jofahuc kecʒiŋuc muwec: “Mamac ŋosa jahec‐nane Abraham â Isaka jahe Anuture maio jupic, Anutu eki hâcne jambuŋ‐jofazejec, Anutu, nore soŋaŋ juweczi jukac, eki jambuŋ‐jofazejec.
1471	GEN 48:19	Mamacnezi ine qatararâ muwec: “Ŋokâ‐nane, no manakopac, no mana‐jâmbâŋkekopac. Manase e iŋuc jaha ŋic fekicne juocmu â ɋâricfâc‐ticne jaŋe ŋicguru sâko eniŋmu, mâc ɋanezi sirickeocmu â ere ɋâricfâc jaŋe ŋic gurune gurune erâ juniŋmu.”
1480	GEN 49:6	Maŋnanezi ŋohere tutumaŋ geŋkezejec, mâro‐nanezi ŋohere guruo mi ʒuhuckezejec. Ŋohe aaricte ŋic qâhâmoc‐jopapic â maŋhazec gâc jaha bulimakao bâpuriŋ‐jopapic.
1481	GEN 49:7	Maŋʒoc‐ŋekiczi momori wânʒâŋ ekacte sâweckezo, â aaric‐ŋekic hâhâwicne i mâmâc. No Jakobore mâreŋko bâfâuc‐ŋofapemu â Israe ŋic jaŋere ŋondeŋko bârâwiŋ‐ŋofapemu.
1484	GEN 49:10	Ŋicwofuŋ gunu i Juda goraonec mi râriezejec, â micne gunu i kikegezi qafitackerâ ŋezemec. Ehame tâpiri rugezi fisime mâreŋ sâc ŋicne ŋicne jaŋe micne reŋke‐fâreniŋmu.
1499	GEN 49:25	Mamacge nore Anutu e basanaŋguweczi baficguzejec, Anutu bapafâre e sabecguweczi jambuŋguzejec. E sambâŋkonec mâririzi jambuŋguzejec. E mâreŋmaŋko opâre rowaŋ fokac izi jambuŋguzejec, erâ kogoc fufua â moŋ i mâmâc jambuŋke‐garezejec.
1521	GEN 50:14	Eme Josefe e mamac‐ticne duckeme tarame e jahacne mecne â hahacfâcne mecne â gâcne sasawa ehec mamac‐ticne duckeniŋte mâmâc rambiŋzi Aigita mâreŋko risie‐fârembiŋ.
1528	GEN 50:21	Irec mi hâwic‐ŋopaoc. No ŋaŋacne â ɋiefâc‐ŋeŋic hone maiŋ eŋarehuc jupemu.” Iŋuc mu baafec ejarehuc bâmiriŋ‐jopawec.