938	GEN 32:10	Erâ Jakobozi ʒiŋuc muhuc numuwec: “O Wofuŋ, mamac ŋosa jahec‐nane Abraham â Isaka jahere Anutu, goki hâcne ʒiŋuc nazameŋ: ‘Go mâreŋ qizecgao â soctofafâcge jaŋerao risietec ehâmo‐garepemu.’
1348	GEN 44:23	Eme go ʒiŋuc nâzâmeŋ: ‘Ɋaʒâc‐ŋeŋic e mi wareocmuo ine nore maio mocwâc mi fua‐jâmbâŋkenʒepieŋ.’
1603	EXO 4:1	Eme Mose e dâŋ ʒiŋuc bâtikiecnerâ muwec: “Manakic, jaŋe dâŋnane mi mana ʒakiehuc muniŋmu, ‘Wofuŋ e go mi fua‐garewec.’ Iŋuc mupie wenac epemu?”
3815	NUM 5:22	Sâwec opâ ʒizi bumaŋgao hurâ wiac iŋuc hâcne bâfua‐garezejec.’ Iŋuc âzâcneme ŋokaczi ʒiŋuc muzejec: ‘Jâmbomac jâmbâŋ, iŋuc hâcne fua‐narezejec.’
4125	NUM 14:16	‘Wofuŋ e ŋicguru keci jaŋe mâreŋ jareocte mupaŋkewec ira bacjopa raocte eipierâ mâreŋ burocnao qâhâmoc‐jopawec.’
4143	NUM 14:34	Ŋoŋe ŋafe ʒoaŋ 40 mâreŋ hone tâcnehuc jumbiŋ iŋuc jaha jara 40 kiŋŋeŋic âsickehuc ʒiŋuc mana taranʒepieŋ: Wofuŋzi behec‐nâpokac.’
4907	DEU 1:13	Irec ŋoŋe ŋic maŋɋârâŋ â mamanahec erâ fuŋne mamana saric bâwosâec‐jopapie noni micnefâc‐ŋeŋic âkendâŋ‐jopapemu.’
5016	DEU 4:10	Ŋoŋe Horebe tikio Wofuŋ Anutu‐ŋeŋicte maio domahapie Wofuŋzi ʒiŋuc nazawec: ‘Go ŋic ŋokac nore maio hetumaŋ‐jopatec dâŋnane jazape mananʒepieŋ, ehuc mâreŋko jufeniŋmu sâc araŋ banarehuc naru motecfâc‐jeŋic qazu‐jarenʒepieŋ. Ŋoŋe ʒoaŋ irec moc mi nikec‐ŋopazejec.’
5337	DEU 15:16	Me ŋic e gore maname sâckeha ʒiŋuc mecne muocmu: ‘No maŋnane go â wiacfâcge ŋoŋerao fokacte mi behec‐ŋopapemu.’
5382	DEU 17:16	Mocjaha, e becâsicfâc‐ticne bocjaha mi rocjopazejec, me becâsicfâc‐ticne guru sâko jucneniŋte ŋic ŋokacfâc‐ticne sorec‐jopame Aigita mâreŋko mi risienʒepieŋ; Wofuŋ e ʒiŋuc hâcne ŋazawec: ‘Ŋoŋe mâreŋ ira mocwâc mi risie‐jâmbâŋkenʒepieŋ.’
5433	DEU 20:4	Wofuŋ Anutu‐ŋeŋic eki hâcne ŋoŋehec juhuc râsifâc‐ŋeŋic jopame sanaŋke‐jarenʒepieŋ.’
5457	DEU 21:8	Irec Wofuŋ, go Israe ŋicfâcge nâŋere kiwiric romeŋte sâqocne‐nâŋec behec, ehuc ŋic bahacmâc ere socte kiŋ i Israe ŋicfâcge nâŋere faio mi râehuc soc irec kiŋ behe‐nârezemec.’
5578	DEU 26:10	O Wofuŋ, ʒi ine mâreŋ nâre tahac emeŋ irec fârine bâsuhuc baware‐gareŋgopeneŋ.’ Ŋoŋe iŋuc muhuc nânâ wiac‐ŋeŋic i Wofuŋ Anutu‐ŋeŋicte maio râepie foha Wofuŋ Anutu‐ŋeŋic mai ecnenʒepieŋ.
5821	DEU 33:9	E neŋgoc mamac jahec‐ticnere kecʒiŋuc muwec: ‘No jahe mi manac‐jofakopac.’ Erâ e (Wofuŋ gore erâ) hahac ɋafâc‐ticne ʒâŋe ruruŋ‐jopahuc naru motecfâc‐ticne hone qâoma ejarewec. Lewiŋic jaŋe sâcmutâc dâŋge mana rereŋ ehuc ʒâʒâficge soŋaŋkembiŋte wiacfâc‐jeŋic iŋuc ejarembiŋ.
6666	JDG 6:10	Erâ ʒiŋuc ŋazapo: ‘No ŋoŋere Wofuŋ Anutu; ŋoŋe Amori ŋic jaŋere mâreŋko juhuc nemufâc‐jeŋic moc mi dape‐jarenʒepieŋ.’ Iŋuc ŋazahape ŋoŋe ine sifu dâŋnanere hazec moc mi râembiŋ.”
6771	JDG 9:15	Mupie fâpâzi jâc sasawa ʒiŋuc jazawec: ‘Maŋurucko ŋicwofuŋ‐ŋeŋic âkendâŋnuŋgopieŋko ine ware nâkumuc‐naneo soŋkeniŋ. Iŋuc mi eniŋmuo ine fâpâonec ʒoc faharerâ Lebanoŋ mâreŋte jâmâzâc jâc ʒâseŋke‐fârezejec.’
6848	JDG 11:17	Fisirâ Edom ŋicwofuŋtao kiŋaŋ sorec‐jopahuc kecʒiŋuc mumbiŋ: ‘Nâŋe gore mâreŋko fotâcnezo muŋgopeneŋ, irec sifu mac mana‐nârec.’ Edom ŋicwofuŋ e ine mi mana‐jarewec. Ehame Moabi ŋicwofuŋtao iŋuc jaha dâŋ râepie rawec. Eme e wâc iŋuc jaha mi mana‐jarewec. Iŋuc eme Israe ŋic jaŋe Kadesi haeoa jumbiŋ.
7474	1SA 12:12	Ehame Amoŋ ŋicwofuŋ Nahasizi ŋoŋe râsi fisi‐ŋareme honerâ Wofuŋ e Fekicne juŋare‐bipieha ʒiŋuc nazambiŋ: ‘Aricne, sifu ŋicwofuŋ moczi soŋaŋ‐nâpozejec.’
8299	2SA 12:10	Go mana suacnumeŋ, ehuc Hitiŋic Uria ere ŋokac rotec gore ŋokac ewec, irec ʒikazi go â wiacfâcge moc mi behec‐ŋopazejec.’
8375	2SA 14:16	Ehuc no nahacne â ŋokâ‐nane nâhe Anuture guruonec bâsirowec‐nâfoocte maŋkehuc jukac ŋic ere meonec batarac‐nâfoocmu.’
8376	2SA 14:17	Erâ ʒuhuckerâ ʒiŋuc manasupo: ‘Ŋicwofuŋ‐nane ere dâŋzi maŋwama bâfua‐nareocmu.’ Ŋicwofuŋ‐nane e Anuture aŋelo iŋucne ehuc biaŋne â sâqocne i mana wosâc eekac. Wofuŋ Anutugezi gohec juzejec.”
8777	1KI 2:4	Ehame Wofuŋ e no dâŋ ʒiŋuc mupaŋke‐narewec irec fârine bâfuaocmu: ‘Ŋokâfâcge jaŋe hata‐jeŋic soŋaŋkehuc nore maio ʒoɋac erâ aimuŋ â siocmâc jufâreniŋmuo ine noni mupe Israe kikefuŋte ŋicwofuŋ ŋeŋeo ŋic moc mi basa‐jâmbâŋkeniŋmu.’
9059	1KI 9:5	noni ŋicwofuŋ ŋeŋege basanaŋkepe Israe kikefuŋ raŋɋa raŋɋa ŋicwofuŋ jujarecmu. Noni mamacge Dawidi kecʒiŋuc âzâcnepo irec sâc fuaocmu: ‘Go ŋic moczi Israere eri ŋeŋeo ŋeocte moc mi basa‐jâmbâŋkecmu.’
9163	1KI 12:9	Ehuc ʒiŋuc wio‐jarewec: “Ŋic keci jaŋe dâŋ ʒiŋuc nazambieŋ: ‘Go mamacgezi fai‐nâŋecko tagi bâmâckehuc râewec i baafecke‐nârec.’ Eme irec okacne weniŋuc bâtikie‐jarenaŋte muŋgopieŋ?”
9464	1KI 21:10	Eme ere ŋifecnao ine ŋic repicne jajahec ejactepie ŋehuc ʒiŋuc muhuc fuŋne‐ticne muzepirec: ‘Go Anutu â ŋicwofuŋ musoriŋ‐jofameŋ.’ Iŋuc mupire jowa rarâ qânâzi hehâmonʒepieŋ.”
9763	2KI 9:3	Eme wokemaŋ ʒopo i rorâ qizec‐ticnao hoŋkehuc dâŋ ʒiŋuc muzemec: ‘Wofuŋ e ʒiŋuc mukac: No Israe ŋic jaŋere ŋicwofuŋ jucmurâ wokemaŋ rua‐garekopac.’ Iŋuc erâ dameŋ ʒora mi juhuc motâc rorâ izia wisezemec.”
9786	2KI 9:26	‘Wofuŋzi mukac: No jacne Naboti â ŋokâfâcne jaŋere soc hone‐jâmbâŋkepac irec erâ okacne mâreŋ ŋondeŋ ʒijaha bazu‐garepemu.’ Irec e rorâ Wofuŋte dâŋte sâcko mâreŋ ŋondeŋ ʒijaha behezemec.”
11601	2CH 20:9	‘Nâŋerao wiac repicne, ʒika me mumutara me hucukic me roroc fuaocmuo ine ufuŋ ʒira ʒâŋege fokacte nâŋe ufuŋ ʒi maickerâ gore maio domahuc fific guguriŋ‐nâŋecte maŋko kio wâwâsic egarepene manarâ ŋezic‐nâpozemec.’
12310	NEH 1:9	Me norao mocwâc risierâ sâcmutâc dâŋnane soŋaŋkehuc mana rereŋ eniŋmuo ine behe qaisoc ejarekicnefâc‐ŋeŋic jaŋe mâreŋ wiwicko juipiehapie no sifu irecnec qânusuc‐joparâ ʒâŋe‐nane foocte hae mâreŋ bâwosâepo ira mocwâc bârisiec‐jopapemu.’
13278	JOB 17:14	Ehuc ʒâŋeruŋ ʒiŋuc âzâcnepemu: ‘Go hâcne mamac‐nane,’ â umbeŋzi nâcnuniŋmu jaŋe ʒiŋuc jazapemu: ‘Ŋoŋe hâcne neŋgoc seŋfâc‐nane.’
13407	JOB 22:14	Erâ wâc ʒiŋuc manasukomec: ‘E sambâŋ â mâreŋ jahere ŋoŋondeŋko rac warec ehuc karorac ɋâfoŋnezi sâockeme mi honec‐nâpoekac.’
13413	JOB 22:20	Jaŋe ʒiŋuc muhuc iŋuc eeŋgopieŋ: ‘Kisâfâc‐nâŋec jaŋe imac‐jopakicne, â wiac fojarewec i ʒoczi ʒâseŋke‐fârewec.’
13693	JOB 34:6	E ʒiŋuc hâcne mukac: ‘No burec ehuc, bahac bâfuapo iŋuc wemocko mupemu. No bahacmâc juhape sifu huc wic bâbâsomiene tâmiric fua‐narewec.’
18015	ISA 14:17	Eki hâcne mâreŋ sâko mâreŋ ima bawec â hae sâko ŋerawec i heroc qâropiewec, â kâpâcwâru ŋicfâc‐ticne hae mâreŋ‐jeŋicko risieniŋte moc mi mana‐jarewec.’
18630	ISA 44:27	No hâwec ʒâkâŋ âzâcnepemu: ‘Ʒicke kereŋ ec, noni mupe opâge kereŋke‐fâreocmu.’
18650	ISA 45:19	No soŋsoŋko me mâreŋ dapâcko dâŋ mi mupo, no Jakobore ɋâricfâc jaŋe ʒiŋuc wâc mi jazapo: ‘Ŋoŋe basacnu‐bipienʒepieŋ.’ Noni Wofuŋ hâcne, no dâŋ tiŋne muekopac â dâŋ fârine muratieekopac.
19151	JER 5:24	Ehuc maŋjeŋiczi ʒiŋuc moc mi mumbiŋ: ‘Nâŋâc Wofuŋ Anutu‐nâŋec araŋ bacnenaŋ, eki hâcne mume hoe ʒoaŋ sâckoa fuaekac â ekizia wâc mume qa roro â nânâsu i dameŋ mukicnao sâckoa fua‐nâreekac.’
19175	JER 6:17	Eme no ruc bapa ŋic râec‐jopahuc mupo, ‘Ŋoŋe qeŋfânâŋte hazec râeniŋ.’ Jaŋe ine mumbiŋ, ‘Nâŋe irec takic‐nâpokac.’
19420	JER 16:15	aricne, kecʒiŋuc ine muniŋmu, ‘Wofuŋ jujâmbâŋkekac, eki hâcne Israe ŋic faic mâreŋkonec â mâreŋ sâc tuŋjopame rambiŋ irecnec batarac‐jopawec.’ No hâcne mimiŋnefâc‐ŋeŋic mâreŋ qikiŋne‐jarepo ira bârisiec‐jopazepac.”
19516	JER 21:7	Wofuŋzi ʒuhuckerâ ʒiŋuc mukac: Dameŋ irec faicnao ine Judare ŋicwofuŋ Zedekia e mecne â kiŋaŋŋicfâc‐ticne mecne â ŋic ŋokac hae ʒirec maŋnao juhapie huc hâmoczi me ʒikazi me roroczi getâc‐jopawec jaŋe mâmâc Babe ŋicwofuŋ Nebukaneza â râsifâc‐jeŋic juhuc juju‐jeŋic jowac roniŋte manasuŋgopieŋ jaŋere meo râec‐jopapemu; eme eki busâqoc mana‐jarehuc ŋeŋezic me aakic‐jopa i moc mi ehuc ʒikare micko râec‐jopazejec.’
19559	JER 23:6	Eme ere juju dameŋko Juda bâbâpiaŋ fuacneocmu â Israezi wama faio juocmu; ʒâŋe‐ticne ine ʒiŋuc muniŋmu: ‘Wofuŋ e tiŋne‐nâŋec.’
19807	JER 32:7	Manakic, mamac wârâŋge Salum ere ŋokâ Hanamelezi gorao fisirâ muocmu, ‘Go mâreŋ‐nane Anatoti haeo fokac i furine bac; gore ʒâŋe bâbâni fokacte furine bacmurâ sâcmutâczi mana‐garekac.’
20056	JER 42:12	No buuruc eŋarepemu, eme eki busâqoc mana‐ŋarehuc mâreŋ‐ŋeŋickoa juniŋte mutara‐ŋarezejec.’
20237	JER 50:2	“Ŋicne ŋicne jaŋere ŋondeŋko dâŋ binaŋ ʒiŋuc ejarepie mananʒepieŋ, ehame filac fârepie fezejec! Dâŋ moc mi hesoŋkehuc musaweniŋ: ‘Babe hae i ro rauc ekicne, Beli nemuzi qurutuawec, â Merodac nemu e henʒaŋ qanʒaŋnekicne; nemuɋâŋfâc‐jeŋic jaŋe qurutuambiŋ, â ɋâŋ qâqâtâcfâc‐jeŋic henʒaŋ qanʒaŋ‐jopakicne.’
20240	JER 50:5	Jaŋe Zioŋ hatare mu wioc eniŋmu, ehuc irapec ʒâŋe fihuc muniŋmu: ‘Ajoc, nâŋâc Wofuŋtao qohotarâ ʒâʒâfic fofo sanaŋ moc enʒepeneŋ, eme irec ninikec moc mi fua‐jâmbâŋkezejec.’
20700	EZK 9:9	Iŋuc mupe ʒiŋuc nazawec: “Israe â Juda kikefuŋ jaŋere kiŋ i boc ferâ fokac, soczi hae mâreŋ sâckerâ fokac â hehesiczi hae fusucma‐fârekac. Jaŋe ʒiŋuc mueŋgopieŋ hâcne: ‘Wofuŋzi mâreŋ‐nâŋec qâmâtâ ecnewec, Wofuŋ e mi honec‐nâpoekac.’
21363	EZK 33:14	Ŋifec ine ŋic hehesicne ʒiŋuc âzâcnepemu: ‘Go hâmo‐jâmbâŋkezemec.’ Iŋuc âzâcnehape sâqocne‐ticne beherâ eebapa biaŋne â tiŋne bâfuaocmu,
21373	EZK 33:24	“Ŋicte ɋâric, Israe mâreŋ ima bakicne ŋecjucfâc‐ticne jaŋe ʒiŋuc mueŋgopieŋ: ‘Abraham e ŋic mocjahazi mâreŋ ro rauc efârewec, nâŋe ine ŋic bocjaha irec mâreŋ i rauckenaŋte mana‐nârekicne.’
21425	EZK 35:12	Erâ ʒiŋuc mananʒepieŋ wâc: Israe tiki mâreŋte dâŋ ʒiŋuc musâqorembiŋ i Wofuŋ no mana‐fârepo: ‘Tiki mâreŋ i ima bakicnere nâŋere biŋe eocte mana‐nârekicne.’
21477	EZK 37:11	Eme Wofuŋzi dâŋ kecʒiŋuc nazawec: “Ŋicte ɋâric, siec wiac ʒi i Israe kikefuŋte sâc ekac. Manakic, jaŋe ʒiŋuc mueŋgopieŋ: ‘Siec wiac‐nâŋec i kereŋ seŋseŋke‐fârewec â woworic‐nâŋec i fârimâc efârewec, nâŋe ʒeŋgoma omae‐fârembeŋ.’
21505	EZK 38:11	‘No hae mâreŋ sac tâmiric rambaŋ forakac i râsi ecnezo rapemu, ehuc ŋic hae sac â motâc tâmiric wama faio juhâc qâhâmoŋgopieŋ jaŋe qâtâtiec‐jopapemu.’
22896	ZEP 3:7	Iŋuc fuame mupo: ‘Ʒi jâmbomac araŋ banarehuc mumutiŋ dâŋnane mananiŋmu, ehuc dâŋ jaza mutâc epo i mi nikec‐jopaocmu.’ Jaŋe ine ʒoɋac erâ eebapa‐jeŋic sâqocne i sueme sue bafembiŋ.”
23119	ZEC 12:5	Iŋuc ejarepe Judaŋic gurune gurune jaŋe jaŋaczia ʒiŋuc muniŋmu: ‘Jerusalem kikefuŋ jaŋe Anutu Tâpiri Ɋuŋɋasaŋ Wofuŋ‐jeŋiczi sasanaŋ bâfua‐jareekac.’
23364	MAT 6:13	Eesâicko mi râec‐nâpozemec. Sâqocnaonec bâhoc‐nâpozemec.’
23493	MAT 10:7	Rahuc miti ʒiŋuc munʒepieŋ: ‘Sambâŋte uucmaŋzi maic‐ŋopakac.’
23623	MAT 13:15	Ŋicguru ʒi jaŋe maŋjeŋic sanaŋkekicne, â hazec‐jeŋic bâzickekicne, â ʒâŋe‐jeŋic hâmonʒambiŋ. Irec ʒâŋe‐jeŋiczi wiac mi hone taraeŋgopieŋ, â hazec‐jeŋiczi wiac mi mana taraeŋgopieŋ, â maŋjeŋiczi wiac mi manasu‐hâmoeŋgopieŋ, ehuc maŋjeŋic mi bârisiepie no wemocko bâpiaŋ‐jopazapo.’
23706	MAT 15:4	Anuture dâŋ kecʒiŋuc fokac: ‘Go neŋgoc mamac jahecge sâsec‐jofazemec.’ Erâ moc ʒiŋuc: ‘Moc e neŋgoc mamac jahecne sâwecdâŋ jasaocmu e mi juzejec.’
23822	MAT 18:26	Iŋuc mume kiŋaŋŋic e ŋicwofuŋte maŋfuŋko fodaperâ kecʒiŋuc muhuc wâsickewec: ‘Ŋicwofuŋ‐nane go akicnutec no uneŋko moneŋ furu jaha bazu‐garepemu.’
23824	MAT 18:28	Iŋuc ecneme fickonec waha rarâ kiŋaŋŋic âgo‐ticne moc bâfuawec, erao tofa‐ticne 10 kina fowec. E hâcne bâfuarâ qa tuŋtuŋ ecnehuc muwec, ‘Tofa‐nane ʒiŋuczia bazu‐narec.’
23825	MAT 18:29	Eme âgo‐ticne maŋfuŋnao fodaperâ ʒiŋuc muhuc wâsickewec: ‘Go akicnutec no uneŋko tofa bazu‐garepemu.’
24085	MAT 25:8	Eme mutucne jaŋe mamanahec ʒiŋuc jazambiŋ: ‘Nâŋe lambe‐nâŋec hâpokac, irec ŋoŋe opâ moc qoŋgiŋke‐nâreniŋ.’
24086	MAT 25:9	Mupie mamanahec jaŋe ʒiŋuc jazambiŋ: ‘I wemocko ezo, opâ i mâmâc jaha mi sâcnâpoocmu. Ŋoŋe situâcko rarâ furine baniŋ‐ŋeŋic.’
24089	MAT 25:12	Wirapie jazawec, ‘No jâmbomac ŋazape, no ŋoŋe ʒâŋe ruruŋ‐ŋopakopac.’
24102	MAT 25:25	Eme no irec hâwicnume moneŋge duckepe fowec, eme ʒi bârisie‐garekopac.’
24778	MRK 12:36	Dawidi e jahac Tiri Mârozi ecneme ʒiŋuc muwec: ‘Wofuŋzi nore Wofuŋ âzâcnewec, Go ware fâre‐naneo ŋehaŋtec râsifâcge kikegere rurumaŋko guruc‐jopazepac.’
25291	LUK 7:27	Ere hâcne dâŋqâreŋ moc kecʒiŋuc fokac: ‘Manakic, no biŋe mumu ŋicnane sorepe fâ maigao fuaocmu, erâ hatage bâʒâwehuc bânie‐gareocmu.’
25441	LUK 10:9	Erâ ŋic huchec ɋiɋicne bacjoparâ hae rune ʒiŋuc jazanʒepieŋ: ‘Anuture uucmaŋzi maic‐ŋopakac.’
25614	LUK 13:27	Mupie ʒiŋuc ŋazaocmu: ‘Ŋazakopac i, ŋoŋe wenirec, no mi manac‐ŋopakopac, sâqocne bapa ŋoŋe behecnu‐fâreniŋ.’
26018	LUK 23:14	Eme ʒiŋuc jazawec: “Ŋoŋe ʒiŋuc muhuc ŋic kecʒi norao barâ warembieŋ: ‘E ŋic qafeŋ‐jopaekac.’ Eme noni ŋoŋere maio fuŋne‐ticne bataniŋkepe fâri tâmiric ejec.
26081	LUK 24:21	Nâŋe ine ere mamanac juhuc ʒiŋuc mumbeŋ: ‘Eki hâcne Israe ŋic nâŋâc niŋgiŋkonec firuec‐nâpozejec.’ Eme qapie hâmome juhapene biac ʒoaŋ gie bapa jahec â moc ekâc.
26146	JHN 1:33	No nahac mârâc mi hone tarahape Miti Opâre munareweczi ʒiŋuc nazawec: ‘Mâro waharâ fai‐ticnao herâ ŋeme honecmu eki ŋic Tiri Mâro rua‐jareocmu.’
26810	JHN 16:15	Mamactao wiac fokac irec rune no. Irec hâcne mupac, ‘Nore rowaŋkonec rorâ mujaŋgeŋke‐ŋareocmu.’
27039	ACT 2:21	Eme ira Wofuŋte ʒâŋe riwaseckeniŋmu, jaŋe sisipirickonec batarac‐jopazo.’
27046	ACT 2:28	Go jujure hata nowatumeŋ, maigao ʒeri bubiaŋ guru dindiŋ bâfua‐narecmu.’
27090	ACT 3:25	Porofete jumbiŋ jaŋere ɋâricfâc ŋoŋe, erâ Anutuzi mimiŋnefâc‐ŋeŋic jaŋehec ʒâʒâfic ewec, ʒâʒâfic irec rune ŋoŋe jaha wâc. Ʒâʒâfic i Abraham ʒiŋuc âzâcnehuc bâfuawec: No ɋâricfâcge jambuŋ‐jopape jambuŋ izi mâreŋne mâreŋne ŋic sâcjopa‐fârezejec.’
27222	ACT 7:37	Erâ Mose ekizia wâc Israe ŋic ʒiŋuc jazawec: ‘Anutu e âgofâc‐ŋeŋic jaŋere ŋondeŋkonec porofete moc no iŋucne bâfua‐ŋareocmu.’
27228	ACT 7:43	Ŋoŋe Molokore qoruc boze reŋke jumbieŋ â nemu Refaŋ ere bâpiŋ hawari bajumbiŋ. Wiac i hâcne numucneniŋte ba akic embiŋ. Irec no Babe ocniŋucnao râec‐ŋopapemu.’
27390	ACT 11:14	dâŋ mume go â wiacfâcge ŋoŋe manarâ biaŋke‐fârenʒepieŋ.’
27392	ACT 11:16	Eme no i honerâ Wofuŋzi dâŋ kecʒiŋuc muwec i manasupo: ‘Johanezi opâ rua‐ŋarewec, ŋoŋe ine Tiri Mâro rua‐ŋarezo.’
27465	ACT 13:34	Jesu bâqâreme faharewec e ʒâhec hâhâmo i mocwâc mi bâfuaocmu, irec Anutuzi dâŋ kecʒiŋuc muwec: ‘No Dawidi biŋe qacnepo irec fârine fofo sanaŋ i hâcne tahacke‐ŋarepemu.’
27753	ACT 21:21	Ehame gore dâŋ ʒiŋuc wareme manaeŋgopieŋ: ‘Judaŋic qâpuc jaŋere ŋondeŋko juraŋgopieŋ jaŋe Mosere dâŋ qikiŋneniŋte jazaekac, ehuc ɋiefâc‐jeŋic jaŋere sahacko ma mi bajareniŋte muac‐jopaekac, â Judaŋic juju hata‐nâŋec beheniŋte qafeŋ‐jopaekac.’
27807	ACT 23:5	Mupie Paulozi ʒiŋuc muwec: “Âgo bureŋ, e taha bapa sâko jukac i mi manahuc dâŋepac. Mitio dâŋ kecʒiŋuc qâreŋkekicne: ‘Go micne bapa mi musâqorec‐jopazemec.’ No dâŋ i manaekopac.”
27994	ACT 28:27	Ŋicguru ʒi jaŋe maŋjeŋic sanaŋkekicne, â hazec‐jeŋic bâzickekicne, â ʒâŋe‐jeŋic hâmonʒambiŋ. Irec ʒâŋe‐jeŋiczi wiac mi hone taraeŋgopieŋ, â hazec‐jeŋiczi wiac mi mana taraeŋgopieŋ, â maŋjeŋiczi wiac mi manasu‐hâmoeŋgopieŋ, ehuc maŋjeŋic mi bârisiepie no wemocko bâpiaŋ‐jopazapo.’