16	GEN 1:16	Anutuzi iŋuc ehuc ʒoctamac sâko jajahec bâfuac‐jofawec, kâcɋene moc e ʒoaŋko micne barâ juocte â kâkâcɋene moc e ŋafeo micne barâ juocte. Erâ wâc bâpiŋ mâmâc bâfuac‐jopawec.
29	GEN 1:29	Anutuzi iŋuc murâ ʒiŋuc jasawec: “No monʒaŋ wiac ukic‐ticne tie raekac â jâcfâri nânâne ukic‐ticnehec ʒi râe‐ŋactekopac, izi nânâ‐ŋekic ezejec.
30	GEN 1:30	Â mâreŋ qowi â sawa wipe â homa gisic wiac nokafehec bâfuac‐jopakicne, jaŋere nânâ ine sopâc hofâ qinʒiŋ wiac râekopac.” Eme iŋuc fuawec hâcne.
58	GEN 3:2	Eme ŋokaczi homa âzâcnewec: “Nâhe jufuo jâcne jâcne doma rakac irec hândâŋne sâcne nanacte mana‐nâctekicne,
72	GEN 3:16	Ŋokac ine ʒiŋuc âzâcnewec: “Kiwechec juhaŋtec ʒâic bocjaha bâfua‐garepemu, eme gozi kicgukuhame naru motec rocjopazemec. Ŋowegere aŋacguha eki bomboŋ egarezejec.”
96	GEN 4:16	Eme Kaiŋ e Wofuŋte maionec rarâ mâreŋ moc ʒâŋene Nodi, Edeŋ ʒoaŋ wewefu‐ticnao, ira juwec.
102	GEN 4:22	Zila e iŋuc jaha motec kiweckerâ ŋokâ moc rowec ʒâŋene Tubali‐Kaiŋ, eki aeŋzi wiac fuŋne fuŋne bapa ŋicguru jaŋere fufuŋke ŋic â micne ewec. Tubali‐Kaiŋ seŋticnere ʒâŋe ine Nama.
103	GEN 4:23	Juku Lamec e ŋonâŋ jahec‐ticne hefârec‐jofarâ ʒiŋuc jasawec: “Ada â Zila, ŋohe hazec râerâ dâŋnane mananic! Ŋonâŋ jahec‐nane, ŋohe saoreŋ gae‐nane maŋkenic! Jâmbomac jâmbâŋ, wicte okacne ŋic moc qapo, â ʒâpâ nukicnere ine motec mac moc.
140	GEN 6:2	dameŋ ira nemu jaŋe ŋic jaŋere narufâc hawari biaŋ honec‐jopambiŋ, erâ honebâc‐jopambiŋ sâc ŋonâŋfâc‐jeŋic bacjopambiŋ.
150	GEN 6:12	Eme Anutuzi mâreŋ honeme sâqore‐jâmbâŋkewec, mâreŋŋic juju â eebapa‐jeŋic sifuc safucke‐fârerâ fowec.
173	GEN 7:13	Eme ʒoaŋ ijaha Noa â ŋonâŋ‐ticne erâ ŋokâfâcne Sem, Ham â Jafete â ŋonâŋfâc‐jeŋic, jaŋe mâmâc wokeo fefârembiŋ.
202	GEN 8:18	Iŋuc mume Noa â ŋonâŋ‐ticne â ŋokâ joŋaofâc‐ticne,
246	GEN 10:11	Irecnec rarâ Asiria mâreŋko fisirâ hae biri moc ʒiŋuc bâfua rawec: Niniwe, Rehoboti‐Iri, Kala
302	GEN 12:3	Go jambuŋguniŋmu i noni wâc jambuŋ‐jopapemu, â go sâwecguniŋmu i noni iŋuc jaha sâwec‐jopapemu. Â goraonec jambuŋzi ŋeratierâ mâreŋŋic sâcjopa‐fârezejec!”
318	GEN 12:19	E ŋonâŋ‐nane, go iŋuc wemocte mi nazameŋ? E seŋnane, iŋuc wemocte mutec nore ŋonâŋ erâ juocte ficnaneo râepo? Ajoc, ʒi ŋonâŋge mocwâc jowarâ wisec!”
329	GEN 13:10	Eme Loti e ʒâŋe fime rame honewec: Jordaŋ mâreŋ i opâzi bâgunucke‐fârekicne, Wofuŋte jufu gie iŋucne, erâ Aigita mâreŋ iŋucne, domarâ raku Ʒoari fisikac hâcne. Wofuŋzi Sodom â Gomora hae mi bâsirowec‐jofawec dameŋ ira Jordaŋ mâreŋzi iŋuc hâcne fowec.
346	GEN 14:9	Ra fisirâ ŋifec domahapie ŋifec Elam ŋicwofuŋ Kedo‐Laome, â Goim ŋicwofuŋ Tidali, â Sina ŋicwofuŋ Amarafe, erâ Elasa ŋicwofuŋ Arioko i jaŋe domambiŋ. Ŋifec 4 domambiŋ, ŋifec 5.
353	GEN 14:16	Fisirâ mafa jowac rofârehuc motecoc‐ticne Loti â mafa wiac‐ticne, erâ ŋokac â ŋic ŋokac gâcne wâc mâmâc bârisiec‐jopa‐fârewec.
366	GEN 15:5	Eme mâreŋko jowa hurâ ʒiŋuc âzâcnewec: “Go qâhâŋnerâ sambâŋko ʒâŋe fitec feme bâpiŋ honec‐jopac, i sâcne wosec‐jopacmu me?” Erâ âzâcnewec: “Ɋâricfâcge jaŋe irec sâc hâcne fua ranʒoŋgopieŋ.”
375	GEN 15:14	Â kiŋaŋ qajareniŋmu ŋicguru i jaŋe ine noni okacne bazu‐jarepemu, eme ɋâricfâcge jaŋe mafa mâririhec waha raniŋmu.
394	GEN 16:12	Eki doŋgi momori wânʒâŋ iŋucne erâ juocmu, ehuc ŋic sasawa râsi ejareha jaŋe wâc râsi jaha ecne‐fâreniŋmu, eme ɋafâcne jaŋere maio ŋec juc ehuc qâhuc‐jopaocmu.”
457	GEN 18:32	Eme Abrahamzi muwec: “O Wofuŋ‐nane, no arec mocjaha sawa mac ʒuhuckerâ mupe sifu mi mana sâqore‐narezemec: Ŋic 10 sawa bâfuac‐jopa wiac moc etec!” Eki muwec: “No 10 jaŋere erâ hae i ima mi bapemu.”
460	GEN 19:2	“Ŋicbomboŋ jahec‐nane, ŋohe miŋecgac ŋafeo kiŋaŋ qaqa‐ŋekic nore ficko ferâ kike‐ŋekic ʒurerâ ŋec foc enic. Tomâcko furicte ine sâcne faharerâ hata ʒuhuckerâ razepirec.” Jahe mupic: “Aricne, nâhe ŋafe ʒi hae ʒoŋao fonacmu.”
510	GEN 20:14	Eme Abimeleczi lama bulimakao â kiŋaŋŋic ŋokac rocjoparâ Abrahamte biŋe râec‐jopawec, ehuc ŋonâŋ‐ticne Sara mâmâc bârisiecnewec.
564	GEN 22:16	“Wofuŋzi mukac, no nahacne ʒâŋeo mupaŋkekopac, go wiac kecʒi emec, ehuc gahacne ŋokâ mocjaha mi sakare‐naremec,
572	GEN 22:24	Eme ŋonâŋoc‐ticne, ʒâŋene Reuma, eki motec rocjopawec ine ʒiŋuc: Teha, Gaham â Tahasi erâ naru moc ʒâŋene Maka.
608	GEN 24:16	Naru e ine sahac hawari biaŋ‐ticnehec, erâ naru ʒeŋoŋ juhuc ŋic mocte biŋe biac mi ewec. E opâ ʒâŋenao hurâ opâ fiarâ wefuwec.
736	GEN 27:8	Irec ŋokâ‐mae, ʒi dâŋ gaza mutâc epe mana rereŋ ezemec.
737	GEN 27:9	Go ʒiŋuczia rarâ noniŋ motecne ŋicne jajahec baware‐narec, eme noni mamacge aŋac‐ticnere sâcko rike bâmoc ezepac.
757	GEN 27:29	Ŋicne ŋicne jaŋe kiŋaŋ qagarenʒepieŋ â ŋic gurune gurune jaŋe gorao dapenʒepieŋ! Go hahac ɋafâcge ŋicbomboŋ ejarezemec eme neŋgocgere ɋâricfâc jaŋe gorao dapenʒepieŋ! Go sâwecguniŋmu jaŋe sâwec‐jopazo, â go jambuŋguniŋmu jaŋe jambuŋ‐jopazo!”
762	GEN 27:34	Eme Esau e mamac‐ticnere dâŋ i manarâ kio ŋâŋâtâc ehuc mamacne âzâcnewec: “O mamac‐nane, no sifu jambuŋnuzemec wâc.”
765	GEN 27:37	Eme Isaka e Esau ʒiŋuc âzâcnewec: “Manakic, e gore ŋicbomboŋ juocte âkendâŋnepac â qomâfâc‐ticne jaŋe ere kiŋaŋ qaqa juniŋte mupac erâ jacgoŋ â waiŋ i ere biŋe jaha qapac. Irec, ŋokâ‐mae, go wemo wiac mo egarepemu?”
766	GEN 27:38	Eme Esauzi mamac‐ticne âzâcnewec: “Mamac‐nane, jambuŋge mocjaha mac sawa fogarejec me? O mamac‐nane, no sifu jambuŋnuzemec wâc!” Eme Isaka e dâŋemâc ŋeha Esauzi ki owa kâcɋene ewec.
768	GEN 27:40	Go ʒikagezi nânâ bâfua‐garezejec, eme ɋage kiŋaŋ qacnezemec. Ehame ʒiŋuc fuaocmu: Go sanaŋkerâ ʒoɋac ecmuo ine tagi‐ticne upegaonec hetaracmu.”
771	GEN 27:43	Irec, ŋokâ‐nane, ʒiŋuc mupe manac: Go fahare hahac‐nane Labaŋ, Haraŋ haeo jukac, erao wiserâ razemec.
778	GEN 28:4	Eme eki go â ɋâricfâcge ŋoŋe mâmâc Abrahamte jambuŋ tahac‐ŋopaocmu, ehame Anutuzi Abraham mâreŋ râcnewec jaba jukomec hâcne i sâcne rauckecmu.”
794	GEN 28:20	Eme Jakobo e dâŋ ʒiŋuc mupaŋkewec: “Anutu go nohec jucmu, ehuc hata ʒi rahuc juhape hone soŋoŋ enarecmu, ehuc hobu‐nanere nânâ â sahac‐nanere foŋ bâfua‐narecmu,
815	GEN 29:19	Eme Labaŋzi muwec: “E ŋic furune moc mi râcnehuc go garepe sâcke‐jâmbâŋkeocmu, irec nohec juzemec!”
863	GEN 30:32	Ʒiŋuc: No miŋecgac qowifâcge gurune gurune honec‐jopahuc qâqâreŋ â tiŋpâc tiŋpâc jaŋe bâwosâec‐joparâ bârâriec‐jopapemu, lama motecne gâgâpâc â noniŋ kuiqâreŋ â tiŋpâc tiŋpâc jaŋe hâcne. Eme qowi iŋucne jaŋe hâcne gie furi‐nane enʒepieŋ.
882	GEN 31:8	‘Qowi tiŋpâc tiŋpâc jaŋe gore gie furi enʒepieŋ,’ iŋuc mume qowi sasawa jaŋe motecfâc‐jeŋic tiŋpâc tiŋpâc rocjopa‐fârembiŋ, me ‘Qâqâreŋ jaŋe gore gie furi enʒepieŋ,’ iŋuc mume qowi sasawa jaŋe motecfâc‐jeŋic qâqâreŋ rocjopa‐fârembiŋ.
963	GEN 33:2	Erâ kiŋaŋ ŋokac jahe naru motecfâc‐jekic jaŋehec micne râec‐jopawec, izi Lea â naru motecfâcne, erâ Rahe â Josefe jahe ine ʒâhec jâmbâŋ.
975	GEN 33:14	Irec bomboŋ‐nane, go kiŋaŋŋicge no bânie‐narec. No ine qowi â naru motec tâpiri‐jeŋicte sâcko qataŋ‐joparâ fâku Seiri haeo gorao fisizepac.”
1009	GEN 34:28	Erâ lama bulimakao â doŋgifâc‐jeŋic, haeo jumbiŋ mecne gieo jumbiŋ mecne i mâmâc rocjopa‐fârembiŋ.
1013	GEN 35:1	Eme Anutuzi Jakobo ʒiŋuc âzâcnewec: “Ajoc, go ʒawierâ Bete haeo ferâ ira ŋec juc ezemec. Ehuc hahacge Esaure hâwicgume wisehaŋtec Anutuzi fua‐garewec, e hâcne ira alata moc bacnezemec.”
1035	GEN 35:23	Jakobo ŋokâfâcne 12 jumbiŋ. Leare ŋokâfâc ʒiŋuc: Rubeŋ, e Jakobo mârâc ŋokâ‐ticne, erâ Simeoŋ, Lewi, Juda, Isasa â Sebuloŋ.
1039	GEN 35:27	Eme Jakobo e mamac‐ticne Isaka Mamere haeo Kiriati‐Araba, Heboroŋ hâcne, juwecko ra fisiwec. Hae mâreŋ ira hâcne Abraham â Isaka jahe jupic.
1076	GEN 36:35	Husamzi hâmome Hadadi, Bedadi ŋokâ‐ticne, eki tucticne qawec. Eki ine Midiaŋ ŋic Moabi mâreŋko jopawec. Hadadi hae qizec‐ticne ine Awiti.
1079	GEN 36:38	Sauluzi hâmome Baali‐Hanaŋ, Akaboro ere ŋokâzi tucticne qawec.
1080	GEN 36:39	Baali‐Hanaŋ, Akaboro ere ŋokâzi hâmome Hadarizi tucticne qawec. E hae qizec‐ticne ʒâŋene Pahu â ŋonâŋ‐ticne ʒâŋene Mehetabe. Mehetabe e ine Matirede ere otâ â Meʒahabare ŋosa.
1098	GEN 37:14	Eme eki âzâcnewec: “Go rarâ hahacfâcge honec‐jopazemec, jaŋe ɋiɋicne â biaŋne juŋgopieŋ me weniŋuc, erâ lama guru jaŋe iŋuc jaha sâcne mac juŋgopieŋ me mâcne, erâ ware dâŋ binaŋ enarezemec.” Iŋuc muhuc Heboroŋ wâneŋkonec soreme raku Sikemko fisiwec.
1140	GEN 38:20	Eme Judazi âgo‐ticne, Adulam haeonec, e ŋokactaonec kifac wiac rorâ bârisiecneocte noniŋ motecne râcnehuc soreme rawec. Eki ine ra ŋokac basawec.
1175	GEN 40:2	Eme Farao e kiŋaŋŋic jahec‐ticne, waiŋ soŋaŋ micne â poroŋ ririke micne hâcne, jahere aarickewec.
1238	GEN 41:42	Farao e iŋuc murâ meo fefe‐ticne, ŋicwofuŋ mahec, i heunuckerâ Josefere meo hecneme fewec, erâ ŋaqi biaŋne moc hecneme huwec â qoqonaŋ golzi bakicne qonaŋkecnewec.
1260	GEN 42:7	Eme Josefe e hahacfâcne honec‐joparâ ʒâŋitac‐jopawec, ehuc fuŋne‐ticne hesoŋke‐jarerâ dâŋ fâfâcnehec ehuc ʒiŋuc wio‐jarewec: “Ŋoŋe wenirec wareŋgopieŋ?” Jaŋe mumbiŋ: “Kanaaŋ mâreŋkonec, nânâ furine banaŋte wareŋgopeneŋ.”
1281	GEN 42:28	Iŋuc honerâ hahac ɋafâcne ʒiŋuc jazawec: “Moneŋ‐nane bârisie‐narekicne, ʒi târu‐nane micnao fokac hâcne.” Eme jaŋe manarâ maŋjeŋic gâckeme fâfârerâ hohonec ehuc mumbiŋ: “Anutuzi weniŋuc enârekac?”
1314	GEN 43:23	Eki ine muwec: “I sâcne, mi hâwic‐ŋopaoc, ŋoŋere â mamac‐ŋeŋicte Anutu eki hâcne târu‐ŋeŋicko wiac furi sâko ŋarewec, moneŋ‐ŋeŋiczi norao sâcne fisiwec.” Iŋuc murâ Simeoŋ jaŋerao jowa wahawec.
1315	GEN 43:24	Erâ Josefere ficko jowac‐jopa ferâ kike‐jeŋic ʒureniŋte opâ fia‐jarewec, erâ doŋgifâc‐jeŋic nânâ gumec‐jopawec.
1327	GEN 44:2	Râqâc‐nane, siliwazi bakicne, i ine ʒâhec motec ere târu micnao padire moneŋhec mâmâc ŋiezemec.” Eme Josefezi muwec sâc efârewec.
1343	GEN 44:18	Iŋuc mume Judazi mai ferâ muwec: “O bomboŋ‐nane, kiŋaŋŋicge no gore maio dâŋ micafec jaha mupe manarâ buge mi wefuzejec, go Faraore sâc jukic i!
1372	GEN 45:13	Eme Aigita mâreŋko gie fekicne munarekicne bahuc jukopac i mecne, â wiac gâcne hone manac embiŋ irec binaŋ mâmâc mamac‐nane bacne‐fârenʒepieŋ, ehuc biac jaha jowa warenʒepieŋ.”
1420	GEN 46:33	Eme Faraozi hefârec‐ŋoparâ, ‘Ŋoŋe wemo gie bahuc jueŋgopieŋ,’
1427	GEN 47:6	Aigita mâreŋ i gore meo râekicne, irec mamac hahacfâcge mâreŋ dâkâne biaŋnao râec‐jopazemec, jaŋe Goseŋ mâreŋ hâcne mujaretec sâcne juniŋmu. Ehame go jaŋere ŋondeŋkonec ŋic ʒoɋachec moc manac‐jopakicko no nahacne qowi guru irec soŋaŋ juniŋte râec‐jopazemec.”
1441	GEN 47:20	Iŋuc mupie Josefezi Aigita mâreŋko hesarac mâreŋ sasawa furi bame Faraore biŋe ewec. Roroc qaŋqaŋ foha nânâre boc hâmombiŋte Aigita ŋic jaŋe ʒeŋgoma hesarac mâreŋ‐jeŋic furire qikiŋne‐fârembiŋ, eme mâreŋ i Faraore biŋe efârewec.
1461	GEN 48:9	Eme Josefezi mamac‐ticne ʒiŋuc âzâcnewec: “Ŋokâ jahec‐nane, mâreŋ ʒira juhape Anutuzi narec‐jofawec, jahe hâcne.” Eki muwec: “Ejactetec warenic, eme jambuŋ‐jofape.”
1467	GEN 48:15	Erâ jambuŋ‐jofahuc kecʒiŋuc muwec: “Mamac ŋosa jahec‐nane Abraham â Isaka jahe Anuture maio jupic, Anutu eki hâcne jambuŋ‐jofazejec, Anutu, nore soŋaŋ juweczi jukac, eki jambuŋ‐jofazejec.
1468	GEN 48:16	Ʒârâ hâriŋ fuŋne fuŋne irecnec bataracnuwec, aŋelo eki motec jahec ʒi jambuŋ‐jofame nore ʒâŋezi jaherao fohuc juzejec. Erâ mamac ŋosa jahec‐nane, Abraham â Isaka jahere ʒâŋe mâmâc. Eme motec jahe mâreŋko sawe mâririackezepirec.”
1476	GEN 49:2	Ŋokâfâc‐nane, ŋoŋe tumaŋne‐fâreniŋ, ehuc mamac‐ŋeŋic Israe norao hazec râeniŋ!
1477	GEN 49:3	“Rubeŋ, go mârâc ŋokâ‐nane, tâpiri â sasanaŋ‐nanere fârine bâbâni go hâcne, go tâpiri â ʒai ʒonʒoŋge fekicne.
1483	GEN 49:9	Juda go laioŋ motec iŋucne o ŋokâ‐nane, go soroŋ qaqa juhuc sokameŋ hâcne. Go laioŋ ŋicne iŋucne waha fomanaekic, erâ laioŋ ŋokacne iŋucnea, mozi moc sâcne surucguocmu?
1526	GEN 50:19	Iŋuc epie Josefezi jazawec: “Mi hâwic‐ŋopaoc, no Anuture dodomao mi domakopac.
1543	EXO 1:10	Ajoc, nâŋâc bomac‐jopanʒepeneŋ, jaŋe boc sawe mâririackepie juku ʒika wiac moc fua‐nâreme râsifâc‐nâŋec qâtec‐joparâ nâpohuc mâreŋ nâwoc ronʒipiŋkohec.”
1564	EXO 2:9	Ware fisime Faraore otâzi âzâcnewec: “Go motec kecʒi bararâ moŋ gume‐narezemec, eme no irec furine garepemu.” Eme ŋokac e motec bararâ moŋ gumehuc juwec.
1573	EXO 2:18	Eme jaŋe mamac‐jeŋic, ʒâŋene Reguele, Jetoro hâcne, erao fisipie ʒiŋuc wio‐jarewec: “Ŋoŋe miŋecgac weniŋuc erâ biac jâmbâŋ wareŋgopieŋ?”
1574	EXO 2:19	Jaŋe mumbiŋ: “Aigita ŋic moczi soŋaŋ jaŋe jâpec‐nâpopie bafic‐nâpojec, ehuc opâ fia‐nârerâ qowifâc‐nâŋec gumec‐jopajec wâc.”
1598	EXO 3:18	Eme jaŋe dâŋge manapie fârine eha go Israe ŋic micne jaŋehec Aigita ŋicwofuŋ erao rarâ âzâcnenʒepieŋ, ‘Wofuŋ, Hebiraio ŋic nâŋere Anutu e fua‐nârewec, irec mana‐nâretec nâŋe ʒoaŋ jahec â moc ra juku mâreŋ tuhuo Wofuŋ Anutu‐nâŋec taha bâzi rikecnenʒepeneŋ.’
1632	EXO 4:30	Ehuc Wofuŋzi Mose dâŋ âzâcnewec sâc i Aroŋzi jaza‐fârewec, erâ mâsi wiac i ŋic mai‐jeŋicko bawec.
1636	EXO 5:3	Iŋuc mume mupic: “Hebiraio ŋic nâŋere Anutu e nâŋe fua‐nârewec, irec huc hâmoczi me ʒikazi sipiric‐nâpozacte mana‐nâretec ʒoaŋ jahec â moc raku mâreŋ tuhuo Wofuŋ Anutu‐nâŋec taha bâzi rikecnenʒepeneŋ.”
1659	EXO 6:3	No Anutu tâpiri runezi Abraham, Isaka â Jakobo fua‐jarepo, mâc Wofuŋ ʒâŋe‐nane mutaniŋkerâ fuŋne‐nane mumufua‐jare ine mi epo.
1663	EXO 6:7	Erâ no ŋicfâc‐nane bacŋoparâ Anutu‐ŋeŋic juhape ŋoŋe ʒiŋuc mana taranʒepieŋ: Anutu‐ŋeŋic, Wofuŋ no hâcne Aigita mâreŋte kâpâcwâru â ʒâic gieonec batarac‐ŋopakopac.
1699	EXO 7:13	Faraore maŋzi ine râŋgeŋkeme mi mana‐jactewec, Wofuŋzi muwec iŋuc hâcne fuawec.
1739	EXO 8:24	Eme Faraozi muwec: “Wofuŋ Anutu‐ŋeŋic bâzi rikecnezore mâreŋ tuhuo raniŋte sâcne mana‐ŋarepemu, mocjaha, ʒoricko boc mi ranʒepieŋ. Erâ wâc nore erâ numunʒepieŋ.”
1755	EXO 9:12	Wofuŋzi ine Faraore maŋ bârâŋgeŋkeme mi mana‐jactewec, Wofuŋzi qanaŋ Mose âzâcnewec sâc fuawec hâcne.
1774	EXO 9:31	Bundajâc â padi imacke‐fârekicne, padi i biac fârinehec domawecte â bundajâc i ârine qawecte.
1787	EXO 10:9	Mosezi muwec: “Nâŋe kâcɋene piticne, ŋokac naru motecfâc‐nâŋec, bulimakao â qowifâc‐nâŋec i mâmâc jowac‐jopa ranaŋmu. Nâŋe Wofuŋ‐nâŋecte hombaŋ ŋenaŋte munârekicne hâcne.”
1808	EXO 11:1	Eme Wofuŋzi Mose dâŋ ʒiŋuc âzâcnewec: “Wiac hâhâwicne sâko mocjaha fokac i mupe Faraorao â Aigita mâreŋko fuazejec. Fuame râec‐ŋopame ʒirecnec sâcne raniŋmu, erâ mâteŋne mi sorec‐ŋopaocmu, fâro bahuc hae nânâ jâpec‐ŋopame raniŋmu hâcne.
1812	EXO 11:5	Aigita mâreŋko mârâc motecfâc‐jeŋic jaŋe ʒeŋgoma hâmo‐fârenʒepieŋ. Farao mârâc ŋokâ‐ticne, juku tucticne qaocte mukicne, erao fuŋkerâ raku kiŋaŋ naru padi masiŋko banʒaŋnehuc ŋekac ere mârâc ŋokâ erao taraocmu. Erâ i sawa mâcne, lama bulimakao ŋicne mârâc fufua jaŋe iŋuc jaha hâmo‐fâreniŋmu.
1821	EXO 12:4	Â fic mocko ŋic ŋokac naru motec afecne juniŋmu, lama motecne mi nânâ‐fârene, ine fic jajahec, didigurac ŋekopireczi lama motec mocjahare turezepirec. Ŋic ŋokac naru motec hobu‐jeŋicte sâc manahuc fic wezimuc lama mocte biŋe musanaŋkezo.
1829	EXO 12:12	No ŋafe ijaha Aigita mâreŋ fotâcnehuc mârâc fufuafâc‐jeŋic, ŋic mecne qowi mecne, jopa‐fârepemu, â Aigita nemufâc‐jeŋic jaŋerao okac babazu gie bapemu, Wofuŋ noni hâcne.
1873	EXO 13:5	Eme Wofuŋ e mâreŋ moc, susu â baŋac fusucmarâ qâmbâriŋkeekac, erâ ŋoŋe ŋareocte mimiŋnefâc‐ŋeŋic mupaŋke‐jarewec, Kanaaŋ ŋic, Hitiŋic, Amori ŋic, Hiwiŋic â Jebusi ŋic jaŋere mâreŋ hâcne, ira râec‐ŋopame mosa ʒi hâcne mâsi ʒiŋuc basanaŋkepie hata sanaŋ foŋarezejec.
1875	EXO 13:7	Poroŋ goreŋ tâmiric i nâhuc juhapie gie bapa 7 tarazejec. Wiac goreŋhec ŋoŋerao moc mi bâfuazo, â hae mâreŋ‐ŋeŋicko, goreŋ wiac moc mi bajunʒepieŋ.
1902	EXO 14:12	Nâŋe ocna Aigita mâreŋko ʒiŋuc mi gazambeŋ me, ‘Go behec‐nâpotec nâŋe sifu Aigita ŋic kiŋaŋ qajarenʒepeneŋ?’ Nâŋe Aigita ŋic jaŋere kiŋaŋ qahuc junʒapeŋ muzac afecke‐nârezac, ʒi ine mâreŋ burocnao hâmo sipiric enaŋmu ekac.”
1903	EXO 14:13	Eme Mosezi ŋic ŋokac jazawec: “Ŋoŋe mi hâwic‐ŋopaoc, qiŋ herâ domaniŋ. Erâ Wofuŋzi miŋecgac bafic‐ŋopaocmu i honenʒepieŋ. Aigita ŋic miŋecgac honec‐jopaŋgopieŋ jaŋe mocwâc mi honec‐jopa‐jâmbâŋkeniŋmu hâcne.
1907	EXO 14:17	Eme noni Aigita ŋic jaŋere maŋ bâzickepe jaŋe bâjâpec‐ŋopahapie Wofuŋ qâreŋ‐nane Farao â momorifâc‐ticne, keretac‐ticne erâ becâsicko rara ŋicfâc‐ticne jaŋerao bataniŋkezepac.
1920	EXO 14:30	Iŋuc fuame Wofuŋzi ʒoaŋ ira Israe ŋic ŋokac jaŋe Aigita ŋic jaŋere meonec batarac‐jopawec, ehame Aigita ŋic qâŋɋâŋ‐jeŋic hâwec sirizi qârâriec‐jopame moŋgeŋko fe fohapie Israe ŋic jaŋe honec‐jopambiŋ.
1923	EXO 15:2	Sasanaŋ â mumuteŋ‐nane i Wofuŋ e hâcne, ŋeŋezic‐nane i ekizia juwec; e hâcne Anutu‐nane, no muteŋ bâteŋ ecnezepac, e apa ŋosa â mamacfâc‐nane jaŋere Anutu, no e muafeckezepac.
1927	EXO 15:6	O Wofuŋ, mefârege i tâpiri ɋuŋɋasaŋhec, gore mefârezi râsi qanʒaŋ‐jopaekac, o Wofuŋ.
1931	EXO 15:10	Go mutec mâŋâŋ qame hâweczi qâuruc‐jopawec, jaŋe aeŋ iŋucne opâ sâkoo hufârembiŋ.
1934	EXO 15:13	“Go aki anonoc fogareha ŋic batarac‐jopameŋ, go tâpirigezi jowa qataŋ ejarehuc tiri haegao râec‐jopameŋ.
1977	EXO 16:29	Manaŋgopieŋ, Wofuŋ no hâcne sabata bâfua‐ŋarepo, irec ʒoaŋ namba 6 ira ʒoaŋ jajahecte sâc nânâ râe‐ŋarekopac. Irec ʒoaŋ namba 7 ira ŋic sasawa ŋoŋe boze‐ŋeŋicko ŋefârehapie ŋic moczi boze‐ticne beherâ gieo moc mi razejec.”
1989	EXO 17:5	Wofuŋzi Mose âzâcnewec: “Go Israe soŋaŋ micne gâcne rocjopatec ŋicguru bânie‐jareniŋ, ehuc gunuge Nilu opâ qameŋ i hâcne barâ razemec.